Саранск ошсь

Рувики лопаста
Ош
Саранск
мокшекс Саранск ошсь, эрз.: Саран ош
Храм Казанской иконы Божией Матери (Саранск).jpg Saransk JohnEvangelust2.jpg
Etno Kudo P1010338.jpg Макаровский монастырь Саранск 2023.jpg
Драматический театр Саранск.jpg Passenger electric locomotive EP2К.jpg
Площадь тысячелетия Саранск 2023.jpg
Частонь стрелкатнень шаромаснон коряс: Собор Иняру Феодор Ушаковть собороц, Иоанна Богословонь церькавоц , Макаровскяий Иоанно-Богословскяй монастырсь, «Стриж» поезд , Тысячелетиянь площадсь, Рузонь драматическяй театрась, «Этно-кудо» В. И. Ромашкинонь лемса музейсь, Казанскяй шкайнянь Шкаень Тядять храмоц
Котфоц Содафксоц
Котфоц Содафксоц
54°11′ с. ш. 45°11′ в. д.GЯO
Странась  Россия
Федерациянь субъектсь Мордовия
Потмоста явомац 3 райотт
Оцюнясь Быков, Владимир Викторович (государственнай тевонь вятись)
Историясь и географиясь
Ушетф 1641
Васенцеда лятфневи 1641 кизось
Ош сявомок 1651
Площадсь 81,478 км²
Центрать серец 160 метра
Климатонь типсь умеренна континентальнай
Частонь каркссь UTC+3:00
Эряйхне
Эряйхне ош:↘310 898 (2024)
городской округ:
↘343 767 ломань
Плотностсь 3815,73 ломань/км²
Национальносттне руст, мокшет, эрзят, татархт и лият
Конфессиятне православнайхть, мусульматт-суннитт, лютератт и лият
саранскяряйхть[1]
Официальнай кяльсь Мокшень и эрзянь, рузонь
Цифрань идентификаторхне
Телефоннай кодсь +7 8342
Почтовай индекссь 430xxx
Код ОКАТО 89401
Код ОКТМО 89701000001
Лиятне
Ошень шись 12 июньцта
adm-saransk.ru
Саранск ошсь (Россия)
Точка
Саранск
Red pog.svg
Москва
Саранск ошсь (Мордовия)
Orange pog.svg
Саранск
Blue pog.svg
Саранск
Точка
Саранск
Логотип РУВИКИ.Медиа Саранск ошсь

Сара́нск (мокшекс Саранск ошсь, эрз.: Саран ош) — Россияса ошсь, Мордовия Республикать пря ошец и Саранскяень городской округонь административнай центрась.

Физико-географическяй характеристикац

Географическяй вастоц

Саранск ошсь ащи Приволжскяй сери вастса Восточно-Европейскяй равнинань кучкань пяльксса Инсар ляйть бассейнанц кучкань пялькссонза вирень-степень ланшафтса. Вастти сотнемань звенакс ащи Саранско-Рузаевскяй сюлмафкссь, кона тиевсь республиканскяй и федеральнай значениянь кшнинь и автомобильнай китнень магистральнай линияснон эвондамаснон мархта. Ащи Нижняй Новгородть эзда лямбе ширесонза 250 вайгяльбень маласа. Ошень площадьсь 81,478 км².

Саранск ошсь ащи Мордовия Республикать шинь стяма ширесонза. Москуть эзда виде кить пачк — 500 вайгяльбе, автомобильнай киге  — 642 вайгяльбе[2]. Маластонь региональнай центрась — Пенза ошсь.

Климатсь

Климатсь ошса умереннай континентальнай, тялось относительнайста якшама, кельме и кизось сатомшка пси.

Сембода кельме ковсь — январсь. Тялось Саранск ошса ноябрь ковть ушетксста сявомок мартть пес самс. Сезонць фатясыне 5 кофнень и няфтеви циклатнень вастонь-вастонь полафнемаса. Тя пингста, эвондакшни атмосфернай процесснень инкса, сидеста и оцюда полафни температурась. Сембода алу праф температурась тяшкставсь 1942-це кизоня январь ковста - ульсь −44,0 °C[3].

Сембода лямбе ковсь — июльсь. Кизось Саранск ошса нюрьхкяня и сатомшка лямбе. Шинек-венек кучкастонь температурась +15 °C сяда вяре, пцтай фалу таргави 3 ковонь перьф. Кизонь тя пингста эрсихть Атлантикаста летьке циклонтне, конат кандыхть вишке пизем и атям. Шись валдопты суткаста 10 частт[3]. Абсолютный температурный максимум был зафиксирован в 2010 году, температура воздуха поднялась до отметки +39,4 °C[4][5].

Марнек летьконь лувкссь Саранскяйса ащи 500 мм сереса[2]. Сяда лама летькта прашенды кизонда — 180 мм малава. 1978=це кизоня кизондань колма ковти прась аньцек 280 мм олетькта. [3]. Сембода кржа летькта эрси тялонда — 100 мм малава или сяда кржа. Сембода коськокс ульсь 1944—1945-це кизонь тялось. тя пингста прась марнек 22 мм летьке[3].

Рельефсь

Ошть рельефоц ащи Приволжскяй сери вастса. Ошень эрямань васттнень оцюсна ащихть сери интервалса 125—200 м. Ошень центрань кучкань сери вастсь - 160 м морять уровненц эзда[6].

Геологическяй строенияц

Саранскяйсь ащи вирень-степень ландшафтса.[7]. Геологическяй средась ошть видеса пуроптови каменноугольнай, юрскяй, пуронь и четвертичнай озафксста[2]. Шть видеса келиста нолдаф тевс тяниень пингонь техногеннай озафксне — почердаф грунттне 7,7 метрань малава. Сяда лама суглинкада, конань эса лама строительнай карьхчта[8].

Касыксне

Ошень округса оцю васта занцихть лопав вирьхне. Сидеста васьфневихть тумось, пяшесь, сирексь, сяда шуроста — вадяв и казяма сялихне, ушторсь. Вирь алгонь касыксне бородавчатай бересклетсь, пяштерькссь, пизелкссь, лаймаркссь (руз.) (мок.. Вирьхнень маласа васьфневихть марлюфт, атямарьхть. Келусь васьфневи шуроста, башка ащи шуфтста. Саранск ошень вирьхне ламода остепнённайхт и козят флорань ширде. Сяда шава васттнень эса касыхть южнай кой-кона видтне. Васьфневихть кусторкст: торна, городчатай спирея. Тишень касыкснень ёткса сидеста васьфневихть трвань костецсь, степной тимофеевкась, опушённай овсецсь, снавсь, пейтишесь, цямбар тишесь и лиятне[9].

Эряфонц молемац

Кода сембось ушедсь

Кунара, кунара, коса тяни Саранск ошсь, ульсь аф оцю веленя. Тоса ломаттне якасть охотас, кочксесть медь, касфнесть сёра. Сидеста веленять лангс врьгятнесть вракне — кочевой племенатне, конат сявондезь ломаттнень урекс. Эста и велеряйхне састь мяльс пуромомомс руснень мархта марса. Ломаттне прафнесть-веляфнесть шуфтт, штоба перямс врагть кинц, тиендсть засекат и острокт.

Савва Козловскяй воеводась ёрась тиемс крепость тоса, коса васетькшнесть кафта ляйхть: Саранка и Инсар. И острогсь кармась лемневома Саранск. Ульсь тя 1641-це кизоня. 25 кизонь ётазь Саранскяй острогса служась 560 ломань: пушкарьхть, стрелецт, и коннай казакт. Синь аралакшнезь государствать границанзон, тюрсть кочевникнень мархта, строясть крепостной стенат и сооруженият. Марса тюрсть кочевникнень каршес и русне руз. русские, и мокшетне руз. мокшане, и эрзятне руз. эрзяне, и татархне руз. татары.

Этимологияц

Лемть эвондамац сотф эрз.: сара гидронимть мархта — «оцю шяй васта». тя вастса «Сарлей» лейть шудема ушедома вастстона (тяниень Саранка ( Инсар ляйть шудерьксоц)) ульсь стятфтф ваксарош, конань лемоцоль «Саранский острожек». Тяниень эсь лемонц Сарансяйсь получазе 1780-це кизоня, улемок уезднай ошкянь лаца[10].

XVII вексь и ошть эвондамац-ладямац

1651-це кизоня Саранскяйсь кармась лемневома уезднай ошекс. Сон арась округонь административнай центракс. Ся пингти эсонза эрясь 1500-да лама ломань.

Саранск ошть стариннай гербсонза няфтьф сиянь руз. серебряный паксяса якстерь келазь руз. лиса и колма налхт руз. стрелы. Тя азонды сянь колга, што охотась улендсь кельгома тевкс тястонь эряйхненди. Ся кунардонь пингть Саранскяйсь ащесь и вярде вастса, и алува. Ляйсь явонкшнезе ошть кафту. Вярдень вастса ульсь воеводскяй канцеляриясь, судсь, казначействась, кевонь лавкась, церькавсь. Алудонь вастса эрясть крестьяттне, ремесленикне, купецне. Ошсь вишкса кассь и келемсь. Кда эряфонь кистонза эсонза ульсь 142 куд, то XVIII-це векть песта строяфоль кевонь 4 кутт и 1248 шуфтонь куд.

Саранск ульсь ушетф 1641-це кизонякода аф оцю шуфтонь крепость Рузонь царствать лямбе шинь стяма ширесонза.

XVIII векста сявомок XX векть самс

Гербсь (1781 к.)

1708-це кизоня Петра I азорондаманц пингста воеводскяй управлениясь полафтовсь губернаторскяйс, а Русскяй царствань модатне явовсь 8 оцю губерниява. Васендакиге Саранск ошсь ульсь Азовскяй губерниять видеса, аньцек уш 1711-це кизоня сон кандовсь Казанскяйти. 1719-це кизоня тиевсь полафтома  — губерниятне явовсь провинциява. Саранск ошсь сувафтовсь Казанскяй губерниянь Пензенскяй провинцияв.

XVIII-це векть ушедоманцты Саранскяйсь пцтай ёфси юмафтозе военнай значениянц. Шуфтонь крепостсь пяк таштомсь и ванокм военнай чиновникне тяшкстазь, што сонь педа-пес эряви петемс. Саранск ошсь саворне арась ремесленнай и мишендемань-рамамань ошекс (тиендевсь и мишендевсь  — сёра, мушка, нарде шуфта, кедь, сиволь, медь). Тянди лездсь географическяй цебярь вастсь  — ошсь ащесь оцю гужевой тракттнень ки рашкса, конат сотнезь Астраханьть Москуть мархта, а Крымть Казаньть мархта.

XVIII-це веконь историческяй мяляфтови событиякс арась 1774-це кизоня июль ковста Россияса Сокаень-видиень войнань предводителенц Емельян Пугачёвонь Саранск ошса лоткамац. 26-це июльста повстанецнень представительсна яицкяй казаконь атаманц Ф. Ф. Чумаков сась ошу 30 верховой казак мархта и пачфтсь указ, конань коряс эрявсь анокламс «Петр III государти» (кода лемнезе эсь прянц Пугачёв) цебярь васьфтема. Омбоце шиня народсь, а тяфта жа ошень содаф ломаттне тястонь монастырень архимандритть мархта Инсар ляйть трваса васьфтезь Пугачёвонь войсканц, кона сась ошу Инзерскяй острогть ширеста, крёз и кши-сал мархта. Торжественна молебнада меле ошень эряйхне макссть «государти» верностень присяга. Саранск ошса ащемста Пугачёв нолдась сокай-види ломаттненди воляшить каземанцты манифест, макссь приказ нолдамс ошень тюрьмаста арестанттнень ёткса крестьяттнень, дворовайхнень и покоди ломаттнень, а тяфта жа ошень утомста ашуфненди явсь сёрот и салхт. Ётафневсть военнай коллегиянь пуромкст, казниндавсть ламонц дворяттне, чинивникне, купецне и церькавса служайхне. 1774-це кизоня 30-це июльста шобдава Пугачёвонь войскац кадозь Саранскяйть и тусть Пенза ошть шири. Шида меле Саранск ошу царскяй карательнай войскань отряд мархта сась Меллин графсь и пякстазень ошень воедодать, конань путозе Пугачёв, а тяфта жа сембе «васьфтихнень».

1785-це кизоня Екатерина II кемокстазе Саранск ошть строяманц коряс од планть, слободатнень полафтозь квартал и площадь мархта куронь прямоугольнай сеттне[11].

1780-це кизоня Саранскяйсь сувафтовсь Пензенскяй губерниять (руз.) (мок. ёткс. 1797-це кизоня кандовсь Симбирскяй губернияти. XIX векть ушетксста Саранск ошень эряйхнень лувкссна 7,4 тёжятть ломань.

1801-це кизоня сентябрь ковтса Саранскяйсь меки сувафтовсь Пензенскяй губернияти.

1812-це кизоня Отечественнай войнать ушедксста Саранскяень уездса пуроптовсь народнай ополчениянь отряттнень эзда фкясь, кона сувафтовсь пехотнай 1-це полкть составс. Мзярда ополченецнень кармасть вятнема присягати, Саранскяйса и Инсарса кеподевсть восстаният, конатнень эса ульсть малава 5 тёжятть ломань (руз.) (мок.. Сокайхнень-видихнень лувксста ополченецне вешсть, штоба синь и синь семьясна нолдавольхть крепостной правать эзда, сяс мес синь молихть Отечествать инкса веронь валома. Восстаниясь лоткафтовсь. 1813-це кизоть ушетксста полксь лиссь походс, сон макссесь воля французскяй войскатнень эзда Дрезден, Магдебург и Гамбург ошненди.

Васенце станциясь (1893 кизось)
Саранск ошсь (XX векть ушетксста)
Успенская 1-це курось, 1905 и 1934 кизотнень
Московскяй курось, 1910 и 1911-це кизотнень.

XIX-це векть песта Саранскяйть пачк ётась Московско-Казанскяй кшнинь кинь линиясь (железнодорожнай станциясь кармась покодема 1893-це кизоста сявомок),мезсь лездсь цебярьгофтомс крайть экономическяй и политическяй эряфонц. Сяка, промышленностень центракс ошсь ашезь ара, экономикац ульсь аф оцю товарнай, коса васенце вастса ащи велень хозяйствань секторсь.

XIX-це векста Саранск ошса эвондась К. А. Макаровонь лемса живописнай школась (1828), ошень банксь (1844), аф оцю васенце электростанциясь (1886), ярмак лангс публичнай библиотекась (1893), питнефтома народнай библиотекась (1899). Векть песта ошса ульсть тонафнемань 10 заведеният. Эряйхнень марстонь лувкссна 14 тёжятть лама ломань.

1817-це, 1852-це и 1869-це кизотнень  лиссть колма оцю пожархт, конатнень эса толсь машфтсь кафта сятта лама куд[12]. Ошсь вишкста строявсь оду, сяка, зданиятнень оцюсна ульсть шуфтонь мянь XX-це векть кучкас.

1893-це кизоня, Саранскяйень станциять пачк кшнинь кинь состафнень якамаснон ушедомснон мархта, строявсь Саранск ошень кшнинь кинь вокзалть васенце зданияц.

XX-це векть ушетксста Саранскяйса, кода и Россиянь лия аймакса, эвондась рабочаень движения. Ошса ётнесть стачкат и забастовкат, эвондакшнесть покодиень аф легальнай кружокт. 1906-це кизоня июльста лиссь восстания, коса ульсь пцтай 200 ломань, сонь лоткафтозе полициясь.

1904-це кизоня ошень интеллигенциясь пуроптсть изящнай искусствань кельгиень общества, кона тись оцю путфкс ошень культурнай эряфти. Обществав сувсихне вятьсть культурно-просветительняй покодема, путнесть благотворительнай спектакльхть, 1914-це кизоня мяль-арьсема коряс панжевсь ошень паркть видеса общественнай васенце кинотеатрась.

Советскяй пингсь

Ленинонь проспектсь, 1983 кизось
Гербсь (1967 кизось)

1917-це кизоня 3-це мартста (сире стильть коряс), Николая II атказаманц меле, Саранскяйса лоткафтозь эсь покодемаснон царскяй администрациянь оргаттне, властьсь аф ламос ётась ошень головать председательстванц ала исполнительнай комитетти. Тяка кизоня тунда ошса эвондасть покодиень и солдатскяй депутатонь, видиень-сокаень депутатонь советт.1917-це кизоня 8-це декабрьста ошса ладявсь советскяй властсь.

Гражданскяй войнань кизотнень Саранск ошсь ульсь Якстерь Армиянь воинскяй частень формированиянь центратнень эзда фкякс, тяса покодсь Восточнай 1-це фронтонь мобилизационнай отделсь. 1919-це кизоня апрельста сявомок авгус ковть самс, Колчаконь армиянц врьгятнеманц пингста, Саранскяи ётафтовсь Башкирскяй военно-революционнай комитетсь.

Войнась кандсь вачаши, ащельхть покодема вастт, производствась кирьфтась. Ламонц Саранск ошень предприятиятнень покодемаснонды ашель уштомбяль и сырья. Нльня тяфтама стака пингть ошень культурнай эряфсь мольфтевсь: панжевсть просвещениянь покодиень куд, рабочай клуб, 1918-це кизоня кочкавсь краеведческяй музейсь.

1927-це кизоть самс оду кеподевсть предприятиятнень и мастерскойхнень оцю пялькссна, а тяфта жа панжевсть одт. 1930-це кизотнень ошть юронь оду строямац. 1935-це кизоть самс 45 куротненди нолдавсь электричества. 1927-це кизоста сявом 1940-цети молемс Саранскяйса промышленнай продукциянь нолдамань лувкссь кассь 50 лама крда. Вииясь здравоохранениясь, образованиясь, культурась. 1930-це кизоня ушедозе покодеманц рузонь, мокшень и эрзянь кяльхнень эса радиостанциянь вещаниясь.

1928-це кизоня 16-це июльста Саранск ошсь арась Средне-Волжскяй областть видеса Мордовскяй округонь центракс. 1930-це кизоня 10-це январьста — Мордовскяй автономнай областень центракс, а 1934-це кизоня 20-це декабрь ковста  — Мордовскяй АССР-нь столицакс.

Великай Отечественнай войнать пингста Саранскяйса пуроптовсь 326-це стрелковай Рославльскяй Краснознамённай дивизиясь. Ошень предприятиятне тисть армияти продовольствият, боеприпаст, щапт, транспортнай средстват. Ламонц предприятиятне и учреждениятне арасть ранендаф боецненди эвакогоспиталькс. 1941-це кизоня ушедозе эсь покодеманц механическяй заводсь, 1944-це кизоня Саранскяи ётафтовсь Саратовскяй областень калгода преобразователень заводсь (сай пингонь «Электровыпрямительсь»). Пцтай 17 тёжятть ошень эряй тюрсть Великай Отечественнай войнань фронттнень эса, 8 тёжятть ламось эздост шавовсь.

Войнада меле ошса ладявсть промышленностень од отраслятне: электротехническяйсь, машиностроительнайсь, медицинсяйсь, ярхцамбялень промышленносттне, строительнай материалонь производствась. Тяфта, 1950-це кизотнень тиевсть железобетоннай конструкциянь, асфальтобетоннай, инструментальнай, кабельнай, кирпичнай, мотовозоремонтнай, электроламповай, приборостроительнай, экскаваторнай, автосамосвальный заводтне, медпрепаратонь заводсь, декоративнай котфонь фабрикась, сиволень комбинатсь. Тяка пингть кочкавсь ошень центрась: Гражданскяй курось (тяни Ленинонь проспектсь ) Советскяй площадьсь сотовсь кшнинь кинь вокзалть мархта. Тяса путовсть эрямонь 4 этажса зданият, руководящай колхознай кадрань школа, Союзонь Куд (С. О. Левков, 1957 кизось), политпросвещениянь куд (С. О. Левков, 1953 кизось), музыкально-драматическяй театра (М. С. Гельфер, 1961 кизось), тифт аф классическяй лаца. 1950-це кизотнень песта кемокставсь утилитаризмань и минимализмань эстетикась, а микрорайононь планировкаса и зданиянь архитектураса оцю васта занци функциональностсь. Тяфта арьсевсь ошса эряма васттнень мархта прябалась; 1959-це кизоня эряма вастонь площадьсь ульсь ломанти 3,7 м².

1960-це кизоня ушедовсь ошень эрямань од райоттнень строямасна: северо-западнай (тяниень пингть Светотехстройсь) и юго-западнай. Саранск ошсь сувафтовсь газоснабжениянь системати Саратов — Горький газопроводть лезксонц вельде. 1965-це кизоня ошса эвондасть васенце троллейбустне. Поладовсь Саранск ошень промышленнай и культурнай ширензон виияфтомаснон коряс покодемась. XX-це веконь 1970—80-це кизотненди ошсь арась индустриальнай центракс.

Тяниень пингоц

Гербсь (1994 к.)
Гербсь (2005 кизоста сявомок)

XX-це векть песта Саранск ошса тиевсть экономическяй и политическяй оцю полафтомат.

1990-це кизоня 7-це декабрьста Мордовскяй АССР-сь арась Советскяй Социалистическяй Мордовскяй республикакс, Саранскяйсь лядсь сонь столицакс. 1991-це кизоня ошсь арась Мордовия Республикань столицакс.

Предприятиятне ульсть аф анокт рыночнай экономикати, сяс ошень социально-экономическяй вииямась-касомась лоткафтовсь. Пцтай сембе предприятиясонза кирьфтавсть кадратне, кирневсь покодеманкса пандомась, кассь работафтома ломаттнень лувкссна. Стака пингсь токазень здравоохранениянь, образованиянь, культурань и лия учреждениятнень.

2000-це кизоть ушетксста экономическяй кеподемась, кона няевсь сембе Россияса, токазе и Саранск ошть. Цебярьгофтовсь ошень инфраструктурась. Строявсть «Юбилейнай» од стадионць, эряманди мзярошка оцю кварталхт, гостиницат и лия объектт. Мольфтеви кольцевой кафта китнень и Николаевкать ёткова виде трассать строявомасна, тяфта жа ошень центральнай Полежаевонь куроса.

19-це июльста 2007-це кизоня Мордовияса ётась «Шумбрат, Финно-Угрия!» народъётконь фестивальсь. 12-це июньцта 2011-це кизоня ошть эвондамань шистонза 370 кизонь топодемать праздновандомац[13], а 2012-це кизоня август ковста 23-це шиста сявомок 25-ти самс тяшкставсь Россиянь нароттнень мархта мокшэрзянь ломаттнень марс пуромомаснон 1000 кизонь топодемац.

Саранск ошса сидеста ётафневихть спортивнай эрь кодама илат. 2011-це кизоня 8-це и 9-це сентябрьста ётась «Россия — спортивная держава» народъётконь спортивнай форумсь. 2012-це кизоня май ковста ошса ётась ИААФ-нь спортивнай якамань коряс миронь 25-це кубкась, кона пуроптсь 62 странаста саф участникт, лувкссна арась рекорднайкс. 2012-це кизоня 29-це сентябрьста Саранскяйсь официальна сувафтовсь ошень лемлувксс, коса ётафтовихть 2018-це кизоня футоболть коряс миронь чемпионатонь налхкоматне.

Ушедомок 2004-це кизоста Саранск ошсь ульсь «Россиянь сембода цебярьста тиф ошсь» марнек Россиянь пялькстомаса. Тя пингть перьф ошсь нилексть ульсь II-це и III-це степенень дипломонь сяськикс. 2012-це кизоня пялькстомаса Саранск ошсь сявозе васенце вастть и 2011-це кизоть итогонзон коряс васенце категориянь ошнень ёткса Саранскяйсь лемдевсь «Россиянь инь цебярьста тиф ошсь» лемса.[14].

2017-це кизоня Саранскяйса эвондась Россияса васенце проспектсь, кона лемдевсь Российскяй армияти. Ноябрь ковонь сессияса Саранск ошень депутатонь Советсь явссь мяльса Юбилейнай проспектть лемдемс Российскяй Армиянь проспектокс. Сон ащи «Юбилейнай» микрорайонть кувалмова и лиси «Мордовия Арена» стадионтти, коса 2018-це кизоня ётась футболть коряс Миронь Чемпионатть налхкомац[15].

2018-це кизоня июньцта 14-це шиста сявомок 28-це шить самс Саранск ошсь «Мордовия Арена» стадионца примась футболть коряс миронь чемпионатонь ниле матчт.

Эряйхне

Саранскяень колма районца русне, мокшетне, эрязтне, татархне (подчинённай населённай пунктонь) %, 2010-це кизонь эряйхнень лувомасна
Эряйхнень лувкссна
1856[16]1897[17]1913[18]1926[19]1931[20]1933
5400↗15 000↗16 800↘15 000↗20 221↗28 500
1939[21]1959[22]1967[23]1970[24]1973[25]1975
↗41 146↗91 034↗154 000↗190 575↗214 000↗242 000
1976[26]1979[27]19821985[28]1986[29]1987[30]
→242 000↗263 337↗286 000↗297 000→297 000↗323 000
1989[31]19901991[32]1992[33]1993[34]1994[35]
↘312 128↗316 000↗320 000↗322 000↘321 000↘320 000
1995[36]1996[37]1997[38]1998[39]1999[40]2000[41]
→320 000→320 000↘319 000↘318 000↘316 600↘314 800
2001[42]2002[43]2003[44]2004[45]2005[46]2006[47]
↘313 200↘304 866↗304 900↘301 500↘299 200↘297 100
2007[48]2008[49]2009[50]2010[51]2011[52]2012[53]
↘295 400↘295 300↗296 054↗297 415↘297 400↗297 924
2013[54]2014[55]2015[56]2016[57]2017[58]2018[59]
↗298 287↗299 195↗302 285↗307 698↗314 789↗318 841
2019[60]2020[61]2021[62]2023[63]2024[64]
↘318 578↗320 612↘314 871↘312 252↘310 898
100 000
200 000
300 000
400 000
1913
1959
1976
1987
1993
1998
2003
2008
2013
2018
2024

2021-це кизоти  эряензон коряс Саранскяй сатнесы 63-це вастть Российскяй Федерациянь ошень лемлувксса.

Административнай ладяфксоц

Административнай явомац

Саранскяйть аймаконза

  Ленинскяй

  Октябрьскяй

  Пролетарскяй

Саранск ошсь явови колма районга:

  1. Ленинскяй 103 628[65]),
  2. Октябрьскяй,
  3. Пролетарскяй (90 565[65]).

Ошсь аф официальна явондови колма районга, ёмла районнава, эряма вастова.

Азорондай оргаттне

Саранск ошень оцюнять зданиеяц

Саранск ошень округти инь оцю азоркс ащи оцюнясь, кона кочксеви вете кизос Саранскяень депутатонь советонь сессияса.

19-це июньцта 2012-це кизоня Саранск ошень Администрациянь оцюнякс арась Пётр Николаевич Тултаев.

1-це ноябрьста 2016-це кизоня Пётр Тултаев кочкавсь Саранск ошень округонь Оцюнякс. 2021-це кизоня 24-це сентябрьста Мордовия Республикань Госсобраниянь депутаток арамать сюнеда пингта инголе валхтозень эсь лангстонза Саранкс ошень округонь оцюнять полномочиянзон.

29-це декабрьста 2021-це кизоня Саранскяйень депутатонь советонь котоце сессиянь сисемце созывсонза Саранск ошень округонь оцюнякс кочкавсь Игорь Юрьевич Асабин.

17-це июльста 2024-це кизоня Саранск ошень советонь депутаттне примазь Игорь Асабинонь валгоманц [66].

14-це апрельста 2025-це кизоня Саранск ошень оцюнякс арась Быков, Владимир Викторович (государственнай тевонь тиись).

Саранск ошса ули Республикань куд — Мордовиянь Оцюнять и Республикань Правительствать резиденцияцсна.

Лия масторхнень мархта сотксне

Саранскяйть ниле ошенза-побратимонза[2]:

  • Болгария Ботевград, Болгария (1979 кизоста сявомок.)
  • Белоруссия Калинковичи, Белоруссия.

Войнать пингста, 1944-це кизоня 14-це январьста, Калинковичатнень ваксса Калинковичско-Мозырскяй операциянь пяшкодемста шавовсть Мордовияста 50 солдатта.

Ошнень-побратипнень лемс Саранскяйса улихть колма курот: Ботевградскяй (Центраса), Гожувскяй (Химмашса), Серадзскяй (Юго-Западса). Христо Ботевонди - болгарскяй поэтти и патриотти Ботевградскяй куроса путовсь памятник, строявсь «Ботевград»мишендемань-рамамань комплекссь.

Саранка ляйть трванц ширде няемац, 2010 г.
Вид на набережную реки Инсар, 2020 г.
Фонтан «Каменный цветок» перед зданием Государственного русского драматического театра Республики Мордовия

Мишендиень ош

Пингонь ётазь Рузонь государствать границанза келемкшнесть юг шири. Тя вятсь сянди, што Саранскяйсь ош-крепостьста арась торговай и ремесленнай ошекс. Эзганза ётнесть кунардонь сухопутнай китне-тракттне, куване лямбе ширде сашендсть купецне Нижегородскяй ярмаркав, а тяфта жа ардсть Моску и Казань ошненди.

Эрь кизоня Саранск ошса кармасть ётафнема ярмаркат. Тяза кармасть сашендома мала ёмла и оцю велетнень эзда ломаттне. Сашендсть лия ошнень эзда купецть, конат мишендезь эсь паршиснон и рамсесть мокшэрзянь паршихть. Ярмаркать кучкаса обязательна ульсь цирк. Циркть ваксса ульсть карусельхть, налхксесь-морась шарманкась. Сембе Россияти содаф Саранск ошста Корнилов вии алясь. Саранск ошу сашендсть Иван Заикин и Иван Поддубный вии алятне.

Экономикась

Промышленностень вяти отрасльсь — машиностроениясь, няфтьфт электротехническяй и автомобильнай подотрасльхне. Мала райцентрань промышленностсь (Лямбирьсь, Кочкуровась, Ичалкись) лама заняф велень хозяйствань сырьёть переработканц мархта[7].

Промышленностень основной отраслятне
  • машиностроениясь, металлообработкась и приборостроениясь (ООО «Саранский завод точных приборов», «Медоборудование», «Орбита», Саранский приборостроительный завод, «Сарансккабель», ООО «ЭМ-Пласт», «Сура», «Электровыпрямитель», ПО «Искра», Саранский механический завод);
  • светотехническяй промышленность ООО «Лисма», АО «Оптиковолоконные Системы»;
  • электроэнергетикась (ОАО «Концерн „Мордовская ГРЭС“», Саранская ТЭЦ-1, Саранская ТЭЦ-2, филиал ПАО «Россети Волга» — «Мордовэнерго»);
  • цветной металлургиясь (ООО «Мордоввторсырьё», алюминиевай вторичнай сплавонь нолдамась);
  • равжа металлургиясь (ООО «ВКМ-Сталь» (ранее известный как ГУП «Саранский литейный завод», не производит продукцию чёрной металлургии), входит в состав холдинга РМ Рейл (RM Rail));
  • химическяйсь (ОАО «Биохимик», ОАО «Саранский завод „Резинотехника“»);
  • станоконь тиемань(ОАО «Станкостроитель»);
  • РЛС-нь нолдамась «Воронеж-ДМ» (ОАО «Саранский телевизионный завод»);
  • вирень и шуфтонь обрабатывающай промышленностьсь (ГП «Мордовлестоппром», ОАО «Мирта» (мебель), ООО «ОРИМЭКС» (столы и стулья из дуба), «Теплоизоляция»);
  • стройматериалонь нолдамась (ОАО «ЖБК-1», ОАО «Саранский завод лицевого кирпича»);
  • тёждя промышленность (ОАО «Саранская швейная фабрика», «Сартекс», «Мордовские узоры»);
  • ярхцамбялень промышленность (ОАО «Консервный завод „Саранский“», саранский филиал ОАО «САН ИнБев» (производство пива), ОАО «Мордовспирт», кондитерская фабрика ОАО «Ламзурь», масло- и молокозаводы (ОАО «Молочный комбинат „Саранский“»), ОАО «Саранский комбинат макаронных изделий», АО «Хлебозавод», ЗАО «Мясоперерабатывающий комплекс „Саранский“» и др.).

Экономикань высшай школань эрь кизонь Российскяй Федерациянь субъекттнень инновационнай касомаснон 2016-це кизонь рейтингса, Мордовиясь занцесы 4 вастть, лядондомок аньцек Татарстанти, Москути и Санкт-Петербургти.Ламода тяфтама сатфксонди лездсь регионца волоконнай оптикань и светотехникань промышленнай кластеронь виензамась[67].

2025-це кизоня сентябрь ковста Мордовиянь оцюнясь Артём Здунов макссь питне Саранскяйса башка экономическяй зонать виияфнеманцты[68].

Шумбрашинь ванфтомась

Ошса 65 амбулаторно-поликлиническяй учреждения, 34 пеень пчкафтомань клиника, Эрь кодама профилень 9 диспансерхт, курокстонь лезксонь 6 станцият[69].

2019-це кизоть самс шумбрашинь ванфтомась ошса касы кой-кона показательхнень коряс, ляткшни инь цебярькс Россияса. 2012-це кизоста сявомок эрекста одкстопневи медицинскяй оборудованиясь и мольфтеви населениять диспансеризациянц цебярьгофтоманц коряс программа, строявихть медицинскяй лезксонь од зданият и одкстопневихть ташттне[70].

Спортсь

«Мордовия Арена» стадионць

Ошса улихть тяфтама оцю спортивнай объектт, кода спортонь Республиканскяй дворец, Ледовай дворец, «Мордовия» спорткомплекс, Леонид Аркаевонь лемса гимнастическяй центра, спортивнай и фитнес-клупт, спортивнай залхт и секцият. Ошть ащихть оцю стадиотт: «Старт» и «Мордовия Аренась». Объекты:

  • Саранск Арена
  • Тёждя атлетикать коряс Олимпийскяй резервань спортивнай школа (вельхтяф футбольнай манеж 105×68 м пакся мархта.);
  • «Мордовия» спортивнай комплекс;
  • Мордовия Республикань эень дворецсь;
  • ОАО «Дворец Спорта»;
  • «Олимп» спортивнай комплекс;
  • «Формула С» спортивно-развлекательнай комплекс;
  • Шамиль Тарпищевонь лемса тенниснай центрась;
  • Мордовия Республикань Лыжно-биатлоннай комплекссь;
  • «Старт» стадионць;
  • Ведень спортонь видонь дворецсь;
  • «Саранск» стадионць;
  • ГБУ РМ ДОД «Специализированная детско-юношеская спортивная школа олимпийского резерва имени П. Г. Болотникова» (виды спорта: Лёгкая атлетика, бильярдный спорт, шорт-трек).
  • Олег Маскаевонь лемса боксонь школась;
  • 45 тёжянь ваныенди стадион «Мордовия Арена», 2018 кизоня футболть коряс миронь чемпионатта меле васттнень лувкссна — 30 тёжянь[71];
  • Л. Я. Аркаевонь лемса гимнастическяй центрась;
  • Алашань спортивнай комплекс;

Масторлангонь чемпионатсь футболть коряс 2018

Россиянь Банкть ярмакоц, лемтьф 2018-це кизоня Саранскяйса футболть коряс миронь чемпионатть ётафтоманцты

2018-це кизоня 14-це июньцта — 15-це июльста 2018-це Россиясь ульсь футболть коряс масторлангонь чемпионатть эса[72]. Саранск ульсь Россиянь 11 ошнень ёткса, конат прняндазь тя пяк оцю турнирть. Мордовиять пряошец арась сембода ёмла эряйхнень лувксснон коряс чемпионатонь ошекс-пуроптыкс . Тянкса ульсь стяфтф стадион, панчфт од кит и транспортонь кирашкт, гостиница и отельхть, одкус петьф аэропортсь и цебярьста ладяфоль общественнай транспортть якамац.

Мордовия Арена стадионца ётафтовсть ниле матчт групповой стадиянь:

Саранск ошть тяниень пингоц

1930-це кизоня Саранск ошсь — Мордовиять административнай центрац.

Тячи Саранск ошсь явф пяльксова: Центрась, Светотехникась, Юго-Западсь, Химмашсь, ТЭЦ-2.

Саранск ошсь — промышленнай ош. Тяса кемотть завотт: «Резинотехника», «Биохимик», кабельнай, экскаваторнай, автосамосвальнай и лият, кондитерскяй фабрика, конань продукцияц содаф сембе Россияса.

Саранск ошсь — студентонь ош.

Тяса ули Н.П. Огарёвонь лемса Мордовскяй государственнай университетсь, М.Е. Евсевьевонь лемса Мордовскяй государственнай педагогическяй университетсь, лама техникумда.

Саранск ошсь — спортонь ош

Минь ломаненьконь Алексей Мишинонь, Денис Нижегородовонь, Ольга Каниськинать и лиятнень лемсна содафт аф аньцек шачема масторсонк, но и лия вастса.

2014-це кизоня Дужников кандозе олимпийскяй толть сочинскяй Олимпиадань эсь шачема ошсноза Саранскяйса[73] Саранск ошсь — культурань центра. Тяса лама библиотекада, музейда, паркта и культурань кудта, театрада. Синь ётксост Мордовия Республикань государственнай Рузонь драматическяй театрась (руз. Государственный русский драматический театр Республики Мордовия), И. М. Яушевонь лемса государственнай музыкальнай театрась руз. Государственный музыкальный театр им.И.М. Яушева, Мокшэрзянь национальнай драматическяй театрась (руз. Мордовский государственный национальный драматический театр), «Крошка» актёронь и някань театрась руз. Театр актёра и кукол "Крошка", Саранск ошень од ломанень театрась руз. Молодежный театр города Саранска, МХАТик" театрась-студиясь. Саранск ошса лама памятникта: Н. П. Огарёвонди, С. Д. Эрьзянди, А. С. Пушкинонди, Никоноди, Ф. Ф. Ушаковонди и лия содаф ломаненди. 1899-це кизоня Саранск ошса паркти максф А. С. Пушкинонь лемоц.

Саранск ошса лисендихть колма кяльса газетат и журналхт. Мокшень кяльса: Мокшень правда газетась, Мокша (журналсь) , Якстерь тяштеня (журнал) руз. "Красная звёздочка" идень журналсь; эрзянь кяльса: «Эрзянь правда» газетась, «Сятко» руз. "Искра" журналсь, «Чилисема» руз. "Восход" идень журналсь, рузонь кяльса «Известия Мордовии», «Столица-С», «Вечерний Саранск», «Сударушка», «финно-угорский мир» газетатне. Телевиденияса улихть мокшень и эрзянь кяльса передачат: «Сияжар», «Од пинге» руз. "Новое время", «Вал» руз. "Слово" и лият.

Советскяй площадьса стяфтф «Мать-Мордовия» монументсь, коса национальнай щамса тядясь бславасы эсь цёранц Шачема масторть аралама. Саранск ошса ули памятник воиттненди-интернационалисттненди, семьяти.

Саранск ошса ётафневихть эрь кодама фестивальхть и илат, кепотьксонди эрь кизоня ётафневи «Шумбрат, Мордовия» илась; март ковста «Морак, гармония» руз. («Играй, гармонь!») — Республиканскяй народнай творчествань пялькстомась; декабрьста — «Вместе мы сможем больше» — Художественнай творчествань республиканскяй инклюзивнай фестивальсь; апрельста — «Од вий» руз. («Новая сила») — Мокшень и эрзянь эстраднай моронь республиканскяй фестивальсь; декабрьста — «Сурский рубеж» — Военно-патриотическя моронь республиканскяй фестивальсь; февральста — Афганонь меквайгяль руз. (Афганское эхо)" Военно-патриотическя моронь республиканскяй фестивальсь; августста — «Тев» руз. («Дело») — Межрегиональнай выставкась — народнай художественнай эрь кодама тевса маштомошинь паршиень коряс ярмаркась;

12-це июньцта Саранск ошть шачема шиц. Тя шиня ошть эрь кодама уженяванза ётафневихть концертт, ёмла иттненди эрь кодама конкурст.

Архитектурась и мазы васттне

Великай Отечественнай войнать пингста Саранскяйсь ульсь тыловой ошекс и боевой тевтиематне сонь ашезь тока, но эсь историянц пингста ульсть кой-мзяра оцю паломада, а тяфта жа советскяй и постсоветскяй кизотнень оцю полафтомада.Тянь сюнеда ошса ванфтовсь революцияда ингольдень кржа историческяй здания.

Архитектурань мялмгефт

  • Иоанн Богословонь церькавоц (1991—2006 кк. — Саранскяй епархиянь кафедральнай соборсь);
  • Колма святителень церькав (XVIII-це веконь омбоце пялькссь);
  • Каменицкяень воеводать кудоц (XVII-це векть пец — XVIII-це векть ушеткссоц), сяда содаф кода «Пугачёвскяй палатка» (преданиять коряс, тяса Емельян Пугачёв тиендсь пиравама; палаткать сери крыленцястонза лувовсь сон «царскяй манифестонза»);
  • Мирликийскяй Архиепископонь, Иняру Николаень церькавсь[74].
  • Иоанн Богословонь церькавоц

    Иоанн Богословонь церькавоц

  • Каменицкяень воеводать кудоц

    Каменицкяень воеводать кудоц

  • Никольскяй церькавсь

    Никольскяй церькавсь

  • Винань складонь зданиясь

    Винань складонь зданиясь

Ошть мялмгевсьонзон ёткса шарфтома мяль:

СССР-нь почтовай марка. 1964 к. Советскяй стратонавттнень колга мялямть ванфтоманкса. Саранскяйса стратонавттненди мялямгевсь.
  • Стратонавттненди мялямгевсь (Саранск), лемтьф 1934-це кизоня Саранск ошть эзда аф ичкозе «Осоавиахим-1» стратостатть шавф экипаженц;
  • Васенце Мировой войнань солдаттненди мялмгевсь;
  • «Сембе пингс Россиять мархта» мялямгевсь. Мокшэрзянь народть Россияса рузонь и лия нароттнень мархта лама веконь ялгаксшинц лемс;
  • Николай Платонович Огарёвонь поэтть-революционерть лемс мялмгевсь;
  • Рузаевка велеса шачф поэтть А. И. Полежаевонди мялямгевсь;
  • Российскяй флотонь адмиралти Ф. Ф. Ушаковонди мялямгевсь;
  • Саранск ошень ушедыхненди мялямгевсь;
  • Никон Патриархти мялямгевсь Москувонь и Сембе Русень котоце патриархть 401-кизонь топодеманц лемс (1652-це кизоста сявомок 1666-це кизоть самс);
  • А. С. Пушкинонди мялямгевсь;
  • Кирилл и Мефодиеннь инь аруфненди мялямгевсь;
  • Мордовиянь воиттненди, конат шавовсть 1941-це — 1945-це кизоня Великай Отечественнай войнаса мемориал;
  • Политическяй репрессиятнень эзда юмафнень-арафнень мялямгевсь;
  • C. Д. Эрьзянди мялмягевсь, кона панжевсь 1996-це кизоня 4-це ноябрьста скульпторть шачема шиста 120-це кизонь топодемати;
  • Культурологть Михаил Бахтинонь 120 кизонцты мялямгевсь;
  • Н. П. Огарёвонь лемса Мордовскяй государственнай университетса лама пинге покодсь содаф филологсь и философсь М. М. Бахтин.
    • Е. И. Пугачёвонд мялямгевсь

      Е. И. Пугачёвонд мялямгевсь

    • Васенце мировой войнаса шавф воиттненди мялямгевсь

      Васенце мировой войнаса шавф воиттненди мялямгевсь

    • Мемориал Мордовиянь воиттненди, конат шавовсть Великай Отечественнай войнань кизотнень

      Мемориал Мордовиянь воиттненди, конат шавовсть Великай Отечественнай войнань кизотнень

    • C. Д. Эрьзянди мялямгевсь (1996, скульпторсь Н. М. Филатов, архитекторсь В. В. Годунов)

      C. Д. Эрьзянди мялямгевсь (1996, скульпторсь Н. М. Филатов, архитекторсь В. В. Годунов)

    Фонтатт

    • Мордовиянь тяште (руз. Звезда Мордовии)
    • Адажио (руз. Адажио )
    • «Сембе пингс Россиять мархта» фонтаннай комплекс (руз. Фонтанный комплекс «Навеки с Россией» )
    • Кевонь панчф (руз. Каменный цветок )
    • Авакшкя (руз. Одуванчик )
    • Торнадо (руз. Торнадо )
    • Мокшэрзянь национальнай драматическяй театрать ваксса фонтан
    • Фонтанонь валгома
    • А. С. Пушкинонь лемса культурань и ваймамань паркса фонтан
    • Саранка ляйса фонтаннай комплекс

    Массовай информациянь средстват

    Телевидениясь

    РТРС-1 и РТРС-2 мультиплексонь сембе 20 каналхне; Радиоканалонь пакетти сувафтовихть: «Вести FМ», «Радио Маяк», «Радио России / ГТРК Мордовия».

    • РТРС-1 телеканалонь пакетти (телевизионнай 43 канал , 650 МГц частотась ) сувафтовихть: «Первый Канал», «Россия 1 / ГТРК Мордовия», «Матч ТВ», «НТВ», «Пятый Канал», «Россия К», «Россия 24 / ГТРК Мордовия», «Карусель», «ОТР» / НТМ (Народное Телевидение Мордовии), «ТВЦ».
    • РТРС-2 телеканалонь пакетти (телевизионнай 46 канал , 674 МГц частотась) сувафтовихть: «РЕН ТВ», «СПАС», «СТС», «Домашний», «ТВ-3», «Пятница!», «Звезда», «Мир», «ТНТ», «МУЗ-ТВ».

    Тястонь кабельнай телеканалхне

    • Сембонди содаф региональнай телеканалсь («21-це кнопкась»): «НТМ (Народное Телевидение Мордовии)».
    • Сембонди содаф муниципальнай телеканалсь («22-це кнопкась»): «Мордовия 24».
    • Телесеть Мордовии (10 Канал).

    Радиовещаниясь

    • 88,4 МГц — Радио ENERGY
    • 90,2 МГц — Радио Дача;
    • 90,6 МГц — Вести FM;
    • 91,2 МГц — Радио России / ГТРК Мордовия;
    • 91,6 МГц — Love Radio
    • 95,0 МГц — (ПЛАН) Детское радио
    • 95,4 МГц — (ПЛАН) Дорожное радио
    • 96,2 МГц — Ретро FM;
    • 99,2 МГц — Радио Русский Хит;
    • 99,7 МГц — (ПЛАН) Comedy Radio;
    • 100,6 МГц — Радио Рекорд / Радио Вайгель;
    • 101,3 МГц — Русское радио;
    • 102,0 МГц — Европа Плюс;
    • 102,6 МГц — Радио Маяк / Радио Маяк-Саранск;
    • 103,2 МГц — Дорожное радио;
    • 103,7 МГц — Авторадио;
    • 104,1 МГц — Радио Ваня;
    • 104,5 МГц — Старт FM;
    • 104,9 МГц — Юмор FM;
    • 105,6 МГц — Милицейская волна;
    • 106,3 МГц — DFM;
    • 106,8 МГц — Радио МИР
    • 107,2 МГц — Радио Монте-Карло

    Интернет-СМИ-тне

    • Городские рейтинги

    Саранскяйста содаф ломаттне

    • Новгородова, Мария Александровна - 10 идень «Тядясь-героинясь».
    • Исайкина, Ольга Петровна — лама идень касфты тядя, 2023-це кизоня Российскяй Федерациянь Президентть Указонц коряс максф лем «Тядя-героиня»
    • Стас Дужников — театрань и кинонь актёр;
    • Евгений Седой — стилист, телеведущай;
    • Николай Коротаев — театрань и кинонь актёр;
    • Алёна Гаврилова — модель;
    • Оксана Григорьева — моронь аторсь, морайсь, пианистка[75]

    Лятфтамат

    1. ↑ Этнохороним города из Справочного бюро портала «Грамота.ру». Дата обращения: 25 сентябрьста 2025. Архивировано из оригинала 6 ноябрьста 2012 года.
    2. ↑ 1 2 3 4 Саранск — Мордовиять пря ошец. Саранск ошень администрациясь. Дата обращения: 21 июльста 2011. Архивировано 22 августста 2011 года.
    3. ↑ 1 2 3 4 Вестник Мордовского университета № 1. Климатическая характеристика сезонов г. Саранска за весь период наблюдений / Редкол.: Ершков А. С., Хлевина С. Е., Антонюк Г. С.. — Саранск: ФГБОУ ВО Национальный исследовательский Мордовский государственный университет им. Н.П. Огарёва, 2008.
    4. ↑ «Вечерний Саранск»: Градус повышается — впереди +40 °С. Дата обращения: 24 сентябрьста 2025. Архивировано 5 январьста 2011 года.
    5. ↑ «Вечерний Саранск»: Уберечь Саранск от пожаров! Дата обращения: 24 сентябрьста 2025. Архивировано 23 мартста 2014 года.
    6. ↑ Саранск (Республика Мордовия). Народная энциклопедия "Мой город". Дата обращения: 22 июльста 2011. Архивировано 22 августста 2011 года.
    7. ↑ 1 2 Культурный ландшафт города Саранска, 2002, с. 7.
    8. ↑ Культурный ландшафт города Саранска, 2002, с. 11.
    9. ↑ Культурный ландшафт города Саранска, 2002, с. 21.
    10. ↑ Поспелов, 2002, с. 368.
    11. ↑ Всё о Мордовии: Энциклопедический справочник / сост. Н. С. Крутов, Е. М. Голубчик, С. С. Маркова. — Саранск: Мордов. кн. изд-во, 2005. — 840 с. — ISBN 5-7595-1662-0.
    12. ↑ Воронин И. Д. Саранск. — Саранск: Мордов. кн. изд-во, 1961. — 268 с. — 10 000 экз.
    13. ↑ Массовыми народными гуляньями отметили жители Саранска День рождения родного города. Дата обращения: 22 июльста 2011. Архивировано из оригинала 23 мартста 2014 года.
    14. ↑ Всероссийский конкурс на звание «Самое благоустроенное городское (сельское) поселение России». Дата обращения: 24 сентябрьста 2025. Архивировано из оригинала 2 февральста 2013 года.
    15. ↑ В Саранске новый проспект назвали именем Российской Армии. Дата обращения: 24 сентябрьста 2025. Архивировано 25 сентябрьста 2018 года.
    16. ↑ Народная энциклопедия «Мой город». Саранск.
    17. ↑ Города с численностью населения 100 тысяч и более человек.
    18. ↑ Народная энциклопедия «Мой город». Саранск.
    19. ↑ Города с численностью населения 100 тысяч и более человек.
    20. ↑ Административно-территориальное деление Союза ССР : [Районы и города СССР на 1931 год].
    21. ↑ Всесоюзная перепись населения 1939 года. Численность городского населения СССР по городским поселениям и внутригородским районам.
    22. ↑ Всесоюзная перепись населения 1959 года. Численность городского населения РСФСР, её территориальных единиц, городских поселений и городских районов по полу.
    23. ↑ Народная энциклопедия «Мой город». Саранск.
    24. ↑ Всесоюзная перепись населения 1970 года Численность городского населения РСФСР, ее территориальных единиц, городских поселений и городских районов по полу.
    25. ↑ Народная энциклопедия «Мой город». Саранск.
    26. ↑ Российский статистический ежегодник. 1994.
    27. ↑ Всесоюзная перепись населения 1979 года Численность городского населения РСФСР, ее территориальных единиц, городских поселений и городских районов по полу.
    28. ↑ Российский статистический ежегодник. Госкомстат, Москва, 2001.
    29. ↑ Российский статистический ежегодник. 1994.
    30. ↑ Народное хозяйство СССР за 70 лет.
    31. ↑ Всесоюзная перепись населения 1989 г. Численность городского населения РСФСР, ее территориальных единиц, городских поселений и городских районов по полу.
    32. ↑ Российский статистический ежегодник. Госкомстат, Москва, 2001.
    33. ↑ Российский статистический ежегодник. Госкомстат, Москва, 2001.
    34. ↑ Российский статистический ежегодник. 1994.
    35. ↑ Российский статистический ежегодник. 1994.
    36. ↑ Российский статистический ежегодник. Госкомстат, Москва, 2001.
    37. ↑ Российский статистический ежегодник. Госкомстат, Москва, 2001.
    38. ↑ Российский статистический ежегодник. 1997 год.
    39. ↑ Российский статистический ежегодник. Госкомстат, Москва, 2001.
    40. ↑ Российский статистический ежегодник. 1999 год.
    41. ↑ Российский статистический ежегодник. 2000 год.
    42. ↑ Российский статистический ежегодник. Госкомстат, Москва, 2001.
    43. ↑ Всероссийская перепись населения 2002 года. Том. 1, таблица 4. Численность населения России, федеральных округов, субъектов Российской Федерации, районов, городских поселений, сельских населённых пунктов - райцентров и сельских населённых пунктов с населением 3 тысячи и более.
    44. ↑ Народная энциклопедия «Мой город». Саранск.
    45. ↑ Российский статистический ежегодник. 2004 год.
    46. ↑ Российский статистический ежегодник, 2005 год.
    47. ↑ Российский статистический ежегодник, 2006 год.
    48. ↑ Российский статистический ежегодник, 2007 год.
    49. ↑ Российский статистический ежегодник, 2008 год.
    50. ↑ Численность постоянного населения Российской Федерации по городам, поселкам городского типа и районам на 1 января 2009 года.
    51. ↑ Перепись населения 2010. Численность населения России, федеральных округов, субъектов Российской Федерации, городских округов, муниципальных районов, городских и сельских поселений.
    52. ↑ Города с численностью населения 100 тысяч человек и более на 1 января 2011 года.
    53. ↑ Численность населения Российской Федерации по муниципальным образованиям. Таблица 35. Оценка численности постоянного населения на 1 января 2012 года.
    54. ↑ Численность населения Российской Федерации по муниципальным образованиям на 1 января 2013 года.
    55. ↑ Таблица 33. Численность населения Российской Федерации по муниципальным образованиям на 1 января 2014 года.
    56. ↑ Численность населения Российской Федерации по муниципальным образованиям на 1 января 2015 года.
    57. ↑ Численность населения Российской Федерации по муниципальным образованиям на 1 января 2016 года.
    58. ↑ Численность населения Российской Федерации по муниципальным образованиям на 1 января 2017 года.
    59. ↑ Численность населения Российской Федерации по муниципальным образованиям на 1 января 2018 года.
    60. ↑ Численность населения Российской Федерации по муниципальным образованиям на 1 января 2019 года.
    61. ↑ Численность населения Российской Федерации по муниципальным образованиям на 1 января 2020 года.
    62. ↑ Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более.
    63. ↑ Численность постоянного населения Российской Федерации по муниципальным образованиям на 1 января 2023 года (с учётом итогов Всероссийской переписи населения 2020 г.).
    64. ↑ Численность постоянного населения Российской Федерации по муниципальным образованиям на 1 января 2024 года.
    65. ↑ 1 2 Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более. Итоги Всероссийской переписи населения 2020 года. На 1 октября 2021 года. Том 1. Численность и размещения населения (рус.) (XLSX). Дата обращения: 1 сентябрьста 2022. Архивировано 1 сентябрьста 2022 года.
    66. ↑ Мэр Саранска Игорь Асабин ушел в отставку. mordov.er.ru (17 июльста 2024). Дата обращения: 24 сентябрьста 2025.
    67. ↑ Светотехнический кластер Мордовии получит поддержку минэкономразвития России, МордовМедиа (23 октябрьста 2016). Дата обращения: 25 сентябрьста 2025.
    68. ↑ Глава Мордовии оценил темпы развития особой экономической зоны в Саранске (рус.). РИА Новости. Дата обращения: 1 октябрьста 2025.
    69. ↑ Министерство Здравоохранения Республики Мордовия (рус.). Дата обращения: 24 сентябрьста 2025.
    70. ↑ В Саранске открыли онкологический центр (рус.). новости. Дата обращения: 25 сентябрьста 2025.
    71. ↑ Города-организаторы — Bidding Nation Russia. Дата обращения: 25 сентябрьста 2025. Архивировано 20 августста 2010 года.
    72. ↑ Саранск-2018. saransk-2018.com. Дата обращения: 21 майста 2018. Архивировано 16 майста 2018 года.
    73. ↑ Актер Станислав Дужников: «Я счастлив, что мне довелось пронести Олимпийский огонь в родном городе». Вестник Мордовии (9 январьста 2014). Дата обращения: 23 сентябрьста 2025. Архивировано 29 майста 2018 года.
    74. ↑ Церковь святителя Николая, архиепископа Мирликийского - Турпортал Мордовия Саранск. turizmrm.ru. Дата обращения: 24 сентябрьста 2025. Архивировано 15 сентябрьста 2016 года.
    75. ↑ Известные люди из Саранска (рус.). 7Дней.ру. Дата обращения: 29 сентябрьста 2025.

    Литературась

    • Поспелов, Евгений Михайлович. Географические названия мира: Топоним. словарь : Свыше 5 000 единиц / Отв. ред. канд. филол. наук Р. А. Агеева.,Е. М. Поспелов. — Москва: Рус. словари, 1998. — 503 с с. — ISBN 5-89216-029-7.
    • Саранск. Столица Мордовии : [книга-альбом] : к 370-летию города. — Саранск: Мордовское кн. изд-во, 2011. — 369 с.
    • Куклин, В.Н. Биографии саранских улиц. — Саранск: Мордовское кн. изд-во, 1990. — 319 с. — ISBN 5-7595-0281-6.

    Ссылкатне

    Сявф"https://mdf.ruwiki.ru/w/index.php?title=Саранск_ошсь&oldid=418126"-ста