Март

Рувики лопаста
Март
Ат Швш Врж Шв Пд Ётк Ндл
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          
2026 кизось
Панду васттне мартста

Март (лат.: Mārtius mēnsis — Марсонь ков), тяфта жа Эйзюрков — кизонь колмоце ковсь юлианскяй и григорианскяй ковгярьксса, сире римонь кизонь васенце ковсь, кона ушеткшнесь Цезарень реформада инголе мартста сявомок. Сисем кофнень эзда фкясь 31 шинь кувалмоса. Модать Кельме ширдень полушариясонза мартсь лувондови тундань васенце ковкс, Лямбе полушарияса — сёксень васенце ковкс.

Кунардонь пингста тяниень пингти самс 11-це мартти самс григорианскяй ковгярьксть коряс шись ащи Водолейть тяштень пуромкссонза (руз.) (мок. , 11-це мартста — Рыбать тяштень велесонза[1] (лия уликснень коряс — 12-це мартста[2]).

Статистикась и колганза

Тя ковть лангс прашенды тундань шить и веть фкя кувалмоса улемасна — 20-це мартста — шись и весь кувалмос коря фкя лацот.

Сяда сидеста васьфневи ловонь соламань ушедома пингсь Моску алдонь аймакса — 16-це мартста, сембода рана — 3-це февральста (1914), сембода позданнесь 10-це апрельста (1895)[3].

Шить валдоптоманц марстонь лувксоц пачкотькшни 109,3 частти[3].

Мартть песта шить вельде эжтьф пандопрнятнень эса, коса ни солась ловсь, и лия солаф васткятнень эса ули кода эводамс васенце панчфненди. Келуть эса рана ушеды шудема келуведсь[3].

Нармоттнень сяда сидеста сашендома пингсна: грацнень — 12-це мартшкаста, норовжорчнень 28-це мартть малава, пьсмархне — ковть 30-це числаста. Нумолть васенце лефксозамац. Сярттнень шачихть од сюросна. Офтсь сргози тялонь удомаста[3].

Эрямопингсь и этимологиясь

Марсасть статуяц (Йорк, ушетксоц IV векста), кинь лемонц коряс лемтьф мартсь

Эсь лемонц ковсь получазе римонь Марс войнань и араламань шкайть лемс. Древняй Римса, коса климатсь ульсь сатомшка ляпе, мартсь ульсь васенце тундань ковкс, логическяй точкакс модань сокамань кизоть ушедоманцты, и лувондовсь цебярь пингокс сезоннай военнай кампаниять ушедоманцты.

«Март» лемсь сась рузонь кяльти Византияста (руз.) (мок.. Кунардонь Русьса 1492-це кизоти самс мартсь лувондовсь васенце ковкс; мзярда кизоть ушедсть лувомонза сентябрьста сявомок, 1699-це кизоти самс сон ульсь сисемцесь; а 1700-це кизоть эзда — колмоцекс. Мартста ушеткшнесь рузонь пролетиясь («тунда», валсь, кона тяни ни аф нолневи книгаса). Кой-кона рузонь диалекттнень эса мартть васенце шиц лемневи «однясь». Сядонгольдень пинкнень 1-це мартста российскяй крестьяттнень аделсевсть тялонь сиводемань пингсна и ушеткшнесть тундань сивотькшнематне.

Великобританиясь и сонь колониянза тевс нолязь кизонь ушедомань точкать инкса 25-це мартста мянь 1752-це кизоти самс, мзярда странаса ульсь прняндаф григорианскяй ковгярькссь.

Историческяй европейскяй мартонь лепне сувафнихть Lentmonat (лемтьф шити веть фкя лаца кувалмоснон армаснон и шить кувалгодома ушедоманц инкса), тяфта жа Rhed-Monat или Hreth-monath (саксонскяй богинять лемс Rhedam или Hreth, конанди тя ковня каннесть жертва) саксонскяй лепнень[4]. Англатне мартть лемнезь Hyld-monath («давлонь ков»). Кунардонь пингонь рузонь ковгярьксса (христианствать кемокстмда инголе) ковсь лемневсь сухий, народнай ковлемса — зимобор, протальник, грачевник, капельник[5].

Лия кяльхнень эса

Шпалера «Март» (1503—1509), кемгафтувоть эзда фкясь, кодаф маркизти Джан Джакомо Тривульцио (Италия)

Европань ламоц кяльхнень эса мартть лемоц ладяй латинонь койти. Но улихть мзярошка башка ширет.

Финнонь кяльса ковсь maallinen kuu валть эзда лемневи maaliskuu — «модать ковоц» — тя пингста ловть алда ушеды няевома модась. Чешскяй кяльса мартсь лемневи březen, украинскяйса — березень, «берёза» валть эзда, конань ушеды шудема ведец. Смузень коряс лемоц мала белорусскяй кяльса сакавік, «сок» валть эзда (кирдемок мяльса — келувонь). Хорватонь кяльса мартсь — ožujak, арьсекшневи, што лемсь лиссь хорватскяй валста, конань смузец «васькафнема», мезсь няфти кафта ширеть лангс, тя пинонгста перфпяльть полафневоманц. Литовскяй кяльса лемневи kovas, буквальна — «граць»[6].

Казахскяй кяльса март ковсь — «Наурыз», сотф «Новруз» илать мархта, кона васьфневи тяка ковста.

Тяниень пингонь китайскяй и японскяй кяльхнень эса мартсь лемтьф кода «колмоце ковсь».

Якутонь кяльса март ковсь лемневи — «Кулун тутар», кона ётафневи кода «вашенянь прняндамань ковсь». Тя ковня шачи лама вашендяда алашатнень эзда, а вашенянь шачемась китькстасы од эряфонь эвондаммать. Тоса алашань кирдемась ащи вярьгок вастса хозяйствань вятемаса, якуттнень мяльса вашенянь шачемась канды оцю смузь.

Илатне

Файл: Les Très Riches Heures du duc de Berry mars.jpg|thumb|«Март» (Герцог Беррийскяень сембода цебярь часословоц, 1410—1490-це)

  • Мартонь васенце недляшиста — Идень телевидениянь и радиовещаниянь международнай шись.
  • 3-це мартста — Писателень всемирнай шись.
  • Мартонь омбоце недляшиста — Россияса геодезиянь и картографиянь работниконь шись.
  • 8-це мартста — Авань международнай шись.
  • 11-це мартста — Россиянь наркоконторолень органонь покодиень шись.
  • 12-це мартста — Китайса шуфтонь озафнема шись.
  • 14-це мартста — Пи числать аф официальнай шись;
  • Колмоце недляшиста — Мишендемань-рамсиень покодиень шись.
  • 19-це мартста — Россияса ведялдонь моряконь шись.
  • 21-це мартста — Поэзиянь всемирнай шись.
  • 25-це мартста — Россиянь культурань работниконь шись; Иняру Богородицать благовещениянь илась, ся христиаттнень, кит ванфтсазь «од стильть».
  • 27-це мартста — Россиянь МВД-нь внутренняй войскань шись;
    • Театрань всемирнай шись.
  • 29 мартста — Россиянь юридическяй службань специалистонь шись.

Культураса

Изобразительнай искусстваса

Кинематографсь

  • Васень тунда — японскяй фильмась, драмась, 1956 кизось

Поэзиясь

  • Тундась вирьса (1956), Тундань эень пингста (1931), Март (1947), Ледоход (1916) — Борис Пастернаконь стихотворениянза

Мокшень валмуворксне и валфеляфксне мартть колга

«Васень тундась» руз. «Ранняя весна»(А. К. Саврасов, 1880-це)
  • Тунда удат — сёксенда маендат[7]
  • Мартста коволхне уихть вишкста и вяре — ушесь кармай цебярь.

Лятфтамат

  1. ↑ За год Солнце проходит не через 12, а через 13 созвездий. Новый знак зодиака — «Змееносец». Дата обращения: 26 октябрьста 2025. Архивировано 20 сентябрьста 2011 года.
  2. ↑ Климишин И. А. Календарь и хронология. — Изд. 3. — М.: Наука. Гл. ред. физ.-мат. лит., 1990. — С. 41. — 478 с. — 105 000 экз. — ISBN 5-02-014354-5.
  3. ↑ 1 2 3 4 В. Д. Грошев «Календарь российского земледельца (народные обычаи и приметы)», — М: МСХА, 1991, С. 18. ISBN 5-7230-0074-8
  4. ↑ History of March - by Lillith - Helium (англ.). web.archive.org. Дата обращения: 29 октябрьста 2025.
  5. ↑ источник?
  6. ↑ Все про литовский на сайте о языках. web.archive.org. Дата обращения: 29 октябрьста 2025.
  7. ↑ Народная мудрость : мордовские пословицы и поговорки / А.И. Московкина. — Саранск: Мордовское книжное издательство, 2024. — 118 с.

Литературась

  • Круглый год. Русский земледельческий календарь. — М: «Правда», 1989. ISBN 5-253-00598-6
  • Народный Месяцеслов. — М: «Современник», 1992. ISBN 5-270-01376-2

Ссылкатне

  • Март // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  • Календарь // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907. Статья Витковского В. В.
Сявф"https://mdf.ruwiki.ru/w/index.php?title=Март&oldid=368404"-ста