Иоанн Богословонь церькавоц (Саранск ошсь)
| Православнай храм | |
| Иоанн Богословонь церькавоц | |
|---|---|
 | |
| 54°10′57″ с. ш. 45°10′44″ в. д.GЯO | |
| Странась |
 Россия |
| Ош |
Саранск, Демократическяй курось, 28 |
| Конфессиясь | Православия |
| Епархиясь | Саранскяень |
| Благочиние | Центральнай |
| Архитектурнай стильсь | Нарышкинскяй барокко |
| Строямань кизоц | 1693 кизось |
| Статуссь |
 Объект культурного наследия народов РФ федерального значения. Рег. № 131410176780006 (ЕГРОКН). Объект № 1310001000 (БД Викигида) |
| Состоянияц | Покоди |
 Иоанн Богословонь церькавоц | |
Иоанн Богословонь церькавоц (Иоанно-Богословскяй храмсь) (руз. Церковь Иоанна Богослова) — Саранск ошть кучкаса православнай храм. Ошса и регионца инь сире ванфтф зданиясь[1]. Федеральнай значениянь архитектурань памятник. Кандови Рузонь православнай церькавонь Саранскяень епархиянь Центральнай благочиннайти, 1991-це кизоста сявомок 2006-це кизоть самс ульсь епархиянь кафедральнай соборкс.
Эрямопингоц
Церькавсь строяфоль 1693-це кизоня Саранск ошень Стрелецкяй слободань ся вастса, коса ащесь шуфтонь церькавть. XVIII-це векста келемкшнесь, церькавть эвондакшнесть приделонза. 1810-це кизотнень церькавти тифоль пайгса шавомань васта.
Нюрьхкяня пингста 1930-це — 1940-це кизотнень церькавсь сёлкфоль. Зданиять эса ульсь НКВД-нь архив. Оду панчфоль 1944-це кизонь февральста, Мордовияса васенцесь. Лама пинге ляткшнемок Саранскяень православнай фкя и тяка храмкс. Ульсь Пензенскяень и Саранскяень епархиянь омбоце соборкс (васенцесь ульсь Пензаса). 1991-це кизоста года церькавсь путфоль Саранскяень и Мордовскяй епархиянь кафедральнай соборкс, сяс мес сире кафедральнай соборсь, Спасскяйсь, ульсь срафтф-калафтф советскяй пингть. 2006-це кизоня 6-це августста[2] святиндафоль Фёдор Ушаковонь лемса кафедральнай соборсь.
Архитектурац
Церькавсь тиф куб лаца, вельхкссонза декоративнай вете прят — основнойсь и ниле сяда ёмлат. Вальмянь наличникне, карнизсь, кокошникне, перспективнай порталсь тифт фигурнай кирпицьста.
Лятфтамат
- ↑ Церковь Иоанна Богослова в Саранске (рус.). Тонкости туризма - энциклопедия курортов, опиание отелей. Дата обращения: 27 октябрьста 2025.
- ↑ История собора Фёдора Ушакова. Архивировано 22 августста 2010 года.