Каниськина, Ольга Николаевна

Рувики лопаста
Лёгкая атлетика
Ольга Каниськина
руз.: Ольга Николаевна Каниськина
Каниськина 2007 кизоня
Каниськина 2007 кизоня
Марстонь информациясь
Лемоц Ольга Николаевна Каниськина
Шачема шиц и шачема вастоц 19 январьста 1985 кизоня
Напольнай Тавла
Гражданствац RUS
Серец 159 см
Сталмоц 40,9
Клубсь ЦСКА
Тренеры Виктор Чёгин
Спортивнай карьерац 2004—2013, 2016 — тячиень шити самс.
IAAF 202571
Сонцень рекордонза якафтомаса
5000 м 20:38,2 (2005)
10 км 41:42 (2009)
Спортивнай якафтомась 20 вайгяльбе 1:24:56 (2009)
Международнай медаленза
Олимпийские игры
Зрня Пекин 2008 20 вб
Чемпионаты мира
Зрня Осака 2007 20 вб
Чемпионаты Европы
Сия Гётеборг 2006 20 вб
Государственнай казненза
Орден Дружбы RUS Medal of the Order For Merit to the Fatherland 1st class ribbon.svg Орден Славы III степени (Мордовия)
Почётный гражданин Республики Мордовия.PNG
Заслуженный мастер спорта России
Последнее обновление: март 2016
Логотип РУВИКИ.Медиа Ольга Николаевна Каниськина

О́льга Никола́евна Кани́ськина ( 19-це январьста 1985-це кизоня(1985-01-19)[1] (40 кизоц), Пакся Тавла[d], Мордовскяй Автономнай Советскяй Социалистическяй Республикась[d]) — российскяй легкоатлетка, 2008-це кизонь олимпийскяй чемпионка, масторлангонь чемпионка |2007 кизось, Россиянь кафтонь крда чемпионка. Тевс нолдасы 20 вайгяльбень кувалмоса спортивнай якафтомать.

4 мартста 2016 кизоня Спортивнай арбитражнай судсь (CAS) сась мяльс нардамс сембе сатфксонзон О. Каниськиной 2009 кизонь 15 августста сявомок 2012 кизонь 15 октябрти самс антидопинговай правилатнень коламанкса[2].

Эряфонь киц

[петнемс | Петнемс лисьмапрянц]

Шачсь Напольная Тавла велеса (тяниень пингть Мордовия Республикань Саранск ошень округсь). Национальностсь коре эрзява[3]. Мзярда Ольганди ульсь 8 кизот, сонь кулось тядяц. Тонафнесь Саранск ошень № 35 школаса. 7 класса тонафнемста Ольга ушедсь тонафнема спортивнай якамаса. Тонафнематне ётафневсть Саранскяень № 1 ДЮСШ-са Л. Ф. Русяйкинать кядяла. Ольга ульсь ламоц региональнай и общероссийскяй юношескяй пялькстомаса. 18 кизозонза сонь ни улсь спортонь мастера лемоц.

2005 кизоня сон сявозе сиянь медальть од ломанень Европань Чемпионатса (Эрфурт), а 2006 кизоня — тяфта жа сиянь (руз.) (мок. медаль Европань Чемпионатса (оцюфнень ёткса) (Гётеборг).

2007кизоня Ольга сяськсь Миронь Чемпионатса 20 вайгяльбень якафтомаса (Осака). Тяка жа кизоня сяськозе ИААФ Гран-при финалть спортивнай якамаса (Саранск), а тяфта жа арась сиянь призёркс Европань Кубкаса спортивнай якафтомаса (Лемингтон).

2008 кизоня О. Каниськина сявсь зрнянь медаль Олимпийскяй налхкоматнень (руз.) (мок. эса Пекинца, 20 вайгяльбень кувалмоса якафтомаса.

2009 кизоня сон сяськсь Миронь Чемпионатса лёгкай атлетикаса 20 вайгяльбень кувалмоса якафтомать коряс (Берлин).

2010 кизоня сявсь зрнянь медаль Европань Чемпионатса лёгкай атлетикаса якафтомать коряс 20 вайгяльбень кувалмоса (Барселона).

2011 кизоня сявсь зрнянь медаль миронь Чемпионатса лёгкай атлетикаса (Тэгу).

2012 кизоня Олимпийсяй налхкомаса Лондонца 20 вайгяльбень кувалмоса якафтомать коряс сявозе сиянь медальть, сонь инголдазе минцень странастонк Елена Лашмановась. Медальсь ненлькф антидопинговай сялондомада меле.

Эряй Саранскяйса. Шумордазе математическяй факультетть Н. П. Огарёвонь лемса Мордовскяй государственнай университетть. Рьвакс апак туф, шабанза аш.

Тренировкатнень ётнесыне Мордовия Республикань олимпийскяй анокламань Центраса Россияньм заслуженнай тренерть Виктор Михайлович Чёгинонь кядь видеса.

Кремляса казнень максомать пингста

2009 кизоня ульсь лемтьф кизонь сембода цебярь спортсменкакс «Спорт» телеканалть версиянц корясв «Золотой пьедестал» программать потмоса.

2010 кизоня «Спортсменонь российскяй союзсь» максозе спортсменкати васенце вастть «Спортонь Тяште» руз.: «Звезда Спорта» пялькстомаса премиянь сатомаса 2009 кизоть пингста.

2012 кизонь Олимпиадать шумордамда меле азозе, што сонь спортивнай карьерасонза тя ульсь мекольце стартсь.

8 ноябрьста 2013 кизоня лёгкай атлетикать коряс Россиянь сборнайть главнай тренероц Валентин Маслаков азозе сянь колга, што Ольга Каниськина шумордазе эсь спортивнай карьеранц[4]. 2014 кизоня арась Саранскяень ЦОПти вятикс, а 2015 кизоня валхтф тя вастста антидопинговай сялондомать инкса[5].

27 февральста 2016 кизоня васенце стартса дисквалификацияда меле сяськсь Россиянь тялонь чемпионатса спортивнай якафтомать коряс Сочиса 20 вайгяльбень кувалмоса.[6]

24 мартста 2016 кизоня Спортивнай арбитражнай судсь Лозаннаса сась мяльс нардамс Каниськинать сембе сатфксонзон 2009кизонь 15 августста сявомок 2012 кизонь 15 октябрти самс[2].

Награды

[петнемс | Петнемс лисьмапрянц]
  • Ялгаксшинь орден (2 августста 2009 кизоня) — физическяй культурать и спортть касфтоманкса, спортивнай оцю сатфксонкса 2008 кизоня Пикинца XXIX Олимпиадань Налхкоматнень эса[7]
  • «Отечествать инголе сатфксонкса» I степенень медаль (13 августста 2012 кизоня)— физическяй культурать и спортть касфтомаса оцю путфксонкса, 2012 кизоня Олимпиадань XXX Налхкоматнень эса Лондонца (Великобритания) спортса оцю сатфксонкса[8]
  • Россиянь спортонь заслуженнай мастер
  • Российскяй Федерациянь Спортонь, туризмань и од ломанень минисерствань Почётнай грамота, (27 августста 2009 кизоня) — оцю спортивнай сатфксонкса Российскяй Федерациянь сборнай командать потмоса XII миронь чемпионатса лёгкай атлетикать коряс.[9]
  • СлаваньIII степенень орден (Мордовия) [10]
  • Мордовия Республикань шнама лоань — 2009 кизонь масторлангонь чемпионатса сяськоманкса.

Допингсь

[петнемс | Петнемс лисьмапрянц]

20212 кизоня декабрьста Легкоатлетическяй федерациянь международнай ассоциациясь (ИААФ) азсь латта Лёгкай атлетикань Всероссийскяй федерацияти (ВФЛА) Россиянь вете инголе ащи якайхнень аф цебярь гематологическяй профильснон колга, конатнень ёткс сувсесь и Ольга Каниськина[11]. «Спорт-Экспресс» газетать уликсонзон коряс, 2013 кизонь миронь чемпионатта инголе ИААФ-нь президентсь Ламин Диак ВФЛА-ть инголе путсь ультиматум: или подозреваемай атлеттне нолдасазь турнирть, или пялькстоматне улихть кальдявготфтовихть допинговай кальдяв скандалса[12]. Кафта кизода меле васенце латта азомда меле, 20 январьста 2015 кизоня, Российскяй антидопинговай агентствась (РУСАДА) азозе Ольга Каниськинать дисквалификациянц колга колма кизонди и кафта ковонь пингс, сявомок 2012 кизонь 15 октябрть эзда, и сембе сонь сатфксонзон нардамаснон колга, конат няфтьфт кафтпа пингста: 15 июльста — 16 сентябрьста 2009 кизоня и 30 июльста — 8 ноябрьста 2011 кизоня. IAAF ашезь кирде тя мяльть и макссь апелляция CAS-у. 4 мартста 2016 кизоня Спортивнай арбитражнай судсь (CAS) сась мяльс нардамс Книськинать сембе сатфксонзон 2009 кизонь 15 августста 2012 кизонь 15 октябрти самс[2].

Антидопинговай правилань коламась ульсь ладяф гематологическяй профильса аномальнай няфтематнень лангс нежедезь ИААФ-нь биологическяй паспортонь программать видеса [13]. Ольга Каниськинать биологическяй паспортса уликснень эса ульсь аф фкя аномальных «пикта», мезсь корхтась пингста пингс допингть тевс нолдаманц колга, мезсь лувондови стакалгофты тевонь ащемакс. Тянь сюнеда РУСАДА дисциплинарнай антидопинговай комитетсь сась мяльсь стандартнай кафта кизонь санкциять вастс касфтомс дисквалификациянь пингть 3 кизос 2 ковс[14].

Лятфтамат

[петнемс | Петнемс лисьмапрянц]
  1. ↑ Olga Kaniskina // World Athletics Database
  2. ↑ 1 2 3 Россиянка Каниськина лишена серебряной медали ОИ-2012 по спортивной ходьбе — CAS | Легкая атлетика | Р-Спорт. Все главные новости спорта. Дата обращения: 24 мартста 2016. Архивировано 23 апрельста 2016 года.
  3. ↑ Ольга Каниськина. Легкая атлетика на Олимпийских играх 1896—2008. Дата обращения: 25 июньцта 2011. Архивировано 19 сентябрьста 2011 года.
  4. ↑ Ольга Каниськина, Валерий Борчин и Денис Нижегородов завершили спортивную карьеру. Дата обращения: 8 ноябрьста 2013. Архивировано 9 ноябрьста 2013 года.
  5. ↑ Мутко: Каниськина покинет пост главы центра олимпийской подготовки. Сетевое издание «РИА Новости» (21 январьста 2015). Дата обращения: 16 апрельста 2015. Архивировано 6 мартста 2016 года.
  6. ↑ Каниськина победила на зимнем ЧР по спортивной ходьбе в Сочи на дистанции 20 км — Чемпионат. Дата обращения: 24 мартста 2016. Архивировано 8 апрельста 2016 года.
  7. ↑ Указ Президента Российской Федерации от 2 августа 2009 года № 885 «О награждении государственными наградами РФ» Архивировано 26 апрельста 2013 года.
  8. ↑ Указ Президента Российской Федерации от 13 августа 2012 года № 1165 «О награждении государственными наградами Российской Федерации». Официальный интернет-портал правовой информации (15 августста 2012). Дата обращения: 15 августста 2012. Архивировано 25 майста 2013 года.
  9. ↑ Приказ Минспорттуризиа России от 27 августа 2009 года № 275-нг
  10. ↑ «…он же — памятник!» / Саранск. Дата обращения: 22 декабрьста 2019. Архивировано 22 декабрьста 2019 года.
  11. ↑ Пресс-релиз ВФЛА по дисквалификации пяти ходоков. RusAthletics — Лёгкая атлетика России (20 январьста 2015). Дата обращения: 17 январьста 2015. Архивировано 21 январьста 2015 года.
  12. ↑ Шамонаев О. Допинговые скандалы. Следующая - Зарипова? Спорт-Экспресс (23 январьста 2015). Дата обращения: 22 январьста 2015. Архивировано из оригинала 23 январьста 2015 года.
  13. ↑ Информация о дисквалификации: легкая атлетика. Российское антидопинговое агентство «РУСАДА» (20 январьста 2015). Дата обращения: 17 январьста 2015. Архивировано 20 январьста 2015 года.
  14. ↑ Виктор Березов: надо учитывать, что у IAAF и WADA есть право обжаловать наше решение по пяти ходокам — они могут не согласиться со сроками дисквалификаций или периодом аннулирования результатов. Агентство спортивной информации «Весь спорт» (21 январьста 2015). Дата обращения: 22 январьста 2015. Архивировано 23 январьста 2015 года.

Ссылкатне

[петнемс | Петнемс лисьмапрянц]
Сявф"https://mdf.ruwiki.ru/w/index.php?title=Каниськина,_Ольга_Николаевна&oldid=269206"-ста