Пенза

Ош
Пенза
руз.: Пенза
Пенза ошсь
Котфоц Содафксоц
53°12′ с. ш. 45°00′ в. д.
Странась	Россия
Федерациянь субъектсь	Пензенскяй область
Ошень округсь	Пенза ошсь
Потмоста явомац	4 + 2 (проект) райотт
Руководствась	Ошень оцюнясь Александр Басенко
Историясь и географиясь
Ушетф	1663 кизось
Первое упоминание	1663 кизось
Ош с	1663 кизось
Площадь	290,377 квадратной вайгельпе
Центрать серец	147 метра
Часовой пояс	UTC+3[d]
Эряйхне
Эряйхне	▼488 299 чел. (2024)
Национальносттне	руст руз.: русские, мордва (мокшет руз.: мокшане, эрзят руз.: эрзяне), татархт руз.: татары, чувашт руз.: xedfib и лият
Конфессии	православнайхть, мусульматт и лият.
пензяк, пензячка, пензяки; пензенец, пензенка, пензенцы
Цифрань идентификаторхне
Телефоннай кодсь	+7 841-2
Почтовый индекс	440080
Код ОКАТО	56401
Код ОКТМО	56701000001
Номер в ГКГН	0013279
penza-gorod.ru
Пенза Москва
Пенза

Россиянь Банкань Памятнай монетась (2013)

Пензась (руз.: Пенза) — Россияса ошсь. Пензань аймакть пряошец. Ошть лемоц сотф Пенза ляйть мархта. Тя ляй трвать крайса ульсь строяф крепость.

Географиясь

Пензась ащи Россиять европейскяй пяльксонц кучкаса Москуть эзда лямбе ширдень шинь стяма ширеса. Ошсь ащи Сура ляйть кафцьке трванзон ширева Пензенскяй областть кучка вастсонза 26 вайгяльбет шинь стяма ширеса. Ошсь занци 310,4 км².

Эрямопингоц

Ошсь тифоль Рузонь царставаса юго-восточнай окраинаса 1663 кизоня кода крепость. 18-це или 19-це декабрьста 1708-це кизоня Васька сыплоень Указонц коряс «Об учреждении губерний и о расписании к ним городов» Пенза ошсь арась Пензенскяй уездонь Казанскяй губерниянь центракс.

1719-це кизоста сявомок ошсь арась Пензенскяй провинциянь Казанскяй губерниянь центракс.

1780-це кизоня ошсь арась Пензенскяй наместничествань центракс.

1786-це кизоня тиф Пензенскяй народнай училищась, Россияса образовательнай инь кунардонь учреждениясь.

1792-це кизоня Пензса ётась театральнай васенце представлениясь, сай кизоть панжевсь драматическяй театрать театральнай васенце сезоноц.

1796-це кизоня Пензась азф губернскяй ошекс.

1797-це кизоня Пензенскяй губерниясь ульсь кирьфтавсь и Пензась арась Саратовскяй губерниянь уезднай ошекс.

1801-це кизоня ошсь тага арась Пензенскяй губерниянь центракс и ванфтсы статусонц 1928-це кизоти самс.

1928-це кизоня губерниятнень и уезттнень кирьфтамдост меле Пензась арась Пензенскяй райононь центракс и сяка пингть Пензенскяй округонь Средне-Волжскяй областти, 1930-це кизоня — районнай центракс Средневолжскяй (Куйбышевскяй крайти), 1937-це кизоня — Тамбовскяй областти.

Административнай явомась

Пенза ошсь явф ниле кужева-пяльксова:

• Железнодорожнай — 114 408 ломань;
• Ленинскяй — 90 479 ломань;
• Октябрьскяй — 182 336 ломань;
• Первомайскяй — 133 077 ломань.

Пенза ошса лувондови 14 площадь, 542 ульця, 39 переулка, 397 проезд, 2 + 1 (проект) проспект, 3 набережнайхть.

Тястоконь самоуправлениянь оргаттне

Пенза. Горисполкомсь. СССР-нь значоксь

Ошть тяниень Уставонц коряс тястоконь самоуправлениянь оцюдонга оцю органкс ащи Пензань ошень думась руз.: Пензенская городская дума, конанди кочксеви 35 ломань вете кизос. Думась кочки эсь членонзон эзда думань оцюня руз.: председатель, и ванондсыне и примси решеният ули кандидатуратнень ёткста кочкамс ошень вяти руз.: городонь глава. Ошень администрациясь ащи тястоконь самоуправлениянь исполнительнай органкс, кона мольфтьсыне ошень тефнень. 2005-це кизоти самс ошень администрациянь оцюнясь руз.: главакс главась кочксевсь марстонь кочкамаса руз.: голосованием, а ошень оцюнянь должность ашель. 2022-це кизонь петематнень-поладоматнень эса Пенза ошень оцюнянь должностсь, кона фкя и сяка пингть ульсь и ошень думань председателькс явфоль.

1992-це — 1993-це кизотнень и 1996-це — 2004-це кизотнень пингста ошень администрациянь оцюнякс ульсь Александр Серафимович Калашников, кона кемокстазе эсь мандатонц 2000 кизонь кочкаматнень эса.

6-це майста 2005 кизоня думат решениянц коряс ошень администрациянь оцюнянь должностсь ульсь путф Александр Владимирович Пашков.

27-це декабрьста 2005-це кизоня кочкафоль Роман Борисович Чернов, а 20-це июньцта 2014-це кизоня — и. о. Лариса Юрьевна Рябихина.

Ошень оцюнякс 26-це октябрьста 2012-це кизоста сявомок 24-це сентябрти 2014-це кизоти молемс ульсь Юрий Петрович Алпатов.

18 июльста 2014-це кизоня ошень думань внеочередной сессията Пенза ошень администрациянь оцюнякс ульсь кочкаф Юрий Иванович Кривов.

18-це ноябрень 2015-це кизоня — и. о. администрациянь оцюнякс ульсь Волков Сергей Владимирович.

2014-це кизоня 24-це сентябрьста Пензенскяй ошень депутатонь думать VI-це созывонь васенце сессиясонза ошень оцюнякс кочкафоль Виктор Николаевич Кувайцев.

Официальнай символикась

Пенза ошень гербсь тиф историческяй знаково-геральдическяй системань стильса. Геральдическяй сянгяря щитса зрнянь колма пулфт руз.: снопт: тозеронь руз.: пшеничнай, жужонь руз.: ячменнай и суронь руз.: просяной, конат ащихть-касыхть зрнянь модаса. Пенза ошень гербсь кемокстаф 28-це майста 1781-це кизоня (сире стильс коре) и лувондови Россия ошнень герпнень эзда инь сире гербокс.

Сянгяря щитса зрнянь колма пулфне, конат касыхть сянгяря паксяса зрнянь модать лангса, азондыхть тястоконь модать козяшинц и модать лангса тефнень колга. Гербть изображенияц сявфоль Пензенскяй полкть эмблеманц эзда, конань рисункац ащесь полконь знамянь вярдень кержи ужеса (сянгяря тюссь няфни надияма руз.: надежда, кенярдема, козяши. Зрнясь руз.: золото  — козяшинь, справедливостень символ).

Армейскяй полконь эмблематне ульсть тифт-арьсефт итальянскяй графть Франциско Сантинь мархта и сувафтфт гербовникти, конань кемокстазе Сенатсь 8-це мартста 1730-це кизоня.

Пенза ошень флагсь — сянгяря тюсса виде ниле ужеса котф руз.: полотнище, конань келец и кувалмоц 2:3, конань лангса зрнянь колма пулфт.

Культурась

Пензаса улихть театрат, кинотеатрат, музейхть, памятникт. Тяфта жа ули государственнай филармония, кона эвондась 1939-це кизоня кода гастрольнай бюро. Тиф 1957-це кизоня. Пензаса культурань учрежденияда пяк лама.

Тонадомась

Пензаса лама тонафнемань вастта. Улихть и высшай учебнай, и средняй учебнай заведеният. Высшай учебнай заведениятнень ёткса — университетт, институтт (создан в результате объединения РГУИТП и МГУТУ). Средняй учебнай заведениятнень ёткса — колледжт.

Экономикась

Пензаса лама покодема вастта. Ноляви эрь кодама продукция.

• ООО НПП «Техноком» — газ кудонь варжаманди кшнипочконь арматурань нолдама васта
• ФГУП «ППО ЭВТ» — эрьшинь техникань нолдама васта
• ОАО «Маяк» — нолдама
• ОАО «Пензтяжпромарматура» — арматурань нолдама
• ФГУП «НИИЭМП» — электрононь техникань и контролень-ункстамань эрявиксонь нолдама
• Пензань эсьарды крандаскянь нолдама
• ОАО «Пензхиммаш» — нефтань и газхимиянь нолдаманди эрявикст
• Пензань компрессоронь нолдама
• Пензань радионь нолдама
• ООО «ПО СМГ» — буторонь нолдама
• ОАО «Биосинтез» — пчкафтомбяль нолдама

Спортсь

Пенза ошса лама спортивнай учрежденияда. Улихть стадиотт, спортонь дворецт, спортивно-оздоровительнай комплекст и стак тов. Пенза ошса ётафневихть спортонь эрь кодама мероприятият. 2007 кизоня Пензаса ётафтость кизонь III спартакиадась Россиянь тонафнихнень ёткса. 2009 кизоня Пензаса ётафтость кизонь IV спартакиадась Россиянь тонафнихнень ёткса.

Ошт-ялгат

•  Альба^[d], Италия (23-це мартста 2012-це кизоня)
•  Бекешчаба^[d], Мадьярмастор (1970-це)
•  Бордигэра^[d], Италия
•  Жюльен^[d], Кранцмастор (2007-це)
•  Ибинь^[d], Китай
•  Ланьчжоу^[d], Китай
•  Магилёв^[d], Беларузь (3-це сентябрьста 2009-це кизоня)
•  Омск, Россия (31-це июльста 2010-це кизоня)
•  Орёл, Россия (29-це августста 2018-це кизоня)
•  Пусан^[d], Лямбеширень Корэя (2006-це)
•  Рамат-Ган^[d], Израиль (2007-це)
•  Томбу, Россия (11-це августста 2004-це кизоня)
•  Чебоксары, Россия (18-це августста 2007-це кизоня)

Лятфтамат

Ссылкатне

• Пензать картац. Адресвалкссь (руз.)
• Пензав якамась, фотоархтофкст (руз.)
• Ош кошардомвиень лопац (руз.)
• ИА «PenzaNews» - Пензань и Пензань аймаконь кулят (руз.)