Н.П. Огарёвонь лемса Мордовскяй государственнай университетсь

Н. П. Огарёвонь лемса Национальнай исследовательскяй Мордовскяй государственнай университетсь
(Н.П. Огарёвонь лемса МГУ)
Международнай лемоц	Ogarev Mordovia State University
Пуроптома кизоц	1-це октябрьста 1931-це кизось
Одкстоптомань кизось	1957
Типсь	Государственнай университет
Целевой капиталсь	₽ 10,16 млн.
Ректорсь	Глушко Дмитрий Евгеньевич
Студенттне	20000
Ащемац	Россия,  Саранск
Юридическяй адресоц	430005, Российская Федерация, Республика Мордовия, Саранск, Большевистскяй курось, 68
Сайтсь	mrsu.ru
Казненза
Н.П. Огарёвонь лемса Мордовскяй государственнай университетсь

Н. П. Огарёвонь лемса Национальнай исследовательскяй Мордовскяй государственнай университетсь руз. (Национальный исследовательский Мордовский государственный университет им. Н. П. Огарёва) ащи Саранск ошса, Мордовия Республикать пряошса, регионца лувондови сембода оцю вузкс. Учредителькс ащи Российскяй Федерациянь Наукань и высшай образованиянь министерствась

Марнек лемоце — Высшай образованиянь Федеральнай государственнай бюджетнай образовательнай учреждения «Н. П. Огарёвонь лемса Национальнай исследовательскяй мордовскяй государственнай университет».

Университетсь тиф 1957-це кизоня Мордовскяй государственнай педагогическяй институтть видеса. Университетть лувксса 10 факультетт, 7 институтт и кафта филиалхт Рузаевка и Ковылкина ошса. Тяниень пингть ректорсь тя вузса Дмитрий Евгеньевич Глушко. Президентсь — Николай Петрович Макаркин.

Н. П. Огарёвонь лемса МГУ-ть эрямань киц

Мордовскяй университетсь вятьсы эсь ушетксонц Мордовияса тонафнемань васенце высшай заведениять эзда — Мордовскяй агропединститутть эзда. Сон ульсь панчф регионца (ся пингть Мордовскяй автономнай область) 1931-це кизонь 1-це октябрьста РСФСР-нь народнай комиссаронь Советть решениянц вельде.

Кизода меле, 1932 кизонь 23-це ноябрьста агропединститутсь ульсь полафтф Мордовскяй государственнай педагогическяй институткс (МГПИ). Тоса ладяфтольхть историческяй, математическяй, химическяй, биологическяй отделеният и литературань и кялень отделения. 1935 кизоня лиссть васенце специалисттне, эздост ульсь 73 ломань.

Вузсь эсь тевсонза васенце вастти путнезе эсь аймаконь школатненди педагогическяй кадрань анокламать. Тонафтыень анокламась мольфтевсь тонафтыень институтса, кона ульсь панчф МГПИ-ть видеса 1934 кизоня. 1935 кизоня МГПИ-нь студенттне ётасть тонафнема ниле этажса од кудс, кона ащи Большевистскяй и Рабочай переулкань (тяни Б. Хмельницкяень курось) куротнень ёткса. Учебнай васенце корпуссь ащесь 2010-це кизоти самс, 2016 кизонь 15-це сентябрьста сонь вастсонза Мордовскяй университетть панжевсь од учебно-лабораторнай корпусоц — Саранскяйса сембода сери кудсь.

1938—1957 кизотне

1938-це кизоста сявомок 1957-це кизоти самс Мордовскяй пединститутсь каннезе Александр Иванович Полежаевонь рузонь поэтть лемонц, кона шачсь мокшэрзянь масторса. Лемтьф кизотнень пингста вузса покодсь Михаил Михайлович Бахтин российскяй содаф философсь и литературоведсь. [Бахтин Михаил Михайлович 1936-це кизоня ссылкада меле васенцеда сась Саранскяи и ушедсь покодема вузса. Тяни вузть видеса панчф и келиста покоди М.М. Бахтинонь центрац.

Меле 1945-це кизоста сявомок 1961-це кизоти самс, пенсияв лисемозонза, Михаил Михайлович тонафтсь историко-филологическяй факультетса Мордовскяй педагогическяй институтса (1957 кизоста — Мордовскяй университетсь), ульсь доценткс, рузонь и омба масторонь литературань кафедрань вятикс. Саранск ошса сон аноклазе книганц, конань вельде сонь лемонц кармасть содама сембе масторса, — «Проблемы поэтики Достоевского» (М., 1963), «Творчество Франсуа Рабле и народная культура средневековья и Ренессанса» (М., 1965).

2015 кизоня, М. М. Бахтинонь 120-кизонь топодеманцты, университетть кучкастонь кампусонц ваксса учёнайти стяфтф памятник, а университетть видеса эвондась М. М. Бахтинонь мемориальнай и исследовательскяй Центрац.

1957-це кизонь 2-це октябрьста А. И. Полежаевонь лемса МГПИ-са ульсь тиф Мордовскяй государственнай университет, коза сувсесть историко-филологическяй, физико-математическяй, инженерно-техническяй, сельскохозяйственнай факультеттне, а тяфта жа естествознаниянь факультет и омба масторонь кялень факультетсь. Ся кизоть вузть аспирантураса ушедсь эсь научнай кадрань анокламась. Мордовияти эрявиксшинь коряс панчсевсть од факультетт и специальностть: сяда мельдень кемонь кизотнень ульсть ладяфт строительствань факультетсь, электроннай техникань, механизациянь, велень хозяйствань, экономическяй, юридическяй, медицинскяй и тякось Россияса светотехническяй факультетсь (2016-це кизоста сявомок — Электроникань и светотехникань институтсь).

Мордовскяй госуниверситетть видеса Н. П. Огарёвонди памятниксь

1970-це кизоста Мордовскяй университетсь каннесы Николай Платонович Огарёвонь рузонь поэтть, публицистть и революционерть лемонц. Огарёфнень Николай Платонович Огарёвонь имениясна — Старое Акшино велесь — ащи 40 вайгяльбе Саранск ошть эзда. Вузса ули Н. П. Огарёвонь лемса музей. 1984-це кизоня Мордовскяй университетса Н. П. Огарёвонди панчф памятник.

1982-це кизоня цебярь специалистонь анокламанкса, научнай вешфкснень касфтоманкса СССР-нь Верховнай Советть Президиумонь указса Н. П. Огарёвонь лемса Мордовскяй университетсь ульсь казьф Ялгаксшинь народонь орденца.

1990-це кизотнень университетса тиевсть полафтомат — сяда оцю факультеттне ладяфтольхть институткс, тяфта жа панжевсть научно-исследовательскяй институтт. 2000 кизоня Мордовскяй госуниверситетть, Саранскяйда башка ошса, ульсть панчфт филиалонза Мордовиянь кафта ошса: Ковылкинаса и Рузаевкаса.

Мордовскяй университетть од этапоц ушедсь, мзярда 2010-це кизоня теенза ладяфоль категория «Национальнай исследовательскяй университет». Мекольдень кизотнень Мордовскяй университетсь сувась инголи вяти Россиянь вуснень Ассоциацияснон лувксс, а тяфта жа кемокстазень международнай соткснень.

Университетть сатфксонза лиятнень ёткса

Н.П. Огарёвонь лемса Национальнай исследовательскяй Мордовскяй государственнай университетсь сувси мастор лангонь 800 сембода цебярь вуснень ёткса лувксти университеттнень Международнай рейтингснон версияснон коряс Round University Ranking и занцесы 46-це вастть российскяй университеттнень ёткса, конат сувасть тя рейтингти. 2016-це кизоня Н. П. Огарёвонь лемса МГУ-сь сувась 200 сембода цебярь университеттнень лувксс международнай рейтингонь версиять коряс QS EECA 2016 (Emerging Europe&Central Asia 2016, максови питне вусненди 25 Европань и Центральнай Азиянь масторста). 2014-це кизоня «Эксперт РА» агентствась, сувафтозе вузть Независимай Государствань Содружества |Независимай Государствань Содружестват высшай учебнай заведениянь рейтингти, коса максфоль класс «Е» («сатомшка сереса ащема студентонь анокламаса»).

Университетть ректоронза

Памятниксь философти М. М. Бахтинонди Мордовскяй университетть видеса (стяфтф 2015-це кизонь ноябрьста)

• 1960 кизонь 1-це мартста — 1969 кизонь 29-це декабрьста — Григорий Яковлевич Меркушкин (1917 кизонь 23-це ноябрьста — 1979 кизонь 13-це январьста), Мордовиянь содаф государственнай, партийнай и общественнай тевонь вятись, учёнай-историк, педагог и[драматург (ульсь «Масторава» народнай эпость ладяензон ёткса); историческяй наукань кандидат (1947), МАССР-нь народнай просвещениянь заслуженнай работник (1965). Н. И. Меркушкинонь Мордовия Республикать сядонгольдень оцюнянц и Самарскяй областень сядонгольдень оцюнять щеняц.
• 1969 кизонь 29-це декабрьста — 1991 кизонь 5-це сентябрьста — Александр Иванович Сухарев (1931 кизонь 12-це октябрьста — 2010 кизонь 24-це декабрьста), учёнай-социолог, Мордовскяй государственнай университетть видеса Научно-исследовательскяй регионологиянь институтть директороц (1991); наукань доктор|философскяй наукань доктор (1974), профессор (1975), РСФСР-нь наукань заслуженнай деятель (1982).
• 1991 кизонь 5-це сентябрьста — 2010 кизонь 30-це мартста — Николай Петрович Макаркин (шачсь 1943 кизонь 10-це декабрьста), учёнай-экономист; экономическяй наукань доктор, профессор, РФ-нь наукань заслуженнаый деятель (1993), наукань и техникань областьса Мордовия Республикань Государственнай премиянь лауреат (1998); Саранск ошень ректоронь советонь председатель. 2010-це кизонь 15-це январьста арась Н. П. Огарёвонь лемса МГУ-нь президентонь должностьс.
• 2010 кизонь 30-це мартста — 2021 кизонь 11-це ноябрьста — Сергей Михайлович Вдовин (шачсь 1958 кизонь 16 июльста), экономическяй наукань кандидат.
• 2021 кизонь 11-це ноябрьста — Дмитрий Евгеньевич Глушко (шачсь 1975 кизонь 5-це майста), педагогическяй наукань кандидат.

Образовательнай тевтиемась

Тонафнемать мольфтеманц Мордовскяй университетса вятьсазь 5 факультетт, 13 институт и 2 филиалхт:

• Аграрнай институтсь
• Историко-социологическяй институтсь
• Медицинскяй институтсь
• Архитектурань и строительствань институтсь
• Наукоемкай технологиянь и од материалонь институтсь
• Механикань и энергетикань институтсь
• Электроникань и светотехникань институтсь
• Национальнай культурань институтсь
• Геоинформационнай технологиянь и географиянь институтсь
• Научнай и научно-педагогическяй кадрань анокламань и аттестациянь институтсь
• Корпоративнай тонафнемань и фалу мольфтемань тонафнемань институтсь
• Омба масторонь кялень факультетсь
• Математикань и информационнай технологиянь факультетсь
• Филологическяй факультетсь
• Биотехнологиянь и биологиянь факультетсь
• Довузовскяй анокламань и средняй профессиональнай образованиянь факультетсь
• Экономическяй институтсь
• Юридическяй институтсь
• Рузаевскяй машиностроениянь институтсь (филиал)
• Ковылкинскяй филиалсь

Кафедратне

• Даннаень анализонь и искусственнай интеллектонь кафедрась
• Информационнай технологиянь и программированиянь кафедрась
• Математиккафедоась
• Прикладной математикань кафедрась
• Мокшерзянь кялень и литературань кафедрась
• Рузонь кялень кафедрась
• Рузонь кялень кафедрась кода омба масторонь кялень
• Рузонь и омба масторонь литературань кафедрась
• Англань кялень кафедрась профессиональнай коммуникациянди
• Английскяй филологиянь кафедрась
• Романо-германскяй филологиянь кафедрась
• Корхтамань и ётафтомань теориянь кафедрась
• Биотехнологиянь и биохимияньк кафедрась
• Марстонь биологиянь и экологиянь кафедрась
• Марстонь генетикань, геннай инженериянь и биоинженериянь кафедрась
• Агрономиянь и ландшафтнай архитектурань кафедрась
• С. А. Лапшинонь лемса зоотехниянь кафедрась промышленнай тувонь кирдемань курс мархта
• Морфологиянь, физиологиянь и ветеринарнай патологиянь кафедрась
• Ярхцамбялень технологиянь кафедрась
• Архитектурань и дизайнань кафедрась
• Зданиянь, сооружениянь и автомобильнай кинь кафедрась
• Инженернай и компьютернай графикань кафедрась
• Прикладной механикань кафедрась
• Строямань конструкциянь кафедрась
• Строительнай материалонь и технологиянь кафедрась
• Физическяй и социально-экономическяй географиянь кафедрась
• Геодезиянь, картографиянь и геоинформатикань кафедра
• Модань тиемань и ландшафтнай планированиянь кафедра
• Туризмань кафедрась

Экологиянь и природопользованиянь кафедрась Дизайнань и рекламань кафедрась Культурологиянь и библиотечно-информационнай ресурсонь кафедрась Народнай музыкань кафедрась

• Театральнай искусствань и народнай художественнай культурань кафедрась
• Радиотехникань кафедрась
• Физическяй материаловедениянь кафедрась
• Физическяй химиянь кафедрась
• Экспериментальнай и теоретическяй физикань кафедрась
• Эряфонь мольфтемань аф пелемань кафедрась
• Сельскохозяйственнай продукциянь переработкань механизациянь кафедрась

Профессорть А. И. Лещанкинонь лемса мобильнай энергетическяй средствань и велень хозяйствань машинань кафедрась

• Теплоэнергетическяй системань кафедра
• Машинань техническяй сервисонь кафедрась
• Электрификациянь и производствань автоматизациянь кафедрась
• Информациянь обработкань и управлениянь автоматизированнай системань кафедрась
• Ункстамань и инфокоммуникационнай технологиянь кафедрась
• Информационнай аф пелемань и сервисонь кафедрась
• Светотехникань кафедрась
• Электроникань и наноэлектроникань Кафедрась
• Электроникань и электротехникань кафедра
• Марстонь историянь, политологиянь и регионоведениянькКафедра
• Россиянь историянь кафедрась
• Психологиянь кафедрась
• Социологиянь и социальнай работань кафедрась
• Философиянь кафедрась
• Экономическяй историянь и информационнай технологиянь кафедрась
• Профессорть А. П. Марусовонь акушерствань и гинекологиянь кафедрась
• Амбулаторно-поликлиническяй терапиянь кафедрась
• Анестезиологиянь, реаниматологиянь и трансфузиологиянь кафедрась катастрофань медицинань курс мархта.
• Биологическяй и фармацевтическяй химиянь кафедрась фармациянь организациянь и управлениянь курс мархта
• Госпитальнай терапиянь кафедрась
• Госпитальнай хирургиянь кафедрась травматологиянь и ортопедиянь, офтальмологиянь курс мархта.
• Иммунологиянь, микробиологиянь и вирусологиянь Кафедра клиническяй иммунологиянь и аллергологиянь курс мархта.
• Эпидемиологиянь, фтизиатриянь, дерматовенерологиянь курс мархта инфекционнай урмань кафедрась.
• Нормальнай и патологическяй анатомиянь кафедрась судебнай медицинань курс мархта М. Ивановонь профессорть
• Нормальнай и патологическяй физиологиянь кафедрась
• Общай хирургиянь кафедрась И. Атясовонь профессорть оториноларингологиянь и челюстно-лицевой хирургиянь курс мархта
• Общественнай шумбрашинь и шумбрашинь ванфтыень организациянь кафедрась
• Онкологиянь кафедрась лучевой диагностикань и лучевой терапиянь курс мархта
• Диетологиянь курс мархта педиатриянь кафедрась
• Потмонь урмань пропедевтикань кафедрась
• Психиатриянь, наркологиянь и неврологиянь кафедрась
• Пеень пчкафтомань кафедрась
• Факультетонь терапиянь кафедрась медицинскяй реабилитациянь курс мархта
• Факультетонь хирургиянь кафедрась топографическяй анатомиянь и оперативнай хирургиянь, урологиянь и идень хирургиянь курс мархта
• Фармакологиянь и клиническяй фармакологиянь кафедрась фармацевтическяй технологиянь курс мархта профессорть Э. И. Генденштейнонь
• Цитологиянь, гистологиянь и эмбриологиянь кафедрась медицинскяй биологиянь и клеткань молекулярнай биологиянь курс мархта
• Менеджментонь кафедра
• Статистикань и информационнай технологиянь кафедрась экономикаса и управленияса
• Теоретическяй экономикань, маркетингонь и экономическяй безопасностень кафедра
• Качествань вятемань кафедрась
• Финансонь и учетонь кафедрась
• Экономикань и производствань организациянь кафедрась
• Государственнай и административнай правань кафедрась
• Гражданскяй правань и процессонь кафедрась
• Государствань и правань и международнай правань теориянь, историянь кафедрась
• Уголовнай правань и процессонь кафедрась
• Юридическяй технологиянь и правоведениянь кафедрась

Учебнай центра

• Военнай учебнай центра

Школатне

• Научно-образовательнай потенциалонь касфтомань высшай школа.
• Математикань и программированиянь Школа
• Архитектурань и графикань Школа.
• Сметчиконь школась

Вузда ингольдень образованиясь

• Н. П. Огарёвонь лемса МГУ-нь лицей
• Н. П. Огарёвонь лемса ламапрофилень МГУ-нь колледж
• Тонафнемань-методическяй и организационнай тевонь вятемань центрась

Мордовскяй университетса высшай образования максыхть бакалавриатсь, магистратурась, специалитетсь, ули высшай квалификациянь кадрань аноклама, дополнительнай образовательнай программат. Кой-кона факультеттнень видеса панчфт средняй профессиональнай образованиянь коряс отделеният. Тонафнемась мольфтеви очнайста, очно-заочнайста (илядень) и заочной форматнень коряс.

Содамошинь шиста омба масторонь студенттне, 2015-це кизоня

2014-це кизоста сявомок Мордовскяй университетсь ётафты образовательнай программат англань кяльса, конат ладяфт васендакиге омба масторонь студенттненди. Сембоц вузса тонафни 1100-да лама омба масторонь ломань 53 странаста (7 % сембе студенттнень лувксснон эзда — 20000 ломань).

Мордовскяй университетть образовательнай программанза эрь кизоня сувсихть высшай образованиянь цебярьдонга цебярь образовательнай программатнень лувксс Всероссийскяй проектть пенц коряс «Лучшие образовательные программы инновационной России».

Мордовскяй университетса ладяф-путф 150-да лама вельф максф образовательнай программа. 2015-це кизоня ушедсь Мордовскяй университетть, Мордовиянь инновационнай касоманц Агентствать и Mail.ru Group «Техноколледж» марстонь теварьсефкссь. Теварьсефксти сувайхне — студентт, конат сотфт IT анокламань направлениятнень и специальносттнень мархта — ётайхть питнефтома практическяй тонафнема веб- и мобильнай тевтиемань коряс.

Структурац

2025-це кизоть коряс тонафнемань заведенияти сувси 14 институт, 4 факультетт, 90 кафедра, военнай тонафнемань центра, высшай школа, центрат., научнай лабораторият и центрат, научнай библиотека, культурань и искусствань дворец, музейнай комплекс, 2 филиала, представительство.

Тонафнемась вятеви бакалавриатонь, специалитетонь, магистратурань, средняй профессиональнай образованиянь, аспирантурань и ординатурань программатнень коряс. Покодихть диссертационнай советт.

Наукоёмкай технологиянь и од материалонь институтсь

Научнай тевтиемась

Мордовскяй государственнай университетть инголи молемань-касомань Программанц коряс 2010—2019 кизотнеди ладяфт кафта инь эрявикс направленият вузть научнай тевтиеманц касомаса: ПНР 1 «Энергосбережение и новые материалы» и ПНР 2 «Фундаментальные и прикладные исследования в области финно-угроведения». НИУ-ть инголи молемаса-касомаса получаф программать коряс вузса кочкаф-ладяф тячиень эряфонь научно-исследовательскяй, инновационнай и внедренческяй структурань система: 127 научно-исследовательскяй лаборатория и центра, сяконь лувксса 5 марстонь тевс нолдамань центрат, а тяфта жа технологиянь трансферонь центра, од ломанень инновационнай творчествань центра, од ломанень 7 инновационнай центрат, 10 студенческяй конструкторскяй бюрот. Сембоц вете кизоста Программать пяшкодемаса нолдафоль 3 млрд цалковай, синь эздост пялесна — тяниень пингонь научнай оборудованиянь рамаманди.

Тяниень пингть вузса покодихть 280 наукань доктор, профессор и 1100 наукань кандидатт, доцентт, РАН-онь 16 афкуксонь члетт и члент-корреспондентт и лия государственнай академияннет. Вузонь учёнайхне эрь кизоня нолдайхть тевс 40-да лама международнай и российскяй фондонь грантт. НИОКР-ть крхкалмоц, конатнень вузсь пяшкодезень мекольдень 5 кизоста, кочкась 1,5 млрд цалковай.

Н. П. Огарёвонь лемса МГУ-сь сувси 12 технологическяй платформатнень ёткс и ащи Мордовия Республикань научнай площадкатнень юрса инь эрявикс теварьсефкснень пяшкодемаса инновационнай территориальнай кластеронь видеса Университетть инновационнай карксонц лувксса ащи 25 ёмла инновационнай предприятия. Российскяй вуснень ванф уликснень коряс инновационнай тевтиемать цебярьснон, кона ётафтф 2016-це кизоня ОАО «РВК» и НИУ «ИТМО», Мордовскяй университетсь сатозе васенце вастть.

Вузса покоди 11 диссертационнай совет. Эрь кизня университетсь пуропни-ётафни 40-да лама всероссийскяй и международнай конференция. Вишкста касы од ломанень наукась. Вузонь од учёнайхне арасть 171-сть грантонь сявикс «УМНИК» программать коряс научно-техническяй сфераса Предприятиянь ёмла формань касомаса Лездыень фондть видеса.

Мордовскяй университетса II-це Всероссийскяй съездонь студенческяй научнай конструкторскяй объединенянь участникне, 2016 кизонь июльста

Университетонь факультеттнень (институттнень) видеса эрь кизоня ётафневихть колма Всероссийскяй студенческяй пялькстомат и конкурст специальностьс коре. 2012-це кизоста сявомок эрь кизня вузса пяшкотькшневи программась «Студенческие объединения как креативная составляющая научно-образовательного процесса в национальном исследовательском университете» студенческяй соткснень тевтиемань касомасост.

Международнай сотксонза

Мордовскяй университетсь тиенди тяфтамам еждународнай соткст:

• международнай партнёрскяй университетонь сетть касомаса, кона тяниень пингть сувафни 80-да лама мировой научно-образовательнай центра 29 странаста;
• междисциплинарнай научнай вешендемань пяшкодемаса ялгаксшиса инголи вяти мировой научнай центратнень мархта;
• университетонь образовательнай услугань экспортонь тиема;
• международнай академическяй мобильностень касома.

1989 кизоста сявомок Мордовскяй государственнай университетсь эрекста покоди рынкаса образовательнай услугань максомать коряс. Тя пингста сявомок университетса тонафнесть 900-та лама ломань 50 странаста: Европань, Азиянь, Африкань, Американь. Тяконь лувксса аспирантт, конат араласть кандидатскяй диссертацият наукань кандидатт степенть коряс. Тяфтама тевонь эрекламась сотф 2010-це кизоня университетти национальнай исследовательскяй статусть максоманц мархта.

10 кизоти омба масторонь тонафнихнень лувкссна университетса кассь 10-да ламоксть. 2016-це кизоня университетса тонафни 1150-да лама омба масторонь ломань 53 странаста — Абхазия, Азербайджан, Алжир, Армения, Афганистан, Бангладеш, Беларусь, Вьетнам, Гана, Германия, Греция, Грузия, Египет, Индия, Иордания, Йемен, Ирак, Казахстан, Камерун, Китай, Кения, Кыргызстан, Ливан, Латвия, Мали, Марокко, Монголия, Намибия, Нигерия, Пакистан, Палестина, Польша, Сирия, Сомали, Судан, Таджикистан, Танзания, Туркменистан, Турция, Узбекистан, Украина, Шри-Ланка, Чад, Эквадор, Южная Осетия и лият.

Марстонь научнай исследованиятне инь эрявикс ширетнень коряс университетть инголи молемаса пяшкотькшневихть международнай программатнень (TEMPUS, Jean Monnet и лият) коряс, а тяфта жа марса международнай партнёрхнень мархта. Фалу вятевихть научно-исследовательскяй и сетевой типонь образовательнай структуратне :

• Шуваня вельхксонь вельхтяматнень тевс нолдамаснон ваномаса лаборатория, конат ватьфт атомно-слоевого осаждениянь нанотехнологияняса(ALD — atomic layer deposition). Лабораториясь панчф марса Beneq Oy (Финляндия) компаниять мархта.
• Фундаментальнай исследованянь и прикладной технологиянь международнай сетевой институт. Институтсь панчф марса Лафборо (Великобритания)университетть мархта.
• Н. П. Огарёвонь лемса МГУ-сь ащи резиденткс Чженьцзянь ошть Технопарконцты (КНР).
• Марстонь российско-французскяй автомобильнай тонафнемань центра «Образовательные технологии в автомобильной отрасли». Центрась тиф-ладяф марса европейскяй «Специалистонь анокламаса Национальнай Ассоциациянь автомобильнай отрасляти ГНФА» (GNFA, Франция) партнерть мархта.

Мордовскяй университетсь сувси Евразийскяй ассоциациянь университеттнень, Международнай ассоциациянь финно-угорскяй университеттнень, высшай образованиянь Российскяй Федерациянь и Азербайджанскяй Республикань образовательнай организациянь Ассоциациять лувксс.

Вузть структурац и материально-техническяй базац

Мордовскяй университетть эса факультетта, институтта и филиалда башка, улихть административнай управленият и центрат, научнай библиотека, издательства, редакцият. Мордовскяй университетса лисенди 16 научнай журнал, сяконь лувксса 7-сь эздост ВАК-ть лувксста: «Интеграция образования», «РЕГИОНОЛОГИЯ REGIONOLOGY», «Вестник Мордовского госуниверситета» и «Финно-угорский мир» международнай научнай журналсь, «Экономическая история», «Гуманитарий: актуальные проблемы науки и образования», «Журнал Средневолжского математического общества» . Университетть видеса ули В.Н. Ржавитинонь лемса тонафнемань ботаническяй сад, кона ушетф-пуроптфтома 1960-це кизоня профессорть В. Н. Ржавитинонь кядяла. Ащи структурнай подразделениякс биотехнологиянь и биологиянь факультетти. Научнай библиотекась каннесы рузонь содаф философть и мыслительть М. М. Бахтинонь лемонц, кона покодсь университетса пцтай 25 киза. Университетть научнай библиотекасонза кирдеви 2,5 миллионть малава документ кагод лангса и электроннайхть, ули кода сувамс мировой информационнай ресурсненди. Лувихненди максф 16 морафтомань зал и тяниень пингонь информационно-ситуационнай центра.

Вузть материально-техническяй базац ащи 29 учебно-лабораторнай корпусста, Культурань и искусствань дворец, «Студенческияй» уендемань бассейна, кота спортивнай зал, колма спортивно-оздоровительнай комплекс, соксонь кафта базада. Университетонь 16 марстонь эряма вастса эряй 5000 малава ломань. Вузть студенческяй ошкац сувась сяськиень лувксс сембода цебярь марстонь эряма вастсь Всероссийскяй конкурсть коряс.

Вузонь спортивнай инфраструктурась сувафни 2 физкультурно-оздоровительныай спортивнай комплекст, воздухоопорнай многофункциональнай спортивнай комплекс, «Студенческяй» уендемань бассейна, соксонь база, 6 спортивнай и 5 тренажернай залхт. Н. П. Огарёвонь лемса МГУ-сь аф весть лисендсь сяськикс Всероссийскяй пялькстомаса «Шумбрашинь эряфонь вяти вузсь».

Рейтингоц

2025-це кизоня географиянь областьса предметнай рейтингса вузсь занязе 15-це позициять, строительствань областьса — 19-це, биотехнологиянь и биоинженериянь областьса-20-це, велень хозяйствань областьса — 6-це, ветеринариянь и зоотехниянь областьса — 11-це.

2025-це кизоня Интерфакс национальнай своднай рейтингса университетсь занязе 29-це вастть.

Студенческяй эряфсь

Торжественная церемония старта регистрации кандидатов в волонтеры ЧМ-2018 в Саранске, 1 июня 2016 года

Мордовскяй университетонь студенческяй самоуправлениясь ащи 40-да лама общественнай организацияста, сяконь лувксса профсоюзнай комитетста и студенческяй советста. Студенттненди ули кода няфтемс пря эрь кодама ширде: студенческяй наукаса, предпринимательствась, студенческяй отрядса, самоуправленияса, творчестваса, волонтерсяй тевтиемаса и ст.тов.

2015 кизоня Мордовскяй университетса ладяф Волонтёрскяй центра Миронь чемпионатсь FIFA футболть коряс 2018™. Саранск ошсь ащи МЧ-2018 ушедыенц-ладяенц эзда фкясь, и налхкоматнень ладямаса Мордовскяй университетса аноклаф 1300 волонтёр.

2012-це кизоня математикань и информационнай технологиянь факультетста и электроникань и светотехникань институтста преподавательхне и студентне анокласть программированиять коряс олимпиаданди анокламань Центра. Центрась аноклай пялькстоматненди. Сембода питни сатфксокс университетонь студенттнень ёткса ульсь III степенень дипломсь Полуфинальнай команднай пялькстоматнень эса мастор лангонь студенческяй чемпионатсь программированиять коряс ACM ICPC 2014.

Университетонь шумордайхнень эзда содаф ломаттне и покодихне

Вузонь шумордайхнень ёткса:

• Абросимова, Ирина Григорьевна — театрань и кинонь актрисась. Заслуженнай артисткась и Мордовия Республикань Оцюнянь Премиянь лауреатсь театральнай искусствать видеса;
• Балыкова, Лариса Александровна — российскяй учёнайсь педиатриять видеса, медицинскяй наукань докторсь, профессорсь
• Волков, Владимир Дмитриевич— государственнай и политическяй тевонь вятись. Мордовия Республикань Оцюнясь (2012—2020). Мордовия Республикань Правительствань Председательсь (1995—2012);
• Арсентьев, Николай Михайлович — советскяй и российскяй историксь;
• Васильев, Николай Леонидович — советскяй и российскяй филологсь, лингвистсь и литературоведсь, кялень XIX—XX веконь рузонь писательхнень творчестваснон коряс специалистсь, лексикографсь, филологиянь историянь исследовательсь, филологическяй наукань доктор;
• Голубчик, Марк Михайлович — советскяй и российскяй экономико- и политико-географ, страновед, лама научнай работань высшай школанди учебниконь авторсь
• Голышенкова, Елена Всеволодовна — советскяй и российскяй искусствоведсь, и РАХ-онь членць-корреспондентсь;
• Дунин, Иван Михайлович — российскяй учёнай велень хозяйствань жуватань и племенной тевонь селекциянь видеса, Мордовия Республикань наукань заслуженнай деятельсь, Российскяй Федерациянь наукань заслуженнай деятельсь (1998);
• Ишуткин, Николай Иванович — российскяй поэт и журналистсь, сёрмадсь эрзянь кяльса. Ульсь главнай редакторкс эрзянь кяльса лисенди «Чилисема» идень журналти (1987—2021). Мордовия Республикань Культурань заслуженнай работниксь (1999);
• Куняев, Николай Николаевич — правоведсь, историческяй наукань кандидатсь, юридическяй наукань докторсь, профессорсь. РФ-нь II классонь афкуксонь государственнай советник, РФ-нь III рангонь налоговай службань афкуксонь государственнай советник;
• Филатов, Григорий Михайлович — скульпторсь, Мордовия Республикань заслуженнай художниксь, МАССР-нь премиянь госпремиянь и Мордовиянь комосомолонь премиянь Лауреатсь.
• Шелохаев, Валентин Валентинович— историк; историческяй наукань докторсь(1985), профессорсь (1990), главнай научнай сотрудниксь ИРИ РАН, «История России в ХІХ — начале XX в.» ИРИ РАН Лауреат Центрань вятись;
• Юрчёнков, Валерий Анатольевич, советскяй и российский историксь, краеведсь, историческяй наукань докторсь, профессорсь.
• Баулина, Светлана Никитовна — культурань, национальнай политкань и архивнай тевонь министрсь. С.Н. Баулина шачсь Саранск ошса, 1966-це кизоня 10-це октябрьста. Шумордазе Историко-социалогическяй институтть.
• Дубровская, Светлана Анатольевна — литературоведсь, педагогсь, филологическяй наукань докторсь, профессорсь, М.М. Бахтинонь центрань директорть полафтыец.
• Кубанцев, Трофим Иванович — филологиянь наукань докторсь, профессорсь (шачсь Мордовия Республикань Рузаевскяй райононь Перхляй велеса).
• Мокшанова, Татьяна Петровна — эрзянь поэтессась, переводчиксь и редакторсь, Россиянь Писателень союзу сувафтфсь[ (2014 кизоста сявомок), Мордовия Республикань Оцюнянь од авторхненди литературнай премиянь лауреатсь.
• Бакич Видяй (Виктор Михайлович Чичайкин) — эстрадаса морсись и диджейсь, кона пцтай сембе эсь моронзон морсесыне эрзянь кяльса. Мордовиянь культурань заслуженнай работниксь (2016).
• Кидяев, Виктор Борисович — российскяй государственнай и политическяй тевонь вятись. Государственнай думань V, VI, VII и Российскяй Федерациянь Государственнай думань VIII тердематнень, «Единай Россия» фракцияса ащись.
• Биккинин, Ренат Айсович — российскяй греко-римскяй стильса бороцяйсь, Европань чемпионць, Масторлангонь кубкань сявись, Россиянь чемпионць. Россиянь Спортонь заслуженнай мастерсь.

Ляфтамат

Ссылкатне

• Сайт Мордовского государственного университета имени Н. П. Огарёва