Мишин, Алексей Владимирович

Алексей Мишин
Алексей Мишин
Эсь колганза
	аля вайме[d]
Лемоц	Алексей Владимирович Мишин
Странась	СССР → Россия
Специализациясь	греко-римскяй бороцяма
Клубсь	ЦСКА
Шачема шиц	8-це февральста 1979-це кизоня (47 кизоц)
Шачема вастоц	Рузаевка, Мордовскяй АССР[d], РСФСР, СССР;
Спортивнай карьерац	1996 - тячити самс
Тренерхне	Кузин Ю. М.; Тараканов А. П.
Серец	177 см
Сталмоц	84 килоти самс
Спортивнай званияц
Казненза и медаленза
Греко-римскяй бороцяма
Олимпийскяй налхкомат
Мастор лангонь чемпионаттне
Европань чемпионат
Государственнай казнетне
Воинскяй звания ; майор

Алексей Владимирович Ми́шин (шачсь 8-це февральста 1979-це кизоня, МАССР-нь Рузаевка ошса, — российскяй борец греко-римскяй стиляень. 2004-це кизонь олимпийскяй чемпион, 2007-це кизонь мастор лангонь чемпион, Европань котонь крда чемпион (2001, 2003, 2005, 2007, 2009, 2013), майор.

Эряфонь киц

Алексей Мишин шачсь Рузаевка ошса 1979-це кизоня году. Бороцяма ушедсь сисем кизоса. Васенце сяськомац ульсь омбоце класса тонафнемста районнай пялькстоматнень эса. Васенце тренеркс теенза ульсь Кузин, Юрий Михайлович.

Школаса тонафнемань кизонзон пингста аф весть арсесь Мордовиянь чемпионкс эсь кизонь пялькстыхнень ёткса. Машты и асу цёрать прьметазь и тердезь тренировандама Саранскяень ДЮСШ-в Тараканов, Александр Петровичень кядялу. Од тренерть кядяла 1995-це кизоня Мишин сатсь кадеттнень ёткса первенствать пингста сиянь медаль, а 1996-це кизня повсь странань сборнаи. Тяка жа кизоня сявозе бронзать Россиянь первенствать и юниорхнень ёткса мастор лангонь первенствать пингста.

1997-це кизоня сатфксонзонды поладсь тага фкя медаль странань первенствать пингста, но тяни ни од ломаттнень ёткса. Комсь кизоса, трудонь кельгомать и упрям шида, спортсменць сяськсь Европань первенстваса и арась призёркс Россиянь чемпионатса.

1999-це кизоня бороцяйсь арась мастор лангонь чемпионкс од ломаттнень ёткса.

2000-це кизоня Мишинонь эряфсь макссь ки молемс Сиднеи Олимпийскяй налхкоматненди (руз.) (мок. . Но фкя-фкянь мархта корхтамок, сборноень аноклайхне максозь вайгяльснон сяда машты бороцяйти — кабардинцти Мурат Кардановонди. Эста Алексей эстеенза макссь вал, што путсыне сембе виензон, штоба 4 кизода меле повомс Олимпиадав (руз.) (мок.. Тятфа и лиссь.

2004-це кизоня, кивок афи ащесь каршек мяльти, што 84 килонь сталмоса бороцяйхнень эзда кучемс именна сонь. Тя пингти самс спортсменць аф весть ульсь Россиянь и Европань чемпионкс и мастор лангонь чемпионатса сяськикс. И вот мялец пяшкодевсь: Алексей Мишин сувафтф Олимпийскяй налхкоматнень ёткс Афинаса.

Финальнай фкя-фкянь мархта бороцямась спортсменти арась сембода стакакс. Коверть лангса сон васедсь армянинть Ара Абрахамянонь мархта, конань лангс сон «порендсь пейхть» нинге 200-це кизоста ушедомок, мзярда мастор лангонь чемпионатть пингста тя спортсменць сонь сяськозе. Шкайгиц макссь пинге няфтемс пря сяськикс.

Тя ульсь пяк стака бороцяма, ламось ащесь сянь эзда, кинь тактикац кармай сяда цебярь, кинь сяда тазат нерванза. Васенда вярьгок вастти лиссь Мишин, но Абрахамян курокста мрдафтозе статус-кво ащемать. Зрнянь медальть сатоманцты пачкодемась ащесь мекольдень раундть эзда. Мишин ульсь сяда эрек, отькорь и смелай – кафта пяли тярендезь каршек ащись стакаста кирдезень россиянинть врьгятнеманзон. Пенса финальнай сиренать максомда меле реферись кеподезе вяри кяденц бороцяйть Алексей Мишинонь.

А. Мишин сяськсь

Родинав мрдамдонза меле Алексеенди макссть лем «Мордовия Республикань шнама гражданин».

2006-це кизоня спортсменць ульсь казьф Ялгаксшинь орденца «Физическяй культурать касфтоманкса оцю путфксонкса и спортса оцю сатфксонкса».

2007-це кизоня теенза ульсь максф лем «Рузаевкань шнама гражданин». Алексей Мишин шумордазе профессиональнай спортсменонь карьеранц 2018-це кизоня.

Эсь эряфоц

Алексей Мишин и Софья Великая васедсть 2011-це кизоня «Жестокие игры» телешоуса, сон ульсь ни титулованнай спортсменкс, а Софьянь сембе оцю сяськоманза ульсть нинге инголе.

Но мзярс проектонь финц участникне пялькстсть пялькстомаса и пичедсть сяськомать инкса, Алексеень и Софьянь ёткса тиендевсть ни лия форматонь ризфт. Мяльхне эвондасть сельминголе миллиотт телезрительхнень сельминголе и пяк курокста етасть кеме соткст, конатнень 2012 кизоня спортсметтне кемокстазь.

Семьяса прибавамада тяфта жа ламос учемс ашезь сав. Олимпийскяй васенце сияда меле, Лондонца, Софья тись карьераса ваймама. И 2013 кизоня семьясост шачсь Церасна Олег.

2017 кизоня семьясост эвондась Иднясь Зоя. Алексей стиренц шачемда меле примась решения шумордамс спортивнай карьерать (руз.) (мок. и педа-пес лоткафтомс семьять лангс. А Оцюсь уже тиендсь платт Токиоть-2020 сявоманц коряс.

2021-це кизоня Токиоса Великайсь тага сявонди эсь сия и команднай зрня, а колма ковда меле сембе корхтаматне семьяса конфликтть колга арсихть общественностти. "Больше аш кодамовок семья! Сембось аделавсь. Софья Великая и Алексей Мишин-аф пара^[1].

Спортонь сатфксонза

01 ! — Гран-при Иван Поддубнаень 2007;
01 ! — Гран-при Иван Поддубнаень 2009;
02 ! — Гран-при Иван Поддубнаень 2011;
01 ! — Гран-при Иван Поддубнаень 2012;
01 ! — Гран-при Иван Поддубнаень 2013;
01 ! — Гран-при Иван Поддубнаень 2014;

2017 Россиянь чемпионатсь — бронза
2016 Россиянь чемпионатсь — сия
2015 Европейскяй нациянь кубкась — зрня
2015 Россиянь чемпионатсь — сия
2014 Европейскяй нациянь кубкась — зрня
2013 Россиянь чемпионатсь — зрня
2013 Европань чемпионатсь — зрня
2013 Мастор лангонь кубкась — зрня
2012 Европейскяй нациянь кубкась — зрня
2012 Россиянь чемпионатсь — сия
2012 Европань чемпионатсь — 26-це вастсь
2011 Россиянь чемпионатсь — зрня
2011 Европейскяй нациянь кубкась — эрня
2010 Мастор лангонь чемпионатсь — бронза
2010 Европань чемпионатсь — сия

Казненза и званиянза

Ялгаксшинь орден — Оцю путфксонкса физическяй культурать и спортть касфтоманкса и спортса оцю сатфксонкса (2006)^[2].
«Мордовия Республикань Почетнай гражданин» (2004).
Россиянь спортонь заслуженнай спортонь мастер.

Интервьюсь

Алексей Мишин: «Главная моя мечта — победа на чемпионате мира»

Лятфамат

↑ Фехтование. Борьба. Почему расстались супруги Софья Великая и Алексей Мишин (рус.). Спорт-экспресс (22 июньцта 2022). Дата обращения: 7 октябрьста 2025.
↑ Указ Президента Российской Федерации от 18.02.2006 г. № 126. О награждении государственными наградами Российской Федерации (рус.). Президент России. Дата обращения: 7 октябрьста 2025.

Ссылкатне

Профиль на сайте ЦСКА
Алексей Мишин — олимпийская статистика на сайте Sports-Reference.com(анг.)
Алексей Мишин — профиль на сайте International Wrestling Database(анг.)
Биография спортсмена на сайте «Всё о Мордовии и Саранске»

[1] Фехтование. Борьба. Почему расстались супруги Софья Великая и Алексей Мишин (рус.). Спорт-экспресс (22 июньцта 2022). Дата обращения: 7 октябрьста 2025.

[2] Указ Президента Российской Федерации от 18.02.2006 г. № 126. О награждении государственными наградами Российской Федерации (рус.). Президент России. Дата обращения: 7 октябрьста 2025.

[1]

[2]