Исайкина, Ольга Петровна
| Исайкина Ольга Петровна | ||
|---|---|---|
 | ||
| Шачема шиц | 31-це январьста 1974-це кизоня (52 кизоц) | |
| Шачема вастоц | ||
| Странась | ||
| Тевонь тиемац | тонафты, кудазорава, кедьчелькев ломань | |
| Иденза | 10 | |
| Казненза и премиянза |
|
|
О́льга Петро́вна Иса́йкина (Шачсь 31-це январьста 1974-це кизоня, Утёвка[d], Самарань аймак) — лама идень касфты тядя, 2023-це кизоня Российскяй Федерациянь Президентть Указонц коряс максф лем «Тядя-героиня»[1].
Эряфонь киц
Исайкина шачсь 31-це январьста 1974-це кизоня Самарскяй областень Нефтегорскяй райононь Утёвка велеса. Школада меле поступась и шумордазе якстерь диплом мархта М.Е. Евсевьевонь лемса Мордовскяй государственнай педагогическяй институтсь «Филология. Английский язык и педагогика» специальностть коряс.
Васенда покодсь кафедраса лаборантокс, меле тозк жа преподавателькс.
1997-це кизоня лиссь рьвакс, арась кудазоравакс. Ушедсь касфтома итть и тиендсь профессиональнай кядь вельдень тиендема тефт.
Ольгань мирдец, Александр Васильевич Исайкин, покоди строительстваса.
2018-це кизоти самс Исайкиттнень семьясна эрясь Саранскяйса, меле ётасть эряма эсь кудозост Лямбирскяй райононь Берсеневка вели.
Семьясь вяти шумбра эряфонь ки, эрси велень тевонь ётатома мероприятиятнень эса[2][3].
Иденза
Исайкиттне касфтыхть 10 шабат – кота стирьхть и ниле цёрат.
Кафкса ломанць тя семьяста морайхть музыкальнай инструментса.
Виктор и Пётр – Саранского музыкального училища им. Л. П. Кирюковонь лемса Саранскяень музыкальнай училищань струнно-смычковай отделениянь студентт, а тяфта жа всероссийскяй и международнай музыкальнай пялькстомань лауреатт. Пётр кельгсы конструированиять. 2024-це кизоня синь получасть Мордовия Республикань Оцюнять А. А. Здуновонь кядьста казненди карзихть.
Оцю стирец, Анна, предприниматель и лезды тядянцты рукоделияса. Стиренза Наталья и Ирина – Медицинскяй институтонь Н.П. Огарёвонь лемса Мордовскяй государственнай университетонь студенткат «Лечебное дело» специальностть коряс. Наталья – внутривузовских научных конференциятнень эса улись, ёрай арамс эндокринологокс.
Ольга, Екатерина, Николай, Илья и Валентина – Берсеневской средняй общеобразовательнай школаса тонафнихне. Сувсихть школань олимпиаданенди, тоанафнихть музыкать.
Ольга эрси олимпиадатнень эса эрь кодама школьнай предметтнень коряс, школьниконь Всероссийскяй олимпиадаса муниципальнай этапса лиссь сяськись историять коряс, обществознаниять коряс призёр, ульсь республиканскяй этапса школьниконь Всероссийскяй олимпиадаса историять коряс. Екатерина сяда кельгсыне точнай наукатнень, мяленц салсесы математикась и информатикась, сувси школьнай самодеятельности, тожа тонафниморсема карзиса[2][4][3].
Казненза
Тялонда 2023-це кизоня Российскяй Федерациянь Президентсь В. В. Путин максозе Исайкинати «Тядя-героиня» почётнай лемть вал мархта «Оцю и лама цебярь тевонкса семьянь инститонь кемокстаманкса и идень касфтоманкса-тонафтоманкса». Странань президентсь сувафтозе «Тядя-героиня» лемть россиянкатненди, кона касфты кемонь итть, кизонда 2022-це кизоня, путозе кяденц тя указть алу. Казнесь ащи зрнянь тяште лаца бриллиант мархта и эсонза тиф странать эмалированнай гербц; и тя казнети поладови ярмаконь премиясь 1 миллион цалковаень питнеса.Советскяй Союзса тяфттамма лемсь ащесь 47 киза; сон ульсь макс 430 000 тёжяньда лама аванди.
Мзярда содайнк, што теень максф тя лемсь, ламос ашень сашенда ёжес павазть эзда. Ёрань азомс сюконяма валхт минь Президентоньконди мялень шарфтоманкса российскяй семьятненди, лама идень мархта семьятненди, сянкс, мес сон няйсы ламотненди аф няеви минь трудоньконь. Мон кеман, што идень касфтомаса салава шись — кельгомаса, ляпе ваймоса и шарьхкодемаса. А нинге аф юкснема эсь прянь тонафтомать-касфтомать колга. Улемс идень шачфтыкс-касфтыкс – пяк оцю ответственность! Именна тядясь и алясь озафтсазь юрхнень идть эса. Иттне сембонь сувафтсазь эсезост, сянькса аньцек эсь прянь вятемацень вельде ули кода шабати сувафтомс-максомс цебярь привычкат, трудонь кельгомать, ломаттненди и сяда сиретненди мялень ваномать, Родинати кельгомать и стак тов. Мон эсь цёраненди и стирненди фалу корхнян, што эряфса эрси всякай, но эрь кодама улемаса-лисемаса эряви улемс и лядомс ломанькс. Тееньк мирдезень мархта иттне – инь оцю павазсь. тяряфттама сувафтомс эзост сембода цебярть, путомс виде кис и тиемс синь павазуста сембе ширде, мезе эздонк вешеви и эряви
— Ольга Исайкина[5].
Лятфтамат
- ↑ Указ Президента Российской Федерации от 04.09.2023 № 651 ∙ Официальное опубликование правовых актов ∙ Официальный интернет-портал правовой информации. publication.pravo.gov.ru. Дата обращения: 21 сентябрьста 2025. Архивировано 14 ноябрьста 2022 года.
- ↑ 1 2 Многодетной маме из Мордовии Ольге Исайкиной присвоено звание Мать-героиня (англ.). www.infomordovia.ru. Дата обращения: 21 сентябрьста 2025.
- ↑ 1 2 Владимир Путин присвоил жительнице Мордовии звание «Мать-героиня» (англ.). www.izvmor.ru. Дата обращения: 21 сентябрьста 2025.
- ↑ Глава Мордовии подарил скрипки детям из многодетной семьи Исайкиных (англ.). www.mordoviatv.ru. Дата обращения: 5 августста 2025.
- ↑ Пресс-центр органов государственной власти Республики Мордовия (англ.). www.e-mordovia.ru. Дата обращения: 21 сентябрьста 2025.