Новгородова, Мария Александровна

Рувики лопаста
Новгородова Мария Александровна
Новгородова Мария Александровна.png
Шачема шиц 21-це ноябрьста 1966-це кизоня(1966-11-21) (59 кизоц)
Шачема вастоц Дюрькина, Атяшевань район, Мордовскяй АССР, РСФСР, СССР
Странась
Тевонь тиемац кудазорава
Супруг Новгородов Сергей Валерьевич
Иденза 10
Казненза и премиянза

Мари́я Алекса́ндровна Новгоро́дова (Шачсь 21-це ноябрьста 1966-це кизоня, Дюрки[d], Мордовскяй АССР[d]) — лама идь мархта тядя, 2024-це кизоня Российской Федерацянь президентть указонц коряс максф «Тядя-героиня» лемсь[1].

Эряфонь киц

Мария Новгородова шачсь Мордовиянь Атяшевскяй райононь Дюрки велеса. 24 кизоса, васедемок шумбрашить мархта оцю прябалатнень, тядянза-алянза сявозь Саранск ошу причастиянкса Пресвятой Богородицань Успения церькавса. Храмса лангозонза мяль шарфтсь священнослужительть (руз.) (мок. Иван Генераловонь семьяц. Синь азсть мяль сявомс сонь эсь семьязост и максомс эрявикс мельгаст якама. Тядянц-алянц согласиядост меле сон лядсь эряма Саранскяйса. Сонь шумбрашиц курок цебярьгодсь. Тяка пингть мала храмса эвондась сонь сай пингонь мирдец, Сергей Валерьевич Новгородов, монастырьхнень (руз.) (мок. эзга якамда меле. Сергей шачсь Уфа ошса, ётафтозе идькс и одкс пингонц Тольятти ошса, мезьда меле повсь Мордовияв. Саранскяйса синь содафтсть, рьвяясть и венцясть.

2024 кизоть самс Мариянь и Сергеень ульсь 10 идьсна: вете стирьсна и вете цёрасна. Мария тядясь заняф кудонь тевса и морай клироса. Сергей — священнослужитель[2][3][4].

Иденза

2024-це кизоти, оцю цёрац, Иван, военнай службань ётамда меле получась высшай образования и ётась Моску ошу, коса панжезе кондиционеронь ладямать коряс эсь бизнесонц. Стирьсна Ксения, Ольга, Людмила и Александра аделасть музыкальнай школа-интернат и Л.П. Кирюковонь лемса Саранскяень музыкальнай училищать. Ксения, пуроптсь семья, сонь ули Стирец Виктория. Ольга эряй Крымса. Людмила ётась эряма Москуву и кемокстась контракт Российскяй Федерациянь оборонань Министерствать (руз.) (мок. Российскяй Федерациянь оборонань Министерствать мархта. Сон служай духовнай оркестраса 154-це башка комендантскяй Преображенскяй полкса. Александра тяфта жа эряй Москуса, коса виияфнесы бизнесть кондитерскяй сфераса. Цёрац Серафим — М.Е. Евсевьевонь лемса Мордовскяй государственнай педагогическяй университетонь студент. Екатерина лись рьвакс и касфты цёра. Николай тонафни колледжса, а Валерий и Семёнць — школаса тонафнихть[4].

Казненза

2024-це кизонь 18-це сентябрьста Российскяй Федерациянь президентсь В.В. Путин «оцю путфксонкса семьянь институтть кемокстаманкса и идень касфтоманкса» макссь Мария Новгородовати «Тядя-героиня» почётнай лемть. Казнесь ащи зрнянь тяштекс бриллиант мархта и странань эмалированнай гербса; казнети поладови ярмаконь премия 1 миллион цалковаень питнеса.

Лятфтамат

  1. ↑ Указ Президента Российской Федерации от 18.09.2024 № 800 ∙ Официальное опубликование правовых актов ∙ Официальный интернет-портал правовой информации (рус.). publication.pravo.gov.ru. Дата обращения: 29 сентябрьста 2025.
  2. ↑ Александра Смирнова. Путин присвоил почетные звания матушке и двум машиностроителям из Мордовии (рус.). МордовМедиа (24 сентябрьста 2024). Дата обращения: 29 сентябрьста 2025.
  3. ↑ Ирина Суконкина. Мария Новгородова — мать-героиня! (рус.). ntm13.ru (26 сентябрьста 2024). Дата обращения: 29 сентябрьста 2025.
  4. ↑ 1 2 Андрей Владиславлев. «Детей надо воспитывать так, чтобы они полюбили все чистое, светлое, доброе» (рус.). saransk.sm.news (18 октябрьста 2024). Дата обращения: 29 сентябрьста 2025.

Ссылкатне

Сявф"https://mdf.ruwiki.ru/w/index.php?title=Новгородова,_Мария_Александровна&oldid=418153"-ста