Мокшень правда

Рувики лопаста
«Мокшень правда»
Типсь кулялопа[d]
Мастор Рузмастор котфоц Россия
Уштефоль 1924
Кяль мокшень кяль
Пря офись Саранск ош
Web-лопа mokshen-pr.ru

«Мокшень правда» — МР-нь госсобраниять и Правительствать газетасна (Саранскяйса мокшень кяльса недяляти весть. Тяшти Мордовиянь социально-экономическяй, политическяй и культурнай эряфть колга. Газетаса тяфта жа печатлавихть материалхт омба масторонь эряфть колга, спортть и лия ширетнень колга.

Васенце номероц лиссь 15.05.1924 к. Пензаса, эста газетать лемоцоль «Од веле», сон ульсь партиянь Пензенскяй губкомть Мордовскяй секциянц органоц. Редакторсель И.И. Московкин. 1926 кизоти самс лисендсь недяляти весть. Газетав тяшнесть 200 лама рабочай и крестьянскяй корреспондент. 1928 кизоста сявомок — ВКП(б-нь) Мордовскяй ОК-ть печатнай органоц. 1932 к. омбоце августста лемтьф «Мокшень правдакс». Печатлакшнесь материалхт республикань промышленностть и велень хозяйствам колга. Газетась лама тиендсь культпросветучреждениянь панжемаса, ломаттнень сёрмас и лувома тонафтомаса, мокшень литературнай кяльть грамматиканц, норманзон ладямаса. Газетась печатлакшнесь фолькпоронь произведеният, пуропнезень перьфканза тяштема машты од ломаттнень.

«Мокшень правдати» редакторкс ульсть Л.Е. Бажанов, И.В. Шотин, П.К. Ежов, А.Д. Горькин, В.М. Сурков, И.С. Родин, С.Д. Ивановский, С.Б. Леонтьев, И.М. Кшнякин, Н.И. Учватов, П.П. Кулешов, 1997 кизоста сявомок — И.С. Лушкин. Газетаса покодсть, сёрматкшнесть «Мокшень правдав» материалхт учёнайхне И.Г. Черапкин, И.Ф. Кузьмин, П.С. Шишканов, Н.И. Черапкин, А.В. Алёшкин, сёрмадыхне Яков Пинясов, Пётр Левчаев, Григорий Пинясов, Иван Чигодайкин Юрий Кузнецов и лиятне.

Газетась казьф «Почётонь Знак» орденца (1971).

Кяльвалсь

  • Энциклопедия «Мордвась» Саранск, 2006 к. 536 л.

Ушеширень кучфтемат

Мокшень кяльса изданият