Мокшень правда
| «Мокшень правда» | |
|---|---|
| Типсь | Общественно-политическяй |
| Форматсь | А3 |
| Главнай редакторсь | Вешкин И.П. |
| Ушетф-ладяф | 1924 |
| Кяльсь | мокшень |
| Главнай офиссь | |
| Тиражсь | 1700 |
| Казненза |
 |
| Web-лопа | mokshen-pr.ru |
«Мокшень правда» — МР-нь госсобраниять и Правительствать газетасна (1994 кизоста сявомок). Лисенди Саранскяйса мокшень кяльса недяляти весть 16 лопа лангса. Газетать лопанзон лангса азондови Мордовиять социально-экономическяй, политическяй и культурнай эряфть колга. Газетаса тяфта жа печатлавихть материалхт омба масторонь эряфть колга, спортть и лия ширетнень колга.
Васенце номероц лиссь 1924-це кизонь 15-це майста Пензаса, эста газетать лемоцоль «Од веле», сон ульсь партиянь Пензенскяй губкомть Мордовскяй секциянц органоц. Редакторсель И.И. Московкин. 1926 кизоти самс лисендсь недяляти весть. Газетав тяшнесть 200-да лама рабочай и крестьянскяй корреспондент. 1928 кизоста сявомок — ВКП(б-нь) Мордовскяй ОК-ть печатнай органоц. 1932 к. омбоце августста лемтьф «Мокшень правдакс». Печатлакшнесь материалхт республикань промышленностть и велень хозяйствать колга. Газетась лама тиендсь культпросветучреждениянь панжемаса, ломаттнень сёрмас и лувома тонафтомаса, мокшень литературнай кяльть грамматиканц, норманзон ладямаса. Газетась печатлакшнесь фольклоронь произведеният, пуропнезень перьфканза тяштема машты од ломаттнень.
«Мокшень правдати» редакторкс ульсть Л.Е. Бажанов, И.В. Шотин, П.К. Ежов, А.Д. Горькин, В.М. Сурков, И.С. Родин, С.Д. Ивановский, С.Б. Леонтьев, И.М. Кшнякин, Н.И. Учватов, П.П. Кулешов. 1997-це кизоста сявомок — газетать вятезе Иван Степанович Лушкин. 11-це февралень 2022-це кизоста газетань оцюнясь — Евдокимова, Ольга Васильевна. 2025-це кизоня июнь ковста сявомок Ольга Васильевна эсь мяльс коря кадозе тя вастть.
Газетаса покодсть, сёрматкшнесть «Мокшень правдав» материалхт учёнайхне И.Г. Черапкин, И.Ф. Кузьмин, П.С. Шишканов, Н.И. Черапкин, А.В. Алёшкин, Я.М.Пинясов, Пётр Левчаев, Максим Бебан, Григорий Пинясов, Иван Чигодайкин, Юрий Кузнецов и лиятне. 2025-це кизонь август ковста газетати главнай редакторкс путф Россиянь Журналистонь союзу, Россиянь писателень союзу свафтфсь, Мордовия Республикань СМИ-нь покодись Вешкин, Илья Петрович[1]. 2025-це кизоть омбоце пяленцты газетать тиражец лувонды 1700 экземпляр [2].
Казненза
Газетась казьф «Почётонь Знак» орденца (1971).
Ушеширень кучфтемат
Лятфтамат
- ↑ Илья Петрович Вешкин назначен редактором газеты «Мокшень правда» (рус.). Региональная общественная организация «Союз журналистов Республики Мордовия» (12 августста 2025). Дата обращения: 17 ноябрьста 2025.
- ↑ Группа Газета«Мокшень правда» (рус.). Дата обращения: 30 сентябрьста 2025.
Литературась
- Энциклопедия «Мордвась» Саранск, 2006 к. 536 л.