Эрьзя, Степан Дмитриевич

Степан Дмитриевич Эрьзя
Степан Дмитриевич Эрьзя
Шачема лемоц	Степан Дмитриевич Нефёдов
Шачема шиц	27 октябрьста (8 ноябрьста) 1876
Шачема вастоц	Баева[d], Алатырскяй уездсь[d], Симбирскяй Губерниясь[d], Россиянь империя[d];
Кулома шиц	24 ноябрьста 1959 (83 кизоц)
Кулома вастоц	Моску, СССР;
Странась	Россиянь империя[d]; СССР;
Тевонь тиемац	скульптор
Казненза и премиянза
	Степан Дмитриевич Эрьзя

Степа́н Дми́триевич Э́рьзя (афкуксонь фамилияц — Нефёдов; 27 октябрьста (8 ноябрьста) 1876, Баева^[d], Симбирскяй Губерниясь^[d] — 24 ноябрьста 1959(1959-11-24) (83 кизоц), Моску) — эрзянь советскяй художниксь, кевста и шуфтста керсись, скульпторсь , модерн(ru) стильть ширенц кирдиец.

Шачемац[петнемс | Петнемс лисьмапрянц]

Степан Дмитриевич шачсь 8-це ноябрьста 1876 кизоня Баева эрзянь велеса Алатырскяй уездонь Симбирскяй губерниянь сокаень-видиень семьяса. Кстендафоль Покровскяй церькавса Ахматовавелеса (тяни — ЧувашияньАлатырскяй районць). Идькс пингоц ётась Баевские Выселки (тяни — Баевка (Чувашия)) , Алтышева и Ахматова велетнень эса.

Эряфонь киц

Шумордазе церковно-приходской школать Алтышева велеса. 1892-це кизоня семьясна ётась эряма Алатыри. Изобразительнай искусствань васенце урокнень сявозень Алатырень и Казанень шкайнянь рисавама мастерскойхнень эса, коса архнезень приволжсквелень и ошень церькафнень.

Тонафнесь Москувонь архтомань, кевста керсемань и архитектуронь тонафнемюрхтса С.Волнухинонь эзда (1902—1906). 1906-це кизоста сявомок 1914-це кизоти самс скульпторсь эрясь Италияса и Францияса. Тяса тиезень тяфтама произвелденинзон «Тоска» (1908), «Тюремный священник», «Последняя ночь» (1909), «Каменный век» (1911), «Марта» (1912). Улемок международнай выставкатнень эса Венецияса и Миланца (1909), Парижса «Осенний салон» (1912), кармасть содамонза марнек маторлангса.

Маштомошинц основной тематне и ширетне[петнемс | Петнемс лисьмапрянц]

Эрьзянь маштомошиса од этапсь ушеды 1917-це кизонь Октябрьскяй революцияда меле. Революцияда мельдень кемонь кизотне ульсть сембода стакакс. Эрьзянь эряфсонза. Сон кемазь прняндазе революцять.^[1], сон арнесь странать эзга: 1918 кизоста сявомок 1921 кизоти самс Эрьзя эрясь Уралса(ru) (Мраморск велеса и Екатеринбургса), 1921—1922 кизотнень — Новороссийск ошса, Батуми ошса (1922), Бакуса (1923—1925). Тя пингть сон тись:

Скульптуры Степана Эрьзи на фасаде Дома союза горняков в Баку (ныне — здание Союза композиторов Азербайджана)

памятник"Нолдаф трудти" руз.: «Освобождённому труду», «Уральскяй коммунархненди» руз.: «Уральским коммунарам», «Карл Марксонди» Екатеринбургса;
В. И. Ленинонди Батумиса (1922);
Бакуса Горнякнень Союзонь кудть скульптурнайста мазоптоманц (1923);
Станковай пластикаса работанза: «Народный трибун», «Узник» (1920), «Жертвы революции 1905 года» (1926) и лият.

СПингонь ётазь ладяматне азорондайхнень мархта стакалгодсть. Аньцек 30 кизонь ётазь, Аргентинаса, Эрьзя Л. Орсеттиенди азондозе мезень ланга теенза савсь ётамс ся кизотнень^[2]:

Повсюду господствовали футуристы… В Екатеринбурге я видел, как футуристы уничтожили произведения искусства, которые были плохими по их мнению… и в музеях, и то, что дарили в музей коллекционеры произведений искусства, владельцы магазинов… В Екатеринбурге сожгли даже большую библиотеку….

Эрьзя лятфни сянь колга, што эсь мялензон-арьсеманзон и сельмованфонц, искусстваса сон кирдезень кемоста эрь кодама азорондайхнень пингста Уралса теенза савсь няемс Колчакть врьгятеманц. И, пади сянкса. мес ашезь аще киньге ширеса, теенза удалась лядомс шиса. Эрьзя дятфнесы, што акшетне сонь содазь, «…ценили мои произведения, меня самого, несмотря на то, что я резко защищал красных от обвинений белых…»^[3]. Уралса и Кавказса скульпторсь тись аф фкя кемонь произведения., И Уралса, и Кавказса мастеярть кядялонза ульсь мялезонза туф материалсь — мраморсь(ru), но ламоцне тифт [цементста, и меколи синь ульсть юмафтфт.

Творчествань европейскяй кизотне[петнемс | Петнемс лисьмапрянц]

Омба мастору тумась Эрьзянди ульсь пяк стакакс. Луначарскяень ширде кирдема мяльть коряс 1926кизонь сёксенда Эрьзя туй Парижу командировкас дэсь выставканц анокламанц инкса. Но сембе сяка тоса кармай эряма пяле киза, сяс мес персональнай выставкада башка, сувай «Художественный мир» IV выставкати Независимых Салонца. Кафцьке выставкатне ётасть сатфкс мархта Эрьзянди кандсть-макссть эряманди сатомшка средстват. Получамок тердема тиемс выставка Монтевидеоса, сон туй Латинскяй Америкав и 1927кизоня кармай эряма Аргентинаса.

Аргентинский период творчества[петнемс | Петнемс лисьмапрянц]

Степан Эрьзя Аргентинаса «Моисей» работанц ваксса

1927—1950 кизотнень скульптор покодсь Аргентинаса. Парижскяй выставкада меле Эрьзя усксь Аргентина 30 эсь работанц мяль мархта няфтемс синьваныхненди. Скульпторть самдонза меле Буэнос-Айресонь газетатне няеви вастса сёрмадсть оцю статьят скульпторть творчестванц колга. о

Тяса васенцеда скульптураса нолдазе тевс южноамериканскяй шуфтонь породать. Скульпторсь сяськозе аф аньцек кебрачоть, но и тись зарисовкат тястоконь индейскяй эряйхнень типснон коряс. Гран Чако вирьхнень эса скульпторсь мусь материал, кона няевиста полафтозе марнек сонь искусстванц. тя ульсь кебрачо шуфтсь, кона салазе сонь мяленц калгода шинц, эрь кодама тюсонзон мархта.

СССР-у мрдамац омба масторста[петнемс | Петнемс лисьмапрянц]

С. Эрьзянди памятниксь С. Д. Эрьзянь лемса МРМИИ-ть ваксса, Саранск

1950 кизоня получась советскяй азорондайхнень эзда мярьгома СССР-у мрдаманц колга и 1951 кизоня сай шачема ширезонза, ускомок пяк оцю коллекция эсь работанзон эзда (180 скульптура шуфтста, гипса, бронзаста, мраморста — марнек сталомось 175 тонна). СССР-у мрдамда меле теенза правительствась максы мастерской Москуса Сокол посёлкать видеса, подвалса, коса Эрьзя покодсь и тиендсьэсь работанзонды выставка. Штоба повомс тоза, эрявсь ащемс кувака очередьса. Шура кувака сакал мархта авторсь, сонць прважсехзень сайхнень подвалу.

1956-це кизоня Эрьзя ульсь казьф Трудовой Якстерь Знамянь орденца.

Художник кулось Москуса 24 ноябрьста 1959-це кизоня. Калмаф Саранск ошса.

Скульпторть салавань лемоц

С. Нефёдовонди памятниксь Ульяновскяйса

мемориалса 26 бакинскяй комиссархненди Бакуса, 1950-це кизотне

Салавань лемоц лятфни эсь народонц лемонц, эрзянь народти.

Эрьзянь сембе творчествац пяшкотьф патриотизмаса. Эрямок ламонь киза омба масторса, сон фалу мяляфтсь эсь народонц колга и пяккельгозе сонь. тя кельгомась лангти лиссь и псевдонимть кочкамста, эрзя лемть эзда, мезькс сон и ульсь^[4]: «Эрзянка» (1915), «Голова мордовки» (1917), «Крестьянин-мордвин» (1937), «Старик мордвин» (1940), «Мордвин с папиросой» (1948) и лият. Синь эсост няеви поэтичностсь, физическяй кемошись, потмоширдень арушись, конат ульсть эрзянь национальнай характерса.

Инь цебярь произведениянза[петнемс | Петнемс лисьмапрянц]

«Женщина в шляпе» — портрет А. В. Несытовой^[5] (1906)
«Норвежская женщина» (1910)
«Портрет балерины Фёдоровой» (1915)
«Эрзянка» (1915)
«Калипсо» (1917)
«Иоанн Креститель» (1919)
«Мечта» (1919)
«Спокойствие» (1919)
«Ева» (1919, мрамор),
«Спокойствие» (1919, мрамор),
«Голова Карла Маркса» (1919, мрамор),
«Памятник уральским коммунарам» (1920; гипс, железо),
«Памятник великому кузнецу мира» (1920, гипс),
«Памятник освобождённому труду» (1920, мрамор).
«Мордовка» (1917)
«Народный трибун» (1920)
«Актриса» (1922)
«Шёпот» (1922)
«Людвиг ван Бетховен» (1929)
«Мать с ребёнком» (1929)
«Обнаженная» (1930)
«Ассирийка» (1931)
«Женщина из Индокитая» (1931)
«Портрет секретаря Рабиндраната Тагора» (1931)
«Моисей» (1932)
«Елена» (1934)
«Боливиец» (1933)
«Ужас» (1933)
«Аргентинец» (1934)
«Пламенный» (1934)
«Аргентинка» (1935)
«Спящая мать» (1937)
«Портрет мордовки» (1938)
«Француженка» (1938)
«Портрет матери» (1940)
«Монашенка» (1941)
«Казак» (1942)
«Парагвайка» (1941)
«Испанка» (1942)
«Чилийка» (1943)
«Старик-мордвин» (1943)
«Тоска» (1944)
«Боливиец» (1945)
«Портрет русской женщины» (1948)
«Женский портрет» (1949)
«Москвичка» (1953)
«Любовь» (1955)
«Портрет обнажённой студентки» (1954)

Мяляфтомась

Сонь покаманза ванфтовихть Третьяковонь галереяса, Академиконь Оцю театрать мялямгудса Москусь, Масторонь Рузонь мялямгудса (Санкт-Петербург), Пензенскяй областной картиннай гаререяса. Эрьзянь сембода лама произведениянза ванфтовихть С. Д. Эрьзянь лемса Мордовскяй республиканскяй изобразительнай искусствань музейса. Баева велеса Эрьзянь мялямонь Кудоц-музеец. Саранск ошса сонь лемоц максф бульваронди.

Литературась

Энциклопедия «Мордвась» Саранск, 2006 к. 685 л.

Лятфтамат

↑ Розенберг Н. А. Степан Эрьзя. Аргентинский период: на пересечении культурных традиций. — СПб., 2007. — 112 с., ил. ISBN 978-5-8064-1180-9
↑ МИИРМ рукописный фонд Orsetti Z. Apuntes para una biografia del Escultor Stafan Erzia. — 1976. — Машинопись. — С. 264, 265.
↑ МИИРМ рукописный фонд Orsetti Z. Apuntes para una biografia del Escultor Stafan Erzia. — 1976. — Машинопись. — С. 14.
↑ История Мордовии в лицах. Биог. сб. / Сост. В. С. Лунин; Редкол.: П. Д. Грузнов (отв. ред.), В. С. Лунин (зам.отв. ред.), В. А. Чугунов и др. — Саранск, 1994. — 241 с. ISBN 5-7595-1026-6
↑ ванк. Несытов, Максимилиан Владимирович

Ссылкатне[петнемс | Петнемс лисьмапрянц]

8 https://mokshapr.ru/novosti/obshchestvo/stepan-erzyan-kolga-filma/ Степан Эрьзянь колга фильма

Литературась

Сутеев Г. О. Биографические заметки и воспоминания. — Саранск, 1968.
Баранова М. Н. Степан Дмитриевич Эрьзя (Нефёдов). — Саранск: Мордовское изд-во, 1981.
С. Д. Эрьзя : Альбом / Автор-составитель М. Н. Баранова. — 2-е изд. — Саранск, 1989.
Блинов В. А. Недорисованный портрет. — Саранск, 1991.
Скульптор Эрьзя: Биографические заметки и воспоминания. — Саранск, 1995.
Моро А. Степан Эрьзя. — Саранск: Мордов. кн. изд-во, 1997.
Лазарев С. Е. Образ Степана Разина в изобразительном искусстве // Преподавание истории в школе. — 2016. — № 8. — С. 29—34.

Художественное изложение жизненного пути Степана Эрьзи в трилогии писателя Кузьмы Абрамова:

Сын эрзянский: роман. Кн. 1. — М.: Современник, 1974. — 286 с.
Сын эрзянский: роман. Кн. 2. — М.: Современник, 1976. — 302 с.
Степан Эрьзя: роман. Кн.3. — Саранск: Мордов. кн. изд-во, 1977. — 448 с.

[Степан_Эрьзя._Аргентинский_период-1] Розенберг Н. А. Степан Эрьзя. Аргентинский период: на пересечении культурных традиций. — СПб., 2007. — 112 с., ил. ISBN 978-5-8064-1180-9

[2] МИИРМ рукописный фонд Orsetti Z. Apuntes para una biografia del Escultor Stafan Erzia. — 1976. — Машинопись. — С. 264, 265.

[3] МИИРМ рукописный фонд Orsetti Z. Apuntes para una biografia del Escultor Stafan Erzia. — 1976. — Машинопись. — С. 14.

[4] История Мордовии в лицах. Биог. сб. / Сост. В. С. Лунин; Редкол.: П. Д. Грузнов (отв. ред.), В. С. Лунин (зам.отв. ред.), В. А. Чугунов и др. — Саранск, 1994. — 241 с. ISBN 5-7595-1026-6

[5] ванк. Несытов, Максимилиан Владимирович

[1]

[2]

[3]

[4]

[5]