Великай Отечественнай войнась

Б.Н. Ельцинонь лемса библиотекань материалхне

Тя статьяса материалхне нолдафт тевсБ.Н. Ельцинонь лемса Президентскяй библиотекань фондста

Б. Н. Ельцинонь лемса Президентскяй библиотекась

Великай Отечественнай войнась
Основной конфликтсь: Омбоце мировой войнась
Кержи ширдень столбиксь вярде алу: 1. Немецкяй пехотась молит палы кудть вакска Псковть ала веленява (июнь-июль 1941). 2. ЗиС-3 пушкань орудийнай расчётсь ляценди врагть лангс. Сталинград, сёксесь 1942. 3. Советскяй артиллеристтне Берлинть алот. Апрель 1945. Види ширдень столбиксь вярде алу: 1. Московскяй ополченецненди явихть винтовкат (кизонда 1941). 2. Санинструкторсь ашкоды раненайть эса Керчть видеса тюремать пингста. Крымть нолдамац, 1944. 3. Москуряйхне Якстерь площадьса Сяськомань шить празднованиянц пингста. 9 майста 1945
Датась	22 июньцта 1941 — 9 майста 1945 (3 года, 10 месяцев, 2 недели и 3 дня)
Вастсь	Восточнай, Центральнай, Севернай и Южнай Европсь ; Севернай Ледовитай океанть акваторияц, Балтийскяй, Чёрнай и Азовское морятнень морей
Туфталсь	Нацистскяй Германиять кяжи экспансионистскай идеологияц инголькиге арьсемац эрявиксшить колга сатомс "Шинь мадома ширеса эряма вастть" немецнень кядяла азорондаманкса ломаттнень лангса Идеологиятнень аф ладямаснанацизмать и коммунизмать: Гитлер тяряфтсь машфтомс советскяй государствать кода коммунистическяй идеологиянь кирдема вастть Военно-стратегическяй расчётсь: Великобританиять сатоманц аф удаламда меле, немецкяй командованиясь сась мяльс шарфтомс кяжть шинь стяма шири, штоба СССР-ть козяшинц вельде сяда тов мольфтемс войнать сембе мастор лангса азорондайкс арамать инкса
Итогсь	СССР-ть сяськомац, Германиять капитуляцияц
Полафтоматне	Нацистскяй Германиять машфтомац Германиять оккупацияц и явомац западнай и восточнай пяльксова Восточнай и Центральнай Европань кой-кона государстватнень эса просоветскяй правительстватнень азородама арамасна Создание Объединённай Нациянь Организациянь пуроптомась Кафта сверхдержавань пэвондамась
Противникне
СССР Германиясь • Словакия • Хорватия Королевство Италия (1941–1943) → Венгрия • Королевство Венгрия (15 октябрти самс 1944) • Национальнай единствань Венгерскяй Правительствась (16 октябрьста сявомок 1944) Румыния ( 1944 самс)  Финляндия (1944 самс) Коллаборационистскяй воинскяй формированиятне Рузонь коллаборационисттне • РОА • Дивизия «Руссланд» • «РОНА» СС дивизиясь Украинскяй коллаборационисттне • УОА • Дивизия СС «Галиция» Белорусскяй коллаборационисттне • БКА • 1-це белорусскяй СС дивизиясь Латышскяй коллаборационисттне • Латышскяй легионць • 1-це латышскяй СС дивизиясь Эстонскяй коллаборационисттне • Эстонскяй легионць • 1-це эстонскяй СС дивизиясь Литовскяй коллаборационисттне • Отечествань араламань вийхне Грузинскяй коллаборационисттне • Грузинскяй легионць • Северокавказскяй легионць Армянскяе коллаборационисттне • Армянскяй легионць • Северокавказскяй легионць Азербайджанскяй коллаборационисттне • Азербайджанскяй легионць • Северокавказскяй легионць Среднеазиатскяй коллаборационисттне • Туркестанскяй легионць Поволжскяй коллаборационисттне • Калмыцкяй кавалерийскяй корпуссь • Волжско-татарскяй «Идель-Урал» легионць Крымско-татарскяй коллаборационисттне • Крымскяй боевой группась • Татарскяй горнопехотнай СС полксь Чешскяй коллаборационисттне • Правительственнай войскатне • Чешскяй добровольческяй СС ротась Хорватскяй коллаборационисттне • 369-це хорватскяй пехотнай полксь • 373-це хорватскяй пехотнай дивизиясь • «Кама» СС дивизиясь Словенскяй коллаборационисттне • Словенское домобранство • Добровольческяй антикоммунистическяй милициясь Сербскяй коллаборационисттне • Сербскяй государственнай стражась • Сербскяй добровольческяй корпуссь Польскяе коллаборационисттне • Сенем полициясь • Гуральскяй легионць Болгарскяй коллаборационисттне • 1-це болгарскяй СС войскань бригадась Албанскяй коллаборационисттне • «Скандербег» СС дивизиясь • «Косово» полксь и лиятне. Государстватне, конат кирдезь «ось» странатнень: Испания.  Швеция Болгария (1944 самс)
Командующайхне
СССР Иосиф Сталин Георгий Жуков Борис Шапошников  † Александр Василевский Константин Рокоссовский Иван Конев Алексей Антонов Иван Баграмян Семён Будённый Николай Ватутин  † Климент Ворошилов Леонид Говоров Андрей Ерёменко Василий Чуйков Дмитрий Павлов  † Михаил Кирпонос  † Родион Малиновский Кирилл Мерецков Иван Петров Михаил Ефремов  † Маркиан Попов Семён Тимошенко Иван Тюленев Фёдор Толбухин Иван Черняховский  † Югославия Иосип Броз Тито Милован Джилас Александр Ранкович Коста Надь Пеко Дапчевич Коча Попович Петар Драпшин Светозар Вукманович Арсо Йованович Сава Ковачевич Иван Гошняк Эдвард Кардель Салчак Тока Михал Жимерский Францишек Юзвяк Станислав Поплавский Войцех Ярузельский Людвик Свобода Отакар Ярош Энвер Ходжа Мехмет Шеху Пьер Пуйяд Луи Дельфино Дамян Велчев Владимир Стойчев Михай I Константин Василиу-Рэшкану Карл Маннергейм Аксель Айро Германия Адольф Гитлер  † Генрих Гиммлер Герман Геринг   Вальтер фон Браухич Фёдор фон Бок † Эрнст Буш Максимилиан фон Вейхс Хайнц Гудериан Герман Геринг Роберт фон Грейм Эвальд фон Клейст Гюнтер фон Клюге  † Георг фон Кюхлер Вильгельм фон Лееб Вильгельм Лист Эрих фон Манштейн Вальтер Модель  † Фридрих Паулюс   Вальтер фон Рейхенау  † Герд фон Рундштедт Фердинанд Шёрнер Лотар Рендулич Эрхард Раус Гельмут фон Паннвиц Эдгар Пюо Леон Дегрель Кристиан Крюссинг Кристиан Шальбург † Кнуд Бёрге Мартинсен Агустин Муньос Грандес Эмилио Эстебан-Инфантес Андрей Власов Финляндия Ристо Рюти Карл Маннергейм Аксель Айро Карл Эш Эрик Хейнрихс Эрнст Линдер † [Бенито Муссолини  † Джованни Мессе Итало Гарибольди Миклош Хорти Ференц Салаши Густав Яни Ференц Сомбатеи Ион Антонеску  # Петре Думитреску Константин Константинеску Йозеф Тисо Фердинанд Чатлош Анте Павелич Виктор Павичич  † Марко Месич   Леопольд Окулицкий Стефан Ровецкий  † Драголюб Михайлович
Ширетнень вийсна
Марнек кучф РККА-в 1941—1945: 34 476 700 ломаньда Марнек кучф ВФ 1941—1945: малава 19 000 000 ломань
Юмафксне
26 600 000, сяконь лувксса 8 668 400 военнаень Аф мрдафтови юмаф — 11 444 100 ломаньда 11 900 000, сяконь лувксса 5 076 700 военных Аф мрдафтови юмафтф — 8 649 200 ломань (аф лувомок 1,6 млн, конат сявфт пленц 1945 кизонь 9 майда меле. Фольксштурмонь аф содаф юмафта, полициянь, коллаборационистонь и стак тов)
Марнек юмафкста
34 361 700 ломань
Великай Отечественнай войнась

Вели́кай Оте́чественнай война́сь (22-це июньцта 1941 — 9-це майста 1945) — освободительнай война Советскяй Союзонь Социалистическяй Республикать нацистскяй Германиять и сонь европейскяй союзниконзон каршес (фашистскяй Италиять, Венгриять, Румыниять, Словакиять, Финляндииять и Хорватиять). Ащи инь оцю и решающай пяльксокс Омбоце мировой войнати] (1939—1945). Эсь масштабонц мархта арась сембода оцю и веронь пяярди вооружённай аф ладямакс масторлангонь эрямопингса.

Нацистскяй Германиять вятиенза войнати анокламать Советскяй Союзть каршес ушедсть сразу Франциять капитуляциядонза меле 1940 кизоня. Немецкяй командованиять кядяла аноклаф СССР-ть лангс врьгятемань планти максфоль лем «План «Барбаросса» . Сон нежетькшневсь варчсеф Западнай Европаса блицкригонь («ёндолкс ётай войнань») стратегиянц лангс и тяряфневсь тапамс Якстерь Армиянь основной вийхнень «фкя нюрьхкяняста ётай кампаниять» пингста. Серцек молезь латцевсь-аноклавсь «Ост Генеральнай планць», конань пяшкодемс арьсекшневсь сразу Советскяй союзть сяськомда меле. «Ост» планть коряс тяряфневсь машфтомс советскяй государствать марнек, сатомс и лихтемс сембе ресурсонзон и паршинзон шинь мадома шири, «германизацияфтомс» странать сембе вастова Уралу молемс машфтома мархта и и вихца полафтфтомс эряма вастснон тястоконь эряйхнень сяда оцюшка пяльксснон.

Коламок договор аф врьгятемать коряс, 22-це июньцта 1941 кизоня нацистскяй Германиянь и сонь союзниконзон войскасна войнать колга ушедомать латта апак аст врьгятезь сувасть СССР-ть территориязонза .

Войнать васенце пингстонза (22 июньцта 1941 — 18-це ноябрьста 1942) Советскяй Союз ёафтсь пяк лама ломаньда, юмафтомок лама эсь территорияда странать ши мадома ширесонза и юмафтомок лама ресурста. Сембе сяка, Якстерь Армиять героическйяста каршек ащеманц вельде, «ёндолкс ётамань войнань» немецкяй планць ульсь срафтф-калафтф, Москуть инкса тюремста вермахтонь врьгятемац ульсь лоткафтф. Кочкаф боевой тефнень эса маштомошись и экономикать ладямац военнай эряфть мольфтеманц коряс лездсь Якстерь Армияти прянь араламань тюрематнень эзда ётасть панеманнетненди.

Омбоце пяльксса (ноябрь 1942 — декабрь 1943) советскяй армиясь ётась стратегическяй наступленияти, сяськсь Сталинградть и Курскяйть ала, и нолдазень ламоц СССР-нь территориятнень, мезсь китькстазе войнать синдеманц и кадозе Германиять стратегическяй инициативафтома.

Войнать колмоце этапсонза (январь 1944 — май 1945), СССР марнек территориянц нолдамста, Якстерь Армиясь тись сатфкст инголи молемаса Восточной Европаса и Балканскяй полуостровса, тапамок вермахтонь оцюда лама виензон. 1945 кизонь тундать советскяй войскатне сявозь Берлинть, Германияти савсь сёрмадомс апак корхтафтт капитуляцить.

Войнать пингста Советскяй Союзсь антигитлеровскяй коалициять лувксса тись сембода оцю карьхць Германиянь вооруженнай вийхненди и синь европейскяй союзникснонды, тянь мархта тиемок

оцю тев синь тапамаснон коряс Европаса. Колма кизонь молезь (1941—1944) СССР-ть каршес ульсь нолдаф тевс 90 % Германиять сембе виензон эзда. 1944 кизонь июньцта антигитлеровскяй коалициянь коряс союзнай войскатнень Нормандияса валгомда меле, Восточнай фронтса таки ляткшнесь ⅔ сембе немецких войсканень эзда .

Советскяй Союзсь странатнень-сяськихнень лувксснон ёткса ащесь муворгофтень ширень кирдись Нюрнбергскяй трибуналса, кона макссь видексонь питне Германиять вельде ушетф агрессивнай войнати, военнай преступлениятнень и преступлениятнень ломанькс улемать каршес, конатнень тиезь нацисттне войнать молеманц пингста, а тяфта жа лихть муворгофтомат инь оцю нацистскяй преступникнеди.

Советскяй народть сяськоманцты Великай Отечественнай войнаса СССР-нь Верховнай Советть Президиумонц указонц коряс 9 майсь улсь ладяф сембе народти кенярдемань шикс  — Сяськомань шикс.

Лемоц

Германиять мархта войнась "Отечественнай война" валзюлмосса васенцеда лемдевсь иностраннай тевонь наркомть В. М. Молотовонь радиоса корхтамаса СССР-ть лангс 1941-це кизоня 22-це июньцта немецкяй войскатнень врьгятемань шиста:

Эсь пингстонза Россиять лангс Наполеонть врьгятеманцты народсь макссь карша вал отечественнай войнаса и Напалеонць кирдсь войскань тапама. Тяфта жа кармай и Гитлерть мархта, кона явсь мяльса молемс странаньконь лангс. Якстерь Армиясь и минь сембе народоньке кармай вятема Родинаньконь, честть, воляшить инкса сяськомань отечественнай война.

«Великай отечественнай война» валзюлмоть васенцтнень ёткса нолдаф тевс лувксти СССР-ть Германиять мархта тюреманц коряс сувайхть газеты «Правда» газетать статьянза 1941 кизонь 23 и 24 июньцта .

3 июльста 1941 кизоня Сталинонь пшкядемац радива коряс народти эпитеттне «великай» и «отечественнай» нолдавихть тевс башка. Терминць «Отечественнай война» ульсь кемокстаф Отечественнай войнань ордентть сувафтоманц мархта, СССР-нь Верховнай Советть Президиумонц указонц мярьгоманц вельде 20 майста 1942 кизоня.

1914—1915 кизотнень «Великай Отечественнай война» лемсь нолневсь тевс аф официальнай публикацияса Васенце мировой войнати.

Англань кялень историографияса Великай Отечественнай войнась лемневи кода «Восточнай фронт Омбоце мировой войнань» (анг.: Eastern Front of World War II). Немецкяй историографияса тевс нолдавихть терминтне «германо-советскяй война» (нем.: Deutsch-Sowjetischer Krieg), «Рузонь молема» (нем.: Russlandfeldzug) или «Восточнай молема» (нем.: Ostfeldzug Ostfeldzug).

Военно-политическяй ситуациясь Европаса войнань ушедома карша

1920-це кизотнень, ушедомок Рапалльскяй договорть подписандамста, СССР кирдсь ялгаксши Веймарскяй Германиять мархта. Сембе сяка Германияса нацистонь азорондамань ушедомать мархта А. Гитлеронь оцюнякс ащеманц пингста 1933 кизоня арась советско-германскяй соткснень ёткса кельмофтема туфталкс, сяс мес [национал-социалистическяй пропагандась ушетксстокиге кирдсь антикоммунистическяй шири молема. 1936 кизоня нацистскяй Германиять и милитаристскяй Япониять ёткса ульсь тиф сотксонь тиема Антикоминтерновскяй пактть коряс, кона шарфтф Коммунистическяй интернационалть и мастор лангса коммунизмать келемоманц каршес.

Тя событиятне ряфцодозь Советскяй Союзть маладомати шинь мадома ширдень странатнень мархта. Омба масторонь тевонь тии наркомсь М. М. Литвинов Европаса марстонь аф пелемань фкя лаца аноконь фкя-фкянди лезксонь тиемань пактть лангс нежедезь системань анокламать инкса. Тянди ащесть каршек британскяй и немецкяй дипломатиятне. Сембе сяка 1935 кизоня СССР-ти удалась тиемс договор фкя-фкянди лездомать коряс Франциять и Чехословакиять мархта.

1938 кизоня Германиясь макссь территориальнай вешфкст Чехословакиянь Судетскяй областть коряс. Надиямок ётамс общеевропейскяй войнать вакска, Франциясь и Англиясь ушедсть агрессоронь умиротворениягь политика: Мюнхенца ульсь подписандаф соглашения, конань коряс Германиять ули аннексияц Судетти условиянь кирдезь, ванфтомс лия европейскяй странатнеень ванфтомс масторкитьксснон. Чехословакиять лачемоманц сюнеда Польшась наннексировандазе Тешинскяй областть. И 1939 кизоня Германия калафтозе договорть и фатязе сембе Чехословакиять.

Советскяй правительствась тяряфнесь ладямс система коллективнай безопасностень коряс и Англиять и Франциять мархта тиемс договор фкя-фкянди лездомать коряс Германиять ширде од врьгятнемать эзда. тянксаМоскуса апрельста — майста 1939 кизоня ушедсть колма ширдень англо-франко-советскяй переговорхне.

Англиянь и Франциянь ломаттне, пконат састь Москуву 12 августста, ашель полномочиясна сотомс договор. Советскяй ширесь переговорхнень пингста ладясь план, кона няфнезень тевонь тиематнень колма странатнень ширдесембе врьгятнематнень коряс Европаса. Польшань правительствась отказась прняндамс мяльть советскяй войскатнень нолдамаснон эсь территорияваст, кда Германиясь врьгяти. Великобританиясь тяфта жа ульсь каршек СССР-ть мархта эрь кодама договоронь ладямань коряс. Великобританиянь премьер-министрсь Н. Чемберлен азозе, што сон «сяда курок туй вастстонза, но аф путсы кяденц союзть колга советтнень мархта». Западнай странатнень сюнеда переговорхне повсть перяф вастс.

Аньцек войнада меле, 1947 кизоня, сядонгольдень французскяй премьерсь П. Рейно корхнесь: «Кинь мархта тейнек эрявсь сотомс союз? Шумбра смузсь, географиясь, эряма пингсь и Гитлеронь планонза макссесть тейнек виде ответ тя кизефксть лангс. Тейнек макссесть мяль сотомс соткс, но минь улеме каршек».

Пелемок лядомс ськамонк врьгятемать инголе , 23 августста 1939 кизоня СССР-сь Германиять мархта ладясть договор аф врьгятемать коряс, кона содаф кода «Молотовонь-Риббентропонь пактсна». Теенза полатфоль салавань протокол, конань клоряс ССС-сь и Германиясь ладязьШинь мадома ширдень Европаса эсь ащема вастснон.

Тя няфтезе сяда товолдонь уликсне Великай Отечественнай войнса сяськомать лисемац. Еда СССР-ть афоль уле кафта кизоц врьгятемати анокламаса, конат савсть максфт тя договорть коряс, вермахтсь вишкста сяськоль победу.

Омбоце мировой войнать ушедомда инголе

Аф ваномок аф врьгятемать коряс декларациять лангс, 1 сентябрьста 1939 кизоня Германиясь сувась Польшав. Ушедсь Омбоце мировой войнась. СССР-сь марстонь аф пелемань тиемань политикать каладоманц пингста тяряфтськода можна фталу шашфтомс войнать с Германиять мархта, и, тяка пингть, тиемс эстеест аф пелькс, кда войнась ушеды. 1939 кизоня советскяй дипломатиясь упорендазь вятсь переговорхт Финляндиянь азорондайхнень мархта, тяряфтомок полафтомс финскяй территориятнень Карельскяй перешейкать кафксть сяда оцю васта лангс советскяй Карелиять лангс. Тя эрявсь сянкса, штоба «шашфтомс» сСССР-ть кельме ширдень масторкитьксонц Ленинградть эзда. Финскяй азорондайхнень атказамаснон сюнеда любой переговорхнень эзда тя кизефксть коряс ушедсь советско-финляндскайя войнась (1939—1940).

Кемокмневсть странать и лямбе ширдень межанза. 1940 кизоня СССР-сь Румыниянь азорондайхнень эзда Бессарабиять мрдафтоманц и Севернай Буковинать, конатнень сявозень Румыниясь эстеенза нинге Гражданскяй войнань омба масторонь державатнень интервенцияснон пингста.

Тяфта жа 1940 кизоня СССР-ть лувксс сувасть вошли Прибалтикань странатне: Литвась, Латвиясь и Эстониясь.

Нацистскяй Германиять СССР-ть каршес войнати анокламац

РМяльсь войнать колга СССР-ть каршес и марстонь планць сай пингонь кампаниять ульсть азфт Гитлеронь вельде пуромксса высшай военнай командованиять эса 31 июльста 1940 кизоня. Вяти вастть врьгятемать ладямаса сатозе вермахтонь сухопутнай войскань генеральнай штабоц , коса начальникокс ащесь генерал-полковниксь Ф. Гальдер. Синь мархтост оцбю васт сявондсь штаб оперативнай руководствань штабсь , косаоцюнякс ульсь генералсь А. Йодль, кинди указаниятнень макссезень сонць Гитлер.

№ 21 директивась «Барбароссонь вариантоц»

18 декабрьста 1940 кизоня Гитлер подписандазе № 21 директивать вермахтонь верховнай главнокомандованиянц, кона сявсь лем «Вариант Барбаросса» и и ладявсь инь оцю документокс войнаса СССР-ть каршес. Германиянь вооружённай вийхненди максфоль задача «тапамс Советскяй Россиять весть максф нюрьхкяня пингста». .

31 январьста 1941 кизоня сухопутнай войскань главнокомандующайсьгенерал-фельдмаршалсь В. фон Браухич подписандазь директива ОКХ № 050/41 вермахтонь виензон ладямаснон и келемомаснон колга, кона видеста ладязень т вятезень ССР-т каршес войнань вятема принципнень, конат азфтольхть № 21 директиваса, оконань сембода мала и оцю вастса ащи целец: Якстерь Армиянь войскань тапамась Днепрать и Западнай Двинать ширде.

Оперативно-стратегическяй планированиясь

Германскяй руководствась арьсесь нолдамс тевс советскяй войскань тапамать эрявиксшинц фронтть сембе китькмонц эзга. Арьсеф «пограничнай сражениять» коряс СССР-ть мезецка аф лядф, 30-40 резервнай дивизияда башка. Основной оперативнай китьксокс ульсть лувфт московскяй и киевскяй направлениятне. Синь обеспечивандазь «Центр» армиянь группась (500 вайгяльбень фронтса пуроптфоль 48 дивизия) и «Юг» армиянь группась (1250 вайгяльбень фронтса пуроптфоль 40 немецкяй дивизия и союзниконь оцюшка вийхне). «Север» армиянь группась (29 дивизия 290 вайгяльбенб фронтса) кирдсь задача обеспечивандамс «Центр» группать кельме ширдень флангонц, сявомс Прибалтикать и ладямс соткст финскяй войскатнень мархта. Марнек васенце стратегическяй эшелонть дивизянь лувксоц пачкотькшнесь, сувафтомок тяза финскяй, венгерскяй и румынскяй войскатнень, 157 дивизия, эздост 17 танковай и 13 моторизованнай, и 18 бригада.

Кафксоце сутканя немецкяй войскатне лисельхть Каунас — Барановичи — Львов — Могилёв-Подольский межати. Войнань комозце сутканя ттест эряволь сатомс вастть и пачкодемс : Днепр (Киевть алу ширденза) — Мозырь — Рогачёв — Орша — Витебск — Великие Луки — Псковть эзда лямбе шири — Пярнуть эзда лямбе ширдень межати.

Тяда меле комсь ши кирдеволь лоткама, конань пингста арьсекшневсь оду ладямс войскатнень, максомс ваймас и анокламс од база снабжениянди. Войнань нилегемонце шиня арьсекшневсь ушедомс врьгятемань омбоце фазать. Тя ёткть арьсефоль сатомс Москуть, Ленинградть и Донбассть.

«Барбароссонь» операциять апак учсек врьгятеманц ладямац

СССР-ть каршес войнать ушетксстокиге оцю васта германскяй военно-политическяй руководствать и вермахтонь командованиять эса ульсть дезинформациянь, стратегическяй и оперативнай маскировкань кизефксне, конат кирдсть цель СССР-нь руководствать тапарямс Генрманиять СССР-ть лангс врьгятемань пингть ушедоманц колга. Ламоц мероприятиятне тянь коряс ётафтовсть сонцень Гитлеронь кядяла и кой-коста и сонцень улеманц пингста.

Тапаряфты мероприятиятненди политическяй областьса эрявсь няфтемс Гитлеронь прянь вятеманц советско-германскяй пактть аф врьгятемать колга, верондатомс советскяй руководствать Германии территориальнай аф вешендеманзон СССР-ть ширде. Оцю мяль шарфневсь, штоба аф нолдамс Европаса антифашистскяй государствань блоконь пуроптома.

Анокламок цебярь ширет войнанди, Гитлер кашендезень эсь кяжи мялензон-арьсефонзон дипломатическяйста шири шары тевса, ккона няфнезень советскяй руководствати сери вастса ащи советско-германскяй соткснень коряс. Васькафнемань «цебярь шабрань» соткснень пингста валом ушедовсть германскяй войскань ётафнемась шинь мадома ширдень шинь стяма шири и сай пингонь войнати анокламась. Оружиянь нолдамань ламолгофтомась, военнаой техникань и двойнанди эрявксты лия паршинь нолдамась, шарьхкотьфневсь, кода Великобританиять каршес войнань мольфтеманкса. Сатфкс мархта тяфтама кяшендемась макссь вермахтти апак учсек и инголи вишкста молема войнать васенце пялькссонза.

Нацистскяй платтне СССР-ть коряс

Кучка васта нацистскяй платтнень эса ульсть «шарьхкодематне» политикать колга рузонь народть коряс. В «Замечаниях и предложениях по генеральному плану Ост», составленных 1942 кизонь 27 апрельста восточнай министерствань расово-политическяй отделонь восточнай министерствань вятись Э. Ветцель корхтась: «Корхтамась моли аф аньцек государствань тапамать колга Москуть мархта, тя сатфкссь аф пяшкодьсы сембе прябалать тапаманц. Васендакиге эряви тапамс русне, кода народ, явфтомс синь… ». В «Замечанияса» тяфта жа киькстафоль: «Эряви, штоба рузонь территориясаэряйхне содальхть аньце ки лангонь тяштькснень, умножениянь таблицать тонадолезь 25 и маштольхть кядьснон путома эсь фамилияснон алу.

«Барбароссонь» планть видеса латцевсь «Ольденбург» планць — экономическяй план СССР-нь сатф территориятнень коряс. Авторкс птя планти ульсь рейхсмаршалсь Герман Геринг. «Ольденбург» планць, 1941 кизонь 29 апрельста кемокстафсь, инголькиге латцезе кирдемась Колмоце Рейхти службаса ащемась сембе сырьянь и оцю промышленнай предприятиянь уликснень Советскяй Союзонь васттнень эзга. СССР-ть европань ширде пяльксонц ладяфоль явоштомс экономикань ширде кучкать эзда и тиемс аграрно-сырьевой пялькокс Германияти

Сатф васттнень эзда сявф паршить кочкамс ладяфоль комиссия, коса оцюнякс ульсь Герберт Бакке. Сонь инголенза путфоль задача пачфнемс и трямс германскяй вооружённай вийхне марнек СССР-ть паршиенц вельде. Лядыкс паршись велень хозяйствань региоттнень эзда ладяфоль лихтемс Германияв, тянь мархта кирьфтамс лувксснон СССР-са индустриальнай центрань эряйхнень.

Сембе платтне ССР-ть коряс кирдевсть кяшфста. Корхтамок пуромксса Восточнай областень реорганизациянь кизефкснень колга 16 июльста 1941 к., Гитлер корхтась: «Тейнек аф эряви азонкшнемс афкукс целеньконь колга, но тейнек афкукс эряви содамс, мезе минь ёратама. Эряви тиемс стане, кода минь тиендеме Норвегияса, Данияса, Бельгияса и в Голландияса. Мы карматама тиендема станя, бта минь тясотама аф сембе пингс. Но минь-то лац карматама содама, што минь мзярдовок аф тутама тя странаста».

Вийхне, конат тюрсть Германиять ширеса

Вермахтть и СС-нь войскатнень пяшкодезь 1,8 миллионда лама лия государствань и национальностень ломаттне. Эздост войнань кизотнень пуроптовсть 59 дивизияда, 23 бригадада, мзярошка башка полкт, легиотт и батальотт. Ламотне эздост каннесть лепт территориять или национальностть улеманц-кандоманц коряс: «Валлония», «Галичина», «Богемия и Моравия», «Викинг», « Денмарк», «Гембез», «Лангемарк», «Нордланд», «Недерланд», «Шарлемань» и лиятне.

Страны «оси» в Европе к июню 1941 года

Советскяй Союзть каршес войнаса ульсть Германиять союзниконза  — Италиясь, Венгриясь, Румыниясь, Финляндиясь, Словакиясь, Хорватиясь.

Италиясь 1941 киизоня кизонда кучсь ССРР-ть каршес войнаса улема экспедиционнай корпус, 1942 кизонь июльста оду ладяф общевойсковой армиякс 200 тёжянень лувксса ломань.

Румыниясь кучсь армия 200 000 ломаньцта: ванфтыень часттть, авиаэскадрильят, Черноморскяй флот и Дунайскяй военнай флотилия. Бессарабияда и Северной Буковинада башка, Румыниясь кемась аннексировандамс Черноморскяй побережьять Дунайста сявомок Днепрати самс и мянь тиендсь вешфкст Крымскяй полуостровть лангс.

Венгриять ульсь паксянь колма армиядонза и экспедиционнай корпусоц, войсканц лувксоц пачкотькшнесь 500 тёжянь ломаньц. Венгриясь ёрась сявомс Закарпатьять, Кельме ширдень Трансильваниять и кой-кона югославскяй территориятнень.

Финляндиясь 25 июньцта 1941 кизоня срхкафтсь СССР-ть каршес кафта армият, ванфтыень частьт, ВВС и ВМФ (войскань марстонь лувкссь пачкотькшнесь 450 тёжянь ломаньц).

СССР-ть каршес войнаса ульсть Словакиянь воинскяй частьтне, 2,5 дивизиянь дувксса (кафта пехотнай дивизият, фкя гаубичнай полк, фкя полк противотанковай артиллериянь, фкя зенитно-артиллерийскяй полк, фкя авиаполк и фкятанковый батальон — марнек, 42,5 тёжянь военнослужащай, 246 орудия и миномёт, 35 танка и 160 самолёт).

Франкистскяй Испаниясь 1941 кизоня СССР-ть каршес тюрема кучсь фкя пехотнай дивизия (максф лем «валда-сенем дивизия») и «Сальвадор» авиаэскадрилья .

Хорватиясь 1941 кизоня Германияти лезксонди прважась колма легиотт. Нинге вермахтонь колма дивизият и кафта сС-нь войскань дивизият, конат кочкафт хорватонь и боснийскяй мусульманонь эзда, синь ульсть тюремаса Якстерь Армиять каршес Югославиять и Венгриять нолдамста.

Нацистскяй Германиять ширеса ульсть эрь кодама коллаборационистскяй воинскяй формированият, сембода оцюсь эздост Рузонь освободительнай армиясь (РОА) генералть Андрей Власовонь кядяла, кона ётась врагть шири.

Германиять ширеса воявасть эрь кодама националистическяй коллаборационистскяй формированият, лувкссост ульсть — украинскяй националистонь батальоттне «Нахтигаль» и «Роланд».Меле украинскяй батальоттне ульсть срафтфт, а синь личнай лувкссна пуроптфоль фкя подразделенияс — 201-це ванфтыень полициянь батальонць .Нацистскяй Германиять ширеса тяфта жа воевасть подразделениятне, Северного Кавказса и Закавказьяса шачфне — Батальон Бергманн, Грузинскяй легионць, Азербайджанскяй легионць, Северокавказскяй легионць и стак тов.

Гитлеровскяй Германиянь армиять лувксса воевась 15-це казачай кавалерийскяй СС корпуссь генералть фон Паннвицень и казачай лия частьть. Штоба кемокстамс казакнень тюремаснон Германиять ширеса, ульсь тиф «теория», конань коряс казакненди атянь атякс лемневсть остготтне.

Германиять ширеса улсь генерала Штейфон генералть Рузонь корпусоц, царскяй армииянь генерал-лейтенантть Петр Красновонь корпусоц и мзярошка башка частьта, конат кочкафтольхть СССР-нь граждаттнень эзда и акша эмигранттнень.

СССР-ть оборонати анокшиц

Форсированнай индустрилизациять вельде войнада инголе пятилеткатнень пингста СССР-сь промышленнай производставань няфтематень коряс мирса США-ть меле ульсь омбоце вастса, обороннай карьхцнень госбюджетонь пялькссна 32,5 % . Тяка пингть странать восточнай ширесонза тиевсь промышленнай продукциянь аньцек 20 %. СССР-са военнай рельсатненди ётафтомс экономикать марнек удалась 1942-це кизоня западнай райоттнень эзда 2593 эвакуированнай предприятиянь нолдама меле.

1927-це—1937-це кизотнень государственнай западнай ташта границать эса ульсть путфт кемокстаф 13 райотт, а 1938-це —1939-це кизотнень путовсть нинге 8 укрепрайотт. 1940-це—1941-це кизотнень тяфтапт строявсть нинге 20 государственнай од масторкитькснень эса. 21-це майста 1941-це кизоня правительствась примась решения пуроптомс виияфтф райоттнень кафта очередс: од границаса — 1-це июльть самс, таштса  — 1941-це кизоня 1-це октябрьть сам. Тяфта нацискяй Германиять врьгятеманцты кода од, стане и ташта масторкитькснень эса виияфтомань райоттне аф аноктольхть васьфтемс тюрематнень.

1939-це кизоня 1-це сентябрть сам СССР-ть ульсть 99 дивизият, 1941-це кизоня 22-це июнть самс — 303 дивизият. Тя пингть перьф РККА-нь лувкссь кассь пцтай колмонь крда (5,3 млн лом.), мобилизацияда меле, арьсема коряс, сон касоль 8,9 млн ломань. Вермахтсь 1941-це кизонь июнь ковть самс ульсь марнек мобилизовандаф (7,3 миллион ломань).

1940-це кизоня 26-це июньцта лиссь «Покодемань шить касфтоманц кафкса частс, покодемань недялять касфтоманц сисем шис и предприятияста и урежденияста покодихнень и служащайхнень покодема вастста эсь мяль вельде тумань кармадать колга» указ, конань коряс аф мярьгови валхтомс пря предприятияста и нолдави уголовнай ответственность поздаманкса и прогулонкса. Тяка пингть покодихнень ётафнезь лия предприятив мялень апак кизефтть, тянь кемокстазь 1940-це кизоня 19-це октябрьста «Инженерхнень, техникнень, мастярхнень, служащайхнень и квалифицированнай рабочайхень фкя учрежденияста и предприятияста лияс обязательнай ётафтомаснон порядкать коряс» указса. 3-це октябрьста 1940-це кизоня нолдавсь указ «СССР-нь государственнай трудовой резерватнень колга», конань коряс специальнай тонафнемань васту мобилизовандавсть шабатне 14 кизоста сявомок и тонафнемась мольсь производственнай норматнень сатнемаснон мархта.

18-це сентябрьста 1940-це кизоня советскяй правительствати няфтевсь доклад «1940—1941 кк. Западса и Востокса Советскяй Союзонь Вооружённай Вийхнень стратегическяй ладямаснон основасновасна ». Генеральнай штабсь видеста содазе Сан лять прама вастонц эзда кельме ширети Германиянь нацистскяй вийхнень ладямаснон. Докладть коряс партиянь и правительствань вятихнень корхтмада меле 5-це октябрьста 1940-це кизоня войскань главнай группировкась шарфтавсь Брестть эзда лямбе шири, карша тюрихнень аф оцю вийснон каршес, сянди штоба Германиять врьгятеманц пингста люблин-бреславскяй направленияс вии ударса васенце этапста керомс Германиять Балканскяй странатнень эзда, лифтемс синь войнаста, тянь вельде сявомс рейхть экономическяй базанзон.Тянь эса Юго-Западнай фронтти лездоль Западнай фронтонь составста 4-це армиясь, конатнень вийсна аноклавсть Восточнай Пруссиять сявоманцты.

1940-це кизоть кучксата аноклавсть «1940—1941 кизотнень Западса и Востокса Советскяй Союзонь Вооружённай Вийхнень стратегическяй ладямаснон основаснон коряс арьсематне.», конат войнать ушетксонцты тиендевсть оду ветешкаксть (1940-це кизоня июльста, сентябрьста, октябрьста, 1941-це кизоня мартста, майста ). 15 майста 1941 кизоня Генеральнай штабонь руководствась китькснезе, што главнай противниксь — Германиясь кирдьсы эсь арминц марнек мобилизованнайста, кирдемок кели тылхт. Ульсь тиф вывод, што «тятфама условияса сонмашты инголдамс советскяй войскатнень келептемаса».

22 июнень 1941 кизоня улемась

Германиясь

1941-це кизоть 22-це июнь ковть самс СССР-ть границасонза ульсть пуромтфт и ладяфт армиянь 3 группат (васенце стратегическяй эшелонца 157 дивизият, эздост 17 танковайхть и 13 моторизованнайхть, и 18 бригадат, тянь лувксса союзниконь войскатне). Лезксонди анокольхть воздушнай 3 флоттне.

Китьксса Гольдапть эзда сявомок Мемельти самс 230 вайгяльбе кувалмоса фронтса ульсь «Север» армиянь группась (немецкяй 29 дивизият воздушнай 1 флотонь лезкс мархта) генерал-фельдмаршалть В. Леебть командованиянц ала. Сонь дивизиянь составозонза марс пуроптовсть 16-це и 18-це армиятне, а тяфта жа танковай 4-це группась (командующайсь Э. Гёпнер). 1941-це кизоня 31-це январь ковонь директиваса тейнза путовсь задача «Машфтомс карша тюрихнень Прибалтикаса ащи виензон и сявомс Балтийскяй моряса порттнень, тянь лувксса Ленинградсь и Кронштадтсь, кадомс рузонь флотть нежедьксонь базафтома». Балтикаса "Север" армиянь группатненди лезксонди и Балтийскяй флотть каршта тюреманди немецкяй командованиясь нолдась пцта 100 корабльхть, тянь лувксса 28 торпеднай катерхт, 10 миннай заградительхть, ведьала уи 5 лодкат, ванфты корабльхть и тральщикт.

Лямбе ширети, Голдапть эзда Влодавати 500 вайгяльбе кувалмоса фронтса ащесь «Центр» армиянь группась (немецкяй 50 дивизият и немецкяй 2 бригадат, ширеснон кирнезь воздушнай 2 флоттне) генерал-фельдмаршалть Ф. Бокть командованиянц ала. Дивизиятне и бригадатне пуроптовсть мас 9-це и 4-це полевой армияв, а тяфта жа танковай 2-це (командующайсь — Х. Гудериан) и 3-це (командующайсь — Г. Гот) группатне. Группать задачац ульсь фкя: «Молемок оцю вий мархта флангтнень лангс, срафтомс карша тюрихнень войскаснон Белоруссияса. Сяльде явомок фкя вастса аф ащи соединениятнень, конат молихть Минскяйнь лямбе и кельме ширеста, сяда курок лисемс Смоленскяйть малас и тиемс уликсши танковай и моторизованнай оцю вийхненди марстомомс "Север" армиянь группать мархта, штоба машфтомс карша тюрихнень войскаснон Прибалтикаса и Ленинградть маласа.

Полосаса Полесьяста сявомок Равжа моряти 1300 вайгяльбе кувалмоса фронтса ладявсь «Юг» армиянь группась (44 немецкяй, 13 румынскяй дивизиятне, 9 румынскяй и 4 венгерскяй бригадатне, ширесноно кирнезь воздушнай 4-це флотсь и румынсяй авиациясь) Г. Рундштедть командованиянц ала. Группировкась явовсь танковай 1-це группас (командующяйсь Э. фон Клейст), 6-це, 11-це и 17-це немецкяй армияс, 3-це и 4-це румынскяй армияс, а тфта жа венгерскяй корпузс.«Барбаросса» планть коряс «Юг» группань войскатненди эрявсь: танковай и моторизованннай соединениятнень вельде кержи ширде матомс Киевть ланга, машфтомс Галицияса и Западнай Украинаса советскяй войскатнень, эсь пингстонза сявомс Киевть маласа Днепрать лангса переправатнень и тиемс уликсши молемс Днепрть вакска инголи. Танковай 1-це группати эрявсь 6-це и-17-це армиятнень мархта марса ётамс Вава-Русскяйть и Ковельть ёткова и Бердичевст, Житомирть пачк лисемс Днепрти Киевть маласа. Сяльде, молемок Днепрать кувалмова юго-восточнай ширети, лоткафтомс потай советскяй часттнень Правобережняй Украинаса и машфтомс синь тылста фкя матомаста.

Тя вийда башка Норвегиять и Севернай Финляндиять — Варангер-фьорд эзда Суомуссалмати оккупировандаф территориятнень эса — ладявсь «Норвегия» вермахтонь башеп армия генералть Н. Фалькенхорста командованиянц ала. Сон ульсь (ОКВ-ть) германскяй вооружённай виень верховнай командованиять кядяла. «Норвегия» армияти максовсть задачат  — сявомс Мурманскяйть, Севернай флотонь Полярнай военно-морской главнай базанц , Рыбачий полуостровть, а тяфта жа Беломорскяйть эзда кельие ширеса Кировскяй кшнинь кить. Сонь эрь корпусоц ульсь шарфтф самостоятельнай направленияс: финскяй 3-це корпуссь — кестеньгскяй и ухтинскяй шири, немецкяй 36-це корпуссь — кандалакшскяй и «Норвегия»горнострелковай немецкяй корпуссь  — мурманскяи.

ОКХ резерваса ащесть 24 дивизият. СССР-ть лангс врьгядеманди марнек явовсть 181 дивизия (тянь лувксса 19 танковайхть и 14 моторизованнайхть, 18 бригадат) 5,5 млн лом., 3712 танкат, 47 260 полевой орудият и миномётт, 4950 боевой самолётт.

Советскяй Союзсь

1941-це кизоня 22-це июньть самс СССР-нь приграничнай округса и флотса 15-це армиять видеса 172 дивизиятнень эзда (тянь лувксса 40 танковайхть, конат пяшкодевсть пялевидес): 3 289 850 солдатт и офицерхт, 59 787 орудият и миномётт, 10 743 самолётт (од самолётонь пялькссь аньцек 20 %), 12 782 танкат (эздост 1475 танкатне Т-34 и КВ). Колма флоттнень составса ульсь малава 220 тёж. ломань, основной классонь — 182 корабльхть, 3 линкорхт, 7 крейсерхт, 45 лидерхт и эсминцевт и ведь алга моли 127 лодкада. Государственнай границать эса ванфтсть 8 пограничнай округонь ( эздост 5 западса) пограничнай (сухопутнай и морской) часттне. Оперативнай часттнень и внутренняй войскань подразделениятнень мархта марса лувость малава 100 тёжятть ломань.

Границань араламась ащесь приграничнай округонь вете войскатнень лангса: Ленинградскяйть, особай Прибалтийскяйть, особай Западнайть, особай Киевскяйть и Одесскяйть. Моряста синь ширеснон кирнезь колма флоттне:Севернайсь, Краснознамённай Балтийскяйсь и Черноморскяйсь.

Прибалтийскяй военнай округонь войскатне генералть Ф.И.Кузнецовонь вятеманц ала (войнать ушетксста сонь видесонза тиевсь Северо-Западнай фронтсь) сувафтсь потмозост 8-це и 11-це армиятнень, 27-це армиясь ульсь формированияса Псковть ваксса западнай ширеса. Тя часттне занцезь Балтийскяй морять эзда Литвань южнай границати 300 вайгяльбеса участкатнень.

Западнай особай военнай округонь войскатне армиянь генералть Д.Г.Павловонь вятеманц ала (войнать ушетксста сонь видесонза тиевсь Западнай фронтсь) ванфнезь минско-смоленскяй направлениять Литвань южнай границаста сявомок Примять ляйти фронтса 470 вайгяльбень кувалмоса.Тя округть составс сувсесть 3-це, 4-це и 10-це армиятне. Тяда башка соединениятне и 13-це армиянь часттне пуропневсь Могилёвть, Минскяйть, Слуцкяйть районца. Тя советскяй войскань группась ащесь 44 дивизияста, тянь лувксса 12 танковайхть, конат кемокставсь пяледа кржа: 2,5 тёж. танкат, тянь лувксса 0,5 тёж. од Т-34 и КВ.

Киевскяй особай военнай округонь воскатне (войнать ушетксста сонь видесонза тиевсь Юго-Западнай фронтсь) ащесь 58 дивизияста, тянь лувксса 16 танковайхть, конат кемокставсь пяледа кржа; 4,8 тёж. танкат, тянь лувксса 0,8 тёж. од Т-34 и КВ генералть М. П. Кирпоносонь командованиянц ала 5-це, 6-це, 12-це и 26-це армиятнень видеса и окружной подчинениянь соединеният. Синь занцесть границань участкаса позицият Припять эзда Липканти 860 вайгяльбень кувалмоса.

Одесскяй военнай округонь войскатне (9-це армиясь, советскяй армиятнень ёткста инь виийсь: 22 дивизият, тянь лувкссаа 4 танковайхть, конат кемокставсь пяледа кржа: 0,8 тёж. танкат) генералть Я. Т. Черевиченкать командованиянц ала араласть границать Липканть эзда свомок Дунаень устьять самс 480 вайгяльбе кувалмос. Июнть песта Южнай фронтть(оцюнякс тейнза арась И. В. Тюленев) эвондаманц пингста эзонза сувафтовсть 9-це и 18-це армиятне.

Ленинградскяй военнай округонь войскатне генералть М. М. Поповань командованиянц ала (войнать ушетксста сонь видесонза тиевсь Севернай фронтсь) араласть странань северо-западнай райононь границатнень эса (Мурманскяй областть, Карело-Финская ССР-ть и Карельскяй перешейкать), а тяфта жа Эстонскяй ССР-нь севернай трванц и Ханко полуостровть. Тя участкаса сухопутнай границань кувалмось ульсь малава 1300 вайгяльбет, а морскойсь — 380 вайгяльбет. Тяса ульсть — 7-це, 14-це, 23-це армиятне и Севернай флотсь.

Нинге 7 армиятне (16-сь, 19-сь, 22-сь, 24-сь, 28-сь, 20-сь, 21-сь) 77 дивизиянь видеса пуроптсть РККА-нь стратегическяй омбоце эшелон, конатнень эзда 23 дивизиятне аноклавсть юго-западу, 9 западу, 19 пуроптовсть Москуть эзда западнай шири.

Вийхнень карань каршек ащемасна

Немецонь вийхнень эзда армиянь «Центр» группась ульсь сембода оцюкс, конань кядяла ульсь е 2 танковай группат 4-нь эзда. Синь ульсть войска советскяй Западнай фронтть коряс эрек вийса пцта кафксть сяда виии оцю, но танкань лувксса сяда кржа пцтай кафксть и самолётонь — 1,2-да кржа.

Советскяй Юго-Западнай фронтть 9-це башка армииять мархта ульсь сяда оцю каршек ащи «Юг» армиятькоряс танкаса 7 крда, самолётам 2,6 крда, орудияса 1,7 сяда лама, эрек вийса пцтай фкя лаца.

аф ваномок сяда оцю вийс коре Якстерь Армиять улеманц лангс сембонь коряс, ломанень лувкста башка (апак пяшкотть туфталть сюнеда, вермахтть коряс; мобилизациять шумордамда меле РККА-ть лувксоц пачкфтеволь 8,9 млн ломань), немецкяй войскатнень главнай врьгятемань ширетнень эса ульсть сяда ламонест советскяй часттнень коряс:

• 6-це немецкяй армиясь и 1-це танковай группась советскяй 5-це армиять каршес югса;
• 4-це немецкяй армиясь и 2-це танковай группась 4-це советскяй армиять каршес кучкаса;
• 3-це танковай группась 11-це советскяй армиять каршес.

Самолётонь коряс, 70 % малава немецкяй авиациясь ульсь кемокстаф СССР-ть лангс врьгятеманкса, эста кода СССР-сь шинь мадома ширдень китьксса кирдезе 40 % малава эсь авиациянц эзда. Советскяй лётчикнень лиендемань анокламасна пачкотькшнесь 30—180 частти, а немецкяйхнень 450 частт, мезсь макссесь мекольцетненди сяда цебярьста аноклафста улемаснонды.

Вийхнень ащемасна Шинь мадома ширдень ТВД 22 июнти 1941 кизоня

	Вермахт	Якстерь Армия	Соотношениясь
Дивизиятне	166	190	1 : 1,1
Личнай составсь	4 329 500	3 262 851	1,3 : 1
Орудиятне и миномёттне	42 601	59 787	1 : 1,4
Танкатне и штурмовой орудиятне	4364	15 687	1 : 3,6
Самолёттне	4795	10 743	1 : 2,2

СССР-нь Вооруженнай виень боевой и численнай лувкссь Великай Отечественнай войнать пингста (1941 кизось).

	Личнай лувкссь	Стрелковай оружиясь	Арт. вооруж.	Танкатне	Самолёттне	Боевой корабльхне	Мех. транспортсь
Марнек	5 434 729	7 983 119	117 581	23 106	24 488	910	528 571
Исправнайсь				18 691	21 030

Военнай действиянь васттне

СССР-сь

Белорусскяй ССР-сь (оккупацияса), Карело-Финскяй ССР-сь (оккупациясь), Молдавскяй ССР-сь (оккупациясь), Латвийскяй ССР-сь (оккупацияса), Литовскяй ССР-сь (оккупациясь), Украинскяй ССР-сь (оккупациясь), Эстонскяй ССР-сь (оккупациясь), а тяфта жа союзнай республикань ламонц лия территориятне.РСФСР-нь областтне : Архангельскяй (авианалёттне), Астраханскяй (авианалёттне), Брянскяй, Вологодскяй, Воронежскяй, Горьковскяй (авианалёттне]]), Калининскяй, Калужскяй, Курскяй, Ленинградскяй (блокадась), Липецкяй, Московскяй (сражениясь), Мурманскяй, Новгородскяй (тюремась), Орловскяй, Псковскяй, Ростовскяй, Рязанскяй, Саратовскяй (авианалёттне), Смоленскяй, Сталинградскяй (тюрематне), Тамбовскяй (авианалёттне), Тульскяй, Ярославскяй (авианалёттне). Крайхне: Краснодарскяй, Красноярскяй ( моряса боевой действиятне) и Ставропольскяй. А тяфта жа: Абхазскяй АССР-сь (ГССР-сь), Кабардино-Балкарскяй АССР-сь, Казахскяй ССР-сь (Гурьев ошть лангс авианалётсь), Калмыцкяй АССР-сь, Крымскяй АССР-сь, Марийскяй АССР-сь (авианалётсь), Северо-Осетинскяй АССР-сь, Чечено-Ингушскяй АССР-сь, Чувашскяй АССР-ьс (авианалёт).

Лия странатне

Великай Отечественнай войнать эзда аф явфтовихть вооружённай виень боевой действиятне, конат ётасть нацистонь оккупировандах лия странань и фашистскяй блоконь государствань территориятнень лангса — Германияса, оккупировандаф Польшаса, Финляндияса, Норвегияса, Румынияса, Болгарияса, Сербияса, Богемияса и Моравияса, Венгрияса, а тяфа жа Германиять составсь сувси Австрияса, нацистскяй Гермниянь тиф Хорватияса и Словакияса.

Великай Отечественнай войнань основной пинктне

Историографияса Великай Отечественнай войнась явови колма основной пингова:

• Васенце пингсь (22 июньць 1941 — 18 ноябрьсь 1942). СССР-ть лангс Германиять врьгядемац. Войнать васенце пингоц. Блицкригть аф удаламц. Москуть инкса тюремась. Аф удаламатне и тюремаса тапаматне я кизонда 1942 кизоня.
• Омбоце пингсь (19 ноябрьсь 1942 — декабрьсь 1943). Оцю полафкст войнать молемаса. Сталинградскяй и Курскяй битваса, Днепрать инкса битваса сяськоматне.
• Колмоце пингсь (январьсь 1944 — 9 майсь 1945). СССР-нь модатнень лангста врагть потафтомац. Европань оккупировандаф странатненди воляшинь максомась. Фашистскяй блокть срадома-каладомац. Берлинскяй операциясь. Германиять капитуляцияц.

Советско-японскяй войнась ванови кода Великай Отечественнай войнать поладомац.

Войнань васенце пингсь ( 1941-це кизоня 22-це июньцта сявомок — 1942-це кизоня 18-це ноябрть самс)

1941-це кизоня 8-це июньцта СССР-нь военнай округтнень граница ваксса кой кона соединениятне ульсть анокт бойти. 13-це—15-це июньцта западнай округтненди кучевсть частень васенце и омбоце эшелоттнень границати «учения» лаца мольфтемаснон ушетксснон колга НКО и ГШ «учения» Касфтомс бойти анокшить…») директиват. Тя директиватнень коряс васенце эшелононь округонь стрелковай часттне кирдьсть оборона 5—10 вайгяльбе границать эзда; стрелковай и механизированнай корпусонь, омбоце эшелононь часттненди эрявсь кирдемс оборонать 30—40 вайгяльбе границать эзда.

Балтикать кельме ширесонза «Барбароссонь» планть эряфс ётафтомац ушедовсь 21-це июньцта, мзярда финскяй порттнень эса ащи немецкяй миннай перяйхне ладясть оцю кафта миннай вастт Финскяй заливса.Миннай тя васттне сёлгозь советскяй Балтийскяй флотть Финскяй заливонь восточнай пялькссонза.

СССР-у вермахтонь сувама планоц

1941-це кизоня 22-це июньцта 3:06 Черноморскяй флотонь штабонь оцюнясь контр-адмиралсь Иван Елисеев макссь приказ панжемс толса ляцендема германскяй самолёттнень ланга, конат эцесть СССР-ть воздушнай пространствазонза: тя ульсь Отечественнай войнаса СССР-ть лангс карша молихнень врьгятнемаснонды сембода васенце боевой приказсь.

3:07 Г.К. Жуковонди пачфтевсь боевой действиятнень ушедомаснон колга васенце кулясь.

1941-це кизоня 22-це июньцта ушедсь СССР-ть лангса Германиять врьгятнемац. 4:00 частса иностраннай тевонь коряс имперскяй министрсь Риббентроп максозе Берлинца советскяй посолти войнать ушетксонц колга нотать и тейнза кандови колма положениятнень: «Германскяй правительствати СССР-нь диверсионнай покодемать колга, кона моли Германиять и национал-социализмать карша, Германиянь внутренняй тевонь министрть, СС-нь рейхсфюрерть и германцкяй полициянь оцюнять докладоц», «Советскяй правительствань пропагандать и политическяй агитациять колга Германиянь иностраннай тевонь министрть докладоц», «Германиять карша советскяй воскатнень пуроптомаснон колга Германскяй правительствати германскяй армиянь Верховнай командованиять докладоц». Рана шобдава 1941-це кизоня 22-це июньцта артиллерийскяй и авиационнай анокламада меле немецкяй воскатне ётазь СССР-нь границатнень.

5:30, , В.Шуленбург СССР-са Германиянь посолсь мольсь СССР-нь иностраннай тевонь Народнай комиссарти В.М. Молотовти и тийсь заявления, коса корхтавсь сянь колга, што советскяй правительствась бта тиендсь Германиянь и оккупировандаф странань политикаса шорямат, мольфтсь внешняй политика, кона шарфневсь Германиять карша, и «пуроптозень тюреманди анок войсканзон германскяй границатнень эса». Пшкядемась аделавсь тяфтама валса: «Сянкса Фюрерсь макссь приказ германскяй вооруженнай вийхненди эрь кодама средства вельде лоткафтомс тя пельксшить». Нотать мархта сон макссь документт, конат малат сятненди, конатнень Риббентроп максозень В.Г. Деканозовонди.Тяка шиня Италиясь и Румыниясь аноконди азсть мяль война мархта врьгядемс СССР-ть лангс; Словакиясь — 23-це июньцта.

Тяка шиня румынскяй и немецкяй войскатне форсировандазь Прутть, а тяфта жа тяряфнесть форсировандамс Дунайть, но советскяй войскатне ашесть макс тейст тянь тиемс и нльне сявозь румынскяй территорияса плацдарматнень. Аньцек 1941-це кизоня июльста—сентябрьста румынскяй войскатне немецкяй войскатнень лезксснон вельде сявозь сембе Бессарабиять, Буковинать, Днетрать и Южнай Бугать ляень ёткнень.

22-це июньцта шить 12 частса Молотов радиоть пачк пшкядсь СССР-нь ломаттненди, пачфнесь СССР-ть лангс Германиять врьгятеманц и Отечественнай войнать ушедоманц колга.

1941-це кизоня 22-це июньцта СССР-нь Верховнай Советонь Президиумть Указонц коряс 23-це июньцта азовсь военнай 18 округста 14 эзда (1905— 1918 кизонь шачемань коре) военнообязаннайхнень мобилизацияснон колга. Лядыкс колма округса —Забайкальскяйса, Среднеазиатскяйса и Дальневосточнайса — мобилизациясь азовсь ковда меле правительствань башка способса лемдемс тянь кода «тонафтоманди оцю пуроптомат».

Советскяй пехотинецне молихть фронту, 23-це июньцта 1941-це кизоня, войнань омбоце шись.

23-це июньцта пуроптовсь Главанай Командованиянь Ставкась ( 8-це августста — Верховнай Главнокомандованиянь Ставкась). 30-це июньцта пуроптовсь Оборонань Государственнай комитетсь (ГКО), конанди оцюнякс арась И.В.Сталин. Войнать пингста ГКО-сь арась высшай чрезвычайнай органкс, ков сувафневсть странань ламонц власттне. 8-це августста Сталин тятфа жа арась тейнза Верховнай Главнокомандующайкс. Инюнь ковтса пуропневсь народнай ополчениясь. 26-це июньцта 1941-це кизоня кайгсть: «Вставай, страна огромная!»; тя ульсь «Священная война» мороть васенце кайгомац, кона арась Великай Отечественнай войнати гимнакс.

10-це августста ГКО-сь нолдась Кировоградскяй, Николаевскяй, Днепропетровскяй областнень и Людиновань — Брянскяйень — Орловскяй областень Севскяень территориятнень эса 1890-це — 1904-це кизоня шачф военнообязаннайхнень и 1922-це— 1923-це кизоня шачф служама тердьфнень мобилизацияснон коряс постановлениясь. 15-це августста мобилизациясь ётась Крымскяй АССР-ру, 20-це августста — Запорожскяй областти,, 8-це сентябрьста — Орловскяй и Курскяй областень кой кона райоттненди,, 16-це октябрьста — Моску и Московскяй области. 1941-це кизоть пес марнек мобилизовандавсть 14 млн лама ломань.

Тяка пингть немецкяй войскатне эсь кядьснон алу сявозь стратегическяй инициативать и азорондасть менельса и границатнень маласа тюрематнень эса тапазь советскяй войскатнень, ламода западнай ширеса (Прибалтикаса и Белоруссияса). Юго-западнай ширеса (Украинаса) и северо-западнай (Ленинградса) блицкригсь ашезь удала.

1941-це кизоня кизонь-сёксень кампаниясь

Войнань васенце пингть СССР-нь границати маластонь райоттнень эса Литваса, Латвиять южнай пялькссонза, Белоруссияса и Западнай Украинаса 1941-це кизоня 22-це —29-це июньцта ушедсть прикрытиянь и пограничнай войскатне боевой действиясна. Синь арасть фкя пингонь стратегическяй араламань колма операциянь пяльксокс ( 1941-це кизоня 22-це июньцта сявомок 9-це июлть самс), конатнень видеса ётафневсть границатнень маласа араламань тюрематне: :

• Прибалтийскяй стратегическяй оборонительнай операциясь (1941-це кизоня 22-це июньцта сявомок 9-це июльть самс); сонь видесонза ётафтовсть Литваса и Латвияса тюремат и шяуляйскяй ширеса контрудар.
• Белорусскяй стратегическяй оборонительнай операциясь (1941-це кизоня 22-це июньцта сявомок 9-це июльть самс). Тя операциять видеса ётафтовсть границань араламань тюремат, Белостокско-Минскяй тюрема и 1941-це кизоня 6-це— 9-це июльста борисовскяй и лепельскяй ширеса контрудархт.
• Львовско-Черновицкяй стратегическяй оборонительнай операциясь 1941-це кизоня 22-це июньцта сявомок 6-це июльть самс); сонь видесонза ётафтовсть: границань ванфтомань тюремат, Дубноть —Луцкть—Бродыть инкса тюремат, Львовско-Луцкяй и Станиславско-Проскуровскяй фронтовой оборонительнай операцият.

• 

  Германскяй войскатне шятяйхть СССРть моданц лангс

• 

  Родинась-тядясь терди! — почтовай марка Великай Отечественнай войнань васенце шинь плакатть коряс (авторсь — Ираклий Тоидзе)

• 

  Бакуса войнать ушетксонц азомац. 22-це июньцта 1941 кизоня

Историографиясь тя колма операциятненди марс пуроптнесыне тюрематнень васттнень и СССР-нь нолдаф вийхнень коряс (границань маластонь 3 округт и 3 фронтт). Тя операциятненди РККА-ти руководстакс ульсь кяшемань войнада инголе арьсеф платтне, конат ащесть сянь эзда, што вермахтть удалай лоткафтомс границатнень маласа, а сяльде кандомс тейст контрудархт и лифтемс войнать карша тюрихнень территорияс, и конат юмафтозь эсь вийснон немецнень васенце прорывснон пингста, а тяфта жа войнань васенце шить песта 3-це № 1941 кизоня 22-це июньцта СССР-нь НКО-нь Директивать лисемста, коса корхтавсь ётамс наступленияс и сявомс Люблина и Сувалок райоттнень, конатнень эзда мольсь СССР-ть лангс врьгятнемась. Тя этапса вермахтть каршес тюрематне вятьсть кой кона рубежень араламати и явф контрудархненди. Великай Отечественнай войнань васенце этапонь советскяй солдатонь кепотьксокс и героизмань символкс арась Брестскяй крепостень араламась, конань гарнизононц уш ульсь немецкяй войскатнень кядьала 1941-це кизоня 22-це июньцта сявомок 23-це июльть самс..

Кода тяшкставсь РФ-нь МО (ИВИ) военнай историянь институтонь монографияса::

Войнать ушедомань пингоц аделавсь 9—10 июльста Лугать,Смоленскяйть, Киевть и Кишинёвть маласа кяжи тюремаса.

Тя пингста кафцке ширень войскатнень инголе эвондасть од задачат. Тюрематненди сувасть Советскяй Вооружённай Виень стратегическяй эшелононь омбоце соединениятне. Ушедовсть стратегическяй оборонительнай од операциятне.

— «История военной стратегии России» под ред. академика РАЕН В. А. Золотарёва

Сядя куватьс мольс Заполярьянь и Карелиянь араламань стратегическяй операциясь (1941-це кизоня 29-це июньцта сявомок—10 октябрьть самс ). Тя операциять видеса ётафтовсть: мурманскяй, кандалакшскяй и кестеньгскяй направленияса оборонительнай операциятне, Выборгско-Кексгольмскяй фронтовой оборонительнай операциясь, оборонительнай операциятне ухтинскяй, ругозерскяй, петрозаводскяй и олонецкяй направленияса.

Границатнень маласа тюрематнень пингста вермахтсь кандсь Якстерь Армияти оцю и стака юмафкст.

Войнать ушетксста, малава колма недялянь перьф, немецкяй войскане оккупировандазь сембе Прибалтикать, Белоруссиять, Украинать и Молдавиять оцю пяльксснон. Северо-западнай и юго-западнай направленияса карша тюрихне сувасть СССР-нь модатненди пцта 500 вайгяльбес, западнай ширеса — пцтай 600 вайгяльбес. Немецкяй войскатне ётнесть шити 15 -30 вайгяльбет. Границатнень маласа тюремаста и араламань операциятнень пингста машфтовсть советскяй 28 дивизият ( 12 стрелковайхть, 10 танковайхть, 4 моторизованнайхть, 2 кавалерийскяйхть), нинге 72 лама дивизиятнень ломанень и техникань юмафкссна 50% сявомок и сяда лама. 30-це июльть самс советскяй войскатнень марстонь юмафкссна 651 065 ломань. (апак мрдафттне — 447 015 ломань., санитарнайхне — 204 050 ломань.) Фронттнень и штапнень аф пяшксе даннайснон коряс дальнебомбардировочнай авиациясь юмафтсь 3468 самолётт, советскяй войскатне юмафтсть малава 9,5 тёжятть орудият, 12 тёжятть миномётт, 6 тёжятть танкат ( пцтай сембе танкатнень эзда пяльсна, конат войнать ушеткста ульсть западнай военнай округтнень эса)..Ламонц танкатне ашесть машфтов бойса, а отступлениять пингста кадовсть или тапавсть.. Танконь оцю юмафксснень и Ленинградста и Харьковста танковай заводтнень эвакуацияснон инкса 1941-це кизоня советскяй войскатне оржаста марясь танкань аф сатнемать..

Фронтонь группатнень оборонительнай операциясна

1941-це кизоня июль ковть кучкаста од фронттнень эвондамаснон мархта Ставкась кармась аноклакшнема фронтонь группань операцият, коса пуропневсть кафта-колма фронтне, вийхне и ичкозеднь действиянь авиациянь средстватне, странань ПВО-нь войскатне, а приморскяй ширеса — флоттне и флотилиятне. Тяфта удалсесь пуропнемс группировкат, конат ламос кирнезь стратегическяй фронть .

254-це стрелковай дивизиясь позицияса Сире Русскать ала. Кизонда 1941-це кизоня

Фронтонь группань оборонительнай операциясь ётафневсь стратегическяй направлениятнень эзда фкяса и ульсь фронтовой и армейскяй операциянь, тюремань, боевой действиянь ( войнань васенце пингть ламода оборонительнай), конат ётафневсть фкя арьсема коряс и ВГК Ставкат вятеманц ала: :

• Ленинградскяй стратегическяй оборонительнай операциясь ( 1941-це кизоня 10 —30 сентябрьсь). Ульсть : Севернай флотсь, Северно-Западнай фронтсь, Ленинградскяй фронтсь, Балтийскяй флотсь.

8-це сентябрьста немецкяй войскатне занязь Шлиссельбург крепостть, Ленинградть перьфонц модань ширде сотозь блокадань кольцяс ( северонь ширеста ошть пякстазе К.Маннернеймань вятеманц ала финскяй армиясь). 11-се сентябрьста Ленинградскяй фронтонь вятикс путовсь Г.К.Жуковсь; решительнай и кеме мератнень вельде Жуковти удалась лоткафтомс Пулковскяй сери вастонь районца и Колпинать ала карша молихнень и цебярьгофтомсь фронть.

Сентябрь ковть пес, Москуть алу танковай 4-це группать (Э.Гёпнер) ётафтомда меле, немецкяй командованиясь састь мяльс ушедомс ошть кружаманц, арьсесть сявомс Ленинградть виень маштомаса.

• Смоленскяй тюремась ( 1941-це кизоня 10-це июльсь —10-це сентябрьсь). Тевс нолдавсть ниле фронтонь вийхне: Западнай фронтсь, Центральнай фронтсь, Брянскяй фронтсь, Резервнай фронтсь.
  • Ельнинскяй наступительнай операциясь (1941-це кизоня 30-це августсь— 6-це сентябрьсь)
• Киевскяй стратегическяй оборонительнай операциясь (1941-це кизоня 7-це июльсь —26-це сентябрьсь). Ульсь Юго-Западнай фронтсь.
• Донбасско-Ростовскяй стратегическяй оборонительнай операциясь ( 1941-це кизоня 29-це сентябрьста — 16-це ноябрьста).
  • Южнай фронтонь 18-це армиянь куродомась ( 1941-це кизоня 5—10 октябрьсь)
• Московскяй стратегическяй оборонительнай операциясь ( 1941-це кизоня 30-це сентябрьста—5-це декабрьста)
  • Тульскяй оборонительнай операциясь ( 1941-це кизоня 24-це октябрьсь — 5-це декабрьсь)

Москуть лангс немецкяй врьгятнемань операциясь лемдевсь «Тайфун». Немецкяй командованиять арьсеманц коряс сентябрь ковть пес ётамс наступленияс, Вязьма и Брянск райоттнень маласа кафта ашкорксса фатязь машфтомс советскяй войскатнень, а сяльде куродомс Москуть северста и югста ( Москуть капитуляциянц мярьговсь аф примамс). Советскяй столицать эса араласть колма фронтонь войскатне: Западнай фронтсь (командующайсь И.С. Коневсь); Резервнай фронтсь (командующайсь С.М.Будённайсь); Брянскяй фронтсь (командующайсь А.И. Ерёменкась).

30-це сентябрьста «Центра» армиянь группась ётасть наступленияс. Сяземок советскяй оборонать, немецкяй войскатненди удалась куродомс Вязьмань и Брянскяень районца Западнай, Резервнай и Брянскяй фронтонь сисем армиятнень, мезьда меле эвондась немецнень Москуву сувамаснон пельксшись.

Осаждённай Ленинградста Моску тердевсь Г.К. Жуков. Ётафтомок инспекция, сон китькстазе: «Эвондасть шава вастт, конатнень сёлгомс ашель мезьса, сяс мес командованиять кядьста аш кодамовок резерват. 7-це октябрьть самс Моску сембе китне ульсь панжадот». 10-це октябрьста Западнай и Резервнай фронттне пуроптовсть марс од Западнай фронтс, конанди вятикс арась Г.К. Жуков, кона ушедсь Можайскяй линиянь оборонань куроконь виияфтома и фронтку резервнай часттнень куроконь пачфтема.

30-це октябрьть самс немецень васенце врьгядемась лоткафтовсь. Ковонь перьф тюремста тейст удалась шаштомс 250 вайгяльбес, сявовсть Вязьмась, Брянскяйсь, Орёлсь, Калугась, Калининась, Можайскяйсь, Волоколамскяйсь.

Фронтть южнай пялькссонза операциятне

• Молдавияса границатнень ваксса тюрематне
• Одессать араламац ( 1941-це кизоня 5-це августсь—16-це октябрьсь
• Крымскяй оборонительнай операциясь (1941-це кизоня 18-це октябрсьта — 16-це ноябрьста). Юмафтомок Ишуньскяй позициятнень Приморскяй армиясь потась Севастопольти, 51-це армиясь — Керчти. Ушедовсь Севастополть араламац ( 1942-це кизоня 30-це октябрьста —4-це июльста)

1941-це кизоть кизонь-сёксень кампаниять сатфксонза

Москуть лангс германскяй командованиянь врьгядемась кельмотнень самс ашезь ётафтов, сяс мес «Центра» группань 3-це и 2-це танковай армиятне кучевсть ленинградскяйса «Север» и киевскяй ширеса «Юг » армиянь группатненди лезксонди . Кда советскяй войскань киевскяй группировкать удалась машфтомс, то север ширде немецнень ашель лись нльне маладомс Ленинградти. Тяда меле Моску прважавсть «Серев» армиянь аф аньцек 3-це и 2-це , но и 4-це танковай группась. Кода сёрмадсь Гейнц Гудерианць «Солдатть лятфнемонза» мемуарсонза:

Аш кафтолдомат, Киевть инкаса тюрематне ульсть тактическяй сатфксокс. Аньцек кизефкссь ульсь тя тактическяй сатфксть стратегическяй оцю значенияц? Кизефксть лангс кашра валхне кафтолфты.Тяни сембось ашесь сянь эзда удалай немецненди тиемс оцю сатфкс тялоть и нльне сёксеть самс. Виде, Ленинградть сядонга кемоста кольцас куродоманцты аноклаф врьгядемась лоткафтовсь… Москуть шири вии вачкодема аноклась «Центра» армиянь группась. Аньцек кадовсь тянди эрявикс пингсь?

1941-це кизоня сёксенда вермахтонь наступлениясь

Исследовательхне тяфта жа няфнихть эрявикс фактть лангс, што тялоть самс сявомс Москуть вермахтти ашезь удала. «Страны „оси“ и Союзники» сборникса (Англия, 1994 к.), К. Рейнгардт сёрмады:

«…Гитлерть планонза и перспективанза Германияти цебярьста аделамс войнать лондядсть 1941-це кизоня октябрь ковтса Москуть инкса битваста 1941-це кизоня декабрь ковста рузонь контрнаступлениянц ушедоманц мархта».

— The Axis and Allies / Edited by J.Erickson and D.Dilks. Edinburgh, 1994. P.207

Пленц сявф красноармеецне. Минск, 1941

Новозеланский историксь Дэвид Стахел тяшктсазе, што вермахтонь ламонц генералхне ашезь кирдь Гитлерть решениянц смоленцкяй тюремаса ( 1941-це кизоня 20-це июльста) сяськомада меле Барбароссонь планть Москуть лангс врьгятемать инголи вятеманц эзда атказамать и главнай вачкодемать Украинать и Ленинградть сявоманцты ётафтомать коряс. Карша ащихнень лувксса ульсть штабонь оцюнясь Франц Гальдер и «Центр» ГА-нь вятись. Гитлерть мархта корхнема кучевст Гейнц Гудериан, аньцек полафтомс арьсеманзон ашезь удала..

1941-це кизоня 1-це декабрть самс германскяй войскатне сявозь Литвать, Латвиять, Белоруссиять, Молдавиять, Эстониять, РСФСР-нь и Украинань оцю пялькссснон, шаштсть потмоти 850—1200 вайгяльбес, тя пингста юмафтсть 740 тёжятть ломань(эздост 230 тёжянць шавфт), тя юмафксне вермахти ульсть сембода оцюкс мировой омбоце войнать ушетксста и макссесть пельксши «Барбароссонь» планть эряфс цебярьста ётафтоманцты..1941-це кизоть пенцты РККА-нь юмафксне – 3 млн 138 тёжятть ломань..

СССР-сь юмафтсь лама военнай эрь кодам техника, тянь лувксса 8000 самолётт, оцюсна юмасть войнань васенце шиста аэродромтнень эса, люфтваффне тяфта жа кирнесть оцю юмафтомат: аньцек тюремань васенце ковста немецкяй войскатне юмафтсть пцтай 1200 самолётта, мезьсь ульсь сяда лама кафта ковонь перьф Британиять инкса тюремста.

СССР-сь юмафтозень сырьевой и промышленнай инь эрявикс центранзон: Донбассть, Криворожскяй кшнинь рудань бассейнать. Кадовсть Минскяйсь, Киевсь, харьковсь, Смоленскяйсь, Одессась, Днепропетровскяйсь. Ленинградсь повсь блокадас. Украинаса и Россиянь югть ширеса продовольствиянь инь эрявикс центратне повсть врагть кядьс или перявсть. Оккупировандаф территориятнень эса лядсть миллиотт советскяй ломань. Сядот тёжятть мирнай эряй шавовсть или паневсть Германияв покодема.

1941-це —1942-це кизотнень тялонь кампаниясь

1941-це кизоня 15-це -16-це ноябрьста немецне ушедосзь Москуть лангс врьгедемань омбоце этапснон, арьсесть куродомс сонь северо северо-западаста и юго-западаста. Дмитровскяй ширеса синь пачкодсть Москва-Волга каналти и ётасть Яхромать ала сонь восточнай трвозонза, химкинскяй ширеса сявозь Клинть, форсировандась Истринскяй ведень хранилищать, сявозь Солнечногорскяйть и Якстерь Полянать, красногорскяйса — сявозь Истрать. Юго-западса Гудерианць пачкодсь Каширати. Аньцек ноябрть песта — декабрть ушетксста молематне лоткафтовсть сембе ширде. Сявомс Москуть ашезь удала.

16-це армиянь командующайсь генерал-лейтенантсь К. К. Рокоссовскяйсь (кержи ширде омбоцесь), Военнай Совету сувсись А. А. Лобачёвсь и писательсь В. П. Ставскяйсь ванондсазь карша тюрихнень техникаснон, фотографиясь А. Капустянскяень, 10-це декабрьсь 1941-це кизось

Ростовть нолдамац немецкяй врьгятнихнень кядялда. 29 ноябрьста 1941 кизоня

1941-це кизоня 5-це декабрьста Москуть ала ушедовсь советскяй контрнаступлениясь. 1942-це кизоня 7-це январть самс Западнай (командующайсь Г.К.Жуковсь), Калининскяй (командующайсь И. С. Коневсь) и Юго-Западнай (командующайсь С. К. Тимошенкась) фронттне западнай шири 80—250 вайгяльбес потафтозь карша тюрихнень, аделазь Московскяй и Тульскяй областтнень араламаснон, нельгозь Калининскяй и Смоленскяй ламонц райоттнень. Машфтовсь Моску ошть юмафтоманц пельксшись.

1941-це кизоня 10-це ноябрьста советскяй войскатне ушедозь Тихвинскяй стратегическяй наступательнай операциять. 30-це декабрть самс советскяй войскатне карша тюрихнень тдивизияснонды тисть оцю юмафкст, нельгозь юмаф модатнень, оду нолдавсь Тихвин— Волхов веткава кшнинь кинь сообщениясь, немецне юмафтозь Ленинградть ала инициативать.

1941-це кизоня 17-це ноябрьста немецкяй войскатне врьгятьсть Ростов-на-Дону ошть лангс, но тяка шиня советскяй войскатне ётасть контрнаступленияс. Немецне сявозь Ростовсть 21-це ноябрьста, но 29-це ноябрьста советскяй войскатне тейнза макссть воляши. Немецкяй войскатнень удалась потафтом 60-80 вайгяльбес, советско-германскяй фронтонь южнай флангсь кемокставсь пяле кизос ( Мицс-фронт).

«Барбаросса» планть калафтомац

Немецкяй армиясь лоткафтовсь Ленинградть, Москуть и Ростов-на-Дону ошнень ала; сатомс стратегическяй цельхнень ашезь удала.

Немецкяй историксь К. Рейнгардтсь сёрмадсь, што « Гитлерть стратегияц, кона шарфтовсь сембе мирть лангса азорондамати, Москуть ала кирдсь юмама-арама». Тяфта жа Рейнгардсь тяшкстазе, что 1941-це кизоня декабрь ковтса — 1942-це кизоня январь ковтса ОКВ-нь штабса ««ламонц генералхне уш састь мяльс, што Германиясь войнаса сяськомать аф кирдьсы » .

Советскяй командованиять планонза

1942-це кизоня 5-це январьста ВГК-нь Ставкаса ётась кели пуромкс, коса корхтавсть маластонь пингонь стратегическяй платтне. Башка доклад тись Генштабонь оцюнясь маршалсь Б.М.Шапошниковсь. Сон азондозеаф аньцек Москуть эзда карша молихнень потафтомаснонды мекольдень планть, но и лия фронттнень эса стратегическяй наступлениянь оцю платтнень: Ленинградть блокаданц сяземанц и Украинаса и Крымса карша тюрихнень срафтомаснон. Стратегическяй наступлениянь планть карша азсь вал Г.К.Жуковсь. Сон няфтезе, што танконь и артиллериянь аф сатнемать инкса сяземс немецкяй оборонать аш кода, и што стратегиясь вяти аньцек ломанень виень стаконь юмафтомати. Жуковонь ширенц кирдезе СССР-нь Госпланонь оцюнясь Н.А. Вознесенскяйсь, кона явсь мяльса , што планть эряфс ётафтоманцты аш тняра техника и вооружения.Плантть ширенц кирдезь Л.П.Бериясь и Г.М. Маленковсь. Тиемок корхтамати итокт И.В.Сталин кемокстазе планть, мярьгсь: «Тейнь эряви сяда вишкста срафтомс немецнень, штоба синь афольхть врьгятне, мзярда сай тундась»..

1942-це кизонь тялонь кампаниянь операциятне

Примаф планть коряс 1942-кизоть ушетксста ётафтовсть наступательнай операцият: Ржевско-Вяземскяй стратегическяй наспупательнай операциясь, Керченско-Феодосийскяй десантнай операциясь и лиятне. Карша тюрихненди сембя тя наступлениятнень удалась потафтомс советскяй войскань оцю юмафкс мархта. Ржевско-Вяземскяй операциять пингста эвондась Ржевско-Вяземскяй выступ, конань немецкяй армияти ульсь кода нолдамс тевс кода Москуть лангс вргьгядемань од плацдарма. 1942-це кизоня 20-це апрельста советскяй войскатне ётасть стратегическяй оборонати, мезьсь корхтась сянь колга, што операциясь и Московскяй битвась аделавсть.

Гвардейскяй стрелковай 3-це бригадань командирсь К.Д.Сухиашвили 1942-це кизоня майста сёрмадсь: :

Наказандакшнемафтома лядондыхть оцю юмафкснень инкса муворуфне. Кемокставсть арьсемане, што кда армейскяй командирсь пачфни: «Приказсь пяшкотькшневи, саворне ёмла группаса молян инголи», тя корхтай сянь колга, што шабратне ащихть фкя вастса и ёрай васькафтомс ляцендема алу апак пова шабранц, а эсь ломанензонды пачфни: «Тинь тяфта, саворне, няфнеда пря бта мольхтяда инголи». Карша тюрихне васендакиге шавихть фкять, сембода отькорть , а сембода отькорьхне фалу од частьтне, конат ашесть повонда ляцендема алу... Приказонь аф пяшкодеманкса эвфнихть ляцендемаса, а аф виде докладса таргсеса пингть. Азомс, што аф наступандамс, аш кода, а аф наступандамс и пачфнемс: «Пяшкоттяма приказ, саворе шаштама аф оцю группаса инголи» ули кода и кивок аф лецентянзат… …Тяфтома васькафнема ули и формированиянь, комплектованиянь и пяшкодемань системаса. Часттне прважавихть фронту апак аноклак. Бта нарошна тиф тя сиволень яжамась, кона яжай минь ломаненьконь и цебярь, питни техниканьконь. Мес тяфта тиеви? Арьсян, штоба васькафтомс Правительствать и Великай Сталинть: «Вот кодама минь молодецтама, мзяра бригада, дивизия пуроптоме и стак тов», а тевсь ащесь станя : пуропневсь Казалинскяйса, аньцек аделазь пуроптомать эстокиге озафтозь эшелоттненди, орудият макссть Люблиноса, аньцек явозь эсокиге кучозь кис. Оружиять мархта сотцесть вагонца лотксема вастса. Получаськ 1000 ломань лувксса пополнениять, а кода ляцендемс и воявамс аф содасазью Сашендови тонафтомс передовойса..

1942-це кизоня 18-це январьста ушедсь Барвенково-Лозовскяй операциясь. Кафта недлянь перьф мольфтевсть кяжи тюремат, конатнень вельде советскяй войскатненди удалась сяземс 100 км кувалмоса фронтонь немецкяй оборонать, шаштомс 90—100 км западнай и юго-западнай шири и сявомс Северскяй Донцань виде трвасонза плацдармать, кона сяльде нолявсь тевс советскяй наступлениянди Харьковть сявомста.

1942-це кизонь кизось — сёксесь

1942-це кизоня кизонь-сёксень кампанияс СССР-нь Верховнай Командованиясь путсь аф пяшкодеви задача: машфтомс врагть и шамдомс странань сембе территориятнень. Карша тюрихнень вийснонды аф виде оценкань максомась вятьсь Крымскяй фронтть поражениянцты и Харьковскяй операциять (12-це—25-це майста) пингста советскяй войскатнень куродомаснонды.

1942-це кизоня вермахтонь кизонь кампаниянь прявкс целекс ульсть: Кубанень шачфты модатнень, Донецкяень седень бассейнать, Кавказскяй нфтень шачфты вастттнень сявомсна; Сталинградть , кода военнай промышленностень инь эрявикс центрань и Волгать пачк коммуникациянь сюлмонь сявомац. «Блау» планть коряс явомс «Юг» армиянь группатнень «А» армиянь группа ( главнайсь — кавказскяй направлениясь) и «Б» армиянь группась (лезксонди — Сталинградскяй направлениясь).

Немецкяй врьгядемать лангс карша валкс арась Воронежско-Ворошиловградскяй стратерическяй операциясь (28-це июньцта — 24-це июльста).

Немецкяй войскатне мольсть инголи 500—650 вайгяльбес, лиссть Волгати. Сталинградскяй стратегическяй оборонительнай операциять видеса (17-це июльста — 18-це ноябрьста) 28-це июльста лиссь «Ни шагу назад» 227№ приказ, конань коряс:

• аф мярьгови эсь мяль вельде кадомс эсь вастцень и приказфтома потамс;
• пуропневсть штрафной ротат и батальотт, конат тюрсть фронтонь инь пелькс васттнень эса;
• пуропневсть перямонь отрятт — воинскяй эсь лацонь подразделеният, ков кочксевсть фронтонь инь цебярь боецне, штоба лоткафнемс бойста ворьгодихнень и лоткафтомс войскань потафтомать. Синь мрдафнезь боецнень тюремань васттненди, прважсесть штрафной ротав и батальону, шуроста — ляценцть (киртьфнень ёткса ляценьфта ульсь малава 1 %).

1942-це кизоня 17-це июльста Сталинградть лангс наступленияс ётась Ф.Паулюсонь вятеман ала 6-це армиясь. Ковоньберьф мольсть тюрематне Дононь оцю излучинаса, коса кирдсть оборона 62-це (командующайсь — В.И. Чуйковсь) и 64-це (командующайсь — М.С. Шумиловсь) армиятне.

23-це августста, сяземок советскяй оборонать, немецкяй 6-це армиянь ударнай группировкась лиссть Волгати Сталинградть севернай пенц маласа. Тяка шить ульсь ошень сембода вишке и калафты бомбардировкась. 13-це сентябрьста немецкяй войскатне тийсть Сталинградонь штурс, ушедсть куроса стака и веронь пяярди тюрематне, кона мольсть 1942-це кизонь ноябрь ковть самс.

Северо-Кавказскяй стратегическяй оборонительнай операциять (25-це июльсь — 31-це декабрьсь) видеса немецкяй войскатненди удалась сявомс Кавказскяй Главнай хребетонь перевалонь пялькснень.

Мзярошка операция ётафтовсь центральнай направленияса: Ржевско-Сычёвскяй операциясь (30-це июльсь— 23-це августсь), кона шорявсь Сухиничи, Козельск райоттнень эса Западнай фронтонь войскань контрударонц мархта (22-це — 29-це августста), марнек юмась 228 232 ломань; а тяфта жа северо-западнай направленияса: Любанскяй наступительнай операциясь (7-це январьста — 30-це апрельста), шорявсь ударнай 2-це армиять куродомста, кона повсть тов васенце операцитяь пинста, лифтемань операциять мархата(13-це майсь— 10-це июльсь); марнек юмафтоматне— 403 118 ломань.

Германскяй армияти тя тевсь тяфта жа арась пельксшинь: хуш сонь юмафксонза ульсть советскяйда башка сяда ёмлат, немецкяй военнай сяда лафча экономикати ашель кода сяда вишкста, кода тиендсь советскяй союзсь, полафнемс самолёттнень и танкатнень, а армияса ломаттнень тевфтома юмафтомаснон мархта оду пяшкодемс дивизиятнень ащель кода; сталинградскяй направлениса боевой ротань личнай составсь кирьфтась 27 ломаньц(штатонь коряс 180 ломаньцта). Тяда башка Россиянь Югса операцияда меле и тяфтонга пяк кувака немецень восточнай фронтсь нинге сяда кувалгоц, немецкяй эсень часттне ашесть сатне, штоба тиемс эрявикс оборонительнай эрявикс плотнайши. Фронтонь ламонц васттнень занязь Германиять союзниконза — румынскяй 3-це и формирующай 4-це армиятне, итальянскяй 8-це и венгерская 2-це армиятне. Армиянь тя васттне арасть вермахтонь лафча вастокс. Штоба касфтомс марнек юмафксонь 1,168млн лувкссть, кона тиевсь СССР-ть карша военнай действиянь ингольдень этапса, Гитлерсь вятсь германскяй союзниконь од вийхть. 1942-це кизонь тундать самс южнай направленияса СССР-са военнай действияса лувовсть 52 союзниконь сяда лама дивизият, тянь лувксса 10 вергерскяйхть, 6 итальянскяйхть, 5 румынскяйхть.

Советскяй солдаттне вятихть тюрема Сталинградти маладоманкса. Кизонда 1942 кизоня

1941-це—1942-це кизотнень СССР-ть Великобританиять и США-ть ёткса соглашениять видеса пуроптовсь антигитлеровскяй коалициянь кучкавастсь.

Экономическяй ширде каршек ащемась

1942-це кизоть кизонцты аделавсь СССР-ть экономиканц военнай рельсатненди путомац.

1941-це кизонь Советскяй плакат

Войнать ушедоманц мархта СССР-са ушедовсь эряйхнень, производительна вийнень, учреждениятнень и материальнай ресурстанень эвакуациясна. 1941-це кизоня 24-це июньцта СССР-нь СНК-ть видеса пуроптовсь эвакуациянь Совет. Странать восточнай районозонза эвакуировандавсть предприятиятнень оцюсна ( аньцек 1941-це кизоть омбоце пяльксстонза — ок.2600), усковсть 2,3 млн кудонь жувата. 1942-це кизоть васенце пяльксстонза нолдавсть 10 тёжятть самолётт, 11 тёжятть танкат, 54 тёжятть орудият.Кизоть омбоце пяльксстонза синь тиемань-нолдамань лувкссна касфтовсь 1,5 крда. 1942-це кизоня СССР-сь марнек нолдась эрь кодама лядендемань орудият — 5,91 млн единица ( лувкссь револьверфтома и пистолетфтома), сембе типонь и калибрань орудият и миномётт — 287 тёжятть ( лувкссь авиационнай, морской и танковай /САУ-нь пушкафтома), эрь кодама танкат и САУ-т —24,5 тёжятть, самолётт —25,4 тёжятть, тянь лувксса боевойхне —21,7 тёжятть. Боевой техникань оцю пялькссь получавсь ленд-лизть вельде, сембе поставкатнень лувкссна ульсть советскяй производствать мархта фкя лаца — 4%, танкатнень и самолёттнень коряс 10% и 12%, военнай пинкнень автомобильхнень поставкасна СССР-нь производставть коряс кассь ветеда лама крда. Эряви азомс, што ленд-лизть вельде странав грузонь пачфнемась ушедовсь аньцек Восточнай фронтса коренной синдемада меле.

1943-це кизоня Курскай тюремаста СССР-сь Геманиять коряс тись 2,5 танкада лама.

Военнай экономикась СССР-са 1943 кизоня — 1944 кизоть васенце пялестонза

Оккупационнай режимсь и тейнза каршек ащемась

«Винницень мекольце еврейсь»

СССР-ть лангс врьгядеманц Гитлерсь лувозе кода «Крёзонь поход», конань эряви вятемс террористическяй методтнень коряс. 1941-це кизоня 13-це майста «Барбароссонь» планть пяшкодемста сон нолдазе ответственность военнослужащайхнень аф цебярь тевонь тиеманкса:

Вермахтонь служащайхнень или мархтост покодихнень кодамовок действиясна ашесть лувондов враждебнайкс, ашесть кардав и ашесть ванов кода проступок или военнай преступления…

Войнать пингста немецкяй оккупацияса ульсть Белорусскяй, Украинскяй, Эстонскяй, Латвийскяй, Литовскяй ССР-нь территориятне, РСФСР-нь 13 областтне.

Молдавскяй ССР-сь и Украинскяй ССР-нь южнай райоттне (Транснистриясь) ульсть Румыниять кядьала, Карело-Финскяй ССР-сь оккупировандазь финскяй войскатнень.

Советскяй Союзть карша нацистскяй Германиянь войнась васенце пингста сявомок ульсь шарфтаф территориятнень Уралти сявомснонды, СССР-нь природнай паршихнень тевс нолдамасна и Россиять германскяй господствань кядялу ламапингс сявомац. Планонь коряс машфневсть аф аньцек еврейхне, но и славяттне, конат 1941-це—1944-це кизотнень эрясть Германиянь кядялу сявф советскяй территорияса. Аньцек аф кунара ФРГ-нь историкнень крхкаста ваномаснон алу повсь «лия холокостсь», кона шарфтавсь СССР-нь славанскяй эряйхнень каршес, конат еврейхнень мархта лемдевсть «низшай рассакс» и тяфта жа эрявсь машфтомс.

— Вольфрем Вёрте

Областтне кармасть лемневома губерниякс, кемокставсть уездтне (1943-це кизонь январьста — райоттне) и волостне, ётафтовсь эряйхнень регистрациясна. Немецкяй военнайхнень и административнай властень оргаттнень ( военнай комендатуратнень, окружной и районнай управлениятнень, велень хозяйствань управлениятнень, гестапонь и стак тов) мархта ульсть полициять и самоуправлениянь учреждениятнень покодемасна. Ошненди и уездтненди оцюнякс путневсть бургомистратне, волостень управлениятненди путневсть волостной страшинатне, велеса – старостатне. Уголовнай и гражданскяй тевонь ваномаста ашесть токсев германскяй армиянь интересне, покодсть мировой суттне. Местнай учреждениятнень покодемасна шарфтавсь немецкяй командованиянь приказонь пяшкодемати, Гитлеронь планононь и политикань пяшкодемаснонды.

Советскяй партизаттнень ляцемасна. 1941 кизонь сентябрьста

Немецне анокласть политическяй школат — пропагандань и агитациянь коряс специальнай учрежденият. Политическяй тематнень коряс лецият ётафневсть велень и ошень предприятиянь и организациянь ломаттнень инголе . Лекциятне и доклаттне лувовсть радиовещаниять вельде.. Тяфта жа Д. Малявин пачфни пропагандистскяй календарьхнень колга.

Школаса тонафнемста нолдавсь учебникт, конатнень эзда урядась сембось, мезьсь ашезь ладя нацистскяй идиологияти. Тядятнень-алятнень, конат ашезь ноля шабаснон школав, кармафнезь штраф вельде. Учительхнень мархта ётафневсть корхтамат гестапоса и аноклавсть кафта недляньберьф политическяй курсат. 1943-це кизоня апрель ковста историять тонафтомац лоткафтовсь и нолдавсть эсь лацонь «тяниень пингонь событиянь урокне», конатнень видеса тевсь нолявсть немецкяй газетатне и немецкяй политическяй брошюратне. Церькафнень видеса школаса аноклавсть Шкаень Законти тонафнемань шабань группат. Тяка пингть германскяй войскатне машфтозь библиотекань книгатнень оцю пяльксснон.

Ламонц оккупировандаф васттнень эса тя сембось мольсь кафта-колма кизот. Вийса сявихне советскяй ломаттненди тоса нолдасть тевс 18 кизоста сявомок 45 кизонь самс( еврейхненди 18 кизоста 60 кизотненди)) стака покодемань муворгодома. Покодемань шись нльне вреднай производставаса моль суткати 14—16 частт. Атказаманкса и покодемать эзда кяшендемась, приказонь аф пяшкодемась, хуш аф ламода муворгодомась, саламати и наругамати каршек молемась, партизаттненди лездомась и тяфтак синь тевснонды питнень пандома вастс, политическяй партияв и комсомолу сувамась, еврейскяй или циганскяй национальсностти кандомась вятьсь ляцендемат, повамати, куломас шавомати и муцямати. Сембе войнать пингста аньцек Бабий Яр вастса нацисттне шавсть 100 тёжяньда лама ломань

Кой кона эрямань васттнень немецне машфтозь пачк. Белорусскяй Хатынь велеть нацисттне плхтазь. Войнать сембе пингстонза шавовсь Белорусскяй ССР-нь эрь нилеце эряйсь.

Машфневсть сембе, кие лувовсь рейхти кальдявонь кандыкс и стаконнекс. СССР-нь оккупировандаф модасонза шавовсть 7,4 млн. мирнай ломань.

Оккупация ала ащи советскяй эряйхненди оцю юмафкст тись Германияв и оккупировандах промышленно-вии страна аф эсь мялень коряс покодема тевс маштыхнень оцю пяльксснон панемасна. Тоса советскяй уретнень лемнезь «остарбайтеркс» (восточнай покодикс).

Советскяй ломаттнень марстонь лувксста, Германияв покодема аф эсь мяль вельде усксть (5 269 513 ломань), войнада меле репартиировандавсть 2 654 100 ломань. Эрь кодама туфталонкса ашесть мрда и лядсть эмигрантокс — 451 100 ломань. Лядыксне 2 164 313 ломанць шавовсть и кулость пленца .

СССР-нь оккупировандаф областтнень эса оккупанттненди карша молемать аноклазь ЦК ВКП(б) подпольнай обкомонь, горкомонь и райкомонь партиятнень вельде. 1941-це кизоня июль ковть ушетксста партиянь Центральнай Комитетсь макссь ВКП(б) обкомтненди мярьгома эстокиге ётамс анокламать кяшеманцты. Июль ковть васенце пяльксстонза подпольясь ушедсь эвондакшнема. Аньцек германскяй войскатнень странать потмос инголи молемасна шорясть покодемать пачк аделаманцты.

Подпольнай организациятне эвондакшнесть эсь вий вельде. Тяфта Минскяйса карша молемань подпольнай васенце организациятнень пуроптозь 3-це рангонь интендантсь Иван Рогов, мзярда сонь частенц тапазь-срафтозь ошть маласа, партийнай покодись Иван Ковалёв, кона ЦК КП(б)Б-нь секретарть мярьгоманц вельде мрдась Заславляв, коса сон покодсь войнада инголе, штоба пуроптомс тоса подпольнай оргпнизация, и инженерсь-нефтяниксь Исай Казиней, кона эвакуировандавсь Белостокста,но маштсь пачкодемс аньцек Минскяи. Писательть Александр Фадеевонь тяфтама жа лемса романонц вельде сембода содаф подпольнай организациякс арась «Молодая гвардия» од ломанень организациясь, кона пуроптовсь оккупировандаф Краснодонца. Подпольщикне тиендсть агентурнай разведкат, диверсият, явондсть кяшеви изданият, шавондозь коллаборационисттнень и оккупационнай власттнень оцюняснон.

1941-це—1944 -це кизотнень СССР-нь оккупировандаф территориясонза партизанскяй отрядонь и пуромксонь марнек лувкссь 6,2 тёжятть, партизаттнень и подпольщикнень лувкссна 1 миллион ломань.Улихть и сяда оцю лувкст: 1,1 млн партизатт и 220 тёжятть подпольщикта.

1941-це кизоня июль ковтса ЦК-нь Политбюрось кемокстась постановления партийнай оргаттнень вийса оккупировандаф терртиторияма пуроптомс партизанскяй движеният, диверсионнай военнай группат и НКВД-нь оргаттю. Кизоть пест кармасть эвондакшнема фронтонь политуправлениятнень видеса партизанскяй движенинянь штабт и отделхт.

1942-це кизоня 30-це майста СВГК-ть видеса тиевсь Партизанскяй движениянь центральнай штаб (начальниксь П.К. Пономаренкась).

Покодемок Якстерь Армияти лезксонди, партизанскяй отряттне эсь лангозост сявондезь карша тюрихнень вообруженнай малава 10 % вийснон. Кепотьксонди, 1943-це кизоня августста — сентябрьста «Рельсовая война и «Концерт»» операциятнень вельде партизаттне лама пингсь лоткафтозь врагть тыл пачфневи кшнинь кить ланга усксематнень. Тяка пингть карша молихнень тылснон пачк ётась Карпатскяй рейд, конань ётафтозе С.А. Ковпака. Врагть тылса партизаттнень тевсна тись оцю путфкс советскяй модатнень лангса окуппанттнень потафтомаса.

Войнать омбоце пяльксоц (тапамань мольфтемась)

Тялонь кампаниясь 1942—1943 кизотнень

Сталинградть ала пленц сявф немецкяй солдаттне. Февраль 1943 кизось

1942-це кизоня 19-це ноябрьста ушедовсь «Уран» операциять видеса советскяй войскань контрнаступлениясь, 23-це ноябрьста Сталинградскяй (командующайсь — А.И. Ерёменкось) и Юго-западнай (командующайсь — Н.Ф.Ватутинсь) фронтонь часттне марстомсть Калач-на-Дону ошть маласа и куродозь вражескяй 22 дивизиятнень. 16-це декабрьста ушетф «Малый Сатурн» операциять пингста Манштейнонь вятеман ала «Дон» армиянь группась кирдсть поражения, Сталинградса куродф немецкяй группировкать сяземс ашесть машт.

«Кольцо» мокшекс Шаркс операциять (1943-це кизоня 10-це январьста — 2-це февральста) видеса Донской фронтонь вийса (командующайсь К.К. Рокоссовскяйсь) ушедовсь куротф 6-це армиянь машфтомась. 1943-це кизоня 31-це январьста блокированнай Сталинградса немецкяй войскань группировкань вятись генерл-фельдмаршалсь Ф.Паулюс максозе прянц пленц мотострелковай 38-це бригадань страшай лейтинантти Ф.Ильченкати. Тя арась Мировой омбоце войнань пингста оцю рангонь немецкяй офицеронь пленц васенце сявомакс. Пленц повсть пцтай 90 тёжятть немецкяй солдатт и офицерхт.

Воевай ширетнень ащемасна 1942 кизонь сёксенда

Якстерь Армиять инголи молемац 1942 кизонь ноябрьста — 1943 кизонь мартста

И хуш советско-германскяй фронтонь центральнай участкаса ётафтс («Марс») наступительнай операциясь аделавсь кальдявста, сяка южнай направленияса цебярь сатфксне удаласть советскяй войскань тялонь капманиять вельде —машфтовсть фкя немецкяй и ниле Германиянь союзниконь армиятне.

Тялонь кампаниянь эрявикс событиякс арасть Северо-Кавказскяй наступительнай операциясь и Ленинградонь блокадань сяземась (1943-це 18-це январьста).

1943-це кизоня 13-це январьста сявомок 3-це мартть самс советскяй войскатне ётафтозь эряфс Воронесско-Харьковскяй стратегическяй наступательнай операциять. Операциять видеса «Б» армиянь немецкяй группати кандовсь оцю юмафкст, марнек машфтовсть итальянскяй 8-це армиянь и венгерскяй 2-це армиянь группатне, воляс нолдавсть Воронежсь, Курскяйсь, Белгородсь, Харьковсь.

1943-це кизоня 19-це февральста Манштейнонь вятеман ала «Юг» армиянь группань войскатне южнай направленияса ётасть контрнаступленияс и тага сявозь Харьковть, мезсь лездсь сявомс советскяй войскатнень кядьста инициативать и потафтомс синь востокть шири (кой кона направленияса 150—200 вайгяльбес). Кой-кона советскяй часттне куродовсть. Аньцек советскяй командованиянь примаф мератне март ковть песта ни лездсть лоткафтомс немецкяй войскатнень и ладямс марнек фронтть.

1943-це кизоня тялонда Вальтер Моделянь немецкяй 9-це армиянцты савсь кадомс Ржевско-Вяземскяй выступть (ванода: «Бюффель»операциять). Кининскяй (Максим Пуркаевть) и Западнай (Василий Соколовскяень) фронттнень войскасна потафтозь Москуть эзда фронтонь линиять нинге 130—160 вайгяльбес и аралазь Ржевть и Вязьмать.

1943-це кизоня февральста—апрельста Северо-Западнай фронтонь войскатне, Ленинградскяй и Волховскяй фронтонь генерал-полковниконь М.С.Хозинонь Особай группац ётафнезь эряфс «Полярная звезда» операциять, конанди целькс ульсь «Север» армиянь немецкяй группать куродомац и марне тапамац, Ленинградскяй областть воляс нолдамац и Прибалтикав наступлениянди цебярьста анокламац. Аньцек операциясь ашезь удала — фкявок путф цельсь ашезь сатов.

1943-це кизоня кизонь-сёксень кампаниясь

Стратегическяй лоткамась, кона ушедсь 1942-це — 1943-це кизотнень тялонь кампаниянь операциять шумордамда меле, макссь уликсши анокламс кизонь тюрематненди. 12-це апрельста ВГК-нь Ставкась ванозень Генеральнай штабонь мяльхнень и фронтонь военнай советтнень мярьгоматнень; тянь коряс аноклавсь 1943-це кизонь кизоти и сёксети план. Арьсематнень коря синь оцю событиятне тиевихть Курскяй районтть маласа стратечисескяй плацдармаса, конань эзда оборонада меле тиевихть орловскяй и белгородско-харьковскяй карша тюриень группировать лангса фланговай матомат. Курскяй выступста матомась панчсезе Киевть шири кить и цебярьста сотневсь «Юг» армиянь немецкяй группировкать машфтоманц коряс действиятнень и сяльде Левобережнай Украинать воляс нолдаманц мархта .

1943-це кизоня кизонда и тялонда советскяй армиять марстонь стратегическяй наступленияц

1943-це кизоня кизонь-тундань каманиянь решающай событиякс ульсть Курскай тюремась и тюремась Днепрть инкса. Курскяй тюремать пингста Восточнай фронтса вермахтсь ётафтсь стратегическяй наступательнай мекольце операция ( «Цитадель» лема ала), ёрасть сявомс инициативать. Аньцек тяряфтомась керомс Курскяй лисьф вастть куродомс советскяй войскатнень ашезь удала, и советскяй контрнаступлениять вельде немецкяй войскатне льсть тапафт. Курскяй тюремать пингста 1943-це кизоня 12-це июльста лиссь марнек масторонь историяса фкя шинь инь оцю танковай сражения Прохоровкать ала.

«Кутузов» и «Полководец Румянцев» операциятнень вельде 5-це августста Якстерь Армиясь макссь воля Орёлти и Белгородти, 23-це августста идевсь Харьковсь.

Ил-2 штурмовикне тапайхть карша тюрихнень колоннаснон эса, Воронежскяй фронтсь, 1-це июльста 1943-це кизоня

1943-це кизоня 7-це августста сявомок 2-це октябрть самс советскяй войскатне ётафтозь эряфс Смоленскяй стратегическяй наступательнай операциять («Суворов» операция), конань пингста 25-це сентябрьста максовсь воляши Смоленскяйти, советскяй войскатне аськолдасть западнай ширети 200—250 вайгяльбес.

1943-це кизоня 13-це августста сявомок 22-це сентябрть самс советскяй войскатне ётафтозь эряфс Донбасскяй операциять, конань вельде марнек Донецкяй седень бассейнати максовсь воляши. Якстерь Армиять сяда товолдонь наступлениянц вельде удалась немецкяй войскати тиемс оцю тапамат и максомс воляши модатненди Днепрть эзда восток ширети, а меле Днепрть западнай трванц сяземда меле 1943-це кизоня 6-це ноябрьста максовсь воляши Киевти.

1943-це кизоня 9-це сентябрьста сявомок 9-це октябрть самс тяфта жа ётафтовсь Новороссийско-Таманскяй операциясь, конань вельде аделавсь Таманскяй полуостровань воляс нельгомац. Мелиторольскяй (1943-це кизонь 26-це сентябрьсь — 5-це ноябрьсь) и Керченско-Эльтигенскяй(1943-це кизонь 31-це октябрьсь — 11-це ноябрьсь) десантнай операциятнень вельде советскяй войскатне сязезь Перекопскяй перешейкаса Турецкяй валонь укреплениянц, сявозь Сивашать южнай трвасонза и Керченскяй полуостровса плацдарматнень, но эстокиге максомс волши Крымти ашезь удала, вийхне ашесть сатне.

Капанияти пень сатомась арась РККА-ть западнай ширети 500 – 1300 вайгяльбес инголи ётамац, 2/3 оккупировандаф модатненди воля максомац, тянь лувксса экономическяй (Донбасс, Харьков) и велень хозяйствань ( Черноземье, Кубань, Украинань восточнай ширец) эрявикс райоттне.

Германиянь и СССР-нь вийхне 1943-це кизоня кизонь-сёксень кампаниять пес ламонц показательхнень коряс лядсть пцтай тяка вастса, тяка пингть Якстерь Армиясь юмафтозе танконь и САУ-нь оцю лувкссонц, кона сонь ульсь Курская тюремаса (10,1 тёжяттне немецень 5,8 тёжятть карша). 1943-це кизоть васенце пяльксста РККА-сь юмафтсь 18 000 тёжяттьта лама танкат и САУ-т, ваермахтсь — 3 000 тёжяттьта лама танкат и трурмовой орудият. Советскяй самолётонь юмакфксне войнать пингста васенцеда карша тюрида башка кирьфтасть — малава 6500 советскяй и малава 10 000 немецкяй самолётта.

28-це ноябрьста— 1 декабрьста ётась И. Сталинонь, У.Черчиллень и Ф.Д. Рузвельтонь Тегеранскяй конференциясна. Прявкс кизефксокс ащесь омбоце фронтонь панжемась.

Войнань колмоце пялькссь

Войнань омбоце пяльсксста ламода касфтовсть германскяй вооружённай вийхне, башка техническяй пялькссь. Кепотьксонди, 1945-це кизоня 1-це январьть самс в вермахтса танконь и САУ-нь лувкссь —12 990 единицат, тяка пингть кода 1944-це кизоня 1-це январть самс —9149, а 1943-це кизоня 1-це январьть самс — аньцек 7927 единицат. Тя ульсь Германиянь промышленностень военнай мобилизациянь программать видеса Шпееронь, Мильхонь и лиятнень тевснон сатфкссна, кона ушедовсь 19420це кизоня январь ковста, оцю сатфкст кармась макссема аньцек 1943-це —1944-це кизотнень.

Аньцек лувксонь касомась, Восточнай фронтса оцю юмафтомась, лётчикнень и танкисттнень тонафнемаснонды уштомбялень аф сатнемась, вятсь германскяй войскань вооружённай виень лафчемати. Тяка пингть советскяй солдаттне, конат кирдезь войнань васенце кизотнень получасть питни боевой опыт, кона ашель Якстерь армиять войнать ушетксса.

1944-це кизонь тялонь-тундань кампаниясь

1943-це—1944-це кизотнень Якстерь Армиянь тялонь кампаниясь ушедовсь Украинать виде трвасонза оцю наступленияста (24-це декабрьсь1943 — 17-це апрельсь 1944), кона ащесь фронтовой мзярошка операцияста: Житомирско-Бердичевскяй, Кировоградскяй, Корсунь-Шевченковскяй, Луцко-Ровненскяй, Никопольско-Криворожскяй, Проскуровско-Черновицкяй, Уманско-Ботошанскяй, Березнеговато-Снигирёвскяй и Одесскяй.

Ниле ковоберьф наступлениять пингста тапавсть «Юг» армиянь группась (командующайсь генерал-фельдмаршалсь Эрих фон Манштейн ) и «А» армиянь группась (командующайсь генерал-фельдмаршалсь Эвальд фон Клейст). Советскяй войскатне макссть воляши Украинать виде ширень трванцты, западнай областти, лиссть СССР-нь южнай государственнай границати, Карпатонь прегорьяв (Проскуровско-Черновицкяй операциять пингста), а 28-ц мартсат форсировандазь Прут ляйть, сувасть Румынияв. Тяфта жа Украинать виде ширень трвазонза наступленияти кандови Белорусскяй 2-це фронтонь Полесскяй операциясь, кона мольфтевсь Украинскяй 1-це фронтонь войскатнень эзда севернай ширеса.

Наступленияса ульсть Украинскяй 1-це, 2-це, 3-це, 4-це фронттне, Белорусскяй 2-це фронтсь, Черноморскяй флотонь и Азовскяй военнай флотилиянь корабльхне и оккупировандаф территорияста партизанонь лама лувкссь. Наступлениять вельде фронтсь 1943-це кизоня декабрь ковста васенце пингонь позицияста шашфтовсь потмоти 250—450 вайгяльбес. Советскяй войскань солдатонь юмафкссне — 1,1 млн ломань, конатнень эзда 270 тёжяттьта ламось ашезь мрда.

Украинать виде трванцты воляшинь максомать мархта ушедовсь Ленинградско-Новогородскяй операциясь (14- це январьсь — 1-це мартсь 1944к.). Тя операциять видеса эряфс ётафтовсть: Красносельско-Ропшинскяй, Новгородско-Лужскяй, Кингисеппско-Гдовскяй и Старорусско-Новоржевскяй фронтовой наступательнай операциятне. Инь прявкс цельсь ульсь Ленинградть блокадаста нельгомац.

Советскяй войскатнень наступленияснон вельде тиевсь (Георг фон Кюхлер генерал-фельдмаршалть вятеманц ала) «Север» армиянь группати оцю колама. 1944-це кизоня 27-це январьста Ленинградти, кона ащесь блокадаса 872 шит, максовсь воляши.

Ленинградть лангса блокадать валхтомда меле Якстерь Армиясь макссь воляши Ленинградскяй пцтай сембе территориятненди, Новогородскяй областень, Калининскяй областень оцю пяльксти, советскяй войскатне сувасть Эстонияв. Советскяй войскань тя наступлениясь ашезь макса немецкяй командованияти уликсши ётафтомс «Север» армиянь группань вийхнень Украинать виде трвазонза, коса тиевсть 1944-це кизонь тялонда советскяй войскань прявкс удархне.

Операцияса улсьть Ленинградскяй (командующайсь — Л.А. Говоров) и Волховскяй (К.А.Мерецков) войскатне, Прибалтийскяй 2-це фронтонь ( командующайсь — М.М. Попов) виень пялькссь, Балтийскяй флотсь (В.Ф. Трибуц), ичкоздень действиянь авиациясь и партизаттне. Ленинградско-Новгородскяй операциять видеса войскатне мольсть инголи 220—280 вайгяльбес. Советскяй войскань юмафксне — 300 тёжяньда лама ломань, эздост 75 тёжянць ашесть мрда

Апрельста — майста ётафтовсь Крымскяй наступательнай операциясь(8-це апрельсь — 12-це майсь). Сонь видесонза ётафтовсть эряфс фронтовой кафта операцият: Перекопско-Севастопольскяйсь и Керченско-Севастопольскяйсь; операцияти цельсь — максомс воляши Крымти. Советскяй войскатне врагть кядьста нельгозь Крым и тапазь-срафтозь немецкяй полевой 17-це армият. Черноморскяй флотсь мрдафтозе эсь главнай базанц — Севастопольть, мезсь сядонга цебярьгофтозень базированиять условиянзон и боевой действиянь вятеманзон, кода сонцень, стане и Азовскяй военнай флотилиять (конанень базаса тиевсь Дунайскяй военнай флотилиясь). Фронтонь тылхненди, конат араласть Украинань виде трванц эса, машфтовсь пельксшись.

Крымонь воляшис нолдаманкса тюрсть Украинскя 4-це фронтонь войскатне, Андрей Ерёиенкать вятеманц ала Приморскяй отдельнай армиясь, Черноморскяй флотсь, Азовскяй военнай флотилиясь (сяльде лемдевсь Дунайскяй военнай флотилиякс). Советскяй войскатнень юмафкссна 85 тёжянень крда ломань, конатнень эзда 17 тёжянць меки ашесть мрда. Советскяй войскатне Крымти воляши макссть ковоноь кувалмоста, мзярда немецненди эрявкстсь 10 ковт, штоба сявомс Севатопольть.

Центральнай (западнай) направленияса сатфкст советскяй войскатнень ашельхть— немцне кемоста кирдезь Белоруссиять. 1943-це кизонь сёксеста сявом 1944-це кизонь тундать самс Западнай фронтонь советскяй войскатне тисть кой-мзяра операцияда, штоба нельгомс врагть кядьста Витебскть и Оршать, но синь ашесть удала.

1944-це кизоня кизонь-сёксень кампаниясь

1944-це кизоня июнь ковтса США-сь и Великобританиясь панжезь омбоце фронтть, мезсь кальдялгофтозе Германиять военнай тевонц. Кизонь-сёксень кампанияста Якстерь Армиясь ётафтсь мзярошка оцю операцият, конань лувксса Белорусскяйсь, Выборгско-Петрозаводскяйсь, Львовско-Сандомирскяйсь, Ясско-Кишинёвскайсь, Прибалтийскяйсь; аделазе Белоруссияти,Украинати, Прибалтикати ( Латвиянь кой-кона районнда башка) и Чехословакиянь пяльксти воляшинь максомать; нельгозе врагть кядьста севернай Заполярьять и Норвегиянь севернай областтнень. Румыниясь и Болгариясь ( Болгариясь вятсь война Великобританиять и США-ть мархта, но аф СССР-ть, сяс 5-це сентябрьста СССР-сь сувасть Болгариять модазонза и аноконди пачфтсь войнать колга, болгарскяй войскатне карша молема ашесть ёра) кармафтовсть капитуляцияти и Германиять карша войнаса молемати.

1944-це кизонь кизоня советскяй войскатне сувасть Польшать территорияс. Нинге тяда инголе Западнай Украинать и Западнай Белоруссиять, а тяфта жа Литвать территориясост советскяй войскатне васьфтезь Крайовой Армиянь (АК) польскяй партизанскяй пуромкснень, конат сявфоль паньф польскяй правительствать кядялу.

АК инголе путовсь задача — немецкяй потамада меле сявондемс Западнай Белоруссиянь, Украинань, Литвань и Польшань райоттнень, штоба советскяй войскатнень самс тоса уш нолдаволь тевс властьсь, кона ащи польскяй эмигрантскяй правительствать кядяла.

Васендакиге АК ульсь Якстерь Армиять мархта немецнень карша операциятнень пяшкодемста, но курок советскяй властьсь кармась пякснема польскяй офецерхнень, сявондема боецнень кядьста оружять, штоба мобилизовандамс синь просоветскяй Польскяй Войскос. 21-це июльста Хелмеса польскяй коммунисттне пуроптсть национальнай особождениянь Польскяй комитет — просоветскяй мзярошка пингс правительства, кона конкурировандай эмигрантскяйть мархта.

1-це августста, мзярда РККА-нь передовой вийхне малаткшнесь Варшавати Польшать столицанцты, Крайовань Армиясь кеподсь ошса восстания. Повстанецне кафта ковонь перьф тюрсть корязост оцю немецкяй войскань вийхнень карша, но 2-це октябрьста капитулировандасть. Белорусский 1-це фронтсь восставшайхненди ашезь макса эрявикс лезкс — ётамок Белорусскяй операцияса малава 600 вайгяльб, сон васьфтсь Варшавать ваксса врагть кеме карша молема и ётась оборонас.

Тапаф немецкяй автоколоннась Белоруссияса. Кизонда 1944

30-це августста Словацкяй Республикась ушедсь пронемецкяй режимть карша Словацкяй национальнай кеподема, конань вятезе Йозеф Тиссо. Повстанцатненди лезксонди 8-це сентябрьста советскяй войскатне ушедозь Карпато-Дукельскяй операциять. Но ноябрь ковть ушетксста немецкяй войскатне лоткафтозь восстаниять сяда инголе.

25-це октябрьста оборонань Государственный комитетсь пачфтсь 1927-це кизоня шачихнень военнай службав тердемаснон колга. Тердевсть 1 156 727 ломань — военнай мекольце призывсь.

Октябрьста советскяй войскатне цебярьста ётафтозь Дебреценскяй операциять и ушедозь Будапештскяй операциять, штоба тапамс немецкяй войскатнень Венгриять территорияса и лифтемс сонь войнаста. 28-це декабрьста эвондась Венгриянь аф лама пингонь правительства, кона 1945-це кизоня 20-це декабрьста кемокстазь СССР-ть мархта мирендамаснон. Аньцек немецкяй воскатне Будапештса капитулировандасть аньцек 1945-це кизоня 13-це февральста.

1945-це кизоня тялонь-тундань кампаниясь

Сяськомань знамясь рейхстагть вельхксса (фотось Халдеень)

Восточно-прусскяй операциясь (13 январьста — 25 апрельста 1945)

Ши мадома ширети советскяй войскатнень инголи молемасна тага ушедсь 1945 кизонь январьста. 13-це январьста ушедсь Восточно-Прусскяй операциясь. Млавскяй ширеса вярьгок вастса целькс ащесь противникть млавскяй группировкань тапамац-машфтомац и «Центр» армиянь группать перямац, кона аралась пря Восточной Пруссияса, немецкяй армиянь лядыкс вийхнень эзда.Тюрематнень пингста советскяй войскатне сявозь Восточнай Пруссиять пяльксонц, макссть воляши Серевнай Польшати и, западста и юго-западста перязь карша тюриень восточно-прусскяй группировканц, тисть цебярь условият сонь сяльдень тапаманцты. Белорусскяй 3-це фронтонь войскатне ( командующайхне: И.Д. Черняховскяйсь, сонь шавомда меле 18-февральста— А.М.Василевскяйсь) ушедсть немецкяй войскань тильзитско-инстербургскяй группировать карша наступательнай операция. Сонь пингстонза маладсть инголи 130 вайгяльбес и тапазь немецнень основной вийснон, тисть Белорусскяй 2-це фронтть (командующайсь: К.К. Рокоссовскяйсь) Восточно-Прусскяй марстонь операцияснон аделаманцты цебярь условият.

Советскяй солдаттне Будапештонь куротнень эса (Венгрия), 1 январьста 1945

12-це январьста Польшаса ушедовсь Вмсло-Одерскяй операциясь, конань пингста 1-це Белорусскяй (командующяйсь — Г.К.Жуковсь) и 1-це Украинскяй (командующяйсь — И.С.Коневсь) фронттне 3-це февральть сам немецкяй войскатнень кядьста нельгозь Вислать эзда западти Польшать моданзон и сявозь Одер ляйть виде трвасонза Кюстринскяй плацдармать, кона сяльде нолдавсь тевс Берлинть сявомста.

Лямбе ширдень Польшаса и Чехословакияса Украинскяй фронтонь 4-це войскатне ётазь Западнай Карпататнень оцю пяльксснон, и 18-це февральть самс лиссть Вислать вярьдень шудеманц районц, мезьса лездсть Украинскяй 1-це фронть Силезияв инголи молеманцт.

10-це мартста советскяй войскатне Чехословакияса ушедозь Моравско-Остравскяй наступательнай операцияснон. Штоба ванфтомс фкя и сяка седьвальмянь бассейнать, кона 1945-це кизоня апрельть самс Колмоце рейхть кядьса, вермахтонь командованиясь тя фронтонь участкати кучсь вельф вийхть. Советскяй войскатненди Острава ошть удалась занямс аньцек 30-це апрельста.

Балатон эрьхть маласа кяжи врьгятемань потафтомда меле, 16-це мартста ушедовсь Вена ошть инкса Венскяй наступательнай операциясь. Венать шири молемста срафтовсь-калафтовсь СС-нь танковай 6-це армиясь. Чехославакияса апрель ковть ушетксста советскяй войскатне кяжи тюрематнень мольфтемснон вельде ётнихть инголи западть шири. 7-це апрельста пачкодсть Венать малас, коса васьфтсть немецень кеме карша молема. Ушеткшнихть стака бойхне Венать инкса, кона ульсь сявф 13-це апрельста.

2-це лейтенантсь У. Робертсон и лейтенантсь А. С. Сильвашко «Восток встречается с Западом» сёрмафтксть видеса, символизирующай историческяй Эльбаса союзниконь васедемась

10-це февральста сявомок 4-це апрельть самс Белорусскяй 1-це и 2-це фронтонь войскатне цебярьста пяшкодезь «Висла» армиянь группать каршес (командующяйсь Г.Гиммлерсь)Восточно-Померанскяй операциять, конань вельде машфтовсь немецнень ширде советскяй войскатнень, конат ащесть Кюстринскяй плацдармать районца, ударонь пельксшись.

Тяка пингть Восточнай пруссияса ушеткшнихть тюрематне Кёнигсбергть инкса (ванода Кёнигсбергскяй операциясь). Советскяй войскатне вайгяльбень сявомста путнихть сатомшка вийхть, ушеткнихть тюремат куроса кёнигсберскяй операциять пингста немецень восточнопрусскяй группировкань виень оцюсна ульсть тапафт.

«Север» армиянь лядыкс группась, кона потась севернай ширети, сатовсь Курляндскяй котёлти и мольсь каршек Германиять капитуляциянцты.

1945-це кизоня март ковть самс Белорусскяй 1-це и Украинскяй 1-це фронттне лиссть Нейсе и Одер ляйхнень рубежс. Нюрьхкяня кить ланга кюстринскяй пладармать эзда Берлинти лядсь 60 вайгяльбет. Американскяй и британскяй войскатне аделазь немецкяй войскань рурскяй группировкань машфтомать и апрель ковть кучкас ингольце часттне лиссть Эльбати. Сырьевой инь эрявикс райоттнень юмафтомасна кирьфтазь Германиять промышленнай производстванц. Эвондасть стакашит ломанень лувксонь касфтомаса, сяс мес 1944—1945 кизоста тялонда юмафтовсть лама солдатта. А ваномок тянь лангс Германиянь вооружённай вийхне ульсть аф лафчт. Якстерь Армиянь Генштабонь разведуправлениянь информацияснон коряс, апрель ковть самс синь составсост лувовсть 223 дивизият и бригадат.

1945-це кизоня 16-це апрельста ушедсь советскяй союзонь Берлинскяй наступательнай операциясь.25-це апрельть самс Белорусскяй 1-це (командующяйсь Г. К. Жуков) и Украинскяй 1-це (командующайсь И. С. Конев) фронттне куродозь марнек Берлинть. 25-це апрельста 1945-це кизоня советскяй войскатне Эльба ляйса васенцеда васьфтсть американскяй войскатнень мархта, конат мольсть Западста. 30-це апрельста, улемок куротф Берлинца, Германиянь фюрерсь Адольф Гитлерсь шавозе эсь прянц.

1945-це кизоня 2-це майста Берлинонь гарнизонць капитулировандась. Веть 1-це майти стрелковай 150-це дивизиянь боецне Алексей Берест, Михаил Егоров и Мелитон Кантария стяфтозь рейхстагть вельхксса Сяськомань Знамять.

1945-це кизоня 15-це апрельста Украинский 3-це фронтсь ушедозе Грацско-Амштеттенскяй наступательнай операциять, 8-це майста советскяй войскатне васьфтсть американецнень мархта, конат сувасть Австрияв западста.

Берлинть сявомда меле ни советскяй войскатне ётафтозь Пражскяй операциять — войнань мекольце стратегическяй операциять. 6-це — 11-це майть перьф советскяй войскатне срафтозь Центр армиянь немецкяй группать, сявсть пленц 800 тёжяттьта лама немецкяй солдатт и офицерхт.

9-це майста Борнхольм датскяй островти валгсь советскяй десантсь, островса примазь немецкяй войскань капитуляциять, 10-це майста капитулировандась Курляндскяй котёлса немецкяй группировкась.

Ялтинскяй конференциясь

4-це —11-це февральста 1945-це кизоня ётась Ялтинскяй конференциясь, Сталинть, Черчилльть и Рузвельтть мархта, коса корхтамась мольсь войнада меле политикань принципнень колга.

Войнать аделамац

Генерал-фельдмаршал Вильгельм Кейтель путсы кяденц актти германскяй вермахтть капитуляциянц колга 5-це ударнай армиять штабсонза Карлсхорстса, Берлин

Европаса войнась аделавсь 8-це майста центрально-европейскяй пингть коряс 22 частса 43 минутаста Германиянь вооруженнай вийхнень капитуляцияста (москуть коряс ладяф пингста 0 частста 43 минутаста 9-це майста) Боевой действиятне мольсть 1418 ши. Сяка примамок капитуляциять, Советскяй Союзсь ашезь сёрмада мир Германиять мархта, лиякс азомс формальнайста лядшнесть Германиять мархта войнаса. Германиять мархта войнась формальнайста аделавсь 1955-це кизоня 25-це январьста Германиять мархта войнась формальнайста шумордавсь «Советскяй Союзть и Германиять ёткса войнать шумордаманц колга» СССР-нь Верховнай Советонь Президиумонь указть нолдаманц мархта.

24-це июньцта Москуса ётась Сяськомань парадсь. 1945-це кизоня июльста — августста Потсдамскяй конференцияста СССР-нь, Великобританиянь и США-нь вятихне састь фкя мяльс Европать войнада меле ладяманц коряс кизефксса.

Битватне, операциятне и тюрематне

Заполярьянь оборонась (29-це июнць 1941 — 1-це ноябрьсь 1944) Москуть инкса тюремась (30-це сентябрьсь 1941 — 20-це апрельсь 1942) Ленинградть блокадац (8-це сентябрсь 1941 — 27-це январьсь 1944) Ржевскяй тюремась (8-це январсь 1942 — 31-це мартсь 1943) Сталинградскяй тюремась (17-це июльсь 1942 — 2-це февральсь 1943) Кавказть инка тюремась (25-це июльсь 1942 — 9-це октябрсь 1943) Курскай тюремась (5-це июльсь — 23-це августсь 1943)

Правобережнай Украинать инкса тюремась (24-це декабрсь 1943 — 17-це апрельсь 1944) Белорусскяй операциясь (23-це июнць — 29-це августсь 1944) Прибалтийскяй операциясь (14-це сентябрьсь — 24-це ноябрсь 1944) Будапештскяй операциясь (29-це октябрсь 1944 — 13-це февральсь 1945) Висло-Одерскяй операциясь (12-це январсь — 3-це февральсь 1945) Восточно-Прусскяй операциясь (13-це январсь — 25-це апрельсь 1945) Берлинть инкса тюремась (16-це апрельсь — 8-це майсь 1945)

Великай Отечественнай войнань пети саманц коряс

Советскяй маркированнай военно-пропагандистскяй почтовай карточка

, декабрь 1941. Открыткась няфтьсы ловса вельхтяф солдатонь калмолангть крёз мархта, немецкяй каска мархта и сёрматф: Ж«Lebensraum im Osten» («Жизненное пространство на востоке»)]]

Аф ваномок российскяй и западнай историкнень Мировой омбоце войнаса СССР-ть роленц колга эрь кодама корхнемаснон лангс., сембе сашендыхть фкя мяльс, што Великай Отечественнай войнась аделась Советскяй Союзонь военно-политическяй, экономическяй и идеологичкскяй марнек сяськомаса. Войнань оцю сатфксокс арась нацистскяй Германиять тапамац-калафтомац, оккупировандаф модатнень и и Европань странатнень нацизмать эзда аруялгофтомасна.

Немецкяй войскатнень эзда воляс нолдаф СССР-нь территориятнень, Восточнай Европань и Германиянь странатнень эса СССР-сь ётафнесть мирнай эряфонь ладямат: населенияти ушедовсь оду пачфневома продовольственнай снабжения, виияфтовсь производствась, вятевсь немецкяй и националистическяй подпольять, мародёрствать, уголовнай эрь кодама преступления карша тюрема.

Советскяй Союзонь территориянь полафтоматне

1944-це кизоня октябрь ковста референдумонь коряс, кона ётафтовсь Тувинскяй Народнай Республикаса, сон эсь мяль вельде сувась РСФСР-нь составс кода Тувинскяй автономнай обласасть (1961-це кизоня тиевсь Тувинскяй АССР.

1944-це кизоня сентябрь ковтса Финляндиять мархта кемокставсь мирендамась, условиянзон коряс СССР-ти ётась Петсамо районць (Мурманскяй областень Печенгскяй районць), тянь вельде Советскяй Союзть эвондасть марстонь границац Норвегиять мархта.

Союзникнень мархта тевонь ладямась кемокстазень СССР-ть праванзон Великай Отечественнай войнада инголе полатф Прибалтикать, Западнай Украинать и Западнай Белоруссиять, Бессарабиять, Севернай Буковинать территорияснон лангс.

1945-це кизоня Потсдамскяй конференциять решениянц коряс Восточнай Пруссиясь немецкяй провинциянь севернай пялькссь, марса Кёнигсберг столицанц мархта максовсь СССР-ти (арась РСФСР-нь Калининградскяй областекс). Литовской ССР-ти мрдафтовсь Клайпедась.

1945-це кизоня июль ковста кемокставсь Чехословакиять мархта СССР-ти Подкарпатскяй Русть территориянзон максомаснон колга соглашениясь (арась Украинскяй ССР-нь Закарпатскяй областекс).

Ломанень юмафтоматне

Советскяй солдатсь анды шабать эса, конань шавозь тядянц. 1 октябрьсь 1943

Официальнай версиять коре, кона азовсь 1993-це кизоня, СССР-нь военнай юмафтоматне лувовсть 11 444 100 ломань: шавовсь военнослужащайда — 8 668 400 ломань (6 818 300 солдатта шавовсть бойста, кулость госпитальса и лия происшествиятнень пингста, а 1 850 100 ломань ашесть мрда пленцта), окупациянь зонаса гражданскяй населениянь юмафтоматне — 13 684 700 ломань (эздост: инголькигя арьсефть коряс шавовсть — 7 420 400 ломань, кулость Германияса аф мяль вельде стака покодемаса  — 2 164 300 ломань, вачашида, урмада и мед.лезксонь аф улемать инкса — 4 100 000 ломань).

Тя лемлувксти ашесть сувафтов оцю, но стакаста лувови гражданскяй ломаттнень юмафтомасна фронтть ваксса райоттнень, блокаднай и осадаса киртьф ошнень эса боевой действиятнень пингста. Тяфта Ленинградскяй блокадаста шавовсть 658 тёж. ломатть. Сталинградть бомбардировканц пингста — 40 тёж. лама ломатть. Сяда тёжятть ломатть шавовсть Севастопольть, Одессать, Керчть, Новороссийскяйть, Смоленскяйть, Тулать, Харьковть, Минскяйть и Мурманскяйть бомбардировкаснон пингста. Гитлеровскяй вачашинь планть коряс эрявсь кадомс ярхцамбяльфтома СССР-нь оккупировандаф территорияса малава 30 млн ломань , башка мяль оцю ошненди .

2005-це кизоня РФ-нь оборонань министерствась нолдась тяфтама даннайхть: войнаста ашесть мрда — пцтай 12 млн ломань, СССР-нь ломанень военнослужащяй и гражданскяй населениянь марстонь юмафтомась — 26,6 млн ломатть. СССР-ть населенияц ( тя лувксса шачфтомать кирьфтаманц инкса) войнать пингста кирьфтась 42 млн.лоань

РФ-нь ВС-нь комиссиять оценканц коряс вермахтонь, СС-нь войскань и Германиянь военнай лия формированиянь юмафтоматне советско-германскяй фронтса, лувовсь 7 181 100 ломань. Германиянь союзниконь войскань юмафтомань марнек лувкссна 1 468 145 ломань. Шавф солдаттнень лувкссна 4 270 700 и 806 000 человек соответственно. Германиянь, Венгриянь, Италиянь, Румыниянь, Финляндиянь, Словакиянь демографическяй юмафтоматне - 11,9 млн ломань.

СССР-нь и Осинь странань вооружённай виень юмафтоматне восточнай фронтса — 11 444 100 и 8 649 200 ломань соответственно. Юмафтомань соотношениясь ульсь малава 1,3:1. Юмафтоматненди сувафтовсть солдаттне, конат ашесть мрда пленцта: за годы войны при практически равном количестве военнопленных (4 559 000 советских солдат и 4 376 300 немецких солдат) из советского плена вернулось на родину 90,4 % или 3 956 300 солдат, из немецкого — 45,2 % или 2 059 000 солдат.

Материальнай юмафтоматне

Видеста паршиень юматфомань карьцне пцтай колмоце пяльксонц ССР-нь сембе национальнай козяшинц. Войнать пингста ульсь срафтф-калафтф 1710 советскяй ошта, 70 тёжяньда лама веле и веленя, 32 тежянть малава завод и фабрика, 84 тёжянь школа, средняй профессиональнай и высшай тонафнемань заведения, 65 тёжянь вайгяльбень кувалмоса машина ки, 16 тёжянть малава паровоз, 428 тёжянь машинакинь вагон; ульсь юмафтф 36,8 млн га видеф площадь, 267 тёжянь единица велень хозяйствань техника, кемонень миллионтт тувонь пря, учань пря, сявань, кудонь наромонень, оцю сюронь жувата.

Тяда башка, оцюдонга оцю, а кой-коста аф мрдафтови карьхць тифоль культурань памятникненди, конат ульсть оккупировандаф территориятнень эса. Ульсь машфтф и лихтьф Германияв 1 млн 177 тёжянь культурань памятник, ароптф: 427 музей; срафтф 1670 храм, 44 тёжянь культурань дворец и библиотека; юмафтф 564 тёжяньда вельф художественнай произведения. Сембода содаф нацисттнень саламасна искусствань произведенияста — тя янтарнай комнатась, кона 1941 кизонь октябрьста ульсь лихтьф Германияв Екатерининскяй дворцста Царскяй велеса.

Войнань воляс мянемань характерсь

Великай Отечественнай войнань воляс мянемань характерсь няфтевсь тяфта:

• Германскяй нацизмать, кона кандсь ломаттненди оцю пельксши, машфтомаса оцю сатфкс тись Советскяй народсь;
• Советскяй народсь аралазе эсь независимостенц и эсь мяленц коре касоманц-виияманц;
• СССР-ть территориянзон эзда ширеса Якстерь Армиянь военнай действиятне лездсть максомс воляши Европань странатненди фашизмать эзда и араламс ломанень миллион эряф;

Войнать ушетксста инь прявкс задачакс ульсь наротть фашизмать эзда араламац. Тяфта радио пачк 1941-це кизоня 3-це июльста Иосиф Сталин мярьгсь:

Фашистскяй угнетательхнень карша Всенароднай Отечественнай войнати целькс ащи аф аньцек пельсшить машфтомац, но и Европань сембе нароттненди лезкссь. Тя воляшинь максомань войнаса минь аф ляттама сякамонок. <…> Минь Отечестваньконь воляшинкса инкса войнась арай и шовори Европань и Американь нароттнень независимостьснон и демократическяй воляшиснон инкса тюремаснон мархта. Тя кармай народонь марстонь фронт, кона ащи Гмтлерть карша.

Сяльде тя задачась явовсь оборонань Государственнай комитетонь постановленияса, а тяфта жа директиваса и Верховнай главнокомандующяень приказса.

Нюрнбергскяй трибуналсь лифтсь обвинительнай приговорхт военнай преступленияса 19 муворукс лувфненди (эздост 12 куломань казняс, а — 3 сембе эряфонь пингс пякстомас), тяка лувксса пропагандисттненди, и марнек масторть келеса судендазе нацизмать и фашизмать. Нацизмань пельксшить эзда мирть араламац арась XX векста инь главнай военно-политическяй событиякс.

СССР-сь и антигитлеровскяй коалициясь

Уш 1941-це кизоня 22-це июньцта Великобританиянь премьер-министрсь Уинстон Черчилль мярьгсь:

Пельксшись, кона эвфнесь Россиять, — тя пяльксшись гразяй тейнек и США-ти тятфа жа, кода эрь рузонь ломанць тюри эсь моданц и кудон инкса, — тя тевсь сембе масторса вольнай ломаттнень и вольнай нароттнень…

12-це июльста СССР-сь сёрмадсь Германиять карша марстонь военнай действиянь мольфтемать коряс соглашения Великобританиять мархта. 18-це июльста тяфта ма жа соглашения сёрмадовсь Чехословакиянь эмигрантскяй правительствать мархта, а 30-це июльста — польскяй эмигрантскяй правительствать мархта (Сикорского-Майского Соглашения).

14-це августста польскяй эмигрантскяй правительствать мархта сатовсть тевонь ладямат СССР-са польскяй ломаттнень эзда, конат повсть пленц 1939-це кизоня РККА-нь Польскяй походть пингста, пуроптомс армия, а тяфта жа польскяй ломаттнень, конат ульсть депортировандафт или пякставсть (12 августста синь амнистияснон колга примавсь указ).

«Рузсь. Тя ломанць — тонь ялгаце. Сон тюри воляшить инкса», плакатсь США-са, 1942

1941-це кизоня 24-це сентябрьста СССР-сь поладкштовсь Атлантическяй хартияти, тяка пингть азозе кой кона кизефкснень коряс эсь мяльнц-ваноманц. 29-це сентябрьста — 1-це октябрьста 1941-це кизоня Москуса ётась СССР-нь США-нь и Великобританиянь представитель мархта пуромкс, кона аделавсь фкя-фкянди поставкань пачфнемань коряс протоколонь сёрмадомаса. «Дервиш» британскяй васенце арктическяй конвойсь СССР-ти военнай груз мархта пачкодсь Архангельскяи нинге тяда инголе, 31-це августста 1941-це кизоня. Военнай грузонь поставкатнень СССР-ру южнай маршрутть пачк пачфнемаснонды 1941-це кизоня август ковста Ирану сувафтовсть британскяй и советскяй войскатне.

Великобританиянь Королевскя ВВС-нь истребительнай 151-це авиакрылоц 1941-це кизоня сентябрь ковть ушетксста састь Мурманскяйть малас Ваенгав и тиендсь боевой вылетт 1941-це кизоня октябрь ковть самс, мзярда СССР-ти пачфтевсть британскяй истребительхне.

«Минь аф арьсетяма, што минь лезксоньке ленд-лизть коряс ульсь оцю путфксокс советскяй союзть Гитлерть Восточнай фронтса сяскомаса. Тя тиевсь рузонь армиять героизмасаса и верса»

— Гарри Гопкинс, Ф. Рузвельтть президенть довереннай ломанец и советникоц.

Государственнай секретарьсь Э. Стеттиниус китьстазе: «Тя лезсть инкса русне уш макссть оцю питне, кона аф ункстави долларса или тоннаса. Тя шавф или севф пленц нацистскяй миллиотт солдатт, нацистскяй танкатне, пушкатне и грузовикне, конат тюремань васттнень эса тапавсть-яжавсть и кадовсть».

Ленд-лизть коряс тиф поставкатне: сёксе-тяла 1941 к. — 0,5 % военнай пингста СССР-ру сембе поставкатнень эзда, 1941—1942 кизотне — 7 %, сембода оцю лувкссь сатовсь 1944—1945 кк.

Марнек, американскяй официальнай даннайхнень коряс, 1945-це кизоть сетябрь ковть самс ленд-лиз программать коряс США-ста СССР-ку пачфтевсь: 14 795 самолётт, 7056 танкат, 8218 зенитнай орудият, 131 600 пулемётт; Великобританияста (30-це апрельть 1944-це кизоть сам) — 3384 самолётт и 4292 танкат; Канадаста — 1188 танкат. Вооруженияда башка США-ста ленд-лизть коряс пачфневсть автомобильхть, тракторхт, мотоциклхт, суднат, локомотивт, ваготт, продовольствият и лия товархт. Аньцек транспортнай конвоень пялькссь машфнезь германскяй военно-морской флотсь (кригсмарине).

Оцю лезкс СССР-ти тись Монголиясь, макссь 500 тёжянь алашада (Якстерь Армияса алашань сембе лувксть эзда 20 % ), 30 тёжянь алашат прважавсть эряйхненди, няеви лезксокс тяфта жа ульсь монгольскяй сивольсь (500 тёянь т), понась, орхне и лия товархне.

1944-це кизоня июньцта—сентябрьста эряфс ётафтовсь Германияса объекттнень бомбардировкасна Англия — Италия — Полтава треугольникть коряс советско-американскяй операциясь.

Лятфтамат

Комментариятне

Литературась

• Книга:Великая Отечественная без грифа секретности|год=2010
• Великая Отечественная война 1941—1945 годов: в 12 томах. — Изд. доп. и испр. — М.: Кучково поле, 2015.
• Ильинский И. М. Великая Победа: наследие и наследники. — Знание. Понимание. Умение. — 2005. — С. 5—18.
• Фролов М. И. Великая Отечественная война 1941—1945 гг. в немецкой историографии. — СПб.: ЛГУ им. А. С. Пушкина, 2008. — 132 с.
• Каратуев М. И., Фролов М. И. 1939—1945: Взгляд из России и Германии. — СПб.: СРП «Павел» ВОГ, 2006. — 388 с. — 500 экз. — ISBN 5-903097-02-2.
• Книга: The Cambridge History of Russia|автор=Barber J., Harrison M.|часть=Patriotic War, 1941—1945|ссылка=http://www.cultorweb.com/eBooks/Storia/Cambridge%20Hist%20Russia/THE%20CAMBRIDGE%20HISTORY%20OF%20RUSSIA,%20Volume%20III%20-%20The%20Twentieth%20Century.pdf#page=242%7Cтом=3%7Cстраницы=217—242%7Cref=Barber, Harrison
• Bergström C. Barbarossa: The Air Battle July-December 1941(анг.). — L.: Chervron / Ian Allan, 2007. — 144 p. — ISBN 978-1-85780-270-2.
• James Lawton Collins Jr., Hardesty V., Glantz D. M., Donnelly C. N., Ziemke E. F. Fighting the Great Patriotic War // Transformation in Russian and Soviet military history: proceedings of the Twelfth Military History Symposium, United States Air Force Academy, 1—3 October 1986 / Ed. by Шаблон:Ы. — Washington, D.C.: USAFA, Office of Air Force History, 1990. — P. 147—276. — ISBN 0-912799-57-9.
• Dick C. J. From Defeat to Victory: The Eastern Front, Summer 1944(анг.) / Forew. by D. M. Glantz. — Lawrence, Kansas: Университетское издательство Канзаса, 2016. — xiii, 354 p. — (Modern War Studies. Decisive and Indecisive Military Operations, Vol. 2). — ISBN 978-0-7006-2296-2.
• Dobbs C. M., Tucker S. C. Eastern Front // World War II: A Student Encyclopedia [5 volumes](анг.) / Ed. S. C. Tucker, P. M. Roberts; Assist. Ed. Кингсид, Коул, M. Muir, P. M. Roberts, Забеки, Дэвид; Forew. by Миллетт, Аллан. — Santa Barbara, Calif. — …: ABC-CLIO, 2005. — Vol. 4. — P. 401—407. — ISBN 1-85109-858-5.
• Eastern Front // The Concise Encyclopedia of World War II [2 volumes](анг.) / C. J. Nolan. — Santa Barbara, Calif. — …: Greenwood Publishing Group, ABC-CLIO, 2010. — P. 333—334. — (Greenwood Encyclopedias of Modern World Wars). — ISBN 978-0-313-36527-0.
• Митчем, Сэмюэл. The German Defeat in the East, 1944—45(анг.). — Mechanicsburg, PA: Stackpole Books, 2007. — v, 296 p. — (The Stackpole Military History Series). — ISBN 978-0-8117-3371-7.
• German-Soviet War // The Oxford Companion to World War II(анг.) / Ed. by Дир, Айан; Cons. Ed. Фут, Майкл (историк). — Oxford — New York — …: Oxford University Press, 1995. — P. 434—451. — ISBN 0-19-866225-4.
• Germany and the Second World War: 10 Vol.(анг.) = Das Deutsche Reich und der Zweite Weltkrieg(нем.)(анг.). — Oxford: Oxford University Press, 1990—2018.
• Gilbert M. The Second World War: A Complete History. — RosettaBooks, 2014. — 856 p. — ISBN 978-0-7953-3729-1.
• O’Neill W. L. World War II: A Student Companion(анг.) / Gen. Ed. Шаблон:Ы. — Oxford — New York: Oxford University Press, 1999. — 384 с. — (Oxford Student Companions to American History). — ISBN 978-0-19-510800-2.
• Kirchubel R. Operation Barbarossa: The German Invasion of Soviet Russia(анг.). — Oxford: Osprey Publishing, 2013. — 400 p. — ISBN 978-1-78200-408-0. — ISBN 978-1-4728-0471-6 (E-pub). — ISBN 978-1-4728-0470-9 (PDF).
• Stahel D. Operation Barbarossa and Germany's Defeat in the East(анг.) / Ed. by Шаблон:Ы, Шаблон:Ы. — Cambridge—…: Cambridge University Press, 2009. — xvi, 483 p. — (Cambridge Military Histories). — ISBN 978-0-521-76847-4.
• Harrison M. World War II(анг.) // Encyclopedia of Russian History / Ed.-in-Chief Шаблон:Ы. — New York: Macmillan Reference USA, 2004. — P. 1683—1692. — ISBN 0-02-865907-4.

Ссылкатне

• Бобров, М. М. Моё участие в Великой Отечественной войне: встреча с почетным гражданином Санкт-Петербурга М. М. Бобровым, 4 мая 2017 г.: [видеолекция] / Президентская библиотека, [Научно-образовательный отдел]. — Электронные данные (1 видеофайл). -Санкт-Петербург: Президентская библиотека, 2017.
• Дьяконова, Т. И. Народное ополчение в Великой Отечественной войне 1941—1945 гг. : [фрагменты кинохроники / реж. монтажа Т. И. Дьяконова]. — Электрон. дан. (1 видеофайл). — Санкт-Петербург: Президентская библиотека им. Б. Н. Ельцина, 2010.