Якстерь тяштеня (журнал)
| Якстерь тяштеня | |
|---|---|
 | |
| Специализациясь | иденди |
| Мзяроксть лисенди | эрь ковня |
| Кяльсь | мокшень |
| Редакциять адресоц | 430000, Саранск ошсь, Советскяй курось, 55 Тел.: (8342) 47-05-79. |
| Главнай редакторсь | Брындина, Вера Ивановна[1] |
| Странась | Россия, Мордовия Республикась |
| Изданиять эрямопингоц | 1932 |
| Объёмоц | 4 печатнай лопа. Форматсь 60х90 1/8. |
| Тиражсь | Тиражец 2025 кизоть васенце пяльксонцты 600 экземпляр. |
Якстерь тяштеня — эрь ковня лисенди иллюстрация мархта идень журнал мокшень кяльса.
Журналть эряма пингоц
Ноляви 1932 кизоста сявомок Саранск ошса. 1933 — 1941 лисендсь «Якстерь галстук» лем ала. Великай Отечественнай войнань кизотнень ашезь лисенде. 1932 кизонь январьста Саранскяйса лиссь «Якстерь тяштеня» журналть васенце номероц и кармась пачфневома мокшень велева. Сон ульсь аф тяниеннеть лаца: шуваняняль, печатлакшневсь тюжяза кагод лангс, эсонза кржаль рисункада, фотографияда. Но сембе сяка журналть лисемац арась оцю праздникокс иттненди. Сон кошардозень одонь ваймотнень мазышить колга морама, стихонь и азксонь латцема-сёрмадома. Од тяштихнень лувкссна кассь шиста-шис. Васенце редакторкс журналти ульсь Н.С. Шотин. Тяштихнень ётксотольхть Илья Девин, Василий Каргин, Фёдор Дурнов, Андрей Чекашкин, Григорий Ельмеев, Александр Малькин, Михаил Сайгин и ламотне лиятне, кинь лемсна лац содафт мокшэрзянь литератураса. Ужяль, кой-кит ёткстост шавовсть шачема мастороньконь араламста Великай Отечественнай войнать пингста, кона кандсь лама зиянда.
1941 кизоня лоткафтфоль и журналть нолямац. Оду сон васедсь лувиензон мархта аньцек 1964-це кизоня. Васенда тя ульсь «Мокша» журналть потмоса книганя, сяльде тя книганясь кармась нолявома башка.
1964 кизоста сявомок кармась лисендема "Мокша" журналти полаткс лаца. 1988 кизоста сявомок башка — эрь ковонь нолдафксокс "Якстерь тяштеня" лем ала.
Журналсь тячи
1988 кизоня «Якстерь тяштенясь» лийкстась «Мокшеть» паця алда и кармась лисендема башка журналкс. Редакторонь тефнень сявозень А.Ф.Ежов, сяда тов Г.И.Пинясов, а 2008 кизоста сявомок – Вера Ивановна Брындинась. Тяни «Якстерь тяштенясь» мазы и содержанияс коре козя журнал, кона лисенди тяниень пингонь вешфкснень коряс: салси мяль кода эсь лангаксонц, станя и потмоширенц мархта. Сонь нолясазь тевс школань тонафтыхне, идень садса покодихне, кельгсазь аф аньцек шабатне, но и оцюфне.
Журналсь лезды тонафтомс иттнень шачема масторонь кельгикс, перьфпялень ванфтыкс. Оцю мяль шарфневи тонафнема вастса шачема кяльть и литературать тонафнемаснонды. Журналса лисендихть тонафтф ломаттнень, тонафтыхнень, сёрмадыхнень сёрматфкссна. «Якстерь тяштенясь» печатлай валморот, азкст, баснят, тонафниень архтомат, лия материалхт. Национальнай щамсь — тя эрь народть кенярдема и козяши, эряви ванфнемс сонь сюреса сёрмадоманц, анокламанц и каннеманц коензон и, конешна, пачфнемс ня койхнень-обуцятнень иттненди. Мокшэрзянь национальнай драматическяй театрать сценанц лангса няфтьфоль национальнай костюм. ётафтовсь II-це фестивальсь «Мокшень щам» идень национальнай костюмонь няфтема. Пцтай 70 семья республикань сембе райоттнень эздаСафнень эзда ульсть мокшет, эрзят, руст и лиянациональностеень итть[2].
Лятфтамат
- ↑ Дмитрий Асташкин. «Якстерь тяштеня» идень журналсь. (МОКША). ГТРК Мордовия (7 июльста 2016). Дата обращения: 8 февральста 2017.
- ↑ В Саранске отгремел II фестиваль детского национального костюма “Мокшень щам”! (рус.). Россия телевидение и радио.ГТРК Мордовия (19 ноябрьста 2025). Дата обращения: 19 ноябрьста 2025.
Литературась
- Энциклопедия «Мордвась» Саранск, 2006 к. 539 л.