Рузонь драматическяй театрась
| Мордовия Республикань рузонь драматическяй государственнай театрась | |
|---|---|
.JPG) Мордовия Республикань рузонь драматическяй государственнай театрась | |
| Ладяф | 25-це августста 1932-це кизоня |
| Театрать кудоц | |
| Ащи |
 Россия  Саранск |
| Ащема вастоц | Советскяй курось, 60 |
| Статуссь |
 Объект культурного наследия народов РФ регионального значения. Рег. № 131710794640005 (ЕГРОКН). Объект № 1300505000 (БД Викигида) |
| Вятихне | |
| Директорсь | Кучеров Андрей Геннадьевич |
| Сайтсь | grdtrm.ru |
 |
|
 Рузонь драматическяй театрась | |
Мордовия Республикань рузонь драматическяй государственнай театрась (руз. Госуда́рственный ру́сский драмати́ческий теа́тр Респу́блики Мордо́вия) — театра Саранск ошса, Мордовия Республикать пряошсонза. Сонь репертуарсонза путфт спектаклят рузонь и омба масторонь классикнень пьесаснон коряс, а тяфта жа тяниень пингонь авторхнень. Театрать кудоц ванфтови государствать вельде кода Россиянь культурнай наследиянь объект региональнай смузьса. Педа пес официальнай лемоц: Культурань государственнай бюджетнай учреждения «Мордовия Республикань рузонь драматическяй государственнай театра» — (руз. Государственнай учреждение культуры «Государственный русский драматический театр Республики Мордовия»)Кудсь, коса тяни ащи Рузонь драмань театрась, стяфтф 1961-це кизоня, сон сувафтф культурнай наследиянь республиканскяй мялямгевонь реестрав. Ваныхненди залть эса 373 васта.
Эрямопингоц
Мордовия Республикань Рузонь драматическяй театрась пуроптф 1932-це кизонь 25-це августста. Сембе тя пингть театрась эреклафста и сатфкс мархта покоди театральнай искусствать содафтоманц мархта республикаса и лия вастова[1].
Мекольдень кизотнень театрась сяда кайгиста лятфни эсь колганза и Россияса, и омба масторса. Эрси тяфтама российскяй и международнай фестивальхнень эса, кода Рузонь драматическяй театроань международнай фестивальсь Йошкар-Оласа, Волгать лангса международнай театральнай фестивальсь Тольяттиса, «Сурать лангса театральнай васедематне» региональнай театральнай фестивальсь Пензаса, «Моску алдонь иляттне» международнай театральный фестиваль Мытищиса (2006 кизось), «Театральнай Поволжьясь» региональнай фестивальсь, Достоевскяень произведениянзон коряс камернай спектаклянь международнай фестивальсь (Великай Новгород, 2011 кизось), «Отражение» моноспекталянь международнай театральнай фестивальсь (Литва, Вильнюс, Висагинас, 2011 кизось) арасть театрати сюконяма азомакс сонь маштомошинц и эсь лацонь ширенц инкса.
2006-2012-це кизотнень март ковста ётафтф Рузонь государственнай драматическяй театрань сценать лангса «Соотечественники» Рузонь драматическяй театрань международнай фестивальхнень мусть кели кенярдемань таколдома Москувонь и марнек Россиянь театральнай шарксса. Театральнай содаф критикне и театрать колга содайхне-шарьхкодихне – сидестонь инжихть Рузонь государственнай драматическяй театратнень эса. Театрать творчестванцты синь питнень максомасна пяк и пяк цебярь и шнамань.
2023-це кизоста сявомок театрань директоркс пктф Андрей Геннадьевич Кучеров. Тячиень шиня театрась тяряфты молемс тячиень эряфть вешфксонзон коряс серцек. Театрась ащи кенерьфста творческяй ширде, и теенза ули кода путнемс эсь инголенза сембода стака задачатнень и сатфкс мархта синь решандамаснон. Театрать репертуарса тяфтама спектаклятне, кода Ф.М. Достоевскяень «Дядюшкин сон» (мокшекс «Щенязень оноц»), А. Островскяень «Правда хорошо, а счастье лучше» — («мокшекс Видешись пара, а павазсь сяда пара»), М. Булгаковонь «Дон Кихот», Ж. Коктоym «Человеческий голос» («мокшекс Ломанень вайгяль»), Эдуардо Де Филиппонь «Дети есть дети» (мокшекс «Шабатне — шабат»), М. Старицкяень «За двумя зайцами» («мокшекс Кафта нумол мельге») и лият. Мекоьдень кизотнень театрать труппац няевиста одкстомсь – сафт Н.П. Огарёвонь лемса Мордовскяй государственнай университетонь Национальнай культурань институтонь , а тяфта жа странань и лия театральнай вузонь шумордайхне. Тя одкстоптомась аф аньцек козякофтозе репертуарть, но и тись одкстоптома сценать лангса, коса поназь-понавихть уликс ладяф койхне тяниень пингонь молемать мархта.
«Соотечественники» международнай фестивальти максф II вастсь Международнай премиянь Russian Event Awards 2023 событийнай туризмать видеса.
Всенцеда! «Маленькие трагедии» спектакльсь — Дипломант Российскяй Национальнай театральнай Премиянь и «Зрнянь шамафкс» (руз. «Золотая маска») 2025 фестивалть-пялькстомать эса.
2024-це кизоста сявомок художественнай руководителькс театрати путф Александр Вельмакин.
Театрать труппац
Театрать труппаса 44 артист, эздост 14-сь Российскяй Федерациянь, Мордовия Республикань заслуженнай и народнай артистт.
Зинаида Ерминингельдовна Павлова
|
|
|
1990-це кизоста сявомок театраса налхксь советскяй, российскяй театральнай актёрсь РСФСР-нь заслуженнай артистсь (1980) Акашкин, Вячеслав Павлович.
Лятфтамат
- ↑ ГБУК «Государственный русский драматический театр Республики Мордовия» (рус.). Культурный портал Республики Мордовия. Дата обращения: 13 августста 2025.
Сылкатне
- Государственный русский драматический театр Республики Мордовия (рус.). Культура.РФ. Портал культурного наследия, традиций народов России. Дата обращения: 13 августста 2025.