Мокшэрзятне

Рувики лопаста
Мокшэрзятне
Тяниень лемоц мокшэрзятне[1]
Лувкссь и эряма вастсь
Марнек: 500000 малава

 Россия:
484 450 (2021-це кизоня эряень сёрматфтомать коряс)[2]. 1989-це кизоня эряень сёрматфтомать коряс РСФСР-са эрясь 1 072 939 мокшэрзя[3].

 Украина:
9331 (2001-це кизоня эряень сёрматфтомась)[5]. 1989-це кизоня эряень сёрматфтомать коряс Украинаса эрясь 19 332 мокшэрзя [6]
 Казахстан:
8013 (2009-це кизоня эряень сёрматфтомась)[7]. 1989-це кизоня эряень сёрматфтомать коряс Казахстанца эрясь 30 036 мокшэрзя [8], 1999-це кизоня эряень сёрматфтомать коряс — 16 147 ломань
 Узбекистан:
5000 (2000 к., лувома) 1989-це кизоня эряень сёрматфтомать коряс Узбекистанца эрясь 11 914 мокшэрзя [9]

 Киргизия:
1513 (1999-це кизоня эряень сёрматфтомась)[10]
 Белоруссия:
426 (2019-це кизоня эряень сёрматфтомась) Беларусь Республикань[11]
 Латвия:
420 (лувома 2022 к.)[12]

 Эстония:
368 (2021-це кизоня эряень сёрматфтомась)
Колганза
Археологическяй культурась Городецкяй культурась
Кунардонь мокшэрзянь культурась
Рязано-окскяй могильниконь культурась
Кяльсь мокшень, эрзянь, рузонь
Религиясь православиясь, лютеранствась, языческяй сире кемамась
Сувай  финно-угрань нароттнень ёткс
Раднянь нароттне мариецне, мещерась, мерясь, муромась
Этническяй кужетне мокшет, эрзят
Эвондамац волжскяй фиттне
Логотип РУВИКИ.Медиа Мокшэрзятне

Мокшэрзятне (руз. Мордва, мордви́ны[13], мордо́вцы[13][14]) — финно-угрань ломаньтнал[15], кона явондови кафта субэтносова — мокшет (мокша) и эрзят (эрзя)[16]. Кой-коста мокшетне и эрзятне явовихть кода башка мордовскяй наротт[17]. «Мордва» валсь экзоэтноним (руз.) (мок.. Корхтайхть мокшень и эрзянь кяльса, конат кандовихть уральскяй кялень семьянь финно-угрань тарадонь волжско-финнонь подгруппань мала ряднякс ащи мордовскяй кяльхненди. Этнографическяй группатне[16]: эрзятнень — шокшетне и терюхаттне, мокшетнень — каратайхне. Сембода ламотне эздост эряйхть Российскяй Федерацияса: колмоце пялькссна[18] — Мордовияса, а тяфта жа маластонь областтнень эса: Нижегородскяй, Пензенскяй, Тамбовскяй, Рязанскяй, Самарскяй, Московскяй[19]. Шкайти кемайхнень эзда ламошкасна православнайхть, улихть лютератт, а тяфта жа эрзятнень ёткса улихть сят, кит теряфнихть вельмафтомс языческяй сире кемамать[20], улихть мокшень коень ваныхть, молокатт.

Эрзяватне национальнай щамса
Мокшень стирнятне национальнай щамса

Этнонимсь

«Мордва» терминць, кода ни ладявсь, няфти лем, конань мархта лемнесазь народть лиятне (лиякс азомс, тя — экзоэтноним). Мокшетнень и эрзятнень аф фкя лоцонь этническяй шарьхкодемасна, кодама культурань пяльксокс прянь марямасна (самосознаниясна), улихть синцень литературнай кяльсна, пяк оцю аф фкаксшисна антропологическяй (расовай) типса, улихть аф фкаксшит эряма вастса, эрь шинь эряфса, материальнай и ваймоёжень культураса[21]. 1771-це кизоня И. И. Лепёхин путешественниксь сёрмадсь мокшэрзятнень ёткса явоматнень колга вов мезе[22][23]:

Мокшэрзятне явондовихть кафта плямава, конатнень эзда васенцесь лемневи Мокшеннекс, а омбоцесь Ерзяннекс: но и Мокшеннетнень эсовок ули кой-кодама аф фкаксши. Финцне лемневихть кореннойкс или сери Мокшекс, а омбонцнень лувондсазь простой Мокшекс, и сембе аф фкаксшисна ащи кой-кона корхтаматнень эса. Синь нинге азонкшнесть тейнек Мокшэрзянь нилеце родть-плямать колга, конатненди Каратайхть мярьгихть, и конатнень улихть аньцек колма веленясна Казанскяй уездса.

1928-це кизонь июль ковста Эрзянь-Мокшень округть пуроптоманц колга Народнай комиссаронь советть заседанияса Н. Г. Сурдин азсь мяль лемдемс округть Мордовскяйкс, сявомок мяльс сянь, што «мокша» и «эрзя» нароттнень лемсна аф содафт, а «мордвась» содаф рузонь кяльса сембе корхтайхненди. 1928-це кизонь 16-це июльста марнек Россиянь ЦИК-сь и Народнай комиссаронь советсь примасть решения тиемс Мордовскяй округ, кона сувси Средне-Волжскяй областти[24]. 1990-це кизотнень лихтьфоль Декларация Мокшень и Эрзянь Советскяй республикать государственнай суверенитетонц колга, но республикать лемонц полафтомац шаштфоль сяда мельдень пингс[25].

Аф пяк кунара эвондась мокшет-эрзят, мокшэрзят лепне. Мекольдень пингть рузонь кяльть вельде сувсихть тевс мордвась, мордватне, мордовскяй народсь валхне и валзюлмотне[26].

Этимологиясь

Кода ни ладявсь, мордва экзоэтнонимть васенце лятфтамакс лувондови сонь формац Mordens готскяй историкть Иорданонь итинерариясонза (руз.) (мок. (минь эраньконь VI-це векоц). В. В. Напольских тяка пингть китькстазе, што аф эряви афкукс кемамс, што mordens in Miscaris иранскяй экзоэтнонимть ала шарьхкодевихть аньцек мокшетне и эрзятне[27]. X-це векста тя экзоэтнонимть Μορδια формаса лятфнесы византийскяй императорсь Константин Багрянороднай кода географиянь лем пачинакитскяй (печенежскяй) поселениятнень колга[27].

Кунардонь пингонь рузонь летописнень эса мордва этнонимсь васьфневи IX-це векста сявомок, а XII-це векти кандовихть эрзя этнонимть васенце видексонь лятфтаманза (персидскяй государственнай деятельсь Рашид ад-Дин) и мокша этнонимть (фламандскяй путешественниксь Вильгельм де Рубруконь)[28].

Кельме ширеса улихть оцю вирхть, конатнень эса эряйхть кафта ломанень юропт, нят: Моксель, конатнень аш кодамовок законцна, афкуксонь язычникт. Ошсна аш, а эряйхть синь вирьса ёмла кудняса. Синь оцязорсна и ломаньцнон оцюшкасна ульсть шавфт Германияса. Татархне вятезь эсь мархтост Германияв сувамда инголе, сяс Моксель пяк шнасыне Германецнень, надиямок, што синь вельдест синь нинге мянихть Татархнень кядялда… Синь ётксост эряйхть лиятне, лемневихне Мердас, конатнень Латинецне лемнесазь Мердинис, и синь — Сарацитт.

— Гильом де Рубрук «Плано Карпининь и Рубруконь путешествиясна шинь стяма ширень масторхненди», 1253[29]

Содаф гипотезась тя экзоэтнонимть лихтеманц кунардонь-иранскяйста *mardχvār-или *mǝrǝtāsa валть эзда, конань смузец «ломаньда ярхцайсь», а сяс — Геродотть андрофагонзон мархта серцек путомась, М. Фасмер лувозе козовок аф пчкяйкс[30].

Тячиень шити сембода таколфты версиять коряс, мордва экзоэтнонимсь эвондась иранскяй юрста «ломань, аля» смузь мархта (ср.пер.:; مرد mard, ягн. morti — индоир.-ста. *mṛta «ломань, смертнай»). Тяка юрста лисихть эрзянь: мирьде, мокшень мирде, удм. мурт, коми морт «ломань, аля». Тя валхнень кайгомаснон и этнонимть ёткса аф фкаксшись лиссь аф фкя пингста заимствованиять и эрь кяльса адаптациять сюнеда[31].

В. В. Напольскяень арьсеманц коряс, тевсь, мзярда кафта башка нароттне лемневихть лемса, кона мархта мзярдонга сонць народсь ашезе лемне эсь прянц, веши башка ванома-арьсема. Нинге сянкса, што рузонь кунардонь кяльса мордва и готск. mordj- фонетикань туфталонкса аф лихтевихть ḿiŕd’e общеморд. валста, кона мзярдонга ашель этнонимкс и сонь смузец аф «ломань», а аньцек «мирде, аля». Сонць исследовательсь сотнесыне мордва этнонимть иранонь кяльса корхтай воинскяй группать мархта, кона сувась Поволжьяв Зуральяста и кадсь мельганза Сура ляйть алдонь вастсонза минь эрань I—III-це веконь андреевско-писеральскяй типонь эсь лацонь памятникт. Тя группать лемоц ульсь малакс мидийскяй мардатненди — кочевой плямати, кона содаф тюрема маштоманц мархта, лемоц конань эвондась иранскяй *marəδa- «ломанень шавонды» валста. Саргатскяй культурать коряс тя этнонимсь нинге сявоволь обскяй угратнень кяльс, коса няфнезень лямбе ширдень степонь шабратнень: *morti «лямбе ширдень мастор лямбе оцюведь мархта, коза тялонди тушендыхть нармоттне»[32].

-Ва суффиксть петфтазе ни рузонь кяльсь и сон канни марс кочкамань смузь (стане жа, кода литва, татарва этнонипнень эса)[33]. Сонь мархтонза ряцок летописнень эса ванфтовсь мордвичи этнонимсь («Мордовскиа князи с Мордвичи»)[34]. Макс Фасмер стане жа пачфнесы мордва́ валть кода сюцемань вал, конань мархта сюцекшневсть еврейхне и шабатне, и мордва́н валсь ноляви тевс «коленди» смузьса, няфтемок фкя лаца кайги мордова́ть глаголть лангс[35]. И. И. Носовичень «Белорусскяй корхтамань валкссонза» стане жа ули мордва́ сюцемась, конань мархта лемневихть «шумнай пуромксне, сембода пяк еврейхне», кона лиссь мордовать глаголть эзда[36].

Тяниень пингть мокшэрзятнень лемнесазь — мордви́н (аля) и мордо́вка (ава). Мордва́ — народть колга, фкя лувксса (собирательнай лем)[37].

Лятфтаматнень эрямопингсна

Мордва этнонимть сембода кунардонь тевс нолдамац кандови готскяй историкть Иорданонь VI-це веконь «Геттнень эвондамаснон и тевснон колга» трактатти. Сонь эсонза Шинь стямань ширень Европань ломаньтналхнень ёткса, конат, кле, ульсть сяськфт Германарихонь мархта 375-це кизоти, лятфневи «морденс» ломаньтналсь, кона пцтай фкя лаца сёрмадомада башка, няфти мокшэрзятнень лангс тяфта жа «меренс» (мерятнень) мархта географиянь ширде шабракс улемать вельдевок[38].

Мордовка. XVIII-це векть пец

Тяниень пингонь мокшэрзянь кяльхнень эса «мордва» валсь кода этноним ашезь ванфтов. Но аш кода афкукс арьсемс, бта тя этнонимса лемнезь эсь пряснон кунардонь пинкста мокшэрзятне. Тяфта нинге XVIII-це векста содаф рузонь учёнайсь И. Г. Георги, кона якась-шяясь Поволжьять эзга, шарфтсь мяль, што мордвиттне: «<…> лемнесазь эсь пряснон поколениянь коряс мокшекс и мокшанкс, стане жа ерзякс и ерзядокс. Россияттне лемнесазь синь марса мордвакс, кона лемсь синь ётксост аф ноляви тевс»[39].

Роджер Бэкон эсь «Opus Majus» работасонза стане жа явфнесыне мокшетнень («moxel») мордвать (эрзятнень) эзда:

Тартарань тя масторть эзда кельме шири Танаисонь и Этилиянь ёткса эряйхть кати-кодама наротт…. И кафцьке ня нароттне эряйхть кельме ширеса, полюсть ваксса, но сяда ичкозет кельме ширть эзда народсь, кона эряй Танаис ляйть фтала и лемдеви моксель, кона ащи тартархнень кядяла. И синь — язычникт, конат эряйхть ёфси законфтома, ошсна аш, но куднясна вирьхнень эса. Оцязорсна и синь оцюшкасна шавфтольхть Польшаса полякнень и алеманнтнень и богематнень мархта. Вдь тартархне вятезь синь полякнень каршес тюрема. А синь ламоса кирдьсазь полякнень и алеманнтнень ширеснон, надиямок тяфта лисемс синь лезксснон вельде тартаронь урексшить эзда. Кда тейст сай купец, ся, кинь кудс сон васендакиге лоткась, сянди мельганза якама сняра пингта, мзярс сонь мялец улемс тоса. Сяс мес тяфта ладяф ня васттнень эса. Синь эздост шинь стяма шири эряй кодама-бди народ, кона лемневи мердуим, ащи тартархнень кядяла. Но синь — сарацитт, конат эряйхть Магометонь койхнень коряс[40].

Сякоть жа XVIII-це векть пестонза кемокснесы и Иоганн Георги:

Ся пингста сявомок, мзярда повсть Российскяй оцязорондамать кядялу, сембе сокайхть-видихть, но эряйхть аф ошса, а веленява, кода черемисне и чувашне, и мяль вельде стройсихть вирьхнень эса эстеест эряма вастт. Пирьфсна, сокамасна-видемасна, жуватань кирдемасна, кудонь ташта паршисна, ярхцамбяльсна и сембе синь хозяйстваснон вастоц ёфси фкя лаца черемиснень и чувашнень мархта. Сидеста улендихть синьге пирьфснон ёткса тяфтапт, кода и сятнень, перенясна, коза озафнихть ярхцаманди перень сёрот. Но вирень ракшань промыслати аф сяшкава синь венемихть, кода лятфтаф нароттне. Мордовкатне занцихть пря тяфтама жа тевса, кода черемисонь и чувашень аватне, и сафтсазь тяка пингть синь лацост виде ваймот тевонь тиемаса и искусстваса. Тя народсь канды фкя лацонь шабраснон мархта гражданскяй сталмот, да и прянь вятемасонга синь лацост. Мокшетне эряйхть вирьса нешкоперень кирдемати ладяй васттнень эса; улихть стане жа ётксост афкукс тяфтама мешень азорхт, конат кирдихть сядонь и кафта сядонь нешкокудня[41].

Мокшетнень колга (Moxii) кода башка народонь колга и синь масторснон колга (Moxia) корхтави Иосафат Барбаронь «Тану якама-щяяма» сочинениянц эса[42].

Кириллонь и Мефодиень энциклопедияц стане жа лемнесы эрзянь ушмовиень вятить Пургасть мордовскяй князькс:

…Ся пингть мзярда Улус Джучинь ушмовиенза тисть васенце кафта врьгятемат Волжскяй Булгариять лангс (1229 и 1232 кк.) суздальскяй ушмовийхне тапазь булгархнень инь оцю союзникснон — мордовскяй князть Пургасонь[43].

В. Т. Пашутонь работасонза стане жа мокшетне и мордвась лятфневихть кода башка наротт:

1239-це кизоня Бату мярьгсь кой-кона ломанензонды тиемс аф оцю вргятемат мордвать и мокшетнень лангс, розаряф Рязанень княжествать лангс, Переяславль-Южнайть лангс[44].

Мордовия Республикань Правительствать видеса гуманитарнай наукань институтть директоронц В. А. Юрчёнковонь корхтаманц эзда Сафаргалиевскяй лувоматнень эса, конат эрь кизоня ётафневихть Саранскяйса:

мокшетне, эрзятне, буртасне, мерятне и муроматне лиссть Городецкяй культурать срадомдонза меле и синь сембе радня ломаньтналхт. Кда кирдемс мяльса и тя фактть, то шарьхкодеви, што мокшэрзятне аф аньцек сувсесть кунардонь пингонь рузонь государствать лувксс, но и лездсть сонь тиеманцты-кочкавоманцты[45].

Мокшетнень и мишарьхнень (мещёратнень) фкаксшиснон колга сёрмадсть Петербургскяй университетонь адъюнктсь Хусаин Фейзханов и сонь покоди ялгац В. В. Вельяминов-Зернов, конат тонафнезь Касимовскяй оцязорондомать эрямопингонц:

Минь бславаф мишареньке лувондовихть (шачемас коре) финнокс, но синь сяда малат мокшетненди. Россиять кунардонь историясонза мокшетне и мишарьхне лятфневихть фкя-фкянь мельге. Чувашне и черемисне лятфневихть марса башка группаса. Мишарьхнень, сембодонга пяк саратовскяйхнень, шамаликсна мокшетнень лацот: и тевса, и промозса синь мокшетнень лацот[46].

Тяниень пингонь эрямасна-ащемасна

1926-це кизоня эряень сёрматфтомать результатонзон коряс, Пензенскяй, Нижегородскяй и Ульяновскяй губерниятнень эса, конат сяда меле сувасть Мордовскяй автономияти, эрясь 237 тёжянь ломань мокшет и 297 тёжятть эрзят. Сембоц Поволжьяса и Уралса мокшеда 391 тёжятть, эрзяда — 795 тёжятть, Барнаульскяй округса 1,4 тежятть мокшет и 1,4 тежятть эрзят, тяфта жа 5,2 тёжятть рузыяф мокшетне и эрзятне лемдезь пряснон «мордвакс» субэтнонимонь апак няфтть[47]. 2002-це кизоня эряйхнень сёрмадомаснон коряс, 843.350 ломанць эсь пряснон лемдезь мордвакс, тяконь лувксса мокшекс и эрзякс 49.624 и 84.407 ломань[48]. Мордовияса 283,9 тёжянь ломанць лемдезь эсь пряснон мордвакс, тяконь лувксса 47,4 тёжянць и 79 тёжянць — мокшекс и эрзякс. Ня каршек ащи даннайхне ульсть получафт сянкса, што сяда эряфкшу ломаттне тонадсть сянди, што нинге советскяй пингть графаса национальностсь мокшетненди и эрзятненди мярьгондевсь путнемс аньцек «мордвин» лемть[49] [50], тя правилась одукс виензась Мордовия Республикаса кампаниять пингста, кона ульсь 2010-це кизонь эряень сёрмадомать карша, мзярда республикань оцюнятне мярьгсь сёрмадомс «мордва» национальностть[51]. 2011-це кизоня Мордовиянь оцюнятне кардасть мокшетнень и эрзятнень кода башка народонь лятфнемаснон инкса, вешсть нолдамс тевс аньцек «мордва» терминть[52]. 2002-це кизонь даннайхнень эса аф шарьхкотьф цифратнеди туфталкс лемнезь переписть эса эльбятькснень[53][54]. Мяльса тяфта жа кирдема ся, што ламоц мокшень и эрзянь общинатне и диаспоратне эряйхть ичкоздень вастова историческяй шачема масторснон эзда, стане жа мяляфтомат ассимиляциянь масштапне: рузыяф мокшетне и эрзятне аф мяляфтсазь эсь юрснон и национальность графаса тяшнихть «мордва», сяс мес синь атянь-бабасна лиссть Мордовияста[55].

1994-це кизонь микропереписть даннаензон коряс Мордовияса: 49 % мокшэрзятне лемдезь эсь пряснон мокшекс, 48 % — эрзякс и аньцек 3 % азозь, што синь — мордват. Шабрань Пензенскяй областьса сембе мокшэрзятнень эзда мордвада — 69 %, а лядыкс 31 % — мокшет или эрзят; Россиянь сембе лядыкс территорияса мокшэрзятнень эзда мордвакс лемдезь пряснон 99,8 %[55]. РАН-нь Этнологиянь и антропологиянь институтть директоронц В. А. Тишковонь мяленц коряс, микропереписень итокнень эса эрзякс и мокшекс эсь прянь азыхнень лувкссна касфтфт сянкса, мес эряйхнень сёрмадысна кизефнесть аф васенда мордват, тон или аф, а видеста мокшат или эрзят, лиякс мярьгомс, эстокиге кизефнесть субъэтническяй принадлежностть колга. Мордовиять эзда ширеса «мордва» этнонимть сяда ламошиц, сонь мяленц коряс, сотф ня региоттнень эса сяда видеста кизефксонь максомать мархта[56].


2010-це кизонь марнек Россиянь эряень сёрматфтомать результатонза, сякокс, аф кемафтыхть, што синь ётасть видеста, сонь итогонзон коряс 2002-це кизоста сявомок 2010-це кизоти молемс мокшекс эсь прянь лемдихнень лувкссна кирсь 10-ксть.

Куване эряйхть мокшэрзятне

Лувкссь и эряма васттне-аймакне

Мокшэрзятнень (мокшетнень и эрзятнень) марстонь лувкссна

XIII-це векть ушетксста 60—70 тёжянь ломань[57]

Мокшэрзятнень эрямань ареалсна Волго-Уральскяй регионца. 2010-це кизонь марнек Россиянь эряень сёрматфтомань уликснень коряс
Приволжскяй федеральнай округса мокшэрзятнень эряма вастсна ошева и велева процентса, 2010-це кизонь сёрматфтомать коряс
ЦФО-са мокшэрзятнень эряма вастсна ошева и велева процентса, 2010-це кизонь сёрматфтомать коряс
СФО-са мокшэрзятнень эряма вастсна ошева и велева процентса, 2010-це кизонь сёрматфтомать коряс

XVI-це векть песта малава 150 тёжянь ломань[58],

I-це ревизиянь уликснень коряс 1719 кизоня—107,4 тёжянь ломань,

II-це ревизиянь уликснень коряс 1745 кизоня—134,8 тёжянь ломань,

III-це ревизиянь уликснень коряс 1764 кизоня—199,7 тёжянь ломань,

IV-це ревизиянь уликснень коряс 1781 кизоня—279,9 тёжянь ломань,

V-це ревизиянь уликснень коряс 1796 кизоня—345,5 тёжянь ломань,

VIII-це ревизиянь уликснень коряс 1835 кизоня—480 тёжянь ломань,

X-це ревизиянь уликснень коряс 1858 кизоня—660—680 тёжянь ломань[58][55][59].

1897-це кизонь Российскяй империянь эряйхнень сёрмадомаснон коряс, мокшень и эрзянь кяльса корхтайда ульсь 1 023 841 ломань[60]:

Губерниясь Аляда Авада Сембоц
Самарскяй 115 945 122 653 238 598
Симбирскяй 89 969 99 011 188 980
Пензенскяй 92 205 95 657 187 862
Саратовскяй 59 419 64 474 123 893
Тамбовскяй 42 827 46 877 89 704
Пермскяй 24 669 28 424 53 093
Оренбургскяй 19 104 19 299 38 403
Уфимскяй 18 224 19 065 37 289
Казанскяй 11 003 11 184 22 187
Томскяй 7 420 7 282 14 702
Акмолинскяй 4 300 4 246 8 546
Енисейскяй 1 966 1 807 3 773
Тургайскяй 1 108 1 024 2 132
Астраханскяй 1 072 780 1 852
Тобольскяй 808 716 1 524
Лия губерниятне 8 620 2 683 11 285
Марнек Российскяй империяса 498 659 525 182 1 023 841

1917-це кизоти мокшетнень и эрзятнень марстонь лувкссна кассь 1,2 миллион ломанти, 1926-це кизонь сёрматфтомать коряс, Пензенскяй, Нижегородскяй и Ульяновскяй губерниятнень эса, конат сяда меле сувасть Мокшэрзянь автономияти, эрясь 237 тёжянь мокшеда и 297 тёжянь эрзяда.

Сембоц Поволжьяса и Уралса мокшеда 391 тежянь, эрзяда — 795 тёжянь, Барнаульскяй округса 1,4 тёжянь мокшеда и 1,4 тёжянь эрзяда. Стане жа 5,2 тёжянь рузыяф мокшетне и эрзятне лемдезь пряснон «мордвакс» субэтнонимть апак няфтть[47].

Мокшетнень и эрзятнень лувкссна РСФСР-нь регионга 1926-це кизоня[61].

Регионць Мокшетнень и эрзятнень марстонь лувкссна, ломань Региононь эряйхнень эзда процентсь
Пензенскяй губерниясь 376 983 17,1 %
Самарскяй губерниясь 251 374 10,4 %
Ульяновскяй губерниясь 178 988 12,9 %
Саратовскяй губерниясь 154 874 5,3 %
Сибирскяй крайсь 107 794 1,2 %
Северо-Кавказскяй крайсь 88 535 0,3 %
Уральскяй областсь 88 484 0,3 %
Нижегородскяй губерниясь 84 920 3,1 %
Башкирскяй АССР-сь 49 813 1,9 %
Татарскяй АССР-сь 35 084 1,4 %
Казакскяй АССР-сь 27 244 0,4 %
Чувашскяй Автономнай Советскяй Социалистическяй Республикась 23 958 2,7 %
Оренбургскяй губерниясь 23 602 3,1 %

1989-це кизонь сёрматфтомать коряс, СССР-са мокшеда и эрзяда лувондовсь 1 миллион 153,9 тёжянь ломань, эздост РФ-са — 1 миллион 72,9 тёжянь ломань, тяконь лувксса Мордовскяй АССР-са эрясь 313,4 тёжянь ломань, мезсь 32,5 % республикань эряйхнень эзда.

1989-це кизоня ётафневсь эрь кодама учёт эрзя и мокша ломаттнень ёткса, а тяфта жа сятнень, кит лемнезь пряснон «мордва» этнонимса, мезсь тяфта жа лездсь содамс кой-мезе мокшетнень и эрзятнень лувксснон коряс.

Ethnologue уликснень коряс 2000-це кизоня мокшеда лувондовсь 296,9 тёжянь ломань[62], эрзяда — 517,5 тёжянь ломань[63].

2002-це кизонь Российскяй эряень сёрматфтомать коряс, Россияса эряй мокшетнень и эрзятнень марстонь лувкссна — 843,4 тёжянь ломань, тяконь лувксса Мордовияса — 283,9 тёжянь ломань (республикань эряйхнень эзда 32 %)[64].

Мокшэрзятнень лувкссна СССР-са, РСФСР-са эряень сёрматфтоматнень коряс[65]:

Лувкссь, ломань.
Кизось СССР РСФСР
1926 1 340 415 1 376 368
1939 1 456 000 1 376 368
1959 1 285 000 1 211 105
1970 1 262 670 1 177 492
1979 1 191 700 1 111 075
1989 1 153 900 1 072 939

Мокшэрзятнень лувкссна РСФСР/РФ эзга

Кизось Мокшэрзятнень лувкссна, ломань Мокша/эрзя, ломань Мордовияса, ломань
1989 1 072 900 313 400 (32,5 %)
2000 814 400 296 900 мокшеда
517 500 эрзяда
2002 843 400 283 900 (32 %)

Лама мокшеда эряйхть Пензенскяй, Тамбовскяй, Оренбургскяй областьса, Татарстанца, а стане жа Москуса и Московскяй областьса, эрзяда — Самарскяй, Нижегородскяй, Рязанскяй, Оренбургскяй, Ульяновскяй областьса, Татарстанца, а стане жа Москуса и Московскяй областьса.

Регионць[66] Ломаньда %
1970 1979 1989 2002 1970 2002
Мокшэрзяда 1177492 1111075 1072939 843350 100 100
Мордовия Республикась 364689 338898 313420 283861 31,0 33,7
Самарскяй областсь 118117 117127 116475 86000 10,0 10,2
Пензенскяй областсь 106485 95718 86370 70739 9,0 8,4
Оренбургскяй областсь 92215 80611 68879 52458 7,8 6,2
Ульяновскяй областсь 69644 64016 61061 50229 5,9 6,0
Башкортостан Республикась 40745 35900 31923 26020 3,5 3,1
Нижегородскяй областсь 51628 45028 36709 25022 4,4 3,0
Татарстан Республикась 30963 29905 28859 23702 2,6 2,8
Моску ошсь 17281 22274 30916 23387 1,5 2,8
Москувонь областсь 16540 21660 28328 21856 1,4 2,6
Челябинскяй областсь 31915 29306 27095 19139 2,7 2,2
Саратовскяй областсь 23865 23344 23381 16523 2,0 2,0
Чувашия Республикась 21041 20276 18686 15993 1,8 1,9
Свердловская область 17135 16164 15453 9702 1,5 1,2
Тюменскяй областсь 3012 5507 11159 9683 0,3 1,1
Красноярскяй крайсь 17997 15779 14873 7526 1,5 0,9
Рязанскяй областсь 3858 5424 8528 7252 0,3 0,9
Кемеровскяй областсь 19158 15239 13894 7221 1,6 0,9
Краснодарскяй крайсь 6072 6416 7364 4861 0,5 0,6
Алтайскяй крайсь 11005 8466 7455 4769 0,9 0,6
Приморскяй крайсь 11847 10233 9193 4307 1,0 0,5
Иркутскяй областсь 7067 6824 6781 3879 0,6 0,5
Волгоградскяй областсь 4571 4866 4851 3601 0,4 0,4
Владимирскяй областсь 3829 4199 5142 3570 0,3 0,4
Ростовскяй областсь 3015 3544 4657 3447 0,3 0,4
Хабаровскяй крайсь 10234 8799 8193 3399 0,9 0,4
Санкт-Петербург ошсь 2281 3765 5175 3369 0,2 0,4
Сахалинскяй областсь 7941 6710 5641 2943 0,7 0,3
Новосибирскяй областсь 5885 4729 4418 2608 0,5 0,3
Мурманскяй областсь 3071 3739 4214 2479 0,3 0,3
Коми Республикась 2803 3389 3927 2390 0,2 0,3
Пермскяй областсь 4740 4159 4150 2363 0,4 0,3
Калининградскяй областсь 3280 3678 3482 2320 0,3 0,3
Омскяй областсь 3308 3098 2772 1966 0,3 0,2
Ивановскяй областсь 3618 3626 3386 1948 0,3 0,2

Мокшэрзянь диаспорась

Эрямопингсь

См. также: Мокшэрзятнень I—XIX веконь археологическяй памятниксна

Этногенезсь

Ули маргинальнай эсь лацонь арьсема сянь колга, што мокшетнень и эрзятнень эряви маласькофнемс андрофакнень (руз.) (мок. и тиссагеттнень (руз.) (мок. мархта, конатнень лятфнесыне Геродот, няфнемок синь рольснон минь эрадонк ингольдень 512-це кизонь скифо-персидскяй войнаса[67][68].

Шинь стямань Европань нароттне VII—VIII-це векста. Мокшэрзятне — картать шинь стямань ширеса

Археологиянь и историянь источникнень коряс праэрзянь и прамокшень этническяй общностсь шачсь Сура и Рав ляйхнень ётка вастса минь эрань II—IV-це векнень пингста[28].

С. К. Кузнецовонь арьсеманц коряс, мокшэрзятнень атянь-атяснон шачема масторснон эрявихть вешендемс кучка Равть види трвасонза, Ока и Сура ляйхнень види ширень шудерькссост. Мокшэрзятне панезь тяста финнонь пляматнень, конат ётасть эряма кельме шири[69].

Мокшэрзятнень ушеткссна сотовихть городецкяй археологическяй культурань пляматнень мархта (минь эрадонк инголе VII-це вексь — минь эрань I-це вексь), кона ульсь Кучка Равть види трвасонза и Кучка Окать бассейнаса, Сурать, Мокшеть, Цнать, Тёшать маласа[70].

Минь эраньконь ушетксста Городецкяй культурань пляматнень лиякстоптфтозь пьяноборскяй пляматне, конат мольсть Шинь валгомань Равкужу. Тя пингти позднегородецкяй пляматне сатсть оцю васта модань калмотнень эса.

Минь эраньконь 1-це тёжянь кизонь пети кунардонь мокшэрзянь ломаттнень явовсть кафта основной территориальнай группава. Лямбе ширдень, Сура ляйть аймакса (Мокша и Сура ляйхнень трвасна, кона меле келемсь Цна ляйти) арась кеме кой калмосемс пря пяльде лямбе шири и калмамань паршихнень ёткса мушендови сталма мархта пиле юр лангс спираль лаца повфтамкат (марстонь сембе урал ваксонь фиттненди). Кельме ширдень Ока ляйть аймакса (Ока и Сура ляйхнень ёткова, Теша и Пьяна ляйхнень бассейнаса) калмафнень прясна шарфнефт кельме шири и пяк шуроста васьфневи спираль лаца пиле юронь повфтамкась. Тянь коряс ученайхне ладязь, што лямбе ширдень пляматне арасть юркс мокшетнень пуроптомаснонды, а кельме ширденнетне — эрзятнень ладямаснонды[70].

Касомста-вииямста кода мокшетнень, стане и эрзятнень эряма вастснон лямбе ширеса ульсть кеме соткссна иранонь кяльса корхтай и тюркскяй кяльса корхтай эрь кодама пляматнень мархта, а кельме и шинь валгома ширеса — балтийскяй кяльса корхтай пляматнень мархта[71].

Ши валгома ширеста мекольце тёжянь кизотнень сембода вии влияния мокшетнень и эрзятнень лангс мольсь славянонь пляматнень эзда.

XX-це векть кучказонза ламоц эрзятне и мокшетне ванфнезь кафта кяльса корхтамать, но пингонь ётазь рузонь кяльсь ушедсь сявондема сяда оцю васта мокшэрзятнень эряфса, кода инь оцю и культурань тии кяль.

Ассимиляциясь, конань марязь волжско-уральскяй нароттне эсь лангсост, арась кафта ширденнекс. Кода славяттне, мокшетнень и эрзятнень лувксснон коряс сяда оцюфне, полафнезь мокшэрзятнень, тяфта и тястонь эряйхне полафнезь синь модазост сашенды славяттнень.

Сяда ингольдень эрямопингсь

Топонимтнень коряс содамашитнень мяльс сявозь XX-це векть ушетксста С. К. Кузнецов азозе, што «мокшэрзятне кунардонь эрямопингстост занцесть оцю модат, коза сувсесть тяниень губерниятне: Казанскяй, Нижегородскяй, Пензенскяй губерниятнень пялькссна, Рязанскяйть и Калужскяйть пялькссна, Симбирскяй, Тамбовскяй и Саратовскяй губерниятне. Мокшэрзятнень эвондамасна инь алгак вастова, Астраханть маласа, канневи ни сяда мельдень пингти, а тяниень Уфимскяй и Оренбургскяй губерниятнень эса синь эвондась XVI-це и сембода лама XVI I-це сядокизотнень»[69].

Мокшэрзятне соксесть-витцесть паксят, кирдсть кудонь жуватат, охотендасть; ётксост содафоль сяканянь тиемась, вирень мешень кирдемась, ракшань кедьста щамонь анокламась, кодамась. Полафнесть товарса шабрань пляматнень и нароттнень мархта: рамсесть мазоптомбяльхть и котфт, мишендсть урет, кедь, медь, шта и стак тов[72].

Археологонь даннайхне няфнесазь, што мокшэрзятне калмосезь эсь мала ломаньцнон вярде керф покаряв курганца шинь мадома шири, пакарьхне мушендовсть или кувалготфста или ментьфста путфста, пильгопесост — кулу и седь мархта сяканят, коста-коста лябань (руз. жертвенное животное) пакарьхть (вн. Касимовонь мокшэрзянь калмоть, Ширинушскяй ошпандть, Лядинскяй и Томниковскяй калмотнень)[69].

Мокшэрзятне ульсть финскяй пляматнень эзда мекольцетне, конат няфневсь Начальнай летописса (XII вексь) Ока ляйть алуце шудемасонза. Кучка векнень сяда ингольдень пингстост лямбе-шинь стяма ширеса мокшэрзятнень мархта шабракс эрясть иранонь кяльса корхтай кочевникне, кельме-ши валгома ширеса ащесть балтонь модатне, а лямбе-ши валгома ширеса — славяттнень модасна[69].

X—XIII-це сядокизотне

Иордан кунцесы лемонц Mordens народть IV-це векста Германарихонь оцязорондаманц алу повфнень ёткса. Хазаронь оцязорсь Иосиф теенза дацькянь паннихнень ёткса лятфнесы Арису плямать, кона латцеви эрзятненди[73]. Но археологиянь материалхне корхтайхть сянь колга, што Хазаронь каганату сувси пляматнень влияниясна сембода пяк няеви мокшетнень, а аф эрзятнень памятникснон эса[74].

Народы Восточной Европы в конце IX — начале X вв. Мордва — на крайнем востоке карты

Мокшэрзятнень тевснон полафтозь киевскяй князть Святославонь походонза, конат тапазь Хазарскяй каганатть. Тяни мокшэрзятне повсть рузонь княснень кядялу. Кемокстамакс ащихть 985-це кизонь событиятне, мзярда Владимир князсь Волжскяй Булгариять лангс молемста ётась мокшэрзятнень модаснон пачк и кивок киснон ашезе перя[75].

«Повесть временных лет» XI-це веконь ушетксста мокшэрзятнень лемснон кунцесыне сятнень ёткса, конат паннихть дацькя Киевскяй Русти. Равкужень финно-угратнень мархта русне ушедсть тюрендема 1103-це кизоста сявомок, мзярда летописьти сувафтфоль куля муромскяй князть Ярослав Святославичень мокшетнень лангс врьгятеманц колга.

Улема, Русть кядяла, хазархнень тапамда меле, сувсесть именна мокшень пляматне. Синь модаснон лангса нинге ёт мзярда ушеткшнесь славянскяй колонизациясь. XI—XII-це векнень ёткста лия вастс эряма ётайхнень люпштамаснон инкса мокшетне кадозь Цна ляйть аймаконц и тусть шинь стяма шири Вада и Мокша ляйхненди. XII-це векста Цнать лангса эвондасть рязанскяй княжествать ошенза: Онузась и Никольскяй ошпандсь. 1209-це кизоня Мокша ляйть (устье-пряса) лятфневи рузонь Кадом ошсь. Мокшень каназорсь Пуреш ульсь суздалень князть Юрий Всеволодовичень ротникокс. Пуреш и сонь цёрац воявасть эрзянь князть Пургасонь и булгархнень мархта[74].

Кда мокшетне, кода ладявсь ни, шарфтсть мяль рузонь княжестватнень лангс, а эрзятне — Волжскяй Булгариять лангс. Рузонь княснень булгархнень мархта войнатнень эса, эрзясь кирдезень мекольцетнень ширеснон. Тяда башка, руснень мокшэрзятнень лангс молемасна (рузонь летописень сёрмадыхне ашезь явонда эрзятнень и мокшетнень) ульсть шарфтфт эрзятнень каршес. Васенце тяфтама походсь ётась 1106-це кизоня. Сембода пяк вишкомкшнихть руснень походсна сяда меле, мзярда эрзятнень модаснон лангса 1221-це кизоня путфоль Нижняй Новгородсь[74].

XII-це векста рузонь княжестватне фатнесть мокшэрзятнень мархта. Синь то воявасть рузонь княснень мархта, то кирдсть мархтост ладяма. Мес тяфта лисендсь? А вов мес: эрзянь князсь Пургас ёрась ванфтомс эсь Обран ошенц, конань вастса тяни ащи Нижняй Новгородсь, и надиясь булгарскяй хансь арай ширезонза рузонь княжестватнень ширде люпштаматнень каршес тюремста[76], сяка пингть кода мокшень князсь Пуреш ульсь Юрий князти союзникокс, и сонь и Пургасть ёткса лама кизот мольсь аф мирендафты войнась[77]. Русне ашезь токсе Пуреш ялгаснон моданзон и аралакшнезь сонь Пургасонь и булгархнень эзда, конат ашесть машта ванфтомс эсь союзникснон[78].

Тяда башка, мокшэрзятнень лангс врьгятнесть половецне (руз.) (мок., мезть колга пачфни лама курганонь улемась, конат сратфтольхть Тамбовскяй и Пензенскяй областтнень эса. Кепотьксокс арасть кургаттне, конат муфтольхть Пьяна ляйть шудема вастова, кафттнень эздост шувозень-таргазень Дружинин и синь макссть кочевниконь калмот алаша мархта, конат шарфтфт шинь стяма шири. Ня кургаттне калмама коень коряс ульсть половецнень[78].

XIII-це векть ушетксста рузонь летописень сёрмадыхне кармасть мокшэрзянь модатненди мярьгома Пургасонь волость — эрзянь князть лемонц коряс. «Волостекс» рузонь книжникне лемнезь теест шарьхкодеви модатнень лангса уликс властень системать. «Русь» валсь корхтай кода рузонь ломаттнень улемаснон[79], стане и мокшэрзянь модатнень рузонь княжестватнень системас интегрированияснон колга[80]. 1232 и 1378-це кизотнень ала рузонь летописень сёрмадыхне лятфнесазь мокшэрзятнень «волостьснон» лама лувксса[81].

1237—1239-це кизотнень мокшэрзянь масторсь ульсь марнек срафтф-розаряф Батыень мархта. Татаронь-монголонь врьгятемась ламода лафчоптозень эрзянь модатнень и люпштазень синь татаронь мурзатнень кядялу, мокшень союзсь арась вассалкс Зрнянь Ордати и алянь оцю пялькссь, кона сувсесь Пурешть ушмовиезонза, шавовсь монголхнень Кучка Европать лангс молемстост (1236—1242). Пургасонь колга содаф, што сон «…аф лама ломанень мархта тусь пяк кемокстаф вастс, штоба араламс пря, кда сатыхть виенза»[82].

XIV—XV-це сядокизотне

Мокшэрзянь пляматнень марстонь лувкссна монголхнень кядяла повомда инголе ульсь 60—70 тёжянть малава ломань, Зрнянь Ордать лувксса тюрематнень пингста юмафкснень мяльс сявозь, ляткшнесь тяфтама жа[57].

XIV—XV-це векнень песта ламоц мокшэрзянь поселениятне и калмама васттне лоткасть эрямда. Меколанкт XVI—XVIII-це сядокизотнень няеви эряма вастонь касомась, поладовсь калмосемась кунардонь калмама васттненди. Зрнянь Ордать кядяла улемста мокшэрзянь ломаттнень пялькссна ётнихть эряма лия вастсу. XIII-це векть песта—XIV-це векть ушетксста мокшэрзятнень эряма вастсна и калмосна эвондасть Самарскяй Лукаса, Самарскяй Заволжьяса, Алдонь Поволжьяса, коса мокшэрзятне курокста шовордавсть лия нароттнень мархта, васток-васток примсезь исламть[74]. Тянь колга корхтай фламандскяй монахсь-францисканецсь и путешественниксь Гильом де Рубрук, 1253—1255-це кизотнень лемдемок мокшэрзятнень «сарацинкс».

Мокшетнень эзда Ордати дацькань пандомань кужекс арась татархнень мархта срафтф-калафтф Мохша (Нуриджан, Наручат) ошсь. XIII-це векть пенцты тя ошсь арси эрявикс экономическяй и торгавамань-мишендемань центракс сембе Зрнянь Ордати. 1313—1321-це кизотнень тяса эрясь Узбек ханць, тиемок Мохшать Ордань пряошекс. 1339-це кизоня Узбекть мярьгоманц коряс «мокшэрзянь княсне мордвичста» марса рузонь княснень мархта кучфтольхть Смоленскяйть лангс. XIV-це векть кучканцты Мохши улуссь («Наручадскяй масторсь» рузонь летописьса) сатозень эсь сембода вии кизонзон. Сонь границанза келемсть ши валгома ширеса Цна ляйть эзда шинь стяма ширеса Сурати самс, кельме ширеса Теша ляйть эзда и лямбе ширеса Хопра ляйти самс[83].

1361-це кизоня Мохши улусть фатязе ордань князсь Тагай. 1365-це кизоня сон врьгятсь Рязанскяй княжествать лангс и тапафоль Шишовскяй вирть ваксса тюремста. Тяда меле, улема, Мохша улусса азорондайхть мокшэрзянь княсне[83]. Тагайти шабракс ульсь Секиз-бейсь, кона 1361-це кизоня фатязень Кучка Присурьяса эрзянь модатнень и стяфтсь тяса ваксарош. 1370-це кизотнень мокшень масторса лоткась Бехан, кона ульсь мзярошка татаронь родонь ушедыкс[57].

XIV-це векста, мзярда лавчемсь Зрнянь Ордась, Нижегородскяй и Рязанскяй княжестватне ушедсть матрамост мокшэрзянь модатнень. 1328-це кизоня нижегородскяй князсь Константин Васильевич кошардозень руснень тушендомс эряма Окать, Равть, Кудьмать эзга, коса эрясть-ащесть мокшэрзятне[84]. Векть кучкаста мокшэрзянь князсь Муранчик мизень эсь велензон, конат ащесть Сундовик ляйть эзга и кона векть ушетксста ульсь Нижегородскяй княжествать мархта масторкитьксокс[85]. 1360—1370-це кизотнень нижегородецне азорондасть Пьяна ляйть малань модатнень лангса— Пьяна ляйть вердень шудеманц эзда лямбе ширеса ащи модатнень эса и, улема, Сурать фтала ули башка модатнень эса[85]. Од эряма вастонь ванфтоманкса 1372-це кизоня Сурать кержи трвасонза путфоль Курмыш ваксарошсь. Княжествать масторкитьксоц кармась ётнема Сурать эзга[84]. 1367-це кизоня нижегородецне тапазь ордань ушмовийть Пьяна ляйть видеса тюремста. Тяда меле Алабугань мокшэрзянь князть тись ордынецнень мархта союз. 1377-це кизоня Мохши улусса эвондась Ордаста ворьгодись хан Арапшась (Араб-шах). Арапша, шовордавомок эрзятнень мархта, тапасы Пьяна ляйть маласа тюремста москувонь-нижегородскяй войскать и розарясы Нижняй Новгородть. Тянь мельге эрзятне тисть саламань-грабамань врьгятема Нижняй Новгородть ваксса ащи модатнень лангс, но куду мрдамста синь тапзень городецкяй князсь Борис Константинович. 1377/1378-це кизонь тялоня Борис Суздальть и Москуть лезксонц мархта тись наказамань поход мокшэрзятнень (эрзятнень) модаснонды[86]. Тяфтама тефнень меле мокшэрзянь модатне ушедсть налхкома второстепеннай рольть тя аймакса. 1414-це кизоня Нижегородскяй княжествась кядялонза ащи мокшэрзянь модатнень мархта сувась Московскяй княжествав.

1380-це кизотнень рязанскяй князсь Олег Иванович сявсыне эсь княжестванцты мокшень модатнень Цна ляйть кучка шудемасонза и Мокшеть алуце шудемасонза. Мокшетнень модаснон лангс шаштомати лездсь Мохши мокшень кужеть срафтомац-калафтомац. 1395-це кизоня Тамерлан Тохтамышть мельге панемста машфтозе марнек Мохшу ошть, тяда меле тостонь содаф и козя ломаттне ушедсь ётама служама рузонь княсненди[83]. 1402 и 1447-це кизотнень москувонь и рязанскяй княснень ёткса ладяфтольхть фкя мяльс саматне, кода явомс эсь ётковаст «мокшэрзянь васттнень»[84].

1444-це кизоня москувонь эряйхнень, рязанень эряйхнень и мокшэрзятнень марстонь ушмовийсна Листань ляйть маласа тюремаса тапазь татаронь оцязоронь цёрать Мустафань войсканц.

1438-це кизоня Казанскяй ханствать эвондаманц меле теенза сувасть Мокша и Сура ляй ётконь мокшэрзятнень модасна[87].

1463-це кизоня Москуть кядьса кирдеви мещерань и эрзянь модатнень эса эвондась Касимовскяй царствась.

XVI—XVII-це сядокизотне

XVI-це векть васенце пяльксстонза Москувонь княсне ушеткшнихть фатнемост Казанскяй ханствать ши валгома ширень моданзон, коса эрясть мокшэрзятне, чувашне и пандонь мариецне. Тяса эвондасть рузонь ваксарошне: Васильсурск-сь Сура ляйть прама вастсонза (1523), Мокшанск-сь (1535) и Краснослободскяйсь (1537) Мокша ляйть ваксса, Алатырсь — Алатырь ляйть Сурав прама вастсонза (1530-це кизотнень песта), Темникавсь ётафтф од вастс (1538). Тястонь татаронь бекне-княсне, конатнень кядялотольхть мокшэрзянь ломаттне, ушедсть ётнема Москувонь государствань азорондоманц алу[87]. Москуть шинь стяма шири молеманцты пекс арась 1551-це кизонь военнай походсь, мзярда ульсь сявф Пандонь ширесь, путфоль Свияжск ваксарошсь и рузонь государствав сувасть чувашне, горнай мариецне и мокшэрзятне (Свияжскяй присягась)[88].

1552-це кизоня Казанть лангс Иван Грознаень молемстонза руснень мархта ряцок мольсь Темниковонь татаронь князсь Еникеев, конань кядяла ульсть мокшет и мещерякт.

В. Е. Маковский — Крестьянка (1897). «Мокшэрзянь свадьба» картинати этюд

Казанскяй ханствать пингста мокшэрзятнень пялькссна ётафтфтольхть эряма государствать кучкас. Ханствать кучка вастсонза эвондайхть мокшэрзянь поселеният и калма вастт. Мзярда Москуса сявозе Казанскяй ханствать, мокшэрзятненди ульсь кода мрдамс эсь кунардонь модаснонды. Свияжскяй уездонь писцовай книгатнень эса 1566 — 1567-це кизотнень ала сёрматф: «ся велетнень эса татархнень и чувашиять мархта тяда ингольде эрясть мокшэрзятне и ся мокшэрзятне тушендсть ингольдень эсь улуснон эзга, вотчинава… Мокшети и Сурати»[74]. Лятф мокшэрзятне татарыясть, мезсь сембода пяк няевсь каратайскяй мокшэрзятнень коряс. XVI-це векть кучкаста мокшэрзятнень марса эрямань ши валгома ширень масторкитькссна пачкотькшнесь Ока ляйть види трвазонза, шинь стяма ширеса — Сурать малас, кельме ширеса — Нижняй Новгородть малас, лямбе ширеса — Хопра ляйть пряс[89].

Рузонь государствав сувамда меле мокшэрзянь народть оцюшка пяльксоц сувафтфоль ясачнай ломаттнень (руз.) (мок. лувксс, конатненди ясакта башка эрявсь тиендемс натуральнай и ярмаконь пандомат. Пингонь ётазь ясачнай ломаттнень налогонь базасна келемкшнесь[88]. Ломаттнень ёткса аф ладяматнень шачемаснонды ушетксокс арась помещикненди мокшэрзятнень сокамань-видемань модаснон явомасна: рузонь дворяттненди, а станя жа татаронь, мокшэрзянь содаф козя ломаттнеди, кона примась Христости кемамать. Рузонь помещикне ётафнезь сокайхнень-видихнень теест максф модаснон лангс странань лия аймакнень эзда[84]. Мокшаэрзятне тюрсть Рузонь озязорондамать каршес Черемисскяй колмоце войнаса (1581—1585). Восстаниять тапамац кошардозень мокшэрзятнень ётнемс эряма эсь модаснон эзда лямбе шири, Пензать и Саратовть шири[90].

1556-це кизоня мокшэрзянь масторхнень кочевникнень врьгятнемаснон эзда араламанкса ульсь тиф засечнай черта: Алатырь — Темников — Кадом-Шацк[84].

XVI—XVII-це векнень ёткса мокшэрзянь модатнень лангс сась войнаса и опричнинать мархта розаряф лама рузонь переселенецта странань кучка региоттнень эзда. XVII-це векть ушетксста Арзамасскяй, Нижегородскяй, Кадомскяй и Темниковскяй уездонь мокшэрзянь ломаттне казнав кармасть паннема тяфтама жа дацькат, кода рузонь сокайхне-видихне. Тяда башка, мокшэрзятнень кядьста сявондевсь ясачнай аф оцю оброк вирть инкса, кона ладяль охотанди и вирень медень добуваманди. Сембось тя вятсь 1606—1608-це кизонь сокаень-видиень восстанияти, кона крвязькшнесь мокшэрзянь модатнень эса. 1612-це кизоня Пьяна ляйть маласа тюремаса стрелецонь и Баюш Разгильдеевонь мокшэрзянь служилай ломанензон эзда марстонь войскась лоткафтозе ногайхнень врьгятемаснон Арзамасонь и Алатырень модатнень лангс. Кда нижегородскяй уездсь отькорьста кирдезе ширенц омбоце ополчениянь кочкаманц, то арзамасскяй и алатырскяй воеводатне ашезь кирде омбоце ополчениять ширенц[84].

XVII-це векста ясашнай и государственнай сокайхне-видихне ётафневихть дворцовайкс. Государственнайкс ляткшнесть Саранскяень, Кадомскяй, Инсарскяй, Пензенскяй уездонь мокшэрзянь сокайхне-видихне[88].

Налокнень и дацькатнень касомасна, модатнень козятнень и монастырьхнень мархта фатнемасна вятсть сянди, што Мокшэрзянь масторсь занясь оцю васта Степан Разинонь восстанияса, тяконь лувксса, тоса отькорьста няфтезь пряснон мокшэрзянь сокайхне-видихне.

XVIII—XIX-це сядокизотне

Петр I-ть мярьгоманц коряс 1719-це кизоня мокшэрзятне сувсесть государственнай сокайхнень-видихнень ёткс и лангозост путневсь дацькя, кона сявондевсь эрь ваймоста лиякс мярьгомс, мокшэрзятне арасть ряцок рузонь тяглай эряйхненди. Тяда башка, 1718-це кизоня мокшэрзятненди максфоль повинность анокламс венчень тиеманди вирь[88]. Дацькятнень и повинносттнень касомасна вятсть сянди, што мокшэрзятне кармасть тушендома эсь модаснон эзда: Темникавонь уездса 1678—1712-це кизотнень шамсь 53 % кудпирьфнень эзда.

XVIII-це векть 1-це пялестонза ётафневи реформатнень пингста мокшэрзянь модатне сувафтфтольхть колма губерниятненди: Азовскяйти (Темникавонь и Инсарскяй уезттне), Казанскяйти (Саранскяй уездсь) и Нижегородскяйти (Алатырскяй уездсь).

Нинге XVIII-це векть ушетксста Филипп фон Страленберг няезе, што мокшэрзятнень ёткса келиста васьфневи языческяй шкаенди кемамась. Аф ваномок сянь лангс, што мокшэрзякс ульсть патриархсь Никонць и протопопсь Аввакумсь, мокшэрзятнень кстиндамасна XVI—XVII-це векста мольсь стакаста. XVII-це векть ушетксста алатырень мокшэрзятне кафксть ваяфнезь Сура ляйса Троицкяй монастырень игуметтнень[91]. 1655-це кизоня шавфоль рязанскяй архиепикопсь[92]. Степан Разинонь сокаень-видиень войнать пингста мокшэрзянь велетнень эса кеподемасмь сидеста ушеткшнесь священникть шавоманц мархта. 1681-це кизоня кстиндаф мокшэрзятненди кирьфневсть дацькятне. 1700-це кизоня Киевскяй духовнай академияса ушедсть аноклама миссонерхт мокшэрзянь ломаттнень христианствав сувафтоманди. 1706-це кизоня лиссь оцязорть указоц мокшэрзятнень кстиндамаснон вишкоптеманц колга[91]. Кстиндамати лездсь правительствань мерась, конань коряс рузонь крестьяттне ётафневсть эряма мокшэрзянь велева, а мокшеннетне — рузонь велева. Шнакшневсть кстиндафть мокшэрзятнень русснень мархта рьвяямасна. Кирьфневсть дацькятне и макссевсь мянема кой-кодама уголовнай коень коламатнень эзда[88]. Вихца кстиндамась вятсь ломаттнень ёткса кеподематненди. Сембода виикс арась 1743—1745-це кизонь кеподемась Терюшевскяй волостьса, эсонза няфтезь пряснон 6 тёжятть ломань. Кеподемада меле оцязоронь власттне атказасть вихцок христианствав сувафтомать эзда, нолявсть тевс мирнай метоттне, ломаттнеди макссевсть льготат и прават. Мекпяли 1743-це кизоста сявомок 1760-це кизоти самс православиять примазь мокшэрзянь народть пцтай 70 процентоц[91]. XIX-це векть ушетксста православиясь сувась мокшэрзянь народть эряфозонза и арась сонь пяльксокс. 1897-це кизоня ётафтф Марнек Россиянь эряйхнень сёрматфтомасна, конань коряс мокшэрзятнень 98,8 процентсна ульсть православнайхть, язычникт ашельхть.

Дацькяса люпштамать виияфтомац, рекрутонь повинностень сувафтомась, вихца кстиндамась вятсть сянди, што мокшэрзятне кеподсть Емельян Пугачёвонь мархта, а стане жа ушедсть тушендома эряма лямбе и шинь стяма ширева. С. Лаллукка китькснесы, што XVII-це векть омбоце пялестонза — XVIII-це векть ушетксста мокшэрзятне тушендсть васендакиге лямбе шири, Пензать и Саратовть шири, а шинь стяма шири, Волгать фталу, ушедсть тушендома сяда лама XVIII-це векста. XVIII —XIX-це сядокизотнень ёткста мокшэрзятне пачкодсть Уралти и, мзярошка эздост — Сибири[90]. XVIII-це векть пингстонза и XIX-це векть васенце пяльксстонза мокшэрзятне кармасть эряма од вастова Алдонь Поволжьяса и Лямбе ширень Приуральяса. XIX-це векть омбоце пялестонза сембода лама мокшэрзяда (мокшэрзятнень основной этническяй вастснон эзда) почкодсь ни Самарскяй губернияв, коса нинге XVIII-це векть ушетксста синь ёфси ашельхть. Реформань кизотнень пингста мокшэрзятне ушедсть эряма Казахстанца (Акмолинскяй областсь). Сяка пингть шамф мокшэрзянь модатнень лангс сашендсть рузонь ломаттне, саворне арсесть тяса этническяй оцю пяльксокс[93].

Рузыямада башка содафт случайхть руснень мокшекс и эрзякс арамаснон коряс, конат улендсть ся велетнень эса, коса марса эрясть мокшэрзят и руст и коса рузда ульсь сяда кржа[94].

Мордва на этнографической карте Российской империи А. Риттиха, 1875

Крепостной мокшэрзятнень рузыямасна ульсь сяс, мес помещикнень мяльсноль кемокстамс пря экономикань пяльде, синь тернезь тяза рузонь покодиснон эсь ингольдень поместияснон эзда или ширде, сянкса эвондасть велет, коса шовордафтольхть рузонь и мокшэрзянь ломатть. Нижегородскяй крайть эзда сяда тов аф васьфневихть оцю аймакт, коса эряйхть рузыяфтф мокшэрзят, сяс мес тястонь мокшэрзятне лядондсть ламошкасна ясашнайкс и ашезь маря эсь лангсост крепостной правать люпштаманц. Тяглай мокшэрзятнень, конат эрясть государственнай модатнень лангса, сидеста ашезь сатне вийсна пандомс модаснон эзда натуральнай и ярмаконь дацькятнень и мяль вельде нолязь эсь велезост рузонь ворьгоди крестьяттнень, конат ульсть помещиконь и дворцоваень. Мокшэрзянь козятне эняльдсть правительствати паньфтемс сафнень, а ашу мокшэрзятне кирдезь ширеснон синь, сяс мес сафне лездсть тейст ускомс дацькянь сталмоть, и муворгофнезь козятнень сянь эса, што синь мяльсна нинге сяда пяк козякофтомс пря синь лангсост[69]. Мокшэрзятне аф фкя лаца нолязь тевс рузонь кяльть. Сонь коммуникативнай функциянза кассть общественнай, производственнай эряфса, коса сяда сидества мокшэрзятне васетькшнихть лия народонь ломаттнень мархта[95].

XVIII-це векть омбоце пялестонза эвондасть васенце тексттне кода мокшень кяльса, стане и эрзяннеса. XIX-це векста ушетксста ушедсть ноляма книгат мокшень и эрзянь кяльса.

ХХ-це сядокизось

1920-це кизоти мокшэрзятне эрясть 25 губерниянь масторга. Мокшэрзятнень 90 % эрясть Пензенскяй, Нижегородскяй, Самарскяй, Саратовскяй, Симбирскяй и Тамбовскяй губерниятнень эса. Синь эздост ашель фкявок уезд, коса мокшэрзяда улель сембода лама лия нородносттнень коряс. 1921-це кизонь июньцта мокшэрзянь национальностень коммунистонь марнек Россиянь съездса арьсефоль максомс мокшэрзятненди башка автономия. Но, автономиять тиеманц колга кизефкссь шашфтовсь сяда меленди, сяс мес тянди аф сатомшка лац аноклафоль. Сембоц РСФСР-са 1925—1928-це кизотнень пуроптфоль 619 мокшэрзянь национальнай советт и 17 волость (тяниень Мордовиять масторса 377 и 13)[96].

1928-це кизонь 14-це майста Средневолжскяй областть лувксса Пензенскяй, Симбирскяй и Нижегородскяй губерниятнень эзда тифоль Саранскяй округсь, сон сяка кизоня лемтьфоль Мордовскяйкс. Эзонза марнек сувасть Краснослободскяй, Ардатовскяй уезттне, пцтай марнек Саранскяй и Инсарскяй уезттне, Наровчатскяйть пялец, Алатырскяй, Карсунскяй, Лукояновскяй и Сергачскяй уезттне пялькссна. 1926-це кизоня ётафтф эряень сёрматфтомать коряс, тя аймакса эрясть 1 миллион 340 тёжянь ломань, конатнень эзда мокшэрзяда — 427 607 (32,2 %). ВЦИК-ть президиумоц 1930-це кизонь 10-це январьста путозе полафтомс Мордовскяй округть Мордовскяй автономнай областекс; 1934-це кизонь 20-це декабрьста — тифоль Мордовскяй АССР-кс [96].

1920-це кизотнень кучкаста мокшень и эрзянь изданиятнень эса ушедсть тиевома-кочкавома фкя литературнай кяль и диалектнай база, кона аделавсь 1930-це кизотнень кучкаста. Мокшень литературнай кяльть юрс путфоль Краснослободско-темниковскяй корхтамась, а эрзянь кяльть юрс — Козловка велень корхтамась[97].

1959-це кизонь Россияса эряень сёрматфтомать эзда сявомок мокшэрзятнень лувкссна ушедсь кирема.

Образованиять колга 1958-це кизонь СССР-нь законць макссесь права тядятненди-алятненди, конатнень шабасна аф рузонь национальностень, кочкамс эсь идьснонды кяль, конань лангса синь кармайхть тонафнема, тя кирьфтазе национальнай кяльса тонафты школатнень лувксснон. Тяда башка, ушедсь кирьфтавома национальнай кяльса кода шачема кяльса тонафтомась: 1959/60-це тонафнемань кизоня мокшень и эрзянь кяльса тонафнемась, кода шачема кяльса, кирсь. Инголи сисем классти молемс тонафтовсть шабатне шачема кяльса, а тяни кадовсь аньцек васенце колма классненди тонафтомась шачема кяльса. Мокшень и эрзянь кяльхнень тонафнемасна национальнай школатнень эса, кода башка предмет, ульсь вейхкса кизот. 1970-це кизотнень ушетксста Мордовскяй АССР-са лувондовсь 391 национальнай школа (235 — мокшеннеда и 156 — эрзяннеда), коса тонафнесть 77 тёжянь идь (41 тёжянь — мокшень и 36 тёжянь — эрзянь идь), тя ульсь 36,9 % республикань школьникнень эзда. 1980-це кизотнень пезост республикаса лядсь 289 мокшэрзянь национальнай школа, кяльти тонафни шабада школаса 24 тёжяньда аф сяда ламоль. 1988/89-це тонафнемань кизотнень мокшень и эрзянь кяльса начальнай школаса тонафнесь 4 000 идь[98].

Антропологиянь коряс азондома

Сяда сидеста мокшэрзятне кандовихть европеоиднай расань ломаттнень ёткс. Сяка пингть мокшэрзятнень антропологическяй шамаликсна ламода аф фкат эрь кодама юропнень эса[99]. Мокшетнень пялешкаснон ёткса сидеста васьфневи субуральскяй типсь, конань кувакат прясна и сатомшка серихть шамасна уральскяй расать эса. Эрзятнень оцюшкасна канневи атланто-балтийскяй расань сурскяй типти, конанди ладяй мезокефалиясь (руз.) (мок., тяйня шамась, но аф сяшкава сери, кода скандинавскяй типть. Кой-кона эрзятнень и лямбе ширдень мокшетнень ёткса васьфневи центральноевропейскяй расань северопонтийскяй типсь, кона стане жа васьфневи Поволжьянь руснень ёткса. Тя типонь ломаттне серихть, ётксост сяда оцю мезокефалиясь, тяйняня шамасна, сидеста васьфневихть кудря шяярьхть[100]. Антропологическяй тяфтама ширетне маласькофтсазь мокшэрзятнень ся ломаттнень мархта, кит кадозь Пьяноборскяй археологическяй культурать[101].

И. Н. Смирнов XIX-це векть песта сёрмадсь мокшэрзятнень колга тяфта: мокшетнень ёткса васьфневи сяда лама эрь кодама типта эрзятнень коряс; акша и уле сельмотнень мархта ряцок, конатне сяда сидеста васьфневихть эрзятнень ёткса, мокшетне улендихть и равжа шяярьхть сяда шобда кедень тюс мрхта и шамасост сяда шуванят китьксне. Мокшетнень и эрзятнень серьсна пцтай фкя лацонне, но эрзятне улендихть сяда оцюфт (сембода пяк аватне)[102].

Хуш мокшетнень сельмоснон и шяярьснон тюссна сяда шобдат, тя китькстаф сяда ингольдень работатнень эса, тя маласькофнесыне синь уральскяй группати (мезсь стане жа канневи шамать и сакалть кувалмонцты-келенцты), мокшэрзянь сембе группатнень (мокшетнень, эрзятнень, терюхаттнень) ёткса аф фкя лацонь ширеда пяк лама[103]. Кода азозе Г. Ф. Дебец (1941), мокшень кафта шабра велетне аердыхть фкя-фкянь эзда ламоц показательхнень коряс[103]. Сявомок мяльс К. Ю. Марконь (1961), кона тонафнесь 12 мокшень и 11 эрзянь группа, марстонь аф фкаксшись ётксост аф оцю, тяка пингть уральскяй элементть аш оцю вастоц фкявок группаса и может аф улемс ёфсикс (мезсь сяда пяк няевсь Мордовскяй АССР-ть шинь стямань ширень эрзянь группатнень эса)[103].

Корхтамок антропологическяй типонь соткснень колга, конат явфт Восточнай Европань эрь кодама аймакненди, В. Е. Дерябин китькснезе, што мокшетнень антропологическяй вариантозост сувси понтийскяй расась (руз.) (мок..[104]. Кода азозе авторсь, мокшетнень эса лац няевихть лямбе ширдень европеоиттнень эсь лацонь ширесна: прясна кувалгофтфт (указательть кучка смузенза 78,7 % и 79,8 %), тяйня шамасна, сельмосна и шяярьсна шобдат, сидеста васьфневихть алу нолдаф пе мархта шалхкне[104]. Тяка пингть, кой-кона мокшетнень эса понтийскяй расась тяфта жа моли лия расовай компонентонь мархта — ули аф оцю, но няеви уралоиднай шоряфкс (кири сакалть касомац, лафчеми шамать горизонтальнай профилировканц, пяк шуроста — эпикантусть (руз.) (мок. эвондамац[104].

В. Е. Дерябинонь коряс группатнень, конатнень эса пяк няеви уральскяй влияниясь, улихть кода лемдемс субуральскяйкс; эрзятне и мокшетне аф сувсихть субуральскяй кластерхненди[104]. Эрзятнень группаса няеви прять кувалгодомац (няфтемась — 79,6 % и 79,7 %), шамать и шалхкть сереснон касомасна, сакалть сяда касомац, алу нолдаф шалхка петь сидеста васьфневомац и сяда шуроста ваьфневи шалха копорьть мянтьф профилец. Азф ня эсь лацонь ширетне корхтайхть лямбе ширдень европеоиттнень чертаснон улемаснон колга[104]. Но тяконь коряс сельмонь и шяярень тюсне тя группаса сатомшка валдот, хуш и сяда шобдат беломоро-балтиецнень коряс. Тяфта, эрзятне сяда пяк шарыхть кельме ширень европеоиттнень лангс[104]. Мокшетнень эса сяда пяк няевихть лямбе ширдень европеоиттнень ширесна: прясна сяда кувакат (прянь няфтемась — 78,7 %), шамась — аф ламода тяйняня, сельмонь и шяярень тюсне — сяда шобдат, шалхконь нолдаф песь васьфневи сяда сидеста. Виде, эрзятнень коряс мокшетнень сакалсна сяда лафчт и сяда сидеста васьфневихть аф ламода сяда лапш шаматне[104].

Мекольце генетическяй исследованиятнень коряс РАН-нь марстонь генетикань институтса мокшетнень и эрзятнень ёткса улихть оцю аф фкаксшит генофондонь коряс[105].

Кяльхне

Юрса ащи статьясь: Мокшень кяль

Кафцьке мокшэрзянь субэтноснень улихть синцень кяльсна: мокшетнень — мокшень, эрзятнень — эрзянь, кафцьке синь сувсихть уральскяй кялень семьять финно-волжскяй группанцты и улихть литературнай статуссна. Лувондови примафокс мокшэрзянь фкя марстонь кунардонь кялень улемась, кона минь эрань I-це тёжянь кизотнень кучкаста срадсь мокшень и эрзянь кяльс[28].

Лингвисттне китькстазь, што эрзянь кяльса сяда сидеста васьфневихть рузонь кяльста сявф валхт, а мокшеннеса — тюркскяй кяльста (сяда сидеста татароннеста, чувашскяйста)[101]. Кафцьке кяльхне явондовихть кой-кодама диалектова, конат нолявихть тевс эрь кодама аймакса. Мокшэрзянь сёрмась эвондась XVIII-це векть омбоце пялестонза, тяниень пингть ноляви тевс кириллицать, мокшэрзянь алфавитсь стама жа кодама рузоннесь.

«Эсь эвондамаснон коряс финно-угорскяй кяльхне аф сотфт арийскяйхнень мархта, конат сувсихть ёфси лия кялень семьяти — индоевропейскяйти, сяс лексикаса лама фкя лацонь ширетне финно-угорскяй и индоиранскяй кяльхнень ёткса корхтайхть аф синь генетическяй малаксшиснон колга, а финно-угорскяй и арийскяй пляматнень ёткса эрь кодама и лама пингонь контактнень колга»[106].

Традиционнай культурась

Мокшетнень и эрзятнень ёткса духовнай и бытовой культурасост няевихть оцю аф фкаксшит, а станя жа няеви мокшетнень мариецненди маладомасна, а эрзятнень — прибалтийскяй фиттненди[28].

Кафта мордовкат национальнай щамса 1842-це кизонь картинаса. С. Д. Эрьзянь лемса Мокшэрзянь республиканскяй изобразительнай искусствань музейсь.

Щамбяльсна

Мокшавась каннесь панархт и понкст, тяка пингть панаронц кувалмоц ульсь аф кочкярязонза токамс, кода эрзявать, а кирдеви карксса; панарть ланга эрзявась каннесь кафтан (шушпан), кона шары черемискать щамонц лангс. Эрзяватне прясост каннихть сюра лаца покаряв сязьгатань кокошникт, а мокшаватнень пряса каннемасна черемисскяйти сяда мала и полафневи кой-коста нардамаса или шальса, кона сотневи чалма лаца (мокшэрзяватнень пряса каннемкасна эрь кодама аймакса эрь кодамот). Мокшаватне аф каннихть «пулай», кона мазоптф ожнаса и кувака сюреса, кона сидеста васьфневи эрзяватнень ширеса.

Мокшаватне национальнай щамса
Казанскяй губернияста эрзянь семьясь, 1870-це кизось

Эрямасна-ащемасна

XIX-це векста исследовательхне китькснезь, кле мокшэрзятне эряйхть сяда лац лия народносттнень коряс сяка васттнень эса; Саратовскяй губернияса, кепотьксонди, мокшэрзятнень шумосна сяда кржат чувашнень, руснень и татархнень коряс. Мокшэрзятнень эрямосот-ащемасост, эряма вастсост, сокамань-видемань тевса кржа мезе ванфтовсь эсь лацоннеда, хуш сядонголе мокшэрзятнень велесна и кудсна лиятольхть руснень коряс: сяда срафтфтольхть фкя-фкянь эзда и куттне путфтольхть пирьфть кучкаса или, кда ульця шири, то эста вальмятне ванцть пирьфть шири. Башка мокшэрзянь промыслатненди кандовихть кой-кона васттнень эса поташень (руз.) (мок., канцёрваень тиемась, сукнань кодамась (мокшэрзятнень кельгома тюссна — акшесь).

Искусствать лангс мокшэрзятне ваныхть сяда озадонь седихть чувашнень и черемиснень коряс, конатнень, кепотьксонди, ламоц паршисна мазопневсть керсемаса; аньцек мокшэрзянь аватне аф сяда кальдявста пичедихть эсь щамснон мазоптоманкса и старандазь сёрматкшнесазь эсь панарснон и пряс путомкаснон.

Мокшэрзятнень свадьбань койсост-обуцясост ванфтовсть кунардонь пингонь ламоц ширетне, кунардонь пингонь рьвяямань и родонь-плямань правань пильгокитне. Кунардонь пинкнень васьфневсь аф фкя рьвя лангс рьвяямась[107]. Шуроста ёмла цёранятнень рьвяйсефтезь оцю стирь лангс, штоба куду сявомс покоди[108].

«Кафта мордовскяй поколениятнень башкашисна няеви и сянь эзда, што теест кстиндамда инголе ашезь мярьгондев мокшетненди сявондемс рьвакс ерзяват, а ерзятненди — мокшават; но эрсь тусь мялезонза эсь породанцты»[109].

Шкаенди кемамась

Родонь-плямань койхнень эзда лядксокс лувови атянь-атянь (предкань) культсь, мокшень койсь, конань лятксонзон ули кода няемс калмамань койхнень, поминкатнень эзда. Мялень салайкс арась койсь, кона ванфтовсь XX-це векть самс, васенце ловажать од калмолангонь ушедомста калмосемс стяда и кядезонза путф байдек мархта. Тяда меле сонь ваймопожфоц арсесь калмомаронь азоркс (калмонь кирдикс или калмо-авакс)[110]. Мокшэрзятнень ванфтовсть языческяй арьсемасна-кемамасна, конат ащихть башка фкя-фкянь эзда и аф максыхть педа-пес шарьхкодемс мокшэрзянь кунардонь мифологиять. Содаф, што мокшэрзятнень ульсть лама паз-сна (мокшекс паваз) — шкайсна, ава-сна — ваймопожфсна, кирди-сна, конат няфневсть антропоморфнайста и кой-конашкада шорявсть рузонь домовойхнень, водянойхнень, лешайхнень мархта и стак тов. Озондсть тяфта жа шити, атямти и ёндолти, заряти, вармати и стак тов. Ули кода няемс дуализмать пильгокинзон — фкя-фкянди каршек ащихне Шкайсь (менельсь) и Шайтанць. Мокшэрзятнень ванфтовсть нинге васток-васток озкссна — ингольдень языческяй жертвань кандомась, кой-конашкада христианскяй илатне лемтьфт теест[111].

Эрзянь велетнень эса вииель черничествась. Черничкатне — нят од стирьхть, вельхтяфт равжа руцяса и синь сембе пингс атказакшнихть рьвакс тумать эзда; синь пякснихть пря кельяв, штоба озондомс и морафнемс Шкаень книгат. Сембе сяка мокшэрзятнень ёткса синь аф шнакшневихть. Синь ётксост лисендсть од тонафтомань азондыхть, сяс мес сектантствась пяк сидеста васьфневсь мокшэрзятнень ёткса[69].

Мокшэрзянь литературась

Сембода пяк келемкшнесь-касондсь устнай творчествась. Ингольдень мокшэрзянь сказительнай искусстваса васенцетнень ёткса ульсь Ефимия Петровна Кривошеевась.

1920-це кизотнень песта эвондасть «Мокша» и «Сятко» мокшень и эрзянь кяльса журналхне; письменнай литературась кармась касома 1930-це кизотнень эзда сявомок[112].

Мордовскяй (мокшень и эрзянь) народть марнек Россиянь съездоц

1992-це кизоста ушедомок, ётафневихть Мокшень и эрзянь народонь марнек Россиянь съездт. Съездсь, примаф уставть коряс, ащи инь оцю пуромксокс мокшетненди и эрзятненди, конат эряйхть Мордовия Республикаса и Российскяй Федерациянь лия субъекттнень эса. Съездонь делегаттне кочксевихть «представительствань норматнень коряс: эрь 5 тёжянь мокшетнень и эрзятнень эзда — фкя делегат» — Мордовия республикаста да сембе лия васттнень эзда, коса эряйхть мокшетне и эрзятне.

Васенце съездсь, кона ётась 1992-це кизонь 14-15-це мартста, пуропневсь «Масторава» и «Вайгяль» обществатнень мяльснон коряс. Аньцек васенце съездса примафоль 10 документ (тяконь лувксса народонь статусонь колга мокшетненди и эрзятненди, Мордовиянь ИТУ-ста лия государствань пякстафнень лихтемасна, Дубравлагса пякстафнень марстонь лувксснон кирьфтамасна, народъётконь политическяй организациятнень эса мокшетнень и эрзятнень участиясна и стак тов). Омбоце и сяда товонь съезттне ётнесть Мордовия Республикань Правительствать видеса. Омбоце пуромксса тага путфоль вешфкс мокшень и эрзянь национальносттнень статусснон колга; Мордовия Республикань Государственнай собраниять мархта кялть колга Законть прьняндаманц колга; мокшень, эрзянь кяльхненди максомс государствань статус и стак тов.

Лятфтамат

  1. ↑ «Мокшэрзят» терминць моли марстонь ледемакс кафта субэтносненди (мокшетнень и эрзянень), традиционнай литературнай кяльхнень эса аш «мордва» пшарьхкодемась (мокшетне эсь пряснон лемнесазь — мокшекс мокшет, эрзятне — эрз.: эрзят)
  2. ↑ Национальный состав населения Российской Федерации согласно переписи населения 2021 года. Дата обращения: 8 декабрьста 2025.
  3. ↑ Население СССР по данным Всесоюзной переписи 1989 г. (рус.). Проект «Исторические материалы». Дата обращения: 8 декабрьста 2025.
  4. ↑ 1 2 3 4 5 6 7 8 9 10 Всероссийская перепись населения 2010 года. Дата обращения: 8 декабрьста 2025. Архивировано 1 мартста 2012 года.
  5. ↑ Всеукраїнський перепис населення 2001 | Русская версия | Результаты | Национальный состав населения, гражданство: web.archive.org. Дата обращения: 8 декабрьста 2025.
  6. ↑ Всесоюзная перепись населения 1989 года. Национальный состав населения по республикам СССР (рус.). Демоскоп Weekly #1095-1096. Дата обращения: 8 декабрьста 2025.
  7. ↑ Перепись населения - Бюро национальной статистики Агентства по стратегическому планированию и реформам Республики Казахстан (рус.). Бюро национальной статистика Казахстана. Дата обращения: 8 декабрьста 2025.
  8. ↑ Демографические показатели по 15 новым независимым государствам (рус.). Институт демографии НИУ ВШЭ имени А.Г. Вишневского №1095-1096. Дата обращения: 8 декабрьста 2025.
  9. ↑ Демографические показатели по 15 новым независимым государствам (рус.). Дата обращения: 8 декабрьста 2025.
  10. ↑ Демографические тенденции, формирование наций и межэтнические отношения в Киргизии. Дата обращения: 8 декабрьста 2025. Архивировано 23 сентябрьста 2015 года.
  11. ↑ Национальный состав населения Республики Беларусь (рус.). Национальный статистический комитет Республики Беларусь. Дата обращения: 8 декабрьста 2025.
  12. ↑ Latvijas iedzīvotāju sadalījums pēc nacionālā sastāva un valstiskās piederības (рус.). data.gov.lv. Дата обращения: 8 декабрьста 2025.
  13. ↑ 1 2 Ожегов С. И., Шведова Н. Ю. Толковый словарь русского языка: 120 000 слов и фразеологических выражений / Российская академия наук. Институт русского языка им. В. В. Виноградова. — 4-е изд., дополненное. — М.: ООО «А ТЕМП», 2017. — С. 352. — 896 с. — ISBN 978-5-9900358-1-2.
  14. ↑ Советский энциклопедический словарь / Гл. ред. А. М. Прохоров. — 4-изд. — М.: Сов. энциклопедия, 1989. — С. 842. — 1632 с. — 2 500 000 экз. — ISBN 5-85270-001-0.
  15. ↑ Народы и религии мира. — М.: Большая российская энциклопедия, 1998. — С. 353. — 928 с. — ISBN 5-85270-155-6.
  16. ↑ 1 2 Народы России. — М.: Большая российская энциклопедия, 1994. — С. 232. — 480 с. — ISBN 5-85270-082-7.
  17. ↑ Pimenoff, Ville Nikolai. Living on the Edge: Population Genetics of Finno-Ugric-speaking Humans in North Eurasia (англ.). web.archive.org. Department of Forensic Medicine University of Helsinki. Дата обращения: 8 декабрьста 2025.
  18. ↑ История Мордовии — Мордовия. mordovia.info. Дата обращения: 8 декабрьста 2025. Архивировано 15 июльста 2019 года.
  19. ↑ Мокшэрзятне — статья из Большой советской энциклопедии. 
  20. ↑ Мокшин, 1998.
  21. ↑ Белых С. К. История народов Волго-Уральского региона: учебное пособие. С. 23. Ижевск (рус.). eanbur.unatlib.ru (2006). Дата обращения: 4 декабрьста 2025.
  22. ↑ Лепёхин И. И. Дневные записи путешествия по разным провинциям Российского государства в 1768 и 1769 гг. — СПб., 1771. — Т. 1. — С. 155. — 538 с.
  23. ↑ Дневные записки путешествия по разным провинциям Российского государства. Дата обращения: 8 декабрьста 2025. Архивировано 21 апрельста 2021 года.
  24. ↑ Документы и материалы по истории Мордовской АССР, Саранск, 1939.
  25. ↑ Декларация о государственном суверенитете Мокшанской и Эрзянской Советской Республики. Проект // Общественные движения в Мордовии, 1990.
  26. ↑ Агеева Р. А. Какого мы роду-племени? Народы России: имена и судьбы. Словарь-справочник. — М.: Academia, 2000. — С. 217. — 424 с.
  27. ↑ 1 2 Булгарская эпоха в истории финно-угорских народов Поволжья и Предуралья // История татар с древнейших времен: в 7 т.]. — Казань, 2006. — Т. 2: Волжская Булгария и Великая Степь. — С. 100—115.
  28. ↑ 1 2 3 4 Сухорукова О. А. Мордва. — Этническая история России: учебное пособие. Часть I. — М.: МГПУ, 2015. — 204 с.
  29. ↑ Гильом де Рубрук. Путешествие в восточные страны. — М., 1957. — С. 110.
  30. ↑ Фасмер М. М. Р. Фасмер. мордва // Этимологический словарь русского языка. — М.: Прогресс. — 1964—1973.
  31. ↑ Напольских В. В. Введение в историческую уралистику. Ижевск: УдмИИЯЛ, 1997. С. 37.
  32. ↑ Напольских В. В. Этнолингвистическая ситуация в лесной зоне Восточной Европы в первые века нашей эры и данные «Гетики» Иордана// Вопросы ономастики. — 2018. — Т. 15. № 1.. — С. 7—29.
  33. ↑ Мокшин Н. Ф. Мордва, эрзя, мокша — история этноса и этнонима// Зубова Поляна. — Республика Мордовия.
  34. ↑ Юрчёнков, 2011, с. 83.
  35. ↑ Мордва (мордва синонимы, синонимы к мордва) // Словарь русских синонимов (online версия). web.archive.org. Дата обращения: 4 декабрьста 2025.
  36. ↑ Носович И. И. Словарь белорусского наречия. СПб., 1870.
  37. ↑ Республика Мордовия. Официальный сервер органов государственной власти. Дата обращения: 8 декабрьста 2025.
  38. ↑ Рыбаков Б. А. Язычество Древней Руси. — 1987.
  39. ↑ Феоктистов А. П. К проблеме мордовско-тюркских языковых контактов // Этногенез мордовского народа. — Саранск, 1965. — С. 331—343.
  40. ↑ Opus Majus. 3 vols. Oxford, 1897—1900 (reimpr. 1964) (рус. пер. (отрывки): Антология мировой философии. М., 1969. Т 1. Ч. 2)
  41. ↑ Beschreibung aller Nationen des Russischen Reichs, ihrer Lebensart, Religion, Gebraeuche, Wohnungen, Kleidung und uebrigen Merkwuerdigkeiten (Санкт-Петербург, Müller: 1776—1780 годы; 2-е изд., Лейпциг, 1782)
  42. ↑ Барбаро и Контарини о России. М. Наука. 1971
  43. ↑ Пургас // Энциклопедия Кирилла и Мефодия CD-2000
  44. ↑ Пашуто В. Т. Героическая борьба русского народа за независимость (XIII век). — М., 1955. — С. 156—158.
  45. ↑ 1000 лет единения мордовского народа с многонациональным российским государством.
  46. ↑ Вельяминов-Зернов В. В. Исследование о касимовских царях и царевичах. — СПб., 1863. — 4.1. — С. 558.
  47. ↑ 1 2 Козлов В. И. Расселение мордвы — эрзи и мокши // Советская Этнография. — 1958. — № 2.
  48. ↑ Демоскоп Weekly — Приложение. Справочник статистических показателей. Дата обращения: 8 ноябрьста 2025. Архивировано 22 июньцта 2011 года.
  49. ↑ Путь к себе. Эксперты ищут ответ на русский вопрос (рус.). ЩИФН РАН. Валерий Тишков-личный сайт. Дата обращения: 8 декабрьста 2025.
  50. ↑ Isabelle T. Kreindler. The Mordvinians : A doomed Soviet nationality ? // Cahiers du Monde Russe. — 1985. — Т. 26, вып. 1. — С. 43—62. — doi:10.3406/cmr.1985.2030. Архивировано 15 апрельста 2021 года.
  51. ↑ Голос МГУ: Перепись-2010 покажет реальную численность мордвы! Дата обращения: 8 декабрьста 2025.
  52. ↑ Мордва грозит Инфоцентру FINUGOR судом за признание эрзян и мокшан (рус.). Информационный центр Финно-угорских народов. Дата обращения: 8 декабрьста 2025.
  53. ↑ Степанов В. В. Российская перепись 2002 года: Пути измерения идентичности больших и малых групп. — Института этнологии и антропологии РАН. — М., 2001. — ISBN 5-201-13758-X (6).
  54. ↑ Тюрко-Татарский Мир: «Татарская проблема» во всероссийской переписи населения (взгляд из Москвы) - С.В.Соколовский, член Комиссии Института этнологии и антропологии РАН по подготовке переписного инструментария. AB IMPERIO 4/2002. www.tataroved.ru. Дата обращения: 8 декабрьста 2025. Архивировано 2 июньцта 2019 года.
  55. ↑ 1 2 3 Основные итоги микропереписи населения 1994 г./ Общество и экономика — n°1 — 1995. — С.81 — 88.
  56. ↑ Путь к себе. Эксперты ищут ответ на русский вопрос (рус.). ЩИФН РАН. Валерий Тишков-личный сайт. Дата обращения: 19 ноябрьста 2025.
  57. ↑ 1 2 3 Арсентева Н.М., Юрченкова В.А. История Мордовии с древнейших времен до середины XIX века. — Саранск: Издательство Мордовского университета, 2001. — С. 75. — 344 с.
  58. ↑ 1 2 Козлов В. И. Кода касондсь и кирендсь мордвать лувксоц//Мордвась. Саранск ошсь, 2006
  59. ↑ Юрчёнков, 2011, с. 173—174.
  60. ↑ demoscope.ru Первая всеобщая перепись населения Российской Империи 1897 г. Распределение населения по родному языку, губерниям и областям. Дата обращения: 8 ноябрьста 2025. Архивировано 4 февральста 2012 года.
  61. ↑ Демоскоп Weekly. Всесоюзная перепись населения 1926 года. Национальный состав населения по регионам РСФСР. Дата обращения: 8 ноябрьста 2025. Архивировано 10 апрельста 2009 года.
  62. ↑ Moksha (англ.). Ethnologue. Дата обращения: 8 декабрьста 2025. Архивировано 27 апрельста 2020 года.
  63. ↑ Erzya (англ.). Ethnologue. Дата обращения: 8 декабрьста 2025. Архивировано 21 мартста 2019 года.
  64. ↑ Демоскоп Weekly - Приложение. Справочник статистических показателей. www.demoscope.ru. Дата обращения: 8 декабрьста 2025. Архивировано 16 ноябрьста 2019 года.
  65. ↑ Демоскоп Weekly - Приложение. Справочник статистических показателей. www.demoscope.ru. Дата обращения: 8 ноябрьста 2025. Архивировано 31 декабрьста 2021 года.
  66. ↑ Динамика численности мордовского населения на рубеже веков" 1000-летие единения мордовского народа с народами Российского Государства — Мордва 1000. Дата обращения: 8 декабрьста 2025.
  67. ↑ Kuussaari, Eero, Suomen suvun tiet, F. Tilgmann Oy, Helsinki 1935
  68. ↑ Бубрих Д. В. «Можно ли отождествлять мордву с андрофагами Геродота?» / Записки Мордовского научно-исследовательского института социальной культуры, Саранск, 1941, № 3, с. 31.
  69. ↑ 1 2 3 4 5 6 Кузнецов С. К. Русская историческая география. Мордва. — Курс лекций, читанных в 1908—1909 уч. году в Московском археологическом институте. — М.: Издательство А. И. Снегиревой, 1912. — 74 с.
  70. ↑ 1 2 Юрчёнков, 2011, с. 111.
  71. ↑ Этнология. Учебник. Для высших учебных заведений/Э. Г. Александренков, Л. Б. Заседателева, Ю. И. Зверева и др.-М.; Наука, 1994.
  72. ↑ Вихляев В. И. Древнейшая мордва: учебное пособие. — Изд-во Мордовского университета, 2003. — С. 9. — 88 с.
  73. ↑ Хазарская переписка. Письмо хазарского царя Иосифа. www.bibliotekar.ru. Дата обращения: 8 декабрьста 2025. Архивировано 22 январьста 2022 года.
  74. ↑ 1 2 3 4 5 Вихляев Виктор Иванович. Мордва и российское государство: начальные периоды взаимоотношений (X—XVI вв. ) // Гуманитарий: актуальные проблемы гуманитарной науки и образования. — 2012. — № 2.
  75. ↑ Юрчёнков, 2011, с. 117—118.
  76. ↑ Юрчёнков, 2007, с. 97—98.
  77. ↑ Костомаров Н. И. Русская история в жизнеописаниях её главнейших деятелей.
  78. ↑ 1 2 Смирнов А. П. Волжские булгары. — М.: Издание Государственного исторического музея, 1951. — С. 48. — 302 с.
  79. ↑ Владимир Вольфович Богуславский. Славянская энциклопедия. Киевская Русь – Московия: в 2 т. Т.2 Н-Я. — ОЛМА Медиа Групп, 2001. — С. 219. — 781 с. — ISBN 9785224022519.
  80. ↑ Юрчёнков, 2011, с. 130.
  81. ↑ Арсентева Н. М., Юрченкова В. А. История Мордовии с древнейших времен до середины XIX века. — Саранск: Издательство Мордовского университета, 2001. — С. 60. — 344 с.
  82. ↑ Грузнов П. Д. История Мордовии в лицах: биографический сборник. — Научно-иссл. ин-т языка, литературы, истории и экономики при Совете Министров — Правительстве Республики Мордовии, 1994. — С. 160. — 256 с.
  83. ↑ 1 2 3 Мокшин Н. Ф. Мохши столица одноименного улуса и Золотой Орды // Социально-политические науки. — 2011. — № 1.
  84. ↑ 1 2 3 4 5 6 Юрчёнков, 2012, с. 83.
  85. ↑ 1 2 Кучкин В. А. Формирование государственной территории Северо-Восточной Руси в X—XIV вв.. — М.: Наука, 1984. — С. 349. 1 отд. л. карт.: ил.; В надзаг.: АН СССР, Ин-т истории СССР. — Указ. имен, геогр. и этногр. назв.: с. 319—348.
  86. ↑ Пискарёвский летописец. www.russiancity.ru. Дата обращения: 8 декабрьста 2025. Архивировано 27 июльста 2020 года.
  87. ↑ 1 2 Галлям Рашит Габдельфартович. Политическая география Казанского ханства (проблемы исследования) // Средневековые тюрко-татарские государства. — 2012. — № 4.
  88. ↑ 1 2 3 4 5 Сушкова Ю. Н. Правовое положение мордовского народа в истории России (XVI—XVIII вв. ) // Вестник Московского университета. Серия 11. Право. — 2016. — № 1.
  89. ↑ Балашов В. А. Мордва: Историко-культурные очерки. — Мордовское книжное издательство, 1995. — С. 47. — 690 с.
  90. ↑ 1 2 Никонова Л. И., Щанкина Л. Н. Мордва России: к истории вопроса, проблемы и полевые сведения // Финно–угорский мир. — 2010. — № 1. — С. 42.
  91. ↑ 1 2 3 Юрчёнков В. А. Обретение мордовским народом Православия. www.sarep.ru. Дата обращения: 7 августста 2022.
  92. ↑ Мокшина Е. Н. Христианизация мордвы // Социально-политические науки. — 2014. — № 3.
  93. ↑ Юрчёнков, 2011, с. 176.
  94. ↑ Юрчёнков, 2011, с. 179—180.
  95. ↑ Николай Федорович Мокшин. Этническая история Мордвы XIX-XX века. — Мордовское кн-во, 1977. — С. 209. — 288 с.
  96. ↑ 1 2 Юрчёнков, 2011, с. 188.
  97. ↑ Основы финно-угорского языкознания. — М.: Наука, 1975. — С. 268—271.
  98. ↑ Финно-угорские народы России: диалектика жизненных ценностей. Учебное пособие / Под ред. П. Н. Тултаева. — Саранск: НИИ Гуманитарных Наук при Правительстве Республики Мордовия, 2013. — С. 131—133. — 195 с.
  99. ↑ Марк К. Ю. Этническая антропология мордвы//Вопросы этнической истории мордовского народа. Москва, 1960
  100. ↑ Марк К. Ю. Соматологические материалы к проблеме этногенеза финно-угорских народов // Этногенез финно-угорских народов по данным антропологии. М.: Наука, 1974. С. 11-18.
  101. ↑ 1 2 Ситдиков А. Г. Введение в этногенез народов Поволжья и Приуралья. Часть I. Истоки этногенеза финских народов: учебно-методическое пособие для студентов, обучающихся по специальности «История».. — Казань: Издательство Казанского государственного университета, 2008.
  102. ↑ И. Н. Смирнов, «М. Историко-этнографический очерк» в «Известиях Общества археологии, истории и этнографии при Казанском университете» за 1892—95 гг.; лучшая новейшая монография Мордвы.
  103. ↑ 1 2 3 Происхождение и этническая история русского народа по антропологическим данным, Отв. ред. В. В. Бунак. — М., 1965.
  104. ↑ 1 2 3 4 5 6 7 Восточные славяне. Антропология и этническая история. Под ред. Алексеевой Т. И. — М.: Научный мир, 2002.
  105. ↑ Панорама народов на фоне Европы. Неславянские народы Восточной Европы (серия III). | Генофонд РФ (рус.). Дата обращения: 8 декабрьста 2025. Архивировано 11 сентябрьста 2019 года.
  106. ↑ Бонгард-Левин Г. М., Грантовский Э. А. От Скифии до Индии. Древние арии: Мифы и история. — М.: Мысль, 1983. — С. 99. — 206 с.
  107. ↑ Елена Николаевна Мокшина. Религиозная жизнь мордвы во второй половине XIX--начале XXI века. — Мордовское книжное изд-во, 2003. — С. 11. — 256 с.
  108. ↑ Мордва. — Руссика. Илл. энцикл. История России. 9-17 вв.. — М.: ОЛМА Медиа Групп, 2004. — С. 315—316. — 648 с. — ISBN 9785948495347.
  109. ↑ Лепёхин И. И. Дневные записи путешествия по разным провинциям Российского государства в 1768 и 1769 гг. — СПб., 1771. — Т. 1. — С. 538.
  110. ↑ «Похороните меня стоя» (рус.). nn.mk.ru. Дата обращения: 8 декабрьста 2025. Архивировано 14 апрельста 2019 года.
  111. ↑ Мельников П. И. Очерки мордвы, гл. III—V. Русский вестник, т. 71. — 1867.
  112. ↑ Б. Е. Кирюшкин. Мордовская литература // Литературный энциклопедический словарь. — 1987.

Литературась

  • Мордва // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  • Ахметьянов Р. Г. Общая лексика духовной культуры народов Среднего Поволжья. М., 1981.
  • Белицер В. Н. Народная одежда мордвы. М., 1973.
  • Белорыбкин Г. Н. Западное Поволжье в Средние века. — Пенза: Пензенский государственный педагогический университет (ПГПУ), 2003. — 199 с.
  • Бонгард-Левин Г. М., Грантовский Э. А. От Скифии до Индии. Древние арии: мифы и история. — 2-е изд., доп. и испр. — М.: Мысль, 1983. — 206 с, ил. (стр. 152—153: часть карты Птолемея, изданной в Риме в 1490 г. и часть карты мира, составленной в Генуе в 1447 г.; стр. 98-100: «Арии и финно-угры»).
  • Девяткина Т. П. Мифология мордвы: энциклопедия. — Изд. 3-е, испр. и доп. — Саранск: Красный Октябрь, 2007. — 332 с.
  • Вопросы этнической истории мордовского народа / Тр. Института этнографии АН СССР. Нов. сер. Т. 63. М., 1960.
  • Евсевьев М. Е. Братчины и другие религиозные обряды мордвы Пензенской губернии // Живая старина. Вып.1-2. СПб., 1914.
  • Евсевьев М. Е. Мордовская свадьба. Саранск, 1959.
  • Исследования по материальной культуре мордовского народа / Тр. Института этнографии АН СССР. Нов. сер. Т. 86. 1963.
  • Корнишина Г. А. Этногенез мордвы (к истории изучения проблемы) // Современные проблемы науки и образования. 2006. № 1. С. 59—59.
  • Крюкова Т. А. Мордовское народное изобразительное искусство. Саранск,1968.
  • Кузеев Р. Г. Народы Среднего Поволжья и Южного Урала. Этногенетическия взгляд на историю. М.,1992.
  • Майнов В. Н. Очерк юридического быта мордвы. СПб., 1885.
  • Маркелов М. Т. Мордва // Религиозные верования народов СССР. Т. 2. М., 1931.
  • Маскаев А. Н. Мордовская народная эпическая песня. Саранск, 1964.
  • Мельников П. И. (Андрей Печерский). Очерки мордвы. Саранск, 1981.
  • Мокшин Н. Ф. Религиозные верования мордвы. — 2-е изд., доп. и перераб. — Саранск: Мордов. кн. изд-во, 1998. — 248 с.
  • Мокшин Н. Ф. Этническая история мордвы XIX—XX века. Саранск, 1977.
  • Мордва. 300 лет в соцветии курая. — Стерлитамак, 2017.
  • Мордва // Народы России: Энциклопедия. М.,1994. С. 232—237.
  • Мордва: Историко-культурные очерки. Под ред. Балашова В. А. Саранск: Мордовское книжное издательство, 1995. ISBN 5-7595-1049-5
  • Мордва: Историко-этнографические очерки. Саранск, 1981.
  • Мордва // Этноатлас Красноярского края / Совет администрации Красноярского края. Управление общественных связей; гл. ред. Р. Г. Рафиков; редкол.: В. П. Кривоногов, Р. Д. Цокаев. — 2-е изд., перераб. и доп. — Красноярск: Платина (PLATINA), 2008. — 224 с. — ISBN 978-5-98624-092-3.
  • Мордва // Народы России. Атлас культур и религий. — М.: Дизайн. Информация. Картография, 2010. — 320 с. — ISBN 978-5-287-00718-8.
  • Мордовский народный костюм. Саранск, 1990.
  • Мордовский этнографический сборник. Составлен Шахматовым А. А. СПб., 1910.
  • Мокшин Н. Ф. Мордовский этнос. Саранск, 1989.
  • Народы Европейской части СССР. Т.II / Народы мира: Этнографические очерки. М.,1964. С.548-597.
  • Народы Поволжья и Приуралья. Историко-этнографические очерки. М., 1985.
  • Народы Поволжья и Приуралья. Коми-зыряне. Коми-пермяки. Марийцы. Мордва. Удмурты. М., 2000.
  • Народы России: живописный альбом, Санкт-Петербург, типография Товарищества «Общественная Польза», 3 декабря 1877, ст. 121.
  • Петрухин В. Я. Мордовская мифология // Мифы финно-угров. — М.: Астрель : АСТ : Транзиткнига, 2005. — С. 292—335. — 463 с. — (Мифы народов мира). — ISBN 5-17-019005-0. — ISBN 5-271-06472-7. — ISBN 5-9578-1667-1.
  • Смирнов И. Н. Мордва: Историко-этнографический очерк // Известия Общества археологии, истории и этнографии при Казанском университете. 10-12. Казань, 1892—1894.
  • Смирнов И. Н. Мордва: Историко-этнографический очерк / Под ред. В. А. Юрчёнкова; Научно-исследовательский институт гуманитарных наук (НИИГН) при Правительстве Республики Мордовия. — Саранск, 2002. — 296 с.
  • Спрыгина Н. И. Одежда мордвы-мокши Краснослободского и Беднодемьяновского уездов Пензенской губернии. Пенза, 1929.
  • Фетисов С. Г. Я живу в Мордовии. М.: Изд. «Сов. Россия», 1978. — 144 c. c ил. на вкл. (Серия: В семье российской, братской). (Тираж 30 000 экз. Цена 55 коп.).
  • Финно-угорские народы: генезис и развитие / по ред. д. и. н. проф. В. А. Юрчёнкова. — Саранск, 2011. — С. 130. — 220 с.
  • Этногенез мордовского народа. Саранск, 1965.
  • Юрчёнков В. А. Мордовский народ: вехи истории. — Саранск, 2007. — С. 97—98.
  • Юрчёнков В. А. Начертание мордовской истории. — Ижевск: Университет, 2012. — С. 83. — 611 с.
  • László Klima. The linguistic affinity of the Volgaic Finno-Ugrians and their ethnogenesis (early 4th millennium BC — late 1st millennium AD), Societas historiae Fenno-Ugricae (1996), ISBN 951-97040-1-9

Ссылкатне

Сявф"https://mdf.ruwiki.ru/w/index.php?title=Мокшэрзятне&oldid=418198"-ста