Феоктистов, Александр Павлович
| Александр Павлович Феоктистов | |
|---|---|
| Шачсь | 27 августста 1928 |
| Шачема вастсь | Шаблон:Шачема вастсь |
| Кулось | 6 сентябрьста 2004 |
| Кулома вастсь | Шаблон:Кулома вастсь |
| Масторсь | |
| Покодемань тиендемац | тонафты, филологическяй наукань кандидат |
| Казнет |
Мордовия Республикань наукань заслуженнай деятель |
Q5Феоктистов, Александр Павлович
Алекса́ндр Па́влович Феокти́стов — шачсь 27-це августста 1928-це кизоня, кулось 6-це сентябрьста 2004-це кизоня — российскяй лингвист, финно-угровед, профессор, Мордовия Республикань наукань заслуженнай деятель. Наукаса сон тонафнезень национальнай и общефинно-угорскяй лингвистикать, диалектологиять, лингвогеографиять, лексикологиять, кялень тиевомань китнень-яттнень мокшень и эрзянь литературнай кяльхнень.
Эрямань киц
Шачсь велень служащаень семьяса мокшень Заберезова велеса Краснослободскяй райононь тяни Мордовия Республикань 1949 изоня аделазе тонафнеманц Краснослободскяй педагогическяй училищаса, а 1952-це кизоня А. И. Полежаевонь Мордовскяй государственнай педагогическяй институтть (тяни Н. П. Огарёва лемса университетть). Шумордазе аспирантурать СССР-нь Наукань Академиянь Языкознаниянь институтть 1955-це кизоня. Аспирантурада меле покодсь тязк научнай сотрудникокс финно-угорскяй кялень секторса. Вете кизот ульсь художественнай переводонь кафедраса преподавателькс А. М. Горькаень лемса Литературнай институтса Москуса[1].
Покодемац Россияса и омба масторса
1986-це кизоста сявомок 1990-це кизоти самс год покодсь доцентокс Венскяй университетса.
Сяда товолдонь научнай карьерац ульсь сотф Мордовиять мархта. 1991-це кизоня ульсь кочкаф доцентокс мокшэрзянь кялень кафедрав М. Е. Евсевьевонь лемса Мордовскяй педагогическяй институтть, тяста кафта кизос ульсь тертьф преподавателькс Будапештскяй университету, тяса теенза максфоль профессоронь званиясь. 1992-це кизоста сявомок и эряфонц аделавомозонза покодсь мокшень кялень кафедраса и финно-угорскяй и сравнительнай языкознаниянь кафедраса профессоркс Н. П. Огарёвонь лемса Мордовскяй государственнай университетонь. Сон лац корхтась лама кяльчв: мокшень, рузонь, финнонь, венгрань, немецень, эстононь кяльса. Шарьхкодель мариецень кяльса.
Ульсь ламоц всемирнай финно-угроведонь конгресса, сувафтфоль Международнай обществань Венгерскяй филологиянь, Финно-угорскяй литературнай (Финляндия) и Урало-Алтайскяй финно-угорскяй обществатненди. Россиянь финно-угорскяй нароттнень историяснон и кульураснон кизефксснон коряс терневсь лекциянь морафтома Австриянь, Венгриянь, Финляндиянь университеттненди.
Учёнайть научнай трудонза
Александр Павлович Феоктистовонь кядялда лиссь 300-ть малава научнай работа, сяконь лувксса 7 монографият, 4 валкст и аф фкя учебнай пособия. Сонь вятеманц вельде 20-да лама аспирант араласть кандидатскяй диссертация мокшэрзянь кялень кизефкснень коряс[2]. Тяфта жа А. П. Феоктистов кирдсь соткст и покодсь Библиянь ётафтомнь институтть мархта Хельсинкиса. Мокшень кяльс сон ётафтозе Марконь коряс Евангелиять.
Литературась
- Алёшкин А. В. Выдающийся финно-угровед. — Очерки по истории формирования мордовских письменно-литературных языков. — Саранск: Мордовское кн. изд-во, 2008. — С. 3—24. — ISBN 978-5-7595-1753-5.
Лятфтамат
Ссылкатне
- Цыганкин Д. В. /Александр Павлович Феоктистов — один из виднейших финно-угроведов Архивная копия от 16 июньцта 2016 на Wayback Machine
- Чтим память выдающегося финно-угроведа Александра Феоктистова — Новости — МГУ им. Н. П. Огарёва
 |
| |||
|---|---|---|---|---|
