Эрзя (ломатть)

Эрзянь калконь котфсь

Эрзя ломатть, Эрзятне — кунардонь Рав лангонь васень эряйхне, Суоминь тарадста ломатть. Эрзятне корхтайхть эрзянь кяльса, кона Суоми-Равонь кяльхнень эзда фкясь, Суоми-Угрань кяльхнень тналть тарадоц. Теенза малады мокшень и маринь кяльхне.

Сембода ламось эрзя ломаттнень эзда эряйхть Мордовиянь Республикса, Российскяй Федерацияса, Рава лангса. Эрзятне эряйхть лия аймакова: Самараса, Сибирень аймакса, Пензаса,Оренгбурогонь аймакса и Татармасторса.

Калкть лемонц мяляфнематне

Эрзять этнонимть юронза молихть иранонь валти (ираноннекс arsan - "алянь, аля"). Сембода кунардонь тяштькснень эса эрзя (арису) валсь васьфневи Казариень каганть Иосифонь (10 с.) Хасдай ибн Шафрутунди (ульсь европань сановникокс Абд ал Рахман III (912-961) и Хаккам II (961-976) испаниянь калифненди сёрмасонза. Тя сёрмаса азондови, кодама калкт эряйхть Итильть (Равать) малава и кит пандыхть каяфкс Казармасторти. Тяштьксса калкнень лемсна азфт тяфта: бур-т-с, бул-г-р, с-вар, арису, ц-р-мис". Улихть мяльхть, што эрзяттне лятфневсть сяда инголевок. Кепотьксонди, кунардонь греконь географне Страбона (аорсне) и Птолемей (арсиитне) эсь тяштьксост тя валть азондозь ни. Арабонь географсь и якайсь-шяяйсь Ибн-Хаукаль (10 с.) пачфнесь Arsaja(Ersaja) тналть колга, синь оцязорсна, кле, "Arsa" (Ersa) масторса", ся "масторса лама келазень, акша келазень кедняда, кивида". Эрзяттнень ("арджаттнень"), тяфта и мокшетнень колга сёрмадсь 14 векть ушетксста иранонь тонафтф ломанць Рашид ад Дин, "Рзяттнень" колга сёрмадсь ногаень ширязсь Юсуф. Сонь грамотац кучфоль Москуву 1548 кизоня.

Эрзянь атянь лепне

Эрзянь этнонимсь сидеста васьфневи кунардонь сире пингонь лепнень эса: Эрзяй, Эрзей, Эрзямай, Эрзякай, Эрзют, Эрзиман,а синьцтост тусть ни фамилиятка: Эрзяев, Эрзин, Эрзямаев, Эрзякаев, Ерзюков, Эрзянинов, Эрзиманов, Эрзов, Эрзяйкин, Эрзюткин. Тяфтама фамилият эрзятне канихть тячемс.

Кяльвалсь

• "Мокшерзят" энциклопедиясь. Нюрьхкяня азкст мокшэрзянь калкнень эрямопингснон,этнографияснон эди культураснон колга. Саранск; 2004 к.