Мокшэрзятнень I—XIX веконь археологическяй памятниксна

Мокшэрзятнень I—XIX веконь археологическяй памятникснонды кандовихть калмонь, эряма вастонь, ритуальна-культовай  памятникне, конат муфт Поволжьяса. Сембода кунардонь тяфтама памятникокс лувови Андреевскяй курганць, кона кандови минь эрань I—II сядокизотненди и кандови кунардонь пингонь мордвать культуранц арамань-вииямань пингонь ушедомати.

Типологиясь и хронологиясь

Сембода оцю путфкс кунардонь пингонь мокшэрзятнень историяснон тонафнемаснонды тись М. Р. Полесских. Сон ванозень-тонафнезень Селексенскяй могильникнень (Сяда сиреть и Сяда одть), Селикса-Трофимовскяйть, Алферьевскяйть, Тезиковскяйть, Степановскяйть, Армиевскяйть и лиятнень. Тя лездсь тиемс ня памятникнень типологияснон и хронологияснон, а стане жа явфтомс мокшэрзянь культурать касомасонза эрь кодама этапт. Сембе тонафнеф могильникнень сон явозень этапова: селиксенскяй III—IV сявокизотне, ражкинскяй или селикса-трофимовскяй IV—V сядокизотне, армиевскяй VI—VII сядокизотне, поздняй армиевскяй VII — VIII сядокизоть ушетксоц. Вяре азфть коряс М. Р. Полесских арьси, кле, эрь этапть сонцень этносоц: I — аф кунардонь аборигеттне, II — лия вастста саф пляматне, конат  раднят аборигеттненди, III—IV — эсь лацонь этнос. Тяфтама периодга явомась корхтай Сура ляйть вярдень ширезонза ломаттнень самаснон колга Мокша ляйть ширде, коса ащи Кошибеевскяй и Ражкинскяй могильникне. Ванондомок мокшетнень и эрзятнень этногенезснон коряс кизефкснень, М. Р. Полесских китькстазе, кле VI-це сядокизоста городецкяй культурань мекольдень пляматне шоворсть селиксенскяй ломаттнень ёткс, коса и ладявсь-эвондась кунардонь пингонь мордвать культурац. Сонь сяда товонь эрямань кинц учёнайсь панчсесы Пензань могильникнень материалснон коряс ладяф периодизациять корява: I — лядинскяй этапсь VIII—IX сядокизотне, II — домонгольскяйсь XII—XIII сядокизотне, III — золотоордынскяй XIII—XVсядокизотне .  Мордвать сембода кунардонь могильникокс лувовихть селиксенскяй типонь калмонь памятникне, конат ащихть Сура ляйть вярдень ширесонза и Мокша ляйть вярдень ширесонза (Старшай Селиксенскяй, Селикса-Трофимовскяй, Степановскяй, Алферьевскяй, Пензенскяй, Шемышейскяй, Армиевскяй 1, Усть-Узинскяй 2, Ражкинскяй и Тезиковскяй могильникне).

В. И. Вихляев явонды колма пингонь пялькст мордвать келемоманц коряс тёжянь кизонь периодста (III—XIII сядокизотне), корхтамок 75 лама археологическяй памятникнень колга, конат муфт Поволжьяса: III—VII, VIII—XI и XI—XIII сядокизотнень. III-це векста эвондакшнихть кунардонь могильникт, конатнень эса муф мазоптоматнень коряс шарьхкодевихть, што синь мордватнень.

Нежедемок археологическяй источникнень анализснон лангс, Ю. А. Зеленеев и О. В. Зеленцовась мокшетнень и эрзятнень кучка веконь историясост явсть ниле оцю периотт «родового стройть мекольце стадияц. Минь эрань VIII—X векне»,  «мордватнень ингольдень гусударстваснон ладямасна-эвондамасна. Минь эрань XI—XIII векне», «мордвась Золотой Ордаса. XIII—XV векне», «мордвась Рузонь государстваса. XVI—XVIII векне». Эрь пингонь пялькссь явови лиятнень эзда этнокультурнай, социально-экономическяй и геополитическяй процесснень эсь лацонь ширьснон и вииста или аф вииста молемаснон вельде.

II—VII веконь памятникне

Мордвать II—VII-це веконь калмонь памятникненди  кандовихть тяфтама могильникне— Иваньковскяй; Волчихинскяй; Сергачскяй («Святой ключ»); Сергачскяй («Кожина слобода»); Таутовскяй; Абрамовскяй; Стексовскяй; Погибловскяй; Тезиковскяй; Ражкинскяй; Пензенскяй; Селиксенскяй; Селикса-Трофимовскяй; Степановскяй; Алферьевскяй; Шемышейскяй; Армиевскяй I, Сендимиркинскяй. Од даннайхнень коряс, конатне сявфтольхть Ражкинскяй могильникть шувомстонза-ваномстонза, Мокша ляйть ваксса кунардонь пингонь мордвать появамац кантфоль минь эрань II векть кучканцты.

VII-це векть пенцты – VIII-це векть васенце пяленцты мокшэрзянь пляматнень эряма-ащема вастсна таргавсть марнек Мокша и Сура ляйхнень ётка васттнень эзга, ушедомок Сура ляйть вярдень ширестонза и Мокша ляйть вярдень ширестонза и Рав ляйти молемс, ся вастти, коса Ока ляйть прама вастоц и Сура ляйть прама вастоц. Тя аймакнень эса ладявсь кунардонь мордвать культуранц кафта вариантонза: кельме ширеса кунардонь эрзянь и лямбе ширеса кунардонь мокшень.

VII—XI веконь памятникне

VII—XI веконь калмонь памятникненди кандовихть: Иваньковскяй; Волчихинскяй; Личадеево 5; Красное III; Старшай Кужендеевскяй; Погибловскяй; Выползово I, Перемчалкинскяй; Пурдошанскяй; Мордовско-Козловскяй; Краснослободскяй «Мещанский лес»; Старозубаревскяй; Тенишевскяй; Степановскяй; «Заря I»; Журавкинскяй I; Журавкинскяй II; Куликовскяй; Кельгининскяй; Старобадиковскяй II; Томниковскяй; Давыдовскяй; Серповскяй; Пановскяй; Луговской; Кармалейский; «Красный Восток»; Елизавет-Михайловский; Крюково-Кужновский; Малоижморскяй; Кулеватовскяй; Лядинскяй; Кривозерскяй; Армиевскяй II; Хохловскяй; Шалинскяй могильниксь.

XI—XIII веконь памятникне

XI—XIII веконь калмонь памятникне: «Пятница» VII; Личадеево V; Стексовскяй; Младшай Кужендеевскяй; Погибловскяй; Сыресевскяй; Выползово II; Выползово VI; Краснай I; Заречнай II; Коринскяй; Стародевиченскяй; Мордовско-Паркинскяй; Ефаевскяй; Куликовскяй; Черемисскяй; Кельгининскяй; Старобадиковскяй 1; Татаро-Лакинскяй; Сядемскяй; Саровскяй; Дубровскяй.

VIII—XI векнень мокшетнень модасна шашфтовсь кельме и ши валгома шири, тя ули кода шарьхкодемс, што Хазарскяй каганатть пяльде ульсть врьгятнемат и эздост пелемать эзда эряма вастснон шашфтозь тяда шири эздост. Эрзятнень эряма вастсна тя пингть ашезь полафта. XI—XIII векнень мокшэрзятне повсть Древняй Русть и Волжскяй Булгариять кядялу. Тя государстватнень ёткса тюрендематне, а меле Русень князьнень ёткса аф ладяматне, тюрендематне, мезень сюнеда мордватне кадонзозь модаснон и тушендсть сяда сетьме васттненди: мокшетне – Мокша и Вад ляйхнень ётконь модатнень лангс, эрзятне – Тёша ляйть малас.

XIII—XV веконь памятникне

Тя пингть мокшэрзянь модатнень лангса васток-васток ушедсь азорондама Казанскяй ханствась, а стане жа ушедсть эвондакшнема татаронь велет . Мокшетнень и эрзятнень XIII—ХIV веконь археологиянь памятниксна мушендовсть ичкозе ся васттнень эзда, косотольхть мокшетнень и эрзятнень афкуксонь модасна. Тя лисендсь сянкса, што Золотой Ордать каназоронза якасть вастста вастс и мархтост сявондезь и мокшэрзятненьге, конат ванцть караванонь якама китнень мельге. Самарскяй Поволжьяса муфоль золотоордынскяй эпохань 11 памятник, косотольхть и мордвань материальнай культурань артефактт. Синь ламоншкасна муфтольхть Саратовскяй областьса, (Аткарскяй и лия могильникне) XIV—XV-це веконь памятникне кржа содафт.  А. Е. Алихова китькстазе сянь, што эрзятнень XIV-це векста появась курган лаца тиф калмосна, тя сась теест кочевой нароттнень эзда.

Китькстафт тяфтама могильникне: Бокинскяй, Муранскяй, Усинскяй, Барбашинскяй; велетне: Печерские Выселки, Муранское, Берёзовское, Барбашинское, Верхне-Хрящевское, Сухореченское, Кануевское.

XVI—XIX веконь памятникне

Мокшетнень и эрзятнень эряфса тя пингонь (XVI—XIX-це веконь) политико-экономическяй и миграционнай полафксне сотфт XVI-це веконь омбоце пяльксонь событиятнень мархта, мзярда мокшэрзятнень модасна и Средняй Поволжьянь и Приуральянь лия нароттнень модасна сувафтфтольхть Рузонь государствати.

Сядода лама кизонь потмоста археолокне тонафнесть 834 калма XVI — XIX веконь ушетксонь мокшэрзянь 66 могильникста. Лама аф фкя шида эрь кодама калмамань паршитнень ёткса;  эвондасть од мазыптомбяльхть, контнень ёткса улихть христианскяй культоннет, а стане жа няевсь мокшетнень и эрзятнень щамбяльхне шорсевсть фкя-фкянь мархта. Нумизматическяй материалть коряс явфтольхть хронологиянь коряс могильниконь ниле группат: 1). XVI—XVII-це веконь — Корино, Вертелим, Лобаски, Aнютино, Дуброво, Дубенки, Нароватово, Русское Маскино, Тоторшево, Редкодубье, Мордовская Пырма, Паево; 2). XVII —  XVIII-це веконь кучкась — Ачадово, Сабаево, Кельгинино, Сарлей, Рыбкино; 3). XVII-це векть пец—XVIII-це вексь — Ардатово, Рузлатка, Атяшево, Старая Яблонка, Стародевичье, Старые Печеуры, Старая Яксарка; 4). XVIII-це векть пец — XIX-це векть ушетксоц — Коноваловка и Торновое.

Эрзятнень могильниксна:Анютинскяй, Ардатобскяй, Армневскяй 2, Беловодскяй, Козловскяй, Коноваловскяй, Налитовскяй, Сабаевскяй, Сарлейскяй, Коринскяй, Лобаски, Торжок и Тоторшевскяй; мокшетнень: Адашевскяй, Ачадовскяй, Вертелимскяй, Кельгининскяй, Мордовско-Пырменскяй, Нароватовскяй, Паевскяй, Привольевскяй, Русско-Маскинскяй и Шелехметскяй.

Лятфтамат

Литературась

• Полесских М. Р. Археологические памятники Пензенской области. Пенза, 1970; он же. Древнее население Верхнего Посурья и Примокшанья. Пенза, 1977; Пензенская энциклопедия. М., 2001; Гришаков В. В. Хронология мордовских древностей III—IV вв. Верхнего Посурья и Примокшанья // Пензенский археологический сборник. Пенза, 2008. Вып. 2.
• Горожанский Н. Материалы для археологии России. Вып. 1. М., 1884; Полесских
• Полесских М. Р., 1966. Тезиковский могильник // Исследования по истории, этнографии и археологии Мордовской АССР. — Саранск. — Вып. 30
• Полесских М. Р., 1977. Древнее население Верхнего Посурья и Примокшанья. — Пенза. — 88 с
• Полесских М. Р., 1979. Армиевский могильник // Археологические памятники мордвы I тыс. н. э. — Саранск. — Вып. 63.
• Поволжская археология ISSN 22306-4099 № 2 (4) 201
• Археологические памятники мордвы первого тысячелетия нашей эры. Науч.-иссл. ин-т яз., лит., истории и экономики при Совете Министров Мордов. АССР. Ред. кол.: докт. ист. наук, проф. Г. А. Фёдоров-Давыдов, канд. ист. наук М. В. Дорожкин, В. Н. Мартьянов, И. М. Петербургский. — Саранск: Мордов. кн. изд-во, 1979. — 172 с. с рис. — Библиогр. — (Труды, вып. 63).
• Научно-исследовательский институт языка, литературы, истории и экономики при Правительстве Мордовской ССР. Том 30. Исследования по истории, этнографии и археологии Мордовской АССР. — Мордовское книжное изд-во, 1966. — 301 с.
• И. Т. Кругликова, Институт археологии. Средневековая археология Восточной Европы / Академия наук СССР. — Наука, 1983. — 108 с.
• Институт археологии (Российская академиия наук). Российская археология, Выпуски 1-4. — Наука, 2003.
• Зеленеев Ю. А., Зеленцова О. В. Средневековая мордва: По археологическим данным / Марийский государственный университет, г. Йошкар-Ола; Институт археологии РАН. — М.; Йошкар-Ола, 2012.
• Гришаков В. В., Ставицкий В. В. Хронология древнемордовского Ражкинского могильника // Актуальные проблемы гуманитарных и общественных наук: сборник статей II Международной научно-практической конференции. Пенза: РИО ПГСХА, 2015. С. 14-19.
• Могильники мордвы III—V вв. и проблем единства древней кульуры © 2017 г. В. И. Вихляев / e-ISSN 2500—2856 // Поволжская археология № 1 (19) 2017