Мокша (ломатть)
Мокша, Мокшетне (Мокша ломатть), Рава лангонь кунардонь васень эряйхне. Мокшень-тя прибалтийско-финскяй кяльсь финно-угорскяй кялень тналть тарадоц. Теенза малады эрзянь, маринь и тяни кулоф мерянь, муромань, мещёрань кяльхне.
Мокшетне эряйхть Мордовиянь Республикаса, Россияйскяй Федерацияса, Равать кучка вастсонза. Мокшет эряйхть Самарань, Пензань, Оренбургонь, Татармасторса, Сибирьса.
Каратайхть Мокшень юромста ломатть, Татармасторонь Кама ляйть видеса эряйхне, конат корхнихть татаркс сире мокшень валлувкс мархта. Каратайхне эсь пряснонды мярьгихть «мукша».
Кунардонь эрямопинге
Васенце сёрматф мяляфнемат мокшетнень колга васьфневихть Геродотонь покамасонза[1]. Сон сёрмадсь Скифо-Персонь торпингть колга, кона ульсь 512 к. минь пингтонк инголе и токазе сембе тя пингонь Рава лангонь эряйхнень. Скифт панезь сарматтнень и сявозь кядялу мокшень мзярошка юрснон, эздост синь аф ламоль и теест ульсь аш кода азорондамс ламос. I—II тёжянь кизотнень антт, славятт, мокшетне и эрзятне ульсть инь вии и инь лама лувксонь пляматне Шинь стяма шире Европса[2]. IV векть песта лама мокшеда тусть гуннонь сотксстост, синь полаясть Остготонь оцязорксшиснон тапамаса 377 к., меле пачкодсть Паннониянь. Мокшень камбаронь эрявиксне (нокта, пандоз) пяк маладыхть васенце гуннонь камбраз эрявиксненди, мала эрявикснень музь Шинь стяма ширень Европава и Кавказса[3]. XIII сяда кизонь лисематнень коряс мокшетне лятфневсть тя пингонь Паннониянь и Богемиянь эряйхнень ёткса.[4]. Мокшень ширязонь модасна Ока-Дононь ляень ёткова тя пингста ульсть гуннонь Гунивар масторть кядень кирдикс[2]. Аттилань оцязорксшиса паннониястонь мокшетне ульсть сонь ушмонц пяльксса Римть каршес якамаса. Архиологиять коряс мокшень модатнень масторкитькссна исть полафтов IV векста сявомок VIII векти молемс. Тя пингть лемнесазь Зрня пингокс и Тюштянь оцязоркшикс, мзярда сон ащесь вятиксокс мокшень, эрзянь и лия суоми-угрань калкнень сотксонди[5]. 450 кизоти тиевсь мокшетнень алаттнень соткссь Рава лангса[6], содаф буртас лем ала[7]. Мокшетне (латинкс Moxel) лятфневихть Гийом де Рубрукть, Рашид-ад-Динть и Йосафат Барбароть сёрматфснон эса.
Ётка пинкт
1236 кизоть ушетксста монголонь ушмось маладсь Мокшень масторть лямбе ширезонза. Кода пачфни венгрань монахсь Юлиан: «Мокшень и эрзянь кафта оцязорхнень эзда фкясь сембе калконц и тналонц мархта макссь пря татархненди, омбоцесь мзярошка ломанензон мархта тусь вирень кяшема васттненди». Рашид-ад-Динонь «Джами-ат-таварихть» («Сёрмадоматнень кярьксть») эса пачфни (4 сентябрьста 1236 кизоня — 23 августковс 1237 кизоня) Джучинь цёранза Бату, Орда, Берке, Угетай канонь цёрац Кадан, Чагатаень унокоц Бури, Чингиз ханонь цёрац Кулькан «састь мокшетнень, буртаснень и арджатнень лангс и торпингста курок сяськозь синь». Пуреш оцязорсь арась Батунь кяденьгирдикс и тейнза савсь сонь ушмонц мархта молемс монголхнень мархта шивалгома шири. 1241 кизоня монголонь ушмось сявозень Краку ош, Сандомир ошпанда и Легница ош. Легница ошть ваксса тюремаса монголонь ушмось тапазь германиянь и польскяй ушмотнень.
Содаф мокшетнень лувомась
- Тюштянь, мокшень и эрзянь оцязорсь, ушмовятись
- Селик, инялясь, Селиксонь ушедыец
- Цёфкс, мокшень ширяз алясь, содаф кона «Соловей-разбойниксь»
- Пуреш, (1190—1241) мокшень каназорсь, ушмовятись
- Атямас, (? — 1241) Пуреш каназорть мельгеньбанись, ушмовятись
- Наручадь, (? — 1242) мокшень ширязавась, ушмовятись, Зрня Ушмоть каршес тюрембингонь инявась
- Мокший, (1300 кизот) васенце мокшень кучф ломанць (дипломатсь)
- Митрополит Антони (Вадковский), (1846—1912) Выборгонь и Суоми масторонь епископсь, Рузмасторонь церькавста кучф ломанць Великобританияста, Оксфордонь и Кембриджень университеттнень Шкайвалонь и койхнень докторсь
- Черапкин Иосиф, (1884—1935) мокшень кялень содайсь, тонафнефсь
- Дорофеев Захар, (1890—1952) мокшень валморайсь, тонафнефсь
- Безбородов Михаил, (1907—1935), мокшень валморайсь, ётафтысь
- Девятаев Михаил, (1917—2002) Советскяй Союзонь Геройсь, ворьгодсь менельвенежса нацистонь Пеенемюнде лагерьста
- Мокшони Алексей, (1898—1971) мокшень сёрмадысь, профессорсь
- Виард Василий, (1907—1971) содаф сёрмадысь
- Шукшин Василий, (1929—1974) налхкись, сёрмадысь ди налхкома сёрмадысь
- Александр]Феоктистов, (1928—2004) суоми-угрань кялень содайсь, сёрмадсь 100-да лама тонадомань сёрмадома мокшень, эрзянь и суоми-угрань лия кяльхнень коряс
- Пудин Александр, мокшень сёрмадысь, драмань сёрмадысь, валморайсь, ётафтысь
- Ельмеев Василий, профессорсь
- Маскаев Олег, боксса тюрись
- Кошелева Нина, музыкань сёрмадысь, Д. Д. Шостаковичень казнень лауреатсь, Мордовия Республикать гимнать сёрмадыец
- Exhibition Red.Yelow.White IMG 2308.webm
- Khrymov V.D. (1908 - 1958). "Moksha woman". 1955.jpg
- Mordvin-moksha bride. XIX century 08.jpg
- Sulgam - silver female breast brooch with pendant. Mordvins-moksha, IXX-XX centuary. Kauri shells Penza province. Narovchatovsky uezd (Vechkenino village).jpg
- Aksha kelu, Vadovskie Selisha.jpg
- Mastoravanj tundo 20170521 DSCN0564.jpg
- OYME festival Heart of Eurasia.jpg
.jpg)
Кяльвалсь
- Kevin Alan Brook. The Jews of Khazaria. 2nd ed. Rowman & Littlefield Publishers, Inc, 2010. ISBN 978-0-7425-4981-4
Лятфтамат
- ↑ Kuussaari, Eero, Suomen suvun tiet, F. Tilgmann Oy, Helsinki 1935
- ↑ 1 2 Федорова М. В. Славяне, мордва и анты.- Издательство Воронежского Университета, 1976
- ↑ Ахмедов И. Р. Псалии в начале эпохи великого переселения народов // Культуры Евразийских степей вт. пол. I тыс. н. э.: (из истории костюма) . — Т. 2 . — Самара, 2001 — С. 220—222
- ↑ Annales Monastici. Vol. II: Annals de Wintonia; Annales Monasterii de Waverleia. Ed. H. R. Luard. London: Longman, Green, Longman, Roberts, and Green, 1865
- ↑ Энциклопедия «Мордовиясь» Саранск, 2007
- ↑ Афанасьев Г. Е. Буртасы // Исчезнувшие народы. — М., 1988. — С.85-96.
- ↑ Афанасьев Г. Е. Этническая территория буртасов во второй половине VIII — начале Х века // СЭ. — 1984. — № 4 — С.28-41
Мокшень сёрмалопат
- Мокша (кяльвал, культур)
- Мокшень правда (кулялопа)
- Якстерь тяштеня (шабань)
Лия Кучфтемат
|
Мокша РУВИКИ.медиа |
|---|