Мокша (ломатть)

Рувики лопаста

Ванф Российскяй Наукань Академияса

Logo-ran.png
Ванф
Ванф Российскяй Наукань Академиять видеса
Сяда крхкаста
Aprove.svg

Ванф Российскяй Наукань Академияса

Arrow-Right.png
Logo-ran.png
Ванф
Российскяй Наукань Академиять вельде
Сяда крхкаста
Для термина «Мокша» см. также другие значения.
Мокшане
Тяниень лемоц мокша
Лувкссь и эряма вастсь
Марнек: 11801[1]

Рузмастор котфоц Россия:
Колганза
Кяльсь мокшень, рузонь, татаронь
Религиясь православие, мокшень кой, лютеранства[2]
Сувай  мордва
Раднянь нароттне эрзятне, марийцне
Этническяй кужетне каратайхне
Эвондамац мордва, мурома, буртаст
Логотип РУВИКИ.Медиа Мокша

Мокшетне, мокша (мокшекс мокшет) — мокшэрзянь народть кафта основной этническяй группатнень эзда фкясь (омбоцесь — эрзят). Кой-коста явфневи эрзятнень эзда кода башка народ[3]. Млкшетнень родной кяльсна мокшень кяльсь — финно-угрань кяльхнень эзда фкясь.

Кунардонь пингста сявомок ладявсь, што мокшетне Эряйхть Россияса аф фкя вастса. Ламошкасна эряйхть Сембе Мордовияса, лия народонь ломатть эряйхть Кучка Россиянь региоттнень эса, Поволжьяса и Сибирьса. Мокшень сатомшка оцю диаспоратне сёрматфт и лия масторса: Эстонияса, Австралияса, США-са.

Башка явфнесазь Татарстанонь Камско - Устьинскяй районца эряй мокшетнень.

Башка явфнесазь мокшетнень, конат эрясть Татарстанонь Камско-Устьинскяй районца[4]. Тя группать лемнесазь каратайкс. Синь эсьлацонь шисна няеви кяльса  — каратайхне корхтайхть татаронь диалектса мокшень кяльть мархта шовор[5].

Российскяй мокшетнень ламосна — православнайхть, но улихть и стамотка, кинди сяда мала традиционнай религиясь (мокшень кой).

Этнонимсь

Е.М. Поспеловонь топонимическяй валксонц коряс, мокшеть лемоц катф Кунардонь индо европань Эряйхнень ёткса Поочьясь, конат корхтасть балтонь кяльти мала кяльса. Мокша Гидроним серцек ащи meksha индоевропейскяй юрть мархта, конань смузец " шудема, шудерькс»[6]. Омбоце версиять коряс, кодама кяльста сась мокша гидронимсь видеста апак содак, и ащи реликтокс тячиень шиня аф содаф кулоф финно-угрань кяльса[7]. Мокшетне тя ляйть лемнезь Ю (финонь кяльса jokki «ляй»), лия исследовательхне лятфнихть колганза, кода Йов ляйень колга.[8][9], мезсь аф корхтай вариантть колга, коста эвондась мокша этнонимсь ляйть лемста. -Кша формантть лангс гидронипне келиста няфтьфт Ока ляйть бассейнаса: Лакшась, Колакшась, Селекшась, Шумокшась, Серокшась, Шокшась и лиясь, сяс синь азондомасна няеви финно-угрань кялень материалть коряс[10]. Мокша топонимсь ввасьфневи Окать басейнанц видеса и кода эрьхконь и ляень лем Клязьма ляйть видеса[11]. Исследовательхнень мяльснон корясм Мокша гидронимть юрс марстонь финскяй пингста мадсь мокс апеллятивсь (мокш вариантсь), тяфтама смузьса «ушеткс, шудема, ласьки ведь». Славянскяй кялень модаса тя гидронимть азондомац («начка, летьке», сравниндак Мокоша — восточнай славяттнень плодородиянь шкайавась) лувондови аф прокс оправданнайкс, сяс мес славяттнень тя вастса эряма ётнесть сяда меле[12][10][13][14][15].

Физическяй антропологиясь

Васенцесь, кие сёрмадсь мокшетнень и эрзятнень антропологическяй ширеснон колга, ульсь немецкяй учёнай-энциклопедист, естествоиспытатель и путешественник рузонь службаса Пётр Симон Паллас (1773), конань ванфксонзон коряс валда-русай и тюжя шяярень мокшеда ульсь сяда кржа эрзятнень коряс, аньцек мекольцетненьге стане жа ульсть шобда-русай шяярьсна[16]. 1912 кизоня лиссь С.К. Кузнецовонь лекциянь курсоц, кона отмечасы мокшетнень и эрзятнень антропологическяй эсь лацонь ширеснон, коса корхтави, што мокшетнень ули сяда лама антропологическяй типсна. Эрзятнень коряс сяда сидеста васьфневихть акша шяярьда, уле сельмода и валда киське мархта ломаттнень, мокшетнень васьфневи равжа шяярьда и сельмода, равжа, тюжаза тюжя шяярьда мархта сяда лама ломань[17].

К. Ю. Марк явфнесы субуральскяй и северопонтийскяй типть мокшетнень эса, эрзятнень — сурскяй типть, кона мала западно-балтийскяйти.[18]. Антропологс Т. И. Алексеева китькснезе, што мокшетнень эса, эрзятнень коряс, сяда ламода лямбе ширдень европеоиттненди, а эрзятнень сон сувафнесыне кельме ширдень европеоиттненди[19]. В. Е. Дерябин китькстась мокшетнень эса восточно-европейскяй брхт, конат тиевсть понтийскяй антропологическяй компонентть мархташовордаф аф ламода уралоидностть мархта[20].

Российскяй академиянь наукань (2000) изданиять коряс, конань вятезе А.А. Зубова, эрзятне кандовихть европеоиднай расать (руз.) (мок.беломоро-балтийскяй вариантонцты, кона, эрзяда башка, няфневи прибалтийскяй финноязычнай ламонц нароттнень и коми-зыряттнень пяльксснон мархта. Мокшетне канневихть уральскяй расати, конань потмоса мокшетне канневихть субуральскяй подтипти.[21]. Антропологическяй аф фкаксшись эрзятнень и мокшетнень ёткса, кона эсь юрсонза нежеди европеоиднай расать лангс и субэтноснень антропологическяй однороднай народонь эзда фкясь, зсотф сянь мархта, мес мокшэрзянь беломоро-балтийскяй юрозост мзярошкада путовихть атлантическяй и северопонтийскяй типне. Васенце типсь эрзятнень видеса, омбоцесь — мокшетнень, хоть и тя, и омбоце типне (руз.) (мок. улихть эряйхнень кафцьке категориятнень эса[22]. Антропологическяй ширеть коряс мокшетне эвондасть эрь кодама типонь шовордамать сюнеда (беломорскяй, понтийскяй, восточно-балтийскяй) европеоиднай расань (руз.) (мок.[23].

Эряма вастсь

XX-це векть ушетксста, топонимическяй сведениятнень лангс нежедезь, С.К. Кузнецов сёрмадсь тяфта: «эсь историянц кунардонь пингста мокшэрзятне занцесть оцю васта, кона сатнезень тяниень губерниятнень: Казанскяй, Нижегородскяй, Пензенскяй пялькснень, Рязанскяй и Калужскяй, Симбирскяй, Тамбовскяй и Саратовскяй губерниятнень. Мокшэрзятнень эвондамасна сембода алгак вастса, Астраханть ваксса, канневи ни поздняй пингти, а тяниень Уфимскяй и Оренбургскяй губерниятнень эса сон эвондась XVI-це и ваендакиге XVII-це векнень». Васенце шачема вастокс мокшэрзятненди ащи средняй Волгать види трвац, Окать и Сурать види шудерькссна. Мокшэрзятне панезь тяста финскяй пляматнень, конат ётасть эряма северу[17].

Политикань туфталонкса мокшэрзятнень эряма вастснон границасна фалу полафневсть. Археологиянь памятникнень, конат ащихть средняй Цнаса, материалснон и калмамань койснон анализсна лездсь кандомс мокшетнень фкя этническяй юромснон минь эрань VIII—ХІ векненди, конат эряйхть Цна, Мокша, Вад ляйхнень маласа[24]. Тя пингста мокшетнень эряма вастсна шашфтовихть кельме-шивалгома шири, мезсь сотфоль Хазаронь каганатть эзда пелемать мархта. Мокшетнень археологическяй памятниксна лац няфтьфт Вярдень и Средняй Мокшень бассейнаса сонь шудерьксонзон мархта. Именна тя территориясь (Вярце и Средняй Примокшаньясь и Средняй Поценьясь) VIII—X векнень ульсь основной районкс мокшень субэтность расселенияса.[25].

XI-XIII векнень мокшетне и эрзятне повондыхть Киевскяй Русть и Волжскяй Булгариять влиянияснонды. Ня государстватнень ёткса тюремась, а меле Русьса князть ёткса аф ладямась, вятсть мокшэрзятнень сяда аф пелькс районц ётамаснонды: мокшетнень — Мокшеть и Вад ляйхнень ёткса, эрзятнень — Тёша ляйть бассейназонза эряма[26].

Корхтамок Российскяй Империянь пинкнень колга, П. И. Мельников-Печерский сёрмадсь, што мокшетне эрясть Тамбовскяй кельме ширеса, Пензенскяй, Нижегородскяй, а тяфта Жа Симбирскяй и Саратовскяй губерниятнень эса кафта велетнень эса[27].

Тяниень пингть мокшетне эряйхть Мордовиянь шивалгомширеса (Инсар ляйть эзда шивалгомширеса). Мокшеттнень юрсна тяфта жа Эряйхть Белинскяй ошть маласа (ингольдень Чембарсь; Пензенскяй областть юго-западоц), Сура ляйть верховьясонза (Пензенскяй областень Пензенскяй и Городищенскяй райоттне), Татарстанонь юго-западса (Тетюшскяй районць), Самара ляйть кержи трвасонза и Оцю Иргиз ляйть (Самарскяй областть лямбе ширец и Оренбургскяй областть шивалгомширесонза), Бугуруслан ошть (Оренбургскяй областть кельме-шивалгомширесонза) и лия аймакнень эса[28]. Пензенскяй областьса мокшетне эряйхть, Наровчатскяй, Белинскяй и Шемышейскяй райоттнень эса.[29].

Лувкссь

Архивнай рабочай материалхнень 1926 кизонь переписть обработкаснон вельде В. И. Козлов 1958 кизоня макссь питне мокшетнень и эрзятнень лувксснонды 1926 кизоня[30]:

Эрзятнень и мокшетнень лувкссна 1926 кизоня
(тыс. чел.)
Эряма райоттне Эрзя Мокша
Пензенскяй губерния 104 274
Нижегородскяй губерния 82 3
Ульяновскяй губерния 178 1
Чувашскяй АССР 24 -
Саратовскяй губерния 121 34
Татарскяй АССР 24 12
Самарскяй губерния 210 42
Оренбургскяй губерния 11 12
Башкирскяй АССР 40 10
прочие районы 1 3
Сембоц Поволжьяса и Приуральяса 795 391
СССР-нь лия райоттнень эса (77) (77)
Марнек СССР-са 872 468

В.И. Козловонь лувоманц коряс эрзять марстонь лувксоц 1926 к. ульсь пцтай кафтонь крда сяда лама мокшетнень лувксснон коряс; авторть лувоманц коряс тя ётксь ульсь сяда оцю мокшэрзятнень эряма вастснон коряс, сяс мес инь юронь районца мокшетнень лувкссна 1926 к. аньцек аф ламода сяда кальдяволь эрзяда (237 и 297 тёжянь ломань).

1989 кизонь населениянь переписть даннаензон коряс Мордовскяй АССР-са эрясь 180 тёжянь мокша[источник не указан 1376 дней], лядыксне эрясть эздонза ширеса, РСФСР-нь, Поволжьянь и Сибирень Кучкастонь эрь кодама областтнень и республикатнень эса.

2002-це кизонь ломаттнень сёрмадомать коряс, мокшекс сявфоль мяльс 49624 ломань, лиякс мярьгомс, мордвать марстонь лувксонц 5,9%[31].

Эряйхнень лувксснон оду сёрмадоманон колга 2010-це кизоня, мокшекс эсь пряснон лемдезь 4767 ломань (0,6 % мокшэрзятнень лувкксснон учетнай сёрматфнень мяльс кирдезь)[32].

2010-це кизонь эряйхнень оду сёрмадомань уликснень коряс Россияса мокшень кяльть содасазь 2025 ломань[33].

Кяльсь и диалекттне

Мокшень кяль (тяфта жа мокша — мокшэрзянь; эсь лемоц — мокшень кяль)-финно-равонь юромонь финно-угрань кяльсь, канневи уралонь семьяти. Инь малакс мокшень кяльти ащи эрзянь кяльсь, сембе сяка оцю аффкаксшись фонетикань стройса, лексикаса и грамматикаса аф нолясыне синь корхтайснонды фкя-фкянь шарьхкодемс. Мордовия Республикаса мокшень кяльсь эрзянь и рузонь кяльхнень мархта ряцок официальнайкс.

Мокшень кялень диалектнай составсь аф фкя лацонь ширь мархта, кона няеви лексикань определеннай слойса, валть морфологическяй моделенц эса и грамматическяй стройть главнай структурнай элементонзон эса. Корязост явфневи мокшень кялень вете диалектонь типт (диалектт): центральнай, западнай, юго-восточнай, переходнай и шоряф, конатнень улихть эсь лацонь кялень явлениясна и относительнай территориальнай шаркссна:

  • I диалектнай типсь (центральнай). Фкя диалектсь (руз.) (мок., кона ащи мокшень письменно-литературнай кяльть юрса и кона ащи Мордовия Республикань кой-кона аймакнень эса: Атерень, Темникавонь, Ельникавонь, Краснослободскяень, Сире Шайгавонь, мзярошка Ковылкинань, Рузаевкань.
  • II диалектнай типсь (шимадомширень) васьфневи Мордовия Республикань Зубово-Полянскяй и васток Торбеевскяй райоттнень эса.
  • III корхтамань типсь (юго-восточнай) фатясы Мордовия Республикань шабра райоттнень территорияснон: Инсарскяй, Кадошкинскяй, Ковылкинскяйть мзярошканц и Рузаевскяй.
  • IV диалектнай типсь (ётамань) сидеста васьфневи Пензенскяй областень Белинскяй районца, Мордовия Республикань Торбеевскяй и Ковылкинскяй районца.
  • V диалектнай типсь (шоряфсь) васьфневи Мордовия Республикать (Нижегородскяй, Пензенскяй, Саратовскяй и кой-кона лия областтнень эса) шабраснь эрзянь корхтаматнень или лия кяльхнень мархта башка ащезь.

Этногенезсь

Этническяй юрсь мокшень мокшетне и эрзянь эрзятне тиевсь минь эраньконь II—IV веквекнень пингста[34][35], конань эзда 1-це тёжянь кизоть кучкаста тиеви сядонгольдень мокшетнень этгноссна Окско-Сурскяй ляйхнень лямбе ширдень ватса[36], а эрзяннесь — кельме ширденнеса.

XIX-XX векста мокшетнень и марнек мокшэрзятнень андрофакнень мархта сотфтольхть фкя лаца гипотезасна, но тяда меле лия ученайхне сонь сялдозь пяк крхкаста и тяниень пингть тя гипотезась лувондови аф эрявиксокс[37][38][12][39]. Тяка пингть этнографнень, лингвисттнень, историкнень и финнолокнень ёткса эвондакшнесть эрь кодама мяльхть, што кунардонь пингть мокшетне и эрзятне, конат лувондовихть мокшэрзятнень кафта тарадкс, фкатольхть западно-финскяй народть мархта, конат явсть финннень эзда аф III векта сяда меле, и кирдсть эсь лангсост аф фкя влияния шабрань нароттнень ширде. Башка ащихть прафиннскяй эпохась, коса нинге аф явф финскяй пляматне путнесть эсь культураснон ушедоманцты, а стане жа мордовскяй-финскяй пингсь, конань эса ульсь готтнень лингвистическяй и политическяй влияниясна мокшэрзятнень лангс. Академиксь П.И. Кеппен лемнесы Волгать ляйть кучка шудерьксонц территориянц и Ока и Сура ляйхнень шудерьксснон финскяй плямань родинакс. Тяфта жа кой-кона учёнайхнень мархта корхтави и мокшэрзянь западнай финннень мархта марстонь эряфснон башка пингонц колга[40][17].

Археологиянь источникнень коряс, финно-угорскяй кялень общностень пляматнень кунардонь историясна няеви неолитть пингста (минь эрадонк инголе 5-це тёжянь кизоть кучкаста). Кунардонь финно-угратнень эряма вастсна ламода Ащесь Восточнай Европань и Зуральянь вирень полосаса. Ламоц исследовательхне каннихть кунардонь финноязычнай населенияти неолитическяй культурань плямат лотконь-сюрьхцем мархта керамика мархта, занцезь территориять юго-восточнай Финляндияста северо-восточнай Европати молемс, а тяфта жа волго-камскяй культурань плямат, конат эрясть Средняй Поволжьяса и Прикамьяса. Сурско-Волжскяй ляйхнень ёткса бронзань и ранняй кшнинь векть (минь эрадонк инголе 2 —це-1-це тёжянь кизотнень) явфтольхть городецкяй пляматнень колма основной группасна: средне-окскяйсь и тяза сувафтомок мокшеннеть; поволжскяйсь верхне — сурскяйть, конат инголькиге явфтозь этническяй кафта юропнень-мокшетнень и эрзятнень, и нижесурскяй группась, конань ванондозь А.Х. Халиковась, кода мари, муромань и финноязычнай чувашнень атянь-атяньконь этногенезснон юрсна.


Окскяй городецкяй пляматнень (руз.) (мок. и минь пингстонк II — IV векнень позднепьяноборскяй населениянь сафнень шорямаснон коряс тиеви эрзянь эрзятнень и мокшень мокшетнень этническяй юронь явфтомасна[35]. Минь эраньконь васенце веконзон пингста тя региононь эряйхне кирдсть соткст камскяй (пьяноборскяй) и лия пляматнень мархта. Сембода кунардонь сотксне ульсть мокшэрзятнень иранскяй нароттнень мархта: скифнень, сарматтнень, алаттнень и лиятнень маятафтомаснон эзда муфт калмамань койхне, конатнень койса конат тиендевихть сарматтнень лаца.[41][42]. Западно-иранские скифо-сарматские племена являлись южными соседями народов мокша и эрзя, и граница между ними, возможно, проходила по естественному рубежу леса и степи[23]. В. В. Ставицкий считает, что в образовании древних племён мокши и эрзи участвовали носители городецкой культуры, пьяноборской и кара-абызской культур, восточно-балтийских племён и сарматов[43].

Мокшэрзянь ламоц языковеттне, этнографне и археолокне — А.П. Смирнов, Е. А. Алиховась, М. Ф. Жиганов, В. И. Козлов корхнесть эсь работасост мокшэрзянь общностть колга, коса мокшетнень и эрзятнень ёткса башка ширетне ушедсть лисендема аньцек I-це тёжянь кизоть песта, мзярда каршек ащи мяльть кирдиенза — П. Д. Степанов, М. Р. Полесских, В. В. Гришаков, К. И. Козлов арьсесть, што плямань кафта оцю: мокшетне и эрзятне, конат эрясть средняй Ока ляйть маласа и Окско-Сурско-Цнинскяй ляйхнень ёткса васенце векста, ушетксстокиге эсь ётковаст аердсть фкя-фкянь эзда. Мокшетне и эрзятне тифтольхть фкя-фкянь эзда аф зависимайкс раднянь плямань оцю юромть видеса, а тяфта жа иноэтническяй элементтнень лездомаснон вельде. Мокшетнень пуроптомаса юркс арась лямбе ширдень (верхнесурскяй или пензенскяй) мокшэрзянь пляматнень группасна. Оцю участия тя процесса примасть и рязано-окскяй и восточно-балтийскяй культурань каннихне, конат няфтьсазь пряснон[44].

Археологиясь

Кшнинь веконь городецкяй культурать лангс нежедезь, конань памятниконза занцихть кели васта Донста шинь мадома ширеса Самарскяй Лукати молемс шинь стяма ширеса, Саратовскяй лесостепьять лямбе ширеса и нижегородскяй правобережьять кельме ширеса, минь эраньконь васенце веконзон пингста Окско-Сурскяй ляйхнень ёткса тиевсть основной областть, коса мольсь кунардонь мокшэрзянь культурать генезисоц[45].

Археологиянь материалхне няфнесазь, то Окско-Сурскяй ляйхнень ёткса ладяма юрк модатнень лямбе ширесост эряйхне ащихть мокшетнень, кельме ширеннетнень — эрзятнень . Протомокшанскяй и протоэрзянь пляматнень ёткса ётамань вастсь, улема, ульсь Алатырть эзга и Мокшеть кучка види ширдень трванц эзга.[23].

М. Р. Полесских[46], кона тонафнезень мокшэрзянь археологическяй памятникнень, тевс нолдазе протомокша терминть, конанди памятникокс сон лувондозень селиксенскяй типонь калмомархнень, и протоэрзя, кошибеевскяй типонь калмомархнень. Минь эрань 1-це тёжянь кизотнень кучкаста эвондакшнихть кунардонь мокшень и кунардонь эрзянь культурат. Полесскяйхнень мокшетненди путневсть армиевскяй типонь калмотне, эрзятненди — Кузьминскяень и Борковскяй калмотнень лаца калмамань памятникне[36]. Явфневи Селиксенскяй калмама вастть эса кафта хронологическяй этапне: минь эрань III—IV векне—ранняйсь; минь эрастонк V-VII вексь — позднайсь, мезсь сотнекшневи мокшетнень васенце этапснон мархта[47].

Историясь

Васенце сёрматф сведениятне мокша (Moxel) этнонимть колга содафт XIII веконь фламандонь ки лангонь якай-шяяйть Лангонь Гильом де Рубруконь тяштьксонзон эзда[28]. Мокшетнень колга (Moxii), кода башка нароттнень и синь (Moxia) странаснон колга корхтави Иосафат Барбаронь «Путешествие в Тану» сёрматфсонза[48]. Мокшетнень колга лятфнемась ули «Сборник летописей» Рашид ад-Динонь работаса (XIV векть ушетксоц)[49], а тяфта жа Рузонь государствань  документальнай источникса — Д. Пушечниковонь сёрматкшнемань книгаса [50]. XVIII веконь российскяй историкть Василий Татищевонь «История Российская» историческяй трудсонза мокшетне лемневихть мокшетне лемневихть моксели и моши и лувовихть сарматскяй народкс[51].

Сядонгольдень пингсь

Скифонь панихне састь кода сявихть-сяськихть и сявозь эсь кядялост мокшень клаттнень пяльксснон, но эсь кржа лувксснон инкса тейст ичкози ашезь келептев эсь азорондамасна[52][53]. Минь эрань II и III венень пингста анттне, славятт, мокшетне и эрзятне арасть Восточнай Европань сембода лама и пяк вии населениякс[54]. IV векть пезонза мокша народть сяда ламоц поладовсть гуннонь плямань сотксти, улемок Остготскяй империять тапамаса 377 кизоня, а меле туть шинь стяма шири и озасть эряма Паннонияса. Гуннтнень мархта сотксонь кирдемать лангс няфтихть мокшень боевой доспехне, семибода пяк битатне и псалиятне, конат фкя лацот гуннскяй боевой доспехнень мархта[55]. Археологическяй даннайхне няфнесазь, што мокшетнень масторкитькссна ашесть полафне IV и VIII векнень ёткса. 450 кизоня мокша народсь кирдсь соткс Средняй Поволжьянь народть мархта, конат содафт кода буртаст, конат пади и ульсть аланкс[56][57].

Кучкастонь векне

Археологиянь даннайхнень коряс, мокшетнень и эрзятнень кучкастонь веконь историясна явфт ниле основной этапова, коса эрь периодти няеви материальнай культурань эсь лацонь ширесь и нароттнень касомань—вииямань тенденциясна: 1) родовой стройть мекольце стадияц (VIII—X векста); 2) ранняй государственнай образованиятнень пуроптомасна (XI—XIII векста); 3) Зрнянь Ордать лувксса (XIII-XV векть омбоце пялец); 4) Рузонь государствать лувксса (XVI-XVIII векть).[25]. VIII–X веконь пингсь содаф хазаронь влияниянц мархта, конатненди мокшетнень плямасна пандсь дацькя[58], и X векста мянць Хазарскяй каганатть люпштаманц алда сонь срадоманц сюнеда[59].

Л. А. Воейков и П. В. Голубовский нежетькшнихть X веконь арабскяй сёрмадыхнень азфснон лангс, лемнемок мокша народть буртаскс[60][61].

IX векста Буртасскяй княжествась арай вассалкс Хазарскяй каганатти[62]. 965 кизоня, кода азонды Ибн-Хаукаль, киевскяй князсь Святослав Игоревич врьгятсь хазархнень союзникснон лангс, сявсь Саркелть, Булгарть и лиссь Семендеру[63]. X векть ушеткссозонза Алмуш Волжскяй Булгариянь азорондайськемокстазе эсь кядялонза хазарскяй дацькять кочкаманц и пандоманц. Прняндамок исламть, сонь ширенц кармась кирдемонза багдадскяй халифсь Муктадирсь и тись мишендемань фактория Ока ляйть видеса[64]. тянкска 985кизоня киевскяй князсь Владимир тяряфтсь тиемс паход Булгар ошть лангс. 1006 кизоня Владимирть и Алмушень оцязорть ёткса тифоль оговор Волгать лангса мишендемать коряс и тиевсь «вечный мир», кона мольсь 80киза[65]. 1120 оду ушедсь тюремась Окать видеса и эрзянь Обран ош ваксарошть[66]. 1220 кизоня владимирскяй князсь Юрий Всеволодович тяряфтсь поход Ошельть лангс и вешсь кирьфтама булгархнень эзда Пургасова волостть лангс, конань мархта синь кирдсть соткс. 1221-це кизоня Обран ош плхтафоль владимирскяй княснень кядяла, а алува шудеманц коряс ушетфоль Нижняй Новгородть Путомац. Пургас и Пуреш ульсть постояннай войнаса, Тя пингть Пургас кемась булгарскяй эмирть лезксонц лангс, ся пингть Кода Пуреш ульсь князть Юрийть ратникокс[67].1229 кизоня булгархне арасть походс Пуреш оцязорть каршес, аньцек содазь Пургасонь волостенц грабаманц владимирскяй княснень мархта, шарфтсть меки. 1230 К. Пургас тага кружазе Нижняй Новгородть, но ульсь потафтф меки, А Тяда меле Пурешть цёрац половецнень мархта ушедсь тапамань поход Пургасонь волостенц лангс[68].

Рашид ад-Динонь свидетельстванзон коряс, 1236-це кизонь 4-це сентябрьста Джучинь цёранза Бату, Орду и Берке, Угедей-ханонь цёрац Кадан, Чагатаень унокоц Бури и Чингиз-ханонь цёрац Кулькан азсть война мокшетненди, буртасненди и эрзятненди, эрсь эздост ащесь туменонь вятикс. Войнась аделавсь 23-це августста 1237 мокшетнень сяськомаснон мархта Равжа вирть ваксса тюремаса Рязанскяй княжествать мархта границать маласа.[69][70][71]. Мокшетнень и монголхнень ёткса ладявсь военнай союз, конань коряс Пуреш оцязорсь эсь войсканц мархта арай союзниокс и вассалкс должен монголхнень мархта синь шимадома шири походснон пингста.

1241 кизоть ушетксста монгольскяй войскась ётась Карпаттнень туркс и врьгятсь Польшав. Роджер Бэконць Opus majus эсь работасонза[72] лятфни, што мокшетне ульсть инголе ащикс монгольскяй войскатнеь видеса и Люблинть и Завихостть сявомаса.Бенедикта Полякть арьсеманц коряс, мокшанскяй войскась юмафтсь лама ломаньдаи Сандомир ваксарошть сявомста февральстаи Краковть — в сяка кизонь март ковста.

Гийома де Рубруконь и Роджера Бэкононь свидетельстванон коряс, мокшетне вятсть салавань переговорхт немецнень и богемцнень мархта и и учсесть пинге синь ширест ётаманкса, сяс мес синь лезксснон вельде надиясть Батунь мархта вийхца ладяф союзть эзда[73].

8-це апрельста Пурешсь салава васедсь Генрих Благочестивайть мархта и пачфтсь монголхнень шобдавань выступленияснон колга и эсь мяленц колга ётамс силезиецнень шири[74]. Сяка шиня Пуреш Субэдэенди, што сонь воинонза сизесть и шобдава тюрема аф лисевихть. Субэдэй содазе заговорть колга и Пурешень войскати мярьгсь кадомс оружияснон и арамс ваймама, сембе сяка веть сонь кошардоманц вельде сонць Пуреш и войсканц пяльксоц, удома вастса, ульсть шавонтфт, лядыксне воргодсть[75].

Од пингсь

Хронологиянь пингсь (XVI—XIX векста) канневи ся событиятненди, конат сотфт мокшетнень и эрзятнень территорияснон Русскяй государствати сувафтомаснон мархта, мезть сюнеда полафневихть нароттнень политико-экономическяй, культурнай, религиознай и миграционнай процессна: христианизациять, рузыямать, хозяйскяй тефнень вятемаса од форматнень сувафтомаснон и ярмаконь и натуральнай государственнай повинностень системать, модань наделонь получамань од правилатнень сувафтомаснон[76], ламода эряма ладямась юронь эряйхнень Самарской, Уфимскяй, Оренбургскяй] и лия губерниява и стак тов[77][78][17].

Генетическяй исследованиятне

Европань генофондонь дендрограммасалдяфкссь мтДнк гаплогрупп уликсанень колга

Исследованиятнень пингста О.П. Балановский кочкась генетическяй ётконь картань ниле основной тип – «восточноевропейский», «северо-восточный», «северо-балканский», «южно-балканский», коза сувасть Европань славянскяй, балтийскяй, финно-угорскяй кой-кона нароттне, сяка мокшетнень эзда ичкоздень картатне аф канневихть фкявок тя типти, мезсь, учёнайть мяленц коряс, корхтай мокша ломаттнень генетическяй эсь лацонь ширеснон колга. Финно-угрань нароттнень генофондснон сонць эсь коряванза оцю аф фкя лацонь шиц и ёмла внутрипопуляционнайсна.[79].

Митохондриальнай ДНК анализ ётафтомста ульсть нолдафт даннайхть 16 гаплогруппаста-A, C, D, H, HV, I, J, K, T, U2, U3, U4, U5a, U5b, V, W. Анализсь няфтезе аффкаксшить финно-угорскяй популяциянь генофонттнень эзда (сувафнемок мокша и эрзя нароттнень) Европань тяфтама генофонттнень эзда — Рузонь Северста эряйхнень эзда[80], норвежецт, немецт и германонь кяльса корхтай лия наротт, а тяфта жа ирландецт, славятт (лядыкс русне, белорусне, украинецне, чехне, словакне, полякне, словенецне и босниецне), балтт, венграт и шветт. Сембе шинь мадома ширдень и шинь стяма ширдень финноязычнай нароттне эстонецне - финнтне, карелхне, маритне, коми, мокшетне и эрзятне повсть башка кластерс, повомок генетикань ширде аердфста марнек европейскяй митохондриальнай массивть эзда, сувафтомок северно-русскяй популяциятнень и лия славяттнень[81][82].

Y-хромосомань гаплогруппатнень коряс мокшетнень генетическяй ландшафтсна корхтай генофондснон оцю эсьлацонь шинц колга, сяс мес фатнесы Равать кучкастонь шудерьксонц аф оцю областенц, кирдемок сонь види ширдень трванц. Y-хромосомань гаплогруппатнень коряс тиф анализсь корхтай мокшетнень генетикань ширде аф аньцек славянскяй и шабрань лия нароттнень генофондснон эзда, но и эрзятнень генофондстост[83], аф ваномок маласа ащи географическяй ащемать[84][85]; уликсне сидеста молемань Y-хромосомань15 гаплогруппась няфтезь, што мокшетнень и эрзятнень популяциясна аф сувайхть фкя кластеру[86].

Y-хромосомань популяционнай генетикнень даннайсна Сире Шайгавонь Аймаконь мокшетнень гаплогруппаснон коряс: R1a — 26,5 %, J2 — nd (20,5 %), N3 (TAT) — 16,9 %, R1b — 13,3 %, I1 — 12 %, I2b — 4,8 %, N2 (P43) — 2,4 %, I2 — 2,4 %, K*(M9) — 1,2%.</ref>. Митохондриальнай ДНК гаплогруппань коряс: H — 41,5 %, U5 — 18,9 %, T — 7,6 %, U2 — 5,7 %, J — 5,7 %, V — 5,7 %, U4 — 3,8 %, I — 3,8 %, T1 — 1,9 %, R — 1,9 %, D — 1,9 %, другие — 1,9 %[87].

Y-хромосомань уликсне Erzya-Moksha-Mescher Family Tree DNA генетическяй проектонь мокшетнень гаплогруппаснон коряс: R1a — 29 %, J2b — 19 %, J2a — 14 %, G2a — 14 %, N1c — 9 %, E1b — 5 %, R1b — 5 %, J1b — 5%, J1b-5%, J1b-5%[88].

XIII—XVIII веконь сословиятнеа

Эрь кодама источниконь анализонь тиемста исследовательхне мокшетнень и эрзятнень (ся пингонь документтнень эса лемдевихть мокшэрзякс) социальнай группаснон: мокшэрзянь мурзатне, мокшэрзянь княсне, служилай мокшэрзятне, полконь мурзатне, ясачнай мокшэрзятне, тархаттне, казакне служилай мокшэрзятне, станичнай мокшэрзянь мурзатне, ёмла мордовскяй мурзатне, дворцовай крестьяттне, помещиконь крестьяттне, аф лама пингс сотф сокай-види, государственнай сокай-види, ясачнай сокай-види, удельнай сокай-види ломатть[89][90][91][92]. Мордовскяй аристократияти каневсть мокшень и эрзянь ингольдень государствань пуромксонь азорондайхне, а тяфта жа служилай феодалонь категориятне, конатнень ульсь азорксшисна — княсне, мурзатне, служилай ломаттне, казакне[93].

Национальнай щамсь

Эряма районть коряс мокшень народнай щамти ули кода ванфтомс мзярошка пялькс и мазоптомка, конат аердыхть фкя-фкянь эзда. Мокшень авань костюмти ладяйхть туника лаца панарсь (панарсь, щамсь) плманжа видева сери боконь путкс мархта, оцю пов (пов), ингольде и фталда кувалмонь стафксса сёрматфсь, кргапарьхне, ожатне, Мордовиянь Зубово-Полянскяй районца и чембарскяй мокшетнень маласа — тяфта жа каймоса; понксне (понкссь, сапонясь), конатнень алуда сташендозь кумацьса; инголькссь (запонць, сапонясь) мяштьса или аф кайги ожа мархта; нюрьхкяня кафтсь (мушкась), мазоптф кумацьса эли якстерь котфса; равчт и якстерьхть тюжя-сянгяря-равжа пракстань китькскаса, равжа-акша узорнай кодаф плманжань котфса (цюлкат); наряжаф кямот кямот кямот кямот кямот кямот карьсефкс лангса и кочкяряса серень подковкат.

Мазоптомкань козя набор: пиндолды ожнаста тиф щит мархта сюлгам- ожнаняста, кшнинь ярмаконяста, уськоня мархта крганяста; ёмла ожнаняста (цифкс, тифкс, крганьпирф) или ёмла ожнаняста (комбонаста); кафта кргапарень мяште (крганянь ошэряйсь, пилькс ярмак), копорень (фтала пулсь, копорь цёконясь, парьхци котф) и череслечнай (алубрят) кичкор, крескал) ожнаста и монетаста крёскат, конат стафт котфонь юрс; карксонь повфтамканят (сект, цект, каркс секонят, каркс пет, килькштамат, ватракштат) и ст. т. Рьвакс туф мокшаватне карксэземга пандсть кота козяста орнаментовандаф нардамат (кеска руцят), чембарскяй мокшавать — набедренникоц (гушаконя).

Пряс щамась (панга)-котфонь кяскав калгода виде ужеса очель и фталонза лопасть мархта, конань ланга сотнекшнесть тюрбан лаца руця; васток-васток каннесть кики (сорока) лаца убор; Зубово-Полянскяй районть кельме-шивалгома ширесонза калгода очель (лосник) и позатыльник (шовонь) мархта котфонь чепецть лангс сотнесть акша нардама (платенця, пря руця), конань песонза сотнекшневсть конязонза бантса. Од рьвянятнень и од аватнень пряпутомкасна аерфневсь мазышиса; XX векть ушедомозонза од рьвянятне путнесть прязост сери вери молезь келемкшни каштаз куйгорста. 1930-це кизоста сявомок мокшаватне увннихть (нула, сарапон) кокетка мархта кели срмаф (панчф) мархта[28].

  • Мокшаватне национальнай щамсот. XIX вексь. Мокша, Тамбовскяй губерниясь, Темниковскяй уездсь, XIX векть пец  — XX векть ушетксоц

    Мокшаватне национальнай щамсот. XIX вексь. Мокша, Тамбовскяй губерниясь, Темниковскяй уездсь, XIX векть пец  — XX векть ушетксоц

  • Илань щам. Мокшетне. Пензенскяй губерниясь

    Илань щам. Мокшетне. Пензенскяй губерниясь

  • Од рьвянянь щам. Мяштьса каннема мазоптомкат. Мокшетне, Тамбовскяй губерниясь, Темниковский уезд, конец XIX — начало XX века

    Од рьвянянь щам. Мяштьса каннема мазоптомкат. Мокшетне, Тамбовскяй губерниясь, Темниковский уезд, конец XIX — начало XX века

  • Этнографическяй ансамбльсь мокшень национальнай щамса, види ширде авась ингольце рядса карьсеф традиционнай срмаф кямоса.

    Этнографическяй ансамбльсь мокшень национальнай щамса, види ширде авась ингольце рядса карьсеф традиционнай срмаф кямоса.

Содаф ломаттне

Лятфтамат

  1. ↑ Национальный состав населения Российской Федерации согласно переписи населения 2021 года.
  2. ↑ Ингерманландская Лютеранская церковь. Дата обращения: 31 январьста 2008. Архивировано 9 январьста 2008 года.
  3. ↑ Pimenoff, Ville Nikolai. Living on the Edge: Population Genetics of Finno-Ugric-speaking Humans in North Eurasia (англ.). Department of Forensic Medicine University of Helsinki (2012). Дата обращения: 12 майста 2012. Архивировано из оригинала 22 июльста 2012 года.
  4. ↑ Полубояров М. С.[1] Древности Пензенского края в зеркале топонимики. — М., 2003.
  5. ↑ Усманов М. Заветная мечта Хусаина Фаизханова: Повесть о жизни и деятельности. — Казань, 1980.
  6. ↑ Поспелов Е. М. Географические названия мира: Топонимический словарь / Отв. ред. Р. А. Агеева. — 2-е изд. — М.: Русские словари: Астрель: АСТ, 2002. — 512 с. — 5000 экз. — ISBN 5-17-001389-2. — С. 272.
  7. ↑ Гордова Юлиана Юрьевна. Институт языкознания Российской академии наук. Ареалы субстратной топонимии в Рязанской области: Типы на «-ша»
  8. ↑ Цыганкин Д. В. Память, запечатленная в слове: Словарь географических названий Республики Мордовия. — Саранск, 2004. — 432 с.
  9. ↑ Ардеев И. Д. Фонетические процессы в древнем финно-угорском языке и их отражение в топонимии Волго-Окского междуречья: монография / И. Д. Ардеев; Рос. акад. наук, Ин-т языкознания, Пенз. гос. пед. ун-т им. В. Г. Белинского. — М.; Пенза: ПГПУ, 2002. — С. 33.
  10. ↑ 1 2 Топонимический словарь Рязанской области. — 2-е изд., испр. и доп. / Под ред. А. А. Никольского; Ряз. гос. пед. ун-т им. С. А. Есенина. — Рязань, 2004. — 296 с. — ISBN 5-88006-344-5.
  11. ↑ Смолицкая Г. П. Гидронимия бассейна Оки: Список рек и озёр. — М.: Наука, 1976. — 404 с.
  12. ↑ 1 2 Этимологический словарь русского языка = Этимологический словарь русского языка Макса Фасмера : в 4 т. / авт.-сост. М. Фасмер ; пер. с нем. и доп. чл.‑кор. АН СССР О. Н. Трубачёва, под ред. и с предисл. проф. Б. А. Ларина [т. I]. — Изд. 2-е, стер. — М. : Прогресс (издательство), 1986—1987.
  13. ↑ Никонов В. А. Краткий топонимический словарь. — М., 1966. — С. 272; Даль. — Т. 2. — С. 340.
  14. ↑ Бабурин А. В., Никольский А. А. Мокша (происхождение назв.) // Рязанская энциклопедия. — Т. 3. — С. 316.
  15. ↑ Смолицкая Г. П. Топонимический словарь Центральной России: Географические названия. — М., 2002. — С. 208—209.
  16. ↑ Паллас П.-С. Путешествия по разным провинциям Российской империи. — Ч. 1. — СПб., 1773. — С. 112.
  17. ↑ 1 2 3 4 Русская историческая географiя: Мордва: Курсъ лекцій, читанныхь в 1908—1909 уч. году въ Московскомъ Археологическомь Институте: [Вып. 1—2] / [соч.] С. К. Кузнецовымь. — М.: Печатня А. И. Снегиревой: Тип. Пожидаева, 1912. — 73 с.
  18. ↑ Марк К. Ю. Этническая антропология мордвы // Вопросы этнической истории мордовского народа. — М., 1960. — С. 120—143.
  19. ↑ Алексеева Т. И. Антропологический состав населения Волго-Окского бассейна: Антропологический сборник. — М., 1956.
  20. ↑ Восточные славяне: Антропология и этническая история / Под ред. Т. И. Алексеевой. — М.: Научный мир, 2002.
  21. ↑ Антропология современных финно-угорских народов / Рос. акад. наук, Ин-т этнологии и антропологии им. Н. Н. Миклухо-Маклая; отв. ред. А. А. Зубов. — М.: 2000.
  22. ↑ Об эрзя-мокшанских различиях В. К. Абрамов, доктор исторических наук, профессор, заведующий кафедрой новейшей истории народов России ФГБОУ ВПО «МГУ им. Н. П. Огарёва», заслуженный деятель науки Республики Мордовия (г. Саранск, РФ)
  23. ↑ 1 2 3 Мордовия: Энциклопедия: В 2 т. — Т. 2: М — Я / НИИГН при Правительстве РМ. — Саранск, 2004. — С. 5—21.
  24. ↑ Археологические открытия: 2016 год / Отв. ред. Н. В. Лопатин. — М.: Институт археологии РАН, 2018. — 520 с. — ISBN 978-5-94375-260-5.
  25. ↑ 1 2 Зеленеев Ю. А., Зеленцова О. В. Средневековая мордва: По археологическим данным / Марийский государственный университет, г. Йошкар-Ола; Институт археологии РАН. — М.; Йошкар-Ола, 2012.
  26. ↑ Вихляев В. И. Расселение мордвы в III — начале XIII вв. — Саранск: Мордовский государственный университет им. Н. П. Огарёва, 2013.
  27. ↑ Мельников П. И. Очерки Мордвы. — М.: Директ Медиа, Москва 2010, 1867. — ISBN 9785998943942.
  28. ↑ 1 2 3 БРЭ, 2017.
  29. ↑ Древние народы Пензенского края. PenzaNews — Энциклопедия. Дата обращения: 23 февральста 2020. Архивировано 11 апрельста 2021 года.
  30. ↑ Козлов В. И. Расселение мордвы — эрзи и мокши // Советская этнография. — 1958. — № 2.
  31. ↑ Перечень имен народов, выделявшихся при разработке материалов Всесоюзных/Всероссийских переписей 1926 - 2002 гг., и их численность
  32. ↑ Всероссийская перепись населения 2010 г.: Национальный состав населения Российской Федерации. Дата обращения: 25 августста 2025. Архивировано 24 мартста 2019 года.
  33. ↑ Росстат. Федеральная служба государственной статистики. — Население Российской Федерации по владению языками. gks.ru. Росстат. Дата обращения: 25 августста 2025.
  34. ↑ Сухорукова О. А. Этническая история России: учебное пособие. — Ч. I. — М.: МГПУ, 2015. — 204 с.
  35. ↑ 1 2 Ситдиков А. Г. Введение в этногенез народов Поволжья и Приуралья. Часть I. Истоки этногенезафинских народов: учебно-методическое пособие для студентов, обучающихся по специальности «История». — Казань: Издательство Казанского государственного университета, 2008. — 33 с.
  36. ↑ 1 2 Вихляев В. И. Могильники мордвы III—V вв. и проблема единства древней культуры. 2017.
  37. ↑ Kuussaari, Eero, Suomen suvun tiet, F. Tilgmann Oy, Helsinki 1935
  38. ↑ Бубрих Д. В. Можно ли отождествлять мордву с андрофагами Геродота? // Записки Мордовского научно-исследовательского института социальной культуры. — Саранск, 1941. — № 3. — С. 31.
  39. ↑ Юрченков В. А. Начертание мордовской истории: Монография. — Саранск: НИИ гуманитарных наук при правительстве Республики Мордовия, 2012. — ISBN 5900029875, 9785900029870.
  40. ↑ Томсен. Beroringar mellem de finske og de baltiske (lettisk-litauiske) Sprog. 1890; Томашек. Kritik der altesten Nachrichten uber den Skythischen Norden; Доннер. Ueber den Einfluss des Litauischen auf die finnischen Sprachen.
  41. ↑ Смирнов К. Ф. Новые данные по сарматской культуре Северного Кавказа. // Краткие сообщения Института истории материальной культуры. 1950. Вып. XXXII. С. 125.
  42. ↑ Синицын И. В. Памятники Нижнего Поволжья скифо-сарматского времени // Археологический сборник. Т. 1. Саратов, 1956.
  43. ↑ Ставицкий В. В. У истоков этногенеза древней мордвы // Genesis: Исторические исследования. — 2014. — № 4. — С. 1—13.
  44. ↑ Корнишина Г. А. Этногенез мордвы. К истории изучения проблемы // Электронный научный журнал «Современные проблемы науки и образования». — Вып. 1. 2006. — ISSN 2070-7428
  45. ↑ Гришаков В. В., Седышев О. В. Основные тенденции генезиса археологических культур на территории Мордовского края в раннем железном веке и на начальном этапе Великого переселения народов / Тамбов: Грамота, 2017. No 2(76) C. 68-74. ISSN 1997-292X.
  46. ↑ Пензенский краевед и археолог Михаил Романович Полесских. Государственный архив Пензенской области. Дата обращения: 25 августста 2025. Архивировано 25 февральста 2020 года.
  47. ↑ Первушкин В. И. Селиксенский археологический район / Пензенская энциклопедия. — М.: Большая российская энциклопедия, 2001.
  48. ↑ Барбаро и Контарини о России. — М.: Наука, 1971.
  49. ↑ « Сон Менгу-каан тоса ётафтозе кизондать, а ияда меле, в такику-ил, саразонь кизоня, кона ладяй 634 хиджр кизоти [4 сентябрьста 1236 — 23 августста 1237 кизось], Джучинь цёранза — Бату, Орда и Берке, Угедей-каанонь цёрац — Кадан, Чагатаень унокоц — Бури и Чингиз-ханонь цёрац — Кулкан ладясть война мокшетнень мархта, буртаснень и арджанамтнень и нюрьзкня пингстасяськозь синь» / Рашид-ад-Дин «Сборник летописей» II.2, пер. Л. А. Хетагурова.
  50. ↑ Гераклитов А. А. Избранное: в 2 ч. / Редкол.: В. А. Юрченков (пред.) [и др.]; НИИ гуманитар. наук при Правительстве Республики Мордовия. — Саранск, 2011. — Ч. 1. — 464 с.
  51. ↑ Татищев В. Н. История Российская. — Т. 1. — М.; Л., 1962. — 209 с. — С. 314.
  52. ↑ Юрченков, 2007.
  53. ↑ Ахмедов И. Р. Псалии в начале эпохи великого переселения народов / Д. А. Сташенков. — Культуры Евразийских степей вт. пол. I тыс. н. э.: (из истории костюма), Т. 2. — Самара: Самарский областной историко-краеведческий музей им. П.В. Алабина, 2001. — С. 229. — 268 с. — ISBN 5-89716-026-0.
  54. ↑ Федорова М. В. Славяне, мордва и анты. Издательство Воронежского Университета, 1976.
  55. ↑ Ахмедов И. Р. Псалии в начале эпохи великого переселения народов // Культуры Евразийских степей вт. пол. I тыс. н. э.: (из истории костюма) . — Т. 2 . — Самара, 2001 — С. 220—222.
  56. ↑ Афанасьев Г. Е. Буртасы // Исчезнувшие народы. — М., 1988. — С. 85—96.
  57. ↑ Афанасьев Г. Е. Этническая территория буртасов во второй половине VIII — начале Х века // СЭ. — 1984. — № 4 — С. 28—41.
  58. ↑ Артамонов М. И. История хазар / М. И. Артамонов. – Л., 1962. - с. 385; 17, с. 98–99
  59. ↑ В. И. Вихляев. Мордва и Российское государство: начальные периоды взаимоотношений (X–XVI века) // Гумманитарий: актуальные проблемы гуманитарной науки и образования. — No 2 (18), 2012.
  60. ↑ Воейков Л. А. Сборник материалов для описания Тамбовской губернии. — Типография Императорской Академии Наук, 1872. — ISBN 5518062966, 9785518062962
  61. ↑ Голубовский П. В. Болгары и Хазары, Восточные соседи Руси при Владимире Св.: Историко-этнографический очерк. — Оттиск из «Киевской Старины». — Киев: Типография Г. Т. Корчак-Новицкого, 1888.
  62. ↑ История Пензенского края / под редакцией профессора Г. Н. Белорыбкина. — Пенза, 1996.
  63. ↑ Калинина Т. М. Сведения Ибн Хаукаля о походах Руси времен Святослава // ДГ. М., 1976. С. 90—101.
  64. ↑ Юрченков, 2007, с. 89.
  65. ↑ Юрченков, 2007, с. 90.
  66. ↑ Юрченков, 2007, с. 93.
  67. ↑ Юрченков, 2007, с. 97—98.
  68. ↑ Костомаров Н. И. Русская история в жизнеописаниях её главнейших деятелей. Дата обращения: 25 августста 2025. Архивировано 4 июньцта 2016 года.
  69. ↑ Лурье Я. С. Общерусские летописи. — С. 49—55.
  70. ↑ Лурье Я. С. Летопись Тверская // Словарь книжников и книжности Древней Руси. — Вып. 2. (вторая половина XIV—XVI в.). — Ч. 2. — Л., 1989.
  71. ↑ Рашид ад-Дин. Сборник летописей. Т. II, Издательство АН СССР, 1960.
  72. ↑ John Bridges. The «Opus Majus» of Roger Bacon. Elibron Classics, 2000
  73. ↑ Itinerarium fratris Willielmi de Rubruquis de ordine fratrum Minorum, Galli, Anno gratia 1253. ad partes Orientales.
  74. ↑ Путешествия в восточные страны Плано Карпини и Рубрука. Государственное издательство географической литературы. — М. 1957. — С. 110.
  75. ↑ Мадуров Д. Ф. Волжские земли в истории и культуре России: Материалы Всероссийской научной конференции // Мадуров Д. Ф. События XIII века в истории эрзи и мокши, О сражении на Золотарёвском городище осенью 1237 г. / МГУ им. Н. П. Огарева и др.; редкол.: Н. П. Макаркин (гл.ред.) и др. — Саранск: тип. «Красный Октябрь», 2004. Ч. I — 264 с.
  76. ↑ Вера Николаевна Белицер, К. А. Котков. Исследования по материальной культуре мордовского народа. — Академии наук СССР, 1963. — С. 79. — 253 с.
  77. ↑ ПСРЛ, 1914, с. 64-65
  78. ↑ Иван Николаевич Смирнов. Мордва: Историко-этнографический очерк. — Типография Императорского Университета, 1895.
  79. ↑ Балановский О. П. Генофонд Европы / Издательство: Товарищество научных изданий КМК, 2015. — 331 c. Заключение / ISBN 978-5-9907157-0-7
  80. ↑ Митохондриальный генофонд Русского Севера в большей степени относится к Западной и Центральной Европе, чем к Восточной, к которой принадлежат остальные русские популяции (Балановская Е. В., Пежемский Д. В., Романов А. Г., Баранова Е. Е., Ромашкина М. В., Агджоян А. Т., Балаганский А. Г. и др // Антропология. — No 3/2011: 27—58. — Вестник Московского университета. Серия XXIII).
  81. ↑ Балановский О. П. Генофонд Европы / Издательство: Товарищество научных изданий КМК, 2015. — 227 c. — 228 с., рис. 6.18. взаимное расположение на дендрограмме генофондов по данным о частотах гаплогрупп мтДнк. — ISBN 978-5-9907157-0-7
  82. ↑ Балановская Е. В., Пежемский Д. В., Романов А. Г., Баранова Е. Е., Ромашкина М. В., Агджоян А. Т., Балаганский А. Г. и др  /  Генофонд Русского Севера: Славяне? Финны? Палеоевропейцы? // Антропология. — No 3/2011: — 43 с. — Вестник Московского университета. Серия XXIII
  83. ↑ Олег Балановский. Генетические взаимоотношения популяций Европы: три уровня. Генофонд.рф (25 ноябрьста 2015). Архивировано 20 апрельста 2021 года.
  84. ↑ Балановский О. П. Генофонд Европы / Издательство: Товарищество научных изданий КМК, 2015—183 c., рис. 5.27. Карта генетических расстояний от мокши. — ISBN 978-5-9907157-0-7
  85. ↑ Oleg Balanovsky.
  86. ↑ Олег Балановский. Генетические взаимоотношения популяций Европы: три уровня. АНАЛИЗ 2015 ГОДА (20 народов, 15 галогрупп). Генофонд.рф рис. 2.43 Б (25 ноябрьста 2015). Архивировано 20 апрельста 2021 года.
  87. ↑ Limborska et al. 2002, Moksha
  88. ↑ Генетический проект компании FamilyTree DNA «Эрзя-Мокша», таблица по гаплогруппам мокшан / Erzya-Moksha-Mescher DNA Project Y-DNA Chart, 2022
  89. ↑ Демидов А. Н. Служилая мордва в XVII—XVIII веках // Гуманитарий : актуальные проблемы гуманитарной науки и образования. — № 2 (34). — 2016.
  90. ↑ Смирнов И. Н. Мордва : историко-этнографический очерк. — Казань : Тип. Императ. ун-та, 1895.
  91. ↑ Заварюхин Н. В. Были ли у мордвы князья? На перекрестке мнений / отв. ред. Ю. Ф. Юшкин, В. А. Юрченков. — Саранск : Мордов. кн. изд-во, 1990. — С. 67—74.
  92. ↑ Гераклитов А. А. Материалы по истории мордвы : сборник выписок из печатных источников (X—XVIII вв.) / А. А. Гераклитов. — М. ; Л. : Соцэкгиз, 1931.
  93. ↑ Заварюхин Н. В. Мордовские князья // Мордовия. Энциклопедия: в 2 томах / Гл. ред. А. И. Сухарев. — Саранск, 2004. — Т. 2 (М—Я). — С. 38—39.

Литературась

  • Мокша / Мокшин Н. Ф. // Большая российская энциклопедия [Электронный ресурс]. — 2017. — (Большая российская энциклопедия : [в 35 т.] / гл. ред. Ю. С. Осипов ; 2004—2017).
  • Нижегородский сборник, Том 1 / Нижегородский губернский статистический комитет под редакций А. С. Гациского. — Типография Нижегородского губернского правления, 1867. — С. 220.
  • Риттих Александр Федерович. Матеріалы для этнографіи Россіи: Казанская губерния, ХIV-тая. — Тип. Казанскаго университета, 1870. — С. 217.
  • Семёнов Василий. Библиотека иностранных писателей о России. Том 1. — Типография III. Отделение Е. И. В. Собственной Канцелярии, 1836. — С. 155.
  • Юрченков В. А. Мордовский народ: вехи истории. — Саранск, 2007.
  • Brook, Kevin Alan. The Jews of Khazaria. 2nd ed. Rowman & Littlefield Publishers, Inc, 2010. ISBN 978-0-7425-4981-4
  • Minahan, James B. Encyclopedia of Stateless Nations: Ethnic and National Groups around the World, 2nd Edition: Ethnic and National Groups around the World. — ABC-CLIO, 2016. — С. 278. — 568 с. — ISBN 1610699548, 9781610699549.
  • Prichard, James Cowles. Researches Into the Physical History of Mankind, Том 3. — Sherwood, Gilbert & Piper, 1841. — 317 с.
  • Royal Anthropological Institute of Great Britain and Ireland. The Journal of the Anthropological Institute of Great Britain and Ireland, Том 3. — London: Trübner & Co, 1874. — С. 291.
  • The Folk-lore Journal, Том 7;Том 24 / Владелец оригинала: Гарвардский университет. — Great Britain: Published for for the Folk-lore Societ by ELLIOT STOCK, 62, PATERNOSTER ROW, 1889. — С. 66.

Мокшень кяльса лисенди газетатне и журналхне

Ссылкатне

Сявф"https://mdf.ruwiki.ru/w/index.php?title=Мокша_(ломатть)&oldid=413109"-ста