Терюхаттне

Терюхаттне
Эряма васттне	15 ломань (2002-це кизонь марнек Россияса ломанень сёрматфтомась)
Кяльсь	Рузонь кяльсь
Религиясь	православиясь
Сувай	Эрзятне
Эвондамац	Финно-угратне Финно-пермскяй группась Волжско-финскяй подгруппась Эрзятне Муромась

Терюха́ттне (руз. терюхане) — мокшэрзятнень этнографическяй группасна, сяда малат эрзятненди, эрясть Нижегородскяй губерниянь Терюшевскяй волостень 40 велеса (тяни Нижегородскяй областень Дальнеконстантиновскяй районць). Тяни марнек шоворсть руснень мархта.

Терюхан лемсь — катойконим, сотф ломаттнень эряма вастснон мархта — Оцю Терюшева велеть мархта и лиссь, улема, алянь лемть эзда (Те́ряй — Терю́хай — Терю́ш). Терюхаттне эсь пряснон лемнесазь мокшэрзякс. Синь ёт мзярда ни ладясть кеме соткст руснень мархта, но кстиндафтольхть аньцек XVIII-це векть кучкаста, юкстамок тя пингти эрзянь кяльть, но ванфтомок башка народкс эсь прянь марямать. Стане жа кстиндамда ингольдень ширет ульсть терюхаттнень материальнай и ваймоёжень культурасост, тяконь лувксса щамсост, панар сёрмасост, конат аердыхть мокшэрзятнень лия группаснон эзда. Календарнай, свадьбань и калмамань койхне ванфнесть лама магическяй тевда. Пяк козя фольклорсь, сембода пяк мораманнесь.

Коса эряйхть терюхаттне

Терюхаттнень велесна ульсть сембе уезть эзга ушедомок Кудьма ляйть эзда кафцьке трваванза, сембода лама ульсь сонь види ширень трванцты прай ляйхнень эзга, тяфтапнень кода: Пичесть, Мианга, Тунеевка, Майданка, Пукстерь, Модан, Сетчуга, Кажлейка, Крага. 1859-це кизоти самс ванфтовсть аньцек Нижегородскяй уездса и занцесть 43 веле, коса эрясь 25317 ломань.

Терюхаттнень эряма вастсна Нижегородскяй уездса
№	Эряма вастсь (велесь)	Куттнень лувкссна	Аля ваймотнень лувкссна	Ава ваймотнень лувкссна
1	Арапиха	36	97	118
2	Бакшеево	136	353	491
3	Белая Поляна	30	80	104
4	Березники тяни Горные Березники	64	181	213
5	Берсениха	37	120	143
6	Большое Сескино	118	243	306
7	Борисово тяни Борисово-Покровское	172	668	761
8	Борцово	141	358	471
9	Винный Майдан	65	181	207
10	Вшивка тяни Новая Владимировка	57	178	201
11	Вышка	53	164	217
12	Зубаниха	49	151	191
13	Инелей тяни Богоявление	165	445	509
14	Инютино	141	442	505
15	Кажлейка	95	276	299
16	Касаниха	101	227	336
17	Криуша	72	195	247
18	Кужадон	92	280	259
19	Курилово	65	241	250
20	Лапшиха	136	326	391
21	Лом	130	320	413
22	Льготка	37	93	96
23	Макраша	122	290	407
24	Малая Поляна	48	166	176
25	Малое Сескино	100	286	345
26	Малое Терюшево	124	368	454
27	Маргуши тяни Маргуша	72	242	258
28	Мигалиха	138	382	424
29	Мирша	115	355	498
30	Муравьиха	111	292	299
31	Надежино тяни Надеждино	25	76	92
32	Ольгино	64	144	173
33	Поляна тяни Гремячая Поляна	70	218	250
34	Романиха тяни Арманиха	169	437	497
35	Сарадон	67	212	264
36	Сиуха	121	338	396
37	Суроватиха	148	343	426
38	Татарское	144	366	416
39	Тепелево тяни Старое Тепелево	47	211	264
40	Тёплое тяни Тепло-Троицкое	124	336	351
41	Терюшево тяни Большое Терюшево	202	525	622
42	Учеватиха	33	80	84
43	Шониха	81	245	281

Нинге 1920-це кизотнень лувондовсь 25 веле, коса эрясть терюхатт, но XX-це векть пингста синь марнек юмафтозь башка народкс эсь прянь марямаснон, марнек сувасть рузонь этносу.

Лувкссна

2002-це кизоня эряень сёрматфтомать коряс Россияса азозь эсь пряснон терюханкс аньцек 15 ломань

Лятфтамат

Литературась

• Марков А. В. Отношения между русскими и мордвою в истории и в области народной поэзии. — Тифлис: Тип. Канцелярии Наместника Е. И. В. на Кавказе, 1914. — 62 с.
• Маркелов М. Т., Толстов С. П. К истории терюханской народной культуры(руз.) // Этнография : журнал. — 1928. — № 2. — С. 104—123.
• Терюхане // Советская историческая энциклопедия. — М.: Советская энциклопедия . Под ред. Е. М. Жукова. 1973—1982.
• Очерки истории Мордовской АССР. — Саранск: Мордгиз. — Т. 1. — 230 с.