Пудин, Александр Иванович

Александр Пудин
Александр Пудин
Шачсь	16 январьста 1958 (66 лет)
Шачема вастсь	Мокшень Пимбур, Зубунь аймак, Мордовскяй Автономнай Советскяй Социалистическяй Республикась[d], Российскяй Советскяй Федеративнай Социалистическяй Республикась, СССР;
Масторсь	СССР; Россия;
Покодемань тиендемац	драматург
Сайт	pudin.ru

Александр Иванович Пудин шачсь драматургсь, ётафтысь, театральнай и общественнай деятельсь, Россиянь искусствань заслуженнай деятельсь, Мордовия Республикань народнай писательсь, Российскяй Федерациянь 3 классонь Государственнай советниксь, Мордовия Республикань Зубово-Полянскяй райононь Почетнай гражданин, Россиянь Культурань министерствань театрань кизефкснень коряс Общественнай Советонь экспертнай комиссиянь член.

Эряфонь киц

Шачсь кизонь 16-це январьста. Якстерь дипломса шумордазе Саранскяень электроннай приборонь техникумть, меле — А. М. Горькаень лемса Московскяй литературнай институтть Егор Исаевонь кялдяла, меле Валентин Сидоровонь.

А. М. Горькаень лемса литературань институтть аделамда меле покась Мордовиянь книгань нолдамань оцюнякс, Саранск ошса «Известия Мордовии» газетонь оцюнякс, ульсь А. В. Луначарскяень лемса Тамбовскяй облдрамтеатраса режиссеркс-постановщикокс, ульсь оцюнякс Мокшэрзянь государственнай национальнай драматическяй театрань оцюнякс^[1].

Сонь налхкоманза содафт рузонь, маринь, финнонь, шведонь ваныхненди и морафнихненди.

Творческяй киц

1975 кизоня «Мокша» журналса лиссь васенце сёрматфоц. Стихонза и ётафтфонза лисендсть «Дружба народов», «Молодая гвардия» журналхнень эса, «Литературнай газетаса». А. И. Пудинонь кой-кона сёрматфонза ётафтф музыкань лангс, синь арасть пяк содаф морокс, ораториякс.

А. Пудин 32 кизоса арась МССР-нь заслуженнай писателькс, СССР-нь Писателень союзонь членкс (меле — Россиянь), Россиянь театральнай деятелень Союзонь членкс, ульсь Россиянь театральнай деятелень Союзонь национальностень Советонь членкс.

1987-це кизоста сявомок лама покоди драматургияса. Ульсь драматургонь семинарса Денверса (США-са Колорадо штатсь). Нолдась 5 пьесань сборник: «В пустом доме люди» (1988 кизось), «Очаг» (1991 кизось), «Ой, куница играет» (1998 кизось), «Назад, к победам!» (2007 кизось), «Дом на Фрунзенской» (2009 кизось). Пингонь-пингонь песанза лисендихть «Современная драматургия» журналть лопанзон лангса.

1989-це кизоста ушедомок — Мокшэрзянь национальнай театрать ушедыец, сонь художественнай вятиец и оцюняц. Сонь пингстонза театрась сатсь оцю сатфкст ваныхнень и Россиянь общественность инголе. Панжевсь театрась 1989 кизонь 1-це августста — «Анахореты или угол для сирот» (режиссёрсь В. Черменев) пьесать махта. Небезуспешно и сам выступал в качестве режиссёра-постановщика. Илья Максимович Девин.

2007-це кизонь декабрьста нолдась 3-томса кочкаф сёрматфткст, коза сувась 23 пьеса. Нолдафне максовихть инголе вал мархта и нюрьхкяняста азондови эрь произведениять сёрмадомань кинц колга.

Марнек драматургсь сёрмадсь 70-да лама полноактнай пьеса. Васенце театральнай путфксоц — пьесась «Шава кудса ломатть» Рузонь государственнай драматическяй театраса Мордовскяй АССР-са (режиссёрсь С. Арцибашев).

Россияса аф фкя кизоня няфтевихть пьесанза «В пустом доме люди», «Анахореты или Угол для сирот», «Очаг», «Дон Стефано», «Ой, куница играет», «Эренгер», «Жизнь Василия Фивейского», «Завтра — Агавайрем» и другие. Пьесы «В пустом доме люди», «Анахореты или Угол для сирот», «Очаг» ётафневсть и путнвсть СССР-нь народонь эрь кодама кяльса. Пьесась "шава кудса ломатть руз.: «В пустом доме люди» ётафтфоль итальянскяй кяльс и няфтьф Римса.

Пяк кеме соткст драматургсь кирдсь М. Шкетанонь лемса Марийскяй национальнай театрать мархта, конань вятиец Василий Пектеев: марийскяй сценать лангса налхковсть фкя пингста А. Пудинонь 6 пьесанза. «Очаг» пьесати максфоль, кона няфтьфоль М. Шкетанонь лемса Марийскяй национальнай театрать сцененц лангса (режиссёрсь В. Пектеев) максфоль Гран-При финно-угорскяй народонь театратнень Международнай фестивальсост.

1989 кизоня А. И. Пудин сёрмадсь пьеса А. И. Солженицынонь повестенц корява «Один день Ивана Денисовича», конань лангс шарфтсь мяль М.Горькаень лемса МХАТ-сь и сонь вятиец СССР-нь народнай артисткась Татьяна Васильевна Доронина. Пьесась 1990 кизоня путфоль Читинскяй облдрамтеатраса.

1991 кизоня А. Пудин лувондовсь сембода цебярь финно-угрань драматургокс.

1995 кизоня няфтевсь пьесась «Четвертая Сибелиуса» Международай театральнай фестивальса Тампере ошса (Финляндияса). Работась пяк шнафоль сембе оцю финскяй изданиятнень эса, сяконь лувксса — Финляндиянь «Helsinkin sanomat» газетаса.

2005 кизоня А. Пудин — PR-руководитель Моску ошень Правительствань военно-патриотическяй акцияти «Эшелон Победы» (Москва-Брест-Москва), кона лемть Сяськомань шить 60 кизонцты.

2006 кизоня ладясь эсь кядялонь Центра «СоцИнФорум». Центрать видеса марса Москвунь Семейнай и молодёжнай политикань департаментть мархта кирнезе ширенц Идень кизоть пингста информационнай ширде, ульсь PR-директоркс Идень кизонь презентацияти ЮНЕСКО-ть Штаб-квартирасонза. Меле марса Моску ошень общественнай сотксонь Комитетть мархта нолнесь «Московский ориентир» журналть (издательсь и главный редакторсь). 2008-це кизонь 9-це октябрьста Москувонь «Театр на Покровке» театраса путфоль А. Пудинонь комедияц «Дом на Фрунзенской»] (режиссерсь — театрань художественнай руководительсь, Россиянь народнай артистсь, Россиянь Государственнай премиянь лауреатсь Сергей Арцибашев).

2009-це кизонь 4 декабрьста Вл. Маяковскяень лемса Московскяй академическяй театраса ётась васекнцеда няфтемац «Рубеж» спектакльсь А. Пудинонь пьесанц коряс.

2012 кизонь 24-це ноябрьста А. Пудин сцена лангс лиссь, кода артист налхкозе главнай рольть — легендарнай лётчикть Михаил Девятаевонь моноспектакльса эсь пьесанц корява «М. Девятаев. Последний круг над адом».

Максим Горькаень лемса Ростовскяй академическяй драмань театрась

Александр Пудинонь лемонц мархта сотфт М. Горькаень лемса Ростовскяй академическяй драмань театрать касомац. 3 кизоста А. Пудин мрдафтозе театрать репертуарозонза донской литературать, кона няфтезе ростовскяй драмать эсь лацонь ширенц.

2016-це кизонь 19-це июльста Д. Медведевонь Россия-нь Правительствать Председателенц Распоряжениянц вельде М. Горькаень лемса Ростовскяй академическяй театрати максф Фёдор Волковонь лемса Россиянь Правительствань Премия «Российскяй Федерациянь искусствать касфтомаса путфксть инкса».

А. Пудинонди максф «Ростов-на-Дону ошть инголе сатфксонь путомаса» отличиянь знак.

2017-це кизонь 5-це майста театраса ётась спектаклянь премьерась Виталий Закруткинонь «Матерь человеческая» сёрматфонц коряс. Тянь мархта театрась шумордазе покодеманц «Донской театральнай трилогиять» коряс.

2017-це кизонь 14-16 сентябрьста оцю сатфкс сатсть Моску ошень Малай театрать сценанц лангса «Донской театральнай трилогиять» путомац.

Пьесанза

Драманза

Уроз ваймонди уженя
Кудъюрхта
Шава кудса ломатть
Нилеце Сибелиусонь
Василий Фивейскяень эряфоц
Пуреш
Хуторок

Лятфтамат

↑ Мокшэрзянь национальнай театрась

Ссылкат

[1] Мокшэрзянь национальнай театрась

[1]