Мишанина, Валентина Ивановна

Валентина Ивановна Мишанина
Валентина Ивановна Мишанина
Шачсь	25-це ноябрьста 1950-це кизоня (75 кизоц)
Шачема вастоц	Адашева (Мордовия)[d], Кадажень район, Мордовскяй АССР[d], РСФСР, СССР;
Гражданство (подданство)	СССР; Россия;
Образованиясь	Литературань институт[d];
Тевтиемань родсь	XXI веконь СССР-нь, Мордовиянь прозаик, XXI веконь СССР-нь, Мордовиянь драматург, СССР-нь, Россиянь журналонь редактор
Казненза	Kindred People’s Literary Award[d] (2009-це)

Мишанина, Валентина Ивановна (Шачсь 25-це ноябрьста 1950-це кизоня, Адашева (Мордовия)^[d], Мордовскяй АССР^[d]) — сёрмадысь, драматургсь, Россиянь писателень союзу сувафтфсь.

Эряфонь киц

Валентина Ивановна Мишанинась шачсь тяниень Мордовия Республикань Инсарскяй райононь Адаж велеса 25-це ноябрень 1950-це кизоня.

1968-це кизоня аделазе Адаж (руз. Адашево) велеса средняй школать. Меле тонафнесь Моску ошса А.М. Горькайнь лемса литературнай институса^[1]. Покодсь Мордовиянь книгань издательстваса редакторкс (1973-це кизоста сявомок), «Мокша» журналса — прозань отделонь редакторкс, журналти ответственнай секретарькс (1974-це кизоста сявомок), а тяфта жа Мокшэрзянь национальнай драматическяй театрати драматургиянь пяльксти вятикс. В. И. Мишанина — Мордовиянь Ленинскяй комсомолонь лауреат (1986).

Россиянь Писателень союзса ащи 1977-це кизоста сявомок/ Валентина Ивановна Россиянь писателень союзу сувафтфсь, Мордовия Республикань заслуженнай писатель, Мордовия Республикань народнай писатель, М. Кастренонь обществань литературнай премиянь лауреат драматургическяй произведениянкса (Финляндия)^[2].

2000 — 2004 кизотнень — Мордовиянь Писателень Созонь правлениять председательть полафтыец.

Прозаса сёрмадсь кемгафтува книга. Книганза ётафтфт рузонь и эстононь кяльса. Мокшэрзянь национальнай драматическяй театраса сонь пьесанзон (руз.) (мок. коряс путф ветеда лама спектакля.

Ламоц книганза сувафтфт школьнай программатненди мордовскяй литературать коряс.

2023-це кизоня Мордовиянь книгань издательствась нолдазе Валентина Мишанинать «Кяпе менельге» од книганц. Кярьмазти сувафтфт пьесанза – «Куйгорож», «Менелень нюрям», «Тят шава, тят сала», «Сада инжикс», «Толмар», «Кяпе менельге» и и иттненди лемтьф «Ёронь юромста стирня», «Курмай», «Кептерь Пеке». «Кяпе менельге» (руз. Босиком по облакам) пьесась, конань корява лемтьф книгась, морафтыхнень эняльтксснон и сонцень Валентина Ивановнань мяленц коряс, печатлаф мокшень кяльса и сонць авторсь ётафтозе рузкс.

Тя драмась, кода и ламоц лия сёрматфонза ётафтфт венгрань и эстононь кяльса, сувафтф «Современная литература народов России» «Драматургия» томти^[3].

Валентина Мишанинати 2025-це кизоня «Артист» благотворительнай фондть эзда, кона кирдьсыне ширеснон искусстваса покодихнень, казьф «Признание» премияса «Адста ворьгодема» (руз. Побег из ада) пьесать инкса, конань путозе режиссёрсь Ольга Парфёнова, кона сувась «Зрнянь фонду Россиянь театральнай постановкатненди». Нациянь театрать и «Артист» Благотворительнай фондсь (руз.) (мок. «Признание» премиять макссесы 2008-це кизоста сявомок. В.И. Мишанинась васенцесь Мордовияста, кинди максозь тя премиять^[4]. Эряй Саранск ошса.

Сёрмадома ушедомац

Мишанина В.И. сёрмадомаса виензон варжазень кафксоце класса тонафнемста. Васенда тяшнесь стихт. Кафттнень эздост печатлазь «Якстерь тяштеня» журналса и тя пацяяфтозе мокшень стирнять.

Меле варжась сёрмадомс прозавок, азксонц печатлазь журналса. Ся пингста сон повсь журналонь вяти редакторть, сёрмадыть Илья Максимович Девинонь сельмос. «Шачема ширь» стихотворнай циклац печатлафоль «Мокша» журналса 1968-це кизоня. «Кить ушетксоц» прозаическяй сборникоц, ков сувась кемголмува азкс, лиссь 1972-це кизоня.

Покодема вастоц

Мордовскяй книжнай издательстваса редактор (1973)
«Мокша» журналса литературнай покодись, прозань отделса редакторсь, отвественнай секретарсь (1974)
Мордовскяй национальнай театраса драматическяй пяльксонь вятикс (2000 )
Мордовия Республикань Союзонь писателень председательть полафтыец.

Книганза

«Кить ушетксоц» (руз. «Начало пути») (1972);
«Сиянь ракакудня» (руз. «Серебряная ракушка») (1974);
«Качаму шобдава» (руз. «Дымное утро»)(1976);
«Пингонь ортат» руз. Ворота времени) (1984);
«Ки лангса ломатть» (руз. «Люди в дороге») (1985);
«Вальмафтома куд» (руз. «Дом без окон») (2002).

Налхкоманза

«Тройцянь карша»
«Озкс тумоть тарадонза»
«Эх, ломатть, ломатть»
«Куйгорож»
«Тят, шава, тят сала»

Лятфтмат

↑ Литературный институт имени А.М. Горького (рус.). «Вузопедия». Дата обращения: 5 октябрьста 2025.
↑ Мишанина Валентина Ивановна (неопр.). theatre-museum.ru.
↑ В Саранске издан сборник пьес мокшанского драматурга Валентины Мишаниной (рус.). Министерство культуры, национальной политики и архивного дела (30 июньцта 2023). Дата обращения: 6 октябрьста 2025.
↑ «Раньше меня ставили к юбилеям, а теперь всегда!» (рус.). Газета «Мордовия». Дата обращения: 6 октябрьста 2025.

Ссылкатне

[1] Литературный институт имени А.М. Горького (рус.). «Вузопедия». Дата обращения: 5 октябрьста 2025.

[2] Мишанина Валентина Ивановна (неопр.). theatre-museum.ru.

[3] В Саранске издан сборник пьес мокшанского драматурга Валентины Мишаниной (рус.). Министерство культуры, национальной политики и архивного дела (30 июньцта 2023). Дата обращения: 6 октябрьста 2025.

[4] «Раньше меня ставили к юбилеям, а теперь всегда!» (рус.). Газета «Мордовия». Дата обращения: 6 октябрьста 2025.

[1]

[2]

[3]

[4]