Мокшень Пишля

Веле
Мокшень Пишля
54°06′27″ с. ш. 44°47′39″ в. д.
Странась	Россия
Федерациянь субъектсь	Мордовия
Историясь и географиясь
Частонь каркссь	UTC+3:00
Эряйхне
Эряйхне	▼444 ломань (2020)
Официальнай кяльсь	Мокшень и эрзянь, рузонь
Цифрань идентификаторхне
Почтовай индекссь	431482
Код ОКАТО	89243840001
Код ОКТМО	89643440101
Номерсь ГКГН	0076162
Мокшень Пишля Мокшень Пишля

Мокшень Пишля руз. Мордовская Пишля — веле, велень администрациянь центра Рузаевскяй районца Мордовия Республикаса Российскяй Федерацияса.

Мокшень Пишлянь велень администрацияв сувси Булгаки велесь (10 ломатть) и Тёпловка (6), веленясь Мокшень Куженясь (27ломань).

Географиясь

Ащи Пишля ляйть видеса, 13 вайгяльбень вастса райононь центрать и 4 вайгяльбет Пайгарма машина кинь станциять эзда.

Эрямопингсь

Лем-гидроним. «Мокшень» лемсь няфти эряйхнень этническяй пяльксснон лангс.

Актовай документть коряс «Состав мужского населения Завального и Руднинского станов Саранского уезда на 1725 г.», тяса лувондовсь 151, 1732-це кизоня — 163 аля вайме. «Российскяй империянь населеннай вастонь спискать» коряс (1864), Пишлясь — казеннай веле ащи 170 кудбирьфста (1 183 ломань мархта); ульсь становой квартира. 1913-це кизонь лувомать коряс Пишляса ульсь 332 кудбирьф (2 182 ломань); церковно-приходской школа, кредитнай товарищества, пожарнай машина, 2 кузенцят, 5 кшинь пидема вастт, 2 учань заведеният, понань пиксома васта, 9 вармань меленцят и 1 — нефтань двигатель мархта, 6 кшинь лав кат, 1 винань, 2 пивань и 7 шоряф лавкат. «Средне-Волжскяй краень эряма вастонь Спискать коряс» (1931), Мокшень Пишляса лувондовсь 495 кудъюрхта (2 460 ломань). 1930-це кизотнень ушетксста пуроптфтольхть 3 колхост, 1955-це кизоня — касфтф А. П. Байкузовонь лемса колхоз, 1960-це кизоста сявомок — «Шишкеевскяй» совхозонь 6 — це № отделениясь, 1965-це кизоста сявомок — «Рассвет» совхозсь, 1973-це кизоста сявомок А. П. Байкузовонь лемса, 1998-це кизоста сявомок — 3 К(Ф)Х (специализациясь — лофцонь потямась).

Велеса — школа, 2 библиотека, Культурань куд, лавка, связень отделения; Великай Отечественнай войнаса шавфненди воинскяй обелиск; Рождество-Богородицкяй церькавсь.

Содаф ломаттне

• Кузнецов, Юрий Фёдорович — писательсь, журналистсь, литературнай критиксь;
• Чадин В. В. — РФ-нь транспортонь заслуженнай работник, лауреата Государственной премии Республики Мордовия, кандидата филологических наук
• Келина А. Н. Мордовия Республикань Государственнай премиянь лауреатсь, филологическяй наукань кандидатсь;
• Тимофеева Н. Н. — МАССР-нь заслуженнай врачсь.

Эряйхне

Эряйхнень лувкссна

2002	2010	2020
614	↘564	↘444

100

200

300

400

500

600

700

2002

2010

2020

Сяда ламотне мокшет.

Мокшэрзянь Пишля велень эряйда (2025 кизонь декабрть уликсонзон коряс) 514 ломань, тяконь лувксса 6 кизоти молемс шабада — 51 ломань, 7 кизоста сявомок 17 кизоти молемс подросткада (школьникта) — 61 ломань, 18 кизоста сявомок 29 кизоти молемс од ломаньда — 62 ломань, 30 кизоста сявомок 60 кизоти молемс оцю ломаньда — 221 ломань, 60 кизоста сявомок эряфкшу ломаньда — 112 ломань, а 80 кизоса сире Мокшень Пишля велень ламос эряйда — 7 ломатть.

Лятфтамат

Литературась

• Энциклопедия Мордовия, А. Н. Келина.
• Бахмустов, С.Б. Православные приходские храмы Мордовии. Словарь-справочник(руз.). — Саранск: Респ. тип. «Красный Октябрь», 2015. — 361 с. — ISBN 978-5-7493-1817-3.
• Инжеватов, И.К. Топонимический словарь Мордовской АССР(руз.). — Саранск: Мордов. кн. изд-во, 1979. — 221 с.
• Цыганкин, Д. В. Память, запечатленная в слове : словарь географических названий Республики Мордовия(руз.) / . В. Цыганкин. — Саранск: [б. и.], 2005 (ГУП РМ Респ. тип. Красный Октябрь). — 429 с. — ISBN 5-7493-0780-8.

Ссылкатне

• с. Мордовская Пишля
• В Мордовии сельчане собрали новые сведения о 52 ветеранах Великой Отечественной войны