Именьковскяй культурась

Рувики лопаста
Именьковскяй культурась
Кучка векне
Origins 700.png
Географическяй аймаксь Кучка Равкужесь
Вастсь Кучка Равкужесь
Пингсь IV—VII векне
Кит этническяй атрибуциясь кепси спорямат (праславяттне[1], балттне[2], готтне[3], мекольдень сарматтне[4], ингольдень тюркатне[5], угратне[6], волжскяй фиттне[7])
Хозяйствань типсь сокамась-видемась
Исследовательхне А. П. Смирнов, Г. И. Матвеева, В. Ф. Генинг, А. Х. Халиков, П. Н. Старостин, Е. П. Казаков
Полафнемась
←черняховскяй

←зарубинецкяй

 → волынцевскяй (улема)→
булгарскяй→
кунардонь мокшэрзянь →
Логотип РУВИКИ.Медиа Именьковскяй культурась

Име́ньковскяй культу́рась (руз. Именьковcкая культура) — ингольдень кучка веконь IV — VII-це сядокизотнень археологиянь культура, кона ульсь Кучка Равкужеса (Самарскяй область, Татарстан, Мордовия, Чувашия, Ульяновскяй область). Ламоц исследовательхне няйсазь именьковскяй культураса праславяттнень[8]. 1981-це кизоня Г. И. Матвеевась музе именьковскяй и зарубинецкяй культуратнень ёткса радняшить. Сембода пяк именьковскяй культурась малады зарубинецкяй культурань полесскяй вирень вариантти [9] [10].

Именьковскяй культурань пляматне занцезь тяфтама модатнень: Алдонь Камать виде беряконц эзда Самара ляйть келемкшни вастозонза, Сура ляйть кучкастонза сявомок, Белая ляйть кучка шудеманцты молемс[11]. Эсь лемонц культурась сявозе Татарстанонь Лаишевскяй райононь Именькова велеть маласа васенце сяда лац тонафнеф ошпандть коряс. Кучка Равкужу булгархнень (руз.) (мок. самдост меле, VII-це векть омбоце пялестонза, именьковецнень памятниксна юмсихть. Азонкшневихть мяльхть, кле именьковецнень кой-кона пялькссна шовордавсь сафнень ёткса, кой-кит тусть ши валгома шири, сувамок волынцевскяй культурати[12].

Ингольдень этапсь

Именьковскяй культурань ингольдень этапть явфтозе Д. А. Сташенков[13], кона макссь теенза пинге III/IV — V-це сядокизотнень[14]. Кучка Равкужеса ингольдень именьковскяй памятникнень эвондамасна сотф мзярс нинге апак содак кодама региоттнень эзда састь постзарубинецко-раннекиевскяй кругонь «славяноиднай» кунардонь пингоннетне, теест сувсесть тяфта жа пшеворскяй и черняховскяй культурань (руз.) (мок. элементт[15][16][17][18][19][20]. Миграциять пингста Кучка Равкужеса тиевихть кунардонь пингонь колма синхроннай группат: ингольдень именьковскяй, Сиделькина — Тимяшева типонь и Лбище ошпандонь типонь. Сиделькино — Тимяшево типонь памятникне, конат канневихть киевскяй культурань памятникненди, сяда тов ашесть заня оцю роль классическяй именьковскяй культурать арамаса. Саф постзарубинецкяй компонентть мархта марса самай тиеви именьковскяй культураса няевихть тяфта жа тястоконь постгородецкяй, мекольдень скифскяй и сарматскяй элементтне[21].

Ингольдень именьковскяй памятникне

Ингольдень именьковскяй памятникнень ламошкасна ащихть Самарскяй Лукать маласа, коса синь улихть аньцек апак кемокстак веле лаца. Эсост ульсь усадьбань планировкась. Эрямань куттне ащихть пелева модаса. Видексонь калмонь памятникт мзярс апак муфт[22].

Ингольдень именьковскяй ломаттнень экономикаса оцю васта занци вирьхнень алда сокаманди-видеманди модань анокламась. Тевс нолявсть аф оцю тарваст, яжафтомань кефт. Кшнинь ральникне (руз.) (мок. нинге аф содафтольхть. Жуватань койхне-обуцятне ладяфтольхть ёмла сюра мархта жуватань кирдемать лангса. Оцю васта шрать лангса занцесть охотать и калонь кундамать эзда ярхцамбяльхне[23].

Ингольдень именьковскяй этапонь кузенцянь тефне мольфтевсть лафчста. Тевс нолневсть металлургическяй пянакуттне, конатнень ашель аналогиясна сяда мельдень именьковскяй кунардонь пингонь паршихнень ёткса и ашельхть ня пянакуттнень лангс шарыхть, малат, конатне тонафневсть зарубинецкяй культурань модатнень лангса[24]. Именьковскяй культурань ингольдень керамическяй комплексса мекольденнеть коряс сяда сидеста васьфневи лощенай сяканятне (1 сявомок 5 % — ти молемс марнек лувксть эзда), лама (5 % — ти молемс) васьфневихть шаванят, улихть кукшетть ирдез мархта, лапш пачкалкнень ёткса сяда лама бортикфтома[25].

Мекольце кизонь исследованиятне няфтезь, што именьковскяй древносттнень ингольдень горизонтсна тяшкстави тяфта жа Посурьянь кой-кона памятникнень эса (Моргинскяй ошпандсь, Сара I велесь), конанди макссеви пингсь аф сяда меле IV-це векть пенцты. Улема, V-це векста ульсть ни Маклашеевскяй II-це и Старомайнскяй ошпанттне вирень и степень Заволжьяса[26].

Лбище ошпандонь типонь памятникне

Д. А. Сташенковонь мяленц каршес, кой-кона исследовательхне (Г. И. Матвеевась, Н. П. Салугинась) каннесазь именьковскяй культурать ингольдень этапонцты тяфта жа Лбище ошпандонь типонь памятникнень, конатнень эзда аф лама и конатненди путневи пингокс III — V-це веконь ушеткссь. Тяниень пингть содафт аньцек кафта тя типонь ошпантт, а стане жа теест малады велет, конат ащихть Самарскяй Лукать лямбе ширесонза Рав ляйть трванц сери кеву вастонзон лангса. Лбищенскяй кунардонь пинкненди ладяф стака фортификациянь тиемань кой. Эрямань куттне ульсть модалангонь, срубонь, толмаронди крхкалгофтф котлован мархта. Калмама вастт велетнень ваксса ашесть мув[27].

Лбищенскяй типонь памятникнень эряйсна кирдсь жуватат, сяда лама оцю сюра мархта жуват, сяда кржа ульсть алашадост. Сокамань-видемань орудиятне няфтьфт мзярс тарвазть фкя сяка муфкссонза. Охотась хозяйстваса ашезь занце кодамовок васта, сяс мес велетнень эзда остеологическяй материалхнень эса пцтай аш вирень жуватань пакарьхть. Калонь кундамать улеманц колга корхтайхть Лбище ошпандса муф калонь кундамань кячкасне[28].

Лбищенскяй памятникнень керамическяй комплекссна аерды ингольдень именьковскяйть эзда ламода сяда оцю процентса шаваня лаца кядьгонятнень мархта, конат вельхтяфт лощенияса. Аф ваномок кядьготнень морфологияса кой-кодама аф фкакс ширетнень лангс, Н. П. Салугинась арьси, што керамическяй кафцьке комплекснень тиемань технологиятне лац няфнесазь эряйхнень фкя-фкянди малашиснон, конат кадозь азф памятникнень[29].

Мекольдень этапсь

V-це векть песта — VI-це векть ушетксста и VII-це векть васенце пяленцты-кучканцты, тя пингти сашендови именьковскяй культурать келемомац. Памятникнень марстонь лувкссна 500 лама, синь лувкссост 100-ть малава ошпанда[30]. Именьковскяй памятникнень материальнай культурасост тя этапса няеви тняра инокультурнай элементта, конат аф сотфт древносттнень западнай кругснон мархта, што сонць ламода юмафнесы эсь «славяноиднай» шамаликонц. Археологиянь ширде няйф рязано-окскяй калмотнень культураснон влияниясна, а тяфта жа турбаслинскяй, кушнаренковскяй, караякуповскяй и лия культуратнень[31].

Пялева модаса куд
Мода лангонь эряма васта

VII-це векста именьковскяй культурань аймакти сашендыхть булгархне. В. В. Седовонь версиянц коряс, тя пингть ламотне именьковецнень эзда кадондсазь эсь эряма вастснон и ётнихть эряма лямбе и ши валгома шири, коса тиихть оцю путкс волынцевскяй археологическяй культурать (руз.) (мок. тиеманцты и виияфтоманцты, конань путнесазь летописень северяттненди[15][32][33].

С. Г. Кляшторный, арабскяй источникнень эзда информациять коряс, арьсесь, што славяттне, конат арасть именьковецненди атянь-атянь унококс, сяда тов эрясть Кучка Равкужеса VIII-це векста, и нльне сяда меле X-це векти самс. Тя мяльть ширенц кирдезе Г. И. Матвеевась, кирдемок мяльса сянь, што VIII—X веконь именьковскяй культурать археологическяй пильгокинза апак муфт аньцек именьковскяй культурать археологическяй ширде аф сатомшка тонафнеманц сюнеда. П. Н. Старостин стане жа лувондозе тя культурать славянскяйкс и кемоста ащесь сянь лангса, што сонь эрямопингоц аф сязеви VII-це векста[34].

Территориальнай группатне

Тячиень шити, эрь кодама исследовательхнень коряс, именьковскяй культурань ареалу сувафневи кота территориальнай группа[35]:

  • нижнекамскяй (Татарстан);
  • сурскяй (Мордовия и Чувашия);
  • ульяновскяй;
  • лямбе ширень (Самарская Лука);
  • кельме-шинь стямань ширень (Удмуртия);
  • романовскяй (кельме-ши валгомань ширень Башкириясь).

Кудъётконь тефне

Именьковскяй пляматне Кучка Равкужеса васенцетнень ёткса ётасть соксеви модаса перень касфтомати, нолямок тевс кшнинь нярь мархта сокат. Именьковскяй культурань кой-кона эряма васттнень эса муфт сёронь ляткст. Ня муфксненди анализонь тиемась няфтезь, што ломаттне витцесть тозер, розь, сура, пинем, шуж, снав. Сёронь урядамась мольфтевсь кшнинь тарвазса, а стане жа пеелемса. Сёрось ванфневсь лоткса-утомса. Сёронь яжамс нолявсть тевс яжамкат, конат шарфневсть кядьса.

Культурась

Именьковскяй культурань эряма васттнень исследованияснон пингста муфтольхть эряма вастонь лятксне, кшнинь шяняфтомань пянакуттнень, серень и бронзань шяняфтомань мастерскойхнень, кядьгонь анокламать ляткссна. Именьковскяй культурать ульсь оцю прогрессивнай влиянияц шабрань финно-угорскяй нароттнень лангс сокамать-видемать, жуватань кирдемать и ремеслань технологиятнень келемомаснон коряс.

Генетическяй сотксне и этническяй атрибуциясь

Именьковскяй культурань эряйхнень этническяй атрибуцияснон коряс мольфтевихть спорямат. Именьковецнень эса няихть финно-угратнень, тюркатнень, угро-мадьярхнень, славяттнень, балттнень, иранецнень (мекольдень сарматтне), готтнень[36][37].

Балто-славянонь гипотезась

В. В. Напольских волжско-финскяй и пермскяй кяльхнень эса кой-кона заимствованиятнень мяльс сявозь, няи именьковцнень эса кодама-бди башка ащи макробалтскяй (балтославянскяй) диалектса корхтайхть, лемдезе сонь «именьковскяй кялькс», кона ульсь мала, но аф фкя праславянскяйти. Заимствованиянь пингсь, сембода мекольденнесь, минь эраньконь васенце тысячелетиянц кучкаста — эпохать, кона ульсь прапермскяй кяльть срадомдонза инголе[38].

Именьковскяй кяльть вастоц балто-славянскяй ареалса «Балто-славянский языковый компонент в Нижнем Прикамье в сер. I тыс. н. э.» В. В. Напольских работастонза сявф даннайхнень коряс

Заимствованиянь кепотьксне, конатнень музень Напольских:

  1. ППерм. *ruʒeg «розь»;
  2. ППерм. *rub- «чапомс лотка, тиемс лазф»;
  3. ППерм. *cors «кштирь», *cors- «кштирдемс»;
  4. ППерм. *konз «паргана пона мархта ракшаня: ур, песец; ката»;
  5. ППерм. *ʒoʒзg «маци»;
  6. ППерм. *gobз «панга»;
  7. ППерм. *gor- «панда»;
  8. ППерм. *lud «модань пакш: пакся, луга, жуватань ванома васта, кужа, (иняру) пора»;
  9. ППерм. *rut «илядь».

Сялдомась

В. Л. Васильев арьси, што заимствованиятнень, конатнень Напольских лемнесыне балто-славянскяй «именьковскяй кялень» пильгокикс, могут улемс лия этимологиясна, а стане жа пеняцяй сянь лангс, што апак ётафтт ся вастонь топонимонь и гидронимонь исследованият, конат афкукс няфтьсазь кунардонь пингонь кяльхнень кодама-бди вастса улемаснон[39].

Славянонь гипотезась

Ламоц исследовательхнень мяльснон коряс, именьковскяй культурань ломаттне кандовсть этническяй славянствати[8].

А. П. Смирнов азсь мяль, конань коряс именьковскяй культурась тиевсь славяттнень участияснон вельде, конат састь тяза эряма Днепр ляйть (руз.) (мок. вирень и степонь кержи трвастонза, мезсь (Г. И. Матвеевать мяленц коряс) хуш и ашезь получа хронологическяй кемокстама, но арась васенце няфтемакс именьковскяй культурать и минь эрань рубежса калмонь паксянь культуратнень кругснон ёткса соткснень лангс. Стане жа сон корхтай сянь колга, што именьковскяй культурань калмамань коень, керамикань и паршиень комплексонь анализсь няфнесы сонь эсонза зарубинецкяй культурань ширьхнень ванфтомаснон, сембода пяк сонь полесскяй вариантонц калмамань коень эсь лацонь ширьхнень эса, а стане жа марнек фкя лацот кузенцянь инвентарсь, видемань-сокамань и шуфтонь керомань орудиятне именьковскяй и пшеворскяй культурань ёткса[40]. Г. И. Матвеевать мяленц коряс, именьковскяй культурань ломаттне малат славяттненди нинге калмамань коень башка ширетне коряс и керамикань кой-кона ширетне коряс[41].

С. Г. Кляшторнай и М. И. Жих сотнесазь именьковецнень мархта сакалибонь народть (руз.) (мок., кона, синь мяльснон коряс, кочкафт арабонь сёрмань койса Кучка Равса[42][43].

М. И. Жих лувсы славянствань эрявикс показателькс ся заимствованиятнень, конатнень музень Напольских, валсь *ruʒeg «розь» — кона ладяй славянскяй велень хозяйствань культурати и кона келемкшнесь Ши стямань ширень и Кучка Европаса славяттнень мархта[44][45].

Стане жа, М. И. Жих арьси, што славянизматне венгерскяй кяльса, конат эвондасть Паннонияв венгратнень эряма ётамдост инголе, эвондакшнесть славяттнень и венгратнень лиямбе ширень рузонь степнень эса аф лама пинге моли аф контактснон вельде, а сянь вельде, што именьковскяй культурась кирдсь кеме соткс кушнаренковскяй культурать мархта, коза канневсть правенгратне[46][47][48][49][50].

Р. Ш. Насибуллин няфнесы именьковскяй культурань каннихнень сувамаснон прославянскяй пляматненди удмуртскяй кяльса заимствованиятнень вельде, конат сотфт велень хозяйствать и калонь кунцемать мархта[51].

Именьковецнень славянкс лувсазь В. В. Седов[52], С. Г. Кляшторный[42], П. Н. Старостин (2001-це кизоста сявомок)[1], Д. Г. Савинов[53], В. Д. Баран[54], Г. И. Матвеева[55], М. И. Жих[43] и лиятне.

Сялдомась и каршек валхне

Археологть Н. А. Лифановонь мяленц коряс, именьковецнень и ингольдень славяттнень марс путомасна, азф Седовонь и Кляшторнаень работасост, аф верондафты, а М. И. Жихонь монографияц няеви фантастическяйкс[56]. Эсь ширденза, М. И. Жих няфнесы оппонентть аф содаманц или коламанц эрь кодама исследовательхнень работаснон, кепотьксонди, Г. И. Матвеевать, кона, кода няеви сонцень виденцямстонза, кона лиссь «Среднее Поволжье в IV—VII вв.» 2004-це кизонь монографиясонза, аралазе именьковскяй культурать славянскяй ширенц 1988-це кизонь работанц эса ни[57][58]. Тяфта жа, нежедемок содаф американскяй специалистть лангс тюркологическяй и центральноазиатскяй исследованиятнень эса — Питер Голденонь, кинь мялец кирдьсы сонь наблюдениянзон ширенц, М. И. Жих азсы, што Н. А. Лифанов аф содасыне кучка веконь источникнень[58]. РАН-нь шинь стямань ширень рукописень институтонь сотрудниксь С. Г. Кляшторный и историческяй наукань кандидатсь И. А. Гагин эсь рецензиясост макссть цебярь питне М. И. Жихонь монографиянцты[59][60].

Тюркскяй гипотезась

А. Х. Халиков арьси, што именьковецнень кяльсна ульсь тюркскяйкс и ульсь мала чувашеннети[5].

В. Ф. Генинг сотнезе тя культурать тюркатнень мархта.

1967-це кизоня тя мяльть кирдезе и П. Н. Старостин, меле ни, 2001-це кизоня примазе славянскяй атрибуциять[1][61].

Лия гипотезатне

Е. П. Казаков каннесыне именьковецнень хиониттненди (руз.) (мок.[62], мекольдень сарматтненди (иранецненди)[4][36], Н. Ф. Калинин — буртасненди, П. Д. Степанов — угро-мадьярхненди[63].

Лятфтамат

  1. ↑ 1 2 3 Кляшторный С. Г., Старостин П. Н. Праславянские племена в Поволжье // История татар с древнейших времён. Народы степной Евразии в древности. — Казань, 2002. — Т. 1.
  2. ↑ Приходько В. В. К вопросу об этноязыковой атрибуции именьковской археологической культуры // Симбирский научный вестник. — 2011. — № 2. — С. 42—47.
  3. ↑ К вопросу об историко-археологической идентификации одного из «Северных народов» у Иордана. web.archive.org. Дата обращения: 24 январьста 2026.
  4. ↑ 1 2 Казаков Е. П. Этнокультурная ситуация в IV—VII вв. н. э. в Среднем Поволжье // Finno-Ugrica. — 2011. — № 12—13. — С. 18—19.
  5. ↑ 1 2 Халиков А. Х. Истоки формирования тюркоязычных народов Поволжья и Приуралья // Вопросы этногенеза тюркоязычных народов Среднего Поволжья / Отв. ред. А. Х. Халиков. — Казань: [б. и.], 1971. — С. 20. — (Археология и этнография Татарии. Вып. 1).
  6. ↑ Степанов П. Д. Памятники угорско-мадьярских (венгерских) племен в Среднем Поволжье // Археология и этнография Башкирии. Т. II = Башҡортостан археологияһы һәм этнографияһы. II т. / Под ред. Р. Г. Кузеева и К. В. Сальникова. — Уфа: Башкирское книжное издательство, 1964. — С. 144.
  7. ↑ Смирнов А. П., Трубникова Н. В. Городецкая культура. — М.: Наука, 1965. — С. 27—28. — (Археология СССР. Свод археологических источников. Вып. Д1-14).
  8. ↑ 1 2 А. М. Обломский. Памятники киевской культуры в лесостепной зоне России (III — начало V в. н. э.). — М.: ИА РАН, 2007. — P. 6. — (Раннеславянский мир. Археология славян и их соседей. Вып. 10). — ISBN 978-5-94375-062-5. — «В Среднем Поволжье, по мнению многих исследователей, славянскую этническую принадлежность имеет именьковская культура эпохи раннего средневековья…»
  9. ↑ Максим ЖИХ. Арабская традиция об ас-сакалиба в Среднем Поволжье и именьковская культура: проблема соотношения. | Русское поле (рус.). suzhdenia.ruspole.info. Дата обращения: 24 январьста 2026.
  10. ↑ Матвеева Г. И. О происхождении именьковской культуры // Древние и средневековые культуры Поволжья. Куйбышев, 1981. С. 58.
  11. ↑ Именьковская культура (рус.). Руниверсалис. Дата обращения: 24 январьста 2026.
  12. ↑ Седов В. В. Очерки по археологии славян. М., 1994. С. 59-63.
  13. ↑ Сташенков Д. А. О ранней дате именьковской культуры // 40 лет Средневолжской археологической экспедиции. Краеведческие записки. Вып. XV / Отв. ред. Л. В. Кузнецова. — Самара: Офорт, 2010. — С. 111. — ISBN 978-5-473-00651-3.
  14. ↑ Сташенков Дмитрий Алексеевич. Об абсолютной дате памятников именьковской культуры на Самарской Луке // Поволжская археология. — 2016. — Вып. 3 (17).
  15. ↑ 1 2 Седов В. В. К этногенезу волжских болгар //Российская археология. — 2001. — №. 2. — С. 5-15.
  16. ↑ Матвеева Г. И. О происхождении именьковской культуры // Древние и средневековые культуры Поволжья. Куйбышев, 1981. С. 52-73
  17. ↑ Матвеева Г. И. Этнокультурные процессы в Среднем Поволжье в I тысячелетии н. э. // Культуры Восточной Европы I тысячелетия. Куйбышев, 1986. С. 158—171
  18. ↑ Жих М. И. Ранние славяне в Среднем Поволжье: по материалам письменных источников. — 2011. С.14-15
  19. ↑ Пачкова С. П. Зарубинецкая культура и латенизированные культуры Европы //Киев: Институт археологии НАН Украины. — 2006.
  20. ↑ Сташенков Д.А. О хронологическом соотношении памятников лбищенского типа и ранних памятников именьковской культуры // Известия Самарского научного центра Российской академии наук. — 2010. — Т. 12, вып. 6—1.
  21. ↑ Сташенков Д.А._Об этнокультурных связях населения именьковской культуры(англ.). MediaFire. Дата обращения: 24 январьста 2026.
  22. ↑ Сташенков Д. А. О ранней дате именьковской культуры. — С. 112—113.
  23. ↑ Вязов Л. А. О хозяйственно-культурных традициях населения Среднего Поволжья во второй—третьей четверти I тысячелетия н. э. // Археология восточноевропейской лесостепи. Вып. 3: Материалы III Международной научной конференции, посвящённой 110-летию со дня рождения А. Е. Алиховой (7—8 декабря 2012 года) / Отв. ред. Г. Н. Белорыбкин, В. В. Ставицкий. — Пенза: ПИРО, 2015. — С. 285.
  24. ↑ Сташенков Д. А. О ранней дате именьковской культуры. — С. 112.
  25. ↑ Там же. — С. 115.
  26. ↑ Вязов Л. А., Семыкин Ю. А. Городище и селище Новая Беденьга: эпоха Великого переселения народов в Ульяновском Предволжье. — Ульяновск: НИИ истории и культуры им. Н. М. Карамзина, 2016. — С. 82—83. — (Археология Симбирского-Ульяновского Поволжья. Вып. 1). — ISBN 978-5-9631-0534-4. Архивировано 7 февральста 2017 года.
  27. ↑ Матвеева Г. И. Памятники начала эпохи великого переселения народов (II — IV века н. э.) // История Самарского Поволжья с древнейших времён до наших дней. Ранний железный век и средневековье / Редкол.: Кабытов П. С. (гл. ред.) и др. — М.: Наука, 2000. — С. 100—102. — ISBN 5-02-008718-1.
  28. ↑ Сташенков Д. А. Население Самарского лесостепного Поволжья I — V вв. н. э.: автореферат дис. ... кандидата исторических наук: 07.00.06. — Казань, 2007. — С. 16—17.
  29. ↑ Проблемы взаимодействия населения Восточной Европы в эпоху Великого переселения народов | Институт археологии Российской академии наук (рус.). archaeolog.ru. Дата обращения: 24 январьста 2026.
  30. ↑ Вязов Л. А., Семыкин Ю. А. Городище и селище Новая Беденьга: эпоха Великого переселения народов в Ульяновском Предволжье. — С. 83.
  31. ↑ Сташенков Д. А. Об этнокультурных связях населения именьковской культуры // Славяноведение. 2006. № 2. — С. 28—29.
  32. ↑ Седов В. В. Очерки по археологии славян. М., 1994. С. 49-66
  33. ↑ Седов В. В. Славяне в раннем средневековье. М., 1995. С. 186—195
  34. ↑ Средневековье. Великое переселение народов (по материалам археологических памятников Самарской области) / Отв. ред. А. В. Богачев. Самара С. 69-70, 2013
  35. ↑ Никитина А.В. Технологические особенности керамики селища романовка-ии эпохи великого переселения народов северо-западной Башкирии (по материалам раскопок 1989 года) // Вестник Самарского государственного университета. — 2015. — Вып. 11 (133).
  36. ↑ 1 2 Исхаков Д. М. Татары: популярная этнография. Казань: Тат. кн. изд-во, 2005. С. 19.
  37. ↑ Г. И. Матвеева. О происхождении именьковской культ (Игорь Бабанов) / Проза.ру. proza.ru. Дата обращения: 24 январьста 2026.
  38. ↑ Напольских В. В. Балто-славянский языковой компонент в Нижнем Прикамье в сер. I тыс. н. э. web.archive.org. Дата обращения: 24 январьста 2026.
  39. ↑ Васильев, Валерий Л. «Проблематика изучения гидронимии балтийского происхождения на территории России.» Linguistica 55.1 (2015): 173. С. 179
  40. ↑ Матвеева Г. И. Некоторые итоги изучения именьковской культуры // Труды VI МКСА. Т. 3. Этногенез и этнокультурные контакты славян. С. 212—215.
  41. ↑ Матвеева Г. И. Некоторые итоги изучения именьковской культуры // Труды VI МКСА. Т. 3. Этногенез и этнокультурные контакты славян. С. 216.
  42. ↑ 1 2 Кляшторный С. Г. Праславяне в Поволжье // Взаимодействие народов Евразии в эпоху Великого переселения народов. Материалы международного научного симпозиума и международной научно-практической конференции. Ижевск, 2006
  43. ↑ 1 2 М. И. Жих Ранние славяне в Среднем Поволжье (по материалам письменных источников). СПб.; Казань, 2011
  44. ↑ Яжджевский К. О значении возделывания ржи в культурах раннего железного века в бассейнах Одры и Вислы // Древности славян и Руси. М. 1988.
  45. ↑ Жих М. И. Ранние славяне в Среднем Поволжье: по материалам письменных источников. — 2011. С.21-22
  46. ↑ Седов В. В. Очерки по археологии… С. 64—65.
  47. ↑ Жих М. И. Ранние славяне в Среднем Поволжье: по материалам письменных источников. — 2011.
  48. ↑ Munkácsi В. A magyar-sláv etnikai erintkezés kezdetei // Ethnographia. Budapest, 1897. Т. 8. P. 1—30
  49. ↑ Рот A. M. Венгерсковосточнославянские языковые контакты. Будапешт, 1973
  50. ↑ Хелимский Е. А. Изучение ранних славяновенгерских языковых отношений (Материалы и интерпретация. Вопрос о этноязыковых контактах венгров с восточными славянами) // Славяноведение и балканистика в странах зарубежной Европы и США. M., 1989. С. 184—198.
  51. ↑ Насибуллин Р. Ш. К проблеме этнической принадлежности носителей именьковской археологической культуры // Вестник Удмуртского университета. — 1992. — № 6. — С. 76-79
  52. ↑ A.M. Shkrob. VIVOS VOCO: В.В. Седов, "Этногенез ранних славян". web.archive.org. Дата обращения: 24 январьста 2026.
  53. ↑ Кляшторный С. Г., Савинов Д. Г. Степные империи древней Евразии. — СПб.: Филологический факультет СПбГУ, 2005. — Т. 1. — С. 68—72. — 346 с. — ISBN 5-8465-0246-6.
  54. ↑ Баран В. Д. Венеди, склавіни, та анти у світлi археологічих джерел // Проблемы славянской археологии. Труды VI Международного Конгресса славянской археологии. Т. I. М., 1997. С. 154
  55. ↑ Матвеева Г. И. Среднее Поволжье в IV-VII вв.: Именьковская культура. Учебное пособие. — Самара: Самарский университет, 2004. — С. 74—76.
  56. ↑ Лифанов Н.А. Рецензия на: Жих М.И. «Ранние славяне в Среднем Поволжье». web.archive.org. Дата обращения: 24 январьста 2026.
  57. ↑ Матвеева Г. И. Среднее Поволжье в IV-VII вв.: Именьковская культура. Учебное пособие. — Самара: Самарский университет, 2004. — С. 74.
  58. ↑ 1 2 Жих М. И. «Именьковская проблема»: продолжение дискуссии (ответ Н. А. Лифанову) // Конфликтогенный потенциал национальных историй (сборник научных статей): Материалы Международного научно-методологического семинара, г. Казань, 26 марта 2015 г. / Отв. ред. и сост. А. В. Овчинников / ЧОУ ВПО «Институт социальных и гуманитарных знаний» / Казань: Изд-во «Юниверсум», 2015.
  59. ↑ Кляшторный С. Г. Рец. на: Жих М. И. Ранние славяне в Среднем Поволжье (по материалам письменных источников). СПб.; Казань, 2011 // Вестник Удмуртского государственного университета. Серия 5: История и филология. 2013. Вып. 3. С. 121—122.
  60. ↑ Гагин И. А. Рецензия на Кн.: Жих М. И. Ранние славяне в Среднем Поволжье (по материалам письменных источников). СПб.; Казань, 2011 // Вестник Липецкого государственного педагогического университета. Серия гуманитарные науки. 2012. Выпуск 2 (7). С. 117—120
  61. ↑ Старостин П.Н._Памятники именьковской культуры(англ.). MediaFire. Дата обращения: 24 январьста 2026.
  62. ↑ Казаков Е. П. Коминтерновский II могильник в системе древностей эпохи тюркских каганатов // Культуры евразийских степей второй половины I тысячелетия н. э. Самара, 1998.
  63. ↑ Пришлые болгары и местные племена Волго-Камья // Генинг В. Ф., Халиков А. Х. Ранние болгары на Волге (Больше-Тарханский могильник). М., 1964.

Литературась

  • Вязов Л. А., Семыкин Ю. А. Городище и селище Новая Беденьга: эпоха Великого переселения народов в Ульяновском Предволжье. — Ульяновск: НИИ истории и культуры им. Н. М. Карамзина, 2016. — 227 с. — (Археология Симбирского-Ульяновского Поволжья. Вып. 1). — 300 экз. — ISBN 978-5-9631-0534-4.
  • Матвеева Г. А. Среднее Поволжье в IV—VII вв.: именьковская культура. Учебное пособие. — 2-е изд., доп. — Самара: Самарский университет, 2004. — 165 с. — 300 экз. — ISBN 5-86465-152-4.
  • Овчинников А. В. Древняя и средневековая история Волго-Уралья в трудах советских учёных: А. П. Смирнов. Казань, 2009. С. 110—115.
  • Расторопов А. В. Вопросы этнокультурной истории населения именьковской культуры // Древняя и средневековая археология Волго-Камья. Сборник статей к 70-летию П. Н. Старостина. Казань, 2009.
  • Старостин П. Н. Памятники именьковской культуры / Отв. ред. А. Х. Халиков. — М.: Наука, 1967. — 97 с. — (Археология СССР. Свод археологических источников. Вып. Д1-32). — 1600 экз.
  • Сташенков Д. А. Оседлое население Самарского лесостепного Поволжья в I—V вв. н. э / Отв. ред. А. М. Обломский. — М.: ИА РАН, 2005. — 149 с. — (Раннеславянский мир. Археология славян и их соседей. Вып. 7). — 300 экз. — ISBN 5-94375-029-0.

Ссылкатне

Сявф"https://mdf.ruwiki.ru/w/index.php?title=Именьковскяй_культурась&oldid=418201"-ста