Май

Рувики лопаста
Май
Ат Швш Врж Шв Пд Ётк Ндл
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
2026 кизось

Май, Панжиков (лат.: mensis Maius — «Майя» шкайавать ковоц) — юлианскяй и григорианскяй ковгярькснень коряс кизоть ветеце ковоц, сире Римонь кизоть колмоце ковоц, кона ушеткшнесь Цезарень реформанзон инголе мартста ушедомок. Сисем кофнень эзда фкясь 31 шинь кувалмоса шись. Модать Кельме полушариясонза моли мекольцекс, тундать колмоце ковоц, Лямбе полушарияса — мекольцекс, сёксень колмоце ковкс.

Тяни лама пинге ни 13-це майста григорианскяй ковгярьксть коряс шись ащи Овен тяштень пуромксса, а 13-це майста — Тельцть тяштень пуромксса[1] (плия уликснень коряс — 14-це майста[2]).

Статистикась и колганза

Кучкаса ащи температурась майста Москуалдонь аймакса +11,5 °С, кафтолды +6,4 °С температурать эзда 1918-це кизоня, д+17,2 °С температурати самс 1989-це кизоня[3].

Кода фалу эрси кельмома, кона ётни фкя пингста лаймарьксть панжеманц мархта. Кой-коста прашенды лов: 8 майста (2017), 7-це майста (1461[4], 2014[5]), 9-це майста (1909), 14-це майста (1466)[4], 1-це майста (1913), 19-це майста (1668)[4], 21-це майста (1927, 1971), 25-це майста (1470)[4], 2-це майста (1466)[4]. Ковть омбоце пялестонза, кода фалу, ушесь эрсь коське и пси[3].

Тундань васенце атямсь кода фалу сашенды ковть ушетксста — кучкастонь шись: 2-це майста, сембода рана — 23-це мартста (1915), сембода поздна — 31-це майста (1908). Кожфонь кельмотне аделсевихть 6-це майть малава, сембода ингольдень шись 19-це апрельста (шудиковста) (1960), сембода позданнесь — 4-це июньцта (1930). Майста панжихть садонь касыксне: крыжовниксь, атямарьсь, марлюсь, сливась, пизелкссь, кстысь. Недяляда меле келуть ланга лопатнень келемомаснон мельге, ули кода озафтомс модамарьсь. Майста тяфта жа келемихть лопасна ламоц шуфттнень и кармайхть панжема: атякшпонкссь, тюжя панчфсь, незабудкась, (ронгонь тишесь) чистотелсь, шяень фиалкась и лиятне. Эводайхть панкне свинушкатне и сура панкне[3].

Ковть васенце пялестонза ушеды морама цёфкссь, омбоце пялестонза — сайхть пзьгататне, тялонь удомаста сргозихть куйхне, нетькасне и модань-ведень эряйхне, эвондайхть сяськне. Ламоц ракшатненди и наромттненди майсь — раштафксонь пинге[3].

Эрямопингоц и этимологиясь

Гермес и Майя (аттическяй краснофигурнай амфорать архтфонь пакш, 500 кизоть малава мигнь эрадонк инголе)

Май ковсь лемтьфоль греконь Майя шкайти, кона маласькофневсь римонь плодородиянь Шкайавать Bona Dea (Пара Шкайава) мархта, конань илац сашендовсь тя пингти. Ули туфтал арьсемс, што «благая богиня» — тя эпитет, а аф эсь лем. Тяфта жа содаф, што Кунардонь Римса Майя шкайавась ладяфоль Майеста модань шкайнять мархта, сонь иланза сашендовсть майть лангс (тяста — ковть лемоц.[6]. Кунардонь Италияса Майясь ульсь паксянь ванфтыкс.

Римскяй поэтсь Овидий (руз.) (мок. кемокснезе, што май ковсь сявозе лемть maiores или «старейшин» лемть лемс, и сай ковсь (июнць) лемтьф iuniores лемс или «од ломаттнень» (Fasti VI.88).

Историческяй европейскяй майть лемонза ёткса ули лем, конань нолнезе тевс Карл Великай — Wonnemond (древнегерманскяй wunnimanot  ваоть эзда — «жуватань ваномань вастонь ков»). Сире пингонь рузонь ковгярьксса ковсь лемневсь тишень, народонь ковонь лемонь лувксса — тишенал, панжемка. «Май» лемсь (церькавонь книгатнень эса — маий), кода и лия кофнень лемсна, бульсь сявф Византияста (руз.) (мок. улема марса юлианскяй ковгярьксть мархта.

Сокайхнень-видихнень ламоль работасна, сяс тя пингсь койс коре ашезь лувонда кондястикс рьвакс туманди и рьвяяманди, мезсь няфтевсь рузонь валвеляфксса: «кенярделень ба рьвяямс, да майсь аф мярьги»[3], тяфтама жа мяльхть улсьть и эрь кодама суевериятнень эса аф цебярь майскяй сотксть колга. Тяфтама мяльхть ульсть и кунардонь римляттнень, тяфта Овидий кемокснесы, што «майста лисендихть рьвакс аньцек кяжихне и усксеви стирьхне» Плутарх (руз.) (мок. тяфта жа сёрмадсь, што «римляттне майста аф рьвяйсихть, но учсазь июнть». Древняй франкатне майста наказакшнезь мирттнень, конат нолдазь эсь рьваснон, макссесть теест вельф воляшии[7].

Кунардонь Ирландияса 1-це майста ётафневсь Белтейн илась ритуальнай толонь крьвяснемаса, коень коряс тя пингста ушеткшнесь кизось, а майсь лувондовсь кизондань васенце ковкс[8].

Лия кяльхнень эса

«Май» (Леандро Бассанонь картинац, 1595/1600 кк.)

Европань ламоц кяльхнень эса май ковть лемоц малады эллинско-греко-римскяй койти, конань меле нолдазе тевс марнек римскяй перифериясь.

Чешскяй кяльса майсь — květen, смузец «панжезь панжи» («панжи нал»). Украинскяй кяльса, белорусскяй кяльса и кунардонь рузонь кяльса — тишенал, «тишень». Хорватскяйса майсь— svibanj, сявозе лемонц кизил (sviba, Cornus sanguinea) касыксть эзда, ккона тя пингоня вельхтяви акша панчфса. Финнонь кяльса ковсь лемдеви toukokuu, улема touko — «тундань паксянь тефне» и kuu — «ков» валхнень эзда[9]. Литовскяй кяльса ковсь лемневи gegužė, gegutė аалть эзда — «куку»[10].

Тяниень пингонь китайскяй и японскяй кяльса майсь няфтьф кодак 五月 — «ковонь ветеце ковсь»[11].

Илатне

«Май» (Инь цебярь Беррийскяй герцогть часословоц, 1410—1490-це)

Римско-католическяй церькавса май ковсь лемтьф башка шнаманди Иняру Маия Леватти («майскяй службатне», православнай церькавса лятфнихть Богоматерень акафист).

«Полафневи» дататне
  • Маень омбоце недляшиста — Тядянь шись Европань ламода оцю пяльксса.
  • Маень мекольце недляшиста — Венесуэлласа шуфтонь озафнема шись.

Мокшэрзянь валмуворксне, валвеляфксне и приметатне

  • Лаймарькссь панжи — кельмофтьсы
  • Майста кафта кельмот: тумось ноллдай лопат и лаймарькссь панжи[13].
  • Майста мянь вармаське морай[14].
  • Майста рьвяятили рьвакс лисят — веконьберьф маендат[14].

Лятфтамат

  1. ↑ За год Солнце проходит не через 12, а через 13 созвездий. Новый знак зодиака — «Змееносец». Дата обращения: 28 октябрьста 2025. Архивировано 20 сентябрьста 2011 года.
  2. ↑ Климишин И. А. Календарь и хронология. — Изд. 3. — М.: Наука. Гл. ред. физ.-мат. лит., 1990. — С. 41. — 478 с. — 105 000 экз. — ISBN 5-02-014354-5.
  3. ↑ 1 2 3 4 5 В. Д. Грошев «Календарь российского земледельца (народные обычаи и приметы)», — М: МСХА, 1991, С. 24-25,28. ISBN 5-7230-0074-8
  4. ↑ 1 2 3 4 5 Е. П. Борисенков, В. М. Пасецкий «Тысячелетняя летопись необычайных явлений природы», — М: Мысль, 1988, Стр. 296—298, 338. ISBN 5-244-00212-0
  5. ↑ РИА Новости: Утром в Москве пошёл снег, но к вечеру уже потеплеет. Дата обращения: 28 октябрьста 2025. Архивировано 24 майста 2014 года.
  6. ↑ Мифологический словарь. Дата обращения: 22 майста 2013. Архивировано 29 майста 2013 года.
  7. ↑ «Энциклопедия обрядов и обычаев», — СПб: Респекс, 1996, Стр. 308. ISBN 5-7345-0063-1
  8. ↑ Праздники кельтов. web.archive.org. Дата обращения: 28 октябрьста 2025.
  9. ↑ Названия месяцев. Дата обращения: 28 октябрьста 2025.
  10. ↑ Все про литовский на сайте о языках. web.archive.org. Дата обращения: 28 октябрьста 2025.
  11. ↑ Толкователь китайских иероглифов. Дата обращения: 28 октябрьста 2025. Архивировано 5 августста 2016 года.
  12. ↑ День в истории / Основан город Санкт-Петербург. Президентская библиотека имени Б. Н. Ельцина. Дата обращения: 27 октябрьста 2025. Архивировано 29 майста 2021 года.
  13. ↑ Месяцеслов. Традиции, обычаи, приметы и советы на каждый день. — М.: РИПОЛ Классик, 2011. — С. 259. — 764 с. — ISBN 978-5-386-02955-5.
  14. ↑ 1 2 Демус В. Копилка народной мудрости. Традиции. Обряды. Приметы. Пословицы. Поговорки. — Белгород: Клуб семейного досуга, 2015. — 240 с. — ISBN 978-5-9910-3211-7.

Ссылкатне

  • Май // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  • Календарь // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907. Статья Витковского В. В.
Сявф"https://mdf.ruwiki.ru/w/index.php?title=Май&oldid=410039"-ста