Васенце майсь (ила)

Рувики лопаста
Learning.svg

Б.Н. Ельцинонь лемса библиотекань материалхне

Arrow-Right.png
Library.png
Тя статьяса материалхне нолдафт тевсБ.Н. Ельцинонь лемса Президентскяй библиотекань фондста
Б. Н. Ельцинонь лемса Президентскяй библиотекась
Васенце майсь
Первомай фото.png
Типсь Покодиень и профсоюзнай организациянь ила
Официальна Тяниень пингонь Россияса — Праздник Тундань и Покодиень илась
Тяфта жа Праздник труда, День труда, Праздник Весны и Труда, День международной солидарности трудящихся
Смузсь СССР-са и РФ-са оцю илань шись. Сембе мастор лагонь покодиень илась.
Ладяф Парижскяй конгрессть Омбоце интернационалонц вельде Хеймаркетса Чикагскяй Бунтть пигста шавф ломаттнень лятфнеманкса (июль 1889 кизось).
Ётафневи Международнай ила
Датась 1 мая
Празднование демонстрацият, митинкт
Сотф Хеймаркетса бунтсь, Чикагоса
Логотип РУВИКИ.Медиа Васенце майсь

Васенце майсь — международнай ила, эрь кизоня ётафеви мастор лангонь ламоц странатнень эса 1-це майста. Сонь эвондамац сотф Чикагоса покодихнень демонстрацияснон мархта, кона ётась 4-це майста 1886 кизоня Хеймаркет площадьса. Россияса илась васенцеда китькстафоль 1890 кизоня, кода покодиень марса ащемань международнай шисьь [1]. Эрь странась тя илать вастема шинц ладясы сонць. Сяда сидеста ладяф аф покодемань шикс.

2025 кизоня Россияса Тундань и покодиень илась прай шуваланять лангс, конань эзда ушедыхть ниле шинь ваймама каникулатне, недляшити, 4 майти самс[2].

Эряма пингоц

[петнемс | Петнемс лисьмапрянц]

21 апрельста 1856 кизоня Австралияса покодихне лихтсть вешфкст кафкса частонь покодемань шить ладяманц колга[3].

Кафкса част покодеманди. Кафкса част ваймаманди. Кафкса частт сянди, мезе минь ёратама! — забастовкаса улихнень лозунгсна США-са (1 майста 1886 кизоня)[4].

1 майста 1886 кизоня США-са и Канадаса анархическяй организациятнень вельде ульсь ладяф мзярошка митинг и демонстрация[3].

4 майста 1886 кизоня Чикагоса Хеймаркетса ётась бунт, конанаь пингста шавовсть мзярошка анархист: Август Спис, Альберт Парсонс, Адольф Фишер, Джордж Энгельман, Луис Лингг, Михаэль Шваб, Сэмюэл Филден и Оскар Неебе[5].

1889 кизонь июльста, шавф анархисттнень лятфтаманкса, Парижскяй конгрессть II Интернационалонц вельде ульсь лемтьф-азф «Сембе мастор лангонь покодиень марса арамань шикс», кона ётафтовсь демонстрациянь 8 частонь кувалмоса покодиень шить ладяманц, а тяфта жа лия социальнай вешфкс онь пяшкодема[6][1]. Илать ётафтомань алда шить, покодихне инголькиге ладясть демонстрациянь ётафтома 1 майста 1890 кизоня[3].

Сембе социал-демократическяй партийнай организациятненди и сембе странань профсоюсненди васенце майста эрекста вешемс законц коре ладяф 8-частонь кувалмоса покодемань шить, пролетариатть классовай вешфксонзон и сембе масторлангса мир, — вешсь-анась котоце конференциясь II Интернационалонь 1904 кизоня[7].

Обязательна пролетарскяй организациятненди сембе странатнень эса 1 майста лоткафтомс покодемать, коса тя ули кода тиемс зиянонь апак кантт покодихненди, — кайгиста азфоль Парижскяй конгрессонь II Интернационалса[7].

1890 кизоня демонстрациятне вешфкс мархта сувафтомс 8-частонь кувалмоса покодемань шить колга ётасть Германияса, США-са, Данияса, Бельгияса, Австро-Венгрияса, Италияса, Испанияса, Францияса, Норвегияса и Швецияса[8].

1891 кизоня, Брюссельскяй конгрессть ll Интернационалонц решениянц коряс, эрь странати максфоль видекс эсьотям кочкамс и ладямс шить ётафтоманц тя илатькоряс[8].

Российскяй империясь[петнемс | Петнемс лисьмапрянц]

1890-це кизоня Россияса и Варшаваса васенцеда ульсь полафтф «Васенце майсь» (Маёвка), международнай покодиень марса арамань шись. Ётафтоманц пингста ульсь 10 тёжянень покодиень забастовка [1]. 1891 кизоня Санкт-Петербургса революционеронь 200 малава Михаил Брусневонь вятеманц кядяла пуроптфоль-ётафтфоль васенце аф легальнай маёвка[9].

1897 кизоста сявомок илась ульсь политическяйкс. 1 майста ётафневсть лама ломаньцта ащи стачкат и демонстрацият[1].

1903 кизоня, Петербургта и Москуда башка, майскяй демонстрациятне ётасть Тверьса, Туласа, Самараса, Харьковса, Одессаса, Тифлисса и Российскяй империянь лия ошнень эзга[10]. Кайгсть лозункне: «Долой самодержавие!», «Да здравствует республика!», «Долой царя!», «Да здравствует революция!»[11].

1912 кизоста сявомок 1914 кизоти самс демонстрацияс лиссть 500 тёжяньда лама рабочай, солдат, матрос и сокай-види ломань[10].

1917 кизоня, Февральскяй революцияда меле, ульцятнень эса пуромсь милиотт покоди ломань[10]. Петроградса демонстрациясь ётась Марсовай паксясса, корхтайкс-вятикс ульсь А. Ф. Керенский.

Большевикнень лозунксна[1]:

  • «Долой министров-капиталистов»;
  • «Вся власть Советам»;
  • «Долой империалистические войны!».

Васенце майсь лувондови покодихнендиилакс, конат сотфт братскяй союзса эрь кодама люпштамать каршес тюреманкса, обществать социалистическяй ладяманц инкса, — мярьгондсь В. И. Ленин[7].

РСФСР и СССР[петнемс | Петнемс лисьмапрянц]

1917 кизоня, Октябрьскяй революцияда меле, «Интернационалонь ши» ульсь ладяф-кемокстаф официальна[12].

1918 кизоня Москуса, Ходынскяй паксяса ульсь ёётафтф военнай васенце парадсь. Сяда меле, параттне кармасть ётафневома Якстерь площадьса[11]. [[Файл:Празднование 1 мая в Петрограде на Дворцовой площади.jpg|мини|left|Васенце майть васьфтевомац Дворцовай площадьса. 1918 кизось. Санкт-Петербургонь кинофотофонодокументонь центральнай государственнай архивсь. 1918 кизоста сявомок, трудть колга РСФСР-нь закононь Кодексть коряс, 1 майсь арась ваймама шикс[13]. 1928 кизонь 23 апрельста, «О праздничных днях, посвящённых дню Интернационала, и об особых днях отдыха» ЦИК-ть СССР-нь СНК-ть постановлениянц коряс, 2 майста арась васьфтемань омбоце шикс[14]. Ётафневсть тяфтама тефт[10]:

  • 1 майста — покодиень демонстрацият и военнай паратт.
  • 2 майста — Маёвкат.

Васенце майста Советскяй Союзонь покодихне няфтьсазь марса ащемаснон революционнай тюремать коряс капиталистическяй странаса покодихнень мархта, национально-освободительнай движениять, няфтсазь вии мяльснон мирть инкса тюреманкса, коммунистическяй обществать строяманц инкса, - мярьгондсь Л. И. Брежнев[7].

Лозунги[4]:

  • «Слава человеку труда!»;
  • «Мир! Труд! Май!»;
  • «Заветам Ленина верны!»;
  • «Да здравствует 1 мая!».

Сембе республикатнень эзга ётафтф[10]:

  • покодихнень лац ладяф якафтомасна, мольфтевсть маршнень и политическяй музыкань коряс. Инь оцю демонстрациясь ётафневсь Москуса Якстерь площадьса;
  • кайгиста азонкшневсть дикторхнень пара валсна и политическяй лозункне;
  • административнай зданиятнень ваксса ладяфтольхть трибунат, конатнень лангста шнавсть демонстранттне КПСС-нь и азорондайхнень лемстаи;
  • вятевсь трансляция вастова и центральнай теле- и радиоканалхнень эзга.

1933 кизоня Москуса Якстерь площадьса 1 майста ётась кожфонь парад[10]. Ульсть няфтьфт АНТ-20 «Максим Горький», И-16 и лия самолётт. Тя койсь ульсь сувафтф СССР-нь лия ошнень эса[10].

Васенце маень митингсь Энгельс ошса. 1932 кизось

Великай Отечественнай войнань кизотнень якафтомат и паратт исть ётафнев[8].

Колхознай газета: РК ВКП(б)-нь Веневскяй орган и районнай Советонь покодиень депутатонья. — Венев, ош (Тульскяй обл.). 1941, № 68 (1774) (1 майста).

1956 кизоня васенцеда ётась телевизионнай репортаж Москуста васенце маень демонстрациять колга Якстерь площадьса[8].

1970-це кизотнень илась ульсь лемтьф оду «Покодиень фкя ширень кирдиень международнай шись»[10]:

Советскяй открыткась «1 майть мархта!»

Ётнесть флагонь и транспорант мархта покодиень массовай якафтомат.

1 майста 1990 кизоня ётась мекольце официальнай первомайскяй демонстрациясь, конань пингста ульсь антисоветскяй лозунг ала демократическяй азорондайхнень ширеснон кирдиснон аф официальнай якафтомась[10].

1 майста 1991 кизоня Якстерь площадьса ульсь митинг питнентнень кеподемаснон каршес. Пуроптыкс ульсь Московскяй федерациянь профсоюзсь и Свободнай и независимай профсоюзонь ассоциациясь. Мавзолейть трибунаса ащесть М. С. Горбачёв, А. И. Лукьянов и лият[15].

Лозунги демонстрантов[15]:

  • «Требуем закона об индексации»;
  • «Мы против удорожания детских товаров»;
  • «Парламентарии — обеспечить социальную защиту трудящихся»;
  • «За достойную цену рабочей силы»;
  • «Развалим экономику — погибнем все»;
  • «Отменить 5 % налог с продажи и услуг» и т. д.

Постсоветскяй Россиясь[петнемс | Петнемс лисьмапрянц]

1992 кизоня Международнай трудящаень марса ащемань шись ульсь лемтьф Тундань и трудонь шикс [1].

1993 кизоня мзярошка первомайскяй митингонь пуроптыкс ульсть Национальнай идемань фронтсь (Россия), Трудовой Москусь, КПРФ. 1 майста Ленинскяй проспектса лиссь фкя-фкянь лангс врьгятема демонстранттнень и ОМОН-ть ёткса, конань пингста токавсь 150 ломань[16][17].

Праздничнай демонстрацияса улихне. 1990-це кизотне

Социально-политическяй лозункне[18][19]:

  • «Правительство банкротов — в отставку!»;
  • «МЫ не хотим платить за ВАШ кризис!»;
  • «Самоорганизация! Самоуправление! Самозащита!» и др.

2002 кизоста сявомок, васенцеда Новосибирскяйса ульсь ётафтф первомайскяй акция «Монстрация». Мекольце акциясь ётась 2019 кизоня.

2004 кизоня ульсь прняндаф закон, конань коряс 2 маень шись арась покодемань шикс[10]. Москуса улсь якафтома Московскяй федерациянь и профсоюснень, политическяй партиянь.

2009 кизоня профсоюснень, партиятнень и эрь кодама ширдень общественнай организациятнень вельде ульсть ётафтфт политическяй акцият. Кепотьксонди, «Единая Россия» (марса ФНПР и МГЕР мархта), «Справедливая Россия», «КПРФ», «Яблоко», «Солидарность», ЛДПР и Автономное действие партиятнень вельде[20]. Мероприятиятне нень эса ульсть тяфтама лозункт[20]:

  • «Путинонь планоц — Сяськомань план!»;
  • «Бонуснень — пенсионерхненди»;
  • «Семьяса колма итть — тя норма!».

2013 кизоня президентсь Владимир Путин ладясь-кемокстась Российскяй Федерациянь Трудонь Герой. Сон полафтозе Социалистическяй Трудонь Герой лемть, кона ульсь СССР-са. Кода фалу, Российскяй Федерациянь Герой лемонь максомась ладяф Тундань и трудонь илать лемс. 2013 кизоня Москуса ульцяв лиссть 100 тёжяньда лама демонстрант[21].

2014 кизоня профсоюзнай коллективонь ащихнень вельде ульсь ётафтф васенце массовай якафтома, кона ётась ламоц ошнень эзга[4]. 1 майста Москуса ётась 92 мероприятия. Синь ётафтоманксост ульсь максф 50 малава площадка.

2016 кизоня Россиянь эрь кодама регионга улсть кардафт-катфт васенце маень якафтоматне и митинкне православнай Очижить(ru) мархта фкя шиня улеманкса[22].

2018 кизоня праздничнай якафтомаса ульсь 3 миллионть малава ломань [10]. «Лужники» олимпийскяй комплекса ушедовсь кизонь сезонць. Пяк маштыхне тиендсть тмазы няфтемат мотоцикла, велосипед и самокат лангса. Горькаень парксонза ётафтовсь кштимань парад. Паркса 50 кизонь Октябрти ётась Панчфонь бал. Якстерь площадьса ётась профсоюзонь традиционнай якафтома.

2020 кизоста 2022 кизоти самс массовай мероприятиятнеульсть кардафт пандемииять COVID-19 инкса[10]. Первомайская акция проходила в онлайн-режиме: социальных сетьса участники выкладывали фотографии с флагами и плакатами[10].

2023 кизоня Москуса ётафтовсь 200 лама мероприятия. Синь ётксост: концертт, мастер-класст, ульцянь театрализованнай няфтемат, научнай шоут, квизат, музыкальнай коллективонь няфтемат. Самараса ётась международнай моронь фестиваль «Гитаратне стройсот» руз.: («Гитары в строю»)[23]. Мероприятиятнень ёткса:

  • митинг-концерт «Мир, труд, май!»;
  • Россиянь «Гренада» народнай ансамблять и Джима МакРэйя (Шотландия) морамасна;
  • автомотопробег «Ночные волки» мокшекс (Вень врьгаст)мотоклубть мархта ;
  • Славань Монументти панчфонь путомась.

Куйбышевонь площадьса ульсь ладяф фестивальнай ошкя, коса покодсть[23]:

  • тематическяй выставкат,
  • арт-инсталляцият,
  • виртуальнай музейхть,
  • мастер-класст,
  • лекцият,
  • налхкомань-колендемань площадкати и творческяй зонат.

Д.Д. Шостаковичень лемса оперань и балетонь Самарскяй театраса ётась симфоническяй оркестрань морама, ульсь Крейг Робертс дирижёрсь, Сашо Гачник (Словения), Франсуа Модеме (Франция)[23]. «Художественный» кинотеатраса ётась панжада няфтемац «Ржев» фильмать[23].

Шить шумордамстонза лисендсть морама тяфтама группатне, ода[23]:

  • «Декабрь»,
  • «Зверобой»,
  • LiberArte (Никарагуа),
  • Rastrelli Cello Quartet (Германия).

2024 кизоня Москуса, Всероссийскяй трудовой акциять «Труд крут» пингста, ВДНХ-са ётась якафтома «Май! Труд крут!». Мероприятиянь пуроптыкс ульсть «Российскяй студенческяй отряттне» и Росмолодёжсь[24]. № 248 библиотекаса ульсь ладяф программа «Зажигай, Первомай», коса сембонди, кинь ульсь мялец морамс караокиса тематическяй морот[24]. ВДНХ-са № 59 «Зерно» павильонца «ВЭБ.РФ. Города для жизни сбываются» экспозицияса ульсь илать эрямопингонц колга викторина[25].

ВДНХ-са российскияй студенческяй отряттне праздничнай якафтомаса «Май! Труд крут!». 1 майста 2024 кизось

Сяськомань музейса Поклоннай пандса покодсь трофейнай техникань выставка Германияста, Великобританияса, США-ста, Швецияста, Австрияста, Турцияста и лият[25]. Сокольники паркса ётась «Запуск лета: парк в ритме поп-рока» фестиваль, коса морасть[25]:

  • «Над пропастью во лжи», «Без обид», Lissa и Samagi группатне.

Горькаень паркса ётасть ласькомат «Май! Парк! Бег!». Ладяфтольхть кштимань площадкат рок-н-ролти, бачата кштимати тонафтомат, классическяй бальнай танецненди. Паркть эзга ётафтовсть «Я люблю тебя, мой старый парк» и «Из глубины веков в космические дали»экскурсият «[25].

«Эрмитаж» садс ульсь пуроптф-кочкаф программа «Культурнай пикник», коса ульсь симфо-джазовай B-band коллективсь, ётасть мастер-класст актёрскяй мастерствать и балетнай искусствать коряс. Художникненди аноклафтольхть-пуроптф массовай пленэрхт. Морафтовсть лекцият литератураса ярхцамань культть колга, а тяфтажа Москувонь куротнень эряма пингснон колга[25].

Панжада СМИ-тнень уликсснон коряс, 2025 Москуса ётафтовихть праздничнай концертт, Конат лемтьфт Тундань и покодемань илати.Ульцянь васттнень и концертнай залхнень эса инголькиге ладяф артистонь морамась [26]. 1 майста Н. Э. Бауманонь садса, «Северное Тушино », Сокольники паркнень эса Воронцовонь усадьбасонза, Горькаень и лия паркнень эзга, ётафтовсть мастер-класст, лекцият, музыкальнай концертт, спортивнай мероприятият, квист, налхкомат и викторинат иттненди. Санкт-Петербургса ётасть якафтомат, демонстрацият, митинкт [27]. 2025 кизонь профсоюзнай мероприятиятнень эса вярьгок вастса ащихть: Великай Отечественнай войнаса 1941—1945 кизотнень Сяськомати 80 кизонь топодемась, Россияса профсоюзнай движенияти 120 кизонь топодемась и ФНПР-ть пуроптоманцты 35 кизонь топодемась. Акциять девизоц: «Доблестный труд — гарантия Победы!»[28].

Лия странатнень эса ладяф койхне илать васьфнеманцты

[петнемс | Петнемс лисьмапрянц]
  • Англияса 1 майста ламоц ошнень эзга стяфневи «маень шуфта», кона мазопневи лентокса, и ётнихть народнай гуляният[29].
  • Азияса ётафневихть демонстрацият, концертт, ярмаркат, фестивальхть, ламоц ломаттнень эзда илать ётафнесазь семьяснон ёткса кудса[4].
  • Африкаса профсоюзнай организацянь участникне латцихть концертт, ётафнихть гаражнай уцезста мишендемат. Ламоц эрма васттнень эса ётафневихть выставкат, коса лихневихть тястоконь маштыхнень тоаварсна[4].
  • Бразилияса Тундань и покодемань илась лемневи «Dia do Trabalho» — «День труда»[30]. Он отмечается в знак международной солидарности трудящихся. 1 мая обычно проводятся митинги, парады. Проходят профсоюзные, организовываются развлекательные мероприятия, пикники и футбольные матчи[11].
  • 1 мая Белоруссияса ётафневихть официальнай митинкт, конатнень пуропнесазь Профосоюзонь федерациясь, кеняртьфни семейнай мероприятият, маёвкат, шнакшневихть производстваса инголи молихне, профсоюзнай активистттне и трудонь ветераттне [31].
  • Германияса маень васенце шить лемнесазь der Tag der Arbeit — «День труда». Ули кой Das Maibaum латцеви — шуфтонь столба, кона мазопневи лентокса и панчфса. Аф ичкозе сцена лангса няфневихть постановкат сире пингонь легендань коряс. Германиять кельме ширдень пялькссонзаладяф кой якамс пикникс семьянек, марамок ярхцамбяльхнень и иттненди казнентнень кядьвельде ускови крандаскас, [32]. Сидеста 1 майста Берлинца ётнихть аф оцю тюремат радикальнай левай группировкань демонстранттнень и полициять ёткса[33].
  • Васенце маень демонстрация Берлинца, 2005 кизось

    Васенце маень демонстрация Берлинца, 2005 кизось

  • ГДР-нь мяляфтоманди кшнинь ярмак, 1990 кизось: 100 киза Васенце майти, Голландия

    ГДР-нь мяляфтоманди кшнинь ярмак, 1990 кизось: 100 киза Васенце майти, Голландия

  • 1 майста Гавайяса васьфневи «Панчфонь гирляндань ши». Тя шиня аноклакшневихть каштаст и гирляндат афкуксонь панчфонь эзда и пуроапневихть якафтомат национальнай щамса[29].
  • Грецияса Васенце майста иттне и вяри касыкс шабатне лисендихть ульцяв и шумбрандафнесазь сембе ётайхнень-потайхнень, а меле тушендыхть тундать тяштьксонц вешема — васенце пзьгатать[4].
  • 1 майста испанецне васьфнесазь Покодемань международнай шить. Испанияса тя илась сотф покодемань видекснень инкса тюремать и покодихнень фкя мяльса арамаснон мархта. Во многих городах проходят митинги, шествия, посвящённые защите прав трудящихся и улучшению трудовых условий[34]. Также в этот день принято дарить женщинам букеты первых весенних цветов[4].
Васенце маень демонстрациясь Барселонца. Фотонь авторсь Quique García. 2024 кизось
  • Ирландияса ладяф якстерь лентокса мазоптомс офтонь марь(ru) шуфтть, конань ваксса арьсихт мезеньге цебярь мялень пяшкодема[29].
  • 1996 кизоня Казахстанца ульсь лоткафтф-кардаф «Покодемань шись». Тяниень пингть 1 майста васьфневи «Казахстанонь народть марса ащемань шись».
  • 1 майста Кубаса ётафневи Покодемань шись. Ошнень эзга ётафневихть демонстрацият, яекафтомат. Васенце майти ульцятнень мазопнесазь масторкотфса, плакатса, содаф революционерхнень портретснон мархта[35].
  • Нидерландыса 1 майсь аф лувондови официальнай ваймама шикс, но ламоц покодемань максыхне и профсоюсне латсесазь тевть станя, што покодити эсь мялень коряс ули кода сявомс ваймама ши эсь мяленц коряс[36].
  • 1 майста Парагвайса компаниянь ламоц вятихне аноклакшнихть покодихненди барбекюс лисема[11].
  • Дакарса — Сенегалть пряошсонза, 1 майста фкя лаца щаф демонстрантттне лисендихть якафтома вешкома и г|тамтам мархта. Парадть шумордамдонза меле покодихне профсоюснень вельде государствань оцюняти пачфнесазь «блокнотть жалоба мархта[8]» вешфксонь лемлувкс мархта, конатнень пяшкодемасна, синь койсост, «лезды ламлда сяда цебярьгофтомс эряфонь и покодема киснон»[37].
  • США-са ётнихть манифестацият и митинкт. Нью-Йоркса тиендевихть велосипедса ардомат[11].
  • Финляндияса 1 майста ётафневи студентонь тундань карнавал[38]. 30 апрельста Хельсинкиса ушеткшневи васьфтевомац Васенце майть. Парадса сембе улихне тя шиня щакшнихть акша картуст (абитуриентонь пряпутомка, кнат шумордазь лицейть и максозь шумордамань экзаметтнень). Илять 6 частсастуденты путнихть акша картуз Хавис Аманда нимфань статуять пряс[38].
  • 1 майста Шри-Ланкаса васьфневи Покодиень Международнай шись. тя шиня ладяф ётафнемс митинкт, демонстрацият, конат пуроптфт оцю профсоюзнай организацияятнень и покодиень пуромкснень вельде[39].
Владимир Ленинонь портретонц мархта Шри-Ланкань Фронтовой социалистическяй партияса ащихне. Коломбо, Шри-Ланка. 2024 год. Фотонь авторсь: Eranga Jayawardena

Примечания

[петнемс | Петнемс лисьмапрянц]
  1. ↑ 1 2 3 4 5 6 “1 мая - Праздник весны и труда. Справка”. РИА Новости. 2025-04-09. Дата обращения 2025-04-05.
  2. ↑ Началась последняя полная рабочая неделя перед майскими праздниками. На следующей неделе будет всего три рабочих дня. РБК Life (21 апрельста 2025). Дата обращения: 23 апрельста 2025.
  3. ↑ 1 2 3 Каково происхождение Первого Мая? propaganda-journal.net. Дата обращения: 5 апрельста 2025.
  4. ↑ 1 2 3 4 5 6 7 “1 мая 2025: суть, история и традиции Первомая, когда, где и как начали отмечать Праздник Весны и Труда”. Lenta.RU. Дата обращения 2025-04-09.
  5. ↑ Бессмертный К. С. История Дня Гнева (Первомая). samlib.ru. Дата обращения: 5 апрельста 2025.
  6. ↑ Юрий. О международной манифестации 1 Мая 1890 г., I конгресс II Интернационала в Париже (14 — 21 июля 1889)(руз.). www.illuminats.ru. Дата обращения: 5 апрельста 2025.
  7. ↑ 1 2 3 4 “День международной солидарности трудящихся”. «Научная Россия» - электронное периодическое издание. Дата обращения 2025-04-09.
  8. ↑ 1 2 3 4 5 “Первое мая: история появления праздника, традиции, как его отмечают”. РИА Новости. 2023-04-27. Дата обращения 2025-04-09.
  9. ↑ Роженцова, О. История 1 мая. Как отмечали в СССР и что празднуют в России. А ещё — как Первомай менял свои названия. РБК Life (27 апрельста 2024). Дата обращения: 23 апрельста 2025.
  10. ↑ 1 2 3 4 5 6 7 8 9 10 11 12 13 “История 1 мая. Как отмечали в СССР и что празднуют в России”. РБК Life. Дата обращения 2025-04-09.
  11. ↑ 1 2 3 4 5 Ксения Эпова. 1 мая: история и традиции праздника — в статье на Zoon.ru(рус.). zoon.ru. Дата обращения: 9 апрельста 2025.
  12. ↑ Основные законодательные и правовые материалы. Кодекс законов о труде 1918 года. www.hist.msu.ru. Дата обращения: 5 апрельста 2025.
  13. ↑ Кодекс законов о труде 1918 года. Дата обращения: 1 майста 2015. Архивировано 1 майста 2015 года.
  14. ↑ Постановление ЦИК СССР от 23.04.1928 "О праздничных днях, посвященных дню Интернационала, и об особых днях отдыха". www.consultant.ru. Дата обращения: 6 апрельста 2025.
  15. ↑ 1 2 Фильм Май тревог и надежд.. (1991). web.archive.org. Дата обращения: 5 апрельста 2025.
  16. ↑ Предварительный отчет о массовых беспорядках, имевших место в Москве 1 мая 1993 года. web.archive.org. Дата обращения: 5 апрельста 2025.
  17. ↑ Предварительный отчет о массовых беспорядках, имевших место в Москве 1 мая 1993 года. www.1993.sovnarkom.ru. Дата обращения: 9 апрельста 2025.
  18. ↑ “«Долой министров-капиталистов!» Призывы и лозунги Центрального Комитета КПРФ к массовым акциям 1 и 9 мая 2009 г.”. Дата обращения 2025-04-05.
  19. ↑ “Если хочешь лучшей жизни — выходи на демонстрацию! Лозунги и призывы ЦК КПРФ к 1 и 9 Мая”. Дата обращения 2025-04-05.
  20. ↑ 1 2 В Кризис.ру - экстренные новости экономики и бизнеса. Финансовый кризис, Россия кризис, причины кризиса, экономический кризис, кризис 2009. web.archive.org. Дата обращения: 5 апрельста 2025.
  21. ↑ “На первомайскую демонстрацию в Москве вышли 100 тыс человек”. Runews24. Дата обращения 2025-04-05.
  22. ↑ “День святой Пасхи”. РИА Новости. 20160501T0406. Дата обращения 2025-04-05. Проверьте дату в |date= (справка на английском)
  23. ↑ 1 2 3 4 5 “Приедут европейцы: посмотрите, как пройдет празднование Первомая в Самаре”. 63.ру. Дата обращения 2025-04-09.
  24. ↑ 1 2 “1 мая в 2024 году: праздник весны и труда, как отмечают первомай в России и мире”. РЕН ТВ. 2024-04-24. Дата обращения 2025-04-09.
  25. ↑ 1 2 3 4 5 “Куда сходить в Москве 1 Мая: программа мероприятий”. Известия. 2024-04-30. Дата обращения 2025-04-09.
  26. ↑ Концерты на 1 мая в Москве. «КП» – Афиша (2025). Дата обращения: 23 апрельста 2025.
  27. ↑ Праздничные события в мае (Майская афиша в России и мире). Geektrips.ru (2025). Дата обращения: 23 апрельста 2025.
  28. ↑ Первомайская акция профсоюзов в 2025 году. Департамент Аппарата ФНПР по связям с общественностью, молодёжной политике и развитию профсоюзного движения (2025). Дата обращения: 23 апрельста 2025.
  29. ↑ 1 2 3 “1 мая — Праздник Весны и Труда, традиции и история”. Халва медиа. 2024-04-08. Дата обращения 2025-04-09.
  30. ↑ Праздник труда День труда в Бразилии. Оренбургское региональное телевидение (ОРТ) (20 октябрьста 2023). Дата обращения: 23 апрельста 2025.
  31. ↑ “Мир, труд, май: что мы празднуем 1 мая?”. Sputnik Беларусь. 2021-05-01. Дата обращения 2025-04-23.
  32. ↑ Гуляева, К. 1 мая – День труда в Германии. Deutsch online (30 апрельста 2024). Дата обращения: 24 апрельста 2025.
  33. ↑ Umbruch-Bildarchiv Fotos und ein Video zum 1. Mai 2002 in Berlin. www.umbruch-bildarchiv.de. Дата обращения: 5 апрельста 2025.
  34. ↑ Día de los trabajadores: история и традиции в Испании. Españalandia (2024). Дата обращения: 23 апрельста 2025.
  35. ↑ May Day in Havana. Cubagrouptour (2024). Дата обращения: 23 апрельста 2025.
  36. ↑ Почему в Нидерландах 1 мая не является выходным днем: исторический контекст(рус.). Новости Нидерландов. Дата обращения: 23 апрельста 2025.
  37. ↑ “Как зародился и как сегодня празднуется Первомай”. Российская газета. 2023-05-01. Дата обращения 2025-04-23.
  38. ↑ 1 2 aucor (2015-04-27). “Первое мая в Финляндии – праздник весны - Это Финляндия”. Это Финляндия. Дата обращения 2025-04-05.
  39. ↑ 1 мая – Международный Праздник Трудящихся. Туроператор «Кайлаш». Дата обращения: 23 апрельста 2025.

Литературась

[петнемс | Петнемс лисьмапрянц]
  1. Календарные обряды и обрядовая поэзия Воронежской области. Афанасьевский сборник. Материалы и исследования. — Вып. III / Сост. Пухова Т. Ф., Христова Г. П. — Воронеж: Изд-во ВГУ, 2005. — 249 с.
  2. Мельников-Печерский П. И. В лесах. Книга вторая. — М., 1875.
  3. Попов Алексей Дмитриевич, Пивоваров Никита Юрьевич. Демонстрация дискурсивной власти: высшее партийное руководство СССР и организация празднования 1 мая и 7 ноября (1950-1960-е годы) // Исторический курьер. — 2021. — № 6 (20).
  4. Люксембург, Р. Праздник Первого мая: пер. с польского. — СПб., 1895. — 16 с.
  5. Фурсова Е. Ф. Традиционализм и неотрадиционализм в современной культуре восточнославянских народов Сибири // Материалы международной научно-практической конференции «Регионы России для устойчивого развития: образование и культура народов Российской Федерации». — Новосибирск: ЗАО ИПП «Офсет», 2010. — Т. 1. — С. 882—892. — ISBN 5-7133-0704-2.

Ссылкатне

[петнемс | Петнемс лисьмапрянц]
Сявф"https://mdf.ruwiki.ru/w/index.php?title=Васенце_майсь_(ила)&oldid=258701"-ста