Февраль

Рувики лопаста
Февраль
Ат Швш Врж Шв Пд Ётк Ндл
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28  
2026 кизось
Нечкинскяй национальнай парксь февральста
Февральсь Финляндияса

Февраль, Даволков (лат.: Februārius mēnsis - «Фебруусонь ковсь», «ароптомань ков»; латинскяй кяльста: Februa — «аруяфтомань ила») - омбоце ковсь юлианскяй и григорианскяй ковгярьксса, кемгафтувоце ковсь сире римонь кизоста, кона ушеткшнесь Цезарть реформанц самозонза, мартста сявомок. Тя кизонь сембода нюрьхкяня ковсь, и ськамонза, конань эса шитнень лувкссна 30-да кржа: 28 шиц — обычнай кизоня и 29 ши —високоснай кизотнень. Модать Кельме ширдень полушариясонза лувондови тялонь колмоце ковкс, Лямбе полушарияса — кизонь колмоце ковкс.

Тяниень пингста 16-це февральти самс григорианскяй ковгярьксть коряс шись ащи Козерог тяштень пуромксса, 16-це февральста сявомок, Водолейть тяштень пуромкссонза[1][2].

Статистикась и колганза

Кучкаса ащи февраль ковонь температурась Европать кельме ширдень пялькссонза ( кепотьксонди сявозь Осло-ть): −2.4 тяза-тоза шашнема мархта −25 13.8 градусти самс.

Кучкаса ащи февраль ковонь температурась Россиянь Кучка вастса кепотьксонди сявомс Москуалдонь аймакть: −9,6 °C тяза-тоза шашнема мархта −38,2 °C 1929-це кизоня +5,7 °C самс 1935-це кизоня[3].

Январть лангс ванозь, шинь валдоптомать марнек кувалмоц касонды 27 частс, пачкотькшни 59[3].

Пизонь прдама-тиема ушеды равжа варсись. Овсянкать и ситявнять марязевихть васенце моросна. Тундань самац свиристельть, ковть песта  — кельме шири вермяштенятнень тумасна. Ава офтть утосонза шачихть офта лефкскятне[3].

Улемок аньцек 28 шинь лувкс мархта обычнай кизоня, тя фкя сяка ковсь кизоти, кона ётни пяшксе ковфтома. Тяда башка, февральсь фкя сяка ковсь, кона весть кота кизоти и кафксть эрь 11 кизоти, кармай ниле пяшксе сисем шинь недялят (мекольцеда ульсь 2010-це кизоня, лиссь 2021-це и омбоцеда кармай 2027-це кизоня).

Пцтай ниле кизоти февральть улихть 29 шиц. Кда нилеце кизось явондови 100 лядыксфтома, но аф явондови 400 аф лядыксфтома, то нинге 1 шись шись аф полаткшневи. Тяфта, 1900-це кизоня високоснай кизось ульсь нолдаф. Тяниень пингть високоснай кизотне фкя-фкянь мельге кармайхть молема 2100 кизоть самс[4][5].

Эрямопингоц и эвондамац

Февральть няфтемац художественнай шарьхкодемаса

Февралькс — februarius mensis — кунардонь пингонь римляттнннь кяльса лемневсь «ковгярьсонь ковсь», преданиятнень коряс сувафтфоль Нума Помпилийть или Тарквиний Гордаень вельде. Пяк кунардонь (Ромулонь) ковгярькссь, конань коряс кизось мольсь 10 кофт и эсонза ульсь 304 ши, тя ковсь, кода и январсь, ашельхть. Нумать (или Тарквиниять) пингста мельдень ковгярьксть реформанц целец ульсь ладямс шинь-ковонь кизоть (улема, шинь-ковонь циклать); тянкса ульсть сувафтфт кафта од кофт, январсь и февральсь. Февраль ковсь, конань мархта аделсевсь римляттнень кизосна, кирди потмосонза 28 ши (фкя сяка кунардонь ковть чётнай числань мархта; лядыкс кофнень ульсь кафтова аф явови лувкссна, сяс мес кафтова аф явови числась, кунардонь римляттнень кемамаснон коряс, кандсь паваз). Лац содаф, што самай поздна 153-це кизоста сявомок минь эрадонк инголе кизоть ушетксоц ульсь ётафтф 1-це январти, и февральсь сатозе римонь кофнень пингста омбоце вастть. Макробиень «Сатурналийса» азф, што кизоть ушетксонц ётафтомац январти сотф Нумать мялец коряс, тиемс январть и февральть сувафтомста ковгярьксти.

Февраль ковть лемоц эвондась этрусскяй Фебруус (руз.) (мок. мода алдонь шкайть лемста[3], и сотф (februa, februare, februum) аруяфтомань обряттнень мархта, конат сашендовсть кунардонь пигонь Луперкалиянь плодородиянь илати (15 февральста — dies februatus), кона сашендовсь сире пингонь ковонь ковгярьксть коряс полнолунияти. Мзярда шинь-ковонь циклать ладямста эрявкстсь сувафтомс ладяф кофнень, ня мекольцетнень сувафнезь римляттне 23-це февральть и 24-це февральть ёткса (4-кизонь циклать пингста — омбоце и нилеце кизоня). Юлия Цезарть пингста, кона сувафтсь ниле кизонь цикла, кона ащесь 365-це кизонь колма и фкя кизоньберьф 366-це шиста, мекольце февральть эса ульсь 29 ши, тяконь лувксса 23-це февральсь лувондовсь мартонь календарти сисемце шикс (a. d.VII Kal. Mart.), Февральть 24-це шистонза — ингольдень котоце, а февральть 25-це шистонза мельдень шить мартонь календатненди самс (a. d. VI Kal. Mart, posteriorem и priorem). Сяс мес ня котоце шитнень мартонь ковгярьксненди пачкодемс ульсь кафта, то кизось, конань эса февральсь кирдсь 29 ши, лемневсь annus bissixtus латинонь валста «кафксть котоцесь» (тяста année bissixtile, минь високоснай кизось). Февральсь лувондовсь кизонь мекольце ковкс, кода греческяй, стане и коряваанза тиф римскяй ковгярьксса, сяс лишнай шись путневсь кизоть мекольце ковонцты, ся аньцек аф фкаксшить мархта, што грекне сувафнесть нинге фкя ши ковть пенцты, эста, кода римляттне ковть вете мекольце шинцты[6].

Февральть историческяй европейскяй лемонзон сувафнесазь сонь сире английскяй Лемонза Solmonath («рдазу ков») и Kale-monath («капста ков») и обозначенияц, конань максозе Карл Великий — Hornung (раднянь древнесландскяйти hjarn — кельмофтьф ловонь «массась»[7]). Древнерусскяй ковгярьксса (христианствать кемокстамда инголе) ковть лемоцоль сечень, народнай кофнень эса тяфта жа лемневсь даволонь пани, боконь эжи, ловонь, межень, пяк кяжи, кичкор кит.

Рузонь кяльти лемсь сась церковнославянскяйста февральруарь, кона сявф латинонь (februārius) валста среднегреческяй кяльть вельде (φεβρουάρι(ο)ς). Ковть лемнезь стане жа февральсь, феуларсь[8]). Кунардонь пингонь рузонь ковгярьксса (христианствать кемокстамда инголе) мковсь лемевсь сечень, народнай лемонь ковгярьксонь  — вьюговей, бокогрей, снежень, межень, лютый, кривые дороги.

1930-це и 1931-це кизотнень СССР-са мярьгондевсь сувафтомс советскяй революционнай ковгярьксть (руз.) (мок., кона сувафтозе 30-це февральть, но arz мяльс аф сафоль.

Кунардонь пингонь Ирландияса 1-це февральста ётафневсь Имболк илась, кона няфнесь вероскянь эвондамать колга койть коряс, тя пингста ушеткшнесь тундась, а февральсь лувондовсь тундань васенце ковкс[9].

Лия кяльхнень эса

«Февраль» (Леандро Бассанонь картина, 1595/1600 кк.)

Европань ламоц кяльхнень эса февральть лемоц ладяй латинскяй койхненди. Сембе сяка улихть мзярошка шири тумат тянь эзда.

Финнонь кяльса ковти мярьгихть helmikuu, лиякс «жемчужинань ков», сяс , мес ловсь, шуфттнень лангса солсемста, тии путькскат, конат эендамста лангозост ваномста, шарфтыхть жемчужинань ожнаня лангс. Чешскяй кяльса февральсь лемневи únor , nořiti se валть эзда — «тумс потмаксти» (улема, эйть соламанкса ляйхнень лангса, кона ланга вельхтяви ведьса). Украинань кяльса февральсь — лютий, белорусонь — люты, польскяйса — luty, лиякс «вельф кяжи». Хорватонь кяльса февралсь — veljača — «вельф оцю»: улема Veljak валть эзда, сире лепнень эзда фкясь Сретения, кона сашендовсь 2 февральть лангс, улема и сявок, што эвондамац сотф языческяй славянскяй шкайхнень мархта. Турецкяй лемоц — сирийскяй кяльста Şubat «ёткши» валста. Литовскяй кяльса лемдеви vasaris (vasara — «киза», раднянь древнеиндийскяй vasar — «рана»[10]).

Тяниень пингонь китайскяй и японскяй кяльхнень февральсь лемтьф кода «омбоце ковсь». Кунардонь пингонь японскяй ковонь ковгярьксса ковсь, кона малады февральти, лемневсь Кисараги (如月, 絹更月 или 衣更月, конань педа пень смузец «щамонь полафтомань ков»). Кунардонь лия японскяй лепне, конат нолневсть тевс февральть лемдеманцты: Мумэцуки (梅見月, мезсь малады «ков, кос ули кода няемс сливань панчфнень) смузти и Кономэцуки (木目月 — «ков, коса шуфттненди максови од эряф»).

Илатне

«Февраль» (Великолепнай часослов Беррийскяй герцогть, 1410—1490-це)

Лятфтамат

  1. ↑ За год Солнце проходит не через 12, а через 13 созвездий. Новый знак зодиака — «Змееносец». Дата обращения: 28 октябрьста 2025. Архивировано 20 сентябрьста 2011 года.
  2. ↑ Климишин И. А. Календарь и хронология. — Изд. 3. — М.: Наука. Гл. ред. физ.-мат. лит., 1990. — С. 41. — 478 с. — 105 000 экз. — ISBN 5-02-014354-5.
  3. ↑ 1 2 3 4 В. Д. Грошев «Календарь российского земледельца (народные обычаи и приметы)», — М: МСХА, 1991, С. 10. ISBN 5-7230-0074-8
  4. ↑ Leap years : Time & timekeeping : Fact files & in-depth : Learning : NMM (англ.). web.archive.org. Дата обращения: 23 октябрьста 2025.
  5. ↑ USNO (U.S. Naval Observatory): Leap Years. Дата обращения: 29 октябрьста 2025.
  6. ↑ Макробий. Книга первая, главы 12—16 // Сатурналии.
  7. ↑ Фасмер Макс Этимологический словарь русского языка. web.archive.org. Дата обращения: 29 октябрьста 2025.
  8. ↑ Фасмер Макс Этимологический словарь русского языка. web.archive.org. Дата обращения: 29 октябрьста 2025.
  9. ↑ Праздники кельтов. web.archive.org. Дата обращения: 29 октябрьста 2025.
  10. ↑ весна, этимология весна, весна этимология и происхождение « Этимологический словарь русского языка. Фасмер Макс (online онлайн версия) « Русский язык « Classes.ru. web.archive.org. Дата обращения: 23 октябрьста 2025.
  11. ↑ Указ Президента РФ № 86. kremlin.ru (21 февральста 2015). Дата обращения: 29 октябрьста 2025. Архивировано 24 февральста 2016 года.

Литературась

  • Круглый год. Русский земледельческий календарь. — М.: «Правда», 1989. ISBN 5-253-00598-6
  • Народный Месяцеслов. — М.: «Современник», 1992. ISBN 5-270-01376-2

Ссылкатне

  • Февраль // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907. Статья Обнорского Н. П.
  • Календарь // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907. Статья Витковского В. В.
Сявф"https://mdf.ruwiki.ru/w/index.php?title=Февраль&oldid=368634"-ста