Пограничниконь шись
Б.Н. Ельцинонь лемса библиотекань материалхне
| Пограничниконь шись | |
|---|---|
 Сембе поколениятненди пограничникненди мялямгевсь Дмитровградса | |
| Ладяф |
СССР-нь министронь Советть вельде эрь кизоня Пограничниконь шить васьфтеманц колга 15.05.1958 г. Указ Российскяй Федерациянь Президентть Указоц 23.05.1994 г. № 1011 "Пограничниконь шиь ладяманц колга" |
| Ётафневи | Россияса |
| Датась | 28 майста |
| Васьфтевомац | эрь кизоня |
| Сотф | Россиянь ФСБ-нь пограничнай службась |
 Пограничниконь шись | |
Пограничниконь шись (руз. День пограничника) — Российскяй Федерациянь ФСБ-нь Пограничнай службань сотрудниконь и ветеранонь профессиональнай ила. Васьфневи эрь кизоня 28-це майста.
Эрямопингоц
Русьса пограничнай войскатнень историясна ушеткшни Засечнай чертаста часовойхнень эвондамаснон эзда.
1571-це кизоня эвондась «Уложение о станичной службе», кона регламентировандазе рубежень ванфтомань порядкать.
1782-це кизоня Екатерина II императрицась путозе кяденц указти, конань коряс ульсь ладяф «таможенной цепи и стражань» институт масторкитькснень ванфтоманкса и пограничнай контрольть вятеманкса[1].
Тядонголе, ХІХ векста, Российскяй империянь пограничнай стражань тиемань шись васьфневсь эрь кизоня 5-це августста. Сон лемтьфоль 5-це августста 1827-це кизоня Николай I императорть мархта Россияса пограничнай таможеннай стражань тиемать колга Положениять кемокстаманцты, кона нежетькшнесь воинскяй ушеткснень лангс. Васенда стражась ульсь тиф аньцек шинь мадома ширдень мастркиткснень видеса контрабандать каршес тюреманкса. Но валом-валом сонь обязанностенза келемкшнесть, и 1830-це кизотнень песнонды ни сон ушедсь пяшкотькшнемонза государственнай границать ванфтоманц, аралакшнемонза империять территориальнай, военнай, экономическяй и политическяй интересонзон, а стане жа тиендемс карантиннай надзор, кирнемс ворьгяйхнень и дезертирхнень.
1893-це кизоти Самс Российскяй империяса государственнай масторкиткснень ванфтомаснон мархта покодсь Финансонь министерствань таможеннай сборонь Департаментонь пограничнай стражась, конань коряс Александр III указонц вельде 1893-це кизонь 15-це октябрьста ульсь тиф пограничнай стражань Башка корпус финансонь министрть кядяла. 1857-це кизонь Таможеннай уставть коряс сувамать и лисемать мельге контрольсь ульсь кемокстаф Пограничнай жандармериять мельге[2].
Советскяй пингсь
Октябрьскяй социалистическяй революцияда меле, 1918-це кизонь 28-це майста РСФСР-нь народнай комиссаронь Советсь тись РСФСР-нь масторкитксть Пограничнай охрананц. Сонь обязанностензонды сувсесь «Российскяй Социалистическяй Федеративнай Советскяй Республикать пограничнай интересонзон араламасна, а приграничнай китьксть видеса — граждаттнень личностьснон и имуществаснон араламасна»[3]. Сембода пяк тя шити меле и ульсь кемокстаф Пограничниконь шить васьфневомац.
Великай Отечественнай войнать ушедомста пограничникне васенцекс сявозь эсь лангозост немецко-фашистскяй войскатнень врьгятемаснон. Синь каршекондамаснон вельде противникть инголи молемац ульсь киртьф, мезсь макссь возможность одукс пуроптомс советскяй армейскяй частьтнень. Войнань кизотнень пограничнай службань сотрудникне государственнай масторкитьксть ванфтомда башка ванфнезь фронттнень и армиятнень тылснон, тиендсть и вятсть истребительнай батальотт, тиендсть каршекондама врагть вельде сатф территорияса. Великай Отечественнай войнать пингста шавовсь 60 тёжяньда лама пограничник, 100 тёжяньда лама ломань казьфоль орденца, 158 арась Советскяй Союзонь Геройкс, 36 пограничнай полксь казьфоль орденца, а 25 полкти максфтольхть почётнай лепт[4][5].
1946-це кизоста сявомок пограничнай войскатне ётасть кой-мзяра полафтома и одукс максома. Синь ульсть Внутренняй тевонь министерствать (1946 и 1953), Государственнай безопасностень министерствать (1949) кядяла. 1957-це кизоста сявомок пограничникне ащесть СССР-нь министрань Советть видеса Государственнай безопасностень комитетть (КГБ) кядяла (1978-це кизоста сявомок — СССР-нь КГБ-ть). 15-це майста 1958-це кизоня инистров СССР-нь министронь Советсь ладясь постановления эрь кизоня Пограничниконь шинь ванфтомать коряс ичника 28-це майста. Илась лемтьфоль В.И. Ленинонь 1918-це кизоня финансонь тефнень коряс Народнай комиссарть ведомстванц видеса пограничнай охранань тиемать колга Декретть подписандаманцты.
1958-це кизоти самс СССР-нь пограничникненди ведомственнай илакс лувондовсь 15 февральсь — шись ладяфоль Феликс Дзержинскяень вельде 1921-це кизоня Инструкциятне ВЧК-нь частьтненди, конат ванфтозь РСФСР-нь масторкиткснень[6].
Тяниень пингонь Россиясь
1991-це кизонь 3-це декабрьста Пограничнай войскань Главнай управлениясь ульсь машфтф, а сонь тевонзон вятемасна максфтольхть Государственной границы СССР-нь Государственнай масторкитьконь ванфтомать коряс Комитетти.
СССР-ть срадомда меле 12-це июньцта 1992-це кизоня Россиянь президентсь путозе кяденц указти «Российскяй Федерациянь Пограничнай войскань тиемать колга». 30-це декабрьста 1993-це кизоня ульсь тиф Федеральнай пограничнай служба — Российскяй Федерациянь Пограничнай войскань Главнай командования (ФПС — Главкомат ПВ РФ), кона 30-це декабрьста 1994-це кизоня ульсь лемтьф Российскяй Федерациянь Федеральнай пограничнай службакс.
СССР-ть срадомда меле 23-це майста 1994-це кизоня Россиянь президентсь Борис Ельцин путозе кяденц указть алу «Пограничниконь шить ладяманц коряс», ванфтомок васьфневома шинц 28-це майста[7].
11-це мартста 2003-це кизоня Россиянь президентсь Владимир Путин путозе кяденц федеральнай законть лангс «О мерах по совершенствованию государственного управления в области безопасности Российской Федерации», кона машфтозе ФПС-ть 2003-це кизонь 1-це июльста сявомок. Сонь функциянза — государственнай масторкитксть, внутренняй морской веттнень, территориальнай морять, исключительнай экономическяй зонать и континентальнай шельфть ванфтомасна — ульсть максфт РФ-нь Безопасностень Федеральнай службати (ФСБ).
РФ-нь законть коряс 7-це мартста 2005-це кизоня ульсь машфтф силовой структурань тяфтама видсь, кода пограничнай войскат, а сембе Россиянь ФСБ-нь ПС-нь формированиятне кармасть лемневома пограничнай органкс[8].
2008-це кизоста сявомок пограничниконь подразделениятне кочксевсть аньцек контрактникт, но 2023-це кизонь декабрьста Россиянь президентсь Владимир Путин мярьгсь призывникненди ётнемс срочнай служба ФСБ-нь пограничнай частьтнень эса[9]. Башка ащихть аньцек сят, кие лувови омба масторонь агентокс, тевс ноляй наркотикт, ули омба масторонь гражданствац или судентаф шиц[10].
Лия странатне
Россияда башка 28-це майста васфнесазь Белоруссияса, Киргизияса и Таджикистанца.
Правовой статусь
Пограничниконь шись лувондови официальнай профессиональнай илакс Российскяй Федерацияса, кона ладяф государственнай уровеньца РФ-нь президентть указонц коряс. Государственнай илатнень коряс, профессиональнай илась аф канневи аф покодемань илатненди.
Илась токсесыне Россиянь ФСБ-нь Пограничнай службань тяниень пингонь военнослужащайхнень, пограничнай органонь гражданскяй персоналть, профильнай учебнай заведениянь курсанттнень и профессорско-преподавательскяй составть, а стане жа пограничнай войскань ветераттнень.
Койхне
Эрь кизоня 28-це майста пограничниконь шить мархта сотфнень поздравляндасыне Россиянь президентсь. Тя шиня ладяф чествовандамс службань ветераттнень, казендемс цебярьхнень ведомственнай казнеса и почётнай грамотаса, путнемс панчфт шавф пограничникнень мемориалснонды. Пограничниконь шиня Россиянь руководствась, Оборонань министерствась и Безопасностень Федеральнай службась кучси официальнай поздравленият ведомствань личнай составти и ветераттненди.
Илань щамонь коень элементокс ащихть сянгяря картузсь и сянгяря китькс мархта тельняшкась. Илань символкс ащи якстерь-сянгяря пограничнай столбась. Россиянь тяниень пингонь пограничнай столбась ащи ниле ширдень мархта кафта метрань сереса (железобетоннай) или 2,16 метрань сереса (шуфтонь), архтф горизонтальнай полосаса: вете якстерь китьксне символизировандайхть вете пе мархта тяште и ниле сянгяря китьксне символизировандасазь светть ниле ширензон. Ингольце ширесонза кемоксневи РФ-нь гербсь иниле сянгяря китьксне символизировандасазь масторлангть ниле ширензон. Ингольце ширесонза кемоксневи РФ-нь гербсь и тяштьксть номероц.
Заставатнень и управлениятнень эса ётнихть торжественнай построеният, масторкотфонь вяри кеподемат, государственнай и ведомственнай казнень максомат, воинскяй очередной званиянь максомат. Ётафневи панчфонь и каштазонь путомань церемония мемориалхненди, пограничникненди мялямгефненди и Москуса Аф содаф Солдатть Калмонцты рубежень шавф аралайхненди уважениянь тяштьксокс[11]. Ётафневи кенярдемань фейерверк Москуса, ошнень-геройхнень и ошнень, коса ащихть пограничнай округонь управлениятне и групп пограничнай войскань группатне.
Тяфта жа тя шиня ётафневихть концертт, паратт и шнафтомань выступленият, конатнень эса пограничнай подразделениятне няфтихть боевой аноклафшиснон и тевонь вятемаснон лац ладяфтомать.
Ладяф элементокс праздничнай щамса ащихть сянгярякартузсь и сянгяря китькс мархта тельняшкась.
Тонафтомась
Пограничнай органонь офицерхнень анокламасна Мольфтеви Россиянь ФСБ-нь Пограничнай академияса, Россиянь ФСБ-нь Академияса, а тяфта жа институттнень эса, конат ащихть Москуса, Санкт-Петербургса, Нижняй Новгородса, Екатеринбургса, Новосибирскяйса, Голицыноса, Калининградса, Курганца-16, Хабаровскяйса и Анапаса[5]. Россиянь ФСБ-нь Пограничнай службати офицерскяй кадрань и специалистонь анокламась мольфтеви специализированнай высшай военнай учебнай заведениятнень эса «Пограничная деятельность» и «Правоохранительная деятельность» направлениять коряс[12][13]:
- Россиянь ФСБ-нь Академиятне (Моску)
- Россиянь ФСБ-нь пограничнай академиясь (Моску)
- Россиянь ФСБ-нь Московскяй пограничнай институтсь
- Россиянь ФСБ-нь Московскяй од инфармационнай технологиянь институтсь
- Россиянь ФСБ-нь Голицынскяй пограничнай институтсь (Московскя областсь)
- Россиянь ФСБ-нь институтсь (Санкт-Петербург)
- Россиянь ФСБ-нь институтсь (Нижняй Новгород)
- Россиянь ФСБ-нь институтсь (Новосибирск)
- Россиянь ФСБ-нь институтсь (Екатеринбург)
- Россиянь ФСБ-нь Калининградскяй пограничнай институтсь
- Россиянь ФСБ-нь Курганскяй пограничнай институтсь
- Россиянь ФСБ-нь Хабаровскяй пограничнай институтсь
- Россиянь ФСБ-нь беряконь ванфтомань Институтсь (Анапа)
Пограничнай оргаттнень эса службас арама кармайхненди эряви ётамс психофизиологическяй исследованият, медицинскяй освидетельствования, физическяй анокламань уровенть проверяманц и сведениятненди допусконь оформляндамань процедурать, конат ащихть государственнай салавашикс[14].
Масторкитькснень видеса служай содаф ломаттне
- Беларусь Республикань президентсь Александр Лукашенко;
- ЦК КПСС-ть экс-генеральнай секретарсь Константин Черненко[15];
- олимпийскяй чемпионць Александр Мальцев;
- Советскяй Союзонь геройсь Никита Карацупа[16]
- писательсь-сатириксь Михаил Зощенко
- морайсь Леонид Агутин;
- морайсь и актёрсь Михаил Гребенщиков;
- актёрсь Борис Галкин,
- морайсь Николай Трубач[14].
Лятфтамат
- ↑ Когда в России появилась пограничная служба. Дата обращения: 25 майста 2026.
- ↑ Из истории установления и оформления государственной границы России и становления службы по ее охране (рус.). ps.fsb.ru. Пограничная служба ФСБ России. Дата обращения: 25 майста 2026.
- ↑ Дата в истории. 28 мая 1918 года Председатель Совнаркома РСФСР В.И. Ленин подписал декрет об учреждении пограничной охраны РСФСР. Дата обращения: 29 майста 2026.
- ↑ Виктор Сокирко. До последнего патрона. osfsb.ru. ФСБ: За и против. Дата обращения: 25 майста 2026.
- ↑ 1 2 День пограничника в России, РИА Новости (14 апрельста 2025). Дата обращения: 26 майста 2026.
- ↑ Охрана границ Советского государства (1917–1991 гг.) (рус.). ps.fsb.ru. Пограничная служба ФСБ России. Дата обращения: 25 майста 2026.
- ↑ Указ Президента Российской Федерации от 23.05.1994 г. № 1011, Президент России. Дата обращения: 26 майста 2026.
- ↑ Федеральный закон от 07.03.2005 г. № 15-ФЗ, Президент России. Дата обращения: 25 майста 2026.
- ↑ Путин разрешил проходить службу по призыву в погранвойсках ФСБ, Коммерсантъ (25 декабрьста 2023). Дата обращения: 26 майста 2026.
- ↑ День пограничника в 2026 году: когда и какого числа отмечается, история праздника (рус.). vesti.ru. Дата обращения: 26 майста 2026.
- ↑ День пограничника 2026: какого числа, история и традиции праздника, kp.ru (В источнике не указана). Дата обращения: 25 майста 2026.
- ↑ Перечень образовательных организаций. Порядок приема :: Федеральная Служба Безопасности (рус.). www.fsb.ru (В источнике не указана). Дата обращения: 29 майста 2026.
- ↑ Военные училища Российской Федерации (PDF). Дата обращения: 29 майста 2026.
- ↑ 1 2 День пограничника в 2025 году. Вести.ру (17 апрельста 2025). Дата обращения: 29 майста 2026.
- ↑ Зеленые фуражки: Кто из известных людей был пограничником. Коммерсантъ (28 майста 2024). Дата обращения: 25 майста 2026.
- ↑ Никита Федорович Карацупа — самый известный следопыт. Портал Госуслуг Алтайского края. Дата обращения: 25 майста 2026.
Литературась
- Надарин Э. С. Исторические аспекты зарождения пограничной службы в Российской Федерации // Законность и правопорядок в современном обществе. — 2013. — № 13.
- Терентьев Евгений Михайлович. Деятельность государственных органов по усилению охраны государственной границы СССР в 1924-1928 гг // Армия и общество. — 2007. — № 4.
Антипенков И. И. Советская пограничная печать в условиях второй мировой войны 1939-1945 гг.: исторический опыт и уроки — М., 2014.- Селезнев С. А. Исторический опыт создания и деятельности советских погранвойск в 1918-1922 гг. — М., 2008.
- Ульянич А. М. Исторические аспекты пограничного и таможенного контроля на границе Российской империи в 1721-1917 гг. — М., 2010.
Ссылкатне
- День пограничника 2024: что за праздник, когда отмечают, традиции и поздравления.
- Перечень рекомендуемых кандидатам на службу (работу) в органы безопасности видеоматериалов и литературы о деятельности отечественных спецслужб
- Статья, посвящённая празднику, на сайте Президентской библиотеки