Январь

Рувики лопаста
Январь
Ат Швш Врж Шв Пд Ётк Ндл
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  
2026 кизось
Январьста лову вирьса

Янва́рь, Кельмеков (лат.: Jānuārius mēnsis «Янусонь ков») — кизонь васенце ковть юлианскяй и григорианскяй ковгярьксса, сире римонь кизоть кефкиеце ковоц, кона ушеткшнесь Цезарть реформанцты самс, мартста сявомок. Сисем кофнень эзда фкясь 31 шинь кувалмоса. Тя, средняйста, кизонь сембода кельме ковсь Модать Севернай полушариясонза (коса январсь ащи тялонь омбоце ковкс), и кизонь сембода лямбе ковсь Южнай полушариять оцю пялькссонза (коса январсь — кизонь омбоце ковсь).

Тяниень пингста 20-це январти григорианскяй ковгярьксть коряс Шись ащи Стрелецонь тяштень пуромксса, 20-це январьста сявомок — Козерогонь тяштень пуромксса[1] (лия уликснень коряс — 19-це январьста[2]).

Статистикась и колганза

Салмоксу шуфттнень лангса ушеткшнихть пизонь тиема кой-кона нармоттне. Ёряйхть сюрот сярдсь и благороднай сярдсь. Матодови ёршсь, ментюксь ушеды путнема алнянзон[3].

Эрямопингсь и этимологиясь

Янусонь статуяц, кинь лемонц коряс лемтьф январсь

Январти лемтьф кафта шамаса Янусть (руз.) (мок., римонь пингонь шкайть лемс, (Ianuarius).

Ковть лемоц смузец «кенкш кизоти» (ianua — латинонь «кенкш» валсь). Коень оригинальнай римонь ковгярькссь ащесь 10 ковста, эсонза лувондовсь аньцек 304 ши тялофтома, конань ванондозь кода «ковфтома» пинге. 713-це кизоть малава Ромулонь полумифическяй преемникоц, Нума Помпилий оцязорсь, преданиять коряс, поладозень январь и февраль кофнень, штоба ковгярькссь улель лувксс коря стандартнай, кизоньберьф эсонза улель(365 ши) и мялецоль, штоба январсь улель кизонь васенце ковкс, эста, мзярда васенда кизонь васенце ковкс сире римскяй ковгярьксса ульсь мартсь[4], (ингольдень источникне азондыхтькарань-каршек мяльхть). Содафт кафта консулхнень лемсна, конат ушедсть покодема 1-це майста и 15-це мартста минь эрадонк инголе, мезьда меле должностти арамась ладяфоль 1-це январьста.

Кучка веконь Европаса кизоть ушетксонц лувомста тевс нолневсть эрь кодама дататне, сувафтомок 25-це мартть, 25-це декабрть, 1-це мартста (1492-це кизоти Самс Русьса), 1-це сентябрьста (Византияса, Русьса — Од пингстокиге — 1492-це — 1699-це кк.). Сяка, кучка веконь ковгярькснень эса ингольть лаца тевс нолневсь римскяй способсь ковти явомста, конат ащихть кемгафтува колонкаса январьста сявомок декабрти молемс. Ушедомок XVI сядокизоста, европейскяй странатне ушедсть официальна примсема 1-це январть кода Од кизонь ушедома, тя датировкати кой-коста мярьгихть «Керомань стиль», сяс мес 1-це январти прашендсь Шкайть-азорть керфтомань (руз.) (мок. шиц, кона лувондовсь Роштувань шить эзда кафксоце шиня, 25-це декабрьста. Россияса тя стильсь («Христозть Шачеманц эзда» пингонь лувоматьлувоманц мархта) сувафтозе Петр I 1-це январьста 1700-це кизоня.

Январть историческяй европейскяй лемонза сувафнесазь сонь саксонскяй смузенц Wulf — monath («врьгазонь ков») и лем, конань максозе Карл Великий-Wintarmanoth («тялонь/кельме ков»). Древнерусскяй ковгярьксса (христианствать кемокстамда инголе) ковть лемоцоль сечень, народнай ковнень эса тяфта жа — просинец, тялось, лютовей, трескун, ломонос.

Церковнославянскяй кяльти январть латинскяй лемоц сувась Византиять вельде, коса ковсь лемневсь геноварис[5]. Церковнай валсь генуарь, генуарий, генварь Россияса нолневсь тевс серцек январь светскяй лемть мархта, васьфневи официальнай каготтнень эса. Нинге 1847-це кизонь орфографическяй валксса «генварь» и «январь» валхне каннеесть фкя смузь. «Генварь» вариантсь прокс лоткафтовсь тевс нолдамац аньцек «Русское правописание» академическяй изданиять лисемда меле, кона аноклаф Я. К. Гротонь кядяла (1885 кизось), кона кемокстазе фкя лацонь шить тя кизефксть коряс[6].

Лия кяльхнень эса

«Январь» (Леандро Бассано картинац, 1595/1600 кк.)

Европань ламоц кяльхнень эса кизоть васенце ковонц лемоц ладяй латинскяй койти. Но улихть мзярошка башка ширет.

Европань ламоц кяльхнень эса кизоть васенце ковонц лемоц ладяй латинскяй койти. Но улихть мзярошка исключеният.

Суоминь кяльса ковсь лемневи tammikuu, лиякс мярьгомс «тумонь ков», но васенце смузькс лемдемаса ульсь «тялонь кучкань ков», сяс мес tammi инголе няфтсь петьколь» или «тов». Чехонь кяльса январсь лемдеви leden, лиякс мярьгомс «эи». Украинскяй кяльса — січень, хорватскяй кяльса — siječanj, — «сеч» валть эзда, возможна корхтамок пенгянди шуфтонь керомать или сянь, што кунардонь пингть ушеткшнесть штафнема шуфтонь пенятнень эзда васттнень, штоба тунда синь видемс. Тя промыслась лемневсь «сеча». Польскяйсь styczeń стане жа тушенды праслав. *sěčьn, но ульсь полафтф tyka «пяль, олга» валть смузенц киге[7]. Белорусскяй кяльса январь — студзень, студзіць валть эзда — «кельмофтьф». Саамонь кяльса сон содаф кода ođđajagimánnu, конань смузец «од кизонь ков». Турецкяй кяльса ковть лемоц — Ocak — «пянакуд», «камин». Литовскяй кяльса sausu валть эзда лемневи sausis — «коське», сяс мес Литваса тя ковня сяда ламос ащихть крхка, аф солай лофне, лемдемок синь «коськт». Тяниень пингонь татаронь кяльса латинонь лемсь гыйнвар церковнославянскяй кяльть вельде сась Византияста, коса ковсь лемневсь геноварис.

Тяниень пингонь китайскяй и японскяй кяльхнень эса григорианскяй кковгярьксонь кофне оняфневихть цифраса, тяфта январсь — «васенце ковсь», февралсь — «омбоце ковсь» и стак тов Кунардонь пингонь японскяй ковонь ковгярькссса ковсь, она мала январти , лемневсь Муцуки (睦月), о конань смкзенц шарьхкодеманц колга ули мзярошка теория.

Январть тяштьксонза

  • Китайскяй койхнень коряс январти тяштьксокс ащи японскяй сливань панчфсь.
  • Японскяй панчфонь январень эмблемась — камелия.

Илатне

«Январь» (Великолепнай часословсь Беррийскяй герцогонь, 1410—1490-це)
«Колма оцязоронь молема» (Кадис, Испания, 5 январьста, 2006 к.)
Совершеннолетиянь шись — государственнай японскяй ила, который васьфневиянварень омбоце атяньжиста

Январть или февральть эрь кодама шистонза сашендови :

  • од ковонь шачемда инголе — Дугжууба — Аруямань буддийскяй шись;
  • од ковста — Сагаалган — Буддийскяй Од кизось;
  • од ковда меле — Монлам Ченмо (Буддань 15 чудац);
  • 15 шват — Ту би-Шват — еврейскяй Шуфтттнень Од кизосна

Валмуворксне и валвеляфксне

  • Январь ковсь— тялоти оцязор.
  • Январьста кукшенняське пянкланкса эентай.

Лятфтамат

  1. ↑ За год Солнце проходит не через 12, а через 13 созвездий. Новый знак зодиака – «Змееносец» (рус.). neznal.ru. Дата обращения: 24 октябрьста 2025.
  2. ↑ Климишин И. А. Календарь и хронология. — Изд. 3. — М.: Наука. Гл. ред. физ.-мат. лит., 1990. — С. 41. — 478 с. — 105 000 экз. — ISBN 5-02-014354-5.
  3. ↑ В. Д. Грошев «Календарь российского земледельца (народные обычаи и приметы)», — М: МСХА, 1991, С. 6. ISBN 5-7230-0074-8
  4. ↑ Макробий. Книга первая, главы 12—16 // Сатурналии.
  5. ↑ Яд, яма, январь - этимологический словарь - Успенский Лев - Почему не иначе? - происхождение слов - стр.395. web.archive.org. Дата обращения: 24 октябрьста 2025.
  6. ↑ Рождественский Н. С. — глава из книги Шапиро А. Б.  «Русское правописание» — М: АН СССР, 1951, С. 160—198. speakrus.ru. Дата обращения: 24 октябрьста 2025.
  7. ↑ Boryś W. Słownik etymologiczny języka polskiego. — Wydawnictwo Literackie. — Kraków, 2005. — С. 585. — ISBN 978-83-08-04191-8.

Ссылкатне

  • Январь // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  • Календарь // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  • Январь, Mixstory.ru (2 январьста 2014). Дата обращения: 25 октябрьста 2025.
Сявф"https://mdf.ruwiki.ru/w/index.php?title=Январь&oldid=368534"-ста