Август

Рувики лопаста
Август
Ат Швш Врж Шв Пд Ётк Ндл
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            
2026 кизось

А́вгуст (лат. Август (титул) — «Октавиан августонь ковоц», букв. — «божественный», «величественный») — кизонь кафксоце ковсь юлианскяй и григорианскяй ковгярьксса, котоце ковсь сире рим кизоньберьф, Кона ушеткшнесь Цезарень реформада инголе мартста сявомок. Сисем кофнень эзда фкясь 31 шинь кувалмоса. Модать Кельме ширдень полушариясонза лувондови кизоть мекольце, колмоце ковоц, Лямбе ширеса — тялоть мекольце, колмоце ковоц. Тяниень пингста 10-це августти самс григорианскяй ковгярьксть коряс шись ащи Рак тяштень пуромксса, 10 — Це августста сявомок — Лефонь тяштень сотксса[1] (по другим данным — 11 августста[2]).

Статистикась и колганза

Августсь Шимадома ширдень Сибирьса

Россиянь средняй полосаса августстти ладяй кизонь лямботь и нльне псить сочетаниясна сёксень васенце приметатнень мархта: кепотьксонди, арси няевикс шинь кирьфтамась. Тяфта жа кельмот арайхть веттне, кельмоси ведсь ляйхнень и эрьхкнень эса. Шиньберьфонь среднесуточнай температурась кири +18 °С ковть ушетксста (1 августста Москуса статистикать коряс кизоть фкя инь лямбе шиц) +14 °С пес; климатическяй норматнень коряс августонь мекольце пятидневкась лувондови сёксеть ушетксокс. Август ковонь сембода ала температурсь москуть Маласа (+12,4 °С) няфтьф 1884 кизоня. Инь рана кельмось кожфса ульсь 11 августста (1939), сембода инголе кельмось модать лангса — 25 августста (1921). Летькть кучка вастоц-68 мм, 1 мм (1938) мм касома мархта 151 мм (1918)[3].

Августста аделасазь озимой розень и шужярень урядамаснон, витцесазь паксятнень озимой розьса. Кочкайхть шукшторукс, крыжовникт, инезихть, урядайхть шурьхкяпрят и чеснок, одукс видихть курок кенерьф сянгяря культурат. Кенерихть кизонь марень сорттне, лакштормарьксне ди вирень пяшттне, эвондайхть келу панкт. Плаунць тии спорхт (нолявсть тевс пиротехникаса). Пужи модамарь нетькссь[3].

Россиять средняй полосасонза августсь — ламоц нармонень тумась лямбе шири: иволгась, стрижсь, цёфкссь. Ламоц нармоттне пяярдьсазь толгаснон. Ужсь путы алхт[3].

Российскяй СМИ-са «Равжа августокс» август ковть лемнесазь ся кизотнень, мзярда Россияса лисендсть кодамовок прябалань тефт. Тя сотф лама катастрофань и кризисонь лувксть мархта советскяй пингта меле, ушедомок 1991-це кизонь 19-21-це августонь путчть эзда]].

Эрямопингсь и этимологиясь

Октавиан Август

Васенда ковть лемоцоль «секстилий» (лат. Sextilis — котоцесь) и кирнесь 29 ши. Юлий Цезарь, реформировандамок римонь ковгярьксть, прибавась нинге кафта шит 45-це кизоня минь эрадонк инголе, максомок теенза тяниень пингонь вид, кувалмоц 31 ши[4].

Август эсь афкуксонь лемонц получазе римскяй императорть Октавиан августстть лемс, конань лемонц вельде, 8-це кизоня минь эрадонк инголе. римскяй сенатсь лемдезе ковть, сембода пяк павазуть императорть эряфса. Senatus consultumть коряс, кона цитировандасы Макробийть, Октавиан (руз.) (мок. кочказе эстейнза тя ковть, сяс мес лангсонза ульсть сонь лама великай победанза, тяконь лувксса Египетть завоеванияц.[5]. Подобного рода честь была ещё раньше оказана сенатом Юлию Цезарю, по имени которого месяц «квинтилий» (от лат. Quintilis — пятый) переименован в «июль» (лат. Iulius).

Сидеста васьфневи легендать коряс (сувафтф XIII веконь учёнайть Иоанн Сакробоскоть вельде), инголи «секстилий», улема, ульсь 30 ши, но Октавиан Августсь касфтозе сонь 31 шис, штоба сон афоль уле ковда нюрьхкяня, конань лемоцоль Юлия Цезарень, а февральть кядьста сявсь фкя ши, мезть инкса сонь и ули обычнай кизотнень аньцек 28 ши[6]. Но, ули лама доказательства, каршекондайхнень тя теориять. Тяфта, сон аф фкя тиф сезоттнень кувалмоснон мархта, конатнень няфтезень Варронць, сёрмадысь 37 кизоня минь эрадонк инголе, Октавианонь реформадонза инголе, 31-шинь секстилиясь сёрматф египетскяй папирусса 24 кизоня минь эрадонк инголе сявомок, а 28-шинь февральсь няфтьф Fasti Caeretani ковгярьксса, кона моли 12 к. э. самс.[7]

Августть историческяй европейскяй лемонза сувафнихть сонь сире германскяй "Erntemonat" («урожаень ков»)лемдемац[8]. Древнерусскяй ковгярьксса (христианствать кемокстамда инголе) ковть лемоцоль "зарев" (шобдава кельме зорятнень эзда), тяфта жа "тарваз" (аделсевсь нумась)[3], в народнай ковонь лемдемаса тяфта жа — густоед, разносол, хлебосол, жнивень, припасиха-собериха, венец лета, ленорост, межняк. «Август» ковть лемоц Русти сась Византияста (руз.) (мок..

Ирландецне, нинге XX векть ушетксста, васенце августста ётафнесть «кизоть прважаманц» койть коряс, кона мольсь "Брон Трограйн" кельтскяй илать эзда (Ирландияса — Луганасад), а августть лувондозь сёксень васенце ковкс[9][10].

Россиянь кельме ширеса кунардонь пинкнень лемневсь Зарев[11].

Лия кяльхнень эса

«Нумась» (картинась З. Е. Серебряковать, 1915 кизось)

Масторлангонь ламоц кяльхнень эса августть лемоц ладяф латинскяй кофненди. Сембе сяка улихть башка ширет.

Тюркскяй кяльса ковсь лемневи Тамыз/Tamyz (толмаронь крьвяснема пинге) эли арабокс-Сүмбіле/Sumbile (Тяштть лемонц коряс Сириус). Персиянь кяльса ковти мярьгихть Мордад (пефтома эряф, аф кулома). Финскяй кяльса ковть лемоц "elokuu" («кшинь ков»), "elo" валста — «эряф, кши, сёра», тя ковста аделсевсь паксяста сёронь урядамась[12]. Нума пингть колга корхтайхть славянонь кяльса августста лепневок: украинскяй — "серпень", поляконь — "sierpień", чехонь — "srpen", «тарваз» валста. Белорусскяй кяльса - "жнівень«, «нума» валста. Хорватонь кяльса августсь лемневи "kolovoz", (Мала болгаронь "коловоз" валти), сяс мес тя ковста ламось усксесть урожайть нума паксятнень лангста.Литвань кяльса лемдеви "rugpjūtis" («розень нума») валста: "rugis" - «розь», "pjūtis" - «нума»[13]. Ирландскяй ковонь лемсь, An Lúnasa, моли Луга шкаень лемста.

Тяниень пингонь китайскяй, корейскяй, вьетнамскяй и японскяй кяльхнень эса августсь олемдеви кода «кафксоце ковсь».

Тайскяй кяльса ковсь лемдеви Синг-ха-Ком (สิงหาคม), сингха — «лев» валть эзда.

Илатне

«Август» (Герцог Беррийскяень великолепнай часословсь, 1410—1490-це)

Религиознайхне

Советскяйхне

  • 2-це августста — СССР-нь воздушно-десантнай войскань шись.
  • 18-це августста — Авиациянь всесоюзнай шись (1933-це кизоста сявомок 1980-це кизоти самс, меле — августонь колмоце недляшиста).

«Вастонь кадонды» шитне

  • 1-це недляшись — Россияса машина кинь покодиень шись.
  • 2-це ёткшись — Физкультурниконь шись Россияса.
  • 3-це ёткшись — Кудфтома ракшань международнай шись.
  • 2-це недляшись — Строителень шись Россияса.
  • 3-це недляшись — Воздушнай Флотонь шись Россияса.
  • 4-це недляшись — Шахтёронь шись Россияса.

Валвеляфксне и валмувроксне августть колга

  • Августсь пид-пани, сентябрсь шра лангс ацай.
  • Мезе августста кочкат, сянь мархта и тялоть ётафтсак.
  • Август — и у рыб сытная пора.
  • Августста шись эжди, а ведсь кельми.

Лятфтамат

  1. ↑ За год Солнце проходит не через 12, а через 13 созвездий. Новый знак зодиака — «Змееносец». Дата обращения: 5 ноябрьста 2025. Архивировано 20 сентябрьста 2011 года.
  2. ↑ Климишин И. А. Календарь и хронология. — Изд. 3. — М.: Наука. Гл. ред. физ.-мат. лит., 1990. — С. 41. — 478 с. — 105 000 экз. — ISBN 5-02-014354-5.
  3. ↑ 1 2 3 4 В. Д. Грошев «Календарь российского земледельца (народные обычаи и приметы)», — М: МСХА, 1991, С. 41. ISBN 5-7230-0074-8
  4. ↑ Август, месяц // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  5. ↑ Year of Julius Caesar, A Dictionary of Greek and Roman Antiquities (1890), William Smith, LLD, William Wayte, G. E. Marindin, Ed. Дата обращения: 19 октябрьста 2025. Архивировано 4 мартста 2016 года.
  6. ↑ Август — восьмой месяц Григорианского календаря. Дата обращения: 19 октябрьста 2025. Архивировано из оригинала 15 сентябрьста 2010 года.
  7. ↑ Popular Astronomy 27 (1919) 583—595. Sacrobosco’s theory is discussed on pages 585—587 (англ.). articles.adsabs.harvard.edu. Дата обращения: 5 ноябрьста 2025.
  8. ↑ Сергей Александрович Токарев «Календарные обычаи и обряды в странах зарубежной Европы», Институт этнографии имени Н. Н. Миклухо-Маклая, Наука, 1978, стр. 148.
  9. ↑ Сергей Александрович Токарев «Календарные обычаи и обряды в странах зарубежной Европы», Институт этнографии имени Н. Н. Миклухо-Маклая, Наука, 1978, стр. 81.
  10. ↑ Праздники кельтов. web.archive.org. Дата обращения: 23 октябрьста 2025.
  11. ↑ Астрономия Древней Руси (рус.). www.darkgrot.ru. Дата обращения: 5 ноябрьста 2025.
  12. ↑ Названия месяцев(рус.). Дата обращения: 5 ноябрьста 2025.
  13. ↑ Балтийские и славянские названия месяцев. web.archive.org. Дата обращения: 5 ноябрьста 2025.

Ссылкатне

  • Календарь // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907. Статья Витковского В. В.
Сявф"https://mdf.ruwiki.ru/w/index.php?title=Август&oldid=368324"-ста