Славянскяй письменностень и культурань шись
Славянскяй письменностень и культурань шись руз. День славянской письменности и культуры (Иняру Кириллонь и Мефодиень шисна) — илать российскяй лемоц. Тя илась лемтьф иняру дугаттненди Кириллонди и Мефодиенди (IX вексь) и славянскяй странатнень эса.
Иняру Кириллонь и Мефодиень шисна
Илать историяц мольфтеви церковнай ладяф традициятнень эзда, конат ульсть Болгарияса X—XI векста. Инь кунардонь даннайхне тя иняру дугаттнень колга мушедовихть XII-це векста. Тя дугаттне лемневсть «Солунскяй дугатт» руз. Солунские братья. Синь ульсть азфт инярукс нинге IX векть песта. Башка иняру Кириллть шиц васьфневи 27-це февральста (14-це февральста), иняру Мефодийть — 19-це апрельста (6-це майста), куломань шинь пингстост. Иняру Кириллонь и Мефодиень марстонь праздниксна Болгарскяй национальнай возрождениять пингста арась азбукань тииень праздникокс.
Тя илась корхтась болгархнень национальнай эсь прянь няфтемаснон-содафтомаснон, культураснон, просвещенияснон колга. Праздниксь васьфневсь аф аньцек болгарскяй масторса, но и Россииса и Румынияса. 1863 кизоня Россияса ульсь примаф постановления лятфнемс тя илать иняру Кириллонь и Мефодиень лемс.
Болгарияса
Болгарияса 24-це майсь «Болгарскяй просвещениянь, культурань и славянскяй письменностень» (болг.: Ден на българската просвета, култура и славянската писменост) официальнай болгарскяй национальнай илась. Тя шиня болгархне аф аньцек праздновандасазь болгарскяй культурать, но и иняру Кириллонь и Мефодиень, славянскяй азбукань (кириллицань)тиихнень. Тячемс Болгарияса 24-це майть карша тиендихть буквань и викторинань содамошинь праздникт-илат.
Россияса
1863 кизоня Российскяй империяса Святейшай Синодсь китькстазе, иняру Кириллонь и Мефодиень Моравскяй миссиять тёжянь кизонцты, ладямс эрь кизоня ётафнемс тя илать.
1985 кизоня СССР-са, мзярда васьфневсь 1100-киза Мефодиенди, 24-це майсь ульсь лемтьф «славянскяй культурань и письменностень илакс» руз. праздником славянской культуры. Тя илати пряошекс эрь кизоня улендсь Россиянь кодамовок населённай пунктсь (1989 и 1990 кизода башка, эста пряошекс ульсть Киев и Минск ошне).
Празднованиянь центратне
- 1986 кизось — Мурманск ошса ётась «Праздник письменности» лем ала васенце илась.
- 1987 кизось — Вологда ошса.
- 1988 кизось — Великий Новгород ошса.
- 1989 кизось — Киев ошса.
- 1990 кизось — Минск ошса.
- 1991 кизось — Смоленск ошса.
- 1992 кизось — Моску ошса.
- 1993 кизось — Моску ошса.
- 1994 кизось — Владимир ошса.
- 1995 кизось — Белгород ошса.
- 1996 кизось — Кострома ошса.
- 1997 кизось — [[Орёл (ошсь)|Орёл] ошса.
- 1998 кизось — Ярославль ошса.
- 1999 кизось — Псков ошса.
- 2000 кизось — Рязань ошса.
- 2001 кизось — Калуга ошса.
- 2002 кизось — Новосибирск ошса.
- 2003 кизось — Воронеж ошса.
- 2004 кизось — Самара ошса.
- 2005 кизось — Ростов-на-Дону, Новочеркасск ошса.
- 2006 кизось — Ханты-Мансийск ошса.
- 2008 кизось — Тверь и лия ошнень эса.
2010 кизоста сявомок основной илатне ётафневихть Москуса.