Пионеронь шись

Пионерионь шись
Типсь	Официальный (до 1991 года)
Официальна	В.И. Ленинонь лемса всесоюзнай пионерскяй организациянь шись
Ладяф	пионеронь тевонь тиендемать лемс
Ётафневи	Тядонгольдень СССР-нь странатнень эса
Датась	19 майста
Празднование	классонь частт, спортивнай пялькстомат, концертт, субботникт, торжественнай линейкат
Сотф	В.И. Ленинонь лемса всесоюзной пионерскяй организацять

Пионеронь шись руз.: День пионерии (тяниень пингонь Россияса — Идень марстонь пуромксонь шись) — вяри касы иттненди ила, тяфта жа инголи вятихненди и тонафтыхненди, конат покодихть школаса тонафни иттнень мархта.

«Пионеронь шись» лятфневи 19-це майста — В.И. Ленинонь лемса Всесоюзнай пионерскяй пуромксть шачема шистонза. Илань пуроптыкс-кочкайкс лисендихть-арсихть пионеронь и идень лия пуромксне, конат сяда тов кирдьсазь-вятьсазь пионеронь койхнень-мяльхнень. Советскяй Союзса Пионеронь шись ульсь инь оцю илакс советскяй школьникненди.

Эряма пингоц и смузец

1922-це кизонь 19-це майста комсомолонь 2-це всероссийскяй конференциясь сась мяльс сембе вастова ладямс пионерскяй отрятт. Тя илать лемс СССР-са 19-це майста лятфневсь кода пионеронь Шачема шись. 21-це январьста 1924 кизоня комсомолонь ЦК решениянц коре пионерскяй организацияти ульсь максф Владимир Ленинонь лемоц, а мартста 1926 кизоня путф официальнай лем — В.И. Ленинонь лемса Всесоюзнай пионерскяй организация (кона ульсь срадомозонза-сёлгомозонза).

Пионерсь — сембе иттненди кепотькс!

Пионерхнень ульсь синцень уставсна и койсна. Шабатне пионеркс арсесть 9-14 кизоса. Сай пингонь пионерсь макссесь пионерскяй пежедема-клятва торжественнай линейкаса. Ингольдень пионерхне сотнесть сай пингонь пионерть кргазонза якстерь галстук и повфнесть мяштезонза пионерскяй значок.

Якстерь гластукса стирнятне и цёранятне арсесть идень патриотическяй движениянь пяльксокс. Властсь полафневсь, ётась «перестройкась», а школьникине каннесть якстерь галстукт и эрясть «Ульхть анок! Фалу анокан!» принципть коряс.

Советскяй пинкнень Пионеронь шити ётафневсть «Ленинскяй урокт», китьксневсть звеньятнень, отряттнень, дружинатнень ёткса пялькстомань сатфксне тонафнемаса, ташта кагодонь (макулатурань), синнеф-тапаф кшнинь (металлоломонь) кочкамаса.

Пионеронь шиня школьникнень ёткса ётафневсть и ётафневихть пуромкст, концертт, паратт, митинкт, пялькстомат, макссевсть шнама каготт, казендевсть казнеса инь цебярьхне и лац прянь няфтихне-вятихне.

Мзярда шопотькшнесь иляденди школатнень видеса или башка куротнень видеса тиендевсть "пионеронь толмар" мархта морсемат.

В.И. Ленинонь лемса Всесоюзнай пионерскяй пуромксть срадомдонза меле Пионеронь шить лятфнесазь-мяляфнесазь идень организациятне, кой-кона тевтиихне, конат ванфтозь пионеронь койхнень-мяльхнень и синь покодемань методснон.

Пионерхнень лезкссна

Пионерхне лама лезнесть ёмла шабатненди, сире ломаттненди. Пионерхне кочксесть книгат, лезнесть библиотекатненди. Меле пионерхнень тернезь лездома колхозса, вирень хозяйстваса, якасть ракшатнень мельге.

Великай Отечественнай войнань пингста пионерхне лезнесть армияти фронтса и тылса, партизанонь отрядса и подпольяса. Ёмла и сяда эзрай шабатне, конат якасть якстерь галстукса, аралакшнесть и ванфнесть раненай солдатт, сявондезь эсь лангозост разведчиконь рольть. Эсь подвигснон инкса лама пионер казьф орденца и медальса. Сядот пионер ульсть казьфт медальса "Великай отечественнай войнань партизанти" руз.: «Партизану Великой Отечественной войны», 15 000-да лама пионер - медальса "Ленинградть араламанкса" руз.: «За оборону Ленинграда» медальса, "Москуть араламанкса руз.: «За оборону Москвы» медальса — 20 000-да лама цёраня и стирня.

Кой-конатненди — Лёня Голиков, Марат Казей, Валя Котик, Зина Портнова — максфоль Советскяй Союзонь Героень лем.

Пионерхне тяниень пингть

Пионерхнень ёткс сувамат Якстерь площадьса В. И. Ленинонь Мавзолейса эрь кизоня ётафни КПРФ-сь. Торжественнай церемонияса сувсихть-эрсихть 3000-да лама шаба (2012-це пионерхнеди юбилейнай кизоня ульсь прьняндаф 5000-да лама). Шабатне сашендыхть Россиять сембе уженястонза. Шабатнень ингольде корхтай-азонды Г. А. Зюганов, меле сотыхть якстерь галстукт, а сяльде оцю пионерхне, ёмла «ленинецнеди» няфтихть аф оцю концерт. Тяниень пингонь Россияса развлекательнай центратнень видеса и клупнень эса Пионеронь шити кой-коста ётафневихть «пионерскяй тематикань» коряс дискотекат, акцият, эрь кодама налхксемат. Севастопольса эрь кизоня 19-це майста тонафниень учреждениятнень эзда шабатне ётнихть ошть кучкава.

Пионеронь шити ётафневихть илат кода Россияса, станя и лия странатнень эса, конат инголи сувсесть СССР-ти.

Лятфтамат

Литературась

1. Алексеев, С. П. Рассказы о войне / С. П. Алексеев. – М. : Искателькнига, 2015. – 79 с.

2. Бондаренко, А. Ю. Юные герои Отечества: подвиги детей в русской истории с X-XXI в. / А. Ю. Бондаренко. – М.: Кучково поле, 2011. –350 с.

3. Герман, Ю. Вот как это было : повесть / Ю. Герман. – СПб. : Речь, 2015. – 96 с.

4. Дубровин, В. Б. Мальчишки в сорок первом : повесть / В. А. Дубровин. - СПб. ; М. : Речь, 2015. –221 с.

5. Жариков, А. Д. Володя Арешьянц / А. Д. Жариков. – М. : Малыш, 1972. – 14 с.

6. Катаев, В. П. Сын полка / В. П. Катаев. – М. :ОНИКС, 2008. – 222 с.

7. Корольков, Ю. Леня Голиков / Ю. М. Корольков. –М. : Малыш, 1979. – 26 с.

Ссылкатне

• День пионерии для советского школьника