Атяньжи

Рувики лопаста

Атяньжи (руз. Понедельник) — недяляса ши недляшить и шавшить ёткса. Народъётконь стандартть коряс покамань васенце шись недяляса ISO 8601.

Омбоце шись («понедельник») Шкайть масторланонь ттворенияц, модань и менелень ведень аерфтомась. Юлиус Шнорронь гравюрац

Этимологияц и лемоц эрь кодама традицияса

«Атяньжи» ламоц кяльхнень эса валсь и сонь аналогонза славянскяй лия кяльхнень эса (укр. понеділок, белорус. панядзелак,|сербохорв. понѐд(j)ељак, болг. понеделник, польск. poniedziałek, чешск. pondělí, др.-русск. и ст.-слав. понєдѣльникъ, в.-луж. póndźela, н.-луж. pónźele, полаб. рüned᾽ėlа) сай праславянскому *ponedělj- эзда, кона тиф *nedělja «недляши (дословна „день неделания, отдыха“)». «Атяньжить» этимологическяй смузец — «(ши) недяляда меле недляшида».

Турецкяй кяльса pazartesi лемсь канды «недляда меле ши» смузь.

Улихть лемдемань и лия традицият. Тяфта кунардонь иудейско-христианская традициясь лувондсы ёткшиста ушедозь, тянь эзда лиссь: греконь Δευτέρα («омбоце шись (ёткшить эзда)»), латинскяй feira segunda(сравниндак тяниень пингонь португ.segunda-feira), грузинск. ორშაბათი (оршабати), таджик. душанбе, башкир. и татар. дүшәмбе, казах. дүйсенбі,армян. Երկուշաբթի (йеркушабти́). Сянкса, ивритонь тяльса атяньжить лемоц — «Йом бет».

Сонь лемоц сирийскяй кяльса канды «васенце шись» смузь.

Лия традициясь — астрономическо-астрологическяй. Тяса атяньжись лувондови менелень ковонь шикс. Лияда башка тяза сувафтовихть:

  • классическяй лат. dies Lunae (сравниндак тяниень пингонь фр.: lundi);
  • германскяй *mandagaz, конань эзда эвондасть англ.Monday, древнефризскяй mōnadeig, средненижненемецкяй и среднеголландскяй mānendach (тяниень пингонь голландскяй Maandag), древневерхненемецкяй mānetag (тяниень пингонь нем.: Mon(d)tag), древнеисландскяй mánadagr (шведскяй и нюнорск: måndag, исландскяй: mánudagur, датскяй и букмол: mandag)[1]тяфта жа серцек моли Chandravāra ведскяйть эзда Chandra «Ков») лемсь; Юго-Восточнай Азиянь кяльхнень эса, кепотьксонди тайскяй «Ван Джан»(«Чандры ковонь шкайть шиц»)сявф палинь кяльста;
  • китайскяй '月曜日', «ковонь шись», коста сявфт японскяй げつようび (getsuyobi) и корейскяй 월요일.

Атяньжить вастоц ковгярьксса

ISO 8601 коряс лувондови покодемань недяляса васенце шикс.

Тяниень пингонь шинь мадома ширдень культурась лувондсы атянжить кода покодемань недялянь ушеткс, сяс мес, кода фалу, тя шиня оцюфне мртцихть покодема вастозост, а иттне — школав ваймама шида меле.

Религиознай христианскяй и иудейскяй традицияса, библейскяй ковгярьксть коряс, понедельниксь лувондови недялянь омбоце шикс. Кода сембе вастова тя ванфсь атяньжить лангс улиСША-са, Канадаса и Японияса. Сяка туфталонкса Римско-католическяй церькавть официальнай литургическяй ковгярьксоц (руз.) (мок. лемнесы атянжить кода омбоце ши — «Ферия II».

Религиянь ширде ванфтоматне

Иудаизмаса и исламса атяньжись лувондови благоприятнай пингокс постти и молитвати. Иудеянь койса Торась (руз.) (мок. сембонь ингольде лувондови шобдава атяньжиста, колма определённай тянкса шиста (лия кафттне — шуваланясь и ёткшись). Стане жа азондовихть специальнай искупительнай молитват, кда аш пяк кеняртьфти события, конань инкса синь можна лоткафтомс. Дидахса васенце христиаттненди мярьгондевсь аф тиендемс постт понедельникста, штоба аф молемс иудейскяй обуцятнень мельге. Понедельникть вастс латцевсь вержись.

Православнай церькавса атяньжиста шнавихть Шкайть васенце творенияц — Ангелхне, конатненди Октоихаса лемтьфт шнама моротне, моравихне атяньжиста кизоньберьф навседневнай службаса. Ламоц монастырьхнень эса атяньжитне постнай шит: сяс мес атяньжитнене лемтьфт Ангелхненди, сяс и монахневок ёрайхть эрямс ангелонь эряфса, аф аньцек сивольда и нармоньда, но и лофцонь ярхцамбяльда, калда, винада и вайда (кда илась уленди атяньжиста, то калсь, винась и вайсь мярьгондевихть).

Атяньжиста ингольдень вечерняса Великай постть пингста, прощениянь Чинонь или Пассиянь аф уставнай Чинонь тиемда инголе, кайгозеви аф рядовой (шинь или сисемонь) прокименць, а кафта великай прокиментнень эзда фкясь:

Не отврати́ лица́ Твоего́ от о́трока Твоего́, я́ко скорблю́, ско́ро услы́ши мя: вонми́ души́ мое́й и изба́ви ю.

Дал еси достоя́ние боя́щимся Тебе́, Го́споди.

Содомсь западнай преданиять коряс ульсь срафтф атяньжиста, Ангелхне ся шиня Лотонь семьянц лихтезь ошста (Нюрнбергская хроника, 1493 г.)
  • Рузонь православияса Великай постонь васенце шись лемневи «Ару атяньжикс», сембе верующайхненди строгай постонь шись;
  • Великай атяньжиста лятфневиташта коень патриархсь Иосиф, конань брадонза мишендезь Египету, кода пичеди Иисус Христосонь прообразоц, а стане жа евангельскяй азондомась аф шачи смоковницать сюдоманц колга, кона няфнесы ваймоть, кона аф канни духовнай имошт — афкуксонь каендама, кемама, озондома и пара тефт;
  • Валда атяньжить вечерняста кизоти весть морафтови Евангелиясь оцязоронь ортатнень эса ломаттненди шамаса;
  • Антипасхинь атяньжись — васенце шись, мзярда мярьгондеви церькавса венцямс Великай постть (руз.) (мок. и Валда седмицать ламос кардамда меле. Русьса тя атяньжись лемневи «Якстерь пандокс», мзярда церькавонь сери папертть эзда округть келес азонкшнесть од рьвяяйхнень свадьбаснон колга;
  • Атяньжиста, Иняру Троцянь шида меле праздновандави Иняру Ваймопожфонь Шись. Тяка атяньжиста ётафневи Шкаень Тядять Тупичевскяй и Кипрскяй шкаень ликонянза;
  • Пятрувонь постсь ушеткшни атяньжиста 2-це седьмицаста Пятидесятницать коряс. Петрувонь, Успенскяй и Роштувань посттнень Аллилуйнай службаснон вечерняса, Уставть коряс, аньцек атяньжиста кайгозеви прокименць, а лядыкс шитнень — «Аллилуиа» кафта стихса.

Тянь эзда лисенди, што атяньжись фалу моли недляшида меле, лиякс мярьгомс бденнай богослуженияда меле, атяньжить илядень шиня аш кафизма. Атяньжиста, вержиста, пяденцяста и недляшиста может ётафтовомс православнай венцяндама, кда тя шида меле эстокиге аф молихть церькавонь оцю илатне и посттне. Атяньжись (конань Пингста Каин шавозе Авелень), августонь омбоце атяньжись (мзярда ульсть срафтфт-калафтфт Содомсь и Гоморрась) и декабрень мекольце атяньжись (мзярда шачсь Иуда Искариот, кона максозе наругамс Иисус Христость)[2].

Квакерхне кода фалу лемнесазь атянжить кода «Омбоце Ши» и аф малаткшнихть происхожденияс коре языческяй английскяй лемть эзда.

Исламса понедельниксь ульсь шикс, конань Пингста Мухаммедонь ульсь коец постонь кирдемс, сяс мес тя ульсь сонь шачема шиц. Православияса Троцять ули шиц, конань васенце шиц лемневи Иняру Ваймопожфть атяньжикс, или Ваймопожфонь шикс.

Атяньжить культурнай традициянза

Тя открыткась, кона кучф 190це кизоня, лемоц «Атяньжинь шобдавась Нью-Йоркошса», и няфтьсы атяньжинь ладяфкойть кода щамонь муськомань шись
Атяньжинь шобдавась (Ганс Балушек, 1898 кизось)

Атяньжить мархта кой-кона странатнень и культуратнень эса сотфт башка стереотипне. Кепотьксонди, еврейхнень понедельниксна аф лувондови свадьбанди ладяй шикс, сяс мес Шкайсь мирть-масторть тиемста вестевок тя шиня ашезь аза «лац», кода тиендсь лядыкс шитнень.

Таиландса, тюжя тюссь кода фалу сотф атянжить мархта (ванк тайскяй солнечнай ковгярьксть).

Западнай музыкантттнень ламоц моросост атяньжись няфневи кода депрессиянь шись, таколдомань, или меланхолиянь. Кепотьксонди, «Monday, Monday» (Атяньжиста, атяньжиста) (1966) Mamas & Papas группать, «Rainy Days and Mondays» (Пизему шитне и атяньжитне) (1971) Carpenters группать, «I Don’t Like Mondays» (Мон аф кельгсайне атяньжитнень) (1979) The Boomtown Rats, и «Manic Monday» группать ули моросна (Ёжефтома атяньжи) (1986) Bangles.

Сембода содаф морось Россияса «атяньжить колга морось» — «Остров невезения» «Бриллиантовая рука» (1968 кизось) кинофильмаста. Текстть автороц — Л. П. Дербенёв, композиторсь — А. С. Зацепин.

Тяфта жа, бта ладяф койхненди меколанкт, ули группа, Happy Mondays («Удалаф атяньжит») и американскяй панк-группа Hey Monday («Эй, атяньжи»).

Статистикать коряс Нидерландонь эряйхне сяда сидеста юмафнихть эсь пря[3], уходят на больничный[4] или предаются интернет-сёрфингу[5].

Оцязоронь Россияса простонародьять ульсь сидеста васьфневи привычкац понедельникть, лиякс мярьгомс, аф покодемс понедельникста: «Понедельник-похмельник — поминки воскресенью», «Понедельник — бездельник». Шись лувондовсь аф павазукс, мезсь, улема, ащи кунардонь пингонь обуцянь отголоскакс, конань коряс велень священниксь, мзярда васьфтезе литургияса недляшиста аф ингольдень прихожанинть, озафнезе сонь церькавть ваксс цинзер лангс. Суевернай ломаттне понедельникста ашесть ушеткшне од тефт, ашесть лисенде кис, ашесть макссе ярмакт[6].

Украинаса XX-це векиь ушедомозонза ульсь обуця понедилкование лем ала[7], конань пингста киревсь посте и и аф мярьгондеволь покодемс (сембода пяк кштирдемс) рьвакс ащи аватненди. Васток-васток тя обуцясь сувафневсь кода мяльс ладяфкс рьвакс тумань-рьвяямань ладяфксса (кепотьксонди Бориспольса Переяславскяй уездса, Полтавскяй губернияса). H. Чернышов[8] понедилкованиянь обуцять шарьхкодфтьсы, кода ляткс кунардонь пингонь формать эзда рьвакс тумань ладямать аф прокс пяшкодеманц эзда — «колма нилецекс пяльксонь рьвяяма-рьвакс тума», тяконь лувксса авать ульсь правац недялянь содаф шитнень пингста ваймосемс и мянь мирде ваксса аф удомась[9].

Народнай комиссариатть постановлениянц коряс 3-це сентябрьста 1919-це кизоня понедельникти ульсь ётафтф илань ваймама «зрелищнай предприятиянь» покодихненди[10].

Советскяй космонавтикаса понедельниксь васенда лувондовсь рядовой покодемань шикс, но, мзярда 1960-це кизоста сявомок 1965-це кизоти самс 11 нолдамась тя шиня аделавсь аварияса, тя шись 1965-це кизоста сявомок «вярде решениять коряс» арась ваймама шикс космонавттненди.

Атяньжись кода мифическяй персонаж

Харон, славянскяй «Атяньжити» мала образсь (Литовченко А. Д., 1861)

Восточнай славяттнень мяльснон коряс Атяньжись ульсь афкуксонь личностекс, шаржу атякс, кона васьфнесыне кулофнень ваймоснон райть ортанзон ваксса и седикс-ваймокс примсесыне сятнень, кит постуфтольхть сонь шистонза, Тяфта жа Понедельниксь служась ваймонь усксикс толонь ляйть туркс. Кой-кона арьсематнень коряс, Преображениянь иласта (Марень Спассь), мзярда райса Сонць Шкайсь казендьсыне марьса праведникнень, пежу ломаттненди адса марьхнень явондсыне Атяньжись[11]. Также считалось, что по понедельникам «святой Понедельник» вместе с пророком Ильёй говеют в монастыре[7].

Атяньжись лепнень и лемдематнень эса

  • Таджикистанонь пряошенц лемоц Душанбе персидскяй кяльста ётафтови кода «атяньжи»;
  • Ули Понедельник рузонь фамилия;
  • 1894—1895-це кизотнень Россияса недяляти кафксть лисендсь «Понедельник» газета. Издательсь В. П. Мещерскяй князсь, васенда редактось К. Ф. Филеппеус, а 4-це №-ста сявомок 1895-це кизоть пингста сонць издательсь[12];
  • «Понедельник — день тяжёлый», роман-фельетон А. Н. Васильевонь, 1961 кизось;
  • 1963-це кизоня экраттнень лангс лиссь советскяй фильмась-комедиясь «Понедельник — день тяжёлый» (режиссёрсь Иван Лукинский);
  • Ули советскяй художественнай фильма «Доживём до понедельника»;
  • Браттнень-Стругацкяйхнень книгаснон лемоц «Понедельник начинается в субботу»;
  • Американскяй писательть Курт Воннегутонь романонц, кона сёрматф 1973-це кизоня, лемоц «Завтрак для чемпионов, или Прощай, чёрный понедельник».

Лятфтамат

  1. ↑ Barnhart, Robert K.: The Barnhart Concise Dictionary of Etymology. Harper Collins, 1995. ISBN 0-06-270084-7
  2. ↑ Другие несчастливые дни. Не только пятница, 13-е. » Бяки.нет (англ.). web.archive.org. Дата обращения: 14 декабрьста 2025.
  3. ↑ Monday is most common day for suicide, The Guardian (26 августста 2005). Архивировано 22 январьста 2013 года. Дата обращения: 14 декабрьста 2025.
  4. ↑ Monday is ‘the most popular sick day’. Дата обращения: 14 декабрьста 2025. Архивировано из оригинала 27 апрельста 2010 года.
  5. ↑ OneStat.com - About Us - Press Box. web.archive.org. Дата обращения: 1 ноябрьста 2025.
  6. ↑ ЭСБЕ, статья «Понедельник»
  7. ↑ 1 2 ЭСБЕ, статья «Понедилкование»
  8. ↑ «Киевская Старина» 1886, № 4, стр. 763—771
  9. ↑ «Киевская Старина» (1887, 1, 180—182. IV, 763—771) и «Этнографическое Обозрение»
  10. ↑ Большая советская энциклопедия (первое издание), — М: АО «Советская энциклопедия», 1929, С. 206
  11. ↑ Левкиевская Е. Е. Мифы русского народа. — М.: Астрель, 2000. — С. 92. — 528 с. — (Мифы народов мира). — ISBN 978-5-271-24693-7.
  12. ↑ ЭСБЕ, статья «Понедельник (газета)»
Сявф"https://mdf.ruwiki.ru/w/index.php?title=Атяньжи&oldid=417454"-ста