Апрель

Рувики лопаста
Апрель
Ат Швш Врж Шв Пд Ётк Ндл
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      
2026 кизось
Апрельста сяльгонятне шуфттнень лангса

Апре́ль (лат.: Aprīlis — варианттне: «ушедец», «шиса эждевись», «Афродитать ковоц») — нилеце ковсь юлианскяй и григорианскяй ковгярькснень эса, омбоце ковсь сире римонь кизось, Кона ушеткшнесь Цезарть реформанцты эйзюрковста сявомок. Нилетнень эзда фкясь 30 30 шинь кувалмоса.

Модать Кельмеширдень полушариясонза лувондови тундань омбоце ковкс, Лямбеширденнеса — сёксень омбоце ковкс.

Тяниень пингста 18-це апрельти самс григорианскяй ковгярьксть коряс шись ащи Рыба тяштень пуромксса, 18-це апрельста сявомок — Овнань тяштень пуромксса[1][2].

Статистикась и колганза

Ковоньберьф кучкаса кирди апрелень температурась Москуалдонь аймакса +3,7 °С, шинь валдоптома нормась — 164,5 част[3].

Суткань среднесуточнай температурать ётамац моли 3 апрельть маласа, инь рана — 13 мартста (1933), поздна — 24 апрельста (1929). Ловсь солси 12 апрельть малава, сембода ингольдень пингсь — 17 мартста (1921), сяда поздна — 21 апрельста (1926). 20-це апрельть маласа марнек солай модась, сембода рана — 8 — це апрельста (1935), поздна — 5-це майста (1929). Апрельсь — шадонь тума ковсь[3].

Тя ковста (уликсне Москуалдонь аймакти) ушеды шудема келу ведсь. Тяда меле, кода солай ловсь, ушедыхть панжема од авань шама лопась, пяштерькссь, верняйсь, лепе шуфтсь, и алмоц лиятне[3]

Лямбе ширде сайхть цибосне и каркне. Ковть пезонза малаткшнема пингть (24-це числада меле) ушеды куксема кукусь[3].

Велеса эряй кудазорти и перень кирдити апрельсь сембода лама тевонь тиемань пингеь. Кучкастонь Европса тя ковста витцесазь яровойхнень (руз.) (мок., перень имошнень, клеверть и стак тов. Эста жа ушеткшни шуфтонь урядамась и озафнемась, лугань валондомась, переса видевихть и озафневихть эрь кодама перень сёрот. Россиять средняй полосаса ранняй яровой кшинь видемась кармай модать марнек соламдонза меле, ковть омбоце пялестонза. Апрельста касыксонь панжемать мархта ушеткшни мешнень работасна. Эрявикс рольсь, конань апрельсь налхксы народть экономическяй эряфсонза, няфтеви пяк лама валмуворксса или народнай койса-обуцяса, конат кандовихть теенза. Сидеста полафнматне перьфпяльса, конат лисендихть тя ковста, народсь эрь пингть, коса лисендихть тятама апак учсек полафнмат перьфпяльса, лемнесазь апреленнекс, тяка туфталонкса и ордашкоткшнематне лемневихть апрелень таколдомат[4].

Эрямопингсь и этимологиясь

«Тунда», ( Боттичеллинь картинац, 1477), кучкаса няфтьф Венера шкайавась

.

Апрельть лемоц, улема, эвондась, кода и ащесть тянь мархта кунардонь пингонь эряйхне (кепотькслнди Макробий «Сатурналиятнень» эса[5], коса тяка пингть улихть няфнема-китькстамат тядонгольдень автор лангс), латинскяй глаголста aperire (или aperio) — «панжемс», сяс мес тя ковста Италияса панчсевсь, ушеткшнесь тундась, панжема ушеткшнесть шуфттне и пансфне[4]. Тя этимологиять кирдеви ширец серцек путозь тяниень пингонь греческяй валть ἁνοιξις (anoixis) тевс нолдаманц мархта  — «панжема» тундать лемдеманкса. Лия версиять коряс, ковть лемоц моли — apricus «шиса эжневи» латинскяй валть эзда[3].

Мес кой-кона римскяй кофненень эзда ульсть лемтьфт шкайхнень лемс, сяс апрельть тоже лемнезь Венера шкайти (Festum Veneris). Сяс мес Fortunae Virilisилась ётафневи ковть васаенце шистонза, ульсь мяльс сама, што Aprilis ковть лемоц лиссь Aphrilis, кле ули няфтема васта книгаса греческяй Афродитати (тяфта жа Aphros), кона римляттнень мяльса мала Венерати, шовста шачфть, тяста и ковть лемоц Aprilis, тифсь άφρός (шов), ульсь кода сёрматф, кода Aphrilis[5]; тя шкайавать лемонц этрусскяй вариантсь — Апру (Apru). Якоб Гриммонь мяленц-арьсеманц коряс эрясь-ащесь Апера (Aper) или Апруса (Aprus) гипотетическяй шкай или герой [6].

Апрельть эса тяни 30 ши, но Юлий Цезарень реформада инголе эсонза ульсь аньцек 29 ши[4]. Тя пингста панчсевсь 19 шинь куавалмоса сембода кувакасата таргави шкайхненди лемтьф пингсь, конань пингста Древняй Римса ашестьл покоде судебнай учреждениятне. 65-це кизонь апрельста, Пизононь заговоронц штафтомда меле, кона шарфтфоль Нерон императорть каршес , эвотьф римскяй Сенатсь азозе апрель ковть лемдеманц «нероний» лемса; этя лкемсь Нерононь куломда меле, 68-це кизоня, сяда тов изь нолнев теавс.

Историческяй английскяй апрель лемдеманза сувафнесазь сонь англосаксонскяй Oster-monath или Eostur-monath лемонц. Беда Достопочтеннайсь кемокснезе, што тя ковть лемонц юронц лемса ащесь Очижи лемсь (Easter — тяниень пингонь англань кяльса). Тяда башка, сон кирдсь мяль, што ковсь ульсь улема лемтьф Eostre языческяй шкайавать лемса, конанди сюконякшнесть тя пингста. Карл Великаень тожа ульсь мялец ванфтомс эсонза немецонь Ostermonat лемть — «очижинь ков»; голландцне апрельть лемневсь Grasmonat («тишень ков»). Од рингста ни Эшенбург немецкяй коммунаса ульсть тяряфнемат полафтомс сонь Wandelmonat или Wandelmond («полафтомань ков»)[4]. Сире пингонь рузонь ковгярьксса (христианствать кемокстамда инголе) ковсь лемневсь березозол[7], народонь ковонь лемонь лемлувкссь (руз.) (мок. народонь ковонь лемонь лувксса эса тяфта жа — ловонь пани, шудерькс, ведень пяярди, васень панчф.

Лия кяльхнень эса

«Апрель» ( Леандро Бассанонь картинац, 1595/1600 кк.)

Европань ламоц кяльхнень эса апрельть лемоц ладяй латинскяй койти. Но улихть мзярошка башка ширет.

Финнонь кяльса ковсь лемневи huhtikuu, лиякс «шуфтонь плхтама ков», сяс мес тя ковста керсевсть и плхневсть шуфттне, што аруяфтомс-штафтомс модат велень кудъётконь вятемань тефненди[8]. Чешскяй кяльса апрелсьь лемневи duben, «тума» вальть эзда. Украинскяй кяльса — квітень, польскяйса — kwiecień, «панжи» валть эзда. Смузень коряс белорусонь кяльса мала апрельть лемоц — красавік — «тяниень пингть панжи». Хорватонь кяльса — travanj — «тимшень». ТурецкяйNisan ковонь лемсь — кирдьсыне кунардонь ближневосточнай койхнень, валюрса кирдемок шумерскяй валть nisag — «васенце марьхне». Литовскяй кяльса лемневи balandis, буквальна — «гуля»[9].

Тяниень пингонь китайскяй и японскяй кяльхнень эса апрельсь лемтьф кода «нилеце ковсь».

Культураса

Музыкаса

  • «Апрель» — «Кино» группать моросна, альбомсь «Звезда по имени Солнце», 1989 кизось.
  • «Апрель» — белорусскяй диджей, электроннай музыкантсь и битмейкерсь.
  • «April» — Deep Purple группать композицияц.

Изобразительнай искусстваса

  • «Апрель» — Леандро Бассанонь картинац, 1595/1600 кк.

Кинематографсь

  • Апрель — нюрьхкяня советскяй фильма Отар Иоселианинь, 1961 кизонь.
  • Апрель — российскяй кинофильма 2001 кизонь Константин Мурзенконь.
  • Апрельские дожди (мокшекс Апрелень пизепне) — американскяй киньге эзда аф ащи фильма 2009 кизонь.

Илатне

«Апрель» ( Беррийскяй герцогонь инь цебярь часословоц

, 1410—1490-це)]]

«Полафнесазь вастснон»
  • Весак (пяшксе ков) — Буддань шачема шиц.
  • Ведень путькс — зрнянь паморькс (апрелень васенце недляшиста).
  • Омбоце ёткшиста — Кучкаста Уралонь народонь шись (2003-це кизоста сявомок).
  • Васенце недляшись — Геологонь шись.

Лятфтамат

  1. ↑ За год Солнце проходит не через 12, а через 13 созвездий. Новый знак зодиака — «Змееносец». Дата обращения: 28 октябрьста 2011. Архивировано 20 сентябрьста 2011 года.
  2. ↑ Климишин И. А. Календарь и хронология. — Изд. 3. — М.: Наука. Гл. ред. физ.-мат. лит., 1990. — С. 41. — 478 с. — 105 000 экз. — ISBN 5-02-014354-5.
  3. ↑ 1 2 3 4 5 В. Д. Грошев «Календарь российского земледельца (народные обычаи и приметы)», — М: МСХА, 1991, С. 21. ISBN 5-7230-0074-8
  4. ↑ 1 2 3 4 Апрель // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  5. ↑ 1 2 Макробий. Книга первая, главы 12—16 // Сатурналии.
  6. ↑ Jacob Grim Geschichte der deutschen Sprache. Cap. «Monate»
  7. ↑ Березозол // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  8. ↑ Chisholm, Hugh, ed (1911). «April». Encyclopædia Britannica (11th ed.). Cambridge University Press.
  9. ↑ Все про литовский на сайте о языках. web.archive.org. Дата обращения: 27 октябрьста 2025.

Ссылкатне

  • Календарь // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907. Статья Витковского В. В.
Сявф"https://mdf.ruwiki.ru/w/index.php?title=Апрель&oldid=409969"-ста