Ковылкинскяй краеведческяй музейсь

Министерство культуры РФ

Министерство культуры Российской Федерации

Ковылкинскяй краеведческяй музейсь
Тиевома кизось	1971-це
Коса ащи	Мордовия  Россия
Адресоц	Ковылкина ошсь, Большевистскяй курось, 19№ кудсь
Директорсь	Алямкин Анатолий Иванович

Ковылкинскяй краеведческяй музейсь (руз. Ковылкинский краеведческий музей) — «И. Д. Воронинонь лемса Мокшэрзянь республиканскяй краеведческяй музейть» государственнай бюджетнай культурань учреждениять филиалоц. Ащи Мордовия Республикаса, Ковылкина ошса, Большевистскяй куроса, 19№ кудса.

Музейсь ульсь пуроптф 1971-це кизоня.

Эрямопингоц

Музейсь ульсь панчф 1971-це кизоня. Пуроптоманц колга тевсь ушетфоль журналистть-краеведть Николай Петрович Шмырёвонь (1923—1990) мяленц коряс, СССР-нь Журналистонь союзу сувафтфсь, МАССР-нь културань заслуженнай работниксь. Николай Шмырёв тиендезень-пяшкотькшнезень музеень директоронь тефнень питнефтома.

1971-це кизоня тостоконь краеветтнень вийснон-мяльснон вельде Ковылкинаса музейсь ульсь панчф. Колма залхнень эса 80 квадратнай метрань площадьса ульсь няфтьф-ладяф 400-та лама экспонат, сяда ламотне эздост фотографият, документт.

Мордовскяй АССР-нь Министронь советть распоряжениянц коряс 1975-це кизонь 28-це декабрьста народнай музейсь ульсь ладяф, кода филиал Мордовскяй республиканскяй краеведческяй музейти и максфоль лем Ковылкинскяй краеведческяй музейсь.

Музейть директороц — Алямкин Анатолий Иванович.

• 

  Ковылкинскяй краеведческяй музейть сувама вастоц

• 

  Музейса Р. Орловать книганц презентациянц пингста

• 

  А.И. Алямкин (музейть директороц) Р. Орловать мархта

Экспозициятне

Экспозицитне ащихть мзярошка отделста: этнографическяй, историческяй, военно-патриотическяй, тяфта жа ули выставкань зал. Этнографическяй коллекцияса сувафтфт уликсне, конат няфтьсазь материальнай культурать и Ковылкинскяй райононь эряйхнень эряфснон и тевонь тиендемань эсь лацонь ширензон. Няфневихть мокшавань щапне-каряпне и авань маштомошись кштирдемаса-кодамаса и сюреса сёрмадомаса, сокаень-видиень кудъётконь тевса эрявикссь и кядьгонятне, велень хозяйствань и кядь вельдень тиемань эрявиксне и лият.

Фкя экспозициять видеса ладяфт сокаень-видень куднянь кудботмось, XIX-це веконь песта купеческяй кудсь и Арапов помещикнень дворянскяй усадьбань, коса ульсть Александр Сергеевич Пушкинонь иденза.

Военно-патриотическяй залсь содафты Великай Отечественнай войнать, Афганистанца и Чечняса военнай тефнень мархта. Од ломаттнень и вяри касыкс шабатнень нравственнай и военно-патриотическяй воспитанияснонды лездыхть военно-патриотическяй залть экспозициянь материалонза, конат ащихть колма пяльксста:

• «Сюконятама!»;
• «Афганскяй»;
• «Живойхть пефтома пингса».

Музейса пуроптф материал К. И. Моисеевонь заслуженнай врачть, скульпторть М. И. Феокритовать (1898—1983 кизотне) , Оцю театраса морайть Иван Михайлович Скобцовонь (1900-1983 кизотне), писательхнень А. С. Абсалямовонь, В. Н. Радинонь, Т. Ф. Якушкинонь, И. А. Янюшкинонь, художникнень Ф. В. Сычковонь и В. А. Бедновонь колга.

Музейть выставкань залсонза ладяфт тястоконь живописцнень работасна: В. И. Долгушевонь, В. А. Шлыковонь, А. И. Рогачёвонь, В. В. Сенаторовать, Н. М. Трушкинонь, Г. М. Головинонь Советскяй Союзонь Геройть.

Коллекциянза

Тяниень пингть музйть фондса ванфтови 12 500 тёжяньда лама экспонат.

Оцю паршикс музейса лувовихть М. И. Феокритова скульпторть кядяла тифне. 60-да лама скульптура, мастерсь макссь эсь шачема ширезонза казненди, конат ащихть Ковылкинскяй музейть фондса.

Тевонь вятемац

Музейть тевонь вятемасонза вярьгок вастса ащихть: культурно-массовай, исследовательскяй и учебнай кизефксне.

Тяда башка, музейса ётафневихть образовательнай программат.

Лятфтамат

Ссылкатне

• Официальная страница Вконтакте Ковылкинского краеведческого музея (www.vk.com)