С.Д. Эрьзянь лемса Мокшэрзянь республиканскяй изобразительнай искусствань музейсь

Рувики лопаста
Gerb-icon.png

Министерство культуры РФ

Arrow-Right.png
Gerb-big.png
Министерство культуры Российской Федерации
С.Д. Эрьзянь лемса Мокшэрзянь республиканскяй изобразительнай искусствань музейсь
Фасад МРМИИ им. С.Д. Эрьзи. 2021 год..jpg
Тиевома кизось 26-це июньцта 1958 кизоня
Панчф с 9:00 до 18:00, ваймама шись: понедельник
Коса ащи
Адресоц Рузмастор котфоц Россия
Мордовия
Саранск ошсь, Коммунистическяй курось, 61
Директорсь Нарбекова Людмила Николаевна
Сайтоц erzia-museum.ru
Логотип РУВИКИ.Медиа С.Д. Эрьзянь лемса Мокшэрзянь республиканскяй изобразительнай искусствань музейсь

С.Д. Эрьзянь лемса Мокшэрзянь изобразительнай искусствань музейсь руз. (Мордо́вский республика́нский музе́й изобрази́тельных иску́сств и́мени С. Д. Э́рьзи)  — Саранск ошса музей, Поволжьянь научно-исследовательскяй, научно-просветительскяй учреждения [1].

Марстонь сведениятне

С. Эрьзянди мялямгевсь

Мордовскяй республиканскяй изобразительнай искусствань музейсь лувондови XX веконь Степана Дмитриевича Эрьзянь содаф скульпторть произведениянзон кочкафксонзон мастор лангса сембода оцюкс (200 работада лама)[2].

Музейса тяфта жа кочкафт Мордовиянь народнай художникть, РСФСР-нь искусствань заслуженнай тевонь тиить Ф. В. Сычковонь работань коллекциянза, и портретнай живописень академикть И. К. Макаровонь. Синь кафцьке, кода и С. Д. Эрьзя, — шачсть Мордовияса.

Музейса ладяфт и коль касфтовихть искусствань сембе основной видонь произведениянь коллекциятне: живописень, графикань, скульптурань. Тятфта жа ладяфт XVIII — XIX веконь рузонь искусствань, тяниень пингонь эсь масторонь, мокшэрзянь народнай и декоративно-прикладной искусствань произведениянь коллекциятне. Тяса ванфтовихть аф аньцек мокшень и эрянь содаф ломаттнень колга произведениятне, но и марнек Россиять эзда. Тяфта 1966-це кизоня скульпторсь Ю.В. Чернов тиезе Юрий Гагарин (бюст) работать. Экспонатсь лемтьф васенце ломанти, кона лийсь космосу, — Юрий Гагаринти. Тяфта жа тяса ванфтови С. Эрьзянь скульптурац Авань портрет (скульптура, 1937), кона тиф кебрачо шуфтста. Башка васта максф керамикаста произведениятненди. Эздост фкясь —Павловскяй руця (скульптура), конань тиезе Маргарита Пермяк 1969-це кизоня и Эшелямда меле (скульптура) скульптурась, конань тиезе Галина Столбовойсь. Мария (скульптура, 1937) скульптурнай произведениясь, конань тиезе скульпторсь Елена Александровна Янсон-Манизер. 2002 кизоня С. Д. Эрьзянь лемса изобразительнай искусствань музейсь Мордовия Республикань Правительствась сувафтозе мокшэрзянь (руз.) (мок. народонь культурнай ингольдень сатфксонь питни объектонь лувксть ёткс[2].

Музейть эрямопингоц

10-це январьста 1960-це кизоня Саранскяйса панжевсь Ф. В. Сычковонь лемса мокшэрзянь республиканскяй картиннай галлереясь руз. Мордовская республиканская картинная галерея имени Ф. В. Сычкова, кона ладяфоль Советскяй куроса ащи кудса, тяниень пингть тяса музейть выставочнай центрац[3]. 1978-це кизоня картиннай галереясь ульсь полафтф изобразительнай искусствань музей лангс. С. Д. Эрьзянь лемоц музейти максфоль 1995 кизоня[2].

2020-це кизоня музейть мзярошка туристскяй теварьсефксоц сатсть призовой вастт VII Всероссийскяй туристскяй премияса «Маршрут года» 2020[4].

Музейть пряфкс зданияц

Музейть кудоц (Коммунистическяй курось, 61) ащесь кафта корпусста. Западнай, сяда сире корпуссь (архитекторсь В. И. Сологуб, инженерхне В. И. Борисов, Е. А. Сухов) ульсь стяфтф 1976-це кизоня, Эрьзянь 100 кизонь топодеманцты. 1985-це кизоня ваксозонза ульсь стяфтф нинге фкя корпус, кона сотф васенцеть мархта ётама васта мархта 2-це этажть видеса. Сёксенда 2001-це кизоня, Эрьзянь шачема шинц 125 кизонь топодеманцты, ульсь тиф петема музейть корпусонзон эса, сатомшка мазоптомок лангснон. 2012-це кизоня музейса ульсь петьф фасадоц и потомширенц, а корпуснень сотозь фкас[2][5].

Выставочный зал музея

Выставочнай залсь

Музейть выставочнай залоц (Советскяй курось, 29) стяфтф 1950-це кизотнень кучкаста С. О. Левковонь архитекторть теварьсефксонц коряс [5]. Ащи Мокшэрзянь национальнай драматическяй театрать ваксса и сотф мархтонза фкя этажень полатксса.

Музейть филиалонза

Лятфтамат

  1. ↑ Государственное бюджетное учреждение культуры "Мордовский республиканский музей изобразительных искусств имени С.Д. Эрьзи". Госкаталог. Дата обращения: 4 мартста 2025.
  2. ↑ 1 2 3 4 Информация с официального сайта музея
  3. ↑ Информация о музее на сайте GIDRRM.ru. Дата обращения: 12 октябрьста 2010. Архивировано 18 августста 2025 года.
  4. ↑ Всероссийская премия туристических маршрутов. Russian Travel Tour Awards. Объявлены итоги VII Всероссийской туристской премии «Маршрут года». tourawards.ru. Дата обращения: 27 декабрьста 2024.
  5. ↑ 1 2 Градостроительные ориентиры российских столиц: Саранск: монография / В. Ф. Вавилин, В. А. Моисеенко, В. В. Вавилин; под общ. ред. В. Ф. Вавилина. — Саранск: Изд-во Мордов. ун-та, 2009. — С. 474—478. — 604 с. — ISBN 978-5-7103-2133-1.

Ссылкатне

Сявф"https://mdf.ruwiki.ru/w/index.php?title=С.Д._Эрьзянь_лемса_Мокшэрзянь_республиканскяй_изобразительнай_искусствань_музейсь&oldid=407714"-ста