Орлова, Раиса Константиновна

Рувики лопаста
Орлова, Раиса Константиновна
Шачема лемсь Раиса
Шачема вастсь Сарга, Сире Шяйгавонь районць
Гражданствась СССР
Покодемань тиендемац поэт, сёрмады

К:РУВИКИ:Статьи без изображений (тип: не указан)

Рая Орлова (Раиса Константиновна Орлова) – поэт, ётафты, Государственнай премиянь лауреат.

Эряфонь киц[петнемс | Петнемс лисьмапрянц]

Шачсь 1963-це кизонь 13-це октябрьста Мордовия Республикань Сире Шайгавонь аймаконь Сарга велеса. Тонафнесь Н.П. Огарёвонь лемса Мордовскяй государственнай университетса филологическяй факультетса. Эсь покодемань кинц ушедозе родной школасонза воспитателькс покодезь, сяда тов Раиса Константиновна покодсь райцентраса народнай судса, велесонза учителькс, кота кизот ульсь сельсоветса председателькс, а мзярда сёлгозь школаснон, ётась эряма Саранскяи. Покодсь «Мокшень правдаса», «Якстерь тяштеня» журналса.

2003-це кизоста сявомок 2024 кизоти молемс покодсь «Мокша» журналса, вятезе поэзиянь отделть.

Творчествац[петнемс | Петнемс лисьмапрянц]

1998-це кизоня Р. К. Орловась примаф Россиянь Писателень союзу. Поэтть лиссть кемсисемге стихонь сборникоц:

  • «Аран тяштенякс» руз.: (Стану звёздочкой) (1997)
  • «Пизелонь каштаз» руз.: (Рябиновый венок)(2006)
  • «Инксот эрян» руз.: (Для тебя живу) (2007)
  • «Цёнгат» руз.: Острова (2008)
  • «Кулемасть, Шкайават, моньге авать»руз.: (Услышьте меня, богини, меня мокшанку-женщину) (2010)
  • «Пацят» руз.: (Крылья) (2011)
  • «Тундань ёфкс» руз.: (Весенняя сказка)(2011)
  • «Крьвястян штатол» руз.: (Зажгу свечу) (2010), кона лиссь Йошкар-Оласа мокшень, мариень, удмуртонь, коми кяльса
  • «Письма странницы» (2014)
  • «Сорга» руз.: (Украшение)(2014)
  • «Мокшанская азбука» в стихах (2015)
  • «Кись толти» руз.: (Дорога к огню) (2019)
  • «Ладимир и Азарина» сказка в стихах (2021)
  • «Жажда откровения» (2021)
  • «Азбукась стихса» руз.: (Азбука в стихаха)(2023)
  • «Нюрямонь моронят» руз.: (Колыбельные песенки) (2023)
  • «Время Z» (2023).

Ётафксонза[петнемс | Петнемс лисьмапрянц]

Рая Орловась тяшти мокшень и рузонь кяльса, ётафнесыне мокшень кяльс финно-угрань и лия народонь поэттнень произведенияснон: А. Пушкинонь, А. Толстоень, А. Прокофьевонь, М. Лермонтовонь, И, Тургеневонь, М. Цветаевать, А. Ахматовать, В. Хлебниковонь, В. Ходасевичень, О. Мандельштамонь, А. Блоконь, Н. Заволоцкяень, Ф. Тютчевонь, Б. Пастернаконь, С. Есенинонь, А. Фетонь и лиятнень.

Поэтсь кирди кеме ялгаксшинь соткст финно-угрань содаф поэттнень мархта: М. Вагатовать, С. Динисламовать, Н. Большаковать, Н. Обрезковать, А. Ивановать, А. Иштимирова-Посоховать, Г. Ояронь, Е. Коньшинать и лиятнень мархта. Раиса Константиновнань стихонза лисендихть лама марстонь сборникова, ётафневихть финнонь, венгрань, эстононь, английскяй, коми, мариень, удмуртонь и лия кяльхненди, («Жаркая ночь») (Эстония, 2006), «Пизелонь каштаз» (Венгрия, 2006), «12 лучших поэтов Венгрии» (Венгрия, 2012), «Финно-угрань литературань 12 инь мазы валморот» («12 лучших стихов финно-угорской литературы») (Венгрия, 2015), «50 Венгрань литературань инь мазы валморот» («50 лучших стихов венгерской литературы») (Венгрия, 2015), «Современная литература народов России» (Москва, 2017). Поэтсь тяшти мокшень тяниень пингонь эстраднай морот, а тяфта жа морот Национальнай драматическяй театрань спектакльхненди. Эсь стихотворениянзон эса няфнесы кельгомать шачема крайти, перьфпяльти.

Казьф[петнемс | Петнемс лисьмапрянц]

  • РФ-нь связень и массовай коммуникациянь министерствать Почётнай грамотаса (2013)
  • РФ-нь Президентть видеса МР-нь постояннай представительствать Благодарностьса (2015)
  • Саранск ошень Главать Благодарностьса (2018)
  • «За межнациональное согласие» (2018)
  • «За заслуги перед Республикой Мордовия» медальса (2019)
  • Мордовия Республикань Оцюнять лемса Литературнай премияса
  • Мордовиянь Государственнай Собраниянь, Правительствань, национальнай политикать коряс Государственнай комитетть Почётнай грамотаса.
  • РФ-нь общероссийскяй общественнай движениянь «Российскяй финно-угрань нароттнень ассоциацияснон» Благодарностьса (2023)
  • «Народный поэт Республики Мордовия» почётнай лем (2023).

Аф весть арсесь «Литературная Финно-Угрия» финно-угорскяй книгань Межрегиональнай фестивалень лауреатокс. Сон «Гордость нации» культурно-образовательнай проектса улись, «Литературная Мордовия»: инь цебярь книгась шачема кяльса» Республиканскяй пялькстомань сяськи, Россиянь народонь национальнай литературань фестивалень дипломант: (Москва, 2017), (Казань, 2018), (Махачкала, 2019), «Радуга над Волгой» Россиянь многонациональнай поэзиянь Сембе россиянь фестивалень участник (Чебоксары, 2019, 2020), «Рукопожатие Республик» Межрегиональнай музыкально-поэтическяй фестивалень (Казань, 2021), «К тебе ведет мой путь» культурнай проектса улись (Ижевск, 2021), РМ-ть лемса «ИнтоНация» журналистонь республиканскяй пялькстомань сяськи (2022),

Библиографиясь[петнемс | Петнемс лисьмапрянц]

Башка нолдафксонза мокшень кяльса[петнемс | Петнемс лисьмапрянц]

1.Аран тяштенякс: стихт. - Саранск: Мордовскяй книжнай издательствась, 1997. - 48 с.

2.Пизелонь каштаз: стихт. - Саранск: Мордовскяй книжнай издательствась, 2005. - 104 с.

3. …Инксот эрян: сонетонь каштаз, стихт = …Тобой живу: венок сонетов, стихи. - Саранск, 2007 («Красный Октябрь» типография). - 99 с.

4. Цёнгат: стихт. - Саранск, 2008 («Красный Октябрь» типография). - 80 с.

5.Крьвястян штатолня: стихт мокшень, удмуртонь, коми, мариень кяльса. - Йошкар – Ола, 2010. - 92 с.

6. Пацят: стихотвореният, сонетонь каштаз, поэмат, лия кяльста ётафтф стихотвореният. - Саранск: Книга, 2011. - 288 с.

7. Тундань ёфкс. - Саранск, 2011(«Красный Октябрь» типография). - 20 с.

8.«Письма странницы»стихи, песни. – Саранск, 2014. – 104 с.

9.«Сорга»: стихт, морот. – Саранск, 2014. – 128 с.

10.«Мокшанская азбука» в стихах:стихи. – Саранск, 2015. 21 с.

11.«Кись толти»: стихт, анцяй поэма, сонетонь каштаз. – Саранск, 2019. – 152 с.

12.«Крьвястян штатол»: стихт, анцяй поэма, сонетонь каштаз. – Саранск, 2019. – 152 с.

13.«Ладимир и Азарина» сказка в стихах. – Саранск, 2021. – 20 с.

14.«Жажда откровения» стихи. – Саранск, 2021. – 91 с.

15.«Азбукась стихса». - Саранск, 2023. - 15 с.

16.«Нюрямонь моронят». - Саранск, 2023. – 12 с.

17.«Время Z»: стихи – Саранск, 2024. - 153 с.

Литературась

[петнемс | Петнемс лисьмапрянц]

Лятфтамат

[петнемс | Петнемс лисьмапрянц]

Ссылкатне

[петнемс | Петнемс лисьмапрянц]
Сявф"https://mdf.ruwiki.ru/w/index.php?title=Орлова,_Раиса_Константиновна&oldid=192272"-ста