В. И. Ромашкинонь лемса Этно-кудо (кудсь-музейсь)

Рувики лопаста
В И.Ромашкинонь лемса «Этно-кудо» (кудсь-музейсь)»
Дом-музей им. В. И. Ромашкина.jpg
Тиевома кизось 6-це сентябрьста 2006-це кизоня
Панчф 10:00 частста – 17:00 частти, ваймама шись: атяньжись
Адресоц Рузмастор котфоц Россия
 Мордовия
Подлеснай Тавлась, Кочкуровскяй районць, Мордовия, 442310, Московскяй курось, 96,
В. И. Ромашкинонь лемса Этно-кудо (кудсь-музейсь) (Мордовия)
Точка
Логотип РУВИКИ.Медиа В. И. Ромашкинонь лемса Этно-кудо

МУК-нь «В. И. Ромашкинонь лемса „Этно-кудо“ этнографическяй музейсь» (руз. Дом-музей Этно-кудо имени В.И. Ромашкина) — Мордовия Республикаса, Кочкуровскяй районца, Вирень Тавла велеса музейсь. Сире Теризморга велеть мархта фкакс сувай Мордовия Республикань национальнай культурань центрав[1]. Музейсь сувафтф «Сюлгамо» туристическяй маршрутти[2], сяськсь «ПФО-нь территорияса регионъётконь туристическяй маршрутонь инь цебярь арьсема-тиема»» номинацияса. «Мордовия этническая» маршрутонь участниксь[3].

Музейть тиевоманц ингольдень пингоц

1989-це кизоня музыкантсь рамась Вирень Тавла велеса аф оцю, ширемф кудня. Сон кельгозе тя велеть, сонь ляпе и панжада седи эряензон, велеть мазы перьфпяленц. Сон ульсь шуфтста керсихненди ялгакс, кеняртькшнесь синь маштомошиснонды и сембе вастова азонкшнесь Тавлань мастерхнень асу творчестваснон колга. Ламода сонь конаконь васьфтемань кельгоманц сюнеда Вирень Тавлань кудсь кармась примсема народъётконь финно-угрань инжихть Эстонияста, Венгрияста, Финляндияста. Конешна, сашендсть и российскяй финно-угратнень делегациясна. Владимир Ивановичень лезксонц вельде «Эрьмезь» ОО-сь ётафтозе шуфтста керсиень Республиканскяй васенце семинарть, а сяльде и «Марстонь ункст» (руз. «Единые корни») финно-угорскяй шуфтста керсиень Международнай васенце семинарть. Тоса, велеса, Владимир Ромашкин лама корхнесь эряфкшу ломаттнень мархта, сёрматкшнезень сире пингонь эрзянь моротнень, явсематнень. 80-це кизотнень песта эрзянь велеса ванфневсть сире пингонь эряфонь койхне-обуцятне, мезсь и арась цебярь лезксокс музыкантть творчестванц касомаса.

Улемок содаф фольклористокс, сон арьсесь Вирень Тавла вели этно-туристическяй маршрутть (руз.) (мок. колга. Сон арьсесь кочксемс иттнень и сяда оцюфнень шуфтста керсемать коряс интерактивнай мастер-класс, тавлинскяй мастеронь лабораторияса, этно-паркса фестивальда меле казьф машты кядь ломаттнень анок работаснон мархта. Улемок этнографокс, сон ёрась ётафнемс фольклорнай илат, тиендемс лишмоса якамат вири, велеряйхнень озонтф обрядовай вастозост арнемат.

Музейть эвондамань историяц

2006-це кизоня 6-це сентябрьста, музыкантть шачема шистонза 55 кизонь топодемста, «Эрьмезь» Тавлинскяй мастеронь пуромксть арьсеманц коряс, эрзянь кялень ванфтомань фондть, велеряйхнень вийса панжевсь эсь лацонь куд-музей, кона лемтьфоль содаф фольклористти, музыкантти, «Торама» алянь фольклорнай содаф коллективть пуроптыенцты Владимир Иванович Ромашкинонди. Тя пингста афкуксонь тев, мзярда музейсь тиеви ломанень средстватнень лангс. 171 ломань явсь мяльса лездомс ётафтомс эряфс «Этно-кудо» теварьсефксть, тя лемлувкссь кемоста сувафтовсь музейть историяс. Мяльть эзда ширеса ашесть ляда и Мордовия Республикань культурань Министерствась, МР-нь национальнай политикать коряс Комитетсь и Кочкуровскяй райононь Администрациясь.

Марстонь сведеният

В. И. Ромашкинонь лемса «Этно-кудо» кудсь-музейсь фкя и сяка вастсь, коса пуроптовсть и ванфтовихть асу музыкантть В. И. Ромашкинонь паршиенза. Музейса тяфта жа ванфтови эрзянь народонь культурань коллекциясь: стакшиста тевс нолневи паршихне и кудъётконь предметтне. Мордовия Республикати «Этно-кудсь» эсь лацонь, сон яви коень музейхнень эзда. Арьсихне-тиихне тяряфнесть ванфтомс кудть шамаликонц пяльксонзон и пингонь детальхнень мархта, мзярда эрясь и покодсь В.Ромашкин. Тя музейса сембе паршихнень ули кода аф аньцек токсемс кядьса, но и нолямс тевс эрявикс вастс. Фестивальхнень и илатнень пингста, мзярда сашендыхть инжихть, кудазараватне аноклайхть ярхцамбяль пянакудса, панихть кши, пачат. Тяса кажнайти, кинь ули мялец, ули кода лядомс удома, корхнемс музейть тииензон-смекаензон, велеряйхнень мархта. Тяфта жа можна симомс ведьта сяка эшиста, тарксемс вайме сяка кожфса, няемс перьфпялень мазышить, кода и музыкантсь.

Музейти оцюнякс ащи Пётр Рябов.

Музейть тяниень покодемац

Тячи «Этно-кудонь» покодихне ётафнихть лама экскурсия республикань школада ингольдень заведениятненди и школатненди, примсихть кода коллективнай, стане и ськамост сашенды инжихть. Ётафтовсь эрь кодама илань оц ю лувкс: районнайхть:— Кочкуровскяй районтти 80 кизонь топодема; региональнайхть— «Торамась терди» [4], в 2016 году он прошёл в 5-ый раз[5], юмористический фестиваль «Кулдор-Калдор»); международных — спортивный фестиваль глухонемых «Тюштянь налксемат» (руз. «Игры Тюшти») (13 государств-участников[5]), «Вейсэнь ундокст» (руз. «Единые корни») шуфтс коре финно-угорскяй керсиень народъётконь семинарсь, «Кой» (руз. «Традиция») парковай скульптурань фестивальсь.

«Этно-кудсь» Мордовиянь туризмань пялькссь. Кода пачфни «Мордовия Республикань туристско-информационнай центрань» ГБУ-сь, 2016-це кизоня «Этно-кудо» кудти-музети сашендыхнень лувкссна кассь. 2023-це кизоня В. И Ромашкинонь лемса Этно-кудось петьфоль-одкстоптфоль «Культура» теварсевксть вельде[6].

Лятфтамат

  1. ↑ Еженедельник «Вечерний Саранск» //«Великий Волжский путь» пройдет через Саранск (руз.)
  2. ↑ Нехаева Н. Е. Межрегиональный этнический маршрут как инновационный туристский продукт / Н. Е. Нехаева, Е. Н. Гуркина // Инновации в науке. — 2014. — № 31-2. — С.119-124
  3. ↑ Всероссийская туристская премия «Маршрут года» 2017 // маршрута «Мордовия этническая»
  4. ↑ Тюштянь налхксемат: нужны ли национальные игры как вид спорта (рус.). Городские рейтинги. Саранк (21 ноябрьста 2017). Дата обращения: 20 июльста 2025.
  5. ↑ 1 2 «Эрзянь Мастор» № 480 // Рябов П. В.. «Музею „Этно-кудо“ им. В. И. Ромашкина — 10 лет»(руз.)
  6. ↑ Сельский музей «Этно-кудо» удивит гостей новыми экспозициями (рус.). Известия Мордовии. Дата обращения: 11 сентябрьста 2025.

Литературась

  • Жулина М. А. Приоритетные виды развития туризма в Республике Мордовия / М. А. Жулина, Н. Е. Нехаева, Н. А. Емельянова, Н. Ю. Прасалова, С. В. Сарайкина // Известия Смоленского государственного университета. — 2011. — № 4(16). — С.47-55.

Сылкатне

Сявф"https://mdf.ruwiki.ru/w/index.php?title=В._И._Ромашкинонь_лемса_Этно-кудо_(кудсь-музейсь)&oldid=418195"-ста