Головин, Григорий Максимович
| Григорий Максимович Головин | ||||||
|---|---|---|---|---|---|---|
| Шачема шиц | 14 октябрьста 1914 | |||||
| Шачема вастоц |
||||||
| Кулома шиц | 2 мартста 1991 (76 кизоц) | |||||
| Кулома вастоц |
||||||
| Принадлежностсь |
 СССР |
|||||
| Войскань родсь | артиллерия | |||||
| Служама кизонза | 1936 — 1957 | |||||
| Званияц | СССР, Подполковник | |||||
| Сражениятне/войнатне | Великай Отечественнай войнась | |||||
| Казненза и премиянза |
|
|||||
Головин, Григорий Максимович (1914 — 1991) — Советскяй Армиянь подполковник] Великай Отечественнай войнаса улись, Советскяй Союзонь Геройсь (1944).
Эряфонь киц
Шачсь 14-це октябрьста 1914-це кизоня тяниень Мордовия Республикань Ковылкинскяй райононь Покровск велеса сокаень-видиень семьяса. Аделась вете класст школаса, покодсь слесарькс.
1936-це кизоня тертьфоль служама покодиень-сокай-видиень Якстерь Армияв. 1941-це кизонь июньцта сявомок — Великай Отечественнай войнань толу китнень эса. 1943-це кизонь августти ульсь дивизиононь командиронь политчастень 92-це тяжёлай гаубичнай артиллерийскяй бригадань 17-це артиллерийскяй прорывонь дивизиянь 7-йе артиллерийскяй прорывонь корпусонь 27-це армиянь Воронежскяй фронтонь старшай лейтенантокс. Няфтсь пря Украинскяй СССР-нь Сумскяй областьста врьгятихнень паниснон ёткса[1].
18-це августста 1943-це кизоня немецкяй войскатне тяряфтсть тиемс вишке врьгятема советскяй войскатнень каршес Ахтырка ошть видеса. Врьгятемати нолдафтольхть пехотась и лезксонди артиллериять мархта авиациясь. Омбоцеда тяряфтомать пингста противникти удалась сясезмс инголе ащи арамламань перяфксть и сувамс советскяй войскатнень шири. Мзярда противниксь эрьхтсь кержи ширдень 166-це стрелковай дивизиять (2-це формированиянц) лангс, сон марса огневой взводонь командирть младшай лейтенантть Гайдаш, Александр Никитовичень мархта аноклась перьф шарозь аралама васта дивизиононь кафта батареятнень мархта, кирдемок танкань аф фкя врьгятема. Прянь аралайхне машфтсть «Тигр» 6 танкат, 3 средняй танкада, 1 самоходнй установка, 1 бронемашина и 3 бронетранспортёрхт, а тяфтажа мащфтсть батальоншка пехота противникнень эзда. Сяда меле Днепрать туркс ётамста лямбе шири Киевть эзда дивизионць Григорий Головинонь командованиянц ала эсь толснон мархта лездсть ётамс ляйть туркс бригадать оцюшка пяльксонцты[1].
Лемтьфоль Советскяй Союзонь Героень лемть макомань казнети « маштозь ётафтф партийно-политическяй работать, героизмать инкса, кона няфтьф Ахтыркать ала тюремать пингста и Днепрать сявоманкса». СССР-нь Верховнай Советть Президиумонц Указонц коряс «Советскяй Союзонь Геройень лемонь максомать колга Якстерь Армиянь артиллериянь офицерскяй и сержантскяй составти» 9-це февральста 1944-це кизоня «командованиять боевой заданиянзон пяшкодеманкса фронтса немецкяй врьгятнихнень мархта тюремста и тяка пингть отвагань и геройствань няфтеманкса» ульсь максф Советскяй Союзонь Герой лемсь и казьф Ленинонь орденца и «Зрнянь тяште» медальса 3387 номер ала[1]. [2] Сяда тов ульсь Белорусскяй ССР-та , Польшаста, Чехословакияста врьгятнихнень паниснон ёткса, Германияса тюрематнень эса. Войнать аделамда меле сяда тов вятезе службать Советскяй Армияса. 1949-це кизоня шумордазень Фрунзень лемса военно-политическяй цчилищань офицерскяй составонь цебярьгофтомаса курсатнень. Служась Ленинградскяй военнай округса. 1957-це кизоня подполковниконь званияса ульсь нолдаф запасс.
Эрясь Ленинградскяй областень Пушкин ошса, покодсь мастеркс деревообрабатывающай заводса, вятсь общественнай тефт. КУлось 2-це мартста 1991-це кизоня[1].
Калмаф Павловск (Санкт-Петербург) ошень калмолангса[3].
Казнетне
Тяфта жа ульсь казьф Якстерь Знамянь орденца, Отечественнай войнань 1-це и 2-це степенень орденца, а тяфта жа аф фкя медальса. Ахтырка ошень шнама гражданин[1].
Лятфтамат
- ↑ 1 2 3 4 5 Григорий Максимович Головин. Сайт «Герои страны».
- ↑ Указ Президиума Верховного Совета СССР «О присвоении звания Героя Советского Союза офицерскому и сержантскому составу артиллерии Красной Армии» от 9 февраля 1944 года // Ведомости Верховного Совета Союза Советских Социалистических Республик : газета. — 1944. — 24 февральста (№ 11 (271)). — С. 1. Архивировано 23 январьста 2022 года.
- ↑ Могила Героя Советского Союза Г. М. Головина (Санкт-Петербург). Дата обращения: 27 мартста 2022. Архивировано 24 январьста 2022 года.
Литературась
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
- Бродовский котел. — Львов: Каменяр, 1974.
- Геройская быль. — Саранск: Мордкиз, 1985.
- Гриченко И. Т., Головин Н. М. Подвиг. — Харьков: Прапор.
- Огарков Н. В. Киевско-Житомирская артиллерийская дивизия прорыва // Советская Военная Энциклопедия. — М.: Воениздат, 1977. — Т. 4. — С. 169—170. — 656 с. — 105 000 экз.
- Денюшкин А. Плечо боевого друга. — М.: Изд-во ДОСААФ, 1977.