Мокшэрзянь пирьфсь

Мокшэрзянь пирьфсь
Тиевома кизось	2012 кизоня
Панчф	атянжись-шуваланя11.00-01.00, пяденця-ёткши 11.00-03.00, недляши 11.00-01.00
Адресоц	Саранск ошсь, Саранскяень курось, 21

Мокшэрзянь пирьфсь руз. Мордовское подворье — музейно-этнографическяй парковай комплекс, кона ащи пяльксок Саранск ошень краеведческяй музейти. Сон ащи прокс Саранка ляйть трваса.

Эрямопингоц

«Мокшэрзянь пирьфсь ульсь панчф 2012-це кизоня. Сонь панжеманц сотозь кенярдемань илати Мокшэрзянь народть сувамац Рузонь государствати 1000 сяда кизонь топодеманцты. Музейть тяряфни инжикс сафнень, тястоконь эряйхнень и, сембода пяк ошеряйхнень, содафтомс мокшэрзянь народть культуранц, коензон обуцянзон мархта.

Мезьста ащи комплекссь

Тяза сувайхть эрь кодама постройкат: эряманди вастт, и хозяйственнай корпуст. Сембе зданиятне тифт XIX-це веконь сокаень-видиень пирьфнень лаца. Тяза сафненди ули кода няемс кунардонь пингонь кудботма пянакуд мархта, мокшэрзянь народонь кудъётконь кядьгот, мешкуднят, няемс-сувамс баня потму или мянь кузенцяв или карду. Экскурсияс сафненди ули кода варжамс кода европейскяй, станя и мокшэрзянь ярхцамбяльсь:пачатнень, офтонь мадять. Тяса ули кода щамс сире мокшэрзянь щапт, ленгаста кодаф мокшэрзянь карьхть, крьхця лангса кандомс ведь, варжамс пянакудста таргамс ярхцамбяль мархта кядьготь, а тяфта жа томбамс шоварса ямкст или тага кодамовок тофт.

Музейнай лекциянь тематне

• «Сокаень-видиень кудъётксь: эряма вастс и кудть перьф эрявиксне»;
• «Мокшэрзятнень кемамасна христианизацияда инголе»;
• «Мокшэрзятнень кизоньберьфонь койсна-обуцясна и иласна».

Музейса тяда башка ётафневихть интерактивнай мероприятият:

• «Кудонь тефнень вятемасна — аф карень кодамась» — (руз. Дом вести — не лапти плести);
• «Мокшэрзянь мифологиянь урокне» — (руз. Уроки мордовской мифологии);
• «Проводы весны»— (руз. Тундань ильхтема);
• «Осенние игры» — (руз. Сёксень колендематне);
• «Плата за добро» — (руз. аронь пандома);
• «Рузонь Троицась» — (руз. Русская Троица);
• «Кудть мазоптсы авась, а пирьфть — алясь» — (руз. Дом красен женщинами, а двор мужчинами);
• «Мокшэрзянь щамть мазышиц» — ( руз. Поэзия мордовского костюма).

Фкя и тяка интерактивнай налхкомась «Мокшэрзянь инжиень вастфтемать эсь лацонь ширенза » (руз. «Особенности мордовского гостеприимства») музейть видеса ётафтови аф аньцек рузонь, но и мокшень и эрзянь кяльса. Налхкомать пингста сембе сафне заняфт кодамовок тевса : налхксихть народнай налхкомаса, кштирдихть, сёвоньцта тиихть сяканят, кодайхть карьхть, шуфта лангса керсихть мезеньге узор. Сувенирхне улихть кода сявомс мархтот. Тонафнемаса «Иляттне мокшэрзянь пирьфса» инжихне тонафнихть мокшэрзянь някань тиема, мезевок пидема-панема салу шапаксста, пиндолды ожнаста мазоптомкань кярьксама и лия кодамовок сувениронь.

Кода пачкодемс Мокшэрзянь пирьфи

Музейно-этнографическяй пирьфсь ащи Саранск ошть кучкаса Саранскяй куроса, аф ичкозе Полежаевонь музеенц эзда, Боевой и трудовой подвигонь музейть эзда.

• 
• 

Литературась

Куклин В.Н. Биографии саранских улиц. – 2-е изд. прераб и доп. – Саранск: Мордов. кн. изд-во, 1990. – 320 с.

Саранск столичный / авт.-сост.: Н. М. Арсентьев, Т. С. Баргова, Е. С. Руськина и др. — Саранск: Издатель Константин Шапкарин, 2012. 48 с.