И. Д. Воронинонь лемса Мокшэрзянь республиканскяй краеведческяй музейсь
Министерство культуры РФ
| Мокшэрзянь республиканскяй краеведческяй музейсь | |
|---|---|
 | |
 | |
| Тиевома кизось | 29 ноября 1918 года |
| Панчф | с 10:00 до 18:00, выходной: понедельник |
| Коса ащи | |
| Адресоц | Саранск, Саранскяй курось, 2 |
| Директорсь | Дмитрий Викторович Фролов |
| Сайтоц | mrkm.ru |
 |
|
 И. Д. Воронинонь лемса Мокшэрзянь республиканскяй краеведческяй музейсь | |
И. Д. Воронинонь лемса Мокшэрзянь республиканскяй краеведческяй музейсь руз.: (Мордо́вскиий республика́нский объединённый краеве́дческий музе́й и́мени И. Д. Воро́нина) — краеведческяй музейсь Саранск ошса, культурань инь сире учреждениятнень эзда фкясь Республики Мордовия[1].
Музейть эрямопингоц
Ушетф 1918-це кизонь 29-це ноябрьста ошень интеллигенциять мяльснон коряс. Музейть касомаса-эрямаса пяк эрекста лездсь «Шачема масторть тонафнемань пуромкссь» руз.: «Общество изучения родного края», коса ульсь сядоть малава шачема краень кельги ломатть, Яков Петрович Наровчатскяень кядяла. Эрявсь пинге музейнай уликсонь кочкмати-ладямати. Сайхненди музейть кенкшенза васенцеда панжевсть 1919-це кизонь 15-це июньцта. Ся пингоня сон каннесь лем «Саранский уездный музей родного края»[2][3].
Васенда музейсь ащесь мещанинть Н. П. Ветчинкинть национализировандаф кудса Пензенскяй ульцяса (тяни — Рабочай курось), 1920-це кизоня ётафтфоль М.Г. Никитинонь кудс Ильинскяй ульцяса (тяни — Большевистскяй курось), 1925-це кизоня — И. Ф. Тувыкинонь кудс К. Марксонь ульцяса (Л. Толстоень курось), 1928-це кизоня — сядонгольдень Владимирскяй церкавть Петропавловскяень монастырть зданияса[3].
1935-це кизоня музейсь ладяфоль Московскяй куроса, сядонгольдень Трехсвятительскяй (Нижнеказанскяй) церькавть зданияса (XVIII-це веконь паямятниконь архитектрура). Великай Отечественнай войнань кизотнень музейть уликсонза-паршинза ащесть Республиканскяй библиотекань зданияса. 1950—1970-це кизотнень музейти полатфтольхть нинге 2 эташт научнай покодихненди покодема вастонди и паршиень ванфтомань вастонди[3].
2001-це кизоня Мокшэрзянь республиканскяй объединённай краеведческяй музейсь ульсь сувафтф Мордовия Республикань культурань ванфтома сембода питни вастонь лувксс[4].
2005-це кизонь 8-це августста Мордовия Республикань Правительствать мярьгоманц коряс музейти максф каннемс Иван Дмитриевич Воронинонь лемоц. Сон пяк лама тись мокшэрзянь масторть эрямопингонц и культуранц тонафнемаса.
2017-це кизоста сявомок музейсь занцесы кучка вастонц од тяниень пингонь Музейно-архивнай комплексть, кона ащи Саранка ляйть трваса, Саранскяй и Красноармейскяй куротнень кирашкса[5].
Музейть уликсонза
Краеведческяй музейть ванфтомань уликсонзон эса лувондови 200 тёжяньда лама единица — кудъётконь паршихть, покодеманди эрявикс уликст, оружия, национальнай щапт-карямат, декоративно-прикладной искусствань уликст, сядонгольдень книгат историческяй документт, нумизматическяй марс кочкафкст, а тяфта жа палеонтологическяй, ботаническяй, энтомологическяй коллекцият, ракшань и нармонень тандафкст, конат васьфневихть Мордовиянь масторса и лият[6].
Музейса фалу ули кода повомс 3 кужес: историческяй (Мордовиять эрямопингоц 1917-це кизоти самс), тяниень эряма пингоц (1917-це кизоста сявомок тячити самс), Мордовиять перьфпяльдень ушеширенц коряс кужесь. Тяда башка ули, выставочнай залоц.
Музейсь вяти эрек научно-исследовательскяй и издательскяй тевтиема, а тяфта жа лувондови научно-методическяй центракс Мордовия Республикань эрямопингонь ванфты сембе музейхненди.
Музейть филиалонза[7]
- Ардатовскяй краеведческяй музейсь
- Дубенскяй краеведческяй музейсь
- Инсарскяй историко-краеведческяй музейсь
- Ковылкинскяй краеведческяй музейсь
- Рузаевскяй краеведческяй музейсь
- Ф. Ф. Ушаковонь лемса Темниковскяй историко-краеведческяй музейсь
- Л. И. Воиновонь кудоц-музеец Темникавса
- Торбеевскяй М. П. Девятаевонь кудсь-музейсь
- Чамзинскяй краеведческяй музейсь.
Галереясь
Лятфтамат
- ↑ краеведческий музей
- ↑ Сайт музея: Страницы истории. Дата обращения: 19 сентябрьста 2010. Архивировано 5 январьста 2011 года.
- ↑ 1 2 3 Артамошкина Л. Т., Телина С. А.. Мордовский республиканский объединённый краеведческий музей // Мордовия : Энциклопедия : в 2 т. / гл. ред. А. И. Сухарев. — Саранск : Институт гуманитарных наук при Правительстве Республики Мордовия, 2004. — Т. 2 (М—Я). — С. 52—53. — 704 с.
- ↑ Коллекции музея. Дата обращения: 19 сентябрьста 2010. Архивировано 5 январьста 2011 года.
- ↑ В Саранске открыли Музейно-архивный комплекс. МордовМедиа (31 августста 2017). Дата обращения: 1 мартста 2019. Архивировано 2 мартста 2019 года.
- ↑ Коллекции музея. Официальный сайт Мордовского республиканского объединенного краеведческого музея имени И.Д. Воронина. Дата обращения: 8 февральста 2024.
- ↑ Филиалы музея. Официальный сайт Мордовского республиканского объединенного краеведческого музея имени И.Д. Воронина. Дата обращения: 8 февральста 2024.
Литературась
- Всё о Мордовии: Энциклопедический справочник / сост. Н. С. Крутов, Е. М. Голубчик, С. С. Маркова. — Саранск: Мордов. кн. изд-во, 2005. — С. 745—746. — ISBN 5-7595-1662-0.
- Школьные уроки по теме «История политических репрессий и сопротивления несвободе в СССР»: Из опыта работы учителей Республики Мордовия. Вып. 2 / Авт.-сост.: А. В. Рогозин; МО РМ; МРИО. — Саранск, 2007. — 80 с.