Сычков, Федот Васильевич
| Сычков, Федот Васильевич | |
|---|---|
 | |
| Шачема лемсь | Федот Васильевич Сычков |
| Шачсь | 1 (13) мартста 1870 |
| Шачема вастсь | |
| Кулось | 3 августста 1958 (88 кизоц) |
| Кулома вастсь | |
| Масторсь | |
| Покодемань тиендемац | артындей |
| рьвяц | Лидия Васильевна Сычковась |
| Казнет |
   |
 Федот Васильевич Сычков | |
Федот Васильевич Сычковонь (руз.: Федот Васильевич Сычков; шач. эйзюрговть 2-це шистонза 1870, Пензенскяй губерниянь Наровчатскяй уездонь Кацялай велесь, тяни Мордовия Республикань Ковылкинскяй районць — кул. 3 сёроньковонь 1958, Саранск ош) — содавикс художник. РСФСР-нь (1950) и МАССР-нь (1937) искусствань заслуженнай деятель. МАССР-нь народнай художник (1955).
Тядянза-алянза ульсть пяк ашуфт и аф грамотнайхть. Аляц сидеста яксесь Волгать лангс бурлачендама, меле работась монастырьса. Семьясост 6 ломаттельхть: аляц, тядяц, бабац и 3 итть (1 цёраня и 2 стирнят).
Идькс пингоц
Кафкса кизоса цёранять примазь школав. Сон тоса тонафнесь пяк цебярьста. Инь кельгома предметокс ульсь рисованиянь уроксь. Весть няезе П. Е. Дюмаев, кода рисовандай цёранясь. Тонафтысь маладсь Сычковонди, сявозе сонь рисунканц и тердезе ширезонза. Тонафтыец лама азонкшнесь художникнень, картинатнень колга, макссесь цёраняти карандашт, кагод.
Тонафнемац
1892 кизоня Ф. Сычков сась тонафнема художественнай школав Петербургу, а меле — 3 кизонь ётазь — Академияв. Тейнза тонафтыкс ульсть: И. Е. Репин, И. И. Шишкин, А. И. Куинджи и лия художникне.
Мордовскяй профессиональнай изобразительнай искусствать ушедыензон эзда фкясь. Ф. Сычковонь искусстванц демократическяй кис шарфтоманцты лездсь И. Е. Репин. Тонафнемда меле мрдась шачема велезонза. Велень ломаттнень эряфсна арась главнай темакс сонь творчествасонза.
Ф. В.Сычков лама картинада рисовандась эрь кодама жанраса: портрет, натюрморт, пейзаж, графика. Сычков сембода лама рисавась портретта и бытовой картинада. 1917 кизонь Октябрьда меле тиенди общественнай тефт, лезды Наровчат ошть, Арапово станциять (тяни Ковылкино) мазоптомаса. 1920 кизотнень рисавай картинат ся тематненди, конатнень ушеткшнезень тяда инголе. Мордовскяй автономиять тиемдонза меле оцю мяль шарфни национальнай темати: «Учительница-мордовка (Тонафты-мокшава)» (1937), «Трактористки-мордовки (Трактористкат-мокшават)» (1938), «Эрзянка (Эрзява)» (1952). Ф. Сычков ульсь Рузонь акварелистонь обществань членкс. Сычковонь произведениянза няфневсть всероссийскяй, всесоюзнай и международнай выставкатнень эса, синь ванфтовихть Россиянь музейхнень эса и лия масторса. 1960 кизоста сявомок С. Д. Эрьзянь лемса изобразительнай искусствань Мордовскяй республиканскяй музейса[1] няфневихть сонь картинанза.
Казненза
1970 кизоня художникть шачема велесонза панчф мемориальнай Куд-музей. Сычков казьф Художествань академиянь Тундань выставкаса А. И. Куинджинь премияса (1905), художникненди лезды обществать конкурсонзон I премиясонза (1909, 1910), Римса Международнай выставкань премияса (1911), тяфта жа Художествань академиять Тундань выставканц премияса (1913), А. И. Куинджинь лемса Обществать картинань выставканц I премиясонза (1913), Сент-Луисса Международнай выставкаса — оцю сиянь медальса (США, 1917), «Почётонь Знак» орденца, «За доблестный труд в Великой Отечественной войне 1941—1945 гг.» медальса.
Картинанза
Сычков Ф. В. лама тись-сёрмадсь лама картина. Алу максфт кой-конатне эздост. Синь сёрматфт 1901-1910 кизотнень пингста.
Лятфтамат
- Сычков Ф. В.
- Ф. В. Сычков на сайте Мордовского республиканского музея изобразительных искусств имени С. Д. Эрьзи
- Сычков Ф. В.
- Художник из Кочелаева
Литературась
Мордвась (мокшет, эрзят) : очеркт мокшэрзянь народть историянц, этнографиянц и культуранц колга / анокстызе С. С. Маркова ; ётавтозе В. М. Лобанов. — Саранск: Мордовскяй книжнай издательствась (Ульяновск : Ульян. обл. тип. "Печатный двор"), 2006. — 839 с. — ISBN 5-7595-1685-X.
Рогожина В.Ф. Корхтама маштомань касфтома урокт : методическяй пособия. — Саранск: ЦНППМ «Педагог 13.ру», 2020. — С. 66.