Пянакуд

Пянакуд

Пянакуд — марсеви кевста эли кирпицьста кудонь ушнемс, ярхцамбялень пидемс, эрь мезень косьфтамс и стак тов. Пянакудсь ламоса мезьса эряви, сяс мокшетнень и эрзятнень эряфсост, койсост и иласост сон ащи кудботомоса башка вастса.

Эрямопингоц

Сяда кунардонь Пянакудсь марсевсь кевста модать лангс или аф сери фундамент лангс, сон ульсь пялес круглай или овалонь лаца. Мокшетнень ди эрзятнень пцтай сембе велева ульсть сёвонень пянакутт. Тяфтама пянакудть ашель качамонь лихтема варясна (ушневсь равжста) — пянакудть путнезь шуфтонь срубкя лангс. Тя срубкять потмонц пяшкотькшнезь шуварда, атцезь кирпицьса (пянакудгиякс) и мзярошкада кепсезь вяри. Качамсь кудста лисендсь вяльдярьмава.

Сёвонень пянакудть ульсь пянакудгоняц, томбалангоц. Пянаклангу мадондсть ваймама, эжендема, тяса косьфнесть сёрот, имошт, пчкафты тишет, путнесть кеподема шапакст.

Пингонь ётазь кармасть марсема пянакутт, конатнень эзда качамсь лихневсь ушу. Тяфтама пянакудсь эвондась 19в. 20 в ушетксста мокшень ди эрзянь куттнень эса марафнесть кирпицень голландкат.

Пянакудть марсезь эсь ширдень мастерхне. Ульсть велет, костонь алятне якасть пянакуд марсема лия вастова. Мокшень ди эрзянь кяльса пянакудть тя или тона пяльксонза азондовихть фкя тяка валса.

Литературась

• С.Д.Николаев. Мордовиясь. Энциклопедиясь кафта томса. 2-це томсь Н-П, Саранск — Мордкниизд., 2007 к. 141 л. (руз.)

Лятфтамат

Ссылкатне

• Пянакуд «Encyclopedia Britannica» (анг.)