Сире Теризморга
| Веле | |
| Сире Теризморга | |
|---|---|
| Сире Теризморга | |
 | |
| 54°16′ с. ш. 44°32′ в. д.GЯO | |
| Странась |
 Россия |
| Федерациянь субъектсь | Мордовия |
| Историясь и географиясь | |
| Частонь каркссь | UTC+3:00 |
| Эряйхне | |
| Эряйхне |
|
| Официальнай кяльсь | Мокшень и эрзянь, рузонь |
| Цифрань идентификаторхне | |
| Почтовай индекссь | 431547 |
| Код ОКАТО | 89246881001 |
| Код ОКТМО | 89646481101 |
| Номерсь ГКГН | 0085493 |
|
|
|
 Сире Теризморга | |
Сире Теризморга руз. (Старая Теризморга) — веле, велень администрациянь центрась Сире Шайгавса Мордовия Республикань Российскяй Федерациянь[2].
Сире Теризморгань велень администрацияв сувайхть Акшов (34 ломань) и Поруб (31 ломань) веленятне. Вирень Тавла велеть мархта Сире Теризморгась фкакс сувай Мордовия Республикань национальнай культурань центрав.
Географиясь
Велесь ащи Сивинь ляйть кержи ширесонза, 8 вайгяльбень вастса райононь центрать эзда и 65 вайгяльбе Саранск машина кинь станциять эзда.
Эряенза
Население 842 ломань. (2010), сяда ламотне мокшет.
Лемоц
Мокшень морга «выселок» валть эзда и териз, кона няфти эвондаманц лангс Атерьста сафнень эзда ломаттнень вельде. Омбоце мяльть коряс тиевсь мокшень кафта топонимста териз и морга «атюрьевань кирашка».
Эрямопингоц
Велесь пуроптф XVI векть омбоце пяльксстонза. «Пензенскяй губерниянь эряма вастонь лемлувксса» (1869) Сире Теризморгась — велесь казённай , эсонза 272 пирьф (2 127 ломань) Инсарскяй уездонь. 1913-це кизонь уликснень коряс Сире Теризморгаса ульсь 486 пирьф (3 285 ломань); земскяй школа, 16 вармань меленця, 2 кузницы, ваеньпихтема, 3 суронь тялямат, 3 понань пиксофтомат, 9 мешень кирдема вастт, лавка, кирпицень 2 картт; Сатинонь и Кавторинонь имениясна; Никольскяй церкавсь (1894; 1985 г. — служай).
1931 кизоня велеса 585 пирьф (3 332 ломань).
1934 г. ульсть 2 колхост — Будённаень лемса и «17 лет Октября», 1974 кизоста сявомок — «40 лет Октября», 1996 кизоста сявомок — СХПК «Старотеризморгский».
1957 кизоня ульсь пуроптф Сире Теризморгань народнай фольклорнай хорсь.
тяниень пингть велеса — школа, библиотека, Культурань куд, медпункт, 3 лавкат; памятник Великай Отечественнай войнать пигста шавф воиттненди.
Тястонь содаф ломаттне
Сире теризморгаса шачссть и кассть: валморайсь и тяштись Девин, Илья Максимович, фольклоронь содайсь Девяткина, Татьяна Петровна, учёнайсь-химиксь Ямашкин, Семён Александрович, историческяй наукань кандидатсь Т. Н. Кадерова, Р. Н. Ямашкин, филологическяй наукань кандидатсь А. П. Кочеваткин, И. И. Шеянова, философскяй наукань кандидатсь В. Г. Шеянов, техническяй наукань кандидась Ю. И. Шеянов, химическяй наукань кандидатсь Н. Г. Шеянов, экономическяй наукань кандидатсь О. И. Шеянов.
Лятфтамат
- ↑ https://rosstat.gov.ru/storage/mediabank/Tom1_tab-5_VPN-2020.xlsx
- ↑ Административно-территориальное деление Республики Мордовия (рус.) (11 октябрьста 2023). Дата обращения: 11 октябрьста 2023.
- ↑ Численность и размещение населения Республики Мордовия. Итоги Всероссийской переписи населения 2010 года.
- ↑ Численность и размещение населения Республики Мордовия. Итоги Всероссийской переписи населения 2010 года.
- ↑ https://rosstat.gov.ru/storage/mediabank/Tom1_tab-5_VPN-2020.xlsx.
Литературась
- Цыганкин Д. В. Память, запечатленная в слове. Словарь географических названий Республики Мордовия. Саранск, 2005. – 431 с.
- Цыганкин Д. В. Эрзянь-мокшень собственной лепне // Мокшень правда. Саранск, 1971. 29 апр.
- Чудаев Ф. П., Тувин А. С. Боль и радость ты наша, земля старошайговская. — Саранск, 1998.