Ромашкин, Владимир Иванович
| Владимир Иванович Ромашкин | ||
|---|---|---|
 | ||
| Основная информация | ||
| Лемоц марнек | Владимир Иванович Ромашкин | |
| Шачема шиц | 6-це сентябрьста 1951-це кизоня | |
| Шачема вастоц | ||
| Кулома шиц | 29-це августста 2002-це кизоня (50 кизоц) | |
| Кулома вастоц | ||
| Странась |
 СССР  Россия  Финляндия  Эстония |
|
| Профессиянза | музыкант, продюсер | |
| Жанратне | фолк-музыка | |
| Псевдонимоц | Йовлань Оло | |
| Коллектифне | Торама | |
| Казненза |
|
|
 Владимир Иванович Ромашкин | ||
Ромашкин, Владимир Иванович (эрз.: Йовлань Оло; 6-це сентябрьста 1951-це кизоня, Ичалки[d], Мордовскяй АССР[d] — 29-це августста 2002-це кизоня, Саранск ошсь) — советскяй и российскяй фольклорист, музыкант, кинодокументалист, XX веконь песта мокшень, каратаень, терюханонь и эрзянь культурань вельмафтомань тевонь тиись. Национальностьс коре эрзя.
Эряфонь киц
1975-це кизоня Владимир Ромашкин шумордазе Л. П. Кирюковонь лемса Саранскяень музыкальнай училищать дирижерско-хоровой отделениянц. (искусствоведениянь кандидатть Н. И. Бояркинонь классоц), 1980-це кизоня — казанскяй консерваториянь дирижерско-хоровой факультетсь (педагогть А. В. Булдаковать классоц), 1986 — МНИИЯЛИЭТЬ видеса аспирантурать (фольклоронь и искусствань секторсь). 1980-це кизоста сявомок 1989-це кизоти молемс ульсь кялень, литературань и историянь Мордовскяй научно-исследовательскяй институтонь фольклоронь и искусствань секторонь научнай сотрудникокс. 1986-це кизоня лиссь монографияц «О некоторых особенностях традиционного песенного искусства мордвы-каратаев» (мокшекс «Мордватнень-каратайхнень морамань искусствань ладяф кой-кона эсь лацонь ширеснон колга»)[1][2](суом.), коса няфтезе сембе ширде Татарскяй АССР-са велетнень фольклорснон. Сяда меле Владимир Ромашкин няфтсь пря коса сценарист и кинематографист, сонь улеманц вельде ульсть аноклафт «Каратаи» и «Истоки» документальнай фильматне[3]. Няфтезь музыкальнай телефильмаса «О чем поёт „Торама“» мокшекс «Мезень колга морай „Торамась“». 1990-це кизоста сявомок — музыкальнай дисциплинатненди тонафтысь Саранск ошса Республиканскяй культурань училищаса.
Владимир Ромашкинонь сембода содаф покамань тевоц — Торама этномузыкальнай группать[4], конань репертуарс сувасть эрзянь, мокшень, каратаень моротне. Группать репертуароц пуропнезень марс эрь кодама этнографическяй группань койхнень, конат эряйхть мокшэрзянь крайса. Группась ульсь аф ламода семейнай: Владимир Ромашкин эзонза эрекста сувафтозень водендазень эсь цёранзон-Виталиень и Андреень.
Мекольдень кизотнень, рузонь реконструкторскяй движениять мархта контактса, Владимир Ромашкин арась «Од Вий» (руз. «Новая сила») од ломанень движениянь вятикс.
2002 кизонь кизоть ушетксста музыкантсь марязе прянц кальдявста и ульсь госпитализировандаф. 29 августонь шобдава сон тусь эряфста.
Творческяй козяшиц
«Торама» группась сяда товга няфни концертт сёрматкшни альбомт. В. И. Ромашкинонь лемса «Торама» фольклорного ансамбляти художественнай руководителькс ащи сон цёрац Андрей Ромашкин. Коллективсь сяда товга ванфты койхнень-обуцятнень и тефнень, улемок-эрьсемок фестивальхнень эса.
Казненза
- Мордовия Республикань кульурань заслуженный деятель;
- Иняру Мариянь Крёзоц орденонь кавалер оцю путфксонкса мастор лангса финно-угорскяй культурань касфтомаса и келептемаса (7 мартста 2001);
- А. П. Рябовонь лемса премиянь лауреат путфксонкса эрзянь кяльть ванфтоманкса и касфтоманкса (2002).
Владимир Ромашкинонь музеец
2006-це кизонь 6-це сентябрьста (музыкантть 55 кизонь топодеманцты) Мордовиянь Кочкуровскяй райононь Подлеснай Тавла велеса панжевсь В. И. Ромашкинонь лемса «Этно-Кудо» кудсь-музейсь. 1989 кизоня, эста нинге од, киндивок аф содаф музыкантсь рамась Аф оцю кудня Подлеснай Тавла велеса. Улемок ни содаф фольклористокс, сон арьсесь тя вели этно-туристическяй маршрутть колга, кона содаф кода эрзянь койть кучкац шуфтста керсемась[5]. Традициякс арась «Торамась терди» эрзянь и мокшень моронь эрь кизонь фольклорнай фестивалень ётафтомась[6], Владимир Иванович Ромашкинонь шачема шинцты.
2023-це кизоня музейса ульсь тиф ремонт и панчф туристический од маршрут «Ромашкинонь яноц» (руз. «Тропа Ромашкина»)[7][8].
Музейть видеса тяфта жа ётафневи «TAVLA TRAIL» фестивальсь[9], а моронь фестивальсь «Торамась терди» (руз. «Зов Торамы») ётафневи эрь кизоня, тяконь лувксса 2024 и 2025 кизотнень.
Лятфтамат
- ↑ Ромашкин В. И. О некоторых особенностях традиционного песенного искусства мордвы-каратаев // Фольклор в творчестве мордовских писателей и композиторов / Тр. МНИИЯЛИЭ. Вып. 86. — Саранск, 1986.(руз.)
- ↑ Merja Salo. Katoava mordvalainen identiteetti – karatait ja Saratovin alueen ersäläiset // Suomalais-Ugrilaisen Seuran Aikakauskirja. — 2009-01-01. — Т. 2009, вып. 92. — ISSN 0355-0214 1798-2987, 0355-0214. — doi:10.33340/susa.82031.
- ↑ В Мордовии вспоминают выдающегося этнографа — РОО «Национально-культурная автономия мордвы Республики Татарстан» (рус.). mrdv.addnt.ru. Дата обращения: 9 апрельста 2026.
- ↑ Памяти Йовлань Оло (В.И.Ромашкина) (рус.). Эрзянский литературный сайт (4 сентябрьста 2011). Дата обращения: 6 апрельста 2026.
- ↑ Этнографический музей «Этно-кудо» им. В.И. Ромашкина (рус.). Культура.РФ. Дата обращения: 9 апрельста 2026.
- ↑ Кочкуровский район в очередной раз объединил ценителей национальной культуры и искусства! (рус.). «ГТРК Мордовия». Дата обращения: 6 апрельста 2026.
- ↑ Ремонт в музее. mktrm.ru. Дата обращения: 6 апрельста 2026.
- ↑ Открытие Тропы Ромашкина. mktrm.ru. Дата обращения: 6 апрельста 2026.
- ↑ V фестиваль «TAVLA TRAIL» с национальным колоритом. russiarunning.com. Дата обращения: 6 апрельста 2026.
Литературась
- П. В. Рябов. Владимир Ромашкин. Тюштя нашего времени = Йовлань Оло. Неень шкань Тюштя / Р. С. Баргова, Т. П. Мокшанова. — Саранск : Константин Шапкарин, 2021. — 114 с.
Ссылкатне
- Фольклорная симфония «Торамы» (23 декабрьста 2026).