Лятфтамань и ризнамань шись

Лятфтамань и ризнамань шись
Лятфтамань и ризнамань шись
	; Акция «Свеча памяти» в Музее Победы (2023)
Пингсь	22-це июньцта
Туфталсь	Великай Отечественнай войнать ушетксоц
Жертватне
	26,6 миллион советскяй гражданда шавфтта
Осуждённайсь (хне)	нацистскяй Германиянь военнай преступникне
Судебнай процесс	Нюрнбергскяй процессь
	Лятфтамань и ризнамань шись

Б.Н. Ельцинонь лемса библиотекань материалхне

Тя статьяса материалхне нолдафт тевсБ.Н. Ельцинонь лемса Президентскяй библиотекань фондста

Б. Н. Ельцинонь лемса Президентскяй библиотекась

Лятфтамань и ризнамань шись (руз. Де́нь памяти и скорби) — мяляфтови шись, кона лувондови сембода трагическяйкс Россиять историяса. 22-це июньцта 1941-це кизоня нацистскяй Германиять и сонь союзниконзон ссср-ть лангс врьгятемдост меле ушедсь Великай Отечественнай войнась. Эрь кизоня 22 июньцта россияса, Белоруссияса и постсоветскяй пространствань лия странатнень эса ётнихть лятфнемань мероприятият^[1].

Войнань кизотнень шавовсь 26,6 миллион советскяй гражданин (синь эздост 8,7 миллионць шавф тюремань паксятнень эса; 7,42 миллионць — шавф нацисттнень кядяла оккупированнай территориятнень эса; 4,1 миллионць — кулось вачешить эзда оккупированнай территорияса; 5,27 миллионць — паньф Германияв). Нацисттнень мархта срафтфоль-калафтфоль СССР-са 1,7 тёжянь ош и посёлка, 70 тёжянть малава веле и веле, государствати и населенияти афкуксонь материальнай юмафкссь тись 679 миллиард цалковай (1941 кизонь питнеса)^[2].

Россия

1992 кизонь 13 июльста РФ-нь Верховнай Советть Президиумоц эсь постановлениясонза азозе 22 июнть Отечествань аралаень шикс.

1996-це кизонь 8-це июньцта Российскяй Федерациянь президентть Борис Ельцинонь указонц коряс 22-це июнць лемтьф лятфнемань и ризнамань Шикс.

24-це октябрьста 2007-це кизоня лятфтамань И ризнамань Шись сувафтф воинскяй славань шитнень и Россиянь мяляфтомань шитнень лувксс^[3].

Койхне

Аф каштордомань минута Лятфтамань и ризнамань шиня (2023)

22-це июньцта азови аф каштордомань всероссийскяй минутась жертватнень лятфтаманкса, конатнень СССР-сь кандозень Великай Отечественнай войнань кизотнень, государственнай учреждениянь зданиятнень эса нолдавихть государственнай флакне, ВМФ-нь корабльхнень эса-Андреевскяй флакне, эряма зданиятнень эса повфневихть траурнай лента мархта флакт. Культурань учреждениятнень эса, телевиденияса и радиоса лоткафневихть мялень салай передачатне^[4].

Койхне и символхне

Великай Отечественнай войнаса минь сяськоме сяс, мес кельгсаськ эсь Родинаньконь, эсь мастороньконь, што странасонк ванфтови мялямсь шачема мастороньконь аралаензон колга. Синь лемснон каннесазь ошне, велень и ошень куротне, синь лемсна максфт школатненди, Родинаньконь аралаензонды путфт-стяфтфт памятникт, обелискт. Беларусьса (руз. Республика Беларусь), Брест ошть маласа ули застава. Сон каннесы мокшень алять Кижеватовонь лемонц. Тя геройсь 1941-це кизоня границаса васенцекссь васьфтезень фашистскяй войскатнень, шавовсь геройкс.

Илань символкс ащи Пефтома пингонь толсь (руз. Вечный огонь). Тя шиня ётафневихть фестивальхть, концертт, выставкат и патриотическяй акцият. Куротне марнек странава наряжакшневихть флагса и плакатса.

Факттне

Великай Отечественнай войнать пингста марса рузонь и лия национальностень солдаттнень мархта тюрсть фашисттнень каршес мокшетне и эрзятне, татархне, чувашне, мариецне, удмурттне – советскяй сембе ломаттне. Кепотьксонди, 1942 кизоня Запорожскяй областень оккупировандаф масторса эвондась «Добровольное общество патриотов (ДОП)» од ломанень подпольнай организациясь. Сонь пуроптыец ульсь мокшэрзятнень виде вайме цёрасна Никифор Тараскин. Тя организациясь тись аф кржа боевой, героическяй тевда. Паролькс ДОП-овецненди ульсь народоньконь сембода лямбе валоц – «Шумбрат!».

Войнань васенце шистокиге мокшэрзянь писательхне и поэттне тусть Родинаньконь аралама. Кие эздост мрдась, а кие лядсь тозк, войнань толу паксяв, тапаф-плхтаф вири. Лемдьсаськ синь: К. Абрамов, Ф. Андрианов, Ф. Атянин, М. Бебан, А. Лукьянов, С. Вечканов, П. Кириллов, А. Моро, П.Гайни, В. Радин, И. Чигодайкин, Е. Пятаев, Я. Пинясов, А. Щеглов, И. Девин, А. Малькин и лиятне. Максозь эряфснон Родинаньконь инкса: С. Родькин, А.Рогожин, Ф. Дурнов, И. Прончатов и лиятне.

Ламоц поэттне и сёрмадсть толу аеркс войнать колга, ламонцне лемдезь эсь валмороснон, азксснон, повестьснон Великай Отечественнай войнаса шавфненди. И. Девин сёрмадсь "Стяда кулофненди", "Шинель", "Баллада од танкистть колга" (руз. Баллада о танкисте) и стак тов. Великай Отечественнай войнань событиятнень колга сёрмадсть мокшэрзянь поэттне и сёрмадыхне. Ф. Атянин тяштсь "Врагти аф максы пря", М. Кяшкин - "Толонь пачк" ({{lang-ru|(Сквозь огонь)}), Ю. Кузнецов "Кемонь шит июльста" руз. Десять дней в июле, А. Малькин "Лямбе пильгокит" (руз. Тёплые следы), "Каркне тердихть куду" (руз. Журавли зовут домой), Г. Пинясов "Ветецесь" (руз. Пятый), М. Сайгин "Врагть танканц ланга" (руз. По танке врага) и лият.

Лятфтамань и ризнамань шись 2024 кизоня

22-це июньцта 2024-це кизоня Москуса Сяськомань Музейть инголе площадьса ётась всероссийскяй мемориальнай акциясь «мяляфтомань Штатол»: школьникне, студенттне и Великай Отечественнай войнань ветераттне крьвястсть сядот штатол, волонтёрхне лихтсть толонь картина, кона шарфтсь художникть Ираклий Тоидзень «Геройхненди-Родинань салют!", Сяськомань Музейть фасадонц лангс няфтевсь «Мяляфтк» видеоинсталляциясь^[5]

Инсталляция «Помни» на фасаде Музея Победы (2024)

Фкя пингть Россиянь сембе ошнень и населеннай пункттнень эса ушедсть акцият Великай Отечественнай войнань кизотнень шавф советскяй граждаттнень колга. Тя шиня российскяй музейхнень эса ульсть няфтьфт экспозицият, конат азондсть нацистскяй Германиять и сонь союзниконзон СССР-ть лангс врьгятемаснон колга. Кепотьксонди, ВДНХ-са ётафтсть питнефтома экскурсият «Стяк, странась оцюдонга оцю!» и «Сёрматне и дневникне кода лятфнемат войнать колга» (тянди эрявсь сёрматфтомс пря)

Белоруссия

Белоруссияса тя шись васьфневи Кода "Великай Отечественнай войнань жертвань сембе народть мяляфтомань Шиц" (белор. Великай Отечественнай войнань жертвань сембе народть мяляфтомань шиц) Дзень усенароднай памяці ахвяр Вялікай Айчыннай вайны)^[6]. Меле лемтьфоль «День всенародной памяти жертв Великой Отечественной войны и геноцида белорусского народа».

Дмитрий Медведев и Александр Лукашенко путыхть каштаз Брестскяй ваксарошть мемориалонц аралаензонды, 22 июньцта 2008 кизось

Украина

Украинаса президентть Указонц коряс 2000-це кизонь 17-це ноябрьста ульсь ладяф «День скорби и чествования памяти жертвы войны». 2014-це кизонь государственнай шарфтомда меле, мзярда странать сявозе нацисттненди лездыхнень лемс ульцянь полафтомань волнась, 22-це июньцта сидеста нолневи тевс Кода туфтал великай Отечественнай войнань геройхненди памятникнень коламс.^[7].

Лятфтамат

↑ Федеральный закон от 13 марта 1995 г. № 32-ФЗ «О днях воинской славы и памятных датах России» (рус.). Kremlin.ru. Дата обращения: 9 февральста 2022. Архивировано 26 ноябрьста 2021 года.
↑ День памяти и скорби — день начала Великой Отечественной войны (неопр.). РИА "Новости" (22 июньцта 2020). Дата обращения: 21 июньцта 2024.
↑ День памяти и скорби. Досье (неопр.). ТАСС (21 июньцта 2017). Дата обращения: 28 июньцта 2024.
↑ Указ Президента России от 8 июня 1996 года № 857 (неопр.). Предпринимательское право (8 июньцта 1996). Дата обращения: 17 декабрьста 2025. Архивировано 18 июльста 2012 года.
↑ Помнить историю, чтить героев: какие мероприятия пройдут в столице в ночь на 22 июня (неопр.).
↑ День всенародной памяти жертв Великой Отечественной войны в Беларуси (рус.). Министерство обороны Республики Беларусь. Дата обращения: 12 февральста 2022. Архивировано 17 декабрьста 2025 года.
↑ В Киеве накануне Дня памяти и скорби осквернили знаменитый монумент "Родина-мать" (неопр.). "Беларусь 1" (20 июньцта 2020). Дата обращения: 21 июньцта 2024.

Литературась

1. Брыжинский А.И., Пашутина О.В., Чернов Е.И. Писатели Мордовии: библиографический указатель. — Саранск: Мордовское книжное издательство, 2001. — 592 с.

2. Человек-легенда Михаил Девятаев : библиографический указатель / Нац. б-ка им. А.С. Пушкина Респ. Мордовия, отд. справ.-библиогр. и информац. обслуживания; [сост. С.Х. Кильдеева, Т.В. Кистанова; ред. Л.Г. Меркушкина, Г. Н. Кузьмина]. – Саранск, 2013. – 84 с. – [серия «Их именами славен наш край»; вып. 4].

[1] Федеральный закон от 13 марта 1995 г. № 32-ФЗ «О днях воинской славы и памятных датах России» (рус.). Kremlin.ru. Дата обращения: 9 февральста 2022. Архивировано 26 ноябрьста 2021 года.

[2] День памяти и скорби — день начала Великой Отечественной войны (неопр.). РИА "Новости" (22 июньцта 2020). Дата обращения: 21 июньцта 2024.

[3] День памяти и скорби. Досье (неопр.). ТАСС (21 июньцта 2017). Дата обращения: 28 июньцта 2024.

[4] Указ Президента России от 8 июня 1996 года № 857 (неопр.). Предпринимательское право (8 июньцта 1996). Дата обращения: 17 декабрьста 2025. Архивировано 18 июльста 2012 года.

[:0-5] Помнить историю, чтить героев: какие мероприятия пройдут в столице в ночь на 22 июня (неопр.).

[6] День всенародной памяти жертв Великой Отечественной войны в Беларуси (рус.). Министерство обороны Республики Беларусь. Дата обращения: 12 февральста 2022. Архивировано 17 декабрьста 2025 года.

[7] В Киеве накануне Дня памяти и скорби осквернили знаменитый монумент "Родина-мать" (неопр.). "Беларусь 1" (20 июньцта 2020). Дата обращения: 21 июньцта 2024.

[1]

[2]

[3]

[4]

[5]

[6]

[7]