Лятфтамань и ризнамань шись
| 22-це июнць — Лятфтамань и ризнамань шись | |
|---|---|
| Типсь | Нациянь шись |
| Официальна | 22-це июнць — Лятфтамань и ризнамань шись |
| Смузсь | Тя шиня ушедсь Великай Отечественнай войнась |
| Ётафневи |
 Россия |
| Датась | 22-це июньцта |
| Васьфтевомац | концертт, патриотическяй акцият, фейерверкт |
 Лятфтамань и ризнамань шись | |
22-це июнць — Лятфтамань и ризнамань шись руз.: Де́нь памяти и скорби.
22-це июнць — Великай Отечественнай войнать ушедомац. Тя войнась кандсь лама пичефкс, зиян, сельмоведь эрь семьяти. Мордовиянь эряйхне, кода и Россиянь сембе народсь, лятфнесазь тя шить. Вдь мзярдовок аф юкстави подвигоц народть, кона ётазень сембе сталмотнень, няезень сембе аф няематнень и сяськсь[1].
Илать колга
22-це июньцта 1941 кизоня сась равжа куля. Фашистскяй Германиясь апак учсек врьгятсь Советскяй Союзть лангс. Тя войнаса юмась-арась 27 000 000 лама ломань, конат шавовсть, конань фашисттне плхтазь, кона ломаттне кулость вачеда. Великай Отечественнай войнань кизотне пяк крхкаста сувасть мялямс и мзярдовок аф юкставихть, аф нардавихть.
Койхне и символхне
Великай Отечественнай войнаса минь сяськоме сяс, мес кельгсаськ эсь Родинаньконь, эсь мастороньконь, што странасонк ванфтови мялямсь шачема мастороньконь аралаензон колга. Синь лемснон каннесазь ошне, велень и ошень куротне, синь лемсна максфт школатненди, Родинаньконь аралаензонды путфт-стяфтфт памятникт, обелискт. Беларусьса руз.: Республика Беларусь, Брест ошть маласа ули застава. Сон каннесы мокшень алять Кижеватовонь лемонц. Тя геройсь 1941 кизоня границаса васенцекссь васьфтезень фашистскяй войскатнень, шавовсь геройкс.
Илань символкс ащи Пефтома пингонь толсь руз.: Вечный огонь. Тя шиня ётафневихть фестивальхть, концертт, выставкат и патриотическяй акцият. Куротне марнек странава наряжакшневихть флагса и плакатса.
Факттне
Великай Отечественнай войнать пингста марса рузонь и лия национальностень солдаттнень мархта тюрсть фашисттнень каршес мокшетне и эрзятне, татархне, чувашне, мариецне, удмурттне – советскяй сембе ломаттне. Кепотьксонди, 1942 кизоня Запорожскяй областень оккупировандаф масторса эвондась «Добровольное общество патриотов (ДОП)» од ломанень подпольнай организациясь. Сонь пуроптыец ульсь мокшэрзятнень виде вайме цёрасна Никифор Тараскин. Тя организациясь тись аф кржа боевой, героическяй тевда. Паролькс ДОП-овецненди ульсь народоньконь сембода лямбе валоц – «Шумбрат!».
Войнань васенце шистокиге мокшэрзянь писательхне и поэттне тусть Родинаньконь аралама. Кие эздост мрдась, а кие лядсь тозк, войнань толу паксяв, тапаф-плхтаф вири. Лемдьсаськ синь: К. Абрамов, Ф. Андрианов, Ф. Атянин, М. Бебан, А. Лукьянов, С. Вечканов, П. Кириллов, А. Моро, П.Гайни, В. Радин, И. Чигодайкин, Е. Пятаев, Я. Пинясов, А. Щеглов, И. Девин, А. Малькин и лиятне. Максозь эряфснон Родинаньконь инкса: С. Родькин, А.Рогожин, Ф. Дурнов, И. Прончатов и лиятне.
Ламоц поэттне и сёрмадсть толу аеркс войнать колга, ламонцне лемдезь эсь валмороснон, азксснон, повестьснон Великай Отечественнай войнаса шавфненди. И. Девин сёрмадсь "Стяда кулофненди", "Шинель", "Баллада од танкистть колга" руз.: Баллада о танкисте и стак тов. Великай Отечественнай войнань событиятнень колга сёрмадсть мокшэрзянь поэттне и сёрмадыхне. Ф. Атянин тяштсь "Врагти аф максы пря", М. Кяшкин - "Толонь пачк" руз.: (Сквозь огонь), Ю. Кузнецов "Кемонь шит июльста" руз.: Десять дней в июле, А. Малькин "Лямбе пильгокит" руз.: Тёплые следы, "Каркне тердихть куду"руз.: Журавли зовут домой, Г. Пинясов "Ветецесь"руз.: Пятый, М. Сайгин "Врагть танканц ланга"руз.: По танке врага и лият.
Лятфтамат
Литературась
1. Брыжинский А.И., Пашутина О.В., Чернов Е.И. Писатели Мордовии: библиографический указатель. — Саранск: Мордовское книжное издательство, 2001. — 592 с.
2. Человек-легенда Михаил Девятаев : библиографический указатель / Нац. б-ка им. А.С. Пушкина Респ. Мордовия, отд. справ.-библиогр. и информац. обслуживания; [сост. С.Х. Кильдеева, Т.В. Кистанова; ред. Л.Г. Меркушкина, Г. Н. Кузьмина]. – Саранск, 2013. – 84 с. – [серия «Их именами славен наш край»; вып. 4].