Народонь марса улемань шись
Б.Н. Ельцинонь лемса библиотекань материалхне
| Народонь марса улемань шись | |
|---|---|
 | |
| Типсь | Государственнай, Россиянь воинскяй славань шитне |
| Лиякс | Шкаень Тядять Казанскяй шкайнянц шнамац (Москуть и Россиять мянемац Речь Посполитайть войсканзон алда 1612-це кизоня), Казанскяйсь сёксеннесь |
| Смузсь | польско-литовскяй врьгятнихнень панемасна Москувонь Кремляста Омбоце народнай ополчениять вельде 1612 кизонь сёксенда |
| Ладяф |
4-це ноябрьста 2005-це кизоня Таколфты пингть шумордаманц лемс |
| Тиись-ладяйсь | Федеральнай законць 29.12.2004 кизоня № 201–ФЗ |
| Ётафневи |
 Россия,  Южная Осетия,  ПМР |
| Датась | 4-це ноябрьста |
| Койхне-обуцятне | парад, молебен, крестнай якафтома, ошень ярмарка, патриотическяй и просветительскяй акцият |
 Народонь марса улемань шись | |
Народонь марса улемань шись руз. Де́нь наро́дного еди́нства — государственный праздник, который с 2005 года ежегодно отмечается в Российской Федерации 4 ноября. День воинской славы Россиироссийскяй государственнай ила, кона васьфневи 4-це ноябрьста. Лувондови Россиянь воинскяй славань шикс и, 2005-це кизоста сявомок, ваймама шикс[1]
Народонь марса улемань ши
Илать шиц
1612-це кизоня 22-це октябрьста Кузьма Мининонь и Дмитрий Пожарскяень вятемаснон ала народнай ополчениясь панезь Речь Посполитонь войсканзон Китайста-ошста и кошардозь синь потамс Кремляв[2]. Князь Пожарскяйсь сувась Китай-ошу Шкаень Тядять Казанскяй шкайнянц мархта.
24-це октябрьста (3-це ноябрьста) полякне панжезь кремлевскяй ортатнень, конат лисендсть Неглиннайть лангс; васендакиге, нолдазь рузонь ломаттнень, баярхнень, дворяттнень, купецнень, конат ащесть осадаса. Пожарскяй и Минин прважазь руснень эсь земскяй станозост. 25-це октябрьста (4-це ноябрьста) кремлевскяй сембе ортатне панчфтольхть келес. Рузонь войскатне сувасть Кремляв, тяда инголе ётась крестнай ходть молемац, конань инголе мольсь архимандритсь Дионисий, а Кремляста каршезонза лиссь элассонскяй архиепископсь,грек Арсений Владимирскяй Богородицать шкайнянц мархта кядьса. Полякне ёрдазь оружияснон. Синь панезь рузонь стану[3].
1649-це кизоня оцязорсь Алексей Михайлович мярьгсь тяшкстамс Шкаень Тядять Казанскяй шкайнянц шинц аф аньцек кизонда, но и 22-це октябрьста (юлианскяй ковгярькс коряс), мзярда шачсь васенце шабац Дмитрий Алексеевич. «Шкаень Тядять Казанскяй шкайнянц шнамац (Моску ошть и Россиять полякнень эзда 1612-це кизоня араламанц лятфнеманкса )» ванфтови православнай и народнай ковгярьксса тянивок (советскяй властть пингста койсь ётафнемс Москуть воляс нолдамань шинц лотафневсь).
Пингонь коряс спорямат
2004-це кизоть песта 1995-це кизонь 13-це мартонь Федеральнай законти № 32-ФЗ «Воинскяй славань шитнень и Россиянь мяляфтови шитнень колга» сувафтфт полафткст, конат ладязь воинскяй славань шить 4-це ноябрьста — Народонь марса улемань шить. Шись лемтьф нижегородскяй старостать Кузьма Мининонь и князть Дмитрий Пожарскяень вятемаснон ала народнай ополчениянь воиттнень Китаень-ошть вийса сявоманцты[4][5]. Законти теварьсефксса корхтавсь[6]:
«1612-це кизоня 4-це ноябрьста Кузьма Мининонь и Дмитрий Пожарскяень вятемаснон ала народнай ополчениянь воиттне вийса сявозь Китай-ошть, нолдамок Москуть польскяй интервенттнень эзда и няфтемок геройксшить и сембе народть марса улеманц, аф ваномок шкаенди кемамать и обществаса вастонь ладямать лангс».
Китай-ошсь ульсь сявф 1612-це кизоня 22-це октябрьста юлианскяй ковгярьксть коряс, мезсь ся пингти ладясь 1612-це кизонь 1-це ноябрти григорианскяй ковгярьксть коряс.
Кой-кона историкне арьсихть, што Кремлять воляс нолдамац ульсь 26-це октябрьста (5-це ноябрьста), мзярда польскяй гарнизонть командованияц кемокстазе капитуляциять,нолдамок эстокиге Кремляста москувонь баярхнень (Россиянь законнай Правительствась) и лия содаф ломаттнень, конатнень ёткса ульсь и сай пингонь оцязорсь Михаил Фёдорович. Омбоце шиня — 27-це октябрьста (6-це ноябрьста) — гарнизонць макссь пря[7][8].
Ваймама шить лия пингс кандомац
Кда 4-це ноябрсь прашенды ёткшить или недляшить лангс, ваймама шись ётафневи лия шис. Тяфта жа сон ётни лия случайста — 2025-це кизоня илась прась шавшиста, сяс ёткшись, 1-це ноябрьста, арась кирьфтаф покодемань шикс, а понедельниксь, 3-це ноябрьста, - ваймама шикс. Кота шинь рабочай недяляда меле (27 октябрьста сявомок 1 ноябрти молемс) россияттне кармайхть ваймама колма шит-2, 3 и 4 ноябрьста (недляшись, понедельниксь, шавшись).
Илать эвондаманц пингоц
Илань ладямаса фкя инь васенце моликс ульсь Владислав Сурков:
Мезе стамсь Рузонь Мирсь? Тя мяльть мон мзярда-бди сувафтине государственнай политикань структурати, мзярда минь полафнеськ идеологиянь шитнень: лоткафтозь социалистическяй революциять тяшкстамань шиц и нолдавсь Народонь марса улемань шись. Россияса вдь ашель фкявок ила, кона сотф Революцияда ингольдень событиятнень мархта. Эсь коряванза тя шись арась рузонь национализмань шикс. Ульсь тяфтама задача: кода азомс Империять , мяленьконь келемоманц колга, но тяка пингть аф коламс мяленц мировой сообществать
Мяльсь тиемс 4-це ноябрть илань шикс азфоль Россиянь Межрелигиознай советть мархта 2004-це кизоня сентябрь ковста. Сонь кирдезе трудть и социальнай политикать коряс думскяй Комитетсь и, тяфта, сявсь думскяй инициативань статус.
2004-це кизоня 29-це сентябрьстаМоскувонь и сембе Русень патриархсь Алексий сембонь ингольде кирдезе Думать ширенц путомс иланди шить 4-це ноябрьста. «Тя шись лятфни тейнек,кода 1612-це кизоня эрь кодама верань и национальностень россияттне сяськозь явомать, ётазь кяжи карша молихнень и вятезь странать гражданскяй стабильнай мирти», — мярьгсь сон.
4-це октябрьста тя мяльть сембонь инголе кирдезе «Единая Россия» фракциянь вятить васенце полафтыец Валерий Богомолов. РИА Новостихненди интервьюса сон азозе, што «1612-це кизоня Россиясь аралась пря польскяй захватчикнень эзда, аделавсть «Тапаряф пинге».
2004-це кизоня 28-це октябрьста Саратовса Театрань площадьса Саратовскяй областень Общественнай палатать и Од ломанень парламентть ушетксснон коряс ётафтовсь реформань курснень ширеснон кирдеманкса од ломанень и общественнай организациянь представительхнень 8 тёжянь митингсна, конатнень ётафнесыне Российскяй Федерациянь Президентсь В. В. Путин. Выступлениятнень эса кирдевсь арьсемать ширец кочкамс 4-це ноябрьть Национальнай марса улемань шикс,мезе сувафтфоль Российскяй Федерациянь Президентти В. В. Путинонди митингонь участникнень пшкядемаснон эса.
2004-це кизоня 23-це ноябрьста Думати ульсь сувафтф законопроект, кона корхтай РФ-нь Трудовой кодексти петьксонь сувафтомать колга: полафтомс 7-це ноябрьста Великай Октябрьскяй социалистическяй революциять годовщинанцты илать и 12-це декабрьста — Конституциянь шить, од кизонь каникулатнень касфтомс 2 шиста сявомок 5 шити молемс, а стане жа сувафтомс од илать 4-це ноябрьста. Законопроектть авторонза — Валерий Богомолов, Олег Еремеев (Единая Россия) и Владимир Жириновский (ЛДПР).
Сяка шиня Россиянь Межрелигиознай советонь президиуму сувсихне пшкядсть Госдумань председательти Борис Грызловонди эняльдема мархта ваномс Советть заявлениянц, кона лемтьф илань шикс сюнеда 4-це ноябрть датанц ладяманцты. Советсь кирдезе ширенц од илань сувафтомать коряс арьсемать. Эрявикс пшкядемась заявлениянь текстть мархта вановсь Госдумаса РФ-НЬ Трудовой кодексти петькснень васенце лувомасост пингста, конат сотфт илань шиттень оду ваномаснон мархта.
«Минь арьсетяма, Што Россиять трагическяй явомань шиц — 7-це ноябрьсь — ашезь ара ладямань шикс», — корхтави пшкядемаса. Россиянь Межрелигиознай совету сувсихне лувондсазь, што мельганза моли событиятне «вятсть минь ломаненьконь миллионцнон шавомаснонды, ся пингть мзярда 1612 кизоня Москуть лия масторста врьгятнихнень эзда нолдамась народть пуроптозе и лоткафтозе братонь шавондомань веронь шудемать».
Госдумань заседанияса законопроектсь примафоль васенце лувомаса, коммунисттне арасть каршек. 2004-це кизоня 27-це декабрьста теварьсефкссь примафоль колмоце лувомаса и арась законкс. 327 депутатсь максозь вайгяльснон, сембе коммунисттне арасть карша, кафттне вайгяльснон ашезь макса.
Васьфтемань ладяматне
Инь оцю событиякс Народонь марса улема шить васьфтемаса арась Россиянь президентть каштазонь путомац Мининонь и Пожарскяень памятникти Москуса Якстерь площадьса[9].
.
4-це ноябрьста 2005-це кизоня памятникть кирьфтаф копияц, конань тиезе Зураб Церетели, ульсь торжественнайста панчф Нижняй Новгородса[10]. 2019-це кизоня памятниксь народнай ополчениянь, Кона нолдазе Москуть, ульсь панчф Ярославльса[11]. Ополченецненди мялямгефт улихть Россиянь и лия ошнень эса. Ня памятникне тяфта жа ащихть Народонь марса улема шити праздновандамань центракс.
Православнай христиаттне тя шить ушеткшнесазь богослуженияста, коса сюконякшнихть Божьяй Тядяти заступничестванкса[12].
Праздниконь шитнень Россиянь ошнень эса ётафневихть концертт, фестивальхть, благотворительнай акцият, спортивнай мероприятият. Эрь кодама партиятне и общественнай движениятне ётафнихть тя шиня патриотическяй акцият, конат лемтьфт лама национальностень народть марс пуроптоманцты, гражданскяй подвигонь рольти и историческяй мялямти.
Международнай статуссь
Приднестровскяй Молдавскяй Республикась. 4 — це ноябрсь-народнай единствань Шись, Президентть указонц коряс 2012-це кизонь 16-це ноябрьста, сувси мяляфтови дататнень лувксс[13], васьфневи, но ваймама шикс аф лувондови[14]. Лямбеширень Осетия. 4-це ноябрьста васьфневи Народонь марса улемань шись[15][16].
Кизефнематне
Кизефнемать коряс, конань ётафтозе 2024-це кизоня «Общественнай мялень фондсь», респонденттнень ламошкасна (72 %) лувсазь, што Народонь марса улемань шись эряви, и аньцек 17% россияттне тянь мархта аф согласнайхть. 61 % - лувсазь видексоннекс 1612-це кизонь 4-це ноябрень событиятнень годовщинаснон кочкамаснон Народонь марса улемань шикс[17].
ВЦИОМ-ть тяка кизоня ётафтф кизефнемац няфтезе, што россияттнень ванфсна илати сонь учреждениядонза меле няевиста полафтсь, кда 2009-це кизоня 66% респонденттненди тя илась мезевок ашель, то 2024-це кизоня синь лувкссна кирсь 23 %. Сяка пингть 38% россияниттне лувсазь илать странань нароттнень марстоньшиснон и марса улемаснон символкс[18].
Культураса
Фильматне и мультфильматне
- «Минин и Пожарский» (фильма, 1939)
- «Минин и Пожарский» (мультфильма, 1998)
- «1612: Хроники смутного времени» (фильма, 2007)
- «Крепость. Щитом и мечом» (мультфильма, 2015)
- «Купно за едино» (мультфильм, 2024)[19].
Музыкаса
- Степан Дегтярёвонь «Минин и Пожарский, или Москуть Воляс Нолдамац» (1811) ораторияц сувафтфоль торжестватнень програмазост, конат лемтьфтольхть 1818 кизоня Мининонди и Пожарскяенди памятниконь панжемати Москуса[20].
- 1938-радиоть вельде кайгсть Борис Асафьевонь «Минин и Пожарский»оперань пакшне. Либреттонь сёрмадысь Ульсь Михаил Булгаков, кона ламоксть тиендезе сонь партийнай руководствать критиканц инкса. Сембе сяка оперась апак путтоль[21].
- 2011-це кизоня ётась нижегородскяй композиторть Борис Сазоновонь «Минин и Пожарский»операнц васенце концертнай морамац[22].
Лятфтамат
- ↑ Федеральный закон от 29.12.2004 г. № 201-ФЗ «О внесении изменений в статью 112 Трудового кодекса Российской Федерации»
- ↑ Соловьёв С. М. История России с древнейших времён. — 2-е изд. — СПб.: Товарищ. «Общественная польза». — Т. 8. — Стб. 1036.
- ↑ Костомаров Н.И. Русская история в жизнеописаниях её главнейших деятелей.
- ↑ Законопроект № 96613-4 «О внесении изменений в статью 1 Федерального закона “О днях воинской славы (победных днях) России”» Пояснительная записка (рус.). Государственная дума (12 октябрьста 2004). Дата обращения: 30 сентябрьста 2025.
- ↑ Федеральный закон от 13 марта 1995 г. № 32-ФЗ «О днях воинской славы и памятных датах России» (рус.). Kremlin.ru. Дата обращения: 30 сентябрьста 2025. Архивировано 26 ноябрьста 2021 года.
- ↑ Законопроект № 96613-4 «О внесении изменений в статью 1 Федерального закона “О днях воинской славы (победных днях) России”» Пояснительная записка (рус.). Государственная дума (12 октябрьста 2004). Дата обращения: 30 сентябрьста 2025. Архивировано 10 майста 2021 года.
- ↑ Назаров В. Д. Что будут праздновать в России 4 ноября 2005 года? // Отечественные записки. — 2004. — № 5. (рус.).
- ↑ Второе ополчение 1611–12 / Назаров В.Д. // Большая российская энциклопедия : [в 35 т.] / гл. ред. Ю. С. Осипов. — М. : Большая российская энциклопедия, 2004—2017.
- ↑ Возложение цветов к памятнику Кузьме Минину и Дмитрию Пожарскому, Президент России. Дата обращения: 4 ноябрьста 2025.
- ↑ Торжественная церемония открытия памятника Минину и Пожарскому в Нижнем Новгороде. rah.ru. Дата обращения: 28 октябрьста 2025.
- ↑ Ярославль, Вести. День народного единства и открытие памятника Минину и Пожарскому в Ярославле - Вести Ярославль. Дата обращения: 28 октябрьста 2025.
- ↑ День народного единства — что мы празднуем? - Православный журнал «Фома», Православный журнал «Фома» (4 ноябрьста 2024). Дата обращения: 28 октябрьста 2025.
- ↑ № 761 — О внесении дополнения в Указ Президента Приднестровской Молдавской Республики от 13 июня 2001 года № 300 «Об установлении профессиональных праздников и памятных дней в Приднестровской Молдавской Республике». www.ulpmr.ru. Дата обращения: 4 ноябрьста 2025.
- ↑ Приднестровье отмечает День народного единства. Новости Приднестровья (4 ноябрьста 2024). Дата обращения: 28 октябрьста 2025.
- ↑ » Указ «Об утверждении календаря праздничных дней и памятных дат в Республике Южная Осетия» Официальный сайт Президента Республики Южная Осетия(рус.). presidentruo.org. Дата обращения: 4 ноябрьста 2025.
- ↑ День народного единства в Южной Осетии отметили патриотическим забегом
- ↑ День народного единства 4 ноября / ФОМ (рус.). fom.ru. Дата обращения: 28 октябрьста 2025.
- ↑ Мы разные, но мы вместе!, ВЦИОМ. Новости. Дата обращения: 28 октябрьста 2025.
- ↑ Патриотическая анимация про Минина и Пожарского. Дата обращения: 4 ноябрьста 2025.
- ↑ В Доме музыки - легендарная оратория "Минин и Пожарский" - Новости на Вести.ru (рус.). vesti.ru. Дата обращения: 2025-111-04.
- ↑ «Минин и Пожарский», Михаил Булгаков (20 майста 2020). Дата обращения: 4 ноябрьста 2025.
- ↑ Минин и Пожарский запели - Нижегородские новости. nnews.nnov.ru (10 майста 2011). Дата обращения: 28 октябрьста 2025.
Литературась
Любомиров П. Г. Очерки истории Нижегородского ополчения 1611—1613 гг. — М.: Соцэкгиз, 1939. — 342 с.- Селезнёв Ф. А. Нижегородцы и преодоление Смуты. 1606—1618. — Нижний Новгород: Деком, 2015. — 141 с.
- Андреев И. Л. и др. День народного единства: Биография праздника / Авт.: И. Л. Андреев, В. Н. Козляков, П. А. Михайлов, В. А. Токарев, Ю. М. Эскин; Вступ. ст. В. А. Никонова. — М.: Дрофа, 2009. — 352 с. — ISBN 978-5-358-03531-7.
- Головашина О. В., Аникин Д. А. Неожиданные издержки победы: 4 ноября в контексте политики памяти и массового исторического сознания // Вестник Томского государственного университета. — 2018. — № 429. — С. 66—73.
- Гугнина О. В. День 4 ноября 2005 года глазами историков и семиклассников: реализация герменевтического принципа // Историко-педагогические чтения. — 2006. — № 10. — С. 419—424.
- Ефремова В. Н. День народного единства: Изобретение праздника // Символическая политика: Сборник научных трудов. Вып. 1. Конструирование представлений о прошлом как властный ресурс / Отв. ред.: О. Ю. Малинова. — М.: ИНИОН РАН, 2012. — С. 286—300. — 334 с. — (Политология). — ISBN 978-5-248-00639-7.
- Макашова А. С. Традиции ноябрьских праздников в истории России: символическое содержание праздников // Вестник Санкт-Петербургского университета. Серия 6. Политология. Международные отношения. — 2012. — № 3. — С. 128—131.
- Малышева С. Ю. Эволюция исторической мифологии «ноябрьских» праздников в России // Вестник Пермского университета. История. — 2019. — Вып. 1 (44). — С. 138—147. — doi:10.17072/2219-3111-2019-1-138-147.
- Назаров В. Д. Что будут праздновать в России 4 ноября 2005 года? // Отечественные записки. — 2004. — № 5.
Ссылкатне
- Федеральный закон от 29 декабря 2004 года № 201-ФЗ «О внесении изменений в статью 112 Трудового кодекса Российской Федерации»
- Известия. Праздничные дни. Как они появляются и кто их устанавливает. Интервью с Андреем Николаевичем Сахаровым, директором Института российской истории РАН.
- Материалы ко Дню народного единства на сайте Президентской библиотеки