Советскяй народть геноцидть эзда юмамань-арамань шить лятфнемац

Рувики лопаста
Советскяй народть геноцидть эзда юмамань-арамань шить лятфнемац
Великай Отечественнай войнань пингонь плакатсь, кона терди советскяй бойцнень эса куроконя шинь мадома шири шатома, штоба идемс советскяй граждаттнень, уконат паньфт фашистскяй урекс улема
Великай Отечественнай войнань пингонь плакатсь, кона терди советскяй бойцнень эса куроконя шинь мадома шири шатома, штоба идемс советскяй граждаттнень, уконат паньфт фашистскяй урекс улема
Типсь Россиянь мяляфтови шитне
Официальна Советскяй народть геноцидть эзда юмама-арамань шить ляфтфнемац, Великай отечественнай войнань кизотнень пингста нацисттнень и теест лездыхнень тифснон кядяла
Тяфта жа Марстонь тевонь тиема шись советскяй народть геноцидонц колга
Смузсь Историческяй мялямонь ванфтомась советскяй народть геноцидонц колга, каршек ащема эрямопингть колга васькафнематненди
Ладяф 29 декабрьста 2025 кизоня
Ётафневи  Россия
Датась 19 апрельста
Койхне-обуцятне Образовательнай мероприятият (мяляфтомань урокт, лекцият), мемориальнай акцият (панчфонь путомась, митинкт), культурно-просветительскяй мероприятият (выставкат, презентацият)


Советскяй народть геноцидть эзда юмама-арамань шить ляфтфнемац (руз. День па́мяти же́ртв геноци́да сове́тского наро́да) — Россияса мяляфтомань ши, официальна ладяф «Пефтома пингс мяляфтомать ладямац советскяй народть геноцидть эзда юмаманц-арамнц колга 1941—1945 кизотнень пингста Великой Отечественнай войнать» Федеральнай законть вельде. Эрь кизоня васьфневи 19-це апрельста. Педа пес лемоц: «Советскяй народть геноцидть эзда юмама-арамань шить ляфтфнемац, Великай отечественнай войнань кизотнень пингста нацисттнень и теест лездыхнень тифснон кядяла» (руз. «День памяти о геноциде советского народа, совершенного нацистами и их пособниками в годы Великой Отечественной войны»)[1].

Эрямопингоц

2025-це кизонь ноябрьста Государствннай депутатонь группась сувафтсь ваномс законопроект лятфтамань шить ладяманц колга[2]. Ушедыкс тя тевти ульсть парламентарийхне «Единая Россия» фракциять эзда, конань видеса пряфксокс ульсь Федерациянь Советонь (руз.) (мок. председателень васенце полафтысь Владимир Якушев, Госдумань вице-спикерсь Ирина Яровая и фракциянь вятись Владимир Васильев[3].

2025-це кизонь 16-цедекабрьста закононь тевартсефкссь ульсь прняндаф Государственнай думаса[4]. 2025-це кизонь 29-це декабрьста Россиянь президентсь Владимир Путин путозе кяденц федеральнай законть алу, кона сувафтсь полафткст законти «Россиянь воинскяй славань и мяляфтомань дататнень шить колга» (руз. «О днях воинской славы и памятных датах России»)[3]. Тя документсь ульсь ладяф официальнай правовой кулянь интернет-порталть видеса. Законць сувась вийс 2026-це кизонь 1-це январьста сявомок[4].

Законть пояснительнай запискасонза китькстафоль, што сонь прняндаманц кармай улемац оцю смузецисториять колга васькафнематнень каршес и эрямопингонь видексшинь ванфтомать советскяй народть подвигонц колга[2].

Мяляфтомань шить кочкамац

19-це апрелень шись ульсь кочкаф сянкса, мес тя шиня 1943-це кизоня СССР-нь Верховнай Советть Президиумоц нолдась указ «Немецко-фашистскяй злодейхненди наказамань мератнень колга, конат муворуфт советскяй гражданскяй ломаттнень шавомаса и сязендемаса-нозондомаса и пленнай якстерь армеецненди, шпиоттненди, родинань изменникненди советскяй граждаттнень лувксста и теест лездыхненди» (руз. «О мерах наказания для немецко-фашистских злодеев, виновных в убийствах и истязаниях советского гражданского населения и пленных красноармейцев, для шпионов, изменников родины из числа советских граждан и для их пособников")[4]. Тя документсь арась васенце видексшинь кирди актокс, кона официальна китькстазе-няфтезе нацисттнень и теест лездыхнень целенаправленнай и масштабнай политикаснон СССР-ть территорияса мирнай эряйхнень машфтомаснон коряс и ладязень васенце юрхнень преступникненди кирдемс ответственность эсь кальдяв тевснон тиемаснон инкса[3].

39 № Указсь сувафнесь советскяй правовой системати эсь лацонь наказамань витт: кулофтомась пондамать вельде «немецкяй, итальянскяй, румынскяй, венгерскяй, финскяй фашистонь злодейхненди», а тяфта жа шпиоттненди и родинань михненди, и каторгаса покодемат 15 до 20 кизонь пингс теест лездыхненди тястоконь эряйхненди. Тя преступлениятнень коряс тефне ульсть максф ваномс военно-полевой суттненди.

Контекстсь и смузсь

Мяляфтома шинь ладямась арась государственнай политикати пяльксонь вастокс историческяй мялямть ванфтоманкса Великай Отечественнай войнаса и, сембода пяк, сетьмоста эряй ломаттнень трагедияснон колга[5]. Государственнай думань председательть Вячеслав Володинонь валонзон коряс, СССР-са немецко-фашистскяй оккупациянь жертвакс арасть 13 миллионда лама гражданскяй ломань[2]

Российскяй акциясь «Марстонь тевонь тиематне геноцидть мяляфтоманц колга»

Эрь кизоня 19-це апрельста, 2021-це кизоста сявомок, Россияса ётафневи Всероссийскяй акция «Марстонь тевонь тиематне нацисттнень кядяла и теест лездыхненди Великай Отечественнай войнань кизотнень пингстасоветскяй народть геноцидонц мяляфтоманц колга»[6]. Акциясь пуропневи «Без срока давности» федеральнай просветительскяй проектть видеса и шарфтф историческяй видешть ванфтоманкса нацисттнень и теест лездыхнень преступленияснон колга советскяй сетьмошиса эряй ломаттнень каршес оккупированнай территориятнень эса.

Мероприятиятне ётнихть сембе странать эзга. 2022-це кизоня эсост ульсь 6,5 лама миллион ломань[6][7].

  • «Кунардонь пингфтома выставкась: советскяй народть геноцидоц», мемориальнай комплекс Зайцево велеса, Ленинградскяй область, 2025 кизонь декабрьста

    «Кунардонь пингфтома выставкась: советскяй народть геноцидоц», мемориальнай комплекс Зайцево велеса, Ленинградскяй область, 2025 кизонь декабрьста

  • «Кунардонь пингфтома» выставкась, музей-диорама «Курскяй битвась. Белгородскяй шири молемась», май 2025

    «Кунардонь пингфтома» выставкась, музей-диорама «Курскяй битвась. Белгородскяй шири молемась», май 2025

  • Великай Отечественнай войнаса Ленинградскяй областень шабатнень героизмаснон колга фильмань съёмкатне, 2024 кизонь декабрсь

    Великай Отечественнай войнаса Ленинградскяй областень шабатнень героизмаснон колга фильмань съёмкатне, 2024 кизонь декабрсь


Мероприятиятнень эса юрса ащи форматтне:

  • Образовательнай мероприятият: школатнень, колледжнень и вуснень эса ётафневихть единай урокт, класснай частт и лекцият, конат лемтьфт геноцидонь темати. Занятиятнень пингста няфневихть тематическяй видеофильмат, тяконь лувксса «Кунардонь пингфтома» цикласта, ванондовихть историческяй факттне и документтне[8].
  • Мемориальнай акциятне: фкя инь главнай койкс ащи мемориалхненди и памятникненди панчфонь путомась, конат лемтьфт нацистскяй преступлениянь жертватненди. Ётафневихть митинкт-реквиемат и торжественнай церемоният ветераттнень, властень представительхнень и общественнай организациятнень участияснон мархта[9].
  • Культурно-просветительскяй мероприятиятне: пуропневихть архивнай документонь тематическяй выставкат, исследовательскяй теварьсефксонь презентацият и экспозицият музейхнень и библиотекатнень эса. Ня мероприятиятне лац няфнесазь трагедиять оцю шинц и азондыхть геноцидонь жертватнень судьбаснон колга[10].

Акцияса эрсихть школьникне, студенттне, преподавательхне, поисковикне, государственнай органонь эзда и эрь кодама общественностень ломаттне[11].

Лятфтамат

  1. ↑ Федеральный закон от 21.04.2025 г. № 74-ФЗ, Президент России. Дата обращения: 13 апрельста 2026.
  2. ↑ 1 2 3 Путин подписал закон о Дне памяти жертв геноцида советского народа. РИА Новости (29 декабрьста 2025). Дата обращения: 13 апрельста 2026.
  3. ↑ 1 2 3 Путин подписал закон об установлении Дня памяти жертв геноцида советского народа. ТАСС (29 декабрьста 2025). Дата обращения: 13 апрельста 2026.
  4. ↑ 1 2 3 Путин установил День памяти жертв геноцида советского народа. РБК (29 декабрьста 2025). Дата обращения: 13 апрельста 2026.
  5. ↑ Глава НЦИП: день памяти геноцида советского народа уже укоренен в общественном сознании, TACC. Дата обращения: 13 апрельста 2026.
  6. ↑ 1 2 День единых действий. Без срока давности. Дата обращения: 13 апрельста 2026.
  7. ↑ Методические рекомендации по проведению памятных мероприятий, приуроченных к 19 апреля Дню единых действий. memory45.su (19 апрельста 2025). Дата обращения: 13 апрельста 2026.
  8. ↑ Классный час: «День единых действий, в память о геноциде советского народа...» Инфоурок. Дата обращения: 13 апрельста 2026.
  9. ↑ Торжественное возложение цветов в рамках Дня единых действий... Администрация Велижского района (19 апрельста 2022). Дата обращения: 13 апрельста 2026.
  10. ↑ День единых действий в память о геноциде советского народа. РИА Новости (19 апрельста 2025). Дата обращения: 13 апрельста 2026.
  11. ↑ Закон об установлении 19 апреля Дня памяти жертв геноцида советского народа подписан президентом. Интерфакс (29 декабрьста 2025). Дата обращения: 13 апрельста 2026.
Сявф"https://mdf.ruwiki.ru/w/index.php?title=Советскяй_народть_геноцидть_эзда_юмамань-арамань_шить_лятфнемац&oldid=413099"-ста