Российскяй Федерациянь Конституциянь шись

Рувики лопаста
Петьф статья
Тя терминть улихть лия смузенза, ванк День Конституции.
Конституциянь шись
Конституциянь экземпляр присягань прьняндаманди Российскяй Федерациянь Президентти
Конституциянь экземпляр присягань прьняндаманди Российскяй Федерациянь Президентти
Типсь Государственнай ила
Официальна Конституциянь шись Российскяй Федерациянь
Ладяф 1993-це кизоня 12-це декабрьста Сембе народть марса вайгялень максомань лемс
Тиись-ладяйсь Ельцин, Борис Николаевич
Ётафневи эрь кизоня
Датась 12-це декабрьста
Сотф Россиянь Коституциять коряс сембе народонь вайгялень максомась
Логотип РУВИКИ.Медиа Российскяй Федерациянь Конституциянь шись

Конституциянь шись — государственнай ила, эрь кизоня васьфневи 12-це декабрьста. Именна 12-це декабрьста 1993-це кизоня ётась сембе народть вайгялень максомац, кона кирдезе странань инь оцю коень прьняндамать[1].

Илать эрямопингоц

Юрса ащи статьясь: История Конституции России

Советскяй Социалистическяй Республикань Союзса Коституциянь Шить васьфнемац аф весть полафнесь, сяс мес основной законць прьняндакшневсь аф весть. Конституциянь васенце шись ульсь ладяф СССР-нь Центральнай Исполнительнай Комитетть декретса 1923-це кизонь 3-це августста (сонць 1924-це кизонь СССР-нь Конституциясь мекольцесь ульсь прьняндаф аньцек 31-це январьста 1924-це кизоня СССР-нь Советонь II-це съездса). Постановлениять коряс инь оцю коень илась ульсь уендезь – сон васьфневсь июлень васенце недляшиста. Но мзярда 1930-це кизоня советскяй предприятиятне ётасть апак сязьф производственнай неделяти, Конституциянь шись ульсь ладяф 6-це июльста. Сяконьбасом сон ляткшнесь покодеманнекс.[2].  

5-це декабрьста 1936-це кизоня VIII-це чрезвычайнай Советонь съездса ульсь прьняндаф од, тяфта лемтьф «сталинскяй», 1936-це кизонь СССР-нь Конституциясь, аа сонь прьняндамац азф сембе народонди илакс. Иосиф Виссарионович Сталинонь пингста СССР-нь Конституциянь шись, илякс лемневи СССР-нь Сталинскяй Конституцянь шикс, арась аф покодемань шикс. Событиять шумбрандафнемац декабрьста мольсь 1976-це кизоти самс[2].

1977-це кизонь СССР-нь Конституциясь од версияц странань основной законць эвондась 1977-це кизоня. Аф официальна сонь лемдезь «развитай социализмань конституциякс». 7-це октябрьста сон ульсь прьняндаф СССР-нь Верховнай Советть аф очередной сессиясонза, конань меле тиевсь СССР-нь закон «Об объявлении дня принятия Конституции (Основного закона) СССР всенародным праздником». 7 октября было праздничным нерабочим днём вплоть до распада СССР в 1991 году[2].  

1993-це кизонь Конституциять анокламац

12-це июньцта 1990-це кизоня РСФСР-нь народнай депутатонь I-це съездсь прьняндась РСФСР-ть государственнай суверенитетонц колга Декларация. Документса китькстафоль, што эряви одкус ладямс од текст основной законти. А мзярс сон ульсь апак аноклак и прьняндаф, тевс нолдафоль 1978-це кизонь РСФСР-нь Конституциясь (петькс мархта)[2].

Народнай депутатонь Съездонь Конституционнай комиссиясь од Конституциять лангса работаманкса ульсь ладяф 1990-це кизонь июньцта. Сонь вятезе РСФСР-нь Верховнай Советть председателец Ельцин, Борис Николаевич. Пцтай ниле кизонь пингста, 1990-це кизоста сявомок 1993-це кизоти самс, эрь кодама политическяй и общественнай движениятнень мархта ульсь ладяф-ванф 20 малава законти вариант, но официальна ванондовсть эздост аньцек кафттне. Ведущай авторкс васенцети ульсть Алексеев, Сергей Сергеевич — РФ-нь президентть видеса частнай правань Исследовательскяй центрань советонь председательсь и Шахрай, Сергей Михайлович — Российскяй Федерациянь правительствать председателенц полафтыец. Омбоце вариантть аноклазь Конституционнай комиссияв сувафтфне Румянцев, Олег Германовичень вятеманц кядяла[2].

Формальна комиссияв сувсесть сядоть малава депутат. Но афкукс Конституциянь проектть лангса покодсть 12–15 ломань, ащесть рабочай группаса. «Моторкс» комиссияти ульсь сонь ответственнай секретарец, 30 кизоса Олег Румянцев. Сонь мархтонза проектть лангса эрекста покодсть нинге аф лама депутат, синь ётксост Шейнис, Виктор Леонидович, Рыжов, Юрий Алексеевич, Золотухин, Борис Андреевич, Шелов-Коведяев, Фёдор Вадимович, Амбарцумов, Евгений Аршакович, Шахрай, Сергей Михайлович. Эксперттнень ёткста ули кода лемдемс Страшун, Борис Александровичень, Мамут, Леонид Соломоновичень, Лафитский, Владимир Ильичень. Задачакс комиссияти ащесь тиемс мировой опытть лангс нежедезь российскяй конституционнай модель.[3]

5-це июньцта 1993-це кизоня РФ президентть Б. Ельцинонь мялен коряс ётафтовсь Конституционнай совещания, коса ульсть государствань азорондай ломатть, местнай самоуправлениянь и общественнай организациянь эзда, коса ульсь кемокстаф од Конституциять мекольце петьксоц. Сяка пингть Съездсь и РФ-нь Верховнай Советсь покодсть основной законть эсь версияснон лангса, кона ладяфоль кемокстамс 17-це ноябрьста 1993-це кизоня народнай депктатонь X-це съездса. Но тевонь вяти президентсь нолдазе народнай депутатонь Советть а мархтост и РФ-нь Верховнай советть, вастозост тяряфтсь тиемс Федеральнай собрания. Но РФ-нь Конституционнай судть мяленц коряс сонь мялец мольсь каршек основной законти. Конституциять коряс РФ-нь Верховнай Советсь лоткафтозень Борис Ельцинонь президентскяй полномочиянзон и синь пяшкодемаснон ётафтозь РФ-нь вице-президентть Руцкой, Александр Владимировичень лангс. Курокста пуроптфоль-кочкафоль народнай депутатонь X-це чрезвычайнай съездсь. Москуса Верховнай советонь зданиясь, коса вятнезь тефнень депутаттне ульсь пякстаф внутренняй войскатнень и милицииять мархта Бориса Ельцинонь приказонц коряс. 3-це октябрьста 1993-це кизоня пряошти ульсть сувафтфт войскат, конат омбоце шиня танкаста ляцендемать вельде тюрезь сявозь парламентонь зданиять. Каршек ащи вятихнень, сяконь лувксса парлмаентонь председательсь и вице-президентсь, ульсть арестовандафт, в[2].

1993-це кизонь октябрьста-ноябрьста конституциянь проектсь, конань шназе Ельцин, ульсь петьф Конституционнай совещанинь оргаттнень мархта: Общественнай и Государственнай палататнень и конституционнай арбитражень Комиссиять Президентсь путозе кяденц указти всенароднай вайгялень максомать ётафтоманц колга 1993-це кизонь 12-це декабрень конституциянь проектть коряс[2].

Эрявсь решандамс кизефкссь всенароднай вайгялень максомать коряс

од конституционнай стройть юронзон лангс нежедезь. Референдумонь сатфтксть сатоманкса эрявсь сембе политическяй вийхненди, аорондайхненди и региоттнендти пуромомс марс од Конституциянь общеприемлемай основатнень перьф, мезсь лездоль Россиять государственнай пуроптоманцты марс. Сембе сяка тя вешсь оцюдонга оцю вийхть политическяй процесса улихненди. Инголе ащесь кодавок кирдемс-учемс пингсь референдумть ушедоманцты — азорондамать апак колак, странать вятеманц инголи сяда лац. О. Г. Румянцев[4]

РФ-нь Конституциять прьняндамац

РФ-нь Конституциять од вариантоц ульсь прьняндаф Россиянь Конституциять всенароднай вайгялень максомать коряс 12-це декабрьста 1993-це кизоня, сувась вийс «Российскяй газетаса нолдамда меле»[5] 25-це декабрьста сяка кизоня. 1994-це кизоня РФ-нь президентсь нолдась укаст «О Дне Конституции Российской Федерации» и «О нерабочем дне 12 декабря». 12-це декабрсь лемтьфоль государственнай илакс[6].

Сембе сяка 2005-це кизоста сявомок Конституциянь шись арась покодеманнекс, но сяконь мархта Россиянь мяляфтомань шикс[7], сяс мес 24-це декабрьста 2004-це кизоня Госдумась прьняндазень петькснень Российскяй Федерациянь Трудовой кодексти, конат сувафтсть полафткст Россиять илань ковгярьксозонза[8].

Койхне

Несмотря на то, что День Конституции является рабочим, 12 декабря по всей стране проходят различные патриотические мероприятия, торжественные митинги, праздничные концерты. Традиционно в этот день награждают заслуженных юристов и судей[9].

Стало доброй традицией в День Конституции вручать первые паспорта россиянам, достигшим в канун праздника 14-летия. В этот день большинство школьников и студентов становятся участниками тематических мероприятий, проводимых в учебных заведениях в честь памятного дня[9].

См. также:

Литература

  • Шахрай С.М. О Конституции: Основной закон как инструмент правовых и социально-политических преобразований. Отделение общественных наук РАН. М.: Наука, 2013. С. 58–59.
  • Бабурин С.Н. Русская государственность и Российское государство в системе ценностей и интересов современной политики, международного и конституционного права: морфология. М: ЮНИТИ-ДАНА, 2018. С. 161.

Примечания

  1. ↑ Указ Президента Российской Федерации от 19.09.1994 г. № 1926. Дата обращения: 10 декабрьста 2021. Архивировано 21 августста 2021 года.
  2. ↑ 1 2 3 4 5 6 7 Антон Новодережкин. День Конституции РФ. Что известно об основном законе страны и празднике в его честь. ТАСС (12 декабрьста 2022). Дата обращения: 8 декабрьста 2023.
  3. ↑ Андрей Гольцблат Историческая правка: как принимали российскую Конституцию. РБК (12 декабрьста 2028). Дата обращения: 10 декабрьста 2023.
  4. ↑ О.Г. Румянцев. К истории создания Конституции Российской Федерации. О работе Конституционной комиссии (1990-1993 гг.) // Из истории создания Конституции Российской Федерации. Конституционная комиссия: стенограммы, материалы, документы (1990–1993 гг.) : в 6 т. / О. Г. Румянцев. — М.: Волтерс Клувер, 1992. — Т. 3. — С. 40. — ISSN 978-5-466-00354-3.
  5. ↑ Конституция Российской Федерации от 25 декабря 1993 года, с изменениями от 30 декабря 2008 года. Российская газета.
  6. ↑ В России отмечают День Конституции. Российский союз молодёжи (12 декабрьста 2020).
  7. ↑ Федеральный закон от 13 марта 1995 г. № 32-ФЗ «О днях воинской славы и памятных датах России» (рус.). Президент России. Дата обращения: 9 декабрьста 2023. Архивировано 26 ноябрьста 2021 года.
  8. ↑ Дума изменила праздничный календарь, Вести (24 декабрьста 2004). Архивировано 14 декабрьста 2014 года. Дата обращения: 10 декабрьста 2023.
  9. ↑ 1 2 День Конституции России: история и традиции праздника. РЕН ТВ (12 декабрьста 2022). Дата обращения: 10 декабрьста 2023.

Ссылки

Сявф"https://mdf.ruwiki.ru/w/index.php?title=Российскяй_Федерациянь_Конституциянь_шись&oldid=417934"-ста