Российскяй Федерациянь Государственнай масторкотфонь шись
| Российскяй Федерациянь Государственнай масторкотфонь шись | |
|---|---|
 Россиянь масторкотфсь | |
| Типсь | Государственнай ила |
| Ладяф | 20-це августста 1994-це кизоня |
| Ётафневи | Россия |
| Датась | 22-це августста |
| Васьфтевомац | 22-це августста |
| Сотф | Россиянь масторкотфть кемокстаманц мархта 1991-це кизоня |
 Российскяй Федерациянь Государственнай масторкотфонь шись | |
Российскяй Федерациянь Государственнай масторкотфонь шись (руз. День Государственного флага Российской Федерации) — официальна кемокстаф Россиянь илатнень эзда фкясь; ладяф 1994-це кизоня Российскяй Федерациянь президентть указонц коряс[1] и васьфневи 22-це августста, лувондови покодемань шикс.
Лемтьф оду ладяф Российскяй Федерациянь масторктофти — Россиянь — «национальнай триколорти».
Илать эрямопингоц
Августонь путчта меле сафоль мяльсь сувафтомс государственнай од символика. Ульсь прняндаф постановления РСФСР-нь национальнай масторкотфть колга. 22-це августа 1991-це кизоня РСФСР-нь Верховнай Советсамащихне шобдавань заседанияса: котфсь туркс ладяф фкя лацонь китьксста акша, сенемаза, якстерь. Серец-келец — 2:3.
20-це августста Акша кудть ваксс пуромсь 200 тёжянень митинг. Веть ульсь ладяф комендантскяй част. Тяка шиня, ризнамань митингть пингста 20-це августста ( Д. Комарень, И. Кричевскяень, В. Усовонь Акша кудоньшавф активисттнень инкса тюрезь каршек васедемста бронетехникать мархта Од Арбатса тоннельть видеса) — митингу сафне лихтсть оцюдонга оцю акша-сенем-якстерь котф.
22-це августста ГКЧП-вса самбе ащихне ульсть сявфт стража алу. СССР-нь Президентсь М. С. Горбачёв семьянц мархта мрдась Форосстаа Москуву веньгучкать Ту-134 самолётса Внуковав. Митингсь, кона пуроптсь 100 тёжяньда лама ломань, кемокстазе государственнай российскяй масторкотфонди — колма тюсонь масторкотфть.
20-це августста 1994-це кизоня Россиянь президентсь Борис Ельцин путозе кяденц «Российскяй Федерациянь Государственнай масторкотфонь шить колга» указть алу, кона ладязе васьфнемс Масторкотфонь шить 22-це августста, Россиянь историческяй массторкотфть одукс ладяманц 1991-це кизонь августонь событиятнень лемс[2].
Официальна тя масторкотфсь ульсь кемокстаф кода РСФСР-нь государственнай масторкотф 1-це ноябрьста 1991-це кизоня.
Масторкотфонь шить васьфтемац
Мероприятиятне васьфтемать коряс 2007 —2008-це кизотнень: 2008-це кизонь сёксети самс Россияса ашезь мярьгондев свободна нолдамс тевс государственнай символикась.
2007
Санкт-Петербург
2007це кизоня васенцеда келиста васьфтевсь Российскяй Федерациянь Государственнай масторкотфонь шись. Ётафтовсть праздниконь тяфтама мероприятият.
- Обедгучкань ляцема Нарышкинонь бастионцта Петропавловскяй ваксарошста тиезь эрь кодама кизонь петербургоряйхне. Илати сафне сембе получасть лентат, галстукт, масторкотфкат Россиянь государственнай символикань мархта.
- Ваксарошть эрямопингстонза васенцеда бастионца торжественнайста кепотьф государственнай масторкотфсь.
Моску
Москуса Масторотфонь шить васьфтема шиня гребной каналса ульсь кепотьф сембода оцю масторкотфсь — 383 м² и 26 килонь сталмоса.
Сочи
Россияса сембода вяри кепотьф масторкотфсь 75 килонь сталмоса и 70 м² площадьса.
2008
Ульяновск
Ётафтовсь торжественнай якафтома Сяськомати 30 кизоть топодеманцты монументть эзда Ленинонь кизонь 100 топодемань шачема шистонза площадти молезь. Инь оцю символсь — 30 метрань кувалмоса масторкотфсь. Тяда башка, тя мероприятияса ульсть активистт эрь кодама политическяй партиятнень эзда[3].
2009
Новосибирск
22-це августста 2009-це кизоня Ленинонь площадьса (ошень пряфкс площадьса) ётась Россиянь флагонь торжественнай тиемась ломанттнень арамаснон-ащемаснон эзда.
2010
Моску
2010-це кизоня российскяй азорондайхнень каршес оппозициянь ширень кирдихнень якафтомасна Москуса Масторкотфть шинц коряс ульсь кардаф. Cятне, кит сембе сяка лиссть Од Арбату российскяй триколорть мархта, ульсть панцефт, 20-шка ломанць ульсть киртьфт, сяконь лувксса Лев Пономарёв, Борис Немцов и Михаил Шнейдер.
Молдавия
Молдавиять пряошсонза — Кишинёвса, Оперань и балетонь театрать видеса ётась турнир историческяй фехтованиять коряс, кона лемтьфоль Россиянь Государственнай масторкотфонь шити. Пуроптыкс ульсь «Молдова Республикань рузонь од ломанень лигась».
2012
Молдавия
Молдавиянь 6 оцю ошнень эса ётафтовсть праздничнай мероприятият Российскяй масторкотфть лемс. Кишинёвса, Бельцыса, Кагулса, Единцыса, Дрокиса и Бричаныцса «Молдова Республикань рузонь од ломаттннь лигась» явондсь российскяй ленточкат, ётафнесь соцкизефнемат, автомобильса, мотоцикласа ардомат и шарьхкотьфнезь эряйхнень илать эрямопингонц колга.
2014
Омск
2014-це кизоня 22-це августста Омскяйса ульсь ладяфоль российскяй флаг 225 автомобилень эзда.
2019
Моску
Москуса илась васьфневсь 22-це августста ушедомок 25-це августти самс[4]. Событиятнень кучкаса — лятфнемань шись: 350 киза «Орёл» российскяй фрегатса акша-сенем-якстерь корабельнай масторкотфть кеподемац .
24-це августста Академикть Сахаровонь проспектса ётафтовсь флешмоб «Флаг-рекордсмен», конань пингста эрявсь келептемс котфсь, кона кочкаф кафта тёжятть российскяй региононь и общественнай организациянь масторкотфста, кона сатозе куроть пяленц. Флешмобта меле проспектса марьсефоль ётафтомс митинг-концерт «Геройхне минь вакссонк». 25-це августста Сюконямань пандть видеса морасть музыканттне (Владимир Девятов, Алексей Хворостян и лиятне).
Примечания
- ↑ Указ от 20 августа 1994 г. № 1714. Дата обращения: 23 августста 2009. Архивировано 18 августста 2025 года.
- ↑ УКАЗ Президента РФ от 20.08.1994 N 1714 «О дне государственного флага Российской Федерации»
- ↑ «В Ульяновской области пройдёт торжественное шествие в честь Дня Российского флага» 22 августа 2008 года
- ↑ Запустить змея, сыграть в рок-группе, приготовить сбитень: как отметить День флага России. Mos.ru (20 августста 2019). Дата обращения: 18 августста 2025. Архивировано 20 августста 2019 года.